Daily Archives February 23, 2017

नेपाल एयरलाइन्सको उडिरहेको जहाज लिलाममा

काठमाडौं । उडिरहेको बोइङ ७५७ लिलाममा निकालिएको छ । नेपाल एयरलाइन्स सञ्चालक समितिले कम्तिमा १७ करोडबाट बोल कबोल निकालेको छ । बढीमा किन्न चाहने को निस्कन्छ भन्न सकिन्न । तर यो जहाजको कौडीका मोलमा लिलाम निकालिएको हवाई विज्ञहरुले बताएका छन् । स्मरणी छ, यही जहाजको जोडा जहाज १८ वर्ष पहिले लिलाम गरियो, जुन जहाज अहिले पनि अफ्रिकामा उडिरहेको छ । २ थान वाइड बढी जहाज किन्न सञ्चयकोषले पैसा दिएपछि बैना पठाउनासाथ यो जहाज लिलाममा निकालिएको हो । यो सबै कमिशनको खेल भ्रष्टाचारीहरुको झेल भनेर निगमभित्रै हल्लाखल्ला चलिरहेको छ । यही हप्ता यो जहाजको टेण्डर लिलामको नोटिस खुल्छ । सकार्नेले यो
More

प्रहरी महानिरीक्षकसम्बन्धी रिटको सुनुवाइ आउँदो मंगलबार

काठमाडौं । नेपाल प्रहरीका महानिरीक्षकमा जयबहादुर चन्दलाई नियुक्त गर्ने मन्त्रिपरिषद्को निर्णयविरुद्ध सर्वोच्च अदालतमा परेको रिट निवेदनको सुनुवाइ आज पनि ‘हेर्दाहेर्दै’मा सकिएको छ । सो निवेदनमाथिको सुनुवाइका क्रममा बुधबारदेखि बहस सुरु भए पनि धेरै अधिवक्ताले बहसमा भाग लिएका कारण लम्बिएको हो । सुनुवाइका लागि यही फाुगन १७ गतेलाई पुनःतोकिएको छ । अधिवक्ता कपिलदेव ढकालले वरियता मिचेर प्रहरी महानिरीक्षक बनाउन लागिएको जिकिर गर्दै प्रधानमन्त्री तथा मन्त्रिपरिषद्को कार्यालय र अन्य चार जनाविरुद्ध गत माघ २८ गते र यही फागुन १ गते महानिरीक्षकको प्रतिस्पर्धामा रहनुभएका प्रहरी नायब महानिरीक्षक नवराज सिलवालले सर्वोच्चमा रिट निवेदन दायर गर्नुभएपछि अदालतले चन्दको पदबहाली रोक्ने अन्तरिमकालीन आदेश जारी गरेको थियो
More

नेपालको संविधान (दोस्रो संशोधन) माथि विचार गरियोस् भन्ने प्रस्ताव स्वीकृत

काठमाडौं । ‘नेपालको संविधान (दोस्रो संशोधन), २०७३’ माथि विचार गरियोस् भन्ने प्रस्ताव व्यवस्थापिका–संसद्को बहुमतले आज स्वीकृत गरेको छ । सरकारले गत मङ्सिर १४ गते सो प्रस्ताव संसद्मा दर्ता गरेको थियो भने पुस २४ गते होहल्ला र विरोधका बीच व्यवस्थापिका–संसद् बैठकमा पेस गरेको थियो । विपक्षी दल नेकपा (एमाले) लगायतले संशोधनका विपक्षमा संसद्मा निरन्तर अवरोध गरेकाले त्यसयता त्यसमाथि छलफल हुन सकेको थिएन । संशोधनका लागि एक दिन संसद्ले ‘नेपालको संविधान (दोस्रो संशोधन) २०७३’, माथि थप संशोधन प्रस्ताव दर्ता गराउन चाहने सांसदलाई यही फागुन १५ गते कार्यालय समयभित्रको समयसीमा दिएको छ । सभामुख ओनसरी घर्तीले संशोधनमाथि संशोधन दर्ता गराउन चाहनेका लागि समय
More

