Monthly Archives April 2017

तीन दिनअघि बेपत्ता बालकको हत्या

लहान । सिरहाको नरहा–३ खोरियास्थित घरबाटै तीन दिनअघि बेपत्ता भएका दुईवर्षे बालकको हत्या गरी गाडिएको अवस्थामा आज बिहान शव फेला परेको छ । बालकको हत्यामा संलग्न रहेको आरोपमा बालकका काका सुरेश यादवलाई प्रहरीले पक्राउ गरेको छ । गत बुधवार साँझ घरबाटै अचानक बेपत्ता भएका खोरिया निवासी भरोसी यादवको दुईवर्षे छोरा रञ्जनकुमार यादवको टाउको काटेर घर नजिकैको बारीमा गाडिएको अवस्थामा शव फेला परेको इप्रका कार्यालय मिर्चैयाको प्रहरी नायब उपरीक्षक गजुसिद्ध बज्राचार्यले जानकारी दिनुभयो । बेपता बालकको खोजी गर्ने क्रममा घर नजिकैको बारीमा शव गाडिएको अवस्थामा फेला परेको हो । घटनाबारे थप अनुसन्धान भइहेको उहाँको भनाइ छ । यस्तै पोखरीमा डुबेर सिरहा
More

एक किलो सुनसहित तीन पक्राउ

सुरुङ्गा । प्रहरीले एक किलो सुनसहित तीन जनालाई पक्राउ गरेको छ । विशेष सूचनाको आधारमा प्रहरीले आज बिहान शिवसतासी नगरपालिकाको झिलझिले भन्ने स्थानबाट उक्त परिमाणको सुनसहित तीन जनालाई पक्राउ गरेको हो । पक्राउ पर्नेको नाम भने सार्वजनिक गरिएको छैन । सुन कसको हो ? भन्ने विषयमा अनुसन्धान भइरहेको जिल्ला प्रहरी कार्यालयका प्रहरी उपरीक्षक शैलेश थापा क्षेत्रीले बताउनुभयो । यसअघि शुक्रबार प्रहरीले चन्द्रगढी विमानस्थलबाट एक सय किलो चाँदीसहित दुई जनालाई पक्राउ गरेको थियो ।
More

एमाले कार्यकर्ताद्वारा आफ्नै पार्टी कार्यालयमा तालाबन्दी

मेलम्ची । नेकपा (एमाले) सिन्धुपाल्चोकमा प्रमुखको विषयलाई लिएर एमाले कार्यकर्ताले आज आफ्नै पार्टी कार्यालयमा तालाबन्दी गरेका छन् । एमाले स्थायी कमिटीले आज मेलम्ची नगरपालिकाको प्रमुखमा डम्बर अर्याललाई उम्मेदवार बनाउने निर्णयसँगै एमाले कार्यकर्ताभित्रका असन्तुष्ट पक्षले क्षेत्रीय कार्यालय मेलम्चीमा तालाबन्दी गरेका हुन् । मेलम्ची नगरपालिका प्रमुख पदका लागि जिल्लाबाट धर्मकृष्ण श्रेष्ठ, डम्बर अर्याल, मित्रलाल चौलागार्इं, बालकृष्ण देउजालाई केन्द्रमा सिफारिस गरिएको थियो । तर एमाले स्थायी कमिटीले अर्याललाई उठाउने निर्णय गरेसँगै तालाबन्दी गरेको एमालेका एक नेताले जानकारी दिनुभयो । प्रमुखका लागि सबैको माग धर्मकृष्ण श्रेष्ठ भएको र पार्टीले जनभावना विपरीत निर्णय गरेको भन्दै एमाले कार्यकर्ताले आपत्ति जनाएका छन् । हरेक क्षेत्रमा पार्टीले एउटै
More

पत्रकार भेटघाट

वरिष्ठ नेता रामचन्द्र पौडेल काँग्रेस केन्द्रीय प्रचारप्रसार समन्वय समितिले शनिबार केन्द्रीय कार्यालय सानेपामा आयोजना गरेको पत्रकार भेटघाट कार्यक्रममा मक्तव्य गर्दै । तस्बिर : रोशन सापकोटा
More

