Daily Archives 20th April 2017

फोटो जर्नालिज्म अवार्ड २०७३ को मनोनयनमा परेकाहरु

राष्ट्रिय फोटो पत्रकारिता दिवसको अवसरमा राष्ट्रिय फोटो पत्रकार समूह (एनएफपीजे) द्वारा प्रदान गर्ने फोटो कन्सर्न नेशनल फोटो जर्नालिज्म अवार्ड २०७३ को मनोनयनमा परेकाहरुको सामूहिक तस्बिर । तस्बिर : प्रदीपराज वन्त
More

चुनावका लागि राजनीतिक वातावरण छैन : गृहमन्त्री निधि

काठमाडौं । उपप्रधानमन्त्री तथा गृहमन्त्री विमलेन्द्र निधिले स्थानीय निर्वाचनका लागि राजनीतिक वातावरण अझै बनिनसकेको बताएका छन । आजको संसद बैठकमा गृहमन्त्री निधिले सरकार वैशाख ३१ मै चुनाव गराउन प्रतिवद्ध रहे पनि राजनीतिक वातावरण तयार नभइसकेको बताएका हुन । राजनीतिक वातावरण निर्माणमा जुट्न उनले सबै पक्षलाई आग्रहसमेत गरेका छन् । निर्वाचन सुरक्षाबारे जानकारी गराउँदै गृहमन्त्री निधिले जिल्लाहरुलाई तीन तहमा वर्गीकरण गरेर सुरक्षा प्रदान गरिरहेको बताए । उनले जिल्लालाई सामान्य, संवेदनशील र अति संवेदनशील गरी तीन तहमा वर्गीकरण गरेर सुरक्षा प्रदान गरिरहेको बताए । केन्द्रमा निर्वाचन परिचालन योजना लागू भइसकेको बताउँदै उनले जिल्लामा पनि लागू गर्न आफूले निर्देशन दिइसकेको जानकारी दिए ।
More

यस्तो निर्णय आयो मन्त्रिपरिषद्को

काठमाडौं । सरकारले धुर्मुस–सुन्तली फाउण्डेसनले महोत्तरीमा निर्माण गरेको मुसहर बस्तीको जग्गा दर्तामा राजश्व छुट दिने निर्णय गरेको छ । आज बसेको मन्त्रिपरिषद् बैठकले बर्दिवासको मुसहर बस्तीको जग्गा र घरको मालपोतमा दर्ता गर्दा लाग्ने शुल्क छुट गर्ने निर्णय गरेको हो । मन्त्रिपरिषद्ले अन्तरजातीय विवाह गरेको आरोपमा हत्या गरिएका काभ्रे पाँचखालका अजित मिजारको परिवारलाई न्याय मिल्ने गरि दोषीमाथि कारवाही अगाडि बढाउन गृह मन्त्रालयलाई निर्देशन पनि दिएको छ । युवा तथा खेलकुद मन्त्री दलजित श्रीपाइली नेतृत्वको छानविन समितिको सिफारिसको आधारमा सरकारले दोषीलाई कारवाही गर्न निर्देशन दिएको हो । मन्त्रिपरिषद्ले मिजार परिवारलाई राहत स्वरुप दस लाख रुपैयाँ र परिवारका सदस्यलाई निःशुल्क शिक्षा दिने पनि
More

राप्रपाको संघर्ष कार्यक्रम स्थगित

काठमाडौं । राष्ट्रिय प्रजातन्त्र पार्टीले निर्वाचन आयोगको गरिमा र संवैधानिक हैसियतबारे आफ्नो पार्टी पूर्ण रुपमा सचेत रहेको जनाएको छ । आयोगले बुधबार जारी गरेको प्रेस विज्ञप्तिप्रति आफ्नो दल ध्यानाकर्षित भएको जनाउँदै राप्रपाले एक जिम्मेवार राजनीतिक दलका रुपमा पार्टीले सञ्चालन गरेको र गर्ने कार्य संविधान र प्रचलित कानुनअनुरुप रहने स्पष्ट गरेको छ । पार्टी प्रवक्ता सुशीलकुमार श्रेष्ठद्वारा आज जारी प्रेस विज्ञप्तिमा भनिएको छ, “स्थानीय तहको निर्वाचन मुख्य एजेन्डा भएको र निर्वाचन सुनिश्चितता प्राथमिकता भएको हुँदा निर्वाचन आयोगले पार्टीको मागबमोजिमको विषय हाल कार्यान्वयन नगर्ने निर्णय गरेको तथ्यसमेतलाई दृष्टिगत गर्दै पार्टीले सञ्चालन गर्ने सङ्घर्षको कार्यक्रम अहिलेलाई स्थगन गरिएको छ । ” यद्यपि पार्टी
More

