Daily Archives 29th May 2017

गोर्खा कपमा उत्साहजनक उपस्थिती, मंगोलियन भान्जाले जित्यो मुख्य कप

बेलायतका नेपालीहरुबीच लोकप्रिय रहेको ‘गोर्खा कप’ फुटबल प्रतियोगिताको १५ औँ सँस्करण लण्डनको अल्डरसटस्थित क्विन्स एभेन्यू मैदानमा आइतबार सम्पन्न भएको छ। प्रतियोगिताको उपाधि ब्रिगेड बोइजलाई हराउँदै मंगोलियन भान्जाले हात पारेको छ। नेपाली समुदायलाई एकीकृत गर्ने उद्देश्यले तमुधिँ यूकेले सन् २००१ मा सुरु गरेको गोर्खा कपमा यस पटक टोटनम क्लबका पूर्व कप्तान लेडली किङ्ग र नेपाली टोलीका प्रशिक्षक राजु शाक्यको उपस्थितिले सबैलाई खुसी तुल्याएको थियो। किङ्गलाई गुल्मेली पञ्चे बाजा को धुन बजाएर स्वागत गरिएको थियो। उनले प्रतियोगितामा आउन पाउँदा आफू ज्यादै उत्साहित भएको बताए र भविष्यमा नेपाल यात्रा गर्ने इच्छा पनि व्यक्त गरे। यस्तै नेपाली फुटबल टोलीका पूर्व राष्ट्रिय कप्तान तथा वर्तमान
More

हिन्दू राष्ट्र तथा संवैधानिक राजतन्त्र कायम गर्न सकिने

काठमाडौं । राष्ट्रिय प्रजातन्त्र पार्टीका अध्यक्ष कमल थापाले आफ्नो पार्टीलाई चारैतिरबाट घेराबन्दी गरिएकाले स्थानीय तहको चुनावमा पार्टीले अपेक्षाकृत परिणाम हासिल गर्न नसकेको बताउनुभएको छ । पार्टीको २८औँ स्थापना दिवसलाई सम्बोधन गर्दै अध्यक्ष थापाले पार्टीभित्रको आन्तरिक कमजोरीलाई सुधार गरी दोस्रो चरणको चुनावमा पार्टीको आदर्श तथा सिद्धान्तका साथै स्थानीय विकास निर्माणका बारेमा जनतालाई बुझाएर सफलता हासिल गर्नुपर्नेमा जोड दिनुभयो । उहाँले संविधानले कुनै पनि विचारलाई निषेध नगरेको बताउँदै देशमा शान्तिपूर्ण बाटोबाट हिन्दू राष्ट्र तथा संवैधानिक राजतन्त्र कायम गर्न सकिने दृढता व्यक्त गर्नुभयो । अर्काे प्रसङ्गमा उहाँले भन्नुभयो, “निषेधको राजनीति कसैले पनि गर्नु हुँदैन, मधेस केन्द्रित दललाई विश्वासमा लिएर दोस्रो चरणको निर्वाचनमा सहभागी
More

महाभियोग प्रस्ताव फिर्ता

काठमाडौं । प्रधानन्यायाधीश सुशीला कार्कीविरुद्धको महाभियोगको प्रस्ताव फिर्ता भएको छ । उक्त प्रस्तावका प्रस्तावक सांसद मीनबहादुर विश्वकर्मा र समर्थक टेकबहादुर बस्नेतले सभामुख ओनसरी घर्तीलाई त्यससम्बन्धी लिखित जानकारी दिँदै उहाँहरुले प्रस्ताव फिर्ता लिनुभएको हो । ‘संविधान कार्यान्वयनको यो संवेदनशील घडीमा संविधानबमोजिम स्थापित राज्यका अङ्गहरुले संविधानको उद्देश्यअनुरुप काम गर्नुपर्ने बृहत्तर आवश्यकतालाई ध्यानमा राख्दै संवैधानिक अङ्गहरुका बीचमा सौहार्दता, सकारात्मक सहयोग र समझदारीको अपेक्षा गर्दै’ प्रस्ताव फिर्ता लिइएको सांसदद्वयले सभामुखलाई दिएको सूचनामा जनाइएको छ ।
More

