Archives for समाचार

बम विष्फोटबाट २ वटा डोजरमा क्षति

काठमाडौँ — सिन्धुली जिल्लाको दुधौली नगरपालिका १४ ककुरठाकुरमा पार्किङमा राखिएको डोजरमा अज्ञात समूहले बुधबार राति प्रेसर कुकर बम विष्फोट गराएका छन् । जिल्ला प्रहरी कार्यालयका अनुसार पार्किङमा राखिएका ६ वटा जेसीबी र स्काभेटरमध्ये प्रेसर कुकर बम विष्फोटबाट दुईवटाको पूर्ण क्षति भएको छ । अन्यको सामान्य सिसा फुटेको छ । प्रहरी उपरीक्षक चक्रबहादुर सिंहका अनुसार मारुती सिमेन्ट उद्योगका लागि ककुरठाकुरको चुनढुङ्गा खानीमा प्रयोग हुँदै आएका मेसिनमध्ये तीन वटामा वम राखेकोमा एउटा विष्फोट भएको हो । दुइटा मेसिनमा अझै बम छ । सिन्धुली र उदयपुर जिल्लाको सिमाना झाक्रीटारमा पार्किङ गरेर जेसिभि स्काभेटर राखिएको थियो । मेसिनमा रहेको बम निस्क्रिय बनाउनका लागि नेपाली
More

ज्यामिर खाने क्रममा मृत्यु

विराटनगर : ज्यामिर खाने क्रममा केस्रा (चानो) घाँटीमा अड्किएर मोरङको कानेपोखरी गाउँपालिका–५ जहदामा एक जनाको मृत्यु भएको छ। ६५ वर्षीय राजकुमार राईको घटनास्थलमै मृत्यु भएको इलाका प्रहरी कार्यालय पथरीका डीएसपी लक्ष्मीराज अधिकारीले जानकारी दिए। उनका अनुसार छिमेकी रत्नबहादुर लिम्बूको घरमा ज्यामिर खाने क्रममा त्यसको केस्रा अचानक घाँटीमा अड्किएको थियो। त्यहाँ रहेकाहरुले घाँटीबाट केस्राबाहिर निकाल्ने प्रयास गरे पनि सम्भव नभएको र अड्किएको केही समयमै श्वासप्रश्वासमा समस्या आएर उनको मृत्यु भएको अधिकारीले बताए। शव पोस्टमार्टमका लागि उर्लाबारीस्थित मंगलबारे अस्पतालमा लगिएको छ। डीएसपी अधिकारीले शवको पोस्टमार्टम गर्ने तयारी भइरहेको बताउँदै घटनाको अनुसन्धान थालिएको जानकारी दिए। अन्नपूर्ण पोष्ट
More

घुस लिएको आरोपमा मालपोतका कर्मचारी पक्राउ

बनेपा,/सेवाग्राहीसँग घुस लिएको आरोपमा मालपोत कार्यालय धुलिखेलका एक कर्मचारी पक्राउ परेका छन् । अख्तियार दुरुपयोग अनुसन्धान आयोगको टोलीले सेवाग्राहीसँग रु २० हजार घुस लिएको आरोपमा मालपोत कार्यालय राजश्व शाखामा कार्यरत नायबसुब्बा रोसकाजी जसपाउलाई बुधबार दिउँसो पक्राउ गरेको हो । जग्गा नामसारी र लालपुर्जा दिने कार्यको सहजीकरणका लागि सेवाग्राहीसँग घुसबापतको रकम लिइसकेको अवस्थामा उनलाई मालपोत कार्यालय परिसरबाट नै अख्तियार दुरुपयोग अनुसन्धानको टोलीले नियन्त्रणमा लिएको काभ्रेपलाञ्चोकका प्रमुख जिल्ला अधिकारी श्रवणकुमार तिमिल्सिनाले जानकारी दिए ।
More

