Daily Archives 17th July 2017

पैसा नहुने चुनावमा जान नसक्ने माओवादी निष्कर्ष

काठमाडौं । सरकारको नेतृत्वमा रहेर सम्पादन गरिएका जनपक्षीय कामको व्यापक प्रचारप्रसार हुन नसक्दा स्थानीय तहको निर्वाचनमा पार्टीले अपेक्षानुसार विजय हासिल गर्न नसकेको नेकपा(माओवादी केन्द्र)का नेताले टिप्पणी गरेका छन् । पार्टी केन्द्रीय कार्यालय पेरिसडाँडामा आजदेखि सुरु भएको केन्द्रीय कार्यालयको विस्तारित बैठकमा नेताहरुले विद्युत्भार कटौतीको अन्त्य, उच्च आर्थिक वृद्धि, छिमेकी मुलुकसँगको सन्तुलित सम्बन्ध, राष्ट्रिय गौरवका आयोजनामा देखिएको गुणात्मक प्रगतिलगायत कामको प्रभावकारी प्रचार हुन नसकेको र जनस्तरमा पुग्न नसकेका कारण सकारात्मक परिणाम आउन नसकेको बताएका हुन् । ‘गाउँ÷नगरमा सिंहदरबारको नारा’लगायत कार्यसूची माओवादीकै भए पनि स्थानीय तहमा प्रभावकारी चुनाव प्रचार हुन नसकेको, पार्टीको सङ्गठन सोचेअनुसार वस्तुवादी नभएको, आर्थिक अभाव र कतिपय स्थानमा निर्वाचन चिह्नका
More

टुइटरमा सिलवालको विलौना

काठमाडौं । तत्कालीन प्रधानन्यायाधीश सुशीला कार्कीविरुद्ध महाअभियोग लगाएपछि आईजीपी प्रकरणको मुद्दा ओझेलमा परेसँग गुमनाम बनेका डिआईजी नवराज सिलवाल सार्वजनिक सञ्जालमा देखापर्न थालेका छन् । टुइटरमार्फत सार्वजनिक हुदै सिलवाल लेख्छन्, ‘तिमी जति नै ठूलो पद या भौतिक उपलब्धि हासिल गर, मनको कुनामा अलिकति मानवता भएन भने त्यसको केही अर्थ छैन ।’ आईजीपी बन्नलाई कानुनी लडाइ लडिरहेका डिआईजी सिलवालको मुद्दा सर्वोच्च अदालतमा विचाराधीन छ । गत शनिबार गृहमन्त्रालयले ११ डिआईजीलाई एआईजीमा बढुवा गरेको थियो । उक्त बढुवामा सिलवाल परेनन् । बढुवा नहुँदा पनि उनको जागीर आगमी माघ मसान्तसम्म छ । आईजी प्रकरणको मुद्दा साउन १७ गतेका लागि पेसी सरेको छ । आईजीको
More

भक्तजन सेल्फी लिंदै

साउनको पहिलो सोमबार आज बिहान पशुपतिनाथ मन्दिरमा भक्तजन सेल्फी तस्बिर लिंदै । तस्बिर : रोशन सापकोटा
More

भरतपुर मत गणना प्रकरण एक सातापछि, शर्माविरुद्धको मुद्दा हेर्दाहेर्दैमा

काठमाडौं । भरतपुर प्रकरणमा सोमवार सुनुवाई सुरु भए पनि न्यायाधीश विदेश जानुपर्ने कारणले जारी सुनुवाई पुनः एक साता पर सरेको छ । न्यायाधीशद्वय ओमप्रकाश मिश्र र पुरुषोत्तम भण्डारीको संयुक्त इजलासमा सोमवार सुनुवाई सुरु भएको हो । न्यायाधीश भण्डारी उपचारका लागि अमेरिका जानुपर्ने भएकाले सुनुवाई एक साता पर धकेलिएको हो । सोमबार बहस नसकिएकाले अब अर्को सुनुवाई साउन ८ गते हुने भएको छ । सोमबार रिट निवेदकका तर्फबाट अधिवक्ता टिकाराम भट्टराईले मात्र बहस गर्न भ्याए । आन्तरिक राजश्व विभागका निलम्बित महानिर्देशक चूडामणि शर्मालाई थुनामुक्त गर्न माग गर्दै दायर गरिएको रिटमाथि आज पनि बहस नसकिएपछि हेर्दाहेर्दैमा राखिएको छ । सर्वोच्च अदालतले बन्दी
More

