Daily Archives 1st May 2017

क्यानाडाका प्रधानमन्त्री नेपालीको योगदानबाट प्रभावित

रन्जु क्षेत्री । टोरोन्टो । क्यानाडाका प्रधानमन्त्री जस्टिन ट्रुडेउले आफ्नो देशका लागि नेपालीले उल्लेख्य योगदान गरेको बताएका छन् । नेपाली नयां वर्ष २०७४ को उपलक्ष्यमा नेपाली जनसम्पर्क समिति, क्यानाडा मार्फत नेपाली समुदायलाई पठाएको शुभकामना सन्देशमा प्रधानमन्त्रीले नेपालीको योगदानको प्रशंसा गर्दैै यो निरन्तर रहिरहेको समेत उल्लेख गरेका छन् । ‘क्यानाडा असंख्य संस्कृतिहरुको घर हो जहां बसाइ, काम र एकापसबीच आत्मियता मौलाएको छ’, उनले सन्देशमा भनेका छन्, ‘तपाईंहरु हाम्रो यस अनेकताको समाजमा योगदानको गर्व गर्न सक्नुहुन्छ ।’ नेपाली जनसम्पर्क समिति, क्यानाडाले शुक्रबार २९ मेका दिन ग्रेटर टोरोन्टोस्थित ब्राम्टन शहरमा एक पत्रकार सम्मेलन गरि प्रधानमन्त्रीको पत्रबारे जनाएको हो । समितिले विगतमा समुदायमा गरेका
More

महाअभियोग प्रस्ताव फिर्ता लिन माग गर्दै विरोध प्रदर्शन

काठमाडौं । प्रधानन्यायाधीश सुशीला कार्कीविरुद्ध दर्ता भएको महाअभियोग प्रस्ताव तत्काल फिर्ता लिई न्यायालयको स्वतन्त्रतालाई सम्मान गर्न माग गर्दै आज नागरिक समाज सञ्जालले माइतीघर मण्डलामा प्रदर्शन गरिएको छ । ‘प्रतिशोधपूर्ण महाअभियोगविरुद्ध नागरिक समाज सञ्जाल’को नेतृत्वमा निस्केको सो -यालीमा साझा पार्टी, विवेकशील नेपाली दल र नागरिक समाजलगायत प्रतिनिधिको सहभागिता थियो । दृढ वन सुशीला, हामी तिम्रो साथमा छौँ, न्यायपूर्ण लोकतन्त्र कायम गर, प्रतिशोधपूर्ण महाअभियोग खारेज गरियोस् भन्नेजस्ता नारा लेखिएका प्लेकार्ड बोकेर माइतीघर मण्डलाबाट सुरु भएको सो -याली बबरमहल हुँदै नयाँ बानेश्वरसम्म पुगेर कोणसभामा परिणत भयो । सभामा अधिकारकर्मी डा रेणु राजभण्डारीले निर्भिक, निडर रुपमा न्याय सम्पादन गरिरहेकी प्रधानन्यायाधीश कार्कीमाथि महाअभियोग प्रस्ताव दर्ता
More

काँग्रेस पार्टी कार्यालयमा तोडफोड

रसुवा । स्थानीय तहको निर्वाचनको विवादका कारण नेपाली काँग्रेस रसुवाको कार्यालय तथा स्थानीय नेता नेता चढेको गाडी तोडफोड गरिएको छ । निर्वाचनको मनोनयपत्रको विवादका कारण हाकुका महिलाले काँग्रेस रसुवाका नेता लामाकार्पु तामाङ चढेको जिपमा ढुङ्गा प्रहार गर्नाका साथै पार्टी फर्निचर र कागजपत्र फालेर कार्यालय तोडफोड गरेको प्रहरीले जनाएको छ । ढुङ्गा प्रहारबाट तामाङ चढेको गाडीको सिसा फुट्नाका साथै सामान्य क्षति पुगेको छ । जिल्ला प्रहरी कार्यालय रसुवाका प्रहरी निरीक्षक ध्रुव सिलवालका अनुसार तोडफोडमा संलग्न पाँच महिलालाई नियन्त्रणमा लिई छानबिन भइरहेको छ । पक्राउ परेकाको नाम सार्वजनिक गरिएको छैन । पार्वतीकुण्ड गाउँपालिकाको अध्यक्षमा हाकुका साङतेम्बा तामाङले टिकट नपाएको झोकमा सो घटना
More

