Daily Archives 10th June 2017

एनआरएन नर्वेको अध्यक्षमा थापा निर्वाचित

लन्डन । गैरआवासीय नेपाली संघ नर्वेको अध्यक्षमा सन्जिव थापा निवार्चित भएका छन् । संघको पाँचौ अधिवेसनमा नयाँ नेतृत्वका लागि शनिवार भएको र्निवाचनमा अध्यक्षका प्रत्यासी नयन मल्ललाई प्रराजित गर्दै थापा अध्यक्षमा निर्वाचित भएका हुन् । थापाले ९० मत र मल्लले ७५ मत प्राप्त गरे । संघको प्रथम उपाध्यक्षमा सालिग्राम अर्याल, द्धितिय उपाध्यक्षमा सुरेन्द्र स्यात्रै, महासचिबमा राजु अर्याल, सचिव दीपक महत, कोषाध्यक्ष बिना नेवार श्रेष्ठ, महिला संयोजक डा सबिता महर्जन, युवा संयोजकमा नीलकण्ठ अर्याल, र्निविरोध भए । यस्तै कार्यसमितिको सदस्यहरुमा प्रदिप अधिकारी, बिकाश दवाडी, अनुप गुप्ता, पबित्र बस्नेत, विष्णुमाया अधिकारी चयन भए । अधिवेसनले एनआरएन आइसीसी सदस्यमा द्धारिका महर्जन र्निविरोध निर्वाचित भए
More

राष्ट्रिय पहिचान गुमाउने कुरा मान्य हुँदैन : अध्यक्ष ओली

काठमाडौं । नेकपा (एमाले) का अध्यक्ष केपी शर्मा ओलीले नेपालको राष्ट्रिय पहिचान गुमाउने कुरा पार्टीका लागि मान्य नहुने बताउनुभएको छ । पार्टीको केन्द्रीय कार्यालय धूम्बाराहीमा आज आयोजित पार्टी प्रवेश कार्यक्रमलाई सम्बोधन गर्दै उहाँले भन्नुभयो – “कुनै पनि नेपाली जातिको मातृभाषा नभएको हिन्दीलाई तराई-मधेसमा मान्यता दिइए त्यहीँका मातृभाषा मैथिली, भोजपुरी र अवधिको भविष्य समाप्त हुन सक्छ ।” अध्यक्ष ओलीले भन्नुभयो– “प्रदेशस्तरमा धेरै बोलिने एक दुई भाषालाई काम काजको भाषा बनाउन सकिन्छ तर केही क्षेत्रमा बोलिने भाषालाई राष्ट्रिय मान्यता दिन सकिँदैन, भाषा आयोगको सिफारिसमा संविधानको अनुसूचीमा व्यवस्था गरी प्रदेशमा धेरै बोलिने भाषालाई मान्यता दिन सकिन्छ ।” एमाले व्यवस्थापिका– संसद्मा प्रतिपक्षमा भए पनि
More

खोटाङमा कांग्रेस र एमालेका कार्यकर्ताबीच झडप

खोटाङ । स्थानीय तह निर्वाचनको विषयलाई लिएर खोटाङको दिप्रुङ गाँउपालिकामा कांग्रेस र एमालेका कार्यकर्ताबीच झडप भएको छ । चुनाव प्रचारप्रसारका क्रममा कांग्रेले राखेको झण्डा एमाले कार्यकर्ताले च्यातेपछि दुवै पक्षबीच झडप भएको हो । झडपमा परी एमालेका तर्फवाट दिप्रुङ गाउँपालिका तीन छोरम्बुका वडा अध्यक्ष उम्मेदवार ईन्द्र तामाङ गम्भीर घाईते भएका छन् । तामाङलाई उपचारका लागि अन्नपूर्ण न्यूरो अस्पताल बिराटनगर लगिएको छ । झडपमा तरुण दलका क्षेत्रीय सभापति सुरेश राई, सुवास राई, एमालेका कार्यकर्ता बिनोद तामाङ, मनोज राईलगायत पनि घाइते भएको बताइएको छ । एमालेका कार्यकर्ताले बिहिबार कांग्रेसको झण्डा च्यातेर सोही पोलमा आफ्नो झण्डा राखेपछि विवाद शुरु भएको प्रहरीले जानकारी दिएको छ
More

