Daily Archives 19th April 2017

पत्रकार सम्मेलन

राष्ट्रिय प्रजातन्त्र पार्टीले बुटवलमा आयोजना गरेको पत्रकार सम्मेलनमा सहभागी पार्टी अध्यक्ष तथा उपप्रधान मन्त्री कमल थापा तथा पार्टीका नेता पशुपति सम्शेर राणा लगायत अन्य नेताहरु । तस्बिर : तेजेन्द्र केसी
More

बैशाख ३१ गते एकै चरणमा निर्वाचन गर्ने प्रमुख पाँच दलको निर्णय

काठमाडौं । प्रमुख पाँच दलले स्थानीय तहको निर्वाचनमा केन्द्रित हुने निर्णय गरेका छन् । प्रधानमन्त्री पुष्पकमल दाहालको आह्वानमा आज बालुवाटारमा नेपाली कांग्रेस, नेकपा एमाले, माओवादी केन्द्र, राप्रपा र लोकतान्त्रिक फोरमका शीर्ष नेताको बैठकले निर्धारित बैशाख ३१ गते नै निर्वाचन सम्पन्न गर्न कुनै कसर बाँकी नराख्ने निर्णय गरेको हो । मधेसी मोर्चालाई सहमतिमा ल्याउन वार्ता र सम्वादको प्रक्रिया जारी राख्दै निर्वाचनमा क्रियाशील हुने उनीहरुको निर्णय छ । बैठकमा प्रधानमन्त्री दाहालले मधेसी मोर्चा सहमतिमा आए दुई चरणमा निर्वाचन गर्दा के हुन्छ ? भन्ने प्रश्न राखेका थिए । जवाफमा एमाले र लोकतान्त्रिक फोरमले मोर्चा आउने ग्यारेन्टी भए सरकारलाई सघाउने संकेत गरेपनि वैशाख ३१
More

निर्वाचनको सुरक्षालाई लिएर शंका नगर्न गृहमन्त्रीको आग्रह

काठमाडौं । उपप्रधान एवं गृहमन्त्री बिमलेन्द्र निधिले स्थानीय निर्वाचन सुरक्षाका लागि सरकार सम्पूर्ण रुपले तयार रहेको स्पष्ट पारेका छन् । प्रधानमन्त्रीको आह्वानमा भएको प्रमुख पाँच दलको बैठकबाट बाहिरिने क्रममा मन्त्री निधिले चार वटै सुरक्षा अंगले निर्वाचन केन्द्रित योजना बनाएको र त्यसप्रति शंका गर्नुपर्ने ठाउँ नरहेको बताएका हुन् । ‘चुनावी सुरक्षा पर्याप्त नभएको भन्दै मध्यरातमा किन ट्वीट गरेको ?’ भन्ने सञ्चारकर्मीको प्रश्नमा मन्त्री निधिले ट्वीटका लागि कुनै खास समय नचाहिने भन्दै पन्छिने प्रयास गरेका थिए । निर्वाचन सुरक्षाबारे ट्वीट गरेपछि गृहमन्त्रीको चौतर्फी आलोचनासँगै चुनाव नहुने हो कि भन्ने शंका बढेको थियो । आलोचनापछि निर्वाचन तयारीका लागि सुरक्षा प्रवन्ध मात्र मुख्य नभई
More

यस वर्ष सगरमाथामा ‘ट्राफिक जाम’ हुने !

काठमाडौं । विश्वको सर्वोच्च शिखर सगरमाथा आरोहणका लागि यसपटक सबैभन्दा बढी आरोहीले अनुमति लिएका छन् । पर्यटन विभागका अनुसार मंगलबारसम्म ३९ समूहका ३६५ जनाले आरोहण अनुमति लिएका छन् । सो संख्या अहिलेसम्मकै बढी हो । गत वर्ष ३४ समूहका २८९ जनाले आरोहण अनुमति लिएका थिए । वैशाख मध्यसम्म अनुमति लिन सकिने भएकाले संख्या अझै बढ्ने विभागको भनाइ छ । विभागबाट अनुमति लिएकामध्ये मंलबारसम्म ३१ समूहका २९४ आरोही सगरमाथा प्रदूषण नियन्त्रण समिति (एसपीसीसी)को कार्यालय नाम्चेबाट अनुमति लिएर आधार शिविरतर्फ लागेका छन् । यस वर्ष आरोहीको संख्या अत्याधिक बढेपछि सगरमाथामा ‘ट्राफिक जाम’ हुने सम्भावना बढेको छ ।
More