महाभियोग प्रस्ताव स्वेच्छाचारिताको पराकाष्टा

काठमाडौं । नेकपा (एमाले) स्थायी कमिटीको आजको बैठकले व्यवस्थापिका–संसद्का केही सदस्यले प्रधानन्यायाधीश सुशीला कार्कीविरुद्ध महाअभियोगको प्रस्ताव ल्याउनु ‘स्वेच्छाचारिताको पराकाष्टा’ भएको ठहर गरेको छ । सो पार्टीका अध्यक्ष केपी शर्मा ओलीको अध्यक्षतामा भएको बैठकको निर्णयमा भनिएको छ, “ पूर्वाग्रह र दुराशयपूर्ण उक्त प्रस्ताव विधिको शासन र स्वतन्त्र न्यायलयमाथिको ठाडो हस्तक्षेप हो भन्ने हाम्रो ठहर छ ।” एमालेका सचिव एवम् प्रचार तथा प्रकाशन विभाग प्रमुख योगेश भट्टराईद्वारा जारी विज्ञप्तिमाा भनिएको छ, “यो प्रस्ताव लोकतान्त्रिक व्यवस्थाअन्तर्गतको संविधानले व्यवस्था गरेको शक्ति पृथकीकरणको सिद्धान्तका विरुद्धमा मात्र छैन, यसले नेपाली काँग्रेस र माओवादी केन्द्रको स्वेच्छचारिताको पराकाष्टासमेत प्रकट गरेको छ । ‘निर्भीक, दक्ष तथा कर्तव्यपरायण प्रधानन्यायाधीश’का विरुद्ध
More

लैंङ्गिक अल्पसङ्ख्यकसँग अन्तरक्रिया

स्थानीय तह निर्वाचनको सन्दर्भमा निर्वाचन आयोगले यौनिक तथा लैंङ्गिक अल्पसङ्ख्यक सहभागीहरुसँग सोमबार गरेको अन्तरक्रिया । तस्बिर : नारायण न्यौपाने
More

राप्रपा सरकारबाट बाहिर, सरकार सञ्चालनमा असर नपर्ने, दुई तिहाई नपुग्ने

काठमाडौं । राष्ट्रिय प्रजातन्त्र पार्टी (राप्रपा) सत्ताबाट बाहिरिएपछि सरकार सञ्चालनमा कुनै असर नपर्ने भए पनि संविधान संशोधनमा समस्या पर्ने भएको छ । संसदमा ३७ सिट भएको राप्रपाले प्रधानन्यायाधीश सुशीला कार्कीमाथि महाअभियोग लगाउने प्रस्तावसँगै आज सोमबार सत्ता छोड्ने निर्णय गरेको छ । राप्रपा सत्ताबाट बाहिरएपछि सरकार सञ्चालनमा मधेश केन्द्रित दलहरुको समर्थन रहुञ्जेल कुनै कठिनाइ नहुने भए पनि संविधान संशोधन भने कुनै हालतमा सम्भव नहुने देखिएको छ । संसदमा अहिले कूल संख्या ५ सय ९३ छ । सरकार सञ्चालनका लागि २ सय ९७ भए पुग्छ । तर संविधान संशोधनका लागि भने ३ सय ९७ संख्या चाहिन्छ । अहिले कांगे्रससँग २ सय ७
More

चन्दा संकलनमा हाम्रो संलग्नता छैन : नेपाली दूतावास, लन्डन

लन्डन । नेपाली दूतावास लन्डनले आगामी ७ मेमा आयोजना हुने बुद्धजयन्ती समारोहका लागि गरिएको आर्थिक संकलनप्रति आश्चर्य प्रकट गरेको छ । नेपाली दूतावास लन्डन, पर्यटन बोर्ड र बुद्ध फाउन्डेसन यूकेको संयुक्त आयोजनामा हुने सो कार्यक्रमका लागि फाउन्डेसनले नेपाली दूतावासको अनुमति बिना आर्थिक संकलन गरेपछि दूतावासले आपत्ती जनाएको हो । नेपाली दूतावास लन्डनका प्रवक्ता शरदराज आरणले सोमबार नेपाल ब्रिटेन डट कमसँग कुरा गर्दै बुद्धजयन्तीका नाममा फाउन्डेसनले दूतावाससँग कुनै छलफल नै नगरी एकलौटी रुपमा आर्थिक संकलन गरेको खबर आश्चर्यजनक भएको बताए । आरणले भने, ‘हामीले राम्रो उदेश्यका लागि आयोजना हुने कार्यक्रम भएका कारणले फाउन्डेसनलाई सहयोग गरेका हौं, अब दूतावास आयोजक बन्दैन ।’
More

