Daily Archives 25th April 2017

निर्वाचनमा सहयोग गर्ने भारतीय प्रधानमन्त्री मोदीको सन्देश

काठमाडौं । भारत सरकारले नेपालमा यही वैशाख ३१ गते हुन लागेको स्थानीय तहको निर्वाचनमा आफ्नो पूर्ण सहयोग रहने प्रतिबद्धता जनाएको छ । प्रधानमन्त्री पुष्पकमल दाहाल ‘प्रचण्ड’लाई भारतीय प्रधानमन्त्री नरेन्द्र मोदीले आज टेलिफोन गरी उक्त प्रतिबद्धता जनाउनुभएको हो । ‘‘प्रधानमन्त्री दाहाललाई टेलिफोन गरी भारतीय प्रधानमन्त्री मोदीले नेपाल सरकारले घोषणा गरेको स्थानीय तहको निर्वाचन सम्पन्न गर्न भारत सरकारको सहयोग रहने बताउनुभयो’’, प्रधानमन्त्रीका प्रेस सल्लाहकार गोविन्द आचार्यले भन्नुभयो । आज दिउँसो ४ बजे भारतीय प्रधानमन्त्री नरेन्द्र मोदीले प्रधानमन्त्री ‘प्रचण्ड’लाई टेलिफोन गरी नेपाल सरकारले घोषणा गरेको स्थानीय तहको निर्वाचन सफलताको शुभकामना दिनुभएको हो । टेलिफोनमा समकक्षी मोदीले सबै राजनीतिक शक्तिलाई मिलाएर निर्वाचनमा जानु प्रधानमन्त्री
More

राष्ट्रपतिद्वारा सम्पदाको अवलोकन

राष्ट्रपति विद्यादेवी भण्डारीले मङ्गलबार गोरखा भूकम्प गएको दुई वर्ष पुगेको दिन पुनःनिर्माण भइरहेको विश्वसम्पदा सूचीमा रहेको भक्तपुर दरबार स्क्वायर क्षेत्रका सम्पदाको अवलोकन गर्नुहुँदै । तस्बिर : रमेश गिरी
More

आयोगको भनाइप्रति एमालेको आपत्ति

भक्तपुर । निर्वाचन आयोगले बजेट भाषण गरेर दोस्रो चरणको चुनाव गर्न सकिने भनेर दिएको अभिव्यक्तिप्रति नेकपा एमालेले आपत्ति जनाउँदै आयोगको ध्यानाकर्षण गराउने भएको छ । एमाले पार्टी अध्यक्ष केपी शर्मा ओलीको निवास बालकोटमा आज बसेको स्थायी कमिटी बैठकले आयोगको ध्यानाकर्षण गराउँदै आजै एमाले संसदीय दलका उपनेता सुवास नेम्वाङसहितको टोलीले यसबारेमा निर्वाचन आयोगमा पुगेर लिखित असहमति दर्ता गर्ने निर्णय गरेको छ । बैठक सम्पन्न भएपछि सञ्चारकर्मीलाई बैठकको निर्णयबारे जानकारी गराउँदै एमाले सचिव योगेश भट्टराईले भन्नुभयो – “एक महिनाको अन्तरमा दुई चरणमा निर्वाचन गराउन खोज्ने र त्यसैको चर्चा गरेर बहुसङ्ख्यक प्रदेशमा निर्वाचन गराउने योजना षड्यन्त्रमूलक रहेको एमालेको ठम्याइ छ । बजेटपछि चुनाव
More

टेलिकमको कार्यालयमा फेसवुक प्रतिबन्ध !

काठमाडौं । नेपाल टेलिकमले यही वैशाखदेखि कर्मचारीलाई आफ्नो कार्यालय समयमा ‘फेसबुक’ चलाउन नपाइने व्यवस्था गरेको छ । कार्यालय समयमा फेसवुक चलाउँदा सेवाग्राहीलाई असर पर्ने भन्दै यस्तो निर्णय गरिएको टेलिकमका प्रवक्ता प्रतिभा वैद्यले जानकारी दिइन् । साथै, टेलिकमले वैशाख १ गतेदेखि नेपाल सरकारबाट सञ्चालित ‘.gov.np’ डोमेनका करिब पाँच सय ५० वेबसाइट टेलिकमका जिएसएम मोबाइल सेवाबाट निःशुल्क प्रयोग गर्न पाउने व्यवस्था मिलाएको छ । काठमाडैंमा आयोजित पत्रकार सम्मेलनमा कम्पनीका प्रबन्ध निर्देशक कामिनी राजभण्डारीले नेपाल सरकारका वेबसाइट जिएसएम मोबाइल डाटा प्रयोग गरी स्वतन्त्र रुपमा ब्राउज गर्न सकिने जानकारी दिइन् । आगामी आवमा ‘4G’ सेवालाई विस्तार गरिने, पुराना प्रणालीलाई नयाँमा स्थानान्तरण गरिनेजस्ता कार्यलाई प्राथमिकताका
More

