Daily Archives 5th May 2017

सरकारी अस्पताल चार तहका हुने

काठमाडौं । स्वास्थ्य मन्त्रालयले नयाँ सङ्घीय संरचनामा चार तहका अस्पताल रहने व्यवस्था गरेको छ । मन्त्रिपरिषद्ले बिहीबार पारित गरेको नेपाल स्वास्थ्य पूर्वाधार विकास मापदण्ड २०७४ मा गाउँ तथा नगरस्तर, प्रदेशस्तर र केन्द्रीयस्तरका प्राथमिक, द्वितीय, तृतीय र विशिष्टीकृत गरी चारस्तरका अस्पतालको व्यवस्था गरिएको हो । गाउँ तथा नगरका वडास्तरमा भने कम्तीमा स्वास्थ्यचौकी वा जनता स्वास्थ्य केन्द्र वा सामुदायिक स्वास्थ्य एकाइ हुनेछन् । मापदण्डमा सबै तहका अस्पतालमा बायोमेडिकल तथा सहयोगी उपकरणको खरिद, सञ्चालन, मर्मतसम्भार र व्यवस्थापनलाई वैज्ञानिक बनाइने, उपकरणको व्यवस्थापन र मर्मतसम्भारलाई थप सबलीकरण गर्ने उल्लेख छ । स्वास्थ्य संस्थाका संरचना जथाभाबी बन्ने कार्यलाई निरुत्साहन गर्दै नयाँ संरचना निर्माण गर्दा भौतिक संरचना,
More

सर्वोच्च अदालतको निर्णय सुखद होइन : सरकारका प्रवक्ता

काठमाडौं । सूचना तथा सञ्चारमन्त्री सुरेन्द्रकुमार कार्कीले प्रधानन्यायाधीश सुशीला कार्कीका विषयमा आएको सर्वोच्च अदालतको निर्णय सुखद स्थिति नभएको बताउनुभएको छ । अदालतको निर्णयपछि आज पत्रकारको जिज्ञासामा सरकारका प्रवक्तासमेत रहनुभएका कार्कीले भन्नुभयो, “यो सुखद स्थिति हुँदै होइन तर सरकारले यस विषयमा कुनै आधिकारिक धारणा बनाइसकेको छैन ।” उहाँले व्यवस्थापिका–संसद्मा विचाराधीन विषयमा अदालतको त्यस्तो निर्णय आउनाले कार्यपालिका, न्यायपालिका र व्यवस्थापिकाबीच द्वन्द्व बढ्ने चिन्ता व्यक्त गर्नुभयो । व्यवस्थापिका–संसद्मा महाभियोगको प्रस्ताव दर्ता भएपछि प्रधानन्यायाधीश कार्की निलम्बित हुनुभएको थियो । न्यायाधीश चोलेन्द्रशम्शेर जबराको एकल इजलासले आज व्यवस्थापिका–संसद्मा दर्ता भएको महाभियोगको प्रस्ताव यथास्थितिमा राखी आजैदेखि काम गर्न दिनू भनी अन्तरिम आदेश जारी गरेको थियो ।
More

मत माग्दै

नेपाली काँग्रेसबाट सूर्यविनायक नगरपालिकामा मेयर र उपमेयरका उम्मेदवार रहेका विष्णुराज कार्की र कल्पना राजथला सहितको घरदैलो अभियान गरि मत माग्दै । तस्बिर: रमेश गिरी
More

ज्वाइँलाई जिताउन तालमेल गरेको होइन : ओली

काठमाडौं । नेकपा एमालेका अध्यक्ष केपी शर्मा ओलीले देशमा न्याय अझै पनि जीवितै रहेको बताएका छन् । काठमाडौंको एमाले उम्मेदवारहरुसँग शुक्रबार भएको भेटघाट कार्यक्रममा उनले ‘प्रधानन्यायाधीश सुशील कार्कीमाथिको महाअभियोग प्रस्तावविरुद्ध सर्वोच्च अदालतले दिएको आदेशले न्याय अझै नमरेको पुष्टि गरेको छ’–भने । ‘न्यायालयलाई आफ्ना पन्जामुनि दबाएर राख्न खोज्ने प्रवृत्ति हावी भएकाबेला पनि न्यायालय ज्यूँदै रहेछ’–उनले भने । ‘सत्ताधारीहरुको मनपरीले राणाशासन अन्त्य भएपनि जहानियाँ शासन कायमै रहेको आभास गराएको’ भन्दै ओलीले सर्वोच्चको शुक्रबारको फैसलाले न्याय जगाएको’ धारणा राखे । पहिलो चरणको स्थानीय तह निर्वाचनमा राप्रपासँग भएको तालमेलको बचाऊ गर्दै उनले ‘अरु पार्टीहरुलेजस्तो छोरी, ज्वाइँलाई जिताउने उद्देश्यले तालमेल नगरेको’ जिकिर गरे । दोस्रो
More

