Daily Archives 16th June 2017

राजपा निर्वाचनमा सहभागी नहुने, २ नम्बर प्रदेशको शक्ति ५ मा लगाएर चुनाव बिथोल्ने

काठमाडौं । राष्ट्रिय जनता पार्टी (राजपा) नेपाल स्थानीय तहको दोस्रो चरणको निर्वाचनमा सहभागी नहुने भएको छ । राजपाको आज काठमाडौंमा बसेको अध्यक्ष मण्डलको बैठकले सरकारको निर्णयलाई ‘अमान्य’ घोषणा गर्दै निर्वाचन बिथोल्ने गरी घोषणा गरिएका कार्यक्रम जारी राख्ने निर्णय लिएको हो । माग पूरा नभएसम्म आन्दोलनको विकल्प नरहेको दोहोर्‍याउँदै राजपाले निर्वाचनमा भाग नलिने पूर्व अडानलाई निरन्तरता पनि दिएको छ । असार १४ सम्मका पूर्वघोषित आन्दोलनका कार्यक्रम यथावत् रहने बैठकपछि अध्यक्ष महन्थ ठाकुरले जारी गरेको वक्तव्यमा उल्लेख छ । राजपाले २ नम्बर प्रदेशको शक्ति निर्वाचन हुने क्षेत्रमा प्रयोग गरेर निर्वाचन बिथोल्ने बताएको छ । राजपाले असार २ गते मनोनयन दर्तालाई अवरोध पुर्‍याउने
More

दुई नम्बर प्रदेशको निर्वाचन सार्ने मुख्य योजनाकार कांग्रेस नेता बिमलेन्द्र निधि !

काठमाडौं । प्रमुख प्रतिपक्षी दल नेकपा एमालेले राजपालाई निहुँ बनाएर सरकार नेतृत्व नेपाली कांग्रेसले दुई नम्बर प्रदेशमा निर्वाचन रोकेको आरोप लगाएको छ । काठमाडौमा आज सञ्चारकर्मीसँग कुराकानी गर्दै महासचिव ईश्वर पोखरलले कांग्रेसको स्वार्थका लागि प्रदेश–प्रदेशबीच मनोवैज्ञानिक विभाजन ल्याउने गरि निर्वाचन स्थगित गरिएको आरोप लगाएका हुन् । राजपालाई देखावटी पात्रका रुपमा उभ्याएर कांग्रेस नेता बिमलेन्द्र निधिले निर्वाचन सार्ने तारतम्य मिलाएको उनको दावी थियो । महासचिव पोखरेलले लोकतन्त्र र जनअधिकारको खिल्ली उडाएर अपराधकर्मलाई राजनीति नठान्न कांग्रेसलाई आग्रह पनि गरे । एमालेले आफू जित्न भन्दापनि स्थानीसहित तीनवटै तहको निर्वाचन गरी संविधान कार्यान्वयन गर्नुपर्ने पक्षमा आवाज उठाइरहेको महासचिव पोखरेलको भनाइ थियो ।
More

पेट्रोल–डिजेलको मूल्य घट्यो

काठमाडौं । नेपाल आयल निगमले पेट्रोलिमय पदार्थको मूल्य समायोजन गरेको छ । निगमले आज राति १२ बजेदेखि लागू हुने गरी पेट्रोल, डिजेल र मट्टितेलको मूल्य १ रुपैयाँ ५० पैसा घटाएको हो । नयाँ मूल्यअनुसार पट्रोल अब प्रतिलिटर १०० रुपैयाँमा पाइने छ । यसअघि १०१ रुपैयाँ ५० पैसा थियो । यस्तै, डिजेल र मट्टितेल लिटरमा १ रुपैयाँ ५० रुपैयाँ सस्तो भएर प्रतिलिटर ७६ रुपैयाँ कायम गरिएको छ । यसअघि डिजेल र मट्टितेलको मूल्य प्रतिलिटर ७७ रुपैयाँ ५० पैसा थियो । खाना पकाउने ग्यासको मूल्य भने घटाइएको छैन । अहिले ग्यासको मूल्य १३ सय ७५ रुपैयाँ छ । अन्तर्राष्ट्रिय बजारअनुसार भारतीय आयल
More

