Daily Archives 6th April 2017

माइती नेपालका बालबालिका नृत्य प्रस्तुत

माइती नेपालद्वारा बिहीबार आयोजित माइती नेपालको २५औं जन्मोत्सव कार्यक्रममा नृत्य प्रस्तुत गर्दै माइती नेपालका बालबालिका । तस्बिर : प्रदीपराज वन्त
More

सन्धि संशोधन, पुनःलेखन वा पुनरावलोकनमा मतैक्यताको सहमति

काठमाडौं । नेपाल–भारत प्रबुद्ध व्यक्ति समूह (इपिजी) को आज यहाँ सम्पन्न तेस्रो बैठकमा दुवै मुलुकले सन् १९५० को शान्ति तथा मैत्री सन्धिलाई संशोधन, पुनरावलोकन वा पुनःलेखन के गर्ने भन्ने बारेमा मतैक्यता कायम गर्न सहमति जनाएको छ । बैठकपछि आज यहाँ आयोजित पत्रकार सम्मेलनमा नेपाली समूहका संयोजक पूर्वपराराष्ट्रमन्त्री भेषबहादुर थापाले द्विपक्षीय सम्बन्धका सबै पक्षका साथै उक्त सन्धिका सबै धारामा गहन छलफल भएको बताउनुभयो । उहाँले भन्नुभयो, “सौहार्दपूर्ण वातावरणमा सम्पन्न बैठकमा हामीले सबै पक्षलाई समेटेर सबै कुरा भन्यौँ, भारतीय पक्षले ध्यानपूर्वक हाम्रा प्रस्तुति सुनेको छ ।” बैठक सकारात्मक रुपमा अघि बढेको र निर्धारित दुई वर्षभित्रै निष्कर्षमा पुगिने विश्वास संयोजक थापाले व्यक्त गर्नुभयो
More

मृत्यु संस्कार सुधारक पोखरेललाई जनसंस्कृति पुरस्कार

काठमाडौं । राष्ट्रिय जनसांस्कृतिक महासङ्घ नेपालले यस वर्षको राष्ट्रिय जनसंस्कृति पुरस्कार हिन्दू धर्म संस्कारअन्गर्तत षोड्ष संस्कारमध्ये मृत्यु संस्कारका सुधार अभियानकर्मी शङ्कर पोखरेल (मोरङ) लाई प्रदान गर्ने भएको छ । महासङ्घबाट साहित्यकार भिक्टर प्रधानको संयोजकत्वमा गठित चयन समितिको सिफारिसका आधारमा पोखरेललाई सो रु २५ हजार राशिको पुरस्कार प्रदानको निर्णय गरेको अध्यक्ष खगेन्द्र राईले जानकारी दिनुभयो । यस्तै रु १५ हजार राशिको जनसंस्कृति युवा प्रतिभा पुरस्कार युवा नाट्यकर्मी रवि कार्की (म्याग्दी) लाई प्रदान गरिने भएको छ । महासङ्घको २९ औँ स्थापना दिवसमा आवसरमा भोलि शुक्रबार आयोजना हुने कार्यक्रममा नेकपा (एमाले) का अध्यक्ष केपी शर्मा ओलीले ती पुरस्कार प्रदान गर्नुहुने बताइएको छ ।
More

जङ्गली च्याउ खाँदा थप एकको मृत्यु

पोखरा । पोखरा–लेखनाथ महानगरपालिका वडा नं १६ लामाचौरमा जङ्गली च्याउ पकाएर खाँदा आज थप एक जनाको मृत्यु भएको छ । गत शनिबार जङ्गलबाट टिपेर ल्याएको च्याउ खाएपछि बिरामी परेका आठ वर्षीय सोनम मगरको चरक मेमोरियल अस्पताल पृथ्वीचोकमा उपचारका क्रममा मृत्यु भएको हो । यो सँगै मृत्यु हुनेको सङ्ख्या तीन पुगेको छ भने एक जनाको उपचार भइरहेको जिल्ला प्रहरी कार्यालय कास्कीका प्रहरी नायब उपरीक्षक खड्गबहादुर खत्रीले जानकारी दिनुभयो । विषालु च्याउ खाँदा गएराति गण्डकी मेडिकल कलेजमा १९ वर्षीया मनमाया तामाङ र मनिपाल शिक्षण अस्पतालमा ६० वर्षीया माइली तामाङको उपचारका क्रममा मृत्यु भएको थियो । च्याउ खाएर बिरामी परेका १२ वर्षीय आयुष
More

