Daily Archives 19th July 2017

बैद्य, बाबुराम र विप्लप माओवादी केन्द्रमा आउनुबाहेक विकल्प छैन

काठमाडौं । नेकपा माओवादी केन्द्रका अध्यक्ष पुष्पकमल दाहालले आफ्नो दलले जनताको विश्वास कायम राख्न नसकेको स्वीकार गरेका छन् । बुधबार ललितपुरमा गरिएको पार्टी पशिक्षण कार्यक्रममा अध्यक्ष दाहालले जनताको विश्वास कायम राख्न नसक्दा स्थानीय तह निर्वाचनमा सोचेजस्तो परिणाम ल्याउन नसकेको बताए । उनले माओवादीबाट फुटेर गएकाहरुका विचारलाई पनि जनताले अनुमोदन नगरेको भन्दै उनीहरुलाई मूलधारमा फर्कन आह्वान गरे । उनले वैद्य, बाबुराम र विप्लबको विचारलाई जनताले अनुमोदन नगरेको भन्दै उनीहरु माओवादी केन्द्रमा आउनुबाहेक अरु विकल्प नभएको जिकिर गरे । ‘हिजो अलि धेरै नै के–के न गर्छौं भनेर जानुभा’थ्यो, जनताले त त्यसलाई स्वीकार गरेन, जनताले त्यसलाई अनुमोदन गरेन र गर्नसक्ने कुरा पनि थिएन’–उनले
More

राजपा निर्वाचनमा सहभागी हुन लचक

काठमाडौं । संविधानप्रति असन्तुष्टि जनाउँदै आएको राष्ट्रिय जनता पार्टी(राजपा) आगामी असोज २ गते हुने प्रदेश नम्बर २ को स्थानीय तह निर्वाचनमा सहभागी हुन लचक देखिएको छ । सत्तारुढ दल नेपाली कांग्रेस र नेकपा माओवादी केन्द्रका नेताहरुसँग आज बालुवाटारमा भएको छलफलमा राजपा निश्चित माग पूरा भए निर्वाचनमा जान सकारात्मक देखिएको हो । बैठकमा राजपाले उठाउँदै आएको मधेस आन्दोलनका क्रममा घाइते भएकाहरुको निःशुल्क उपचार, पक्राउ परेका कार्यकर्ता रिहा, मुद्दा फिर्ता र सहिद घोषणा गर्न सत्तारुढ दल तयार भएपछि राजपा पनि निर्वाचनमा जान सकारात्मक देखिएको हो । बैठकमा राजपाले संविधान संशोधन पनि तत्काल गर्नुपर्ने माग राखेको थियो । तर सत्तारुढ दलका नेताहरुले तत्काल
More

पूर्वराजा ज्ञानेन्द्रको स्वास्थ्य अवस्था सामान्य

काठमाडौं । पूर्वराजा ज्ञानेन्द्र शाहको स्वास्थ्य अवस्था सामान्य भएको नर्भिक अस्पतालले जनाएको छ । पूर्वराजा शाहको मुटुसम्म पुग्ने नसामा अवरोध देखिएपछि एनजीओप्लास्टी गरिएको उपचारमा संग्लन अस्पतालका मुटुरोग विभाग प्रमुख डा. यादवदेव भट्टले बुधबार अस्पतालमा आयोजित पत्रकार सम्मेलनमा जानकारी दिए । पूर्वराजा शाह बुधबार बिहान मुटुको उपचारका लागि थापाथलीस्थित नर्भिक अस्पतालमा भर्ना भएका थिए । डा. यादवले उनको स्वास्थ्य अहिले सामान्य रहेको भन्दै दुई/तीन दिनभित्र स्वास्थ्य अवस्था हेरेर डिस्चार्ज गर्ने जानकारी दिए । पूर्वराजा शाहको उपचारमा मुटुरोग प्रमुख भट्ट नेतृत्वको टोलीमा डा. शिवजीविक्रम सिलवाल, डा. शेखर राजभण्डारी, डा. नग्मा श्रेष्ठ, डा. सन्तोषमान श्रेष्ठ तथा डा. किशोरजंग राणा संलग्न छन् ।
More

