Daily Archives 10th July 2017

स्वागत गर्दै

उपराष्ट्रपति नन्दबहादुर पुन ‘२३औँ चीन–लान्जाउ लगानी तथा व्यापार मेला’मा सहभागी भई फर्कने क्रममा त्रिभुवन अन्तर्राष्ट्रिय विमानस्थलको विशिष्ट कक्षमा स्वागत गर्दै गृहमन्त्री जर्नादन शर्मा । तस्बिर : रोशन सापकोटा
More

साउन १ गतेदेखि मतदाता नामावली सङ्कलन

काठमाडौं । निर्वाचन आयोगले प्रदेशसभा र प्रतिनिधिसभा सदस्यको आगामी निर्वाचन प्रयोजनका लागि आगामी साउन १ देखि १५ गतेसम्म सबै जिल्लास्थित निर्वाचन कार्यालयमा मतदाता नामावली सङ्कलन कार्यक्रम सञ्चालन गर्ने भएको छ । प्रमुख निर्वाचन आयुक्त डा अयोधीप्रसाद यादवको अध्यक्षतामा आज बसेको बैठकले मतदाता नामावलीमा नाम समावेश गर्न नाम दर्ता कार्यक्रम सञ्चालन गर्ने निर्णय गरेको हो । आयोगबाट गत वैशाख ३ गते प्रकाशित मतदाता नामावलीमा आफ्नो नाम समावेश नभएका व्यक्तिले स्थायी बसोबास भएको जिल्लाको निर्वाचन कार्यालयमा मतदाता नामावलीमा नाम दर्ता गराउने सकिने व्यवस्था मिलाइएको आयोगका प्रवक्ता सूर्यप्रसाद शर्माले जानकारी दिनुभयो । मतदाता नामावलीमा नाम दर्ता गराउन चाहने व्यक्तिले नागरिकताको प्रमाणपत्र आफूसाथ लैजानुपर्नेछ
More

पदभार गर्न नपाउँदै निर्वाचित वडा सदस्यको हत्या

रुकुम । दोस्रो चरणमा भएको स्थानीय तहको निर्वाचनबाट निर्वाचित एक वडा सदस्यको यहाँ हत्या भएको छ । पुथाउत्तरगङ्गा गाउँपालिका वडा नं ७ जाङकी दलित महिला सदस्य २७ वर्षीया बयानसरी कामीको आफ्नै घरमा हत्या भएको प्रहरीले जनाएको छ । हत्याको आरोपमा प्रहरीले उहाँकै श्रीमान् ३८ वर्षीय तेजबहादुरलाई पक्राउ गरेको छ । बयानसरी नेपाली काँग्रेसका तर्फबाट उम्मेदवार भएर सो वडाको दलित महिला सदस्यमा विजयी हुनुभएको थियो । बयानसरीले उम्मेदवारी दर्ता गरेदेखि नै श्रीमान् श्रीमतीबीच झगडा हुँदै आएको स्थानीयवासीले जानकारी दिएका छन् । श्रीमतीको हत्या आरोपमा पक्राउ परेका तेजबहादुरले आफूले खुकुरी प्रहार गरेर श्रीमतीको हत्या गरेको स्वीकार गरेको जिल्ला प्रहरी कार्यालयका प्रहरी निरीक्षक
More