निधिलाई हटाएर सिटौला उपप्रधान र गृहमन्त्री बन्ने योजनामा

काठमाडौं । बिहीबार प्रधानमन्त्री पुष्पकमल दाहालले निवासमा मन्त्रिपरिषद्को बैठक डाकेका थिए । वरियाताक्रम नमिलेसम्म कांग्रेसका मन्त्रीले मन्त्रिपरिषद्को बैठकमा सहभागी नहुने अडान लिएपछि आजको बैठक पनि स्थगित भयो । मन्त्रिपरिषद्को बैठक नबसेको दुई साता पुग्दैछ । पटक पटक मन्त्रिपरिषद्को बैठक स्थगित भएपछि कांग्रेसबाट नेतृत्व गरिरहेका उपप्रधान तथा गृहमन्त्री विमलेन्द्र निधिले आन्तरिक छलफलका लागि आफ्नो कार्यकक्षमा कांग्रेस मन्त्रीको बैठक बोलाए । मन्त्री निधिले बोलाएको बैठकमा स्वास्थ्यमन्त्री गगन थापा केही ढिलो पुगेका थिए भने अन्य मन्त्रीहरु समयमै पुगेका थिए । उक्त बैठकलाई आधार बनाएर केही अनलाइन सञ्चारमाध्यमले गृहमन्त्री निधिको राजीनामाको हल्ला पिटियो । कांग्रेस  निकट पत्रकारको संगठन प्रेस युनियनका महासचिव अजयबाबु शिवाकोटीले सञ्चालन
More

माओवादी केन्द्रले आज उम्मेदरबारको मापदण्ड तोक्ने

काठमाडौं । निर्वाचन तयारी, मधेस केन्द्रित दलको माग सम्वोधन लगायतका विषयमा छलफल गर्न नेकपा माओवादी केन्द्रको बैठक आज बस्दैछ । दिउसो प्रधानमन्त्री निवास बालुवाटारमा हुने बैठकमा पछिल्लो राजनीतिक घटनाक्रमको वारेमा समिक्षा हुने बताइएको छ । बैठकमा स्थानीय निर्वाचनमा मधेशी मोर्चालाई सहभागि गराउन पार्टीका तर्फवाट गर्नुपर्ने पहल लगायतका विषयमा पनि छलफल हुने माओवादी केन्द्रका नेताहरुले बताएका छन् । स्थानीय निर्वाचनमा पार्टीको सहभागिता र तयारीका विषयमा पनि बैठकमा छलफल हुनेछ । निर्वाचनका लागि घोषणापत्र तयारी, स्थानीय निर्वाचनमा उम्मेदरबार तोक्ने मापदण्ड लगायतका विषयमा पनि माओवादीले छलफल गर्दैछ । माओवादी केन्द्रले महानगरपालिका र उपमहानगर पालिकाको उम्मेदवार पार्टी केन्द्रले तोक्ने र बाँकी जिल्लाले टुङ्गो लगाउने
More

ग्यास सिलिण्डर पड्किदा आगलागी

काठमाडौं । काठमाडौंको कपन, मिलनचोक स्थित एक होटलमा ग्यास सिलिण्डर पड्किदा आगलागी भएको छ । आज दिउसो करिव तीन बजे उक्त होटलमा रहको एक ग्यास सिलिण्डरमा ग्यास लिक भई आगो सल्किएको थियो । आगो सल्किएपछि त्यहा रहेको अर्को सिलिण्डर समेत पड्केको प्रत्यक्षदर्शीले जनाएका छन् । सिलिण्डर पड्कदा एक व्यक्ति समेत घाईते भएका छन् । आगलागीका कारण उक्त पसल पूर्णरुपमा क्षती भएको छ भने आसपासका घरका सिसा फुटेका छन् । आगलागी भएको आधा घण्टापछि पुगेको दमकल , प्रहरी र स्थानिय वासिन्दा को सहयोगबाट आगलागी नियन्त्रणमा लिईएको थियो । आगलागीबाट भएको क्षतीको पूर्ण विवरण आउन बाकि रहेको प्रहरीले जनाएको छ ।
More

पूर्व राजाले बोलाएको भोजमा राष्ट्रपति पुगिन्, प्रधानमन्त्री नजाने !