राणाद्वारा केन्द्रीय कार्यसमितिको बैठक बहिस्कार

काठमाडौं । राष्ट्रिय प्रजातन्त्र पार्टीका अध्यक्ष कमल थापाले राप्रपालाई समाप्त पार्ने षड्यन्त्र भइरहेको बताएका छन । बुधबार पार्टीको केन्द्रीय कार्यसमितिको बैठकमा राजनैतिक कार्यपत्र प्रस्तुत गर्दै अध्यक्ष थापाले राष्ट्रिय स्वाभिमानलाई कमजोर बनाएर आफ्नो स्वार्थ शिद्ध गर्न चाहने राष्ट्रिय र अन्तराष्ट्रिय गिरोहले राप्रपाबिरुद्ध अभियान चलाएको आरोप लगाए । पार्टी अध्यक्ष थापाले स्थानीय तह निर्वाचनमा राप्रपाको हार भए पनि पार्टीका विचार र नीतिको पक्षमा बलियो जनमत रहेको बताए । केन्द्रीय कार्यसमितिको बैठक राष्ट्रिय अध्यक्ष पशुपति शम्शेर राणाले बहिस्कार गरेका छन् ।
More

शर्माको मुद्दा यथास्थितिमा राख्न सर्वोच्चको आदेश

काठमाडौं । सर्वोच्च अदालतले आन्तरिक राजश्व विभागका निलम्बित महानिर्देशक चूडामणि शर्माविरुद्धको विशेष अदालतमा दायर भएको भ्रष्टाचार मुद्दालाई यथास्थितिमा राख्न आदेश दिएको छ । न्यायाधीश चोलेन्द्रशमशेर जवरा र प्रकाश राउतको संयुक्त इजलासले आज शर्माको विशेष अदालतको मुद्दालाई यथास्थितिमा राखी सो मुद्दालाई पूर्ण इजलासमा पठाउने आदेश दिएको सर्वोच्च अदालतमा प्रवक्ता महेन्द्रनाथ उपाध्यायले जानकारी दिनुभयो । प्रवक्ता उपाध्यायले शर्माको मुद्दामा गम्भीर कानुनी जटिलता देखापरेको हुनाले सो मुद्दालाई पूर्ण इजलासमा पठाउने आदेश दिएको बताउनुभयो । शर्माका श्रीमती कल्पना उप्रेतीले विशेष अदालतलाई विपक्षी बनाइ गत असार २७ गते गैरकानुनी रूपमा थुनामा राखेको भन्दै रिहाइको माग गरी बन्दी प्रत्यक्षीकरणको रिट दायर गर्नुभएको थियो । शर्मालाई विशेष
More

कृष्ण तिमल्सिनाद्वारा एनआरएन यूकेको अध्यक्षमा उम्मेदवारी दिने घोषणा

लन्डन । बेलायतस्थित एकजना उदयीमान व्यवसायी तथा सक्रिय सामाजिक अभियन्ता कृष्ण तिमल्सेनाले एनआरएनए यूकेको आसन्न निर्वाचनमा अध्यक्ष पदमा उम्मेदवारी दिने भएका छन् । धेरैको अड्कलबाजी अन्त्य गर्दै उनले बुधवार विभिन्न सञ्चारमाध्यममार्फत उम्मेदवारी दिने घोषणा गरेका हुन् । तिमल्सेनाको घोषणासंगै अब एनआरएनए यूकेको चुनावी मैदानमा अध्यक्षका दावेदार तीन जना पुगेका छन् । हाल यूकेबाट एनआरएनएमा प्रतिनिधित्व गर्ने केन्द्रीय सदस्य (आइसीसी मेम्बर) रहेका तिमल्सेना एनआरएनए यूकेमा सदस्य हुंदै उपाध्यक्ष भइसकेका छन् । संघमा विगत ९ वर्षदेखि उनको नेतृत्वदायी भूमिका छ । नेपलिज सेफ एसोसिएसन यूकेका अध्यक्ष समेत रहेका तिमल्सेना निस्वार्थ सामाजिक र च्यारिटी कामका कारण अधिक रुचाइएका व्यक्तित्व हुन् । आफ्नो उम्मेदवारी
More