काँग्रेस नेत्री एमाले प्रवेश

काठमाडौं । नेपाली काँग्रेस रसुवाका पूर्वजिल्ला सदस्य सीता अधिकारी आज नेकपा (एमाले) मा प्रवेश गर्नुभएको छ । उहाँलाई एमालेका महासचिव ईश्वर पोखरेलले आज पार्टी केन्द्रीय कार्यालय धूम्रबाराहीमा प्रवेश गराउनुभएको हो । ‘एमालेले हाल लिएको राष्ट्रवादी अडान सही भएकाले’ आफू पार्टी प्रवेश गरेको अधिकारीले बताउनुभयो । महासचिव पोखरेलले एमालेका पक्षमा देशव्यापी जनलहर पैदा भएको जिकिर गर्दै पार्टी नेपाली जनताका प्रतिनिधिले जारी गरेको संविधान कार्यानवयनको पक्षमा दृढतापूर्वक उभिने बताउनुभयो । उहाँले भन्नुभयो, “संविधान संशोधनका नाममा औचित्यहीन प्रस्ताव स्विकार्न सकिँदैन, संविधान जलाउने र च्यात्ने तथा संविधानको आत्मा मार्ने काम गर्न पाइँदैन, एमाले त्यसको विपक्षमा छ ।” एमालेका केन्द्रीय सदस्य सुजिता शाक्यले अधिकारीलाई अखिल
More

मानवअधिकार सम्बन्धी फोटो प्रदर्शनी

भक्तपुर । मानवअधिकार उल्लंघनका घटनाबारे जानकारी दिने उद्देश्यले ग्रामीण क्लब हाउस नेपालले भक्तपुरको सल्लाघारीमा एक दिने चित्रकला प्रदर्शनी आयोजना गरेको छ । नेपाली कांगे्रसका युवा नेता तथा नेपाल तरुण दलका पूर्व अध्यक्ष विनोद कायस्थले प्रदर्शनीको उद्घाटन गर्दै विश्वव्यापी रुपमा मानवअधिकार उल्लंघनका घटना बढ्दै गएकोमा चिन्ता व्यक्त गरे । उनले नेपालमा पनि विभिन्न तबरबाट मानवअधिकार उल्लंघनका घटना बढ्दै गएको र कतिपय घटनामा राजनीतिक संरक्षण समेत पाएको चर्चा गर्दै यसलाई रोक्न आम नागरिक सचेत हुनुपर्ने औंल्याए । कार्यक्रममा आयोजक क्लब हाउसका अध्यक्ष मुकुन्द सुवेदीले उत्तर कोरियामा भइरहेको मानवता र लोकतन्त्र विरोधी क्रियाकलापबारे नेपाली नागरिकलाई स्थानीय स्तरमै जानकारी दिँदै सचेत गराउने उद्देश्यले चित्रकला
More

नक्कली प्रहरी बनी लुटपाट गर्ने पूर्व नेपाली सेनासहितको गिरोह पक्राउ

काठमाडौं । आफूहरु अख्तियार दुरुपयोग अनुसन्धान आयोगबाट आएको प्रहरी भन्दै न्युरोडबाट दाजुभाइलाई अपहरण गरी रकम लुट्ने पूर्व नेपाली सेनासहितको छ जनाको गिरोहलाई प्रहरीले पक्राउ गरेको छ । अपराध महाशाखाको टोलीले ती लुटेरालाई बुधबार विभिन्न स्थानबाट पक्राउ गरी आज सार्वजनिक गरेको हो । पक्राउ पर्नेहरुमा रुकुम, रनमा माइकोटका विश्वास घर्तीमगर, धन कुमार परियार गोरखा, ताप्ले गाविसका नारायण बानियाँ, अशोक बानियाँ, शिवबहादुर बानियाँ गोरखा नगरपालिकाका सुदीप थापा मगर रहेका छन् । पक्राउ परेकामध्ये शिवबहादुर बानियाँ र अशोक बानियाँ पूर्व नेपाली सेना रहेको प्रहरीले जनाएको छ । गत मङ्गलबार न्युरोडस्थित ग्लोबल आइएमई बैंकबाट प्रेमनारायण खराल र विधान खरालले चेक साटी नगद रु चार
More