नयाँ नियुक्त गरिएका मन्त्री र राज्यमन्त्रीको शपथ ग्रहण आज

काठमाडौं। प्रधानमन्त्री केपी ओलीले बुधबार मन्त्रिपरिषद पुनर्गठन गरेपछि नवनियक्त मन्त्री र राज्यमन्त्रीको शपथ ग्रहण आज हुँदैछ। बिहीबार विहान ११ बजे राष्ट्रपति कार्यालयमा नवनियुक्त मन्त्री र राज्यमन्त्रीको शपथ ग्रहण हुने राष्ट्रपति कार्यालय शितल निवासले जनाएको छ। प्रधानमन्त्री ओलीले बुधबार दुई राज्यमन्त्रीसहित आठ जना मन्त्रीलाई पदमुक्त गर्दै तीन राज्यमन्त्रीसहित ९ जना मन्त्रीलाई नियुक्त गरेका थिए। प्रधानमन्त्री ओलीले भौतिक पूर्वाधार मन्त्री रघुवीर महासेठ, संघीय मामिला तथा सामान्य प्रशासन मन्त्री लालबाबु पण्डित, श्रम तथा रोजगार मन्त्री गोकर्ण विष्ट, महिला बालबालिका तथा जेष्ठ नागरिक मन्त्री थममाया थापा, उद्योग मन्त्री मातृका यादव र कृषि मन्त्री चक्रपाणि खनाललाई पद मुक्त गर्दै भौतिक पूर्वाधार मन्त्रीमा वसन्तकुमार नेम्वाङ, कृषि
More

जनतालाई अधिकार सम्पन्न बनाउन राज्य बलियो हुनुपर्छ : मुख्यमन्त्री पोखरेल

रुकुमपूर्व। प्रदेश नं– ५ का मुख्यमन्त्री शङ्कर पोखरेलले जनतालाई अधिकार सम्पन्न बनाउनका लागि राज्य बलियो हुनुपर्ने बताएका छन्। प्रदेश नं– ५ को एक मात्र हिमाली जिल्ला रुकुम पूर्वमा पहिलो पटक पुग्नुभएका मुख्यमन्त्री पोखरेलले प्रदेश सरकार सधैँ नागरिकको हकहितको पक्षमा रहेको छ भने। मौलिक कला, परम्परा र संस्कृतिले भरिएको रुकुम पूर्वको पुथाउत्तरगङ्गा गाउँपालिकास्थित तकसेरामा आयोजना गरिएको जनसभालाई सम्बोधन गर्दै उहाँले यस्तो बताएका हुन्। उनले प्रदेशलाई सम्पन्न बनाउनको लागि प्रदेश सरकारले व्यवस्थित योजना बनाएर अगाडि बढिरहेको जानकारी गराए। प्रदेश सरकारले पनि कृषिलाई नै पहिलो प्राथमिकता दिएर अगाडि बढिरहेको बेलामा रुकुम पूर्वको उत्पादनले बजार नपाएको खण्डमा बजारसम्म पुर्याउन अनुदानकोे लागि प्रदेश सरकार तयार
More

कोही पनि भूमिहीन र सुकुम्बासी हुनुपर्दैन : मन्त्री अर्याल

काठमाडौं । भूमि व्यवस्था, सहकारी तथा गरिबी निवारणमन्त्री पद्माकुमारी अर्यालले देशमा अब कोही पनि भूमिहीन बन्नु नपर्ने बताएकी छन् । कास्कीको प्रतिनिधिसभा उपनिर्वाचनका सन्दर्भमा नेपाल कम्युनिष्ट पार्टी (नेकपा) सुकुम्बासी निर्वाचन परिचालन उपसमितिले आज आयोजना गरेको छलफल कार्यक्रममा उनले भूमि विधेयक प्रतिनिधिसभा र राष्ट्रियसभा दुवै सदनबाट सर्वसम्मत पारित भएकाले त्यसकै आधारमा सरकारले भूमिहीन र सुकुम्बासीलाई जमीन उपलब्ध गराउने स्पष्ट पारिन् । संविधानले नै सबै नागरिकलाई आवासको हकको व्यवस्था गरेकाले वर्तमान सरकारको पाँचवर्षे कार्यकालभित्रमा नै सुकुम्बासी र अव्यवस्थित बसोबासको समस्या दीर्घकालीन समाधान गरेर उनीहरुलाई जमीनको मालिक बनाउने मन्त्री अर्यालले उल्लेख गरिन् । उनले भनिन्, ‘सुकुम्बासी व्यवस्थापन देशको वर्षौंदेखिको समस्या हो, यसको समाधानबिना
More