डीआईजी सिलवालमाथि छानविन अघि नबढाउन अन्तरिम आदेश

काठमाडौं । सर्वोच्च अदालतले नेपाल प्रहरीका डीआईजी नवराज सिलवालमाथि छानविन लगायतका कुनै पनि कारवाही अघि नबढाउन अन्तरिम आदेश दिएको छ । न्यायाधीश जगदिश शर्मा पौडेल, ईश्वर खतिवडा र तेजबहावदुर केसीको संयुक्त इजलासले अदालतमा बिचाराधीन मुद्दाको किनारा नलागेसम्म आईजीपी नियुक्ति सम्बन्धी कुनै पनि प्रसंगलाई लिएर सिलवाल उपर छानविन, निलम्बन वा कुनै प्रकारको अभियोगमा मुद्दा लगाउने काम नगर्न-नगराउन सरकारलाई आदेश दिएको हो । आईजीपी नियुक्तिमा आफूमाथि अन्याय भएको भन्दै सिलवालले दायर गरेको मुद्दाको बैशाख १९ गतेबाट पूर्ण इजलासमा सुुनुवाई हुँदैछ । सर्वोच्चको आदेशसँगै सरकारले त्यसअघि सिलवालमाथि कुनै कारवाही चलाउन नपाउने भएको हो । सरकारी कागज कीर्ते गरेको अभियोगमा सरकारले डीआईजी सिलवालमाथि छानविन
More

काँग्रेसले आगामी १० वर्षभित्र मध्यम आययुक्त राष्ट्र बनाउने

काठमाडौं । नेपाली काँग्रेसले मुलुकलाई आगामी १० वर्षभित्र एउटा मध्यम आययुक्त गतिशील राष्ट्र बनाउने ध्येयका साथ पार्टीको घोषणापत्र सार्वजनिक गरेको छ । पार्टी कार्यालयमा आज आयोजित विशेष कार्यक्रममा सभापति शेरबहादुर देउवाले घोषणापत्र सार्वजनिक गर्नुभएको हो । मध्यम आययुक्त गतिशील राष्ट्र बनाउन कम्तीमा पनि एक दशकसम्म वार्षिक सातदेखि १० प्रतिशतसम्मको उच्च आर्थिक वृद्धि दर निरन्तर हासिल गर्दै हरेक वर्ष अर्थतन्त्रले तीनदेखि पाँच लाख रोजगारीका अवसर सिर्जना गर्र्ने काँग्रेसले जनाएको छ । यो उद्देश्य हासिल गर्न अभूतपूर्व परिमाणमा नेपाली काँग्रेसले स्वदेशी र विदेशी लगानीको परिचालन गर्नेछ । यो लगानी हाम्रा सम्भावनाका क्षेत्र ऊर्जा, पर्यटन र कृषिका साथै उत्पादनमूलक उद्योग र नयाँ प्रविधि
More

एनआरएनको सर्तले लाप्राकको पुनर्निमाण अधुरो

किरण लोहनी लाप्राकमा एकीकृत बस्ती बनाउनका लागि त्रिपक्षीय सम्झौता भएको थियो । पुनर्निर्माण प्राधिकरण, सहरी विकास तथा भवन निर्माण डिभिजन कार्यालय र गैरआवासीय नेपाली संघबीच त्रिपक्षीय सम्झौता भएको थियो । त्यसमा नीतिगत अलमल, जग्गा विवाद तथा आन्तरिक कारणले एक वर्ष त्यसै बित्यो । अहिले पुनर्निर्माण प्राधिकरणले योजना पास गरेर घर निर्माण सुरु भएको भनेको छ । त्यहाँका बासिन्दालाई दुईवटा मर्का परेको छ । एउटा गैरआवासीय नेपाली संघले बनाएको कार्ययोजनाअनुसार घर निर्माणका लागि चाहिने काठ र ढुंगा आफैले जुटाउनुपर्ने सर्त राखिएको रहेछ । यसरी स–सर्त घर पाउने भएपछि सुरुमा लाप्राकवासी उत्साहित भएका थिए । काठको जोह गर्न लाप्राकवासीलाई हम्मे परिरहेको छ
More

