Daily Archives March 9, 2017

गाडी दुर्घटनामा चौधको मृत्यु

जाजरकोट । सदरमुकामबाट साल्मा–५ खारातर्फ गइरहेको ना३ख २२७९ नंको यात्रुवाहक बस आज दुर्घटनामा पर्दा चौध जना यात्रुको निधन भएको छ । भेरीमालिका नगरपालिका–४ पासागाड खोलामा भएको दुर्घटनामा १३ जना घाइते भएको प्रहरीले बताएको छ । घाइतेलाई जिल्ला अस्पतालमा ल्याइएको छ । त्रिचालिस यात्रु सदरमुकामबाट गएको चलानी पुर्जीमा उल्लेख छ । बस ४०० मिभन्दा अग्लो भिरबाट खसेको प्रहरीले जनाएको छ । तीव्र गतिका कारण दुर्घटना भएको अनुमान गरिएको छ । घटनास्थलमा उद्धार जारी छ ।
More

वैशाखदेखि मिर्गौला प्रत्यारोपण निःशुल्क

काठमाडौं । यसै वर्षदेखि मिर्गौला रोगीको निःशुल्क डायलासिस गरेको सरकारले आगामी वर्ष वैशाख १ गतेदेखि प्रत्यारोपण सेवा पनि निःशुल्क गर्ने भएको छ । विश्व मिर्गौला दिवसका अवसरमा मानव अङ्ग प्रत्यारोपण केन्द्र र आरोग्य प्रतिष्ठानले आज यहाँ आयोजना गरेको कार्यक्रममा स्वास्थ्यमन्त्री गगनकुमार थापाले स्वास्थ्य कर कोषको रकम स्वास्थ्य सेवामा खर्च गर्ने गरी सरकारबाट सञ्चालित अस्पतालबाट प्रत्यारोपण निःशुल्क गर्न लागिएको जानकारी दिनुभयो । रोगीका लागि आवश्यक औषधिका सहज बनाउन विश्वका स्थापित औषधि कम्पनीसँग छलफल भइरहेको र छिट्टै निर्णयमा पुग्ने मन्त्रालयले जनाएको छ । स्थानीय तहसम्म नसर्ने रोगको पहिचानका लागि यसै वर्ष एक हजार स्वास्थ्य चौकीमा सुरु गर्न लागिएको र आउँदो वर्षसम्म सबै
More

विश्वकै सबैभन्दा बढी तौल भएकी महिलाको शल्यक्रिया सम्पन्न

नयाँ दिल्ली । विश्वकै सबैभन्दा बढी तौल भएकी इजिप्टकी महिला एमान अहमद अब्देल अटीको तौल नियन्त्रणका लागि भएको शल्यक्रिया सफलताका साथ सम्पन्न भएको छ । छत्तिस वर्षीया एमान मुम्बईस्थित सैफी अस्पतालमा बिहीबार सफलतापूर्वक शल्यक्रिया सम्पन्न भएको छ । यही जनवरीमा इजिप्टबाट तौल घटाउनकै लागि उक्त अस्पतालमा भर्ना गरिएको थियो । अस्पतालको प्रत्यक्ष निगरानीमा बसी उपचार गर्ने क्रममा उहाँको १०० किलोग्राम तौल घटिसकेको अस्पतालले जनाएको छ । एमानको सफल ल्यापरोस्कोपिक स्लिभ ग्यास्ट्रेक्टोमी भएको अस्पतालद्वारा जारी विज्ञप्तिमा जनाइएको छ । अहिले उहाँलाई रसिलो सुप लगायतका खानेकुरा खुवाउन सुरु गरिएको छ । उहाँको शरीर शल्यक्रियाका लागि बेहोस पारिए पनि अहिले क्रमशः सुधार आएको
More