जुत्ता सिलाएरै लखपति

बाजुराको मार्तडीमा अपाङ्गता भएका कल्चु सार्कीले २० वर्षदेखि जुत्ता सिलाएर लखपति बनेका छन् । तस्बिर : प्रेमबहादुर रौले
More

फोनबाट एक करोड फिरौती रकम माग्ने पक्राउ

काठमाडौं । मुकुल फाईनान्स लिमिटेडका सञ्चालकसंग ठूलो रकम असुल गर्ने उद्देश्य राखी विभिन्न व्यक्तिको नामबाट सिमकार्ड निकाली मुकुल फाईनान्सका सञ्चालकलाई फोन तथा एसएमएस गरि धाकधम्की दिइ डर त्रास देखाइ एक करोड रुपैयाँ माग्नेलाई प्रहरीले पक्राउ गरेको छ । माग गरि माग गरेको रकम नदिए अपहरण गरी ज्यान मार्ने समेतको धम्कीदिने कार्यमा संलग्न जिल्ला धादिङ, जिवनपुर गाविस-५ स्थायी वतन भई हाल का।जि।का।म।न।पा। नयाँबजार बस्ने विदुर पौडेललाई अपराध महाशाखाको प्रहरी टोलीले हिजो पक्राउ गरेको हो ।
More

पाशुपत क्षेत्रमा जोगी बाबाको चहलपहल

काठमाडौं । काठमाडौँको वनकाली तथा पाशुपत क्षेत्रमा अहिले जोगी बाबाको चहल पहल बढेको छ । प्रत्येक वर्ष शिवरात्रिमा मेला भर्न स्वदेशका विभिन्न स्थान तथा भारतका विभिन्न मठमन्दिरबाट जोगी बाबा दर्शनाथीको आउने क्रम जारी छ । शिवरात्रिको अवसरमा पशुपतिनाथको दर्शन गरेमा पुण्य हुने जनविश्वास छ । कोषले यस वर्ष करिब चार हजार जोगी बाबा आउने अनुमान गरेको छ । नाङ्गा बाबाको पनि आगमन सुरु भएको छ । उनीहरुलाई पशुपतिनाथको मन्दिरभित्र राख्ने व्यवस्था मिलाइएको छ । विभिन्न सङ्घ संस्थाले पशुपतिनाथ आसपासमा आजैदेखि स्वयम् सेवा सञ्चालन गरेका छन् । आउने भक्तजनको सुविधाका लागि ठाउँठाउँमा भोजन, स्वास्थ्य शिविर, भजन किर्तनलगायतका व्यवस्था मिलाइएका छन् ।
More

स्थानीय निर्वाचनको मिति फिर्ता लिन माग

काठमाडौं । नयाँ शक्ति पार्टी नेपाल र संघीय समाजवादी फोरमले सरकारले गरेको स्थानीय निर्वाचनको मिति फिर्ता लिन माग गरेको छ । बिहीबार बिहान नयाँ शक्तिका संयोजक डा. बाबुराम भट्टराई र फोरम नेपालका अध्यक्ष उपेन्द्र यादवले संयुक्त विज्ञप्ति जारी गर्दै यस्तो माग गरेका हुन् । विज्ञप्तिमा राजनीतिक दलहरूको भागबण्डा र सत्ता स्वार्थको आधारमा घोषणा गरिएको स्थानीय निर्वाचनको मिति फिर्ता गरियोस् भनेर उल्लेख गरिएको छ । अध्यक्ष यादव गत आइतबार दिल्ली भ्रमणमा गएका थिए । यादव दिल्लीबाट फर्केपछि नयाँशक्तिका संयोजक डा. भट्टराईले संयुक्त रुपमा विज्ञप्ति निकालेर निर्वाचनको मिति घोषणा फिर्ता लिन आग्रह गरिएको हो । यो घटनालाई नेपाली राजनीतिक वृत्तमा अर्थपूर्ण रुपमा
More