एनआरएन यूरोप बैठक: डेनमार्क ‘घोषणापत्र’ नै अलपत्र

लण्डन । गैरआवासीय नेपाली संघ यूरोप क्षेत्रिय दशौं बैठक जर्मनीको फ्रायांकफर्डमा यही महिनाको अन्तिम साता सम्पन्न हुदैंछ । हरेक वर्ष यूरोपस्थित महंगा होटलमा आयोजना हुने बैठक पछि जारी हुने घोषणापत्र भने कागजमा सिमित रहने गरेका छन् । यसै बीच “युरोपका नेपालीका अभियान–लगानी पुनःनिर्माण र पर्यटन” विषयमा केन्द्रीत भई डेनमार्कको, कोपेनहेगनमा नवौ युरोपियन क्षेत्रिय वैठक ३०–३१ जुलाई २०१६ मा सम्पन्न भई जारी गरिएको घोषणपत्रनै अलपत्र गरेको भेटिएको छ । १३ बुँदे घोषणपत्रमा धन्यवाद ज्ञापन, श्रद्धाञ्जली अर्पण, प्रतिबद्धता जनाउने, शव्द प्रयोग भएका बुँदा बाहेक अरु कुनै पनि घोषणा कार्यन्वय भएका छैनन् । यसअघि सम्पन्न आठवटा क्षेत्रीय बैठकले गरेको निर्णयहरुको समिक्षा गर्ने र
More

सडक बालबालिकाको विश्वकप फुटबलमा नेपाल सहभागी हुने

काठमाडौं । सन् २०१८ मा रुसको राजधानी मास्कोमा आयोजना हुने सडक बालबालिकाको विश्व कप फुटबलमा नेपालले पनि भाग लिने भएको छ । सडक बालबालिकाको विश्व कप मे १९ देखि २७ तारिखसम्म चल्नेछ । फिफा विश्व कप अघि आयोजना हुने यस विश्व कपमा सेल्टर आश्रय नेपालमार्फत नेपालले सहभागिता जनाउन लागेको हो । विश्वकपमा नेपाल सहित विभिन्न २२ देशका २४ टिमको सहभागिता रहने सोमबार आयोजित पत्रकार सम्मेलनमा आश्रय नेपालकी अध्यक्ष खुश्बु ओलीले बताईन । जसमा १२ छात्र र १२ छात्रा टिमले प्रतिस्पर्धा गर्नेछन् । नेपालले छात्र टिममा भाग लिनेछ । ‘स्ट्रिट चाइल्ड युनाइटेड’ ले फिफाको सहयोगमा सडक तथा असहाय बालबालिकाको लागि विश्व
More

कवि दुर्गाप्रसाद पोख्रेल बेलायतमा पुरस्कृत हुँदै

कवि एवं समालोचक दुर्गाप्रसाद पोखरेललाई बेलायतमा पुरस्कृत गरिने भएको छ । अन्तर राष्ट्रिय नेपाली साहित्य समाज, (अनेसास) यूकेले कवि पोख्रेललाई अनेसास सुप्रमा पुरस्कार – २०१७ द्वारा पुरस्कृत गर्ने घोषणा गरेको हो । बेलायती नेपाली डायस्पोराका आदिकवि ईश्वर मानन्धरबाट सन् २०१२ मा वहाँको बुवा स्व. सुन्दर प्रसाद मानन्धरको स्मृतिमा स्थापित सो पुरस्कारलाई कवि मानन्धरको स्वर्गारोहणपछि वहाँकी धर्मपत्नी जानकी मानन्धर तथा परिवारबाट निरन्तरता दिईएको छ । हरेक बर्ष बेलायतमा रहेर सृजना गरिएका कृतिहरू मध्ये एक उत्कृष्ट कृतिलाई पुरस्कृत गर्ने गरी स्थापित उक्त अनेसास-सुप्रमा पुरस्कार यस अघि २०१४ मा कवि मुकेश राईलाई , २०१५ मा कवि केदार सुनुवार `सङ्केत´ लाई तथा २०१६ मा
More

