Daily Archives 7th September 2017

एनआरएन अमेरिकाको अध्यक्षमा डाक्टर पौडेल विजयी

एनआरएन अमेरिकाको आगामी नेतृत्वका लागि शनिबार र आइतबार सम्पन्न निर्वाचनको नतिजा सार्वजनिक भएको छ। यो नतिजा अनुसार डाक्टर केशव पौडेल अध्यक्षमा विजयी भएका छन्। डा. पौडेलले ४२२९ मत प्राप्त गरेका छन् भने उनका निकटम प्रतिद्वन्दी रबिना थापाले ३०८५ ल्याएकी छिन्। अध्यक्ष पदका अन्य दुई उमेद्वारहरु मध्य टेक्सासका राम पोख्रेलको जम्मा ९६४ मत खसेको छ भने कृष्ण पोख्रेललाई ७८३ मत मात्र खसेको छ। बरिष्ट उपाध्यक्षमा टेक्सासका सुनिल शाहले ४१४५ मत प्राप्त गर्दै विजय प्राप्त गरेका छन् भने उनका निकटम प्रतिद्वन्दी टेम्बा शेर्पा लामाले जम्मा ३२४१ मत प्राप्त गरेका छन्। महासचिव पदमा बीआर लामाले २५९३ मत ल्याएर विजय प्राप्त गरेका छन् भने
More

के छ राजपाको घोषणापत्रमा ?

काठमाडौं । राष्ट्रिय जनता पार्टी नेपाल (राजपा) ले स्थानीय तहको निर्वाचनलाई संघर्षकै रुपमा प्रयोग गर्ने भएको छ । स्थानीय तहको दुई चरणको निर्वाचन बहिष्कार गरेको राजपाले प्रदेश नं २ मा आगामी असोज २ गते हुने तेस्रो चरणको निर्वाचनका लागि आज पार्टीको घोषणापत्र सार्वजनिक गर्दै निर्वाचनलाई संघर्ष, अवसर र चुनौतीका रुपमा लिएर जनतामाझ जान लागेको जनाएको हो । पार्टीका संयोजक महन्थ ठाकुरसहितका शीर्ष नेता सहभागी पत्रकार सम्मेलनमा अध्यक्षमण्डलका सदस्य राजेन्द्र महतोले जनमतको भावनालाई बुझेर आफूहरु निर्वाचनमा होमिएको बताउनुभयो । “यो निर्वाचन संघर्षकै रुप हो । जनमतका लागि जनतामा जाने चुनौतीका रुपमा स्वीकार गरेका छाँै । हाम्रो सडक संघर्ष जारी नै छ,
More

कामपाःसय