एनआरएन यूके उपाध्यक्षमा दीपक श्रेष्ठले उम्मेदवारी दिने

लन्डन । लन्डनका सफल युवा व्यवसायी दीपक श्रेष्ठले एनआरएनए यूकेको सातौं महाधिवेशनमा उपाध्यक्षको उम्मेदवारी दिने भएका छन् । विभिन्न पदमा उम्मेदवारी घोषणाले तीव्रता पाइरहेका बेला हाल एनआरएनए यूके कोषाध्यक्ष एवं बुद्ध फाउण्डेसन यूकेका अध्यक्ष श्रेष्ठले उपाध्यक्षमा लड्ने जनाएका हुन् । श्रेष्ठले नवनिर्वाचित कार्यसमितिसंग सहकार्य गरि राष्ट्रिय कार्यक्रम ल्याउने, स्थानीय जनताका लागि आपतकालिन कोष स्थापना गर्ने, युवालाई आकर्षित 
गर्ने खालका कार्यक्रम र नेपालमा सामूहिक लगानी लैजान प्रेरित गर्ने आफ्नो योजना रहेको सुनाए । करिब दशक यता बेलायत बस्दै आएका श्रेष्ठ यसअघि एनआरएनए यूकेमा सदस्य थिए । कपिलवस्तु समाज यूकेका संस्थापक अध्यक्ष श्रेष्ठको सामाजिक संघसंस्थामा काम गरेको लामो अनुभव छ । च्यारिटीमा
More

लाप्राक अस्तव्यस्त, अक्टुबरमा ३ सय घर हस्तान्तरण गरिन्छ: अध्यक्ष घले

काठमाडौं । गैरआवासीय नेपाली संघ (एनआरएन) ले भूकम्प पीडित गोर्खा लाप्राकवासीका लागि निर्माण गरेको ३ सय घर अक्टुबर अगाडि नै हस्तान्तरण गरिने भएको छ । एनआरएन अध्यक्ष शेष घलेले जारी गरेको विज्ञप्तिभनिएको छ, ‘प्रतिकूल मौसमका बाबजुद केही महिनाबीचमा तीन सय घरको डीपीसी तयार भइसकेको छ । लाप्राकमा हामीले उत्पादन गरेको इट्टाले घरको गारो लगाउने काम सुरु भइसकेको छ । हामी आशा गरौं अक्टोबर अगाडी यी घरहरुको निर्माण सम्पन्न भई भूकम्पपिडीतलाई नयां भूपम्प प्रतिरोधी र आधुनिक घरमा सार्न सफल हुनेछौं ।’ अध्यक्ष घलेले जारी गरेको विज्ञप्ति जस्ताको त्यस्तै गैरआवासीय नेपाली साथीहरु, यहाँहरुले एकएक डलर काटेर जम्मा पारेको रकमले गोर्खाको दुर्गम हिमाली
More

राप्रपा कार्य समितिको बैठक

राष्ट्रिय प्रजातन्त्र पार्टीका अध्यक्ष कमल थापा बुधबार काठमाडौँमा बसेको केन्द्रीय कार्य समितिको बैठकमा मन्तव्य व्यक्त गर्दै । तस्बिर : प्रदीपराज वन्त
More

चट्याङ लागेर आमाछोरीको मृत्यु

उर्लाबारी । मोरङ लेटाङ नगरपालिका – २ मा आज बिहान चट्याङ लागेर आमाछोरीको मृत्यु भएको छ । घर नजिकै खेतमा काम गरिरहेको अवस्थामा बिहान ८.३० बजे चट्याङ लागेर ४७ वर्षीया चन्द्रा तामाङ र उनकी १९ वर्षीया छोरी सुष्मा तामाङको मृत्यु भएको हो । चट्याङ लागेर गम्भीर घाइते भएका दुबै जनाको धरानस्थित बिपी कोइराला स्वास्थ्य विज्ञान प्रतिष्ठानमा उपचारका क्रममा बिहान करिब १० बजे मृत्यु भएको जिल्ला प्रहरी कार्यालय मोरङका प्रहरी नायब उपरीक्षक योगेन्द्रसिंह थापाले जानकारी दिनुभयो ।
More

संविधान संशोधनबाहेक अन्य माग पूरा गर्न सरकार प्रतिबद्ध

काठमाडौं । राष्ट्रिय जनता पार्टी (राजपा) नेपालको माग बमोजिम संविधान संशोधन प्रस्ताव तत्काल पारित हुने अवस्था नरहेकाले त्यस बाहेकका अन्य माग पूरा गर्ने सरकारले प्रतिबद्धता जनाएको छ । प्रधानमन्त्री निवास बालुवाटारमा आज नेपाली काँग्रेस, नेकपा (माओवादी केन्द्र) र राजपा नेपालका शीर्ष नेताको बैठक संविधान संशोधनलगायत समसामयिक राजनीतिक विषयमा छलफल भए पनि ठोस निष्कर्षमा पुग्न सकेन । बैठकमा सत्ता पक्षले आवश्यक दुई तिहाई बहुमतको अभावमा तत्काल संविधान संशोधन प्रस्ताव पारित हुने अवस्था नरहेपनि यसबारे छलफल जारी राख्ने राजपा नेपाललाई जानकारी गराएको माओवादी केन्द्रका नेता नारायणकाजी श्रेष्ठले जानकारी दिनुभयो । सरकारले संशोधन बाहेक मधेसका आन्दोलनकारीका मुद्दा फिर्ता लिने, सख्त घाइते तथा गम्भीर
More