मन्त्रिपरिषद् पुनर्गठनः ८ मन्त्री बर्खास्त, ९ जना नियुक्त (सूचीसहित)

काठमाडौं । प्रधानमन्त्री केपी शर्मा ओलीले बुधबार साँझ मन्त्रिपरिषद पुनर्गठन गरेका छन् । उनले ६ मन्त्री र दुई राज्यमन्त्रीलाई बर्खास्त गरेका छन् । यस्तै ६ मन्त्री र तीन राज्यमन्त्री नियुक्त गरेका छन् । राष्ट्रपति कार्यालयले बुधबार साँझ नै प्रधानमन्त्रीको सिफारिसमा राष्टपतिले मन्त्रीहरुको नियुक्ति, हेरफेर र कार्यविभाजन गरेको जानकारी दिएको छ । प्रधानमन्त्रीका प्रेस सल्लाहकार सूर्य थापाकाअनुसार बिहीबार विहान सपथग्रहण हुनेछ । उपेन्द्र यादवको मन्त्रालय फेरियो नेकपा स्रोतकाअनुसार प्रधानमन्त्री ओलीले उपप्रधानमन्त्री तथा समाजवादी पार्टीका अध्यक्ष उपेन्द्र यादवको मन्त्रालय खोसेर नेकपा नेता भानुभक्त ढकाललाई दिएका छन् । कानुनमन्त्री ढकाल स्वास्थ्यमन्त्री बनेका छन् भने यादवलाई कानून मन्त्रालयको जिम्मेवारी दिइएको छ ।। यादव हाल
More

मन्त्रिपरिषद् पुनर्गठन (को को बने मन्त्री)

काठमाडौं । प्रधानमन्त्री केपी शर्मा ओलीले बुधबार साँझ मन्त्रिपरिषद पुनर्गठन गरेका छन् । बुधबार साँझ पठाइएको सूची औपचारिक रुपमा सार्वजनिक गरिएको छैन । नेकपा स्रोतकाअनुसार प्रधानमन्त्री ओलीले उपप्रधानमन्त्री तथा समाजवादी पार्टीका अध्यक्ष उपेन्द्र यादवको मन्त्रालय खोसेर नेकपा नेता भानुभक्त ढकाललाई दिएका छन् । कानुनमन्त्री ढकाल स्वास्थ्यमन्त्री बन्ने भएका छन् भने उपेन्द्र यादव कानुनमन्त्री हुँदैछन् । यादव हाल भारत भ्रमणमा छन् । हालै सम्पन्न समाजवादी पार्टीर्को बैठकले तत्काल सरकार नछाड्ने निर्णय गरे लगत्तै प्रधानमन्त्रीले यादवको जिम्मेवारी हेरफेर गरेका हुन् । स्रोतकाअनुसार भौतिकपूर्वाधामन्त्री रघुवीर महासेठ, संघीय मामिलामन्त्री लालबाबु पण्डित, महिला बालबालिका तथा जेष्ठ नागरिकमन्त्री थममाया थापालाई हटाइएको छ । तीनै जना पूर्व
More