प्रधानमन्त्री कार्यालयको आपत्ति

काठमाडौं । प्रधानमन्त्री तथा मन्त्रिपरिषद् कार्यालयले अदालतको आदेशपछि प्रधानमन्त्री पुष्पकमल दाहाल ‘प्रचण्ड’ र नेपाली काँग्रेसका सभापति शेरबहादुर देउवाबीचको छलफलमा भारतीय राजदूतसमेत सहभागी भएको भन्ने समाचार शतप्रतिशत गलत रहेको जनाएको छ । प्रधानमन्त्री कार्यालयका सहसचिव एवम् प्रवक्ता दामोदर रेग्मीले आज विज्ञप्ति प्रकाशन गरी विभिन्न सञ्चारमाध्यममा आएको उक्त समाचारमा सत्यता नभएको जानकारी दिनुभयो । नेपालका लागि भारतका राजदूत मन्जिभसिंह पुरी हाल विशेष कामले भारतमा रहनुभएको जनाइएको छ ।
More

चितवन कसरी नामाकरण भयो ?

चितवन । सीता नवमीको अवसरमा चितवनको देवघाटमा रहेको रामजानकी गार्गी कन्या गुरुकुलमा सीता पुजन एवम उनको आदर्शताको चर्चा गरिएको छ । बालिका आश्रमको अनुगमनको क्रममा गुरुकुल पुगेकी महिला तथा बालबालिका कार्यालय चितवनकी प्रमुख शान्ताकुमारी पौडेलले आदर्श नारी सिता नेपालकै सम्पदा भएको भन्दै उनको महिमा ओझेलमा पार्न नहुने बताइन् । उनले समानतामा आधारित समाज निर्माणका लागि पनि राष्ट्रिय विभूति सीता, योगमाया जस्ता नारीहरुको सम्मान हुनुपर्ने बताइन् । सो अवसरमा नेपाल सरकारले बनाएके बालगृह संचालन मापदण्ड २०६९ अनुरुप आश्रम संचालन गर्न सुझाइन् । बागीश्वरी आध्यात्मिक परिषद योगिनरहरी नाथ आश्रम देवघाटकी सचिव सृजना अर्यालले आदर्श नारी सिताको सम्मान सरकारले गर्न नसकेको भन्दै महोत्तरी
More

बेलायती भिषा अब नयाँ दिल्लीको सट्टा युकेबाटै

लन्डन । बेलायत सरकारले अब सेटलमेन्ट भिषा यूकेको सेफिल्डबाटै जारी गर्ने भएको छ । १ मेदेखि लागु गरिएको नयाँ व्यवस्था अनुसार नेपालबाट सेटलमेन्ट भिषा लिन चाहनेले पासपोर्ट र आवश्यक दस्तुर भिषा एप्लिकेसन सेन्टर, काठमाडौंमा बुझाउने र बाँकी सबै सपोर्टिङ डकुमेन्ट यूके भिषा एण्ड इमिग्रेसन अफिस, सेफिल्डमा पोष्ट गर्नुपर्नेछ । यसअघि काठमाडौंमा निवेदन दिएपछि भारतको नयाँ दिल्लीस्थित ब्रिटिस हाइ कमिसनबाट भिषा जारी हुने गरेको थियो । लन्डनस्थित सोलिसिटर राजु थापाका अनुसार नेपालबाट बालबच्चा, श्रीमान् श्रीमती वा भूपू गोर्खाका सन्तान यूके झिकाउने सन्दर्भमा सेटलमेन्ट भिषा लिन नयाँ व्यवस्था गरिएको हो । आवेदन फारामसहित अंग्रेजी भाषाको सर्टिफिकेट, सम्वन्ध प्रमाणित हुने, बस्ने व्यवस्था भएको
More

प्रधानन्यायाधीश कार्कीलाई काममा फर्किन सर्वोच्चको आदेश (पूर्णपाठ)