संविधान संशोधनमा सहयोग गर्ने काँग्रेसको प्रस्ताव एमालेद्वारा अस्वीकार

भक्तपुर । नेपाली काँग्रेसले संविधान संशोधन विधेयक पारितका लागि सहयोग गर्न गरेको आग्रह नेकपा (एमाले)ले अस्वीकार गरेको छ । आज भक्तपुरको बालकोटस्थित एमाले अध्यक्ष केपी शर्मा ओली निवासमा भएको काँग्रेस र एमालेको शीर्ष नेताको भेटवार्ताका क्रममा संविधान संशोधनमा एमालेले सहयोग गर्न नसक्ने बताएको हो । छलफलका लागि सत्तारुढ नेपाली काँग्रेसका सभापति शेरबहादुर देउवासहित वरिष्ठ नेता रामचन्द्र पौडेल र नेता कृष्ण सिटौला एमाले अध्यक्ष ओली निवास बालकोट पुग्नुभएको थियो । भेटमा देउवाले ओलीलाई मधेसवादी दललाई चुनावमा ल्याउनका लागि संविधान संशोधन आवश्यक रहेको बताउँदै यसमा सहयोग गर्न आग्रह गर्नुभएको थियो । जवाफमा ओलीले संविधान संशोधन प्रतिगामी र जनविरोधी भएको भन्दै सहयोग गर्न
More

निर्वाचनको मिति सर्दैन : देउवा

काठमाडौ । नेपाली कांग्रेसका सभापति शेरबहादुर देउवाले स्थानीय तहको निर्वानको मिति कुनै पनि हालतमा नसर्ने दाबी गर्दै पूर्वनिर्धारित मितिमा चुनाव भइछाड्ने बताएका छन् । पार्टीको केन्द्रीय प्रचारप्रसार समन्वय उपसमितिले शनिबार पार्टी कार्यालय सानेपामा आयोजना गरेको पत्रकार सम्मेलनमा बोल्दै देउवाले छिट्टै संसदमा दर्ता भएको संशोधन प्रस्ताव पारित हुने र बैशाख ३१ र जेठ ३१ गते चुनाव भइछाड्ने बताए । चुनाव सर्छकि भन्ने आशंका नगर्न आग्रह गर्दै उनले भने, ‘यो निर्वाचन महत्वपूर्ण हो । दुई मितिमा तोकिएकै मितिमा निर्वाचन हुन्छ ।’मधेसी दलहरुको माग सम्बोधन गर्नको लागि नै दुई चरणमा चुनाव गर्न लागिएको भन्दै सत्तारुढ दल मधेसी दलको माग पूरा गर्न निरन्तर लागिपरेकाले
More

मतगणना र बजेट दुई चरणको निर्वाचनपछि

काठमाडौं । संसद्मा प्रतिनिधित्व गर्ने राजनीतिक दलका शीर्ष नेताको सर्वदलीय बैठकमा दुवै चरणको निर्वाचनपछि बजेट ल्याउने र मतगणना गर्ने विषयमा दल सकारात्मक देखिएका छन् । प्रधानमन्त्री निवास बालुवाटारमा प्रधानमन्त्री पुष्पकमल दाहाल ‘प्रचण्ड’ले आह्वान गर्नुभएको बैठकमा दुई चरणको निर्वाचन गर्दा बीचमा बजेट ल्याउन पनि नसकिने र एक चरणको निर्वाचन सकेर मतगणना गर्दा अर्को निर्वाचन प्रभावित हुने भएकाले दुवै चरणको निर्वाचनपछि मतगणना गर्ने विषयमा दल सकारात्मक देखिएको प्रधानमन्त्रीका प्रेस सल्लाहकार गोविन्द आचार्यले जानकारी दिनुभयो । बैठकपछि नेकपा (एमाले) का प्रमुख सचेत भानुुभक्त ढकालले बैठकमा धेरै दलले निर्वाचन एकै चरणमा गर्नुपर्छ भन्ने सुझाव दिएको र यदि दुई चरणमा निर्वाचन भएमा बजेट ल्याउने र
More