श्रीलंकामा भाइ राष्ट्रपति, दाइ प्रधानमन्त्री

श्रीलंकाका नवनिर्वाचित राष्ट्रपति गोटभाया राजापाक्षेले आफ्ना दाइ महिन्दा राजापाक्षेलाई प्रधानमन्त्री नियुक्त गरेका छन्। प्रधानमन्त्री रनिल विक्रमासिंघेले राजीनामा दिएसँगै बुधबार गोटभायाले ७४ वर्षीय दाइ महिन्दालाई प्रधानमन्त्री नियुक्त गरेका हुन्। महिन्दा राजापाक्षेले बिहीबार ७० वर्षका भाइ गोटभायासँग पद तथा गोपनियताको सपथ लिने छन्। सपथ लिएको केहीबेरमा उनले मन्त्रीमण्डल विस्तार गर्ने श्रीलंकाली सञ्चारमाध्यमले जनाएका छन्। महिन्दा प्रधानमन्त्री बनेसँगै टापु राष्ट्र श्रीलंकाको सत्ताको साँचो ४ वर्षअघिजस्तै राजापाक्षे परिवारमा आएको छ। महिन्दा सन् २००५ देखि २०१५ सम्म श्रीलंकाका राष्ट्रपति थिए। गोटभायालाई उनले रक्षा मन्त्री बनाएका थिए। यी दुई दाजुभाइले सन् २००९मा २५ वर्ष लामो तमिल विद्रोह दबाएका थिए। त्यही बेला बनाएको ‘टर्मिनेटेर’ को छविले गोटभायाले
More

उपनिर्वाचनका लागि सुरक्षा रणनीति तयार

घोराही । जिल्ला सुरक्षा समिति दाङले यही मङ्सिर १४ गते हुने उपनिर्वाचनका लागि आवश्यक सुरक्षा रणनीति तयार पारेको छ। समितिले भूगोल, सञ्चार, दूरीका हिसाबले सुरक्षा संवेदनशीलताको समेत वर्गिकरण गरेको छ। उपनिर्वाचनका लागि छ मतदानस्थललाई अति संवेदनशील क्षेत्रका रूपमा पहिचान गरिएको प्रमुख जिल्ला अधिकारी गोविन्दप्रसाद रिजालले जानकारी दिए। कूल २६ मतदानस्थललाई संवेदनशील र दुई मतदानस्थललाई सामान्य सूचीमा राखिएको छ। सोही संवेदनशीलतालाई आधार बनाई सुरक्षाकर्मी परिचालनसँगै कार्यसम्पादनमा विशेष ध्यान दिइएको प्रमुख जिल्ला अधिकारी रिजालको भनाइ छ। दुई स्थानमा हुने उपनिर्वाचनका लागि निर्वाचन आयोगले ३४ मतदानस्थल र त्यसभित्र ८२ मतदान केन्द्र तोकेको छ। मतदानस्थलको सुरक्षाका लागि नेपाल प्रहरी, सशस्त्र प्रहरी, नेपाली सेना र
More

कास्कीमा आचारसंहिता उल‌ंघन गरेको ३ उजुरी

पोखरा । निवार्चन आचारसंहिता मिचेको भन्दै मुख्य निर्वाचन अधिकृतको कार्यालय, पोखरामा ३ उजुरी परेको छ । कार्यालयमा पोखरा महानगर, पोखरा १५ वडाध्यक्ष र संघीय समाजवादीविरुद्ध १/१ उजुरी परेको सहायक निर्वाचन अधिकृत रामचन्द्र उपाध्यायले जानकारी दिएका छन् । निर्वाचन आचार संहिता, २०७२ तथा स्थानीय तह निर्वाचन आचार संहिता, २०७३ अनुसार निर्वाचन अवधिभर सम्बन्धित स्थानीय तह तटस्थ र निष्पक्ष रहनु पर्ने उल्लेख छ । ‘निर्वाचन सम्पन्न नभएसम्म प्रचारप्रसारमा संलग्न नहुने, नयाँ कार्यक्रम गर्न नहुने, भवन, सवारी साधन वा अन्य सामग्री प्रयोग गर्न दिन नहुने, पद सिर्जना, विज्ञापन, सुविधा वृद्धि र पुरस्कार दिन नहुने,’ आचारसंहितामा भनिएको छ, ‘कर्मचारीलाई निर्वाचनको काममा बाहेक अन्यत्र सरुवा,
More