काठमाडौं । राष्ट्रपति विद्यादेवी भण्डारी पूर्वराजा ज्ञानेन्द्र शाहले बोलाएको भोजमा सहभागी भएकी छिन् । काठमाडौंको होटल सोल्टीमा आयोजना गरिएको भोजमा भण्डारी सहभागी भएकी हुन् । गत चैत १७ गते निर्मल निवासमा आफ्ना नाती हृदयन्द्रको व्रतबन्ध गरि शाहले आज सोल्टीमा भोज दिएका हुन् । भोजमा स्वेदेशी तथा विदेशी गरी २ हजार भन्दा बढी पाहुनालाई निम्ता गरिएको छ । भोजमा राष्ट्रपति भण्डारी, उपराष्ट्रपति नन्दकिशोर पुन, प्रधानमन्त्री पुष्पकमल दाहाल, उपप्रधानमन्त्री र मन्त्रीहरू, कूटनीतिक नियोगका प्रतिनिधि, बिभिन्न दलका नेताहरू, उद्योगी व्यावसायी, कलाकार, सञ्चारकर्मीलगायतलाई निम्ता गरिएको छ । राष्ट्रपति सहभागी भएपनि प्रधानमन्त्री दाहाल भने सहभागी नहुने उनको सचिवालयले जनाएको छ ।       तस्बिर
More

राष्ट्रपति भण्डारी ब्रतबन्ध भोजमा सहभागी

राष्ट्रपति विद्यादेवी भण्डारी बिहीबार सोल्टी होटलमा आयोजना हुने पूर्वराजा ज्ञानेन्द्र शाहको नाति हृदयेन्द्र शाहको ब्रतबन्ध भोजमा सहभागी हुँदै । तस्बिर: रोशन सापकोटा
More

अवहेलना मुद्दामा देउवाको नाममा कारण देखाउन आदेश

काठमाडौं । सर्वोच्च अदालतले नेपाली काँग्रेसका सभापति शेरबहादुर देउवालाई अदालतको अवहेलनासम्बन्धी मुद्दामा कारण देखाऊ आदेश दिएको छ । न्यायाधीश ईश्वरप्रसाद खतिवडाको एकल इजलासले आज काँग्रेसका सभापति देउवालाई अदालतको अवहेलनासम्बन्धी मुद्दामा १० दिनभित्र लिखित जवाफसहित उपस्थित हुन नेपाली काँग्रेस पार्टी कार्यालयका नाममा आदेश दिएको हो । आदेशमा के कारणले अदालतको अवहेलनासम्बन्धी अभिव्यक्ति दिएको हो सोे खुलाई लिखित जवाफ पेस गर्न भनिएको छ । अधिवक्ता हरिप्रसाद मैनालीले नेपाली काँग्रेस र नेपाली काँग्रेसका सभापति देउवालाई अदालतको अवहेलना गरेको आरोपमा यही चैत २० गते मुद्दा दायर गर्नुभएको थियो । मुद्दामा नेपाल प्रहरीको महानिरीक्षक नियुक्तिका विषयमा सर्वोच्च अदालतले गरेको फैसला आदेशले कार्यपालिकाको अधिकारमा हस्तक्षेप गरेको
More

