Daily Archives 15th May 2017

खुसीयाली मनाउँदै

गोरखा नगरपालिका वडा नं.१ ताप्लेको वडाध्यक्षमा विजयी भएपछि खुसीयाली मनाउँदै नेपाली कांग्रेसका हिक्मतबहादुर भण्डारी । भण्डारीसहित गकुल भट्ट, तुलप्रसाद बानियाँ, चिनीमाया नेपाली, कमला भट्टको नेपाली कांग्रेसका सम्पूर्ण प्यानल नै बिजयी भएको हो । तस्बिर : प्रशन्न पोखरेल
More

मृतकलाई सहिद घोषणा गर्न माग

काठमाडौं । राष्ट्रिय प्रजातन्त्र पार्टीले निर्वाचनका क्रममा कालीकोटस्थित नरहरिनाथ गाउँपालिका–६ सेरापाटा केन्द्रमा सुरक्षाकर्मीको गोलीबाट वडा अध्यक्षका उम्मेदवार धनरुप बटालाको मृत्यु भएकामा दुःख व्यक्त गरेको छ । पार्टीका प्रवक्ता सुशीलकुमार श्रेष्ठले आज जारी गर्नुभएको विज्ञप्तिमा मृतकलाई सहिद घोषणा गरी परिवारको भरणपोषण तथा संरक्षणका साथै उचित क्षतिपूर्ति उपलब्ध गराउन सरकारसँग माग गरिएको छ । सो घटनामा परी घाइते भएकाको शीघ्र स्वास्थ्यलाभको कामना गर्दै यथाशीघ्र निःशुल्क उपचार गर्न माग गरिएको छ । यसैबीच नुवाकोट मेघाङ गाउँपालिकामा चुनावका क्रममा आइतबार अज्ञात समूहले पार्टीका कार्यकर्तामाथि आक्रमण गरेको घटनाको छानबिन गर्न माग गरिएको छ ।
More

प्रधानमन्त्री दाहालले बुधबार देलान राजीनामा, निधिको एसएमएसमा के थियो ?

काठमाडौं । अनपेक्षित कुनै घटना घटेन भने सम्भवतः प्रधानमन्त्री पुष्पकमल दाहालले बुधबार राजीनामा दिने छन् । जेठ ४ गते बुधबार बस्ने संसदमा आफूले राजीनामा बुझाएको जानकारी गराउने छन् । अहिलेसम्म कांग्रेस सभापति शेरबहादुर देउवासँग भएको भद्र सहमति पालना गर्ने मुडमा प्रधानमन्त्री दाहाल देखिएका छन् । तर धेरैले भरतपुर महानगरपालिकाको निर्वाचन परिणामसँग प्रधानमन्त्री दाहालको राजीनामालाई जोडेर हेरेका छन् । यदि प्रधानमन्त्री पुत्री रेणु दाहाललाई जिताउन कांग्रेसले बइमान ग-यो भने प्रधानमन्त्री दाहालको राजीनामा केही दिन पर सर्न सक्ने बताइएको छ । प्रधानमन्त्री दाहालले छोरीलाई भरतपुर महानगरको मेयर बनाउनुको सोझो अर्थ संघीय संसदमा आफ्नो लागि सिट सुरक्षित गर्नु हो । भरतपुरबाहेक अन्य क्षेत्रमा
More

महानगरमा हार जीतको हावादारी पूर्वनुमान

काठमाडौं । चारवटै महानगरमा यतिबेला मत गणना जारी छ । भरतपुर, ललितपुर, काठमाडौं र पोखरा महानगरमा एमाले अगाडि देखिएको छ । अन्य गाउँ र नगरपालिकाको मत परिणाममा पनि एमाले अगाडि नै देखियो । यसैलाई आधार मानेर एमाले राप्रपा गठबन्धनका कार्यकर्ता हौसियर सामाजिक सञ्जालमा प्रस्तुत भएका छन् । सुरुवाती चरणमा जेजस्तो परिणाम आए पनि काठमाडौं र ललितपुर महानगरमा कांग्रेसले जित्ने सम्भावनालाई नकार्न नसकिने विश्लेषकहरु बताउँछन् । भरतपुरमा कांग्रेसको सहयोगमा माओवादीले जित्ने छ भने पोखरामा एमालेले जित्ने सम्भावना बलियो छ । काठमाडौंमा विवेकशील नेपाली र साझा पार्टीका उम्मेदवारले ल्याएको मतलाई आधार मानेर कांगे्रस पराजित हुने अनुमान गरिएको छ । यसलाई आधारमा मानेर
More