अमेरिकी एनआरएन कांग्रेस र एमालेमा कित्ताकाट

न्यूयोर्क । मेम्बरसिप भेरिफिकेसनको लामो विवादलाई चिर्दै निर्वाचन समतिले अमेरिकी एनआरएन निर्वाचनको आगामी सन् २०१७÷१९ कार्यकालका लागि निर्वाचन कार्यक्रम तय गरेको छ । आगामी अगष्ट महिनाको ११ र १२ तारिख निर्वाचन तय गरेसँगै नेतृत्वमा जान इच्छुकहरुले गत जुलाई ८ तारिख समयसीमाभित्रै मनोनयनपत्र दाखिला गरेका छन् । अमेरिकी डायस्पोरामा एनआरएनमार्फत नेतृत्व गर्न इच्छुक अनुहारहरु प्रष्टरुपमा नेपाली राजनीतिकका दुई ठूला दल कांग्रेस र एमाले समूहमा ध्रुवीकृत हुन पुगेका छन् । अघिल्लो वर्षसम्म नामै नसुनिएका टेक्सासका व्यापारी गौरी जोशीले एमाले पार्टीका लागि अमेरिकाबाट सक्रिय भूमिका खेल्दै आएको समूहको नेतृत्व गरेका छन् । जोशीले अध्यक्ष पदमा उम्मेदवारी दिएसँगै उनले आफ्नो समूहमा एमालेको प्रवास संगठन
More

सप्तरीका बाढीपीडितलाई रु २५ हजार राहत दिने निर्णय

काठमाडौं । सरकारले सप्तरीका बाढीपीडितको टहरा निर्माण र जस्तापाता खरिदका लागि तत्काल प्रतिपरिवार रु २५ हजार राहत दिने निर्णय गरेको छ । सिंहदरबारस्थित मन्त्रिपरिषद् तथा प्रधानमन्त्री कार्यालयमा आज बसेको मन्त्रिपरिद्को बैठकले टहरा निर्माणका लागि रु १५ हजार र जस्तापाता खरिदका लागि रु १० हजार गरी कुल रु २५ हजार राहत दिने निर्णय गरेको अर्थमन्त्री ज्ञानेन्द्रबहादुर कार्की जानकारी दिनुभयो । सप्तरीका विभिन्न खोला र नदीमा आएको बाढीबाट प्रभावित एवम् विस्थापित क्षेत्रको स्थलगत निरीक्षणपछि शुक्रबार प्रधानमन्त्री शेरबहादुर देउवाले बाढीपीडितलाई रु २५ हजार राहत उपलब्ध गराउने तथा उनीहरुको बसोबासको व्यवस्था गर्न रु १५ लाखसम्म सहुलियत ऋणको व्यवस्था गर्ने प्रतिवद्धता घोषणा गर्नुभएको थियो ।
More

छोरो च्यापेर विद्यालय

सदरमुकाम बेनीमा रहेको प्रकाश माध्यमिक विद्यालयमा ९ कक्षामा अध्ययनरत भूमिका परियार बल्ल १८ वर्षकी भइन् । मालिका गाउँपालिका–२ खवाङकी भूमिकाका ३ वर्षीय छोरा रिदम पनि आमासँगै विद्यालय जान्छन् । दैनिक दुईवटा झोला सहित पिठ्यूँमा छोरा बोकेर विद्यालय जानु र डेरा फर्कनु उनको दैनिकी हो । धौलागिरि गाउँपालिका–६ मराङमा रहेको जनविकास माविमा ८ कक्षा पढ्दै गर्दा १४ वर्षको उमेरमा उनको मालिका गाउँपालिकाको खवाङका २८ वर्षीय किरण परियारसँग विवाह भएको थियो । पन्ध्र वर्षमै आमा बनेपछि उनको विद्यालय जाने क्रम छुट्यो । “बाबा–आमाले बिहे गर्नुपर्छ, हामीले टीकाटालो गरिसक्यौँ भनेपछि मैले पनि मन्जुरी दिएँ । विवाह भन्ने नै थाहा भएन । गर्भवती भएपछि
More