मासु खाँदा बैतडीमा १ किशोरीको मृत्यु, एकै परिवारका ९ जना बिरामी

बैतडी । मरेको कुखुराको मासु खाँदा मंगलबार एक किशोरीको मृत्यु भएको छ । मृत्यु हुनेमा पुर्चौंडी नगरपालिका–२ जरसौँका १५ वर्षीया पुष्पा पार्की रहेकी छन् । मासु खाँदा एउटै परिवारका नौ जना बिरामी भएका छन् । शनिबार साँझ मरेको कुखुराको मासु घरपरिवारका सबै सदस्यले खाएको र आइतबारदेखि बिरामी परेका स्थानीयवासी केशव पन्तले जानकारी दिए । मासु खाएपछि वान्ता हुने, झाडापाखला लगायतका लक्षण देखिएको थियो । शनिबार रातिदेखि नै बिरामी परेकी पुष्पाको मंगलबार घरमै मृत्यु भएको हो । मासु खाएपछि ७० वर्षीया पार्वती पार्की, ३३ वर्षीया गङ्गा, आठ वर्षीय राकेश, ३५ वर्षीया जानकी, १२ वर्षीय मनोज, १० वर्षीय रमेश, ६ वर्षीय भुवन,
More

ओलीसँग प्रचण्डले मागे ‘कार्यकारी अध्यक्ष’

काठमाडौं । सत्तारुढ नेपाल कम्युनिस्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ले आफूलाई कार्यकारी अध्यक्ष बनाउनुपर्ने प्रस्ताव अर्का अध्यक्ष केपी शर्मा ओलीसमक्ष राखेका छन् । तर प्रधानमन्त्री एवं अध्यक्ष ओलीले सहमति नजनाएपछि मन्त्रिपरिषद् विस्तार र सभामुख समेत टुंगो लाग्न सकेन । सकेसम्म सोमबार, नभए मंगलबार मन्त्रिपरिषद् विस्तार गर्ने प्रधानमन्त्री ओलीको तयारी थियो । त्यसकै पूर्वतयारीस्वरुप अध्यक्षद्वय ओली र प्रचण्डबीच सोमबार साँझ भेटवार्ता पनि भयो, तर सहमति जुट्न सकेन । स्रोतकाअनुसार अध्यक्ष प्रचण्डले ठूलो संख्यामा मन्त्रीहरु हेरफेर गरेर मन्त्रिपरिषद पुनर्गठन भएको सन्देश दिनुपर्ने मत राखेका थिए । ‘३/४ जना मन्त्री मात्र फेर्ने हो भने सरकारको काम अब प्रभावकारी हुन्छ भन्ने सन्देश जाँदैन,’
More

आज मन्त्रिपरिषद पुनर्गठन हुँदै

काठमाडौँ। लामो छलफल र तयारीपछि प्रधानमन्त्री केपी ओलीले बुधबार (आज) मन्त्रिपरिषद पुनर्गठन गर्ने तयारी गरेका छन्। प्रधानमन्त्री ओलीले त्यसको जानकारी मन्त्रिपरिषद बैठकमै गराएका छन्। मंगलबार बसेको मन्त्रिपरिषद बैठकमा प्रधानमन्त्री ओलीले आफूले बुधबार मन्त्रिपरिषद पुनर्गठन गर्न लागेको जानकारी गराएका थिए। बैठकमा प्रधानमन्त्री ओलीले बुधबार कुनै पनि मन्त्रीलाई कतै नजान पनि भनेका छन्। बुधबार नै मन्त्रिपरिषद पुनर्गठन हुने भएकाले प्रधानमन्त्री ओलीले मन्त्रीहरुलाई बुधबार कतै नजान भनेका हुन्। प्रधानमन्त्रीले मंगलबार मन्त्रिपरिषद बैठकमा ‘मन्त्रिपरिषद् पुनर्गठनको धेरै पहिलेदेखि चर्चा भएको छ। सामान्य हेरफेर हुन्छ। कतिपय नयाँ साथीलाई अवसर दिन पनि यस्तो गर्नुपर्छ। कोही दोहोरिनुहोला, कोही बाहिरिनुहोला, अहिलेसम्म साथ दिनुभयो धन्यवाद। यसलाई अन्यथा नलिइदिनुहोला’ भनेका थिए।
More