‘त्यो कालो दिन’

चिरन शर्मा । लन्डन । २ वर्ष अघि आजैको दिन, वैशाख १२ गते शनिवार बिहान उठेर नेपालका समाचार हेर्दै थिएँ । नेपालमा ठूलो भूकम्प गयो भन्ने समाचार देखेँ । कति म्याग्नेच्यूटको भूकम्प गयो भन्ने स्पष्ट थिएन् । भूकम्पले के कति क्षति पु-यायो भन्ने जानकारी लिने माध्यम अनलाइन प्रोटलबाहेक मसँग अर्को विल्कप थिएन । सबैले आ–आफ्ना परिवारको हाल खबर बुझ्ने क्रम सुरु भयो । हामीले पनि नेपालमा रहेका आफन्तको सोधखोज गर्न थाल्यौं । समाचार धमाधम आउन थाले । भूकम्प क्षति अल्पनीय थियो । रेडियो नेपालले प्रत्यक्ष प्रसारण सुरु ग-यो, धरहरा भत्कियो भन्ने समाचार आयो । त्यसपछि झ्नझ्न काहली लाग्दा समाचार आउन
More

बजारमा नक्कली नोटको बिगबिगी

काठमाडौं । बेलाबेलामा बजारमा नक्कली नोटको बिगबिगी हुने गरेको छ। अहिले पोखरामा नक्कली तथा जाली नोटहरू विभिन्न माध्यमबाट बैङ्कहरूमा आएको छ । गत शुक्रवाररसम्ममात्र नेपाल राष्ट्र बैङ्क, पोखरा शाखामा ९१ ओटा नक्कली नोट सङ्कलन भइसकेका छन्। त्यसमा रू. ५ सय र १ हजारका नोट छन्। नक्कली नोट कारोबार गर्नेले मौका हेरेर सर्वसाधारणसँग कारोबार गरेर झुक्याउँछन्। राष्ट्र बैङ्कको पोखरा शाखामा एकैदिन १० ओटासम्म नक्कली नोट आएको बताइएको छ । यस्तै, केही महीनाअघि जाजरकोटमा नक्कली नोट छाप्ने मेशिनसहित व्यक्ति पनि पक्राउ परेका थिए। नेपाल राष्ट्र बैङ्कका मुद्रा व्यवस्थापन विभागका निर्देशक भीष्म उप्रेतीका अनुसार केन्द्रीय बैङ्कमा प्रायः ८—१० दिनमा एक/दुईओटा नक्कली नोट आउने
More

नेपाली काँग्रेसको प्रशिक्षण

विराटनगर । स्थानीय निर्वाचनलाई लक्ष्य गरी नेपाली काँग्रेसले यहाँ एकदिने नेतृत्व विकास प्रशिक्षण कार्यक्रम आयोजना गरेको छ । आसन्न निर्वाचनमा काँग्रेसले अपनाउने रणनीति र योजनाका बारेमा जानकारी दिने उद्देश्यले सोमबार आयोजित सो प्रशिक्षणमा विराटनगरका १९ वटै वडाका पार्टी पदाधिकारी र नगरभित्रका विभिन्न भ्रातृ सङ्गठनका पदाधिकारीसहित दुई सयभन्दा बढी नेता, कार्यकर्ताको सहभागिता थियो । सो अवसरमा सांसद अमृत अर्यालले सबै कार्यकर्ताको सक्रिय सहभागिताले मात्रै निर्वाचनमा सफलता पाउन सकिने बताउनुभयो । पार्टीका नगर सभापति भीम पराजुलीले नगरसमितिले नगरका सबै वडामा घरदैलो अभियान थालेको जानकारी दिनुभयो । कार्यक्रममा श्याम पौडेल र तीर्थ पौडेलले प्रशिक्षण दिनुभएको थियो ।
More