सुत्केरीलाई पाँच हजार दिने निर्णय

दाङ । तुलसीपुर उपमहानगरपालिकाले सुत्केरीलाई रु पाँच हजार दिने निर्णय गरेको छ । नगर कार्यसमितिको आज बसेको बैठकले मातृ शिशु मृत्यु दर कम गर्न तथा नवजात शिशुलाई पोषणयुक्त खानाका लागि यो निर्णय गरेको हो । सरकारी अस्पतालमा गएर सुत्केरी सेवा लिने महिलाले आगामी श्रावण महिनादेखि यो सेवा पाउने छन् । सो बैठकले प्रत्येक वडामा एम्बुलेन्स सञ्चालनको प्रक्रिया अघि बढाउने, अपाङ्ग र ज्येष्ठ नागरिकलाई ५० प्रतिशत एम्बुलेन्स सेवामा छुट दिने, अपाङ्गलाई नगर प्रमुख र उपप्रमुखको कोठामा पहुँच पु-याउन अपाङ्गमैत्री बनाउने, कामकाजलाई चुस्तदुरुस्त बनाउन नगरपालिकाको प्रत्येक वडामा सिसी क्यामेरा जडान गर्ने, कार्यालयमा इलोक्ट्रोनिक्स हस्ताक्षरको व्यवस्था गर्ने, १५ दिनभित्र सर्वदलीय सर्वपक्षीय निर्णयका आधारमा
More

भरतपुर मतगणना विवादको सुनुवाइ साउन २ गते

काठमाडौं । सर्वोच्च अदालतमा आज हुने भनिएको भरतपुर महानगरपालिका–१९ को मतगणना विवादसम्बन्धी सुनुवाइ पुनः सोमबारका लागि सरेको छ । न्यायाधीशद्वय ओमप्रकाश मिश्र र पुरुषोत्तम भण्डारीको संयुक्त इजलासमा यस प्रकरणको सुनुवाइ पेसी तोकिएको थियो तर हेर्न नभ्याउने भन्दै साउन २ गते सोमबारका लागि सारिएको सर्वोच्च अदालतका सहप्रवक्ता विश्वराज पौडेलले जानकारी दिनुभयो । भरतपुर प्रकरणमा सर्वोच्च अदालतमा सुनुवाइ सरेको यो तेश्रो पटक हो । यसअघि यही असार २३ गते सर्वोच्च अदालतका न्यायाधीश मीरा खड्का र अनिलकुमार सिन्हाको संयुक्त इजलासमा सुनुवाइ शुरु भए पनि नभ्याएर आजका लागि पेसी तोकिएको थियो । त्योभन्दा पहिला कामु प्रधानन्यायाधीश गोपालप्रसाद पराजुली र न्यायाधीश हरिकृष्ण कार्कीको इजलासले मतगणनाका
More

संविधान संशोधन विधेयक अगाडि बढाइन्छ : अध्यक्ष दाहाल

काठमाडौं । नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ले आफ्नो नेतृत्वको सरकारले संसद्मा प्रस्तुत गरेको संविधान संशोधन विधेयक प्रक्रियामा अगाडि बढाइने बताउनुभएको छ । सिंहदरबारमा आज आयोजित माओवादी केन्द्रको संसदीय बोर्डको बैठकमा उहाँले भन्नुभयो– “राष्ट्रिय हितका लागि पनि सो विधेयक अगाडि बढ्नुपर्छ ।” अध्यक्ष दाहालले “संविधानको दायरा फराकिलो पार्ने र राष्ट्रिय एकता सुदृढ गर्ने हाम्रो उद्देश्य हो, त्यसैले अघिल्लो सरकारले संसद्मा प्रस्तुत गरेको संविधान संशोधन विधेयक अब प्रक्रियामा अगाडि बढ्छ” भन्नुभयो । संविधान संशोधन विधेयकलाई निर्णयार्थ पेश गरेर राजपा नेपाललगायतका असन्तुष्ट दललाई पनि निर्वाचनमा ल्याउनुको विकल्प छैन भन्दै उहाँले हामीले जिम्मेवारपूर्ण भूमिका खेल्न सकेनौँ भने असन्तुष्टिमा खेल्ने तत्वले फाइदा
More