बाह्र खर्ब ७८ अर्ब बढीको बजेट

सरकारले आव २०७४-७५ का लागि रु १२ खर्र्ब ७८ अर्ब ९९ करोड ४८ लाख ५५ हजार बजेट विनियोजन गरेको छ । उपप्रधान तथा अर्थमन्त्री कृष्णबहादुर महराले आज अपराह्न व्यवस्थापिका–संसद्को बैठकमा प्रस्तुत गर्नुभएको आयव्यय विवरण (बजेट)मा विनियोजित रकममध्ये चालु खर्च रु आठ खर्ब तीन अर्ब ५३ करोड १४ लाख ५४ हजार अर्थात् ६२ दशमलव ८ प्रतिशत, पूँजीगततर्फ रु तीन खर्ब ३५ अर्ब २७ करोड ५९ लाख ७० हजार हजार अर्थात् २६ दशमलव २ प्रतिशत र वित्तीय व्यवस्थापनतर्फ रु एक खर्ब ४० अर्ब २८ करोड ७४ लाख ३१ हजार अर्थात् ११ प्रतिशत रहेको बताउनुभयो । उक्त खर्च अनुमान चालु आवको विनियोजनको तुलनामा
More

बेलायतमा सकरात्मक सोच समूहको गठन

बेलायतको नेपाली समुदायमा हुने सर्बाधिक चर्चित र भब्य कार्यक्रम गोर्खा कप फुटबल महोत्सव बीच कर्ण शाक्य द्वारा सुरुवात गरिएको सकारात्मक सोच अभियानको उद्घाटन गरियो । सफल उद्यमी तथा पर्यटन ब्यवसायी कर्ण शाक्य एक कुशल लेखक र उत्प्रेरक पनि हुन् । उनको सर्वाधिक सफल पुस्तक सोचको कथामा आधारित रहेर चलचित्र निर्माण देखि विभिन्न प्रेरणा, हौसला र सकारात्मक भावनाका कार्यक्रम हुंदै आएका छन् । उनको सोच, खोज हुंदै मोज नामक पुस्तकहरु चर्चित छन् । उनले कर्ण शाक्य सकारात्मक कोष नामक कल्याणकारी कोष सञ्चालन गरेर अभियान पनि चालेका छन् । सकारात्मक सोचको पुस्तकले दिएको सफलतापछि हालै उनी सोच समूह गठन गरि सकारात्मक उर्जा
More

मतपत्र च्यातिएको घटनामाथि छानबिन गर्न अनुगमन टोली गठन

काठमाडौं । निर्वाचन आयोगले स्थानीय तह निर्वाचनअन्तर्गत चितवनको भरतपुर महानगरपालिकामा मतगणनाका क्रममा मतपत्र च्यातिएको घटनाको सत्यतथ्य छानबिन गर्न तीन सदस्यीय अनुगमन टोली गठन गरेको छ । आयोगको आजको बैठकले चितवनका मुख्य निर्वाचन अधिकृतले आयोगमा पठाएको प्रतिवेदनका आधारमा घटनाको छानबिन गर्न सहन्यायाधिवक्ता गीताप्रसाद तिमिल्सिना संयोजक रहनुभएको अनुगमन टोली गठन गर्ने निर्णय गरेको हो । टोलीका सदस्यमा गृह मन्त्रालयका सहसचिव र प्रहरी प्रधान कार्यालयका प्रहरी नायब महानिरीक्षक रहनुभएको निर्वाचन आयोगका प्रवक्ता सूर्यप्रसाद शर्माले जानकारी दिनुभयो । टोलीलाई घटनाको छानबिन गरी यही जेठ १७ गतेभित्र प्रतिवेदन पेस गर्न कार्यादेश दिइएको छ । टोलीले स्थलगत भ्रमण गरी मुख्य निर्वाचन अधिकृत, प्रमुख जिल्ला अधिकारी, जिल्ला
More