जल चढाउन पालो कुर्दै

पिण्डेश्वर बाबाधाम धरानमा साउनको पहिलो सोमबार जल चढाउनका लागि मन्दिरमा पालो कुर्दै बोलबमका भक्तजन । तस्बिर: याम प्रधान
More

मन्त्रिपरिषद् विस्तार र निर्वाचन क्षेत्र निर्धारण आयोग गठन यही साता

काठमाडौं । माओवादी केन्द्रका अध्यक्ष पुष्पकमल दाहाल विदेश भ्रमणबाट फर्केलगत्तै मन्त्रिपरिषद् विस्तार र निर्वाचन क्षेत्र निर्धारण आयोग गठन गर्ने गृहकार्य सुरु भएको छ । सरकार विस्तारका लागि कांग्रेसको तर्फबाट कार्यदल सदस्य विमलेन्द्र निधिले माओवादी केन्द्रका अध्यक्ष पुष्पमल दहालसँग आज भेट गरी मन्त्रिपरिषद् विस्तार, निर्वाचन क्षेत्र निर्धारण आयोगलगायतका विषयमा छलफल गरेका छन् । दाहालको निवास लाजिम्पाटमा भएको छलफलमा बुधबारसम्म मन्त्रिपरिषद्लाई पूर्णता दिने र बिहीबार बस्ने मन्त्रिपरिषद् बैठकले निर्वाचन क्षेत्र निर्धारण आयोग गठन गर्ने नेता निधिले जानकारी दिए । मन्त्रालय बाँडफाँटका विषयमा सैद्धान्तिक सहमति भए पनि संख्या र नामको टुंगो लगाउने जिम्मा भने कार्यदललाई दिइएको नीधिले जानकारी दिए । प्रदेश र प्रतिनिधि
More

अध्यक्ष थापा समूहले एनआरएन जापानकाे क्षेत्रिय निर्वाचन कब्जा गर्न खोज्दा कुटाकुट (भिडियो)

लण्डन । गैरआवासीय नेपाली संघ जापानको अध्यक्ष सुदन थापा समूहले कान्साई क्षेत्र कब्जामा लिएको छ । कान्साई क्षेत्रको अधिवेसनमा प्रमुख अतिथीको रुपमा पुगेका थापाको निर्देशनमा सो क्षेत्रको लागि कोषाध्यक्षको उम्मेदवार बनेका शिवु थापाको उम्मेदवारी जर्वजस्ती रद्ध गरि आफ्नो पक्षका व्यक्तिलाई कोषाध्यक्ष घोषणा गरे पछि थापा विवादमा आएका हुन् । यस्तै थापा समूहले कान्तो, नागायो र टोकियो क्षेत्रमा समेत निर्वाचन प्रकृयामा अवरोध गर्दै आफ्नो कब्जामा लिएको छ । टोकियो क्षेत्रिय निर्वाचनमा अध्यक्ष थापा निकट समूहले चुनाव अवरोध गर्न खोज्दा कुटाकुटको अवस्था सृजना भएको थियो । यसै बीच कान्साई क्षेत्रको कोषाध्यक्ष उम्मेदवार शिवु थापाले एक विज्ञप्ति जारी गर्दै प्रजातन्त्रिक मुल्य मान्यता विपरीत
More