यातायातका पाँच कर्मचारी निलम्बित

काठमाडौं । यातायात व्यवस्था विभागले राजस्व दाखिलामा व्यापक अनियमितता गरेको भन्दै पाँचजना कर्मचारीलाई निलम्बन गरेको छ । यातायात व्यवस्था कार्यालय कोसीका कार्यालय प्रमुख नयराज नेपाल, लेखा अधिकृत टीकाराम अधिकारी, लेखापालद्वय सुरेश अधिकारी र रुद्रप्रसाद दाहाल एवम् नायब सुब्बा टीकाप्रसाद बाँस्तोलालाई निलम्बन गरेको विभागका प्रवक्ता डा टोकराज पाण्डेले जानकारी दिनुभयो । भौतिक पूर्वाधार तथा यातायात मन्त्रालयका सचिव धनबहादुर तामाङले निजामती सेवा ऐनअनुसार आज सचिवस्तरीय निर्णय गरी राजस्व दाखिलामा अनियमितता गरेको प्रारम्भिक अनुसन्धानबाट प्रमाणित भएकाले निलम्बन गर्नुभएको विभागले जनाएको छ । यससम्बन्धी थप अनुसन्धानका लागि आजै अख्तियार दुरुपयोग अनुसन्धान आयोगलाई लेखी पठाइएको पनि उहाँले बताउनुभयो ।
More

काँग्रेस उम्मेदवार छान्ने अन्तिम तयारीमा

काठमाडौं । नेपाली काँग्रेसले आसन्न स्थानीय तहको निर्वाचनका लागि दलका तर्फबाट आधिकारिक उम्मेदवार चयन गर्ने प्रक्रिया अन्तिम चरणमा रहेको जनाएको छ । पार्टीले प्रत्येक जिल्लामा पार्टीका क्षेत्रीय र जिल्ला कार्य समितिअन्तर्गतका संयन्त्रले उम्मेदवार चयन गर्ने प्रक्रिया थालिसकेको र यो काम अन्तिम चरणमा रहेको छ । काँग्रेसले यसअघि नै पार्टीका स्थानीय निकायमा संयन्त्र बनाई वैशाख ७ गतेसम्म आफ्ना उम्मेदवारको टुङ्गो लगाउने निर्णय गरिसकेको छ । पार्टीले प्रत्येक जिल्लामा केन्द्रीय पदाधिकारी तथा सदस्य खटाई निर्वाचनका लागि पार्टीका तर्फबाट आधिकारिक उम्मेदवार मनोनयनपत्र एक-दुई दिनभित्र पठाइसक्ने जनाएको छ । खटिएका पदाधिकारीले सो पत्रमा दस्तखत गरी निर्वाचन आयोगमा बुझाएपछि मात्र पार्टीको आधिकारिक उम्मेदवारको टुङ्गो लाग्नेछ
More

मेड्स्टोनमा नयाँ वर्ष २०७४ को धुमधाम स्वागत

मेड्स्टोन नेपाली समाजले गत बैशाख १ गते एक कार्यक्रम आयोजना गरी नेपाली नयाँ बर्ष २०७४ सालको भव्य स्वागत गरेको छ । समाजका उपाध्यक्ष दिनेश खड्काको संयोजकत्वमा आयोजित कार्यक्रम समाजका महासचिव पूर्व क्याप्टेन यम पुनको स्वास्थ्य एवम् सुरक्षा सम्बन्धी जानकारीबाट शुरु भएको थियो । समाजका अध्यक्ष पूर्व गोर्खा मेजर दुध गुरुङले स्वागत मन्तव्य दिँदै नयाँ साल २०७४ लाई स्वागत साथै सम्पूर्ण सदस्यहरुलाई शुभ कामना दिनु भएको थियो । करीब २०० जना नेपालीहरुले भरिएको हलमा सहभागीहरु एक आपसमा नयाँ सालको शुभकामना आदान प्रदान गर्न व्यस्त देखिन्थे । नेपाली खाना, सांस्कृतिक कार्यक्रम एवम् मनोरन्जनको लागि राफल जस्ता कार्यक्रमबाट उक्त साँझको कार्यक्रम भरिएको थियो
More

