Daily Archives 13th December 2016

गोविन्द केसीकै शैलीमा मेडिकल कलेज खोल्न पाउँ भन्दै अनसन बस्ने

काठमाडौं । स्वास्थ्य शिक्षा नागरिक सरोकार समाज, मेचीका अध्यक्ष चैतन्य प्रकाश मैनालीले झापाको विर्तामोडमा रहेको बिएन्डसी मेडिकल कलेज शिक्षण अस्पताललाई एक महिनाभित्र सञ्चालन अनुमति नदिए आमरण अनशन बस्ने चेतावनी दिनुभएको छ । यहाँ आज पत्रकार सम्मेलन गर्दै उहाँले सम्झौताका कारण रु पाँच अर्ब बढीको लगानीमा सम्पूर्ण पूर्वाधार पूरा गरी सञ्चालन अनुमतिका लागि प्रक्रिया अघि बढेको अस्पताल सम्झौताका कारण अलपत्र परेको बताउनुभयो । उहाँले भन्नुभयो, “हामीले सम्पूर्ण तयारी पूरा गरिसक्यौँ, अर्बौंको लगानी जोखिममा छ । सरकारले एक व्यक्तिको माग पूरा गर्ने बाहानामा अन्यलाई अन्याय गरेको छ । एक महिनाभित्र सञ्चालन अनुमति नदिए डा गोविन्द केसीकै शैलीमा टुँडिखेलमा आमरण अनशन बस्छु ।”
More

कतारमा आप्रवासी कामदारलाई नयाँ श्रम कानुन

दोहा । मंगलबारदेखि कतारले आप्रवासी कामदारका लागि नयाँ श्रम कानुन कार्यान्वयनमा ल्याएको छ । आप्रवासी कामदारका लागि निकै नै कठोर मानिएको ‘कफाला’ प्रणाली संशोधन गरी नयाँ श्रम कानुन लागु गरिएको हो । कतार सरकारले कफाला प्रणालीमा संशोधन गरी कामदारलाई थप अधिकार प्रदान गर्ने श्रम कानुन लागु गरिएको हो । कफालालाई आधुनिक दास बनाउने प्रणाली भन्दै चर्को आलोचना गरिएपछि विश्वकपको आयोजना गर्ने तयारी गरिरहेको कतारले कामदारलाई सहज बनाउने नियम लागु गरेको हो । नयाँ स्पोन्सरसिप प्रणालीले रोजगारदाता, कर्मचारी वा प्रवासी कर्मचारीका सम्बन्धलाई नियमन गर्नेछ । कतारको मन्त्रिपरिषद्ले गत वर्ष नयाँ कानुनको मस्यौदा बनाई अमिरलाई पठाएकामा अमिरबाट डिसेम्बर १३ अर्थात् आजैका मितिबाट
More

थ्री स्टारले माग्यो एन्फासँग ६ करोड

काठमाडौं । अखिल नेपाल फुटबल संघ (एन्फा) सँग थ्री स्टार क्लबले क्षतिपूर्तिस्वरुप ६ करोड माग गरेको छ । नेपाली फुटबलमा सर्वाधिक लोकप्रिय क्लब थ्री स्टारले फुटबल प्रतियोगिता एएफसी कप २०१६ को छनोट प्ले–अफ खेल्नबाट वञ्चित भएपछि थ्री स्टारले मंगलबार ललितपुरमा पत्रकार सम्मेलन गर्दै एन्फासँग ६ करोड क्षतिपूर्ती माग गरेको हो । थ्रीस्टारले यो मामिला टुंगो नलागेसम्म फुटबलसम्ब्न्धी कुनै गतिविधिमा भाग नलिने घोषणा गरेको छ । थ्री स्टारले एन्फाको छानविन समितिलाई अस्वीकार गरेको छ र राष्ट्रिय खेलकुद परिषद्, ओलम्पिक कमिटी र खेलकुद मन्त्रालयलाई छानविन गर्न आग्रह गरेको छ । एन्फाले उपाध्यक्ष वीरबहादुर खड्काको नेतृत्वमा छानविन समिति गठन गरेको थियो ।
More

सेल्फी लिंदै

किरात राई यायोक्खा ललितपुरले नखिपोटमा मङ्गलबार आयोजित साकेला उधौली कार्यक्रममा सेल्फी तस्बिर लिंदै युवतीहरु । तस्बिर : रोशन सापकोटा
More