बुद्धजयन्तीमा चन्दा संकलन गर्दै बुद्ध फाउण्डेसन यूके

लन्डन । नेपाली दूतावास लन्डन, पर्यटन बोर्ड र बुद्ध फाउण्डेसनको आयोजनामा मनाउन लागिएको बुद्धजयन्ती कार्यक्रमको लागि चन्दा संकलन गर्न थालिएको छ । आगामी ७ मे साँझ लन्डनको मुटु ट्राफलगर स्क्वायरमा बुद्धजयन्ती मनाउने उदेश्यले आर्थिक संकलन गरिन लागिएको बुद्ध फाउण्डेसन यूकेले जनाएको छ । नेपाली दूतावासको समेत प्रत्यक्ष सहभागितामा आयोजना हुन लागेको उक्त कार्यक्रममा जनस्तरबाट आर्थिक संकलन गर्न लागिएको पहिलो पटक हो । यसअघि नेपाली दूतावासले बुद्धजयन्ती समारोहमा उपस्थित हुनका लागि लन्डनस्थित नेपाली समूदायतलाई औपचारिक पत्रचार गरेको थियो । फाउण्डेसनले शान्तिका अग्रदूत गौतम बुद्धको जन्मस्थलको प्रबद्र्धन एवं बौद्ध दर्शन र शान्तिको सन्देश विश्व समक्ष र्पुयाउन र नेपालको पर्यटन प्रबर्धन गर्ने उदेश्यले
More

‘भाग्यले बाँचेकाहरु’ले बेलायती नेतालाई पनि रुवायो

उत्तरी आयरल्याण्ड । ‘भाग्यले बाँचेकाहरु’ वृत्तचित्रले बेलायती नेतृलाई समेत रुवाएको छ । उत्तरी आयरल्याण्डमा आइतबार नेपाली समुदायले आयोजना गरेको विशेष शोमा लेबर पार्टीकी नेतृ बिग्रेट एन्टोनसहित बेलायती र नेपालीहरु समेत रोए । आयरल्याण्डको लेबर पार्टीकी पूर्वउपाध्यक्ष एवं सांसदकी उम्मेदवार समेत रहेकी एन्टोनले भनिन, ‘म आफै नेपाल पुगेजस्तो लाग्यो, नेपालीको पीडामा हामी पनि साथमा छौँ ।’ भूकम्प लगत्तै आफूहरुले ६ हजार पाउण्ड संकलन गरेर नेपाल पठाएको भन्दै आगामी दिनमा पनि भूकम्पपीडितलाई सहयोग गर्न इच्छुक रहेको बताइन् । एन्टोनको आडमा बसेर रुँदै थिइन्, अर्की नेपाली सावित्री सापकोटा । उनले भनिन् – ‘डकुमेन्ट्रीका पात्रहरुको पीडा हेर्दा आफ्नै पीडा जस्तो लाग्यो ।’ उत्तरी आयरल्याण्डस्थित
More

क्लोराडोमा क्यान्सर पिडीत महिला सम्मानित

नातिबाबु भट्ट । कोलोराडोको थ्रोन्टनमा आज एक भब्य समारोह बिच क्यान्सर पिडीत आशा श्रेष्ठलाई उनको उच्च मनोबलको कदर गर्दै अभिनन्दन गरिएको छ । क्यान्सर यस्तो रोग हो त्यसको नामले मानिसहरु तर्सन्छन्, रोग लागेका मानीसहरु मानसीक चिन्ताले नै रोगले गलाउनु भन्दा धेरै आगाडी गली सकेका हुन्छन । तर आशा यस्ती साहसिक, उर्जामान जोस जांगर र सकृय महिला हुन् उनीमा क्यान्सर रोग छ भनेर कसैले पत्यउनै सक्दैन । उनको यस्तो कृयाकलापले अन्य क्यान्सर पिडीतलाई जिवन लम्ब्याउन तथा परामर्श दिन एक नमुना बन्न सक्छिन् । यसले समुदाय तथा समाजमा सकारात्मक संन्देस फैलाउन सकिन्छ भनी अभिनन्दन गरिएको हो । थ्रोन्टन सिष्टर ग्रुपको आयोजना तथा
More