कंगारुको देशबाट नेपथ्य किवीको देश न्यूजिल्याण्ड जाँदै

सिड्नी। अष्ट्रेलिया भ्रमण चलिरहेकै बेला नेपथ्यको यात्रामा तत्काल औपचारिक विस्तार भएको छ । ब्याण्ड अब प्रशान्त महासागरकै अर्को टापुका रुपमा प्रसिद्ध मुलुक न्यूजिल्याण्ड पनि पुग्नेभएको छ । यस वर्षको अष्ट्रेलिया भ्रमणमा पहिलो शो मेलबर्नमा ८ जुलाइका दिन सम्पन्न भएको थियो । लगत्तै दोश्रो कन्सर्ट १५ तारिखका दिन एडिलेडमा आयोजना गरियो । पूर्वनिर्धारित योजना अनुसारै अब मुलुककै सबैभन्दा भब्य कन्सर्ट २२ तारिखका दिन सिड्नीमा सम्पन्न गरेपछि अब भने नेपथ्य स्वदेश फिर्नुअघि न्यूजिल्याण्ड पनि पुग्नेभएको छ । अकल्याण्ड सहरमा जुलाइको २८ तारिखका दिन नेपथ्यले कन्सर्ट गर्ने हालै तय भएको छ । प्रशान्त महासागरिय यस टापुको अनौठो वन्यजन्तु किवीको यस भूमिमा नेपाली लोकभाकामा
More

शिक्षक मृत्यु रहस्यमय, सीबीआईले अनुसन्धान गर्ने

फलेवास । झण्डै एक महिना बेपत्ता रहेपछि मृत भेटिएका कुश्मा–१ पाङका शिक्षक नारायण पौडेलको मृत्युको विषय रहस्यमय बन्दै गएको छ । पौडेलको मृत्युको वास्तविक कारण खुल्न सकेको छैन । गएको जेठ २५ गतेदेखि बेपत्ता २० वर्षीय पौडेलको शव असार ७ गते बागलुङको जैमिनी नगरपालिका बेलबगरस्थित कालीगण्डकी किनारमा भेटिएको थियो । बेवारिसे अवस्थामा भेटिएको शव शिक्षक पौडेलको भएको पुष्टि डिएनए परीक्षण र शव परीक्षण रिपोर्टबाट भएको थियो । शिक्षक पौडेलको मृत्यु घाँटीमा लागेको चोटका कारण भएको शव परीक्षणबाट आएपछि उनको हत्या भएको हुनसक्ने भन्दै परिवार र आफन्तले अपराधी तत्काल पत्ता लगाउन प्रहरीलाई दबाब दिँदै आएका छन् । घटना घटेको लामो समय
More

एक वर्षमा २५ गैँडा मरे, चारवटा मानवीय कारणले

रत्ननगर । चितवन राष्ट्रिय निकुञ्ज तथा आसपास क्षेत्रमा गएको एक वर्षमा विभिन्न कारणले २५ वटा गैँडा मरेका छन् । चितवन निकुञ्जका सहायक संरक्षण अधिकृत एवं सूचना अधिकारी नुरेन्द्र अर्यालले दिएको जानकारीअनुसार २१ वटा गैँडा प्राकृतिक कारणले मरेका भएपनि चारवटा गैँडा भने मानवीय कारणले मरेका हुन् । अघिल्लो वर्षको साउनदेखि अहिलेसम्म मरेका २५ गैँडामध्ये एउटा तस्करबाट र दुईवटा करेन्ट लागेर मरेका छन् । एउटा गैँडा भने रौतहटमा गोली लागी उपचारका लागि चितवन ल्याइएकोमा पछि मरेको हो । उहाँले अघिल्लो वर्ष विभिन्न कारणले १५ वटा गैँडा मरेकामा यो वर्ष बढेर २५ वटा पुगेको जानकारी दिनुभयो । “यो वर्ष भने १० वटा बढी
More