स्थानीय निकाय निर्वाचन गराउन तीन दल सहमत

ललितपुर । नेपाली काँग्रेसका सभापति शेरबहादुर देउवाले पुरानै संरचनामा आधारित भएर स्थानीय निकायको निर्वाचन गराउन तीन ठूला राजनीतिक दलबीच सहमति भएको बताउनुभएको छ । नेपाल तरुण दल केन्द्रीय समितिद्वारा आज काँग्रेस केन्द्रीय कार्यालय सानेपामा आयोजित नवनिर्वाचित तरुण दलका पदाधिकारीका लागि राखिएको प्रतिज्ञासभालाई सम्बोधन गर्दैै उहाँले संविधान कार्यान्वयनको सिलसिलामा पुरानै संरचनामा भए पनि स्थानीय निकायको निर्वाचन गराउन बाध्यता रहेको बतउनुभयो । देश सङ्घीयतामा गइसकेकाले २०७४ माघ महिनासम्म स्थानीय, प्रान्तीय तथा केन्द्रीय तहको निर्वाचन गराउन आवश्यक रहेको उहाँको धारणा थियो । “संविधानको कार्यान्वयन गराउन काँग्रेसको काँधमा जिम्मेवारी आएको छ”– उहाँले भन्नुभयो । यसका लागि सबै राजनीतिक दल एक ठाउँमा उभिनुको विकल्प छैन
More

थप ८० मेगावाट विद्युत् आयात गर्ने

काठमाडौं । नेपाल विद्युत् प्राधिकरणले वैकल्पिक उपाय प्रयोग गरेर थप ८० मेगावाट विद्युत् आयात गर्ने भएको छ । मुलुकमा सहज रुपमा विद्युत् उपलब्ध गराउने लक्ष्यका साथ निर्माण गरिरहेको ढल्केबर सवस्टेसन निर्माण सम्पन्न हुन केही दिन लाग्ने भएपछि प्राधिकरणले वैकल्पिक उपाय गरेर सो परिमाणको विद्युत् आयात गर्न लागेको हो । ढल्केबर–मुजफ्फरपुर अन्तरदेशीय प्रसारण लाइनलाई १३२ केभीमा चार्ज गरेर थप ८० मेगावाट विद्युत् आयात गर्न लागिएको प्राधिकरणले जनाएको छ । प्राधिकरणको तालिकाअनुसार थप विद्युत् आगामी पुस २१ गतेसम्म नेपालको केन्द्रिय ग्रीडमा जोडिनेछ । सो कार्यका लागि पावर ग्रीड इन्डियाले भारतको मुजफ्फरपुर सवस्टेसनमा नेपालका लागि थप विद्युत् उपलब्ध गराउन २२०÷१३२ केभी प्रसारण लाइनमा
More

उपल्लो मुस्ताङका विद्यार्थी

चिसोका कारण गाउँको विद्यालय बन्द भएपछि पोखरामा रहेको घुम्ती विद्यालयमा पढ्न जान लागेका उपल्लो मुस्ताङका विद्यार्थी जोमसोममा । तस्बिर: सन्तोष गौतम ।
More

ऊर्जा सम्मेलन हुँदै

काठमाडौं । आगामी दश वर्षमा दश हजार मेगावाट विद्युत् उत्पादन गर्ने लक्ष्यसहित सरकारको संयोजनमा स्वतन्त्र ऊर्जा उत्पादकको संस्था(इपान)ले यही मङ्सिर ३० गतेदेखि आगामी पुस १ गतेसम्म दुई दिवसीय ‘ऊर्जा सम्मेलन’को आयोजना गर्ने भएको छ । सम्मेलनमा नेपाल, भारत, चीन, दक्षिण कोरिया, जापान, नर्वे, संयुक्तराज्य अमेरिका, बेलायत, अष्ट्रेलिया, विभिन्न देशका जलस्रोतविज्ञ, बैंक तथा वित्तीय संस्था, बिमा कम्पनी, यहाँस्थित कुटनीतिक नियोगका प्रमुख तथा प्रतिनिधिलगायतको सहभागिता रहने आज यहाँ आयोजित पत्रकार सम्मेलनमा जानकारी दिइयो । सम्मेलनलाई प्रधानमन्त्री पुष्पकमल दाहाल‘प्रचण्ड’ले दश हजार मेगावाट जलविद्युत् उत्पादनको विषयमा विशेष सम्बोधन गर्ने कार्यक्रम रहेको इपानका अध्यक्ष खड्गबहादुर विष्टले जानकारी दिनुभयो । सम्मेलनलाई ऊर्जामन्त्री जनार्दन शर्मा, ऊर्जा सचिव
More