भूतपूर्व गोर्खालाई समान पेन्सन दिन बेलायत तयार

नवीन पोखरेल । लन्डन । आफूहरुलाई अंग्रेज सैनिकसरह समान पेन्सन दिन बेलायत सरकार सकारात्मक देखिएको दाबी भूपू गोरखाहरुले गरेका छन् । बेलायत सरकार, नेपाल सरकार र भूपू गोरखा प्रतिनिधि सम्मिलित प्राविधिक समितिको पहिलो बैठकमा बेलायती रक्षा मन्त्रालय (एमओडी)का प्रतिनिधिले भूपू गोरखा समस्या समाधान गर्न सकारात्मक देखिएको एक सहभागीले जनाए । ‘बेलायत सरकार हाम्रा समस्या सदाका लागि समाधान गर्न चाहन्छ, समानताको व्यवहार गर्न चाहन्छ’, बैठकमा सहभागी गोरखा सत्याग्रह संयुक्त संघर्ष समिति निर्देशक ज्ञानराज राईले भने, ‘तर ऐतिहासिक र जटिल समस्या भएकाले कस्तो न्याय पाउने भन्ने कुरा आगामी बैठकमा छलफल हुनेछ ।’ बैठकमा समान पेन्सन प्रमुख एजेन्डा रहेको सहभागीले बताएका छन् ।
More

अनुभव नभए पनि मसँग ऊर्जा छ : रञ्जु दर्शना, विवेकशील पार्टीबाट कामनपाका मेयर उम्मेदवार

२०५२ सालमा काठमाडौंमा जन्मेकी रञ्जु स्नातक तहमा अध्ययन गर्दैछिन् । तीन वर्षअघि विवेकशीलसँग जोडिएकी रञ्जु डा. गोविन्द केसीको समर्थनमा भएको आन्दोलनमा सक्रिय थिइन् । काठमाडौं महानगर मेयरमा उम्मेदवार घोषणा गरेकी रञ्जुसँग लोकराज अधिकारीले गरेको कुराकानी– ० पढ्ने बेलामा राजनीतिमा किन ? – पढ्दै राजनीति गर्न, अर्को राजनीति गर्दै पढाइ सिक्दै । ० किशोर अवस्थाको लहड भनेर बुझ्दा हुन्छ ? – एउटा लहड पनि होला, म त्यसलाई अस्वीकार गर्दिन्, अर्को कुरा यो अहिले हामीलाई चाहिएको पनि छ । हाम्रो अहिले जुन अवस्था छ, त्यो कसैले डिर्जप गर्दैछ । यो भन्दा राम्रो वातावरण हामी खोज्छौं । ० राजनीतिमा परिपक्व छैन भन्नेहरुलाई तपाईको
More

राष्ट्रपति भण्डारी राजकोट प्रस्थान

नयाँदिल्ली । भारतको पाँचदिने राजकीय भ्रमणमा रहनुभएका राष्ट्रपति विद्यादेवी भण्डारी यहाँका महत्वपूर्ण भेटघाट र कार्यक्रम सम्पन्न गरी आज गुजरात राज्यको चांथो ठूलो सहर राजकोट प्रस्थान गर्नुभएको छ । राष्ट्रपति भण्डारीले भ्रमणको तेस्रो दिन आज त्यहाँस्थित सोमनाथ मन्दिर र अन्य क्षेत्रको अवलोकनका साथै गुजरात राज्यका मुख्यमन्त्री विजय रुपनीले उहाँको सम्मानमा आयोजना गर्ने रात्रिभोजमा सहभागिता जनाउनुहुनेछ । राष्ट्रपति भण्डारी बिहीबार उडिसा जाने कार्यक्रम छ ।
More

करोडौं हिनामिना गरी कैलाश विकास बैंकका म्यानेजर फरार

कास्की । कैलाश विकास बैंक पोखरा लामाचौर शाखाका म्यानेजर रविचन्द्र खनाल डेढ करोडभन्दा बढी रुपैयाँ हिनामिना गरी फरार भएका छन् । उनले बैंकका ग्राहकलाई उच्च व्याजदर दिने भन्दै प्रलोभनमा पारेर ठूलो रकम सापटी लिने तथा केही ग्राहकको पैसा ‘डिपोजिट’ नगरी ठग्ने गरेको प्रारम्भिक अनुसन्धानबाट देखिएको प्रहरीले जनाएको छ । त्यसबाहेक खनालले किर्ते हस्ताक्षर गरेर ठूला ग्राहक र सहकारीको रकम निकाल्ने गरेको पनि अनुमान गरिएको छ । खनाल कति रकम लिएर फरार भएका हुन् भन्ने यकिन विवरण बैंकले सार्वजनिक गरेको छैन् । चैत ३ गतेयता कार्यालयमा उपस्थित नभएपछि उनले ठगी गरेको आशंका गरिएको थियो । बैंकले ठूलो रकम ठगी भएको भन्दै
More