आगलागीमा ६० घर जलेर नष्ट

खजुरा । जिल्लाको डुडुवा गाउँपालिका–१ होलियाको छिटाइपूर्वामा गए राति भीषण आगलागी भएको छ । एक्कासि भएको आगलागीले फुसले छाएको करिब ६० कच्ची घर जलेर नष्ट भएको जिल्ला प्रहरी कार्यालय बाँकेले जनाएको छ । त्यहाँका स्थानीयवासी, नेपाल प्रहरी र सशस्त्र प्रहरी बलको सहयोगमा आगो नियन्त्रणमा लिइएको थियो । आगलागीबाट भएको क्षति विवरण पूर्ण रुपमा नआएको प्रहरीले जनाएको छ ।
More

बढी शुल्क फिर्तामा निजी विद्यालय अटेरी

काठमाडौं । शुल्कका सम्बन्धमा सरकारी नीति र मापदण्ड उलङ्घन गर्दै आएका निजी विद्यालय सञ्चालकले शिक्षा मन्त्रालय र विद्यार्थी सङ्गठनबीच भएको सहमति कार्यान्वयनमा पनि अटेर गर्ने देखिएको छ । निजी विद्यालयमा मापदण्ड विपरीत बढाइएको शुल्क १५ दिनभित्र फिर्ता दिलाउनेसहित चारबुँदे सहमतिमा मन्त्रालय र विद्यार्थी सङ्गठनबीच सहमतिसँगै विद्यार्थी सङ्गठनको जारी आन्दोलनका कार्यक्रम फिर्ता भएको थियो । वार्तामा सहभागी नभएका निजी तथा आवासीय विद्यालय अर्गनाइजेसन (प्याब्सन) का अध्यक्ष विजय सम्बाफाम्फेले कहाँ बढी शुल्क लिइएको हो र के विषयमा कसले सहमति गरेको भन्ने आफूहरुलाई कुनै आधिकारिक जानकारी नभएको प्रतिक्रिया दिनुभयो । “त्यस्तो भएको हो भने हामी बुझेर, अध्ययन गरेर निर्णयमा पुग्छाँै ।” उहाँले भन्नुभयो,
More

बागलुङमा निर्वाचनको तयारी तीव्र

बागलुङ । स्थानीय तह निर्वाचनको तयारी तीव्र पारिएको छ । जिल्ला निर्वाचन कार्यालय व्यवस्थापकीय काममा जुटेको छ । गाउँ गाउँमा मतदाता शिक्षा दिन स्वयम्सेवक खटिएका छन् । नब्बे प्रतिशत निर्वाचन सामग्री आइसकेको जिल्ला निर्वाचन अधिकारी विकासचन्द्र शर्माले जानकारी दिनुभयो । “मतदानस्थलमा पठाउने सामग्री तयारी हालतमा राखेका छौँ”, शर्माले भन्नुभयो । उहाँका अनुसार मतपेटिका, मतपत्र, नउड्ने मसीलगायत केही सामग्री मात्र आउन बाँकी छ । सुरक्षा प्रबन्ध र जनशक्ति व्यस्थापनको काम पनि अघि बढेको जनाइएको छ । जिल्लाका चार नगरपालिका र छ गाउँपालिकाका एक सय ३ मतदानस्थलमा एक हजार सात सय ४६ जनशक्ति खटिने छन् । अपुग जनशक्ति स्थायी शिक्षकबाट पूर्ति गरिने
More

दिपकको जाली माया सार्वजनिक (भिडियो)