घुस लिँदालिँदै नापी सर्वेक्षक पक्राउ

झापा । अख्तियार दुरुपयोग अनुसन्धान आयोगले छ लाख ८० रुपैयाँ घुस लिँदालिँदै नापी कार्यालय दमकका एक कर्मचारीलाई आज पक्राउ गरेको छ । पक्राउपर्नेमा नापी कार्यालय दमकका सर्वेक्षक विनोदकुमार मण्डल रहेका छन् । उनलाई अख्तियार दुरुपयोग अनुसन्धान आयोग, इटहरीको टोलीले पक्राउ गरेको प्रहरी नायब उपरीक्षक रमेश बस्नेतले बताउनुभयो । सेवाग्राहीको रु ३० हजारमा हुने कामका लागि उनले छ लाख ८० रुपैयाँ रकम मागेपछि पक्राउ गरिएको बस्नेतले बताउनुभयो । मण्डललाई आज दिउँसो अख्तियारको टोलीले उनकै कार्यकक्षबाट रङ्गेहात पक्राउ गरेको हो । दमकका एक जग्गा व्यवसायीको प्लटिङको जग्गाको काम मिलाइदिने भन्दै घुस लिँदालिँदै उनलाई पक्राउ गरेको बताइएको छ ।
More

गोकर्णेश्वर र कागेश्वरी मनोहरामा काँग्रेसको अग्रता, महानगरमा एमाले अगाडि

काठमाडौं । गोकर्णेश्वर नगरपालिकामा नेपाली काँग्रेसका उम्मेदवारले प्रमुख, उपप्रमुखसहित १ नम्बर वडाध्यक्षमा अग्रता लिएका छन् । दिउँसो ३ बजेसम्म गणना भएको मतमध्ये प्रमुखका उम्मेदवार सन्तोष चालिसेले ५२३ र उपप्रमुखकी उम्मेदवार शान्ति नेपालले ५१४ मत प्राप्त गर्नुभएको छ । नेकपा ९एमाले० का पुण्यप्रसाद चौलागार्इंले ३८२ र उपप्रमुखकी उम्मेदवार शान्ति श्रेष्ठले ४१५ मत प्राप्त गर्नुभएको नगर निर्वाचन अधिकृत निर्मला शर्मा सुवेदीले जानकारी दिनुभयो । माओवादी केन्द्र का टिआर नेपालले २२८ र राप्रपाका श्यामकृष्ण श्रेष्ठले १६ मत प्राप्त गर्नुभएको छ । यसैगरी उपप्रमुखमा माओवादी केन्द्रकी रेनुका कार्कीले २०८ र राप्रपाकी अञ्जना श्रेष्ठले ११६ मत प्राप्त गर्नुभएको छ । नगरपालिकाको वडा नं १ को
More