एनआरएन पोल्यान्डको शुभकामना आदानप्रदान कार्यक्रम

पोल्यान्ड । गैरआवासीय नेपाली संघ पोल्यान्डको नयाँ वर्षको शुभकामना आदानप्रदान कार्यक्रम पोल्यान्डको वारसवामा संस्थाका अध्यक्ष डा बोधराज सुवेदीको अध्यक्षतामा सम्पन्न भएको छ । नयाँ वर्षको शुभकामना आदानप्रदान कार्यक्रममा विभिन्न क्षेत्रबाट उपस्थिति भएका व्यक्तिहरूलाई शुभकामना दिदै डा सुवेदीले भन्नुभयो ” पोल्यान्डमा दर्ता भएको नेपालीहरुको एक मात्र गैरआवासीय नेपाली संघ पोल्यान्ड तपाईं हामी सबैको साझा संस्था हो । यो संस्थाबाट समय समयमा नेपाली समुदाय हरु एक आपसमा जमघट हुने वातावरण तयार गर्न पाउँदा खुशी लागेको छ ।” आगामी दिनमा हुने एनआरएन पोल्यान्डको अधिवेशनमा उपस्थितिको लागि हार्दिक अनुरोध गर्नु भएको थियो । उक्त कार्यक्रममा एक आपसमा शुभकामना आदानप्रदान गरिरहेका र रमाइलो गरिरहेका थिए
More

ईटालीको रोममा मन्दिर र जनजातिका पोशाक प्रदर्शनी हुने

रोम । ईटालीको रोममा अप्रिल २२ बाट शुरु हुन लागेको अन्तर् राष्ट्रिय मेलामा पहिलो पटक नेपाली मन्दिर र झण्डै एक दर्जन बिभिन्न जनजातिका पोशाकहरुको प्रदर्शन हुन गैरहेको छ । यसै मेलामा वर्तमान विश्व संरचनामा नेपाली हस्तकला र यसको बजारीकरण बिषयक अन्तरक्रिया कार्यक्रमपनि हुँदैछ । त्यसकालागि गैह्र आवाशिय नेपाली संघका पूर्व केन्द्रिय अध्यक्ष, वर्तमान प्रमुख संरक्षक तथा ब्यापारी जिवा लामिछाने, गैह्र अवाशिय संघका केन्द्रिय उपाध्यक्ष कुमार पन्त, गैह्र आवाशिय संघका अन्य मुलुकका पदाधिकारी, कलाकार, लेखक, पत्रकार तथा युरोपमा नेपाली उत्पादनको ब्यापार गरिरहेका तिन दर्जनभन्दा बढि ब्यवशायीहरुकाबिच अन्तर्क्रिया हुँदै छ । कार्यक्रममा ब्यापारी जिवा लामिछानेको पुस्तक सर्सर्ति संसारको बिमोचनसमेत गरिने भएको छ
More