काठमाडौं । गायक दिपक लिम्बूको ‘जाली माया’ सार्वजनिक भएको छ । प्रथम ‘नेपाली तारा’ समेत रहेको दीपकको ‘जाली माया’ बोल गीतको यो भिडियो यु–ट्युब तथा विभिन्न टेलिभिजन च्यानलमार्फत एक साथ सार्वजनिक भएको हो । गायक तथा संगीतकार उत्तमजंग लिम्बूको शब्द-संगीत रहेको ‘किन लाउँछौं जाली माया’ भिडियोलाई युगल पोमु लिम्बूले निर्देशशन गरेका हुन् । भिडियोमा गायक दिपकका अलावा मोडल पविता राई र पुष्पल खड्कालाई फिचरिङ गरिएको छ । गीतको भावअनुसार भिडियोमा मोडल पविता सुरुमा पुष्पलसँग जाली माया लाउँछन् । तर, त्यो कुरा दिपकले थाहा पाएपछि पवितालाई पुष्पललाई समर्पित गर्छन् । भिडियो गीतअनुसार कलामत्क रुपमा उतारिएको छ । यस भिडियोका लागि मोडल
More

सेना परिचालनको निर्णयप्रति फोरमको आपत्ति

काठमाडौं । स्थानीय तहको निर्वाचनमा नेपाली सेना परिचालन गर्ने सरकारको निर्णयप्रति सङ्घीय समाजवादी फोरम नेपालले आपत्ति जनाएको छ । सो पार्टीले आज विज्ञप्तिमार्फत नेपाली सेना जस्तो व्यावसायिक सङ्गठनलाई चुनावी सुरक्षाका नाममा देशको आन्तरिक मामिलामा परिचालन गर्दा यसको गरिमा, प्रतिष्ठा र वर्षांैदेखि कायम रहिआएको व्यावसायिकतामाथि आँच पुग्न सक्ने जनाएको छ । “सेनाको भूमिकालाई विवादित हुन नदिन निर्वाचनमा सेना परिचालन गर्ने सरकारको निर्णयप्रति गम्भीर आपत्ति प्रकट गर्दै निर्णय तत्काल फिर्ता लिन सङ्घीय समाजवादी फोरम, नेपाल जोडदार माग गर्दछ”, अध्यक्ष उपेन्द्र यादवद्वारा जारी विज्ञप्तिमा उल्लेख छ । पार्टीले स्थानीय तहको चुनाव दुई चरणमा गराइए पहिलो चरणको मत परिणामले दोस्रो चरणको चुनावी नतिजालाई प्रभावित
More

‘ब्लड मनी’ का लागि पहल गर्न सरकारसँग माग

काठमाडौं । सडक दुर्घटना गराएको आरोपमा साउदी अरबमा जेल परेका दुई नेपालीका आफन्तले अदालतको आदेश अनुसारको ‘ब्लड मनी’ का लागि आफूहरुसँग रकम नभएको भन्दै सरकारसँग सहयोगको लागि आग्रह गरेका छन् । कुलेखानी, मकवानपुरका दिनेश गोले र मध्यबिन्दु नगरपालिका, नवलपरासीका थानेश्वर भुसालका आफन्तले आज यहाँ पत्रकार सम्मेलन गरी आफूहरु गरिब परिवार भएकाले अदालतले आदेश गरेअनुसारको ठूलो रकम तिर्न नसक्ने भएकाले सरकारको तर्फबाट सो रकम मिनाहा गर्न वा रकम तिर्नका लागि पहल गरी दिन माग गरेका हुन् । गोलेका बुबा ठूलाकान्छा गोलेले आफ्नो छोरा साउदीमा ट्याङ्कर चालकको काम गरिरहेको र सोही क्रममा रोकीराखेको ट्याङ्करमा जिपले ठक्कर दिँदा जिपमा सवार चार जनाको मृत्यु
More

संविधान संशोधनको पक्षमा सुविधाजनक दुई तिहाई !