सीमासम्म सडक र रेल सञ्जालले जोड्न चीनसमक्ष प्रस्ताव

काठमाडौं । भौतिक पूर्वाधार तथा यातायातमन्त्री रमेश लेखकले सडक र रेल सञ्जालले नेपालको सीमासम्म जोड्न चीनका यातायात मन्त्रीसमक्ष प्रस्ताव गर्नुभएको छ । चीन भ्रमणमा रहनुभएका मन्त्री लेखकले आज चीनका यातायात मन्त्री लि जियाओ पेङसँगको भेटवार्तामा यस्तो प्रस्ताव राख्नुभएको हो । भेटका अवसरमा चिनियाँ मन्त्री पेङले ओबिओआर (वन बेल्ट वन रोड) मा हस्ताक्षरपछि नेपालको आर्थिक विकासमा नयाँ सुरुवात भएको बताउनुभयो । मन्त्री लेखकको नेपालमा लगानी र ठूला परियोजनामा सहयोगका लागि गर्नुभएको प्रस्तावलाई पनि उहाँले स्वीकार गर्नुभएको स्वकीय सचिव जनक भट्टले राससलाई जानकारी दिनुभयो । ठूला परियोजनामा लगानीका लागि नेपालका तर्फबाट चीनका लागि राजदूत लीलामणि पौडेललाई सम्पर्क व्यक्ति तोकिएको छ । यसैगरी
More

एनआरएन यूकेको सदस्यता शुल्क २५ पाउण्ड, निर्वाचन समिति गठन

लन्डन । गैरआवासीय नेपाली संघ (एनआरएनए) यूकेले आफ्नो सदस्यता शुल्कमा भारी बृद्धि गरेको छ । एनआरएन यूकेको आइतवार सम्पन्न बैठकले यसअघि कायम रहेको प्रति साधारण सदस्य शुल्क १० पाउण्डबाट बढाएर २५ पाउण्ड तोकेको हो । संघका प्रवक्ता खुशी लिम्बुमा अनुसार नेपालमा बन्दै गरेको एनआरएन भवनको सहयोगार्थ सो शुल्क बृद्धि गरिएको हो । लिम्बुका अनुसार बृद्धि गरिएको सदस्यता शुल्क आगामी कार्यकालको लागि मात्र कायम रहने छ । संघका अध्यक्ष मुछेत्र गुरुङको अध्यक्षतामा सम्पन्न बैठकले अगामी सेप्टेम्बर ९ तारिक अल्डरशटमा हुने साधारणसभाको लागि निर्वाचन समितिको गठन समेत गरेको छ । बैठकले निर्वाचन समितिको संयोजक डा. चन्द्र लक्छम्बा, सदस्य सचिव रामशरण सिमखडा, सदस्यहरुमा
More

गोरखा नगरपालिकामा नयाँ शक्तिको २ मत

गोरखा— गोरखा नगरपालिकाको प्रारम्भिक मतगणनामा नेपाली काँग्रेसले अग्रता लिएको छ। नगरपालिका १ को ५० मत गणना हुँदा नेपाली काँग्रेसका मेयर उम्मेदवारले ३१ सहित अग्रता लिएको हो। माओवादी केन्द्रले १० र एमाले ४ मत पाएका छन्। नयाँ शक्तिका उम्मेदवारले २ मत पाएका छन्। गोरखा नयाँ शक्ति पार्टीका संयोजक पूर्वप्रधानमन्त्री डा.बाबुराम भट्टराईको गृह जिल्ला हो। गोरखा नपाका १४ वडामध्ये वडा नम्बर १ बाट गणना थालिएको हो ।
More

एमाले कार्यकर्ताको हत्या, झडपमा चार घाइते

मलेखु । दक्षिणी धादिङको बेनिघाट रोराङ गाउँपालिका–९ जोगिमारास्थित पिपलभन्ज्याङमा आइतबार राति एमाले कार्यकर्ताको हत्या भएको छ । पिलभन्ज्याङमा रहेको बन्दै गरेको झ्यालढोका नहालिएको घरमा आइतबार राति ३० वर्षीय लक्ष्मण चेपाङलाई लठ्ठीले हानेर हत्या गरिएको र त्रिपालसँगै जस्तापाताले समेत छोपेर छाडिएको अवस्थामा शव भेटिएको प्रहरीले जनाएको छ । स्थानीय तह निर्वाचनको मतदान गरेपछि घरको काम गरेर बसेका चेपाङलाई हानिएको लठ्ठी सोही स्थानमा रगत लतपतिएको अवस्थामा भेटिएको छ । सोही घरसँगै रहेको रेशम चेपाङको पसल फोरेर सामान लुटिएको सोही गाउँका प्रदीप श्रेष्ठले जानकारी दिनुभयो । राति घटना भएपछि छिमेकीले प्रहरीलाई खबर गरेको तर प्रहरी घटनास्थलपुग्न ढिलाइ हुँदा गाउँवासीेले घटनास्थलको सुरक्षा गरेर राखेकोे
More

