Daily Archives 4th September 2017

समय्बजी प्रदर्शनी

इन्द्रजात्रा (येंया पुन्ही)को अवसरमा समाज कल्याण खेलकुद क्लब, पहिक्व युवा समूह तथा खुसिबँ पासा पुचःको संयुक्त आयोजनामा नयाँबजार, खुसिबँ टाउन प्लानिङमा समय्बजी प्रदर्शनी गरिंदै । तस्वीर : श्याम डंगोल
More

राजदूतावास मेलामा नेपालको सहभागिता

काठमाडौं । बेल्जियमस्थित नेपाली राजदूतावासले नेदरलयाण्डमा यही सेप्टेम्बर २ तारिख (भदौ १७ गते) आयोजित पाँचौ ‘एम्बेसी फेष्टिबल –२०१७’ मा सहभागीता जनाएको छ । सो मेलाको नेदरल्याण्डको ‘दि लाइफ वान लाइभ बिभि’ संस्था र स्थानीय एक नगरपालिकाले संयुक्त रुपमा आयोजना गरेका थिए । मेलामा नेपालले तीन शीर्षक राजदूतावास पेभिलेन, अन्तर्राष्ट्रिय बजार र सिर्जनात्मक रंगमञ्च प्रस्तुत गरिएको ब्रसेलस्थित नेपाली राजदूतावासले जनाएको छ । त्यहाँ नेपाली परम्परा झल्कने हस्तकलाका सामग्री, विभिन्न नेपाली खानाका परिकार, खाद्य सामग्रीसमेत प्रदर्शनी गरिएको थियो । नेपालको निर्यातजन्य जस्तु चिया, कफी र कार्पेट पनि मेलामा प्रदर्शनी गरिएको थियो । नेपाली प्रदर्शनी कक्षबाट नेपालको पर्यटन प्रवद्र्धन गर्ने सामग्री व्यानर र
More

फोरम उपाध्यक्ष यादवको घरमा तोडफोड

राजविराज । उम्मेदवार छनोटको विषयमा विवाद हुँदा संघीय समाजवादी फोरम नेपालकी केन्द्रीय उपाध्यक्ष एवं मधेस प्रदेश संयोजक रेणुकुमारी यादवको घरमा आज तोडफोड भएको छ । सप्तरीको राजविराजस्थित निवासमा आफ्ना समर्थकसँग कुराकानी गरिरहेको अवस्थामा सोही पार्टीमा आबद्ध रहेका असन्तुष्ट कार्यकर्ताले सामान्य तोडफोड गर्दै आगजनीको प्रयाससमेत गरेको सप्तरीका प्रहरी उपरीक्षक मुकेशकुमार सिंहले जानकारी दिनुभयो । असन्तुष्ट पक्षधरले नेतृ यादवको घरको कम्पाउण्डभित्र पसेर कुर्सी, टेबुल तोडफोड गर्दै मूल गेटमा टायर बालेर व्यापक विरोध गरेका थिए । बेल्ही चपेना गाउँपालिकाको अध्यक्ष पदमा सुरेन्द्र यादवको नाम हटाई आफू निकट चित्ररञ्जन यादवलाई उम्मेदवार बनाउन लागेको आरोपमा आक्रोशित कार्यकर्ताले यादवको घरमा तोडफोड गरी नाराबाजी गरेका थिए ।
More