काठमाडौं । सरकारले व्यवस्थापिका–संसदमा दर्ता गराएको संविधान संशोधन प्रस्तावको पक्षमा दुई तिहाइ मत पुग्न नदिन एमालेसहितका प्रतिपक्षी दलहरुले प्रयास गरिरहँदा सरकारले भने संशोधनको पक्षमा दुई तिहाइ मत पुगेको दाबी गरेको छ । सरकारले शनिबारसम्म संविधान संशोधन प्रस्तावमाथि नै संशोधन हालेर भए पनि एमालेसहित सहमतिको प्रयास जारी राख्ने जनाएको छ । संविधान संशोधनको पक्षमा दुई तिहाइ मत पुर्‍याउन अहिले कायम रहेको सदस्य संख्या ५९३ मध्ये ३९६ मत पुर्‍याउनुपर्छ । अहिले सत्तापक्ष र विपक्षमा देखिएको मत गन्दा स्पस्टरुपमा यही हुन्छ भन्ने अवस्था छैन । तर, केही विपक्षी दलसमेत सत्तारुढ दललाई सघाउन तयार भएको सरकारको बुझाइ छ । अर्कोतिर विपक्षी एमालेसहितको गठबन्धनले आफूहरुसँग
More

पराजुली ओमनको राजदूतमा नियुक्त

काठमाडौं । राष्ट्रपति विद्यादेवी भण्डारीले श्रीलङ्काका लागि नेपाली राजदूतमा विश्वम्भर प्याकु-याल र ओमानका लागि नेपाली राजदूतमा शर्मिला पराजुली (ढकाल) लाई आज नियुक्त गर्नुभएको छ । राष्ट्रपतिले नेपालको संविधानको धारा २८२ को उपधारा (१) बमोजिम मन्त्रिपरिषद्को सिफारिसमा उहाँहरुलाई नियुक्त गर्नुभएको राष्ट्रपतिको कार्यालयले जनाएको छ ।
More

मुटु अस्पताल

गौतमबुद्ध सामुदायिक स्वास्थ्य संस्था बुटवलद्धारा संचालित गौतमबुद्ध सामुदायिक मुटु अस्पतालले संचालन गरेको क्याथ ल्याब सेवा कक्ष । यो सेवा सुरु भएको एक सातामा सुनवल नवलपरासी निवासी ५८ वर्षिय रामबहादुर नगरकोटीको पहिलो पटक एन्जियोप्लाष्टी गरिएको छ । तस्वीरः भरत केसी
More

बेलायतको आर्थिक वृद्धिदरमा मन्द गति

लन्डन । यस वर्षको पहिलो चौमासिकमा बेलायतको आर्थिक वृद्धिदर मन्द गतिमा रहेको शुक्रबार सार्वजनिक भएको एक औपचारिक तथ्याङ्कले देखाएको छ । उक्त तथ्याङ्क राष्ट्रिय तथ्याङ्क विभागले सार्वजनिक गरेको हो । बेलायत युरोपिन युनियनबाट बाहिर निस्किने र आमनिर्वाचनको तयारी घोषणा भएको अवस्थामा यस्तो तथ्याङ्क बाहिर आएको छ । गत मार्च महिनासम्म कुल ग्राहस्थ उत्पादन ०.३. प्रतिशतल मात्र बढेको छ । सन् २०१६ को अन्तिम चौमासिक कुल ग्राहस्थ उत्पादन ०.७ रहेको राष्ट्रिय तथ्याङ्कको कार्यालयले जारी गरेको विज्ञप्तिमा जनाइएको छ ।
More