स्थानीय तहमा महिलाको भूमिका

चितवन । आगामी वैशाख ३१ गते स्थानिय निकायको निर्वाचन तोकिएसगै  निर्वाचनलाई सफल बनाउन स्थानिय तथा जिल्ला स्तरमा अन्तरक्रिया, छलफल तथा गोष्ठीहरु पनि आयोजना भइरहेका छन् । स्थानिय निकायमा ४० प्रतिशत महिला सहभागिताको प्रावधान नेपाल सरकारले ल्याएकाले पनि  महिला प्रतिनिधित्व गराउन पनि यस्ता कार्यक्रमहरु आयोजना भइरहेका हुन् । यसैबीच बिहीवार मात्रै पनि आगामी स्थानीय तहको निर्वाचनमा महिला सहभागिता बढाउन स्थानिय तहमा महिलाको भुमिका विषयक छलफल कार्यक्रम आयोजना गरिएको छ । चित्रवन नगरपालिकाका  कार्यलय गुन्जनगर मा भएको सो कार्यक्रम चित्रवन नगरपालीकाको  सहयोग र सञ्चारिका समूह चितवनको आयोजनामा भएको  हो । कार्यक्रममा चितवन क्षेत्र नं. ४ का सांसद रामकृष्ण घिमिरेले अन्य देशको तुलनामा
More

प्राध्यापक सुवेदीद्वारा संविधान पुनरावलोकन आयोग गठन गर्न माग

लन्डन । ग्लोबल पोलिसी फोरम फर नेपालका अध्यक्ष तथा बेलायतको लीड्स विश्वाविद्यलयका अन्तरराष्ट्रिय कनूनका प्राध्यपाक ब्यरिस्टेर प्रा. सूर्यप्रसाद सुवेदी क्यूसीले नेपाल सरकार तथा सबै प्रमुख दलहरुलाई नेपालको संविधानको पुनरावलोकन गर्न विशेषज्ञहरु सम्मिलित एक स्वतन्त्र आयोग गठन गर्न आव्हान गर्नुभएको छ । विहीबार जारी एक वक्तव्यमा प्रा. सुवेदीले चारजनाको ज्यान जानुका साथै अरु कैयौं घाइते हुनेगरी सोमबार सप्तरीमा प्रदर्शनकारीहरुमाथि प्रहरीले गोली चलाएको घटनाप्रति गहिरो चिन्ता व्यक्त गर्नुभएको छ । उहांले सबै पक्षलाई अत्यधिक संयम अपनाउन तथा हिंसात्मक गतिविधिमा सहभागी नहुन पनि आग्रह गर्नुभएको छ । ‘नेपालमा शान्ति अझै धर्मराउंदो स्थितिमा छ । हतारमा र हचुआका आधारमा लेखिएको र देशभित्रकै प्रमुख राजनीतिक
More

राप्रपाको २ मन्त्री थपिए, थापा उप तथा स्थानीय विकास मन्त्री

काठमाडौं । राष्ट्रिय प्रजातन्त्र पार्टीले पार्टीका अध्यक्ष कमल थापालाई सरकारमा सहभागी गराउने भएको छ । पार्टीका सहप्रवक्ता मोहन श्रेष्ठले अध्यक्ष थापाले उपप्रधान तथा सङ्घीय मामिला तथा स्थानीय विकास मन्त्रालयको जिम्मेवारी पाउनुहुने जानकारी दिनुभयो । सोही पार्टीका प्रमुख सचेतक दिलनाथ गिरीलाई पर्यटन मन्त्रालयको जिम्मेवारी दिइने भएको छ । अहिले साँझ ६ बजे शपथ गराइने श्रेष्ठले जानकारी दिनुभयो । यसअघि सो पार्टीका तर्फबाट दीपक बोहरा र विक्रम पाण्डे अहिलेको मन्त्रिपरिषद्मा सहभागी हुनुहुन्छ ।
More

भारतीय सुरक्षा फौजको गोली लागेर एक नेपालीको निधन

धनगढी । भारतीय सीमा सुरक्षा बल एसएसबीले गोली हानेर एक नेपालीको हत्या गरेको छ । कञ्चनपुरस्थित नेपाल–भारत सीमा क्षेत्र आनन्द बजारका नेपालीलाई कुटपिट गरेपछि एसएसबी विरुद्ध स्थानीय प्रतिकारमा उत्रेका थिए । गोली लागेर स्थानीय गोविन्द गौतमको मृत्यु भएको छ । कम्मरमा गोली लागेर गम्भीर घाइते भएका उनलाई धनगढीस्थित सिपी अस्पतालमा पुर्‍याइएको थियो । तर, चिकित्सकले मृत घोषणा गरेका छन् । आनन्दबजारबाट धनगढी २० किलोमिटरको दूरीमा पर्छ । विवादले उग्र रुप लिँदा बुधबार साँझ एसएसबीका जवानले नेपाली भूमिमा छिरेर नेपालीहरुलाई कुटपिट गरी घाइते बनाएका थिए । भारतीय सुरक्षाफौजको ज्यादतीको विरोधमा बिहीबार बिहान ९ बजे स्थानीय नेपालीहरु सीमा बन्द गराएर बिरोधमा उत्रिएका
More