यस्ता छन् २ नम्बर प्रदेशमा कांग्रेसका उम्मेदवार

काठमाडौं । नेपाली काँग्रेसले तेस्रो चरणअन्तर्गत हुने प्रदेश नं २ को स्थानीय तहको निर्वाचनका लागि अधिकांश स्थानमा उम्मेदवारको टुंगो लगाएको छ । काँग्रेसले वीरगन्ज महानगरपालिकाको प्रमुखमा अजयकुमार द्विवेदीलाई उम्मेदवार बनाउने भएको छ । उपप्रमुखको भने टुंगो लागिसकेको छैन . कलैया उपमहानगरपालिकाको उपप्रमुखमा रहिमा खातुनलाई उठाउने निर्णय गरेपनि प्रमुखको टुंगो लागिसकेको छैन । जनकपुर उपमहानगरपालिकाको प्रमुखमा मनोजकुमार साह र उपप्रमुखमा निलमकुमारी कर्णलाई उठाउने निर्णय गरेको छ । जितपुर–सिमरा उपमहानगरपालिकाको प्रमुख र उपप्रमुख दुवैको टुंगो लागि नसकिएको काँग्रेसले जनाएको छ । चयन प्रक्रिया जारी रहेकाले आज बेलुकासम्म सबै स्थानीय तहको उम्मेदवारको टुंगो लगाइसक्ने गरी छलफल चलिरहेको काँग्रेस केन्द्रीय कार्यालयका मुख्यसचिव कृष्णप्रसाद पौडेलले
More

रु दुई हजार ६०० को सामान रु २६ हजारमा बिक्री

काठमाडौं । आपूर्ति मन्त्रालयले दरबारमार्गमा अन्तर्राष्ट्रिय ब्राण्डका सामान बेच्ने चार पसलमा आज सिलबन्दी गरेको छ । आपूर्तिमन्त्री शिवकुमार मण्डलको नेतृत्वमा गरिएको आकस्मिक अनुगमनका क्रममा उपभोक्ता ठगी गरेको पाइएपछि ती पसल सिलबन्दी गरिएको हो । दरबारमार्गका स्टोरवन, ब्रेन्टली, पुमा र नाइक पसल सिलबन्दी गरिएको हो । ती पसलमा बिल बीजक नभएको, बढी मूल्य लिएको र वास्तविक मूल्यमा अत्यधिक वृद्धि गरी दशैँ छुट गरिएको भेटिएकाले सिलबन्दी गरिएको आपूर्तिमन्त्री शिवकुमार मण्डलले बताउनुभयो । नाइकले रु चार हजार ७०० खरिद बिलको जुत्ता रु २६ हजार ९९० मा बिक्री गरेको र दुई हजार ६०० को सामान रु २६ हजारमा बिक्री गरेको फेला परेको थियो ।
More

भ्रष्टाचार मुद्दाका दोषीले उम्मेदवार बन्न नपाउने

काठमाडौं । भ्रष्टाचार, जबर्जस्ती करणी, मानव बेचबिखन तथा ओसारपसार, लागुऔषध बिक्रीवितरण तथा निकासी वा पैठारी, सम्पत्ति शुद्धीकरण सम्बन्धमा दोषी र राहदानी दुरुपयोग गर्नेले प्रतिनिधिसभा निर्वाचनमा सदस्य बन्न नपाउने भएका छन् । नेपालको संविधान अनुसार आगामी मंसिर १० र २१ गते गरी दुई चरणमा पहिलो पटक प्रतिनिधि सभा र प्रदेश सभाको एकै पटक निर्वाचन गर्ने गरी मिति घोषणा भएको छ । मुलुक संघीय संरचनामा गएपछि पहिलो पटक प्रतिनिधिसभा र प्रदेश सभाको निर्वाचन हुन लागेको हो । सोसम्बन्धी विधेयक व्यवस्थापिका–संसद्, राज्य व्यवस्था समितिले आज पारित गरी संसद्को पूर्ण बैठकमा पेश गरेको थियो । विधेयक संसद्बाट पनि आजै पारित भएको छ । समितिका
More

उत्तर कोरियाको आणविक परीक्षण करिब ५० किलोटन

सोल । उत्तर कोरियाले आइतबार गरेको आणविक परीक्षण करिब ५० किलोटनको रहेको दक्षिण कोरियाको रक्षा मन्त्रालयले सोमबार संसदमा जानकारी दिएको छ । उत्तर कोरियाले गत बर्षको सेप्टेम्बरमा गरेको आणविक परीक्षणको तुलनामा यो तीन गुणा ठूलो भएको जानकारी पनि सो अवसरमा दिइएको थियो । उक्त आणविक तत्व अमेरिकाले सन् १९४५ मा हिरोसीमा ध्वस्त गर्न बनाएको बम भन्दा पनि तीन गुणा ठूलो भएको बताइएको छ । उत्तर कोरियाले आइतबार हाइड्रोजन बम मिश्रित शक्तिशाली आणविक परीक्षण गरेको थियो । यस हाइड्रोजन बम सफल परीक्षण गरेको समाचार समितिमार्फत उत्तर कोरियाले सम्प्रेषण गरेको थियो ।
More