जहाँ गर्दागर्दै सिक्न सक्छ र सिक्दासिक्दै गर्न सक्छ

धुलिखेल । महानगरपालिका र नगरपालिकालाई स्मार्ट सिटी कसरी बनाउन सकिन्छ भन्ने विषयमा महानगर र नगरपालिकाका प्रमुख-उपप्रमुख गरी नौवटा नगरको प्रमुख, उपप्रमुखको भेला भई मङ्गलबार छलफल गरेका छन् । काठमाडौँ विश्वविद्यालय स्कूल अफ इन्जिनियरिङ, कम्प्युटर साइन्स एण्ड इन्जिनियरिङ विभागले आयोजना गरेको उक्त छलफलमा सहभागी हुन प्रमुख उपप्रमुख काभ्रेपलाञ्चोक जिल्लाको पनौती नगरपालिकास्थित सूचना–प्रविधि पार्कमा भेला भएका थिए । स्थानीय तह निर्वाचनका बेलामा सबै राजनीतिक दल र त्यसका प्रतिनिधिले आफ्नो घोषणा पत्रमा स्मार्ट सिटी बनाउने भन्ने विषयमा उल्लेख गरिएको भएपनि वास्तवमा स्मार्ट सिटी के हो र कसरी कार्यान्वयनमा ल्याउन सकिन्छ भन्ने विषयमा सहज बनाउने उद्देश्यले गोष्ठी आयोजना गरिएको काठमाडौँ विश्वविद्यालय स्कूल अफ इन्जिनियरिङ,
More

हातले टेकेर चारजनाको परिवार पाल्दै पुष्पबहादुर

इलाम । पोलियो रोगका कारण दुवै खुट्टा कामै नलाग्ने भएपछि मोरङ मङ्गलबारेका पुष्पबहादुर बोहोरा (५७) का जीवनमा कहिल्यै खुशीका दिन आएनन् । सबैथोकको भर हात भएपछि हात टेकेर हिँड्नुपर्ने उहाँको बाध्यता छ । चौध वर्षको उमेरमा पोलियो रोग लागेपछि उहाँ दुवै खुट्टाले अपांग हुनुभयो । उपचारका लागि उत्तिबेलै धरानस्थित बिपी कोइराला स्वास्थ्य विज्ञान प्रतिष्ठान (घोपा) गए पनि निको भएन । उहाँ भन्नुहुन्छ, “डाक्टरले शरीरको आधा भाग नै काटेर फ्याक्नुपर्छ भनेर मलाई सल्लाह दिनुभयो तर त्यो सल्लाह मैले मानिन, अहिले पनि दुई हात टेकेरै जीवन निर्वाह गरिरहेको छु ।” रोग लागेपछि धामीझाँक्री पनि लगाइयो तर दैवको लीला केही चलेन, उहाँले भन्नुभयो
More

न्यूयोर्कको सय बर्षे कछुवा चोरी

न्यूयोर्क । न्यूयोर्क शहरबाट १०० बर्षको कछुवा संरक्षण केन्द्रबाट चोरी भएपछि प्रहरीले यसको खोजी शुरु गरेको जनाएको छ । न्यूयोर्कबाट प्रशारण हुने सञ्चारमाध्यमले कछुवा हराएको भन्दै क्वीन्सस्थित ‘एली पोण्ड इन्भारोन्मेन्टल सेन्टर’ को कछुवा घर सोमबार तोडेको अवस्थामा भेटेका सेन्टरका कर्मचारीले तत्कालै खोजीका लागि प्रहरीमा जाहेरी दिएका थिए । एली पोण्ड नाफारहित शैक्षिक संस्था हो र यसले दीगो बातावरणीय नीति कार्यान्वयनमा ल्याउनका लागि वकालत गर्दै आएको छ ।
More

बिहानै अस्पताल भर्ना भए पूर्वराजा ज्ञानेन्द्र

काठमाडौं । मुटुमा समस्या आएपछि पूर्वराजा ज्ञानेन्द्र शाह एकाबिहानै अस्पतालमा भर्ना भएका छन् । पूर्वराजा शाहलाई नर्भिक अस्पतालमा भर्ना गरिएको हो । आइतबार गरिएको परीक्षणमा उहाँको मुटुको चाल असामान्य भेटिएपछि आज बुधबार बिहान एन्जीओप्लाष्टी गर्न लागिएको छ । शाहको सुरुमा एनजीओग्राफी गर्ने र आवश्यक परे एनजीओप्लाष्टी गर्ने तयारी छ । नियमित चेकजाँचका क्रममा मुटुको धमनीमा केही अवरोध देखिएपछि उनलाई भर्ना गरिएको पारिवारिक स्रोतले जनाएको छ ।
More