दोस्रो चरणको निर्वाचन असार ९ गतेलाई स-यो

काठमाडौं । आउँदो जेठ ३१ गते गर्ने भनिएको दोस्रो चरणको स्थानीय तह निर्वाचन असार ९ गते शुक्रबारका दिन हुने भएको छ । प्रधानमन्त्री तथा मन्त्रिपरिषद्को कार्यालय सिंहदरबारमा आज बसेको मन्त्रिपरिषद्को बैठकले पहिलो चरणको निर्वाचनमा असहमति राख्दै सहभागी नहुने दलहरूलाई समेत दोस्रो चरणको निर्वाचनमा सहभागी गराउन असार ९ गतेको मिति तय गरिएको सूचना तथा सञ्चारमन्त्री सुरेन्द्रकुमार कार्कीले जानकारी दिनुभयो । “खासगरी मुस्लिम समुदायको पवित्र रमजान चाडलाई ध्यानमा राख्दै असार ९ गते दोस्रो चरणको निर्वाचन गर्ने भनिएको छ, त्यो प्रस्तावलाई छलफलका लागि व्यवस्थापिका–संसद्मा लगिँदैछ”, सरकारका प्रवक्तासमेत रहनुभएका कार्कीले भन्नुभयो । समाचार स्रोतका अनुसार दल दर्ता र चुनाव चिन्ह दिए राजपा निर्वाचनमा जान
More

प्रधानमन्त्री दाहाललाई प्रधानन्यायाधीश कार्की स्वागत

गणतन्त्र दिवस २०७४ को उपलक्ष्यमा सैनिक मञ्च टुँडिखेलमा आयोजित विशेष समारोहमा प्रधानमन्त्री पुष्पकमल दाहाललाई प्रधानन्यायाधीश सुशीला कार्की स्वागत गर्दै । तस्बिर : रोशन सापकोटा
More

काँग्रेसद्वारा भरतपुर-१९ मा पुनः मतदान गर्न माग

चितवन । नेपाली काँग्रेस चितवन शाखाले भरतपुर महानगरपालिका वडा नं १९ मा मतपत्र गणनाको क्रममा च्यातिएका मतपत्रका सम्बन्धमा पुनः मतदान गर्न माग गरेको छ । काँग्रेसको चितवनको बैठकपछि आज एक विज्ञप्ति जारी गर्दै नेपाली काँग्रेसले निर्वाचन ऐन, २०७३ को दफा ४९ र ५० बमोजिम पुनः मतदानको माग गरेको जिल्ला सभापति जितनारायण श्रेष्ठद्वारा हस्ताक्षरित विज्ञप्तिमा उल्लेख छ । राति मतगणना भइरहेको अवस्थामा भएको घटनाको खेद व्यक्त गर्दै सो पार्टीले घटनाबारे छानबिन गर्न र दोषीमाथि कारबाही गर्न समेत माग गरेको छ । पटक पटक मतगणना व्यवस्थित गर्न माग गर्दा व्यवस्थित चासो नदेखाएकाले उक्त घटना भएको काँग्रेसको निष्कर्ष छ । विज्ञप्तिमा भनिएको छ–
More

गुल्मीमा यस्ता छन् कांग्रेस उम्मेदवार

तम्घास । दोस्रो चरणमा हुन लागेको स्थानीय तहको निर्वाचनको लागि गुल्मीमा नेपाली काँग्रेसले नगरपालिका र गाउँपालिका प्रमुख तथा उपप्रमुखका लागि उम्मेदवारको नाम टुङ्गो लगाएको छ । नेपाली काँगेस बिपी स्मृति भवन, तम्घासमा बसेको पटकपटकको बैठक र छलफलबाट उक्त उम्मेदवारहरुको नाम टुङ्गो लगाएको पार्टी सचिव खिलध्वज पन्थीले बताउनुभएको छ । पार्टीबाट टुङ्गो लगाइएका उम्मेदवारहरुमा रेसुङ्गा नगरपालिकाको प्रमुखमा भुवनप्रसाद श्रेष्ठ, उपप्रमुखमा अमृता कुँवर, मुसिकोट नगरपालिका प्रमुखमा कृष्णहरि सापकोटा र उपप्रमुखमा विष्णुकुमारी सापकोटा रहनुभएको छ । गाउँपालिकाहरुमा कालीगण्डकी गाउँपालिका प्रमुखमा बेद मगर र उपप्रमुखमा कमला पाण्डे, सत्यवती गाउँपालिका प्रमुखमा पारिश्वर ढकाल, चन्द्रकोट गाउँपालिका प्रमुखमा दोर्णबहादुर खत्री र उपप्रमुखमा भगवती अर्याल, रुरु गाउँपालिका उपप्रमुखमा
More