काठमाडौं । सर्वोच्च अदालतले प्रधानन्यायाधीश सुशीला कार्कीलाई पूर्ववत् अवस्थामा काममा फर्किन अन्तरिम आदेश दिएको छ। न्यायाधीश चोलेन्द्र शमशेर राणाको उकल इजलाशले प्रधानन्यायाधीश कार्कीलाई पूर्ववत अवस्थामा काममा फर्किन अन्तरिम आदेश दिएको हो। प्रधानन्यायाधीश कार्कीमाथिको महाअभियोग प्रस्ताव रोक्न माग गर्दै दायर रिटमाथि सुनुवाइ गर्दै न्यायाधीश राणाले यस्ताे अादेश दिनु भएकाे हाे। कार्कीविरुद्धकाे महाअभियोग प्रस्ताव शक्ति पृथकीकरणको सिद्धान्त विपरीत भएको भन्दै सर्वाेच्चले महाअभियोग प्रस्ताव अघि नबढाउन सरकार र संसदमा नाममा अन्तरिम आदेश समेत दिएकाे छ।
More

विरोधका बीच महाभियोग प्रस्ताव अघि बढाइयो

काठमाडौं । प्रमुख प्रतिपक्षी दल नेकपा एमालेसहितका विपक्षी दलहरुको नाराबाजी र रोष्टम घेराउबीच सभामुख ओनसरी घर्तीले प्रधानन्यायाधीश सुशीला कार्कीविरुद्धको महाभियोगको प्रस्ताव अघि बढाएकी छन् । संसद्को शुक्रबार बसेको बैठकमा सभामुख घर्तीले महाभियोगको प्रस्तावमाथि छलफल गर्ने समय निर्धारण गरेकी हुन् । सभामुखले प्रस्तावमाथिको समय निर्धारण गर्न लागेपछि विपक्षी दलहरुले संसद् बैठक घेराउ गर्दै नाराबाजी गरेका थिए । सभामुख घर्तीले शुक्रबार दिउँसो १ बजे पुनः बस्ने संसद् बैठकमा महाभियोगको प्रस्तावमाथि छलफल गरिने जानकारी दिइन् । प्रमुख प्रतिपक्षी दल एमालेले भने सभामुखको निर्णयप्रति आपत्ति जनाउँदै संसद् बैठक अबरुद्ध गर्ने जनाएको छ । यसअघि शुक्रबार बिहान बसेको तीन दलको बैठकमा संसद्मा महाभियोगको प्रस्ताव अघि
More

उम्मेदवारहरूलाई आज निर्वाचन चिह्न

काठमाडौं । निर्वाचन आयोगले आज स्थानीय तह निर्वाचनका उम्मेदवारहरूलाई निर्वाचन चिह्न प्रदान गर्दैछ । मुख्य निर्वाचन अधिकृत तथा निर्वाचन अधिकृतको कार्यालयबाट आयोगले उम्मेदबारलाई निर्वाचन चिन्ह प्रदान गर्न लागेको हो । पहिलो चरणको निर्वाचन अन्तर्गत वैशाख १९ गते उम्मेदवारी दर्ता गराई उम्मेदवारी फिर्ता लिएर बाँकी रहेका उम्मेदवारहरूलाई निर्वाचन चिह्न प्रदान गरिने कार्यक्रम रहेको निर्वाचन आयोगले जनाएको छ । अहिले व्यवस्थापिका–संसदमा प्रतिनिधित्व गरिरहेका राजनीतिक दलहरूले २०७० सालको संविधानसभा निर्वाचनमा पाएकै निर्वाचन चिह्न प्राप्त गरेका थिए । बाँकीलाई आज निर्वाचन चिन्ह प्रदान गर्न लागिएको हो । स्थानीय तह अन्र्तगत पहिलो चरणमा बैशाख ३१ गते प्रदेश नम्बर तीन, चार र छ मा चौवालिस हजारभन्दा
More