सुरक्षाको पूर्ण प्रत्याभूति हुनेछ, ढुक्क भएर काम गर्नुस्: प्रमुख निर्वाचन आयुक्त डा यादव

काठमाडौं । प्रमुख निर्वाचन आयुक्त डा अयोधीप्रसाद यादवले उच्च मनोबल लिएर निर्वाचनको जिम्मेवारी पूरा गर्न राष्ट्रसेवक कर्मचारीलाई निर्देशन दिनुभएको छ । निर्वाचन आयोग परिसरमा निर्वाचन अधिकृतका लागि सञ्चालन गरिएको निर्वाचन व्यवस्थापन र सञ्चालन प्रशिक्षणमा निर्वाचनमा खटिने सहभागीलाई आज उहाँले सो निर्देशन दिनुभएको हो । प्रमुख निर्वाचन आयुक्त डा यादवले भन्नुभयो– “पूर्ण विश्वासका साथ उच्च आत्मबल बनाएर स्वच्छ, स्वतन्त्र र निष्पक्ष निर्वाचनको जिम्मेवारी पूरा गर्ने अठोट गर्नुस्, आयोग तपाईहरुको साथमा छ ।” निर्वाचनको वातावरण अनुकूल बन्दै गएको छ, कहीँ कतै समस्या देखियो भने खबर गर्नुस् आयोगको तत्कालै त्यहाँ उपस्थिति हुनेछ, सुरक्षाको पूर्ण प्रत्याभूति भएको हुँदा ढुक्क भएर काम गर्नुस्– उहाँले भन्नुभयो
More

विदेशी कामदारलाई नियन्त्रण गर्ने कार्यकारी आदेशमा हस्ताक्षर

न्युयोर्क । अमेरिकी राष्ट्रपति डोनाल्ड ट्रम्पले विदेशी कामदारलाई नियन्त्रण गर्ने कार्यकारी आदेशमा हस्ताक्षर गरेका छन् । हस्ताक्षरसँगै ‘एच वन भिसा’ को समीक्षा र नियन्त्रणको अभियान सुरुवात भएको मानिएको छ । अब ‘एच वन भिसा’ सबैभन्दा दक्ष कामदार या सबैभन्दा बढी तलब माग गर्नेलाई मात्रै सुनिश्चित गरिनेछ । हस्ताक्षरपछि राष्ट्रपति ट्रम्पले अमेरिकी जनताको काम विदेशी कामदारको भागमा गइरहेको भन्दै भिसा प्रणालीको दुरुपयोग अन्त्य गर्ने माग सम्बोधन भएको प्रतिक्रिया दिए । विभिन्न कम्पनीले कम तलब दिएर विदेशीलाई काममा राखेकाले धेरै अमेरिकी कामको अबसरबाट बञ्चित भएको ट्रम्पको भनाई थियो । यस्तै, सरकारी योजनामा विदेशी कम्पनीलाई काम नदिने नियम पनि कडा रुपमा लागु गरिने
More

मोर्चा सहभागी भए दुई चरणमा निर्वाचन : कांग्रेस

काठमाडौं । आसन्न निर्वाचनलगायत समसामयिक विषयमा छलफल गर्न प्रधानमन्त्री एवम् नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले प्रमुख पाँच दलको बैठक बोलाउनुभएको छ । प्रधानमन्त्री निवास बालुवाटारमा आज बिहान माओवादी केन्द्रसहित नेपाली काँग्रेस, नेकपा (एमाले), राष्ट्रिय प्रजातन्त्र पार्टी र मधेसी जनाधिकार फोरम (लोकतान्त्रिक)का शीर्ष नेतासहितको बैठक बोलाइएको प्रधानमन्त्रीको सचिवालयले जनाएको छ । बैठकमा शान्तिपूर्ण एवम् निष्पक्षरुपमा निर्वाचन सफल बनाउने र निर्वाचनप्रति असन्तुष्ट दललाई सहमतिमा ल्याउने विषयमा छलफल हुने बताइएको छ । करिब २० वर्षपछि मुलुकमा यही वैशाख ३१ गते स्थानीय तहको निर्वाचन हँदैछ । निर्वाचनप्रति असन्तुष्ट संयुक्त लोकतान्त्रिक मधेसी मोर्चाले निर्वाचनमा सहभागी नहुने अडान राख्दै विरोधका कार्यक्रम सार्वजनिक गरिसकेको छ
More