शीतलहरबाट जनता प्रभावित नहुने गरि पूर्वतयारी गर्न गृहमन्त्रीको निर्देशन

काठमाडौं । गृहमन्त्री रामबहादुर थापाले चिसो तथा शीतलहरबाट जनता प्रभावित नहुने गरि पूर्वतयारी थाल्न मातहतका निकायलाई निर्देशन दिएका छन् । मंगलबार गृहमन्त्रालयमा बिपद जोखिम न्यूनिकरण तथा व्यवस्थापन कार्यकारी समितिको बैठमा मन्त्री थापाले विपदको समयमा सक्रिय हुने सबै निकायलाई पूर्वतयारीको लागि निर्देशन दिएका हुन् । बैठकमा मन्त्री थापाले जिल्ला विपद् व्यवस्थापन समिति तथा स्थानीय विपद् व्यवस्थापन समितिहरुले शीतलहरको प्रभावबाट सुरक्षित राख्ने उपायहरुको सम्बन्धमा विपद् व्यवस्थापन सम्बन्धी कार्य गर्ने सबै सरकारी तथा गैरसरकारी संघ संस्थाहरु समेतलाई आमन्त्रण गरी पूर्वतयारी र पूर्व प्रवन्ध गर्न निर्देशन दिएका छन् । विपद् व्यवस्थापनको क्षेत्रमा सम्वन्धित जिल्लामा रहेका गैर सरकारी संघ संस्थाहरुलाई समेत हिमपात, चिसो तथा शीतलहर
More

प्रचण्ड सचिवालयले निकाल्यो वक्त‍व्य

काठमाडौं : नेपाल कम्युनिस्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ को सचिवालयले मन्त्रिमण्डल फेरबदलको विषय प्रधानन्त्रीको क्षेत्रधिकार पर्ने भएकाले यसमा प्रचण्डलाई नजोड्न आग्रह गरेको छ। मन्त्रिमण्डल फेरबदलका प्रकाशित समाचारको विषयमा प्रचण्डको निजी सचिवालयले मंगलबार जारी गरेको विज्ञप्तिमा उल्लेख छ, ‘ मन्त्रिमण्डल फेरबदलको विषय प्रधानमन्त्री केपी शर्मा ओलीकै क्षेत्राधिकारको विषय रहेको कुरा अध्यक्ष कमरेड प्रचण्डले बारम्बार जोड दिइरहनुभएको तथ्य सबैमा विदितै छ।’ मन्त्रिमण्डल पुर्नगठनका बारेमा प्रधानमन्त्री केपी शर्मा ओली र अध्यक्ष प्रचण्डबीच पटकपटक भेटवार्ता भएपनि टुंगो लगाउन लाग्न सकेको छैन। कात्तिक मसान्तभित्रै मन्त्रिमण्डल पुर्नगठन हुने घोषणा ओली र प्रचण्डले पहिले नै गर्दै आएको भएपनि आन्तरिक भागबण्डा र किचलोका कारण पुर्नगठन
More

पोलका विज्ञापन हटाउन प्राधिकरण र महानगरबीच गलफती

काठमाडौं । थापाथलीबाट माइतीघर हुँदै बानेश्वर जाने सडकका बिजुलीका पोलहरूमा हेर्नुभयो भने धेरैजसोमा व्यावसायिक विज्ञापनका बोर्ड देख्नुहुन्छ । यी बोर्डले सरकारले बनाएको विज्ञापन ऐनलाई नै गिज्याइरहेका छन् । विज्ञापन ऐनले बिजुलीका पोलमा, टेलिफोनको तार राखिएको पोलमा विज्ञापन बोर्ड राख्न नपाइने स्पष्ट व्यवस्था गरेको छ । तर, थापाथली–बानेश्वरमात्र होइन, काठमाडाैंका अन्यत्र स्थानमा पनि पोलहरूमा विभिन्न कम्पनीका विज्ञापनजन्य सामग्री जतासुकै टाँगिएका पाइन्छन् । विज्ञापन नियमन गर्न बनेको ऐन, २०७५ ले बिजुलीका पोलमा विज्ञापन गर्न रोक लगाएको हो । राष्ट्रपति विद्यादेवी भण्डारीले गत कात्तिक ७ गते प्रमाणीकरण गरेसँगै यो ऐन लागु भइसकेको छ । यो ऐन लागु भएको एक महिनासम्म पोलबाट बोर्डहरू हटाउन
More