लन्डनमा नवदुर्गा विशेष पूजा आयोजना हुने

लन्डन । यस वर्षको बडा दशैंमा लन्डनमा घटस्थापनादेखि दशमीसम्म नवदुर्गा विशेष पूजा आयोजना गरिने भएको छ । पूजा आयोजक समितिका संयोजक पण्डित चिरञ्जीवी ढकालका अनुसार आउँदो असोज ५ गते तदनुसार २१ सेप्टेम्बर बिहीवार घटस्थापनाका दिनदेखि ३० सेप्टेम्बर दशमीका दिनसम्म नवदुर्गा विशेष पूजा र विविध धार्मिक सांस्कृतिक समारोह गरी बडा दशैं मनाइदैछ । घटस्थापना विशेष पूजा गरी जमरा राखिने छ भने दैनिक दुर्गा सप्तशती चण्डीपाठ एवम् आरती, सप्तमीका दिन विधिवत फूलपाती भित्र्याउने, अष्टमीका दिन कालरात्री विशेष पूजा, नवमीका दिन नवदुर्गाका रुपमा नव कन्या पूजन गरी दशमीका दिन पूजा बिसर्जनका साथ जमरा वितरण गरिने पूजा कार्यक्रम तय भएको पण्डित ढकालले जानकारी दिनुभयो
More

खेतला महिलाका नाइके

दबदबे हिलोमा धान रोपिरहेकी सपना गुरुङको मोवाइलको घन्टी बज्यो । एक हात सलले पुछ्दै मोबाइलको फोन उठाइन् – हेलो ! भोली त अर्काेकोमा रोप्न जानु छ । तपाईंकोमा पर्सि रोपौंला है ।’ कुरा सकेर फेरि खेतलासँगै रोप्न थालिन् । एकैछिन् मोबाइलको घन्टी बज्यो । फोन उठाइन् र भनिन् ‘तपाइकोमा चाँही निकोपर्सि मात्र ।’ अनि प्रश्न गरिन् ‘कति जना आउनुपर्छ ? उताबाट के जवाफ आयो कुन्नी ! हुन्छ भन्दै सपनाले कुरा टुङ्ग्याइन् । चितवनको भरतपुर महानगरपालिका १८, रैगञ्जकी ४२ वर्षीया सपनाको यो काम कृषि मजदुरको नाइकेको हो । हिजोआज उनी धान रोप्न, गोड्न र तरकारी खेतीका काममा मजदुर खोजिदिन्छिन् । ५
More

कागती बेचेर पाँच वर्षमा करोडपति

झापाको मेचीनगर नगरपालिका–९ मागुरमाडीका डिल्लीराम उप्रती कागती बेचेरै करोडपति बन्नुभएको छ । नौ वर्षसम्म विदेशमा श्रम र पसिना बगाएर नेपाल फर्कनुभएका उप्रेतीले आफ्नो डेढ बिगाह जमिनमध्ये एक बिगाहमा लगाएको कागती बेचेरै करोडपति बन्नुभएको हो । उहाँले अहिले वार्षिक रु २० लाखभन्दा बढी आम्दानी गर्न थाल्नुभएको छ । २०६९ सालबाट कागतीखेती शुरु गर्नुभएका उप्रेतीले अहिले कागतीका दानासँगै बिरुवा उत्पादन पनि गर्न थाल्नुभएको छ । बिरुवा उत्पादनको शैली र उन्नत जातका बिरुवा पनि सरल प्रविधिबाट उत्पादन गर्दै थोरै ठाउँमा मनग्ये आम्दानी गर्न सकिने उदाहरण प्रस्तुत गर्नुभएका उप्रेती अहिले मेहनती कृषकका रुपमा झापामा परिचत हुनुहुन्छ । उहाँले कृषि कर्मसँगै निजी वनको संरक्षण, सम्बद्र्धन
More