शान्ति समाजले नयाँ बर्ष कार्यक्रम गर्ने

लन्डन । शान्ति समाज बेलायतले नयाँ वषए २०७४ को अवसरमा शुभकामना आदानप्रदान कार्यक्रमको आयोजना गर्ने भएको छ । कार्यक्रममा चर्चित लोक तथा दोहोरि गायक राजु ढकाल, दोहोरि गायिका जानकी तारामी मगरले मनोरन्जन दिने भएका छन् । आगामी १८ अप्रील मंगलवार वेष्टमिडल्याण्डमा आयोजना हुने हुने सो कार्यक्रममा चर्चित मोडल तथा डान्सर रश्मि तामाङको दमदार प्रस्तुती रहने समाजले जनाएको छ । कार्यक्रममा उपस्थित भै पूर्ण मनोरन्जन लिन तथा नयाँ बर्षको शुभकामना एक आपसमा साटासाट गर्न समाजले वेलायतवासी नेपाली समूदायतलाई आब्हान गरेको छ ।
More

हिमाल सागरकाे तिम्रो चोलीको तुनामा सार्वजनिक (भिडियाे)

काठमाडौं । गायक हिमाल सागर नयाँ गीत लिएर आएका छन्, तिम्रो चोलीको तुनामा । एक महिना अघि अडियो सार्वजनिक गरेका हिमाल सागरले भिडियो भने एकदिन अघि मात्रै सार्वजनिक गरे । जुन गीतमा प्रियंका कार्की र हिमाल सागरको अभिनय रहेको छ । पि्रयंकासँग पहिलो पटक भिडियोमा काम गरेका हिमाल सागर प्रियंकाको काम गर्ने शैलिवाट निकै प्रभावित भए । ‘मैले गीत बनाउदा नै सोचेको थिँए, यो गीतमा पि्रयंकालाई अभिनय गराउँछु ।’ उनले भने । पि्रयंकालाई जुझारु नायिकाको रुपमा बुझेका हिमाल सागर प्रियंकाले निर्देशकको भाव अनुरुप अभिनय गरेको धारणा राख्दै भन्छन् ‘एउटा ब्यबसायिक कलाकारसँग काम गर्दा छुट्टै मज्जा आउँदो रहेछ ।’ हिमाल सागरकै
More

विदेशी दम्पतीले स्वास्थ्य चौकी र विद्यालय बनाइदिए

गोरखा । ‘धन हुनेसँग मन हुँदैन, मन हुनेसँग धन’ समाजमा प्रायः यस्ता भनाइ सुन्ने गरिन्छ । तर, स्विट्जरल्यान्डका एक दम्पतीले मन र धन दुवै प्रयोग गरी उत्तरी गोरखा, धार्चे गाउँपालिका लापु गाउँमा स्वास्थ्य चौकी र विद्यालय भवन पुनःनिर्माण गरिदिएका छन् । भूकम्पले भत्काएको स्वास्थ्य चौकी र विद्यालय पुनःनिर्माणमा स्विट्जरल्यान्डका नागरिक डा थेरी र भोरोनिक लङ्गेन्बेगर दम्पतीले रु ५७ लाख लगानी गरेका हुन् । स्वास्थ्य चौकीमा रु ३५ लाख र कालरात्रि माध्यमिक विद्यालयको भवन पुनःनिर्माणमा रु २२ लाख लगानी भएको छ । आफूहरु धनी भएर सहयोग गरेको नभई मेला, उत्सवहरुमा पश्मिना बेचेर कमाएको पैसाले स्वास्थ्य चौकी र विद्यालय पुनःनिर्माण गरेको डा
More

चोरको निशानामा गोर्खाली

रोशन मेवाहाङ्ग । लण्डन । केन्ट फोक्सटनस्थित दोस्रो गोर्खा रेजिमेन्टमा कार्यरत डोभर निवासी गुरुङ्ग परिवारको घर फुटाई सुन तथा बहुमूल्य वस्तु चोरी गर्न लाग्दा चोरहरु असफल भएका छन् । वेलायतमा विशेषगरी ठुलो संख्यामा नेपाली समुदाय बस्ने अल्डरसट,रिडिङ्ग, स्विन्डन, आश्फोड र फोक्सटन लगायतका स्थानलाई निशाना बनाएर चोरीका घट्ना बढेको पीडितहरुले बताएका छन् । गत महिनामात्र अल्डरसट, स्विन्डन, आश्फोड र फोक्स्टमा बसोवास गरेका नेपालीहरुको घरबाट करोडौंको सम्पत्ति लुटिएको बताइएको छ । चोरी हुने क्रम बढदो रहेपनि बेलायतका प्रहरीले यस्ता घटनाप्रति लामो प्रक्रिया हुने भएकोले तत्कालै क्षेतिपुर्ति पिडितले नपाईरहेको गुनासो गरिरहेका छन् । स्रोतका अनुसार घटनामा विदेशी नागरिक रहेपनि मुख्य सुराकी नेपाली नागरिककै
More