नेपाली योगा थेरापिस्ट पन्त बेलायतमा

स्कटल्याण्ड । नेपालका पुर्व राष्ट्रिय बक्सिङ खेलाडी तथा ख्यातिप्राप्त योग प्रशिक्षक पुष्करराज पन्त बेलायतमा विभिन्न स्थानमा योग प्रशिक्षण दिइरहेका छन् । बेलायत र जर्मनीका विभिन्न ठाउ“मा उनले ६ मईसम्म योग कक्षा संचालन गर्नेछन् । पन्तले १३ अप्रिलमा हिमालयन सेन्टर फर आर्टस एन्ड कल्चरले स्कटलेण्डमा र नेपाल स्कटलेण्ड एशोसिएनले एडिनबर्गमा आयोजना गरेको नया“ वर्षको कार्यक्रममा योग र सकारात्मक जीवनशैलीबारे प्रशिक्षण दिएका थिए । त्यस्तै, १६ अप्रिलमा ग्लास्गो नेपालिज एशोसिएसन र दियो क्लब युके द्वारा आयोजित एक दिवसीय निःशुल्क योग प्रशिक्षण शिविर सञ्चालन गरेका थिए । बेलायतको ब्रम्हिमगममा शान्ति समाज युकेको आयोजनामा १९ अप्रिलमा हुने कार्यक्रममा पनि प्रशिक्षक पन्तले योगसम्बन्धि कार्यपत्र प्रस्तुत
More

पत्रकार महासङ्घको ताला खुल्यो

काठमाडौं । नेपाल पत्रकार महासङ्घको केन्द्रीय कार्यालयमा लगाएको ताला आज खोलिएको छ । सप्तरी शाखाका असन्तुष्ट सदस्यको माग सम्बोधन भएपछि ताला खोलिएको महासङ्घका महासचिव उजिर मगरले जानकारी दिनुभयो । वैशाख २० गते अधिवेशन गर्ने, अघिल्लो अधिवेशनमा सहभागी भएका सबैको नवीकरण गर्ने सहमति भएपछि ताला खुलाइएको उहाँले बताउनुभयो । यसैगरी प्रकाश खतिवडाको अध्यक्षतामा बनेको कार्यसमितिले नयाँ सदस्यका लागि पुनःआह्वान गर्ने सदस्य दिलाउने सहमतिसमेत भएको मगरले जानकारी गराउनुभयो । शाखाका असन्तुष्ट सदस्यले पुराना सदस्यको नवीकरण गर्नुपर्ने, नयाँ सदस्य खुलाउनुपर्ने जस्ता माग राख्दै चैत ३० गते ताला लगाएका थिए । पछिल्लोपटक महासङ्घका सदस्यका विषयलाई लिएर तालाबन्दी गर्ने प्रचलन बढेको छ ।
More

काँग्रेस पदाधिकारी गम्भीर छलफलमा

काठमाडौं । आसन्न स्थानीय तहको निर्वाचनमा पार्टीको तयारीका सम्बन्धमा नेपाली काँग्रेसका पदाधिकारी तथा वरिष्ठ केन्द्रीय सम्मिलित बैठकले छलफल गरेको छ । पार्टी सभापति शेरबहादुर देउवाको निवास बूढानीलकण्ठमा आज भएको बैठकमा मुलुकभर पार्टीको निर्वाचन तयारी र अवस्थाका बारेमा छलफल भएको पार्टी कार्यालयका मुख्यसचिव कृष्णप्रसाद पौडेलले जानकारी दिनुभयो । बैठकमा पार्टीको निर्वाचन तयारी, निर्वाचनमा सर्वसम्मतरुपमा पार्टीको उम्मेदवार चयन गर्नुपर्ने विषयदेखि निर्वाचनमा सहभागी नहुने निर्णय गरेका मधेसकेन्द्रित दललाई कसरी सहमति ल्याउने भन्नेबारेमा समेत छलफल भएको बताइएको छ । काँग्रेसले निर्वाचनमा पार्टीका तर्फबाट उम्मेदवारको टुङ्गो लगाउन पार्टीका स्थानीय संरचनालाई जिम्मा दिईसकेको छ । पार्टीले निर्वाचन तयारीका लागि सबै जिल्लामा पदाधिकारी तथा केन्द्रीय सदस्य खटाउनुका
More