मन्त्रिमण्डल विस्तारभन्दा संविधान संशोधन प्रधानमन्त्री देउवाको प्राथमिकता

काठमाडौं । मन्त्रिमण्डल विस्तार गरेर शासन व्यवस्थालाई सहज बनाउनु भन्दा प्रधानमन्त्री शेरबहादुर देउवाले यतिबेला संविधान संशोधनलाई प्राथमिकतामा राखेका छन् । यसका लागि प्रधानमन्त्री देउवा गत शनिबारदेखि सक्रिय देखिएका छन् । परराष्ट्रमन्त्री कृष्णबहादुर महरा भारत भ्रमणबाट फर्के लगत्तै प्रधानमन्त्री देउवाले मन्त्रिमण्डल विस्तारलाई थाँती राखेर संविधान संशोधनका लागि सक्रिय भएका हुन् । संविधान संशोधनका लागि प्रमुख प्रतिपक्षी नेकपा एमालेले कुनै महत्व नदिइरहेका बेला प्रधानमन्त्री देउवालाई भने किन हतार भयो ? यो विषय यतिबेला बहसमा छ । आफ्नो भारत भ्रमणको चाँजोपाँचो मिलाउन प्रधानमन्त्री देउवाले परराष्ट्रमन्त्री महरालाई दिल्ली पठाएका थिए । परराष्ट्रमन्त्री महराले दिल्लीको सन्देश प्रधानमन्त्री देउवालाई सुनाएपछि प्रधानमन्त्री देउवाले आज सोमबार गर्ने भनेको
More

प्रधानमन्त्री देउवाको सहयोगी आरजु र भानु मात्रै

काठमाडौं । प्रधानमन्त्री शेरबहादुर देउवाले आफ्ना सहयोगीका रुपमा अहिलेसम्म कसैलाई पनि नियुक्त गरेका छैनन् । निजी सचिव भतिजा भानु देउवालाई समेत नियुक्त पत्र थमाइएको छैन । सहयोगी नियुक्ति गर्दा सन्तुलन बिग्रने डरले प्रधानमन्त्री देउवाले कसैलाई पनि नियुक्ति दिएका छैनन् । नियुक्ति नगर्ने मात्र होइन, नियुक्ति लिने आकांक्षीलाई प्रधानमन्त्री देउवाले बालुवाटर प्रवेशमा समेत रोक लगाएका छन् । शासन सञ्चालनमा प्रधानमन्त्री देउवाले डा. आरजु देउवाबाहेक अरु कसैको कुरा सुन्दैनन् । निवासको बैठक कोठामा बिहान झन्डै दुई घण्टा डा. आरजुले सबै कुरा ब्रिफिङ गरेपछि मात्र प्रधानमन्त्री देउवाले सहयोगी भतिजो भानुलाई बोलाउँछन् । त्यसपछि प्रधानमन्त्री देउवाले डा. आरजुले बनाएको कार्यक्रमलाई फलो गर्न भानुलाई निर्देशन
More

चार बलात्कारी पूर्पक्षका लागि कारागार चलान

गौशाला । महोत्तरी जिल्लाको औरही गाउँपालिकामा एक युवतीलाई सामूहिक बलात्कार गरेको आरोपमा चार जना बलात्कारीलाई महोत्तरी जिल्ला अदालतले पुर्पक्षका लागि कारागार चलान गरेको छ । कारागार चलान हुनेमा औरही गाउँपालिका–२ बस्ने २२ वर्षीय सुनिलकुमार साह, २० वर्षीय सुरेशप्रसाद यादव, २१ वर्षीय रमेश पञ्जीयार र २० वर्षीय अनिकेतकुमार यादव रहेको जिल्ला प्रहरी कार्यालय महोत्तरीले जनाएको छ । गत जेठ २८ राति ७ बजेतिर औरही बजारबाट आफ्नो गाउँ औरही गाउँपालिका–२ फूलबरिया जाँदै गरेकी युवतीलाई औरही बजारदेखि ५०० मिटर टाँढा आँप बगैँचामा बाटो ढुकेर बसेका चारै जना युवकले समातेर मुख बन्द गरी पालैपालो बलात्कार गरेकाले उनीहरुलाई जिल्ला अदालतले पुर्पक्षका लागि जलेश्वर कारागारमा पठाएको
More