कोरियाली भूमिमा युद्धको बादल : दक्षिण कोरियाले हान्यो क्षेप्यास्त्र

सोल । दक्षिण कोरियाली सेनाले जमिनबाट आकासमा हान्ने खालको ब्यालेस्टिक क्षेप्यास्त्र परीक्षण गरेको समाचार छ । उत्तर कोरियाको आणविक परीक्षणपछि दक्षिणले पनि यस्तो क्षेप्यास्त्र हानेको समाचारमा जनाइएको छ । दक्षिण कोरियाली सेनाले सोमबार बिहान जमिनबाट आकासमा हान्ने खालको क्षेप्यास्त्र हानेको सोलबाट प्राप्त समाचारमा जनाइएको छ । उत्तर कोरियाले अन्तर्राष्ट्रिय समुदायको आग्रहको बेवस्ता गर्दै आणविक परीक्षणहरु गर्दै आएको छ । उसले आइतबार मात्र पनि एक शक्तिशाली आणविक परीक्षण गरेको थियो र त्यो परीक्षण हाइड्रोजन बम विश्रित रहेको पुष्टी पनि भएको छ । दक्षिणको सेनाले सोमबारको बिहानको मिर्मिरे उज्यालोमा छोटो दुरीको हाइम्बु नामको ब्यालेस्टिक क्षेप्यास्त्र आकासतिर हानेको थियो । पछि त्यो जमिनमै
More

अजेयको ‘सुमार्गी’ र ‘अस्मिताका अक्षरहरु’ लन्डनमा एकसाथ विमोचन हुने

लन्डन । नेपाली व्यवसायी तथा थाहा दर्शनका अभियन्ता अजेयराज पराजुली सुमार्गीको जीवनी ‘सुमार्गी’ र अस्मिता पराजुली सुमार्गीको ‘अस्मिताका अक्षरहरु’ सेप्टेम्बर १३ बुधबार साँझ एक साथ विमोचन हुने भएको छ । अस्मिताका अक्षरहरुमा गीत, कविता र हाइकु संग्रह समावेश छन् । कार्यक्रममा अस्मिता गीति एल्बम विमोचन हुने लक्ष्मी प्रतिष्ठान यूरोप संयोजक सुरेन्द्र श्रेष्ठले जानकारी दिए । श्रेष्ठका अनुसार सेप्टेम्बर १३ बुधबार साँझ साढे ६ बजे अल्टरशटको इमियर बेनक्वइट एन्ड हलमा विमोचन कार्यक्रम हुनेछ । पुस्तक विमोचनपश्चात साँझ सांस्कृतिक कार्यक्रमसहित रात्रि भोजको आयोजना गरिएको छ । संयोजक श्रेष्ठले दिएको जानकारी अनुसार पुस्तक विक्रीबाट संकलित सम्पूर्ण रकम लक्ष्मी प्रतिष्ठानमार्फत् नेपालमा सामाजिक कार्यमा प्रयोग
More

मतदान अधिकृत स्थानीय तहमा खटिए

जनकपुरधाम । आगामी असोज २ गते हुने स्थानीय तहको तेस्रो चरण निर्वाचनका लागि धनुषा जिल्लाका मतदान अधिकृत स्थानीय तहमा खटिइसकेको मुख्य जिल्ला निर्वाचन अधिकृतको कार्यालयले जनाएको छ । धनुषा जिल्लामा स्थानीय तहअन्तर्गत जनकपुर उपमहानगरपालिका, औरही गाउँपालिका, कमला नगरपालिका, क्षीरेश्वरनाथ नगरपालिका, गणेशमान चारनाथ नगरपालिका, जनकनन्दिनी गाउँपालिका, धनुषाधाम नगरपालिका, नगराइन नगरपालिका, बटेश्वर गाउँपालिका, मिथिला नगरपालिका, मिथिलाविहारी नगरपालिका, मुखियापट्टी मुसहरनिया गाउँपालिका, लक्ष्मीनियाँ गाउँपालिका, विदेह नगरपालिका, शहिदनगर नगरपालिका, सबैला नगरपालिका, हंसपुर नगरपालिका र धनौजी गाउँपालिका रहेका छन् । मुख्य निर्वाचन अधिकृत राधाकृष्ण उप्रेतीका अनुसार तीन लाख ८९ हजार ३९१ मतदाता भएको यस जिल्लाको स्थानीय तहका लागि ३८५ मतदानस्थल र ६३३ मतदान केन्द्रको व्यवस्था गरिएको
More