जुनसुकै अवस्थामा पनि वैशाख ३१ मा चुनाव हुन्छ : नेता पौडेल

फलेवास । नेपाली काँग्रेसका वरिष्ठ नेता रामचन्द्र पौडेलले जुनसुकै अवस्थामा पनि वैशाख ३१ मा स्थानीय तहको निर्वाचन भएरै छाड्ने ठोकुवा गर्नुभएको छ । आज बिहान पर्वत सदरमुकाम कुश्माबजारमा आयोजित कार्यकर्ता भेलालाई सम्बोधन गर्दै नेता पौडेलले वैशाख ३१ गते निर्वाचन नहुने हो भने कुनै पनि तहको निर्वाचन गर्न नसकिने विचार व्यक्त गर्नुभयो । उहाँले मिति घोषणासँगै सिङ्गो मुलुक चुनावमय बनेको बताउँदै अब किन र केका लागि रोक्न वा स्थगन गर्नुपर्ने भन्ने कारण नै नरहेको बताउनुभयो । नेता पौडेलले मधेसवादी दलहरुले भन्दैमा कुनै पनि हालतमा चुनाव स्थगन नहुने दाबी गर्नुभयो । उहाँले स्थानीय तहको निर्वाचनमा पनि नेपाली काँग्रेसलाई बहुमतसहितको पार्टी बनाउनुपर्ने बताउनुभयो
More

सप्तरी घटनाबारे एमालेले सबै जिल्लामा सभा गर्ने

काठमाडौँ । एमालेले सप्तरी घटनाबारे पार्टी कार्यकर्तालाई जानकारी दिन आज काठमाण्डौंमा अगुवा कार्यकर्ता भेला गर्दैछ । आम जनता र पार्टी कार्यकर्तालाई सप्तरी घट्नाबारे जानकारी दिन एमालेले देशभरका सबै जिल्लामा सभा पनि गर्नेछ । सभाको मिति तय गरी कार्यक्रम गर्न एमालेले सबै जिल्ला कमिटीलाई निर्देशन दिइसकेको छ । एमालेको मेची–महाकाली अभियान बिथोल्ने क्रममा मधेसी मोर्चा र प्रहरीबीचको झडपका कारण ४ जनाको मृत्यु भएको थियो । मधेसका विभिन्न जिल्लामा एमालेका पार्टी कार्यालय, नेता–कार्यकर्ता तथा सर्वसाधारणका घर, सार्वजनिक सम्पत्तिमा आगजनी र तोडफोड भइरहेकाले आवश्यक सुरक्षा व्यवस्था मिलाउन एमालेले सरकारसँग माग पनि गरेको छ । फागुन २७ देखि मेची–महाकाली अभियानका कार्यक्रम निरन्तर जारी रहने
More

इनास युरोप प्रतिष्पर्धाका लागि जर्मनीबाट कलाकारहरू छनौट

म्युनिख । यही आउँदो १३ र १४ अप्रिलमा डेनमार्कको राजधानी कोपेनहेगनमा आयोजना हुने पाँचौं यूरोप स्तरीय सम्मलेन (5th INAS Europe Continental (Regional) Meeting 2017) सहितको बृहत कार्यक्रम अन्तर्गत पाँचौ युरोपस्तरीय नृत्य (5th INAS EU Single Dance Competition 2017) र दोश्रो युरोपस्तरीय गायन प्रतियोगिता (2nd INAS EU Single Singing Competition 2017) मा भाग लिन इनास जर्मनीले पनि आफ्नो कलाकारहरू छनौट कार्य सम्पन्न गरेको छ। जर्मनीका बिभिन्न शहरबाट आएका कलाकारहरु बिच भिडियो अडिसन कार्यक्रम गरी इनास जर्मनीले नृत्य तर्फ दुई र गायन तर्फ दुई कलाकारलाई छनौट गरिएको हो। त्यहि अनुरुप छनौट हुनेहरुमा गायनतर्फ सुमन रेग्मी र लक्ष्मी तमांग हुनुहुन्छ भने नृत्य तर्फ
More