चट्याङले विहारमा २६ को ज्यान लियो

पटना । भारतको बिहारमा चट्टयाङमा परेर २६ जनाको मृत्यु भएको छ । लगातारको पानीसँगैको चट्टयाङमा परेर उनीहरुको मृत्यु भएको अधिकारीहरुले जनाएका छन् । सबैभन्दा बढी रोहतास जिल्लामा पाँच जना चट्टयाङको शिकार भएका छन् । राजधानी पटनामै चार जना परेका छन् । चट्टयाङमा परेर मृत्यु भएकालाई प्रतिव्यक्ति चार लाखका दरले क्षतिपूर्ति दिने घोषणा सरकारले गरेको छ । लगातार पानी परिरहँदा बाढीको त्रास पनि बढेको छ ।
More

अपरमाई ‘सी’बाट विद्युत् उत्पादन सुरू

इलाम । इलामको सन्दकपुर गाउँपालिका–५ जमुना–३ सुलुबुङको बीचमा भर्खरै निर्माण सम्पन्न भएको अपरमाई ‘सी’ हाइड्रोपावर लिमिटेडले विद्युत् उत्पादन सुरू गरेको छ । अढाइ वर्षअघि निर्माण सुरू भएको अपरमाईको क्षमता ६.१ मेगावाट भए पनि पिपीए सम्झौतामा ५.१ मेगावाट रहेको छ । ५.१ मेगावाट विद्युत् उत्पादन भई राष्ट्रिय प्रशारणमा जोडिएको प्रवद्र्धक संस्था पञ्चकन्या माई हाइड्रोपावर लिमिटेडका कार्यकारी निर्देशक सन्तोष प्रधानले जानकारी दिनुभयो । यसअघि माबुमा अपरमाई हाइड्रोपावर निर्माण सम्पन्न गरी १२ मेगावाट विद्युत् उत्पादन गरिएको छ । उक्त आयोजनाबाट खेर जाने पानी पुनः सदुपयोग गरी अपरमाई ‘सी’ बाट विद्युत् उत्पादन गरिएको हो । अपरमाई ‘सी’ अपरमाईकै क्यास्केट परियोजना हो । हालसम्म अपरमाई
More

पुनर्वास नगरपालिकामा एमाले विजयी

भीमदत्तनगर । कञ्चनपुरको पुनर्वास नगरपालिकाको प्रमुखमा नेकपा (एमाले)का उम्मेदवार जीवनराज थापा छ हजार ४० मत प्राप्त गरी विजयी हुनुभएको छ । उहाँका प्रतिद्वन्द्वी नेकपा (माओवादी केन्द्र)का वीरबहादुर थापा पाँच हजार ५१४ मत र नेपाली काँग्रेसका उम्मेदवार तोयाप्रसाद शर्माले पाँच हजार ५१२ मत प्राप्त गर्नुभएको पुनर्वास नगरपालिका निर्वाचन अधिकृतको कार्यालयले जनाएको छ । त्यस्तै उपप्रमुखमा पनि एमालेकै उम्मेदवार शारदा विष्ट छ हजार ३६६ मत ल्याएर विजयी हुनुभएको छ । उहाँका निकटतम प्रतिद्वन्द्वी काँग्रेसका उम्मेदवार भुलिया राना पाँच हजार ३९१ मत प्राप्त गर्नुभयो भने माओवादी केन्द्रका सीता विकले पाँच हजार ३५६ मत प्राप्त गर्नुभयो ।
More