वासिंटनमा नेपाली वाणिज्य दुताबास उद्‌घाटन

होमप्रसाद लम्साल । सियाटल—नेपाल सरकारद्वारा अमेरिकाको वासिंटन स्टेटको सियाटलका लागि नियुक्ति एसी शेर्पाद्वारा स्थापना गरिएको अवैतनिक वाणिज्य दुतावासको कार्यलय उद्घाटन भएको छ। नेपालका लागि अमेरिकी राजदुत डा.अर्जुन कार्की र सिटी अफ रेडमण्डका मेयर जोन मर्सिनले सियाटलको रेडमण्डमा स्थापना गरिएको कार्यलयमा संयूक्त रुपमा रिबन काटेर उद्घाटन गरेका थिए। कार्यक्रममा एनआरएन अमेरिकाका अध्यक्ष डा.केशव पौडेलले नेपालीहरु अमेरिकामा बढी रहेको सन्र्दभमा समुदायहरुबीच जातजाती भाषाभाषी र वर्ग भन्दामाथि उठेर एकताबद्ध भए मात्रै उपलब्धि हासिल हुनेमा जोड दिए। र्‍याली उद्‌घाटन समारोहमा राजदुत डा.कार्कीले सियाटल नेपाली दूतावास रहेको वासिंटन डिसीबाट निकै टाढा भएकोले चाहाना भएर पनि दुतावासले सजिलै आवश्यक सुविधा दिन सम्भव नहुँदा अबका दिनमा त्यो
More

मजदुर -याली

१२८ औं अन्तर्राष्ट्रिय मजदुर दिवसका अवसरमा सोमबार नेपाल ट्रेड युनियन काँग्रेसले सुनसरीको दुहवीमा निकालेको मजदुर -याली । तस्बिर : याम प्रधान, इटहरी
More

विनोद चौधरीका छोराको बिहेमा सलमान खान

काठमाडौं । उद्योगपति विनोद चौधरीका छोरा वरुण र जयपुरका व्यवसायी राजकुमार टोग्याकी छोरी अनुश्रीबीच विवाह भएको छ । विवाह समारोहमा उद्योगी, राजनीतिकर्मी र कलाकार लगायतको उल्लेख्य सहभागीता थियो । सो समारोहमा अभिनेता सलमान खान र शत्रुघ्‍न सिन्हा पनि उपस्थित थिए । विवाह समारोहमा सलमानलाई हेर्नका लागि मानिसहरको भिड नै लागेको थियो । विवाह कार्यक्रममा सलमान करिब एक घण्टा बसेका थिए । उनले विवाह समारोहमा पाहुनाहरुसँग कुराकानी पनि गरेका थिए । गएको बर्ष विनोद चौधरीले सलमान खानसँग विशेष कामको शिलशिलामा भेट गरेका थिए । त्यसपछि उनीहरुको सम्बन्ध घनिष्ट बन्दै गएको बताईएको छ । सलमानले विनोद चौधरीको निमन्त्रणालाई स्वीकार गर्दै वरुणको विवाह
More

हस्ताक्षर दुरुपयोग भयो भनेर कांग्रेस सांसदहरु बोल्न थाले

काठमाडौं । हिजो प्रधानन्यायाधीश सुशीला कार्कीमाथि महाअभियोग प्रस्ताव दर्ता भएपछि मुख लुकाएर बसेका नेपाली कांगे्रसका सांसदहरुले सामाजिक सञ्जालमार्फत् आफ्नो अभिव्यक्त गर्न थालेका छन् । त्यसो त उपप्रधान तथा गृहमन्त्री विमलेन्द्र निधिले प्रधानन्यायाधीशमाथिको महाअभियोग प्रस्तावप्रति असहमति जनाउँदै पदबाट राजीनामा दिएका थिए । कानुनसम्बन्धी जानकार कांगे्रस सांसद राधेश्याम अधिकारीले पनि हिजै पे्रस विज्ञप्ति जारी गरेर प्रधानन्यायाधीशमाथि लगाइएको महाअभियोगको विपक्षमा उभिएका थिए । सामाजिक सञ्जालमार्फत कांगे्रसका दर्जनौं सांसदहरुले महाअभियोगको विपक्षमा बोल्न थालेका छन् । कांगे्रस नेतृ सुजाता कोइरालाले अरु नै प्रयोजनका लागि लिइएको हस्ताक्षर दुरुपयोग भएकोमा घोर आपत्ति जनाएकी छन् । उनले टुइटरमार्फत् भनेकी छन्, ‘नेपाली कांगे्रस र लोकतन्त्रमाथि नै ठूलो हमला भएको
More