प्रधानमन्त्रीको आह्वानमा प्रमुख तीन दलको बैठक

काठमाडौं । प्रधानमन्त्री पुष्पकमल दाहाल प्रचण्डसहित प्रमुख तीन दलका शीर्ष नेताबीच आज बिहान संविधान संशोधन, निर्वाचनलगायत विषयमा सकारात्मक छलफल भएको छ । उहाँहरुबीच छिट्टै अर्को बैठक बसी विद्यमान राजनीतिक समस्याबारे समाधान खोज्ने सहमति भएको बैठकपछि नेपाली काँग्रेसका सभापति शेरबहादुर देउवाले बताउनुभयो । उहाँले संविधान संशोधन प्रस्ताव फिर्ता लिन लागिएको हो भन्ने पत्रकारको प्रश्नमा अहिले फिर्ता नहुने जनाउनुभयो । नेकपा (एमाले) का अध्यक्ष केपी शर्मा ओलीले मुलुकलाई निर्वाचनतर्फ केन्द्रित गराउने र निर्वाचनसम्बन्धी कानुनको तर्जुमा लगायत विषयमा गम्भीर छलफल भएको प्रतिक्रिया दिनुभयो । संसदमा संविधान संशोधन विधयेक दर्ता भएपछि प्रमुख दलका शीर्ष नेता पहिलो पटक छलफलमा जुटेका हुन् । प्रमुख प्रतिपक्षी एमालेले
More

घले दम्पतीका कारण एनआरएनको शिर उच्च — उपाध्यक्ष पन्त (भिडियो)

फ्रयांकफोर्ट (जर्मनी) — नेपाली कांग्रेस भातृसंस्था नेपाली जनसम्पर्क समिति यूरोप क्षेत्रको २ दिन भेला ८ बुँदे घोषणापत्र जारी गर्दै सम्पन्न भएको छ। सोमवार फ्रयांकफोर्टस्थित होक्टरर्स होफ होटलमा आयोजित भेलापछि जारी गरिएको घोषणा पत्रमा संविधान संशोधन लगायतका विषयमा सामाजिक सञ्जालबाट कांग्रेसविरूद्ध सुनियोजित प्रहार भइरहेको भन्दै त्यसविरूद्ध एकढिक्का भएर प्रतिरोध गर्ने निर्णय गरिएको छ। घोषणा पत्रमा संविधान संशोधन लगायतका विषयमा सामाजिक सञ्जालबाट कांग्रेसविरूद्ध सुनियोजित प्रहार भइरहेको भन्दै त्यसविरूद्ध एकढिक्का भएर प्रतिरोध गर्ने निर्यण गरेको छ। ‘मधेस आन्दोलन तथा संविधानप्रति असन्तुष्ट पक्षलाई समेट्ने उद्देश्यले नेपाली कांग्रेसले अगाडि सारेको राजनीतिक मार्गदिशालाई लिएर नेपाली कांग्रेस तथा पार्टी नेतृत्वबिरुद्ध नियोजित रुपमा सामाजित सञ्जालमा भैरहेको आक्रमणप्रति यो
More

किराँतहरु उधौली पर्व मनाउँदै

काठमाडौं । किराँत समुदायले हर्षोल्लासका साथ आज(मंगलबार) उधौली पर्व मनाइरहेका छन् । उधौली पर्व मानिस, जनावर तथा चराचुरुङ्गी लेकतिरबाट बेसीतिर बसाई सर्ने समय भएको संकेत गर्न तथा अन्नबाली भित्र्याएको खुसीयालीमा मनाइने चलन छ । प्रकृतिपूजक किरात समुदायको भाषा, संस्कार र संस्कृतिले आ–आफ्नो पहिचान दिलाउने र अस्तित्व जोगाउने भएकाले उधौलीका अवसरमा संसारभरका किरात समुदायले यो पर्व मनाउने गर्दछन् । विशेष गरी किरात राईको बसोबास रहेको पूर्वी पहाडि जिल्ला भोजपुर, धरान, सुनसरी, उदयपुर, खोटाङ, ओखलढुंगा, सोलुखुम्बुलगायत काठमाडौंमा यो पर्व मनाउने गरिन्छ । उधौलीका अवसरमा एकै ठाउँमा भेला भएर दुःख–सुख साट्दै संस्कृति झल्क्याउने पोशाकमा हातमा झ्याम्टा, ढोल, चमर र सेउली लिएर किसात समुदायका
More