लन्डनमा साहित्य सन्ध्या

लन्डन । नेपाली साहित्य विकास परिषद यूकेले नेपाली नयां वर्ष २०७४ लाई साहित्य सन्ध्या र पुरस्कार सुशोभन कार्यक्रम गरि स्वागत गरेको छ । लन्डनको वेम्ली तन्दुरी रेष्टुरेन्टमा सोमबार सांझ २८ औं साहित्य सन्ध्या र सम्मान कार्यक्रम गरिएको हो । समारोहमा परिषदले नेपालका वरिष्ठ कवि गोपाल पराजुलीलाई स्वर्ण पदकले सम्मान गरेको छ । पराजुलीलाई परिषदका पदेन संरक्षक राजदूत डा. दुर्गा बहादुर सुबेदीले गत वर्षको एनएलडिसी गोल्ड मेडल (२४ क्यारेट सुन र ५ तोला चांदीको पदक) 
द्वारा सम्मान गरेका हुन् । साथै राजदूतले त्रिमुर्ती निकेतन काठमाण्डौं नेपालको सत्य मोहन जोशी शताब्दी महोत्सव २०७३ स्वर्ण पदकबाट कविहरु कोमल प्रसाद श्रेष्ठ मल्ल र वसन्त
More

ग्रीनवीच कप ८ अप्रिलमा

लन्डन । नेपाली युथ असोसिएसनको आयोजनामा यही ८ अप्रिलका दिन ग्रीनवीच कप फुटबल र भलिबल प्रतियोगिता हुने भएको छ । उलवीचस्थित रोयल आर्टिलरी ब्यारेकको फुटबल मैदानमा सञ्चालन हुने प्रतियोगितामा १६ फुटबल टोली र १० भलिबल टोलीको सहभागिता रहने संस्थाका सभापति तथा संयोजक दिपेन गुरुङले जानकारी दिए । यो बेलायतमा अरु प्रतियोगिताभन्दा भिन्न तरिकाले गर्न लागिएको आयोजकको दाबी छ । प्रतियोगिताको विजेता टोलीले आकर्षक ट्रफी सहित १५०० पाउण्ड नगद प्राप्त गर्नेछ । असोसिएसनका उप सभापति लक्ष्मण गुरुङका अनुसार खेलाडीहरुको हौसला बढाउने उद्देश्यले क्वार्टर फाइनलिष्टहरुलाई समेत २०० पाउण्ड पुरस्कार दिइनेछ । गत वर्षको खेल मंगोलियन भान्जाले जितेको थियो भने २०१५ मा पनि
More

१९५० को सन्धीमा रहेको असमान व्यवस्था हटाउन भारत सकारात्मक

काठमाडौं । नेपाल र भारतबीचको सन्धी–सम्झौता पुनरावलोकनका लागि गठित प्रबुद्ध समुहको बैठक आज पनि बस्दैछ । बैठकमा सन् १९५० को सन्धी तथा मैत्री सन्धि लगायत अन्य दुईपक्षीय सन्धी सम्झौताको पुनरावलोकनको आवश्यकता बारे छलफल हुने कार्यक्रम छ । बैठकमा द्विपक्षीय व्यापार तथा पारवहन, जलस्रोत लगायत विषयपनि एजेण्डाको रुपमा रहेका छन् । हिजोदेखि सुरु भएको बैठकमा १९५० को सन्धीमा रहेको असमान व्यवस्था हटाउन भारत सकारात्मक देखिएको बताइएको छ । नेपाल र भारतबीच भएको शान्ति तथा मैत्री सन्धि असमान भएको भन्दै त्यसको लामो समयदेखि विरोध हुँदै आएको छ । बैठकमा नेपाली टोलीको नेतृत्व परराष्ट्रविद् डाक्टर भेषबहादुर थापा र भारतीय टोलीको नेतृत्व भारतीय जनता
More