मोना युकेले मनायो नयाँ वर्ष

लण्डन । म्याग्देलीले नेपालबाट आएका कलाकारका साथ नेपाली नयाँ वर्ष मनाएका छन् । म्याग्दी प्रवासी संघ (मोना) युकेले फार्नब्रोस्थित वोकफाम कम्युनिटी स्कुलमा गरेको कार्यक्रममा नेपालबाट आएका गायिकाहरु लाली बुढाथोकी र गीता पाइजाले मनोरञ्जन दिलाए । मोना युकेका अध्यक्ष कमलबहादुर पुर्जाको अध्यक्षतामा भएको सो कार्यक्रममा स्वागत मन्तब्य उपाध्यक्ष खिम शेरचनले दिएका थिए । रसमुरका काउन्सिलर एलेक्स क्राफोर्ड सो कार्यक्रमका प्रमुख अतिथि रहेका थिए । कार्यक्रममा मोना युकेका संरक्षक रेशम शेरचन, बेल बुढाथोकी, अमर मल्ल, बिल पुर्जा र किसन जिसीलाई सम्मान गरिएको थियो । सम्मानितका तर्फबाट शेरचनले बोलेका थिए । कार्यक्रममा विभिन्न विश्वविद्यालयबाट स्नातक गरेका म्याग्देलीका छोराछोरीलाई सम्मान गरिएको थियो । औपचारिक
More

कांग्रेस चुपचाप, एमाले, माओवादी र राप्रपा छलफलमा

काठमाडौं । प्रधानन्यायाधीस सुशीला कार्कीमाथि महाअभियोग प्रस्ताव दर्ता भएपछि विकसित घटनाक्रम बारे छलफल गर्न आज प्रमुख दलले आन्तरिक छलफल गर्दैछन् । पछिल्लो राजनीतिक घटनाक्रम बारे छलफल गर्न सरकारको नेतृत्व गरिरहेको नेकपा माओवादी केन्द्रले केन्द्रिय कार्यालयको बैठक बोलाएको छ । पार्टी अध्यक्ष तथा प्रधानमन्त्री पुष्पकमल दाहालले आकस्मिक बैठक बोलाएका हुन । वैठकमा स्थानीय चुनावको तयारी, गृहमन्त्रीको राजिनामा, उम्मेदवार चयन र घोषणापत्र तयारी लगायतका विषयमा पनि छलफल हुने कार्यक्रम छ । नेकपा एमालेले पनि आजै स्थायी समिति बैठक बोलाएको छ । दिउसो पार्टी केन्द्रिय कार्यालय धुम्बाराहीमा बस्ने स्थायी समिति बैठकमा महाअभियोग प्रस्ताव, स्थानीय निर्वाचन लगायतका विषयमा कुराकानी हुने एमाले नेताहरुले बताएका छन्
More

किन पुगे प्रधानमन्त्री दाहाल राष्ट्रपति निवासमा

काठमाडौं । राष्ट्रपति विद्यादेवी भण्डारीसँग प्रधानमन्त्री पुष्पकमल दाहाल ‘प्रचण्ड’ले समसामयिक राजनीतिक घटनाक्रमका विषयमा छलफल गर्नुभएको छ । राष्ट्रपति भवन शीतलनिवासमा आज भएको भेटवार्तामा उहाँहरुबीच पछिल्लो राजनीतिक घटनाक्रम, स्थानीय तहको निर्वाचन र प्रधानन्यायाधीश सुशीला कार्कीको महाअभियोगका विषयमा छलफल भएको थियो । सो अवसरमा राष्ट्रपति भण्डारीले निर्वाचन र प्रधानन्यायाधीशको महाअभियोगका विषयमा जिज्ञासा राख्नुभएको थियो । जवाफमा प्रधानमन्त्री प्रचण्डले घोषित वैशाख ३१ गतेको निर्वाचन समयमै हुने बताउनुभएको थियो । “घोषित निर्वाचन नरोकिने र पछिल्ला राजनीतिक घटनाक्रमले कुनै असर पार्दैन” – प्रधानमन्त्रीलाई उद्धृत गर्दै उहाँका सल्लाहकार गोविन्द आचार्यले जानकारी दिनुभयो । राष्ट्रपतिले प्रधानन्यायाधीशका सम्बन्धमा राख्नुभएको जिज्ञासामा प्रधानमन्त्रीले व्यवस्थापिका–संसद्भित्रको लोकतान्त्रिक विषय भएको स्पष्ट गराउनुभएको आचार्यले
More