जनताको हितका लागि कांग्रेसले अप्रिय निर्णय ग-यो

झापा । नेपाली काँग्रेसका युवा नेता गगन थापाले सबै राजनीतिक दललाई निर्वाचनमा सहभागी गराउन प्रदेश नं २ को निर्वाचन मिति सारिएको बताउनुभएको छ । नेपाल प्रेस युनियन, झापाद्वारा आज यहाँ आयोजित भेटघाट कार्यक्रममा उहाँले भन्नुभयो – “रणनीतिक तहमा काँग्रेसका लागि अप्रिय भए पनि देश र जनताको हितमा निर्वाचन मिति सारिएको हो ।” काँग्रेस केन्द्रीय प्रचारप्रसार समितिका सहसंयोजकसमेत रहनुभएका नेता थापाले आसन्न स्थानीय तहकोे निर्वाचनमा काँग्रेसको हरेक गतिविधिलाई जनताको माझमा पु-याउन सञ्चारकर्मीलाई आग्रह गर्दै जनतालाई निर्वाचनमा अधिकभन्दा अधिक सहभागी गराउन र निर्वाचनप्रति जनताको उत्साह बढाउन काँग्रेसले स्थापना गरेको मिडिया सेन्टरबाट आमजनता लाभान्वित भएको बताउनुभयो । नेपाल प्रेस युनियनका जिल्ला अध्यक्ष कृष्ण
More

लन्डन टावर आगलागीमा मृतक संख्या ३० पुग्यो

लन्डन । पश्चिम लन्डनको नटिङहिल नजिक रहेको २४ तले आवासीय भवनमा बुधबार बिहान भीषण आगलागी हुंदा मर्नेको संख्या ३० पुगेको छ । प्रहरीले मृतक संख्या अझ बढ्ने जनाएको छ । अस्पतालमा उपचारार्थ घाइते ३७ मध्ये १२ जनाको चिन्ताजनक अवस्थामा उपचार भइरहेको छ । प्रहरीले तालिमप्राप्त कुकुरको सहयोगमा अनुसन्धान थालिएको र यसको वास्तविकता आउन समय लाग्ने जनाएको छ । अग्नी नियन्त्रकहरुले ७० जनाको सकुशल उद्दार गरेका छन् । नर्थ केन्जिङटनको ल्याटिमेर रोडमा अवस्थित १२० फल्याट रहेको ६८ मिटर अग्लो ग्रेनफेल टावर (अपार्टमेन्ट) मा राती करिब एकबजेतिर लागेको आगलागीबाट कयौं हताहत भएको अनुमान छ । भवनभित्र ४ देखि ६ सय मानिस रहेको
More

बेलायतको रेडिगंमा दोश्रो भलिवल प्रतियोगिता हुदै

प्रवासमा आएर यूवाहरुलाई नेपाली राष्ट्रिय खेल भलिवललाई बेलायतमा रहेका नेपालीहरु माझ बेलायत स्तरिय भलिवल प्रतियोगिताको आयोजना गरेको छ । भर्खरै अधिवेसनबाट अध्यक्ष चयन हुनु भएका रेडिगं भलिवल कल्वका सन्तोष गुरुगंको संयोजकत्वमा संपन्न हुन गई रहेको प्रतियोगितामा पुरुष तथा महिला भलिवल टिमले भाग लिने छन । २ जुलाई २०१७ बिहान देखी हुने सो कार्यक्रम रेडिगैको सिन्ट्रा पार्कमा संपन्न हुने छ । प्रतियोगितमा भाग लिने पुरुष भलिबल टिमकोलागी १२० पाउण्ड र महिला भलिवल टिमकोलागी ८० पाउण्ड प्रतियोगितमा दर्ता सुल्क तोकिएको छ । गत बर्ष २२ टिम प्रतियोगिहरुको सहभागि रहेकोमा यो बर्ष त्यो भन्दा बढ्ने संभावाना रहेको आयोजकले बताएका छन । कार्यक्रममा बिजेता
More

राष्ट्रपति जेनेभा लेकमा

‘१०६औँ अन्तर्राष्ट्रिय श्रम सम्मेलन’को एक भागका रूपमा रहेको ‘रोजगारीको विश्व शिखर बैठक’ मा भाग लिन जेनेभामा रहनुभएका राष्ट्रपति विद्यादेवी भण्डारी बिहीबार साँझ जेनेभा लेकको अवलोकनका क्रममा । तस्बिर : सुरेन्द्रबहादुर नेपाली
More