राजपा र सत्तारुढ दलबीचको छलफल निष्कर्षविहीन

काठमाडौं । राष्ट्रिय जनता पार्टी (राजपा) लाई दोस्रो चरणअन्तर्गतको स्थानीय तहको निर्वाचनमा सहभागी गराउनेबारे सत्तारुढ प्रमुख दलले अन्तिम कसरत गरिरहेका छन् । सत्ता नेतृत्वकर्ता दल नेपाली काँग्रेस तथा प्रमुख साझेदार नेकपा (माओवादी केन्द्र) र नेपाल लोकतान्त्रिक फोरमका शीर्ष नेताले आज राजपाका नेताहरुसँग छलफल गरेपनि कुनै निष्कर्ष निस्कन सकेन् । सिंहदरबारस्थित प्रधानमन्त्री तथा मन्त्रिपरिषद्को कार्यालयमा आज अपराह्न भएको बैठकमा राजपाले निर्वाचनको मिति पुनः सार्नुपर्ने माग राखेपछि सहमतिले गति लिन नसकेको हो । सत्तपक्षका नेताले निर्वाचनका सन्दर्भमा केही प्राविधिक र व्यवहारिक कठिनाई भए त्यसलाई सम्बोधन गर्न सकिने तर (असार १४ को) घोषित निर्वाचनको मिति भने सार्न नसकिने जनाएपछि दुवै पक्षको अडानले सहमतिको
More

सत्तारुढ दलको राजपासँग वार्ता

सिंहदरबारमा शनिबार नेपाली काँग्रेस, नेकपा माओवादी केन्द्र र राष्ट्रिय जनता पार्टीका शीर्ष नेताहरुको वार्तापछि कुरा गर्दै राजपाका नेता । तस्बिर: रोशन सापकोटा
More

सम्झौता पूरा नगरे निर्वाचन हुन सक्दैन : महतो

राजविराज । राष्ट्रिय जनता पार्टी नेपाल अध्यक्षमण्डलका सदस्य राजेन्द्र महतोले मधेसवादी दलसँग गरेको सम्झौता पूरा नगरेसम्म स्थानीय तहको निर्वाचन हुन नसक्ने बताउनुभएको छ । प्रेस मञ्च नेपालद्वारा आज सप्तरीको राजविराजमा आयोजित पत्रकार सम्मेलनमा नेता महतोले मधेस आन्दोलनको क्रममा मधेसमा सहिद भएका मधेसी कार्यकर्ता र घाइते भएकाको सपना पूरा गराउन मधेसवादी नेताले त्यसको त्याग र बलिदान बिर्सन नहुने स्मरण गराउँदै केही मधेसवादी नेता र मधेसवादी राजनीतिक दलले मधेसलाई धोका दिएको आरोप लगाउनुभयो । सोही पार्टीका अर्का सदस्य राजकिशोर यादवले सरकारले मधेसीको माग पूरा नगरेमा मधेसी जनताले त्यसको व्यापक विरोध गर्दै आन्दोलनमा जाने बताउनु भयो ।
More

मनाङ एयरको हेलिकप्टर क्षति

रसुवा । गोसाइँकुण्डका लागि यात्रु लिई काठमाडौंबाट उडेको मनाङ एयरको हेलिकप्टर केही बेर अगाडि अवतरणको क्रममा क्षति भएको छ । छ जना यात्रु बोकेको उक्त हेलिकप्टरको तेलरोटर (पुच्छरको भाग) गोसाइँकुण्डको हेलिप्याडमा अवतरण गर्ने क्रममा ठोक्किँदा सामान्य क्षति भएको मनाङ एयरले जनाएको छ । हेलिकप्टरका यात्रु र चालक सबै सकुशल रहेका छन् । हेलिकप्टर मर्मत गरी काठमाडौं लान र गएका यात्रु फिर्ता लैजान प्राविधिक टोलीसहित दुई वटा हेलिकप्टर काठमाडौंबाट गोसाइँकुण्ड पठाइसकिएको बताइएको छ । क्षतिको थप विवरण आउन बाँकी छ ।
More

दुवै छोरा गाउँपालिका अध्यक्षका उम्मेदवार !