सरकार र मोर्चाबीच संविधान संशोधन प्रस्तावबारे छलफल

काठमाडौं । स्थानीय तहको दोस्रो चरणको निर्वाचनमा सहभागितासहित संविधान संशोधनलगायत विवादीत विषयमा सहमति जुटाउन सरकार र मधेसी मोर्चाबीच सोमबार बिहान छलफल सुरु भएको छ । छलफल प्रधानमन्त्री निवास बालुवाटारमा भइरहेको छ । मोर्चाका एक नेताले अनुसार प्रधानमन्त्रीले बैठकमा बोलाएको जानकारी दिए । वैशाख ३१ गते पहिलो चरणको स्थानीय तहको पहिलो चरणको निर्वाचन सफलतापूर्वक सम्पन्न भएपछि प्रधानमन्त्रीले मोर्चालाई छलफलमा डाकेका हुन् । आगामी जेठ ३१ गते दोस्रो चरणको निर्वाचनको तालिका रहेको छ । यसअघि मोर्चा र सरकारबीच जेठ ४ गतेभित्र संविधान संशोधन प्रस्ताव पारित गराउने सहमति भएको थियो ।
More

ललितपुरमहानगरमा काँग्रेसको झिनो अग्रता

ललितपुर । ललितपुर महानगरपालिका–१ वडाको पछिल्लो मत परिणामअनुसार नेपाली काँग्रेसले अग्रता लिएको छ । जारी मत गणनामा प्रमुख पदमा नेपाली काँग्रेसका उम्मेदवार चिरिबाबु महर्जन ३६७ मतका साथ अग्र स्थानमा हुनुहुन्छ, भने नेकपा (एमाले)का हरिकृष्ण ब्यञ्जनकार ३०९ मतका साथ दोस्रो र नेकपा (माओवादी केन्द्र) का दिनेश महर्जन ११२ मतका साथ तेस्रो स्थानमा हुनुहुन्छ । आइतबार सम्पन्न स्थानीय तहको निर्वाचनमा यहाँका सबै छ स्थानीय तह महानगरसहित दुई नगरपालिका र तीन वटै गाउँपालिकामा मतगणना जारी छ । गएराति १२ बजेबाट महानगरको १ वडाबाट मतगणना सुरु भएको थियो । उक्त वडामा दुई हजार ४६१ मतदाता रहेका छन् । जम्मा २९ वडा रहेको महानगरमा प्रमुख
More

निर्वाचन उत्साह जनक र शान्तिपूर्ण रह्यो : जियोक

काठमाडौं । आम निर्वाचन पर्यवेक्षण समिति (जियोक)ले प्रदेश नं ३, ४ र ६ का ३४ वटा जिल्लामा भएको पहिलो चरणको स्थानीय तहको निर्वाचनमा जनताको उत्साहजनक सहभागिता रहेको निष्र्कष निकालेको छ । सबै मतदान केन्द्रमा खटिएका जियोकका पर्यवेक्षकले दिएको प्रारम्भिक प्रतिवेदनका आधारमा स्थानीय तहको पहिलो चरणको निर्वाचन केही स्थानमा भएका छिटफुट घटनाबाहेक शान्तिपूर्ण वातावरणमा सम्पन्न भएको उक्त संस्थाले प्रेस विज्ञप्तिमार्फत प्रारम्भिक प्रतिवेदन सार्वजनिक गरेको हो । चौतीस जिल्लाका २८३ स्थानीय तहको निर्वाचनमा छ हजार ६४२ मतदान केन्द्रको व्यवस्था गरिएको तर कतिपय जिल्लाका मतदान केन्द्र टाढा भएका कारण मतदातालाई घन्टाँैसम्म हिँड्नुपरेको थियो । अधिकांश जिल्लामा बिहान सबेरैदेखि मतदाता मतदान गर्न उपस्थित भई
More