संसदको गतिरोध अन्त्य गर्न प्रमुख दलका शिर्ष नेताहरुको बैठक

काठमाडौं । संसदको गतिरोध अन्त्य गर्न सभामुख ओनसरी घर्तिको पहलमा प्रमुख दलका शिर्ष नेताहरुको बैठक संसद भवन नया बानेश्वरमा जारी छ । प्रधानन्यायाधिस सुशीला कार्की विरुद्दको महाअभियोग प्रस्तावका कारण संसद बैठक अवरुद्ध भएपछि त्यसलाई सुचारु गर्नका लागि सभामुखले बैठक बोलाएकी हुन । वैठकमा प्रमुख दलका शिर्ष नेता सहभागि छन् । वैठकमा महाअभियोग अघि बढाए संसद चल्न नदिने र जेठ १५ गते बजेट ल्याउनुपर्ने संवैधानिक प्रावधान फेरबदल गर्न नदिने प्रमुख प्रतिपक्ष एमालेको अडान र निर्वाचन अगाडि बजेट ल्याउन नहुने निर्वाचन आयोगको सुझावका विषयमा सहमतिको प्रयास हुने बताइएको छ । सरकारले विपक्षि दलसँग बजेट पर सार्ने वा निर्वाचनलाई अगाडि ल्याउने भन्ने दुई
More

उम्मेदवारको घरमा सकेट बम

फलेवास । आसन्न स्थानीय तहको निर्वाचनमा कुश्मा नगरपालिकाको प्रमुख पदका उम्मेदवार रामचन्द्र जोशीको घरमा हिजो सकेट बम भेटिएको छ । नेपाली काँग्रेसका नेता जोशीको घरको भुइँतलामा रहेको उनकै कार्यालयमा प्लास्टिकभित्र राखिएको अवस्थामा बम फेला परेको हो । उक्त बम नेपाली सेनाको रणदल गुल्मको बम डिस्पोजल टोलीले निष्क्रिय पारेको प्रहरी नायब उपरीक्षक शेखर खनालले जानकारी दिनुभयो ।
More

काँग्रेस र माओवादी केन्द्रका कार्यकर्ताबीच झडप

रुकुम । यहाँ विहिबार दिउँसो नेपाली काँग्रेस र नेकपा (माओवादी केन्द्र)का कार्यकर्ताबीच झडप भएको छ । जिल्लाको बाँफिकोट गाउँपालिका–६ मा झडप हुँदा आठजना घाइते भएका छन् । झडपका क्रममा नेपाल तरुण दलका तीन र वाइसिएलका पाँचजना कार्यकर्ता घाइते भएको बताइएको छ । नेपाली काँग्रेसनिकट नेपाल तरुण दलको आन्तरिक बैठक बसिरहेको अवस्थामा वाइसिएलले आक्रमण गर्न छोजेपछि झडप भएको तरुण दलका वडाध्यक्ष उम्मेदबार विनोद कुसारीले जानकारी दिनुभयो । तर माओवादीले भने आफ्ना कार्यकर्ता बाटोमा हिँडिरहेको अवस्थामा तरुण दलले आक्रमण गरेको बताएको छ । झडपका क्रममा तरुण दलका हरि बस्याल, धनबहादुर विक, रवि केसी र वाइसिएलका प्रचण्ड केसी, प्रकाश ओली, विवेक विक, आकाश
More

बेलायतको निर्वाचनमा ईयूको प्रभाव रहँदैन : ताजामी

ब्रसेल्स । बेलायती प्रधानमन्त्री थेरेसा मेले युरोपियन युनियन (ईयू) ले बेलायतमा यही जुनमा हुन लागेको निर्वाचनमा हस्तक्षेप गर्नसक्ने भनी आएको अभिव्यक्तिलाई ईयू पार्लियामेन्ट प्रमुख एन्टोनियो ताजामीले खारेज गर्नुभएको छ । कसैले पनि संयुक्त अधिराज्यको निर्वाचनमा प्रभाव पार्ने प्रयास गरेको पनि छैन र गर्ने पनि छैन, ताजामीले युरोपियन इतिहास सङ्ग्रहालयको उद्घाटन समारोहका बीच सञ्चारकर्मीसँग बताउनुभएको हो । ईयू सदस्य हुनु र ईयूबाट बाहिरिनु एउटै होइन भन्ने अभिव्यक्ति दिनु कुनै आक्रमण र निन्दा होइन ताजामीले भन्नुभयो । बेलायती प्रधानमन्त्री मेले ब्रसेल्सलाई बेलायतको आगामी जुनमा हुन लागेको मध्यावधि निर्वाचनलाई प्रभावित पार्ने प्रयास गरेको भनी आरोप लगाउनुभएको थियो । ईयू सदस्य समूहका ब्रेक्जिट वार्ताका
More