युकेको कर प्रणाली तथा वित्तीय व्यवस्थापनबारे छलफल

लन्डन । सोसाइटी अफ नेप्लीज प्रोफेसनल्स युकेले गत शनिबार ‘वित्तीय व्यवस्थापन तथा युकेको कर प्रणाली’ विषयमा एक अन्तरकृया आयोजना गर्यो। साउथ लण्डन एकेडेमी कलेज उलवीचमा आयोजित कार्यक्रममा संस्थाका उपाध्यक्ष दिप गिरिले हाल युकेमा बसोबास गरिरहेका प्रवासी नेपालीहरुले कमाएको पैसा नेपाल तथा बेलायतमै कसरी लगानी गर्ने, जोखिमहरु र युकेको कर प्रणाली लगायतका विषयमा जानकारी दिन सो अन्तरकृया आयोजना गरिएको बताए। कार्यक्रममा भट्टराई एण्ड कम्पनी इमिग्रेसन प्राक्टीसका प्रिन्सिपल तथा जेम्स सोलिसिटर्सका कन्सल्टेन्ट दिपक भट्टराईले रियल स्टेट व्यवसायका बारेमा, रोजमाउन्ट फाइनान्सियल सलुसन्सका मोर्टगेज एण्ड प्रोटेक्सन एडभाइजर ऋषि खनालले मोर्टगेजसंबन्धी नियमहरुका बारेमा र नोमुरा एसेट म्यानेजमेन्ट लण्डनका इक्वीटी रिसर्च एनलिस्ट सशाङ्क प्रधानले स्टक मार्केटका
More

आफ्नै भवनमा मुस्कान महिला सहकारी

चितवन । सामुहिकता र एकताले नै समाज विकासमा टेवा पुग्ने सरोकारवालाहरुले बताएका छन् । खैरहनी १२ कुमरोजमा रहेको मुस्कान महिला विकास वचत तथा ऋण सहकारीको भवन उद्घाटनका क्रममा बोल्ने बक्ताहरुले यस्तो बताएका हुन् । उद्घाटन कार्यक्रमको प्रमुख अतिथी समेत रहेकी महिला तथा बालबालिका कार्यालय चितवनकी प्रमुख शान्ताकुमारी पौडेलले महिलाकै सक्रियतामा खोलिएका सहकारीले विपन्न सदस्य र व्यवसायिकतामा जोड दिएकाले प्रगति गर्न सफल भएको भनाई राख्नुभयो । कार्यक्रममा सहकारीले महिलामा सशक्तता प्रदान गरेको उल्लेख गर्दै प्रयास र हिम्मतका साथ काम गरे सफलता हात पार्न सकिने बताउनुभयो । आर्दश गृहकी संयोजक मीना खरेलले महिलाको नेतृत्व विकास र सशक्तिकरणमा सहकारी कोशेढुगां भएको बताउनु भयो
More

पृथ्वी परिक्रमा अवार्ड २०७४” बेलायतमा आयोजना हुने

बिदेशमा बसेर देशको कला, संस्कृत र सामाजिक विकासको लागी योगदान गर्ने बढीमा ५१ जना ब्यक्तिहरुलाई आगामी नोभेम्बरमा लन्डनमा आयोजना हुने “पृथ्वी परिक्रमा अवार्ड २०७४” द्वारा सम्मानित गरिने भएको छ । आज काठमाडौं रेस्टुरेन्ट नर्थफिल्ड्, लन्डनमा आयोजित एक पत्रकार सम्मेलनमा बक्स अफिस राष्ट्रिय प्रमुख राम बहादुर सुवेदी तथा बेलायतका लागि संयोजक सुरेन्द्र प्रसाद श्रेष्ठका बीच एक सम्झौता पत्रमा हस्ताक्षर सम्पन्न भएको छ । उक्त संस्थाको हक हित तथा कानुनी परामर्शका लागि राजु थापा, प्रचारप्रसारका लागि नवीन पोखरेल, शिव भण्डारी, एभरेष्ट गौतम र सुरेस श्रेष्ठद्वारा सहयोग गर्ने भएका छन भने उक्त अवसरमा बिरेन्द्र श्रेष्ठको समेत सहभागिता रहेको थियो ।
More