गोर्खाल्याण्ड अनिश्चितकालका लागि बन्द

दार्जिलिङ् । पश्चिम बंगाल सरकारले बिद्यालयहरुमा बाङला भाषाको बाध्यकारी अध्ययन व्यवस्था गरेपछि नेपालीभाषी भारतीयको बसोवास रहेको दार्जिलिङ्गमा भाषा संरक्षणको आन्दोलन चर्किएको छ । अलग्गै गोर्खाल्याण्ड राज्यको माग राखेर आन्दोलन गरिरहेको गोर्खा जनमुक्ति मोर्चाले नेपाली भाषामाथि बंगाल सरकारले गरिरहेको अतिक्रमण रोक्नुपर्ने माग सहित आन्दोलन गरेको हो । बंगाल प्रहरीले बिहीबार गोर्खा जनमुक्ति मोर्चाका अध्यक्ष एवं गोर्खा टेरिटोरियल एडमिनिस्ट्रेटिभ (जीटीए) प्रमुख विमल गुरुङको दार्जिलिङस्थित घरमा छापा मारेर तोडफोड गरेको विरोधमा दिउँसोदेखि गोर्खाल्याण्डमा अनिश्चितकालीन बन्द सुरु भएको नेता निरा शर्माले जानकारी गराईन् । शर्माका अनुसार बिहान साढे ७ बजे गुरुङको घर पुगेको प्रहरीले घर र कार्यालयमा छापा मारेको थियो । गुरुङलाई गिरफ्तार गर्ने
More

प्रधानमन्त्री देउवासँग भारत र चीनका राजदूतको भेट

काठमाडौं । प्रधानमन्त्री शेरबहादुर देउवासँग नेपालका लागि भारतीय राजदूत मञ्जिवसिंह पुरी र चिनियाँ राजदूत यु होङले आज छुट्टाछुट्टै भेटवार्ता गर्नुभएको छ । प्रधानमन्त्री तथा मन्त्रिपरिषद्को कार्यालय, सिंहदरबारमा भएको सो भेटमा प्रधानमन्त्री देउवा र राजदूत पुरीबीच आपसी हित र द्विपक्षीय सम्बन्धलाई थप प्रगाढ बनाउनेबारे कुराकानी भएको छ । त्यसैगरी चिनियाँ राजदूत होङसँग पनि दुई देशबीचको सम्बन्धलाई आगामी दिनमा थप सशक्त बनाउने र आपसी सहयोगबारे कुराकानी भएको प्रधानमन्त्रीको कार्यालय, सिंहदरबारले जनाएको छ । देउवा प्रधानमन्त्रीमा निर्वाचित भएपछि दुवै राजदूतको यो पहिलो भेट हो ।
More

निर्वाचनको मिति सारिएकामा विरोध प्रदर्शन

काठमाडौं । नेकपा (एमाले) निकट अनेरास्ववियुले सरकारले प्रदेश नं– २ को स्थानीय तह निर्वाचन तेस्रोचरणमा सारेकामा आज यहाँ विरोध प्रदर्शन गरेको छ । प्रदर्शनीमार्गस्थित रत्नराज्य क्याम्पस अगाडि सङ्गठनमा आवद्ध विद्यार्थीले सरकारको सो निर्णयले निर्वाचन आयोगको स्वतन्त्रतामाथि हस्तक्षेप भएको भन्दैे निर्णयमा पुनःविचार गरी पूर्वनिर्धारित असार १४ मै निर्वाचन गराउन विद्यार्थीले माग गरेका थिए । सङ्गठनका अध्यक्ष नवीना लामाले सरकारको प्रदेश नं– २ मा चुनाव सार्ने निर्णय त्यस क्षेत्रको जनताको हितमा नरहेकाले भोलिदेखि जनजागरण अभियान सुरु गर्ने बताउनुभयो । अभियानमा उक्त प्रदेशका सबै जिल्लामा चुनाव केन्द्रित सभा गरी स्थानीय जनतालाई बुझाइने जनाइएको छ ।
More