गोरु काटेको आरोपमा बागलुङमा चार पक्राउ

गोरु काटेर खाएको आरोपमा प्रहरीले चारजनालाई पक्राउ गरेको छ । काठेखोला गाउँपालिका १ पालाका चार जनाले पालाकै चिहानडाँडामा गोरु काटेर खाएको आरोप लागेपछि प्रहरीले पक्राउ गरेको हो । पक्राउ पर्नेमा ४७ बर्षका यामबहादुर सार्की, २९ बर्षिय रेशम सार्की, २४ बर्षिय आइते किसान र १८ बर्षिय रबि किसान पक्राउ परेका हुन् । उनीहरुको साथबाट गोरु काट्नका लागि प्रयोग भएका बन्चरो र दाउ पनि बरामद गरेको प्रहरी नायव उपरिक्षक झबिन्द्रप्रसाद भट्टराईले बताए । उनीहरुलाई पशुबध सम्बन्धी कसुरमा मुद्दा चलाईनेछ । गाई गोरु मार्न र काट्न कानूनले निशेध गरेको छ । घटना बारे थप अनुसन्धान भैरहेको छ । जनमञ्च
More

गल्कोट घुम्टे महोत्सवलाई सफल बनाउन बागलुङमा मोटरसाइकल ¥याली

गल्कोट घुम्टे महोत्सव २०७६ लाई लक्षित गरेर जिल्ला पर्यटन विकास समिति बागलुङले मोटरसाईकल ¥याली सम्पन्न गरेको छ । गल्कोट महोत्सवको सफलताको कामना संगै जिल्लाको प्रचार प्रसार र पयटर्न भित्राउने उदेश्यले मोटरसाईकल ¥याली सम्पन्न गरेको पर्यटन विकास समिति बागलुङका अध्यक्ष राजु खड्काले जानकारी दिए । गल्कोट लगायत समग्र जिल्लाको पहिचान र तथा पर्यटकीय गन्तव्यको रुपमा बिकास गर्नका लागि गल्कोट महोत्सव महत्वपुर्ण बन्ने बताउदै अध्यक्ष खड्काले त्यसको लागि गल्कोट महोत्सवलाई सबैले भरपुर उपयोग गर्न आग्रह गरे । बागलुङ बजार समीक्षालय चोकबाट शुरु भएको र्यालीले बजारका बिभिन्न भागको परिक्रमा गरी सोही स्थानमा गएर समापन भएको थियो । गल्कोट घुम्टे महोन्सव घुम्टे पर्यटन विकास
More

राष्ट्रपति र प्रधानमन्त्रीद्वारा राजापाक्षलाई बधाई

काठमाडौँ — राष्ट्रपति विद्यादेवी भण्डारी र प्रधानमन्त्री केपी शर्मा ओलीले श्रीलंकाका नवनिर्वाचित राष्ट्रपति नन्दसेना गोटाभया राजापाक्षलाई ट्वीटरमार्फत आइतबार बधाई दिएका छन् । राष्ट्रपति भण्डारीले राष्ट्रपति राजापाक्षको कार्यकालमा नेपाल र श्रीलंकाबीचको मैत्रीपूर्ण सम्बन्ध थप प्रगाढ हुनेमा विश्वस्त रहेको बताएकी छन् । त्यसैगरी प्रधानमन्त्री ओलीले राष्ट्रपति राजापाक्षको कार्यकालमा नेपाल र श्रीलंकाबीचको सम्बन्धलाई अझ बलियो बन्ने बताएका छन् । कान्तिपुर
More