१२ खर्ब ८० अर्ब रुपैयाँ हाराहारीको बजेट

काठमाडौं । सरकारले आगामी आर्थिक वर्ष २०७४/७५ को बजेट आज सार्वजनिक गर्दै छ । अपराह्न ४ बजे बस्ने संसद् बैठकमा अर्थमन्त्री कृष्णबहादुर महराले बजेट सार्वजनिक गर्ने तयारी गरेका छन् । दुई चरणको स्थानीय तहको निर्वाचनका बीचमा आचारसंहितासमेत लाग्ने भएकाले पुरानै कार्यक्रम ल्याउने प्रतिबद्धता जनाएको सरकारले बजेटको आकार चालु आर्थिक वर्षभन्दा २ खर्ब रुपैयाँ बढीको बनाउने तयारी गरेको छ । चालु वर्षको बजेट १० खर्ब ४८ अर्ब रुपैयाँको छ । अर्थमन्त्री महराले १२ खर्ब ८० अर्ब रुपैयाँ हाराहारीको बजेट ल्याउने तयारी गरेका छन् । सरकारले आगामी आर्थिक वर्षमा ७ खर्ब २० अर्ब रुपैयाँभन्दा बढी राजश्व उठाउने र यस वर्ष खर्च नभएको
More

राष्ट्रकवि घिमिरे सकुशल

काठमाडौं । राष्ट्रकवि माधवप्रसाद घिमिरेको विषयमा चलाइएको हल्ला निराधार रहेको घिमिरेको पारिवारिक स्रोतले जनाएको छ । कवि घिमिरेको निधनको खबरप्रति उनको पारिवारले खण्डन पनि गरेको छ । ९८ बर्षीय कवि घिमिरेको स्वास्थ्यको विषयलाई लिएर सामाजिक सञ्जालमा अनावश्यक हल्ला फैलिएपछि आइतबार साँझ घिमिरे सकुशल रहेको भन्दै घिमिरे परिवारका एक सदस्यले सामाजिक संजालमा फैलिएको खबर भ्रमपूर्ण रहेको बताएका छन् । घरमा समेत फोन आएर तनाव सिर्जना भएको बताउँदै उनले अनावश्यक हल्ला नगरिदन आग्रह समेत गरेका छन् । माधव प्रसाद घिमिरेको निधन भएको हल्ला सामाजिक सन्जालमा भाइरल भएको थियो ।
More

पाँच वर्षमा पनि ‘गणतन्त्र स्मारक’ निर्माण सकिएन्

काठमाडौं । नारायणहिटी दरबार परिसरको पूर्वी भागमा बन्दै गरेको ‘गणतन्त्र स्मारक’ निर्माण कार्य पाँच वर्ष बितिसक्दा पनि सकिएको छैन । सरकारको २०६९ मङ्सिर २२ गतेको निर्णयानुसार ‘गणतन्त्र स्मारक’ निर्माणका लागि निजी कम्पनी ‘विकोइ स्काइ बङ्गलामुखी ज्वाइन्ट इन्भेन्चर (विकोइ विल्डर्स’ प्रालि, स्काइ विल्डर्स प्रालि र बङ्गलामुखी कन्स्टक्सन प्रालि)लाई तीन वर्षमा स्मारक निर्माण गर्ने जिम्मा दिइए पनि पाँच वर्ष बितिसक्दा समेत निर्माण कार्य नसकिएको हो । पैतीस रोपनी क्षेत्रफलमा निर्माण हुन लागेको स्मारकका लागि सुरुमा सरकारले रु ३५ करोड छुट्याए पनि खर्च अपुग भएका कारण पछि थप रु पाँच करोड थपिदिएको थियो । कम्पनीका कार्यकारी निर्देशक रोशन श्रेष्ठले सरकारले निर्णय गरेर काम
More