सुरोज मास्केले एनआरएनए यूकेको सचिवमा उम्मेदवारी दिने

लन्डन । एनआरएनए यूके कार्यसमिति अन्तर्गत विजनेश विभागमा क्रियाशिल व्यवसायी तथा समाजसेवी सुरोज मास्केले आगामी निर्वाचनमा सचिव पदमा उम्मेदवारी दिने भएका छन् । आफू सचिवको पदमा रहेर नेतृत्व टिमलाई गति दिन उल्लेख्य भूमिका खेल्ने बताउंदै उनले एनआरएन व्यक्ति र अध्यक्ष मात्र नभएर यसलाई टिम वर्कको रुपमा सामूहिक नेतृत्व प्रणालीमा जानुपर्ने धारणासहित आगामी निर्वाचनमा 
सद्भाव, सुझाव र सहयोगको अपिल गरेका छन् । एनआरएनए यूकेमा विकास हुंदै गएको विकृति विसंगति 
चिर्ने र नेपाल हाउस प्रोजेक्टलाई व्यापारिक मोडेलमा लगेर सफल बनाउन पहल कदमी लिने उनको प्रतिवद्धता छ । एनआरएनए नागरिकताको विवादास्पद मुद्दामा आफ्नो छुट्टै ‘भिजन’ भएको बताउने मास्के एनआरएनए भएर विदेश बसेर नेपालको
More

क्याट यूकेको निर्वाचनमा श्रेष्ठ ४५ मत ल्याएर विजयी

लन्डन । चितवन एड ट्रष्ट (क्याट) यूकेको आइतबार लन्डनमा सम्पन्न सातौं अधिवेशनले देवेन्द्र श्रेष्ठको नेतृत्वमा नयां कार्यसमिति चयन गरेको छ । अन्तिम सम्मको सहमति प्रयास विफल भएपछि नेतत्वका लागि निर्वाचन भएको थियो । कुल ७३ मतदाता मध्य अध्यक्षका प्रत्यासी श्रेष्ठले ४५ मत प्राप्त गरि विजयी भए । श्रेष्ठले रितेश पाण्डेलाई 
पराजित गरे । निर्वाचनकै माध्यमबाट उपाध्यक्षमा यादव 
श्रेष्ठ, जीवन सेन र भगवती रानाभाट निर्वाचित भएका छन् । उपाध्यक्षमा ५ जनाबीचको चुनावी भिडन्तमा राम भट्टराई र समिर खनाल पराजित भए । नयां कार्यसमितिको महासचिवमा राजेन्द्र सुबेदी, सचिव शालिक सापकोटा, कोषाध्यक्ष रमेशकुमार श्रेष्ठ र सह कोषाध्यक्षमा दिपेन्द्र अधिकारी निर्विरोध निर्वाचित भएका छन्
More

भरतपुर–१९ को मत गणना विवादबारे सर्वोच्चले आज फैसला गर्ने

काठमाडौं । सर्वोच्च अदालतले लामो समयदेखि भरतपुर महानगरपालिकाको वडा नम्बर १९ को फैसला गर्न सेकेको छैन । आइतबार मात्र सर्वोच्च अदालतले नयाँ नेतृत्वको प्रधानन्यायाधिश पाएको छ । यसअघि विभिन्न बाहना बनाएर पटकपटक इजलास सारे पनि आज तोकिएको इजलास अघि बढ्ने सबैले विश्वास गरेका छन् । भरतपुर महानगरपालिकामा रेणु दाहाल र देवी ज्ञवालीबीच रोचक प्रतिष्पर्धा छ । प्रचण्डपुत्री रेणु नेकपा माओवादी केन्द्र र कांग्रेसको साझा उम्मेदवार हुनुहुन्छ भने ज्ञवाली एमालेका तर्फबाट उम्मेदवार हुनुहुन्छ । प्रधानन्यायायधिशमा गोपाल पराजुली आएपछि लामो समयदेखि रोकिएको मुट्ठा छिट्टै छिनोफानो हुने सबैको आशा छ । भरतपुर १९ को इजलास आज दिउँसोका लागि तोकिएको छ । निर्वाचन आयोगले
More