टोटनह्यामद्वारा म्यानचेस्टर युनाईटेड पराजित

लन्डन । इङ्लिस प्रिमियर लिग फुटबलअन्तर्गत आइतबार राति भएको खेलमा टोटनह्याम हट्सपरले म्यानचेस्टर युनाईटेडलाई २-१ ले हराएको छ । खेलमा टोटनह्यामलाई विजयी गराउन भिक्टर वान्यामा र ह्यारी केनले एक–एक गोल गरे । म्यानचेस्टर युनाईटेडका वायन रुनीले एक गोल फर्काए । आइतबार राति भएको अर्को खेलमा लिभरपुलले वेष्ट ह्याम युनाईटेडलाई ४-० ले पाखा लगायो । लिभरपुललाई विजयी गराउन फिलिपे कौटिन्होले दुई गोल गर्दा ड्यानिएल स्टरिज र डिभोक ओरीगीले एक एक गोल गरे । आइतबार नै भएको अर्को खेलमा क्रिष्टल प्यालेसले हल सिटीलाई ४-० ले हरायो । यो जितसँगै क्रिष्टल प्यालेस प्रिमियर डिभिजनमै रोकिएको छ भने हल सिटी दोस्रो श्रेणीमा झरेको छ
More

बेनी नगरपालिकामा एमाले–राप्रपा गठबन्धनको अग्रता

बेनी । बेनी नगरपालिकाको मतगणना सुरु भएको छ । बेनपा–१ स्थित भानु मावि र रामचन्द्र मावि केन्द्रको मतगणना सुरु भएको हो । अहिले बेनपा–१ रत्नेचौरको ४०० मतगणना भएको र एमाले–राप्रपा गठबन्धनका उम्मेदवारले २०५ र काँग्रेस–माओवादी केन्द्रले १५२ मत प्राप्त गरेको मुख्य निर्वाचन अधिकृतको कार्यालयले जनाएको छ । बेनपा–१ रत्नेचौरका दुवै केन्द्रको एकैठाउँमा राखेर गणना सुरु गरिएको छ । वडाको सम्पूर्ण गणना सम्पन्न भएपछि नतिजा सार्वजनिक गरिने मुख्य निर्वाचन अधिकृत रामप्रसाद शर्माले जानकारी दिनुभयो । “मतगणना पूर्व भएका सहमति र आयोगको निर्देशिका अनुसार गणना सुरू गरिएको छ” शर्माले भन्नुभयोे । मतगणनाको सुरुवातमा राजनीतिक दलका प्रतिनिधिको सहमतिमा आचारसंहिता समेत बनाइएको छ ।
More

अपहरणमा परेको भनिएका उम्मेदवार परिवारको सम्पर्कमा

रत्ननगर । अपहरणमा परेको भनिएका एकजना उम्मेदवार गएराति परिवारको सम्पर्कमा आएका छन् । चितवनको राप्ती नगरपालिका–९ मा नेकपा (माओवादी केन्द्र) बाट अध्यक्षका उम्मेदवार प्रेमबहादुर रिमाल हिजो बिहानैदेखि सम्पर्कविहीन भएका थिए । चितवनका प्रहरी उपरीक्षक दीपक थापाले दिएको जानकारीअनुसार राति नै उनी परिवारको सम्पर्कमा आएका हुन् । उनलाई नेपाल कम्युनिस्ट पार्टीका कार्यकर्ताले अपहरण गरेको आरोप माओवादी केन्द्रले लगाएको थियो । उक्त घटना भए पनि यहाँको निर्वाचन भने शान्तिपूर्ण रुपमा सम्पन्न भएको छ । तर प्रहरी अनुसन्धानले निर्वाचनका कारण उनी आफैँ सम्पर्कविहीन भएको देखिएको बताइएको छ । उनको खोजीका लागि हिजोनै प्रहरीले एउटा टोली त्यसतर्फ खटाएको थियो । सो घटनाको विषयमा अझै
More