Daily Archives October 9, 2016

बेलायतमा दशैँ टिकाको साईत बिहान साढे दश बजे

फडिन्द्र भट्टराई /लन्डन/ आगामी मंगलवार नेपाली हरुको महान चाड बिजया दशमीको दिनमा बेलायतमा टिका ग्रहण गर्ने शुभ साईत बिहान साढे दश बजे उत्तम रहेको जानकारी स्थानीय पण्डित हरुले दिएका छन । घरमा आफन्तजन हरु बाट टिका ग्रहण गर्दा पूर्व दिशा फर्केर लगाउनु उत्तम रहने कुरा समेत उनीहरुले बताएका छन । शुभ साईतको समय पश्चात जुनसुकै समय पनि टिका जमारा ग्रहण गर्न गराउन सकिने जानकारी बेलायतमा क्रियाशील ज्योतिष पण्डित निलहरी घिमिरेले दिएका छन । उनले शुभ समयको निर्धारण बेलायतका अन्य गुरु ज्यू हरु संगको सल्लाहमा निर्धारण गरिएको बताए । समय प्रतिकुल रहने हरुको हकमा भने दशैँको दिन आफैमा शुभ रहेकोले साईत
More

बेलायतमा समुदायलाई जोड्ने यस्तो दशैं

बेलायतको अल्डरशटस्थित हिन्दु मन्दिरमा नजिकैको गुम्बाबाट फूलपाती भित्र्याएर धार्मिक-सांस्कृतिक सहकार्य, सद्भाव र सहिष्णुताको उदाहरण स्थापित गरिएको छ । अल्डरसटको किंग सेन्टरस्थित नेपाली र भारतीय समुदायको संयुक्त सहभागितामा सञ्चालनमा रहेको मन्दिरमा चलिरहेको नवरात्रिपूजाको सातौं दिन मन्दिरमा भित्र्याइने पवित्र फूलपाती नजिकै रहेको बौद्ध गुम्बाबाट ल्याइएको हो । मन्दिरमा यसअघि पनि दुर्गा पूजा हुँदै आए पनि गुम्बाबाट फूलपाती भित्र्याइएको भने यो पहिलोपटक हो । मन्दिरको मुख्य सञ्चालक ‘शिव कल्चरल समिति’ले गौतम बुद्ध हिन्दू धर्मका नवौं अवतार भएको र पूजनीय भएकाले यसपटक बौद्ध गुम्बाबाट फूलपाती ल्याउने निर्णय गरिएको बतायो । स्थानीय मन्दिर सञ्चालकहरू र गुम्बाका जिम्मेदार पदाधिकारीबीचको संवाद र सहमतिमा यस्तो निर्णय गरिएको शिव
More

बेलायतमा बृहत नृत्य प्रतियोगिता हुने

लन्डन । मनोरन्जनका क्षेत्रमा बेलायती समुदायमाझ परिचित सपन इन्टरटेन्मेन्ट लिमिटेडले यस पटक विल्कुल पृथक कार्यक्रम गर्ने तयारी गरेको छ । उक्त कम्पनीले आगामी २७ नोभेम्बरका दिन ग्रुप डान्स कम्पिटिसन ‘यूके डान्स अफ’ गर्न लागेको हो । शनिबार लन्डनस्थित गोर्खा स्पाइस रेष्टुरेन्टमा आयोजित पत्रकार सम्मेलनमा सपन इन्टरटेन्मेन्ट लिमिटेडका निर्देशक सपनकुमार राईले उक्त जानकारी दिएका हुन् । उक्त कम्पनीले सन् २००८ मा यस्तै नाच प्रतियोगिता ‘ट्यालेन्ट हट’ आयोजना गरेको थियो । झण्डै ८ वर्षपछि अझ परिष्कृत, परिमार्जित र तयारीका साथ वृहत स्तरमा प्रतियोगिता गर्न लागिएको राईले बताए । यस पटक उनलाई साथ दिएकी छन् नेपालकी चर्चित कोरियोग्राफर रिनासा बान्तवा राईले । राई
More