तत्काल मतगणना सुरु गर्न एमालेको माग

चितवन । नेकपा (एमाले) चितवनले आज यहाँ पत्रकार सम्मेलनको आयोजना गरी गएराति मतपत्र च्यातिएपछि अवरुद्ध मतगणना कार्य तत्काल सञ्चालन गर्न माग गरेको छ । पत्रकार सम्मेलनमा जिल्ला अध्यक्ष कृष्णभक्त पोखरेलले माओवादी केन्द्र नेतृत्वको निर्देशनमा उक्त पार्टीका द्रोर्णबाबु शिवाकोटी, मधु न्यौपाने र दिलीप पौडेललगायतले मतपत्र च्यातेको भन्दै उनीहरुलाई कानुनी कारबाहीसमेत गर्न माग गर्नुभयो । भरतपुर महानगरपालिका वडा नं १९ को शान्तिपूर्ण ढङ्गले मतगणना भइरहेको समयमा मतपत्र च्यातिएको सो अवसरमा जारी विज्ञप्तिमा जनाइएको छ । मतपत्र च्यातिएपछि तत्काल घटनाको बारेमा सत्यतथ्य जानकारी मिडियामार्फत दिन र च्यातिएका मतपत्र अलग राखी बाँकी मतपत्र गणना गर्नुपर्छ भन्ने निर्वाचन अधिकृतसमक्ष माग राखेको भए पनि निर्वाचन अधिकृतले
More

भरतपुर अशान्ति : एमाले माओवादी एकअर्कामा दोषारोपण गर्दै

चितवन । स्थानीय तहको निर्वाचनअन्तर्गत भरतपुर महानगरपालिकाको मत गणना भइरहेको समयमा मध्यरातमा मतपत्र च्यातिएपछि अनिश्चितकालका लागि मतगणना स्थगित गरिएको छ । मतगणना भइरहेको समयमा राति ११:४४ बजे दलका प्रतिनिधिले मतपत्र च्यातेपछि मुख्य निर्वाचन अधिकृतको कार्यालयले सूचना टाँस गरी अर्को सूचना जारी नभएसम्मका लागि मतगणना स्थगित गरिएको जनाएको हो । सो क्रममा मुख्य निर्वाचन अधिकृत कविप्रसाद न्यौपानेले आफू शौचालय गएर फर्कदै गर्दा मतपत्र च्यातिएको र त्यसपछि विवाद बढेको भन्दै अनिश्चितकालका लागि गणना स्थगित गरिएको जानकारी गराउनुभएको थियो । के कति मतपत्र च्यातियो सोबारे भने उहाँले यकिन हुन नसकेको बताउनुभयो । च्यातिएका मतपत्रलाई मुचुल्का गरेर राखिएको छ । नेकपा (एमाले)का प्रमुखका उम्मेदवार
More

अमेरिका र बेलायत विश्वसनीय साझेदार रहेनन् : मर्केल

फ्रान्कफर्ट । बेलायतको युरोपियन युनियन (ईयू) बाट भएको बहिर्गमन र अमेरिकी राष्ट्रपति डोनाल्ड ट्रम्पको आगमनपछि युरोपले आफ्नो भाग्यलाई आफ्नो हातमा नै लिनुपर्ने जर्मन चान्सलर एन्जेला मर्केलले बताउनुभएको छ । “हामी पूर्णतया अरूसँग आश्रित हुने समय अब रहेन । मैले यस कुरालाई केही दिनदेखि अनुभूत गर्न थालेकी छु,” मर्केलले दक्षिणी जर्मनीको म्युनिक सहरमा आयोजित -यालीका सहभागीलाई सम्बोधन गर्ने क्रममा बताउनुभयो । “हामी युरोपवासीले साँच्चै नै युरोपको भाग्यलाई आफ्नो हातमा सम्हाल्नु पर्छ, उहाँले बताउनुभयो । यद्यपि जर्मनी र युरोपले अमेरिका र बेलायतसँग असल सम्बन्ध राख्न प्रयास गर्नेछन्, मर्केलले थप्नुभयो । हामी आफ्नै भाग्यका लागि सङ्घर्ष गर्नुपर्छ, उहाँले भन्नुभयो ।” सो अवसरमा जर्मन
More