२ नम्बर प्रदेशमा मतदाता तान्न भोजमा तछाडमछाड

लहान । तेस्रो चरणको स्थानीय तह निर्वाचन नजिकिँदै गर्दा विभिन्न दलका उम्मेदवारले चुनावी अभियान तीव्र बनाएका छन् । चुनावी प्रतिस्पर्धासँगै उम्मेदवारबीच मतदाता रिझाउन ‘भण्डारा’ (भोजभतेर) गर्न तछाडमछाड चलेको छ । राजनीतिक दल र उम्मेदवार आफूलाई बलियो रुपमा प्रस्तुत गर्न तडकभडकमा उत्रिएका छन् । उम्मेदवारले मतदाता प्रभावित पार्न जमघट, सभा, भोज गरिरहेका छन् । एउटा दलको उम्मेदवारले भण्डारा गरेको भोलिपल्टै अर्को दलको उम्मेदवारले भण्डारा गरेर मतदाता आफ्नो पक्षमा ल्याउन कोसिस गरिरहेका छन् । ‘एउटा दलका उम्मेदवारले भण्डारामा कुखुराको मासु खुवाउँदा अर्को दलका उम्मेदवार उनलाई उछिन्दै खसीको मासुको भण्डारा गर्छन्’, लहान नगरपालिका–११ भोटियाटोलका एक व्यापारीले भने, ‘यहाँ दैनिकजसो मासुभातको भोज चलिरहेको छ
More

सोमबार बिहानै ८८ किलो सुनसहित गाडी चालक अधिकारी पक्राउ

काठमाडौं । ८८ किलो सुनसहित सोमबार बिहान मनोज अधिकारी पक्राउ परेका छन्। काठमाडौंको क्षेत्रपाटीबाट उक्त परिणामको सुनसहित अधिकारी पक्राउ परेका हुन् । महानगरीय प्रहरी महाशाखाका प्रमुख एसएसपी दिपेश लोहनीका अनुसार स्ट्रोम जीपबाट ८८ किलो सुन बरामद भएको र गाडी चालक मनोज अधिकारीलाई नियन्त्रणमा लिइएको हो । गाडी पार्किङ गर्ने स्थानमा सुन रहेको सूचना पाएपछि प्रहरीले गएराति १० बजेदेखि नै निगरानी राखेको उनले जानकारी दिए । ठूलो परिणाममा बरामद गरिएको यो पहिलो घटना भएको प्रहरीले जानकारी दिएको छ ।
More

मिस्त्रि खोला जलविद्युत्को काम द्रुत गतिमा

म्याग्दी । म्याग्दीको अन्नपूर्ण गाउँपालिका–४ नारच्याङमा ४२ मेगावाट क्षमताको मिस्त्रि खोला जलविद्युत् आयोजनाले पूर्वाधार निर्माणलाई तीव्रता दिएको छ । रोवस्ट इनर्जी प्रालिले निर्माण गर्न लागेको यस आयोजनाले विगत १६ महिनादेखि आफ्नो निर्माण कार्यलाई दु्रत गतिमा अगाडि बढाएको छ । नीलगिरि र घलेम्दी खोलाको दोभानमा बाँध रहने यस आयोजनाको दुई हजार ३०० मिटर सुरुङमागबाट ल्याइने पानीलाई २८७ मिटर हेडबाट नारच्याङको बेँसीगाउँस्थित कालिगण्डकी नदीको किनारमा रहने विद्युत गृहमा खसालेर विद्युत् उत्पादन गरिनेछ । पूर्वाधार निर्माणमा परिचालन भएको हाइ हिमाल हाइड्रो कन्स्ट्रक्सनले अहिलेसम्म ९५८ मिटर लामो सुरुङमार्ग निर्माण गरिसकेको परामर्शदाता हाइड्रो कन्सल्ट इञ्जिनियरिङका आवासीय इञ्जिनियर दिवाकर खड्काले बताउनुभयो । सन् २०१६ को जुनदेखि
More