रोनाल्डो फिफा वर्ष खेलाडी

लन्डन । पोर्चुगलका फुटबल खेलाडी क्रिश्चियानो रोनाल्डोले यस वर्षको बलुन डे ओर उपाधि जितेका छन् । फिफा वर्ष खेलाडी समेत भनिने यो उपाधि जित्न रोनाल्डोले स्पेनिस फुटबल क्लव बार्सिलोनाका लियोनल मेस्सीलाई पछि पारेका हुन् । स्पेनिस क्लब रियाल मड्रिडबाट व्यावसायीक फुटबल खेल्दै आएका रोनाल्डोले आफ्नो राष्ट्र पोर्चुगललाई युरो कप विजेता बनाउन महत्वपूर्ण प्रदर्शन गरेका थिए । यो समेत रोनाल्डोले चार पटक बलुन डे ओर उपाधि हात पारेका छन् । अर्जेन्टाईनी फुटबल स्टार मेस्सीले भने ५ पटक यो अवार्ड जितिसकेका छन् । फिफा वर्ष खेलाडीमा सन् २००८ यता यीनै दुई खेलाडीले बर्चश्व जमाएका छन् । उता बेलायती संस्था बीबीसीले प्रदान गर्ने
More

विद्युत् चोरी नौ अर्बको

काठमाडौं । विद्युत् प्राधिकरणले चुहावट नियन्त्रण अभियान सुरु गरेको दुई महिनामा करिब तीन प्रतिशत नियन्त्रण गरे पनि अझै एक अर्ब आठ करोड युनिट बिजुली गायब भएको छ। औसत बिक्री मूल्यका हिसाबले यो चुहावटबाट प्राधिकरणलाई ठाडै नौ अर्ब ३० करोड रुपैयाँ (प्राधिकरणको वार्षिक घाटाभन्दा बढी) नोक्सान परेको छ । प्राधिकरणको वितरण तथा ग्राहक सेवा निर्देशनालयले सोमबार तयार पारेको आँकडाअनुसार जडित क्षमताका आधारमा प्रणालीमा हाल स्वदेशका निजी क्षेत्रले उत्पादन गरिरहेको दुई सय एक मेगावाट बराबरको बिजुली चुहावट भएको छ। यति बिजुली उत्पादन गर्ने आयोजना निर्माण गर्न अहिलेको मूल्यमा ३० अर्ब रुपैयाँ लाग्छ । लुकाइएको बिजुली सर्वसाधारणलाई वितरण गरेर देशलाई लोडसेडिङमुक्त प्रायः बनाएको
More

नेपालको विषयलाई लिएर भारतलाई चीनको चुनौती

काठमाडौं । चीनले नेपाल ढुवानीका लागि चिनियाँ कार्गो रेल सञ्चालनबारे भारतले दिएको अभिव्यक्तिमा कडा प्रतिक्रिया जनाउँदै भारतले यस्तो ठाने अन्त्यहीन समस्या निस्कने चेतावनी दिएको छ । चिनियाँ सरकारी प्रकाशन ‘ग्लोबल टाइम्स’ दैनिकमा आइतबार प्रकाशित लेखमा ‘चिनियाँ सामाग्री निर्यातलाई भारतमा निर्मित वस्तुको विक्रीको चुनौतीका रुपमा लिइए त्यसले अन्त्यहीन समस्या निम्त्याउने’ प्रतिक्रिया उल्लेख भएको छ। ग्लोबल टाइम्सलाई वैदेशिक नीतिमा चीन सरकारको आधिकारिक धारणा सार्वजनिक गर्ने पत्रिकाको रुपमा लिइन्छ । लेखमा चिनियाँ कार्गो रेल सञ्चालन विषयमा भारतले नेपालको बजार खोस्न लागेको ठाने त्यसले चीन–भारत सम्बन्धमै समस्या ल्याउने चेतावनी दिइएको छ।भारतले चीनबाट नेपाली सामान रेलमा आइरहेको बारे भारतीय व्यापारको स्वतन्त्र प्रतिस्पर्धाविहीन पहुँचलाई नराम्रोसँग प्रभावित
More