बैतडी । बैतडीको डिलाशैनी गाउँपालिका–१ का ६८ वर्षीया जञ्जाली रानालाई करिब दुई दशकपछि आएको स्थानीय तहको निर्वाचनले खुसी तुल्याए पनि भोट दिन भने निकै सकस परेको छ । आफैँले जन्म दिएका दुई छोरा अलगअलग पार्टीबाट गाउँपालिका अध्यक्ष पदका उम्मेदवार बनेपछि जञ्जालीलाई भोट दिन समस्या भएको हो । जञ्जाली रानाका जेठो छोरा कर्णबहादुर राना नेपाली काँग्रेसबाट डिलाशैनी गाउँपालिकाबाट अध्यक्ष पदका उम्मेदवार बनेका छन्् कान्छा छोरा लोकेन्द्र राना (शीतल) नेकपा (माओवादी केन्द्र)बाट उम्मेदवार बनेका छन् । “दुवै छोरा मेरा लागि समान हुन् भोट कसलाई दिउँ ?” जञ्जालीले भन्नुभयो – “दिन मिल्ने भए त दुबै छोरालाई दिने थिए तर मिल्दैन ।” उहाँले कसलाई
More

सप्तरीमा सुरक्षा व्यवस्था कडा

सप्तरी । आउँदो असार १४ हुने दोस्रो चरणको स्थानीय तहको निर्वाचनका लागि यस जिल्लामा सुरक्षा व्यवस्था कडा पारिएको छ । जिल्ला प्रहरी कार्यालय सप्तरीले अहिले निर्वाचन सहज रुपमा गर्न र कुनै पनि अवाञ्छित गतिविधि हुन नदिन विशेष सुरक्षा सतर्कता अपनाएको जनाएको छ । सुरक्षाका लागि जिल्लाका विभिन्न चोक तथा बजारमा नेपाल प्रहरी तथा म्यादी प्रहरीलाई २४ सँै घन्टा तैनाथ गरिएको प्रहरी उपरीक्षक एवम् प्रमुख अनुराग द्विवेदीले बताउनुभयो । जिल्लामा सुरक्षाका लागि २४ औँ घन्टा प्रहरीले जाँच र निगरानी गरिरहेको छ भने प्रहरीको मोबाइल गस्तीसमेत परिचालन गरिएको छ । यस्तै, इलाका प्रहरी कार्यालय तथा प्रहरी चौकीमा थप जनशक्ति परिचालन समेत गरिएको
More

बंगलादेशले न्यूजिल्याण्डलाई ५ विकेटले हरायो

एजेन्सी । च्याम्पियन्स ट्रफी क्रिकेट अन्तर्गत गएराति भएको खेलमा बंगलादेशले न्यूजिल्याण्डलाई ५ विकेटले पराजित गरेको छ । टस जितेर पहिले ब्याटिङ गरेको न्यूजिल्याण्डले निर्धारित ५० ओभरमा ८ विकेट गुमाउँदै २ सय ६५ रनको योगफल बनाएको थियो । २ सय ६६ रनको लक्ष्य पाएको बंगलादेशले १६ बल बाँकी छँदै जित हात पारेको हो । बंगलादेशले ३३ रनको अवस्थामा ४ विकेट गुमाइसकेको थियो । तर पाँचौं विकेटका लागि २२७ रनको साझेदारी गर्दै शकिब अल हसन र महमदुल्लाहले आफ्नो टोलीलाई जित दिलाएका हुन् । हसनले ११४ र महमदुल्लाहले १०२ रन बनाए । पहिले ब्याटिङ गरेको न्यूजिल्याण्डका लागि रोस टेलरले सर्वाधिक ६३ रनको योगदान
More