एक वर्षदेखि तलबविहीन अवस्थामा पढाउँदै शिक्षक

कञ्चनपुर । कञ्चनपुरको शुक्लाफाँटा–४ मा रहेको कालिका माध्यमिक विद्यालयलका निजी स्रोतमा कार्यरत शिक्षकले एक वर्षदेखि बिनातलब अध्यापन कार्य गर्दै आएका छन् । विद्यालयसँग आर्थिक अभाव हुँदा शिक्षकले तलब पाउन नसकेका हुन् । तलब नपाउनेमा आधारभूत तहका दुई, माध्यमिक तहका एक र एक जना परिचरलेसमेत तलब पाउन नसकेको विद्यालयका प्रधानाध्यापक प्रेमबहादुर चन्दले बताउनुभयो । “निजी स्रोतका शिक्षकलाई मात्रै तलबवापत रु १० लाख तिर्न बाँकी छ”– उहाँले भन्नुभयो, “स्रोत कुनै छैन, कहाँबाट जुटाउने समस्यामा परेका छौँ ।” निजी स्रोतका शिक्षकलाई अवकाश दिइए दरबन्दी नहँुदा विद्यालयमा शिक्षकको अभावमा कक्षा नै प्रभावित हुने भएको उहाँले बताउनुभयो । निजी स्रोतका शिक्षकलाई तलब दिन मात्रै वार्षिकरुपमा
More

गाउँ पर्यटन प्रवद्र्धन मञ्चमा नयाँ नेतृत्व

पोखरा । गाउँ पर्यटन प्रवद्र्धन मञ्च, प्रदेश नं ४ पोखराको तेस्रो वार्षिक साधारणसभा एवं दोस्रो अधिवेशनले रवीन्द्रराज पौडेलको अध्यक्षतामा नयाँ कार्यसमिति निर्वाचित गरेको छ । आगामी दुईवर्षे कार्यकालका लागि निर्वाचित समितिको उपाध्यक्षमा चूडामणि दाहाल, सचिवमा रमेशबहादुर खत्री र कोषाध्यक्षमा सूर्यनाथ पहारी हुनुहुन्छ । कार्य समितिको सदस्यमा सुशीला भण्डारी, अशोक पराजुली, कमलबहादुर झुजेल, भुपेन गुरुङ र सन्तोष सापकोटा निर्वाचित हुनुभयो । मञ्चका निर्वतमान अध्यक्ष तारानाथ पहारी पदेन सदस्य रहने समितिमा अर्को एक सदस्य मनोनित गरिनेछ । प्राकृतिक सुन्दरताले रमणीय नेपालका गाउँमा पर्यटन विकासको पर्याप्त सम्भावना भएको बताउँदै नवनिर्वाचित अध्यक्ष पौडेलले सम्भाव्य ठाउँको पहिचान, तिनीको प्रवद्र्धन एवं विकास तथा विस्तारका लागि नवनिर्वाचित
More

पुस्तकालयका लागि जापानीको सहयोग

रामपुर । विजय प्राथमिक विद्यालय रामपुर नगरपालिका–७ सर्पराज पाल्पाको पुस्तकालय व्यवस्थापनका लागि आर्थिक रकम सहयोग प्राप्त भएको छ । जापानका नाकाजीमा सिकाको भाइलिङ्गको सहयोगमा रु एक लाख रकम सहयोग प्राप्त भएको विद्यालय व्यवस्थापन समितिका अध्यक्ष दोवराज तिवारीले जानकारी दिनुभयो । जापानिज समाजसेवी काजुमासा काकिमी (ओकेबाजे) ले विद्यालयका अध्यक्ष तिवारीलाई सो रकम हस्तान्तरण गर्नुभएको हो । जापानी नागरिक नाकाजीमा सिकाको भाइलिङ्गले यसअघि पनि पुस्तकालय व्यवस्थापनका लागि रु एक लाख ३६ हजार आर्थिक रकम सहयोग गरिसक्नुभएको छ ।
More