अन्तर ध्यानबाट भविष्य हेर्दै दृष्टिविहीन महाप्रसाद

पथरी । दृष्टिविहीन व्यक्तिले चिना टिपन (ज्योतिष) हेरेर घर खर्च चलाएका छन्भन्दा सायदै पत्याउन सकिएला तर मोरङको बेलबारी–३ का ५१ वर्षीय महाप्रसाद दाहालको व्यवसाय नै ज्योतिष तथा हात हेर्ने हो । सात वर्षदेखि बेलबारीमा डेरा बस्दै आउनुभएका महाप्रसादको डेरामा शनिबार र मङ्गलबार भविष्य हेर्न आउनेको भीड नै लाग्ने गर्छ । जन्मदै दृष्टिविहीन जन्मनुभएका दाहाल भन्नुहुन्छ, “मैले पढेको होइन । अन्तर ध्यानबाट देख्छु र भन्छु । कसको कति मिलेको छ ,मलाई थाहा छैन् तर मैले गरेको भविष्यवाणी नमिलेको भए यो शहरबाट मलाई खेदाइसक्थे होला नि,” उहाँले थप्नुभयो, “हेराउन आउँदाभन्दा पछि हजुरले जे भन्नुभएको थियो ठ्याक्कै त्यस्तै भयो भन्दै खुशीका साथ उपहार
More

गाई काटेको अभियोगमा दुईजना पक्राउ

पोखरा । गाई काटेको अभियोगमा यहाँ दुई जनालाई पक्राउ गरिएको छ । पोखरा लेखनाथ महानगरपालिका–२४ स्थित शेराको जङ्गलमा गाई काटेको अभियोगमा स्थानीयवासी ५४ वर्षीय रामबहादुर नेपाली र ३६ वर्षीय कृष्ण नेपालीलाई पक्राउ गरेको क्षेत्रीय प्रहरी कार्यालयले जनाएको छ । जङ्गलमा गाई काटेको सुराकीका आधारमा सो स्थानमा पुगेको प्रहरी टोलीले गाईको टाउको, खुट्टा र आलो मासुसहित पक्राउ गरी थप अनुसन्धान भइरहेको प्रहरी निरीक्षक विश्वबन्धु पोख्रेलले जानकारी दिनुभयो ।
More

८४ वर्षीय वृद्धको यो हर्कत ?

चरिकोट । दोलखाको भीमेश्वर नगरपालिका–७ का ८४ वर्षीय रघुनाथ सुवेदीले ६ वर्षीया नाबालिकालाई बलात्कार गरेको प्रहरीले बताएको छ । जिल्ला प्रहरी कार्यालय दोलखाले दिएको जानकारीअनुसार नाबालिकालाई ८४ वर्षीय वृद्ध सुवेदीले जबर्जस्ती करणी गरेको हो । आफू बस्ने कुटीमा लगी सुवेदीले ललाई फकाई लहरे आँप दिने भन्दै प्रलोभनमा पारी जबर्जस्ती करणी गरेको जिल्ला प्रहरी कार्यालय दोलखाका प्रहरी नायब उपरीक्षक रामेश्वर कार्कीले बताउनुभयो । नाबालिकाको आफन्तले वृद्ध सुवेदीले जबर्जस्ती करणी गरेको थाहा पाएपछि प्रहरीलाई जाहेरी दिएसँगै पक्राउ गरिएको कार्कीले बताउनुभयो । प्रहरीले सुवेदीलाई पक्राउपछि जिल्ला अदालत दोलखाबाट म्याद थप गरी अनुसन्धान अगाडि बढाएको बताएको छ ।
More