शेफर्डस बुसमा नयाँ नेपाली रेष्टुराँ

पश्चिम लन्डनको शेफर्डस बुसमा ‘नेपाल अथेन्टिक डाइनिङ’ नामक नयाँ रेष्टुरेन्टको औपचारिक थालनी भएको छ । बिहीबार सांझ आयोजित एक कार्यक्रममा ह्यामरस्मिथ एण्ड फुलहामकी मेयर मर्सी उमेय र श्रीमती रितादेवी सिंहले दीप प्रज्वलन र सानो कर्टन उघारेर रेष्टुरेन्टको औपचारिक उद्घाटन गरेका हुन् । कार्यक्रममा आमन्त्रित पाहुनाहरुलाई नेवारी पोशाक लगाएका किशोरीहरुले टिका लगाएर स्वागत गरेका थिए। कार्यक्रमकी प्रमुख अतिथि मेयर उमेयले नेपाल तथा बेलायतबीच दौत्य संबन्ध कायम भएको २०० वर्ष पुरा भएको स्मरण गर्दै रेष्टुरेन्ट सफलताको शुभकामना दिइन् । शेफर्डस बुसमा संसारभरिका खानेकुरा पाइने बताउँदै उनले नेपाली खाना पनि उपलब्ध भएकोमा खुसी व्यक्त गरिन्। रेष्टुरेन्टका एकजना सञ्चालक ओजेश सिंहले सगरमाथा, बुद्ध, गोर्खा
More

मुसलमान समुदायबाट दसैँको शुभकामना

यहाँको मुसलमान समुदायले दसैँका अवसरमा शुभकामना आदानप्रदान गरेको छ । कावासोती कोइलापानीमा बस्ने सो समुदायले पिस सेन्टर नेपाल तथा कोइलापानी मुस्लिम समाजको आयोजनामा भएको कार्यक्रममा बडादसैँ, तिहार र छठका अवसरमा शुभकामना आदानप्रदान गरेको हो । कार्यक्रममा प्रहरी निरीक्षक हरिप्रसाद बिसी, पिस सेन्टरका महासचिव जौन उदिन मियाँ लगायत यस क्षेत्रमा रहेका विभिन्न सङ्घसंस्थाका प्रतिनिधि, बुद्धिजीवी, सञ्चारकर्मी लगायतको सहभागिता थियो । सो अवसरमा विश्व हिन्दू महासङ्घका केन्द्रीय सदस्य नन्दप्रसाद अर्यालले मुसलमान समुदायले समेत दसैँमा देखाएको चासोप्रति खुसी व्यक्त गर्दै यसबाट सामाजिक सद्भाव कायम गर्न सहयोग पुग्ने बताउनुभयो । रासस
More

श्रीमतीको हत्या आरोपमा पक्राउ

मेलौलीमा श्रीमतीको हत्या आरोपमा मेलौली–१ द्वारिकाचोकका विजय नायक पक्राउ परेका छन् । विजयकी श्रीमती कमला शुक्रबार आफ्नै पसलको धुरीमा डोरीमा झुन्डिएको अवस्थामा फेला परेकी थिइन् । कमलाको माइती पक्षले आत्महत्या नभई श्रीमानले कुटपिट गरी हत्या गरेको भनेर उजुरी दिएपछि प्रहरीले विजयलाई पक्राउ गरेको जिल्ला प्रहरी कार्यालय बैतडीका प्रहरी नायब उपरीक्षक बालनरसिंह राणाले राससलाई जानकारी दिनुभयो । कमलाको शवपरीक्षणपछि दाहसंस्कार गरिसकिएको बताइएको छ । कमलाले आत्महत्या गरेको हो वा श्रीमान्ले हत्या गरेको हो भन्नेबारे अनुसन्धान जारी रहेको जिल्ला प्रहरी कार्यालय बैतडीले जनाएको छ । फलेवास (पर्वत) – ससुरासँग अवैध सम्बन्ध भएको शङ्कामा पर्वतको दक्षिणमा पर्ने बर्राचौर गाविसकी एक महिलालाई श्रीमान्ले हत्या
More

दलितले छुनसम्म पाउँदैनन् भगवतीमाईको मन्दिर

यहाँका अधिकांश भगवतीमाईको मन्दिरमा दलित जातिका स्थानीयवासीलाई प्रवेश गर्न दिइँदैन । भगवतीमाईको मन्दिर छोएमा अनिष्ट हुने र देवी रिसाउने भन्ने गलत मान्यताका कारण यहाँका दलित जातिले मन्दिर छुन नपाएका हुन् । दलित जातिका मानिसले भगवतीमाईलाई ल्याएका फलफूल, जमरा, अन्य प्रसादका सामग्री ब्राह्मणले चढाउने चलन छ । अन्य जातिका मानिसले भगवतीमाईको मन्दिरमा सहज रुपमा ध्वजा, प्रसाद आफँै चढाउन पाए पनि दलित जातिका लागि भने ब्राह्मण वा माथिल्लो जातिका मानिसको सहारा लिनुपर्ने बाध्यता रहेको सक्ला–२ का रामबहादुर विकले बताउनुभयो । जिल्लाका २६ गाविस र एक नगरपालिका समेतका दलित जातिलाई भगवतीको मन्दिरमा आफँै पूजा, फलफूल चढाउन नदिएको पाइएको छ । पुरानो पुस्ता विगतदेखिको
More