कांग्रेसबाट भक्तपुरमा मेयरका लागि ४२ जनाको नाम सिफारिस

भक्तपुर । वैशाख ३१ गते हुने स्थानीय तहको निर्वाचनका लागि भक्तपुरको चारवटै नगरपालिकामा नेपाली काँग्रेसको तर्फबाट प्रमुख तथा उपप्रमुखका लागि नाम सिफारिस भएको छ । नेपाली काँग्रेसको वडा तथा क्षेत्रीय समितिले आकांक्षीहरुको नाम सिफारिस गरेर पठाएपछि नेपाली काँग्रेस भक्तपुर जिल्ला समितिलाई उम्मेदवारको छान्न सकस भएको छ । नेपाली काँग्रेस चुनाव प्रचार समितिका संयोजक केदार खड्काका अनुसार भक्तपुर नगरपालिकामा प्रमुखका लागि नारायणप्रसाद तमखु र ऋषिकेशभक्त तिमिला तथा उपप्रमुखका लागि कोपिला कायस्थ र अम्बिकादेवी झाको नाम सिफारिस भएको छ । मध्यपुर थिमि नगरपालिकामा भने प्रमुखका लागि मात्रै अष्टकुमार कवेँ, सन्तोष भट्टराई, सुरेन्द्र श्रेष्ठ, केदार खड्का, मदनकृष्ण श्रेष्ठ, महेश श्रेष्ठ, गणेशमान चक्रधर, मुरारी
More

फास्ट ट्रयाकबाट संशोधन प्रस्ताव अघि बढाइने

काठमाडौं । संविधान संशोधनलगायत मुलुकको समसामयिक राजनीतिक अवस्थाबारे छलफल गर्न प्रधानमन्त्री पुष्पकमल दाहाल प्रचण्डले आज अपराह्न सर्वदलीय बैठक बोलाउनु भएको छ । प्रधानमन्त्री निवास बालुवाटारमा हुने उक्त बैठकमा व्यवस्थापिका–संसद्मा प्रतिनिधित्व गरेका सबै राजनीतिक दलका शीर्षनेतालाई बैठकमा आमन्त्रण गरिएको प्रधानमन्त्रीको निजी सचिवालयले जनाएको छ । प्रधानमन्त्री दाहालका प्रेस सल्लाहकार गोविन्द आचार्यले मुलुकको पछिल्लो राजनीतिक अवस्थाका बारेमा छलफल गर्न व्यवस्थापिका–संसद्मा प्रतिनिधित्व गर्ने सबै दलका नेतालाई बैठकमा आमन्त्रण गरिएको जानकारी दिनुभयो । स्थानीय तहको निर्वाचनको मिति नजिकिँदै गएको अवस्थामा सबै राजनीतिक दलको विश्वास लिन र भयरहित वातावरणमा निर्वाचन गराउने दायित्व सबै दलको हो भन्ने आत्मबोध गराउन नै प्रधानमन्त्रीले छलफल आयोजना गर्नुभएको आचार्यले जानकारी
More

नसर्ने रोग सम्बन्धमा पत्रकारलाई प्रशिक्षण

धादिङ । हर्ट इन्टरनेसनल तथा जिल्ला जनस्वास्थ्य कार्यालय धादिङद्वारा धादिङबेसीमा पत्रकारलाई नसर्ने रोग सम्बन्धमा प्रशिक्षण दिइएको छ । पत्रकारले लेख, रचना र समाचारको माध्यमद्वारा रोगी तथा सर्वसाधारणलाई जनचेतना जगाउने, सुसूचित गर्ने भएकाले पत्रकारका लागि विहीबार एकदिने प्रशिक्षण कार्यक्रमको आयोजना गरेको आयोजक संस्थाले बताए । सर्ने रोगभन्दा मुटु, मधुमेह, ब्लडप्रेसर, श्वासप्रश्वास, क्यान्सर, मिर्गौला र मानसिक रोगजस्ता नसर्ने रोगले ६२ प्रतिशत मानिस प्रभावित हुने गरेको र त्यसमध्ये २२ प्रतिशत मुटु रोगी हुने गरेकामा उच्च रक्तचाप, मधुमेह, मदिरापान, धुम्रपानजस्ता रोगको एकआपसमा अन्तरसम्बन्ध रहने भएकाले त्यसबारे प्रारम्भिक जानकारी आवश्यक पर्ने बताइएको थियो । डा उमाकान्त तिवारीसहितको विशेषज्ञ टोलीले नसर्ने रोगको तीन जोखिम तत्वमध्ये पहिलोमा
More