चट्याङ लागेर दुईको मृत्यु, सात घाइते

फलेवास । पर्वतको दुई ठाउँमा चट्याङ लागेर दुईजनाको मृत्यु भएको छ भने सातजना घाइते भएका छन् । आइतबार साँझ झरीसँगै परेको चट्याङले जिल्लाको फलेवास नगरपालिका–११ पाङ्राङका २२ वर्षीय विक्रम नेपालीको मृत्यु भएको छ भने महाशिला गाउँपालिका–६ फलामखानीका ३६ वर्षीय धनकुमारी थापाको मृत्यु भएको हो । चट्याङ लागेर नेपालीको पर्वत जिल्ला अस्पतालमा उपचारका क्रममा मृत्यु भएको हो भने थापाको उपचारका लागि ल्याउँदै गर्दा बाटोमै मृत्यु भएको हो । रुखमुनि बसेका नेपालीलाई चट्याङ लागेको थियो भने थापालाई आँगनमा हात धुँदै गर्दा चट्याङ लागेको प्रहरीले जनाएको छ । चट्याङ लागेर पाङ्राङका विवेक क्षेत्री, अनिल नेपाली, मनोज नेपाली घाइते भएका छन् भने फलामखानीका नन्दु
More

घुस लिने नासु पक्राउ

खोटाङ । अहेबको जागिर लगाइदिन्छु भन्दै घुस लिने जिल्ला अस्पताल खोटाङका नायब सुब्बा पक्राउ परेका छन् । अस्थायी करारमा अहेबको जागिर खान फारम भरेका १३ जना आवेदकबाट प्रतिव्यक्ति रु ३५ हजारका दरले घुस लिने अस्पतालका नायब सुब्बा केदारनाथ खनाल आइतबार पक्राउ परेका हुन् । अस्पताल परिसरबाटै पक्राउ परेका नासु खनाललाई जिल्ला प्रहरी कार्यालय खोटाङका प्रहरी टोलीले नियन्त्रणमा लिएर जिल्ला प्रशासनमा बुझाएको छ । खनालले आवेदकबाट आफूले घुस लिएको स्वीकार गर्दै तत्काल सावाब्याज फिर्ता दिने बताएका छन् । पक्राउ परेका खनालका बारेमा थप अनुसन्धान भइरहेको प्रमुख जिल्ला अधिकारी प्रह्लाद पोखरेलले बताउनुभयो । “उनले कमजोरी गरेकै भन्ने बुझिएको छ”– उहाँले भन्नुभयो, “छानबिन
More

पत्रकार महासंघको च्यारिटीलाई संघसंस्थाले सक्दो सहयोग गर्ने

लण्डन । पत्रकार आपतकालिन कोष स्थापनाका लागि नेपाल पत्रकार महासंघ युके शाखाले यही मे २१ अल्डरसटमा आयोजना गर्न लागेको च्यारिटीमा नेपाली समुदायका अगुवाहरुले सहयोग गर्ने वचन दिएका छन् । शाखाले च्यारिटीका बारेमा परामर्श गर्न शनिबार फार्नब्रोस्थित गोरखा प्यालेस रेस्टुरेन्टमा आयोजना गरेको बैठकमा उनीहरुले सो आश्वासन दिएका हुन् । कार्यक्रममा एनआरएन युकेका उपाध्यक्ष तथा म्याग्दी ओभरसिज नेपलिज एसोसिएसन (मोना) युकेका पूर्व अध्यक्ष योगकुमार फगामीले एनआरएन र मोनाका तर्फबाट सक्दो सहयोग हुने बताए । उनले च्यारिटीको उद्देश्यमा निरन्तरताका लागि सुझाव दिए । तमुधिँ युकेका अध्यक्ष ज्ञाम गुरुङले आजकल नेपाली संघसंस्थाको च्यारिटी कार्यक्रममा उपस्थिति पातलो हुँदै गरेको उल्लेख गर्दै पत्रकारको च्यारिटीमा उपस्थिति भव्य
More