वैदेशिक रोजगारीमा गएका महराको लडेर मृत्यु

गौशाला । महोत्तरी जिल्लाबाट वैदेशिक रोजगारीको लागि खाडी मुलुक साउदी गएका एक व्यक्तिको गएराति शौचालयमा लडेर मृत्यु भएको छ । मृत्यु हुनेमा जिल्ला सदरमुकाम जलेश्वर नगरपालिका–७ बजराही गाउँ बस्ने ३५ वर्षीय मिथिला महरा रहेको परिवारजनले बताएका छन् । चरम गरिबीसँगै लड्दै दुई वर्षअघि रोजगारीका सिलसिलामा साउदी गएका महरा गएराति सुतिरहेका बेला दिसा लाग्दा शौचालय गएको र शौचालयमै लडेर उनको मृत्यु भएको उनका भाइ सिकिन्दर महराले बताउनुभयो । साथीहरुले आज बिहान ड्युटीका लागि उनलाई उठाउन जाँदा नउठेपछि उनको ढोका फोरेर हेर्दा उनी शौचालयमै लडेर मृत अवस्थामा फेला परेको भाइ सिकिन्दरले बताउनुभयो । मृतक मिथिलाको आमा, पत्नी, चार सानासाना छोरी र एक
More

प्लास्टिकको झोलामा आन्द्रा लिएर हिँड्न बाध्य

पथरी । मिक्लाजुङ–१ साम्पाङ टोलका मनबहादुर राईले आफ्नो जीवन बचाइ दिन याचना गर्नुभएको छ । तीन वर्षदेखि आन्द्राको अल्सरबाट पीडित ४० वर्षिय राईको वीपी कोइराला मेमोरियल अस्पताल, धरानमा शल्यक्रिया गरिएको थियोे । रु पाँच लाखको चन्दा सङ्कलनबाट उहाँको शल्यक्रिया गरिएपनि आर्थिक अभावमा पूर्ण शल्यक्रिया भने हुन सकेन । रु तीनलाख खर्च अभावले उहाँ प्लास्टिकको झोलामा आन्द्रा लिएर हिँडिरहनुभएको छ । राईले भन्नुभयो, ‘जीवनदाता पाउने आशामा आन्द्रालाई प्लास्टिकमा पोको पारेर बाँचिरहेको छु ।’
More

नयाँ वर्षमा रुपाकोट महोत्सव हुने

खोटाङ । जिल्लाको पर्यटकीयस्थल रुपाकोट डाँडामा प्रथम रुपाकोट महोत्सवको आयोजना गरिने भएको छ । नेपाली नयाँ वर्षको अवसर पारेर आगामी वैशाख १ गते प्रथम रुपाकोट महोत्सवको आयोजना गरिएको हो । रुपाकोटलाई पर्यटकीय क्षेत्रको रुपमा विकास गर्दै जिल्लाको आर्थिक समृद्धिमा टेवा पु-याउने उद्देश्यले महोत्सवको आयोजना गरिएको आयोजक जिल्ला समन्वय समिति, खोटाङका स्थानीय विकास अधिकारी राजनकुमार बिसीले जानकारी दिनुभयो । महोत्सवले पर्यटकीय क्षेत्र रुपाकोटको प्रचार–प्रसारका साथै योजना निर्माणका लागि उपयोगी हुने स्थानीय विकास अधिकारी बिसीको भनाइ छ । सदरमुकाम दिक्तेलबाट करिब तीनघण्टा पैदल यात्रापछि पुगिने रुपाकोटमा नयाँ वर्षको अवसर पारेर पिकनिक तथा प्राकृतिक मनोरम दृश्यावलोकनका लागि सयौँको सङ्ख्यामा मानिस पुग्ने गरेका छन्
More