निर्वाचनपछि संविधान संशोधनबारे सोचिनेछ : अध्यक्ष ओली

काठमाडौ । नेकपा (एमाले) का अध्यक्ष केपी शर्मा ओलीले स्थानीय तहको निर्वाचनपछि मात्र संविधान संशोधनबारे सोच्न सकिने बताउनुभएको छ । थाइल्यान्डमा नियमित उपचार गरी आज स्वदेश फर्केपछि त्रिभुवन अन्तर्राष्ट्रिय विमानस्थलमा पत्रकारसँग कुरा गर्दै उहाँले निर्वाचनमा अड्को थाप्ने र निर्वाचनसँग असम्बन्धित विषय अघि सारेर अल्मल्याउने काम गर्न नहुने जनाउँदै तोकिएको समयमा एकै चरणमा निर्वाचन हुनुपर्ने अडान दोहो-याउनुभयो । सरकारले संविधान संशोधनको नयाँ विधेयक एक साताअघि व्यवस्थापिका–संसद्मा दर्ता गरेको थियो । अध्यक्ष ओलीले भन्नुभयो, “वैशाख ३१ गतेको स्थानीय निर्वाचन हुन्छ भन्नेमा ‘बट र इफ’ भन्ने हुँदैन । यो लोकतन्त्रका लागि भात खानु जस्तै हो । यसमा सबैले भाग लिएर जनताका बीचमा निर्वाध
More

भूतपूर्व गोर्खा बारे त्रिपक्षीय वार्ताप्रति प्रवासी मञ्च यूकेको ऐक्यबद्धता

लन्डन । भूतपूर्व गोर्खाको समस्याको समाधानका लागि भैरहेको प्रयास सकरात्मक भएको प्रवासी नेपाली मञ्च यूकले जनाएको छ । मञ्चका अध्यक्ष रामशरण सिमखडाले विहीवार एक विज्ञप्ति जारी गर्दै वार्ता प्रति ऐक्यबद्धता जाहेर गर्दै मागहरु पूरा गर्न सम्वन्धीत पक्षसंग जोडदार माग समेत गरेका छन् । सिमखडाद्धारा जारी विज्ञप्तीको पूर्णपाठ बिगत लामो समय देखि बिभेदमा पारिएका पूर्ब गोर्खा सैनिकहरुको बारेमा बेलायत सरकार, नेपाल सरकार र भूपू गोर्खा प्रतिनिधि सम्मिलित त्रिपक्षिय बार्ता प्रथम चरणमा सौहार्दपूर्णरुपमा सम्पन्न भै प्राविधिक समितिको पहिलो बैठक समेत बेसको सन्दर्भमा लामो समयदेखी बिभेदपूर्ण ब्यबहार खेपी रहेका भूतपूर्ब गोर्खाजहरुले न्याय र सम्मान समानरुपमा प्राप्त गर्ने आशा पलाएको छ । खासगरी पूर्ब
More

पर्वत वेल्फेरको कार्यक्रममा यम क्षेत्रीले प्रस्तुति दिने

लन्डन । पर्वत जिल्ला देखी वेलायतमा आएर बिभिन्न पेशमा संलग्न पर्वर्तेहरुको भेला शनिवार हुने भएको छ । पर्वत वेल्फेर सोसाइटी यूकेको आयोजनामा आयोजनामा हुने नयाँ वर्ष शुभकामना आदानप्रदान कार्यक्रमको तयारी अन्तिम चरणमा पुगेको सोसाइटीका अध्यक्ष ददी आचार्यले जानकारी दिए । अल्डरशटस्थित एम्पायर हाउसको हलमा आयोजना हुने विषेशका कार्यक्रममा लोकगायक यम क्षेत्रीले आफ्नो प्रस्तुति दिने भएका छन्। पर्वत जिल्लामा जन्मेका गायक क्षेत्री पछिल्लो वर्षकै निकै चर्चित गायक मध्य एक हुन् । कार्यक्रममा पर्बत जिल्ला सम्वंधी वृतचित्रm लाइभ कन्सर्ट, राफल ड्र, स्वादिस्ट खाना तथा अन्य मनोरंजन हुने वताएको छ । सोसाइटीले वेलायतवासी नेपाली समूदायतलाई उपस्थितीको लागि आग्रह गरेको छ ।
More

मोर्चामा आवद्ध पाँच दलबीच आज एकता घोषणा हुँदै

काठमाडौं । संयुक्त लोकतान्त्रिक मधेसी मोर्चामा आबद्ध पाँच दलबीच एकता हुने भएको छ । तराई–मधेस लोकतान्त्रिक पार्टी, सद्भावना, फोरम गणतान्त्रिक, मधेस समाजवादी, र मधेस सद्भावना पार्टीले आज पार्टी एकीकरणको घोषणा गर्न लागेका हुन । एकीकृत नयाँ पार्टीको नाममा ‘मधेस’ शब्द हटाउँदै ‘राष्ट्रिय जनता पार्टी’ राखिएको छ । पार्टीको चिह्न र झन्डा ‘छाता’ रहने बताइएको छ । मोर्चामा आबद्ध उपेन्द्र यादव अध्यक्षताको संघीय समाजवादी फोरम नेपाल र अनिल झा नेतृत्वको नेपाल सद्भावना पार्टी भने एकीकरण प्रक्रियामा सहभागि छैनन् । एकीकरणपछि पार्टीको नेतृत्व महन्थ ठाकुरले गर्ने बताइएको छ । दोस्रो तहको बरियता नमिलेपछि अध्यक्ष मण्डल बनाउने तयारी छ । एकीकरणपछि सो पार्टीबाट
More

राष्ट्रपति भण्डारीसँग प्रवासी नेपालीको भेट

राजकोट । भारतको राजकीय भ्रमणमा रहनुभएकी राष्ट्रपति विद्यादेवी भण्डारीसँग भ्रमणको चौथो दिन आज प्रवासी नेपालीहरुले भेटघाट गरेका छन् । राष्ट्रपति रहनुभएको होटेल इम्पेरियलमा प्रवासी नेपालीहरुले उहाँलाई भेटेका हुन् । राष्ट्रपति भण्डारी केहीबेरपछि भारतको मुख्य औद्योगिक पश्चिमी राज्य गुजरातको राजकोटस्थित औद्योगिकस्थल अवलोकन गर्न पुग्नुहुनेछ । राष्ट्रपति भण्डारी यहाँस्थित गोपाल दुग्ध डेरी उद्योगको अवलोकन भ्रमणपछि आज दिउँसो उडिसा राज्य जाने कार्यक्रम रहेको छ । यसैबीच, भारतका लागि नेपाली राजदूत दीपकुमार उपाध्यायले आज बिहान भ्रमण दलका सदस्यहरुलाई समीक्षात्मक जानकारी गराउनुभएको थियो ।
More

टिफाको तेस्रो बैठक सुरु

काठमाडौं । नेपाल र अमेरिकाबीच व्यापार तथा लगानी सम्झौता (टिफा)को तेस्रो बैठक आज यहाँ सुरु भयो । बैठकको प्रारम्भ गर्दै वाणिज्य मन्त्रालयका सचिव ङइन्द्रप्रसाद उपाध्यायले नेपालको उत्पादनलाई अमेरिकाको बजारमा सहजरुपमा पु-याउने विषयमा बैठकले महत्वपूर्ण सहयोग गर्ने बताउनुभयो । नेपालका लागि अमेरिकी राजदूत अलाइना बी टेप्लिजले नेपालका उत्पदनलाई सहजरुपमा अमेरिकी बजारमा पु-याउन र त्यसका लागि आफ्नो सरकारले सक्दो सहयोग गर्ने विश्वास दिलाउनुभयो । नेपाली उत्पादनलाई अमेरिकी बजारमा प्रवद्र्धन एवम् बिक्री अभिवृद्धि गर्ने उद्देश्यले नेपाल र अमेरिकाबीच विसं २०६८ मा टिफा सम्झौता भएको थियो । नेपालमा अमेरिकी लगानी आकर्षित गर्न तथा नेपाली वस्तु र सेवाको व्यापार विस्तारमा सघाउन उक्त सम्झौता भएको हो
More

पर्वत र बागलुङ जोड्ने झोलुङ्गे पुल निर्माण सुरु

फलेवास । पुलैपुलको जिल्ला पर्वतमा फेरि अर्को अग्लो मुलुककै नमुना पुल निर्माण हुने भएको छ । छिमेकी जिल्ला बागलुङको सदरमुकाम बागलुङबजार र पर्वतको सदरमुकाम कुश्मा नगरपालिका–१ पाङ जोड्ने पुलको निर्माण कार्य सुरु भएको हो । यो पर्वतको पाँचाँै अग्लो झोलुङ्गे पुल हुनेभएको छ । स्थानीय पूर्वाधार विकास तथा कृषि सडक विभागले कुश्मा नगरपालिका–१ पाङदेखि बागलुङ नगरपालिका–१ रामरेखा जोड्ने गरी उक्त झोलुङ्गे पुल निर्माणका लागि चालु आवमा रु दुई करोड विनियोजन भइसकेको जिल्ला समन्वय समिति पर्वतले जनाएको छ । पुल निर्माणका लागि सरकारले पहिलो चरणअन्तर्गत विस्तृत सर्वेक्षण गरी लागत स्टिमेटको विवरण तयार गरिसकेको छ । उक्त पुललाई टेन्डर प्रक्रियामार्फत आगामी दुई
More

जापानी राजकुमारी हिताचीद्वारा नेपालीको प्रशंसा

टोकियो । जापानी राजकुमारी हानाको हिताचीले नेपालीलाई जापानी नागरिकभन्दा बढी पौरखी र आस्थाका पहरेदार रहेको भन्दै सद्भाव व्यक्त गर्नुभएको छ । नेपाल र नेपालीप्रति विशेष आस्था र ममता रहेको जनाउँदै जापानी राजपरिवारको छुट्टै भाव र स्नेह रहेको उहाँले जनाउनुभएको हो । एसियाका उद्यमशील महिला सहकर्मी समाजले ४१ वर्षदेखि आयोजना गर्दै आएको एक दिवसीय च्यारिटी मेलामा प्रमुख अतिथिका रुपमा उपस्थित हुनुभएकी राजकुमारी हिताचीले कार्यवाहक राजदूत कृष्णचन्द्र अर्यालसंग नेपाल र नेपालीको शीर उच्च रहेको भन्दै प्रशंसा गर्नुभयो । राजधानी टोकियो महानगरपालिकाको आकासाकास्थित इन्टरनेसनल होटलमा आयोजित एक मेलामा दौरा सुरुवाल र ढाका टोपी लगाएका नेपाली देखेर उहाँले नमस्ते अभिवादन गर्नुभयो । २६ राष्ट्रका
More

प्रतिष्ठित वसुन्धराश्री पुरस्कार ताना सर्मालाई, खगेन्द्र नेपालीलाई मानश्री

वसुन्धरा-मान प्रज्ञाप्रतिष्ठानले हरेक वर्ष प्रदान गर्दै आएको प्रतिष्ठित वसुन्धराश्री पुरस्कार यस वर्ष डा. तारानाथ शर्मालाई प्रदान गरिने भएको छ । प्रतिष्ठानले यस वर्षको मानश्री पुरस्कार बेलायतनिवासी वरिष्ठ सञ्चारकर्मी एवं साहित्यसेवी खगेन्द्र नेपालीलाई दिनेछ । वसुन्धरा—मान प्रज्ञाप्रतिष्ठानका कुलपति डा. दुबसु क्षेत्रीको अध्यक्षतामा बसेको बैठकले उत्कृष्ट, विशिष्ट र पठनीय आधुनिक नेपाली निबन्ध, नियात्रा, कथा, उपन्यास र समालोचनाहरुका सिर्जनाद्वारा आधुनिक नेपाली साहित्यलाई सार्थक, समृद्ध र समुन्नत बनाई नेपाली वाङ्मयलाई वैभवशाली र गरिमामय बनाउन विशिष्ट योगदान गरी विश्व समुदायमा नेपाल र नेपाली भाषा—साहित्यको स्थान र पहिचान उच्च र अक्षुण्ण राख्न जिन्दगी अर्पण गर्नुहुने सुप्रसिद्ध साहित्यकार प्रा.डा. तारानाथ शर्मालाई वि.सं.२०७४ सालको वसुन्धराश्री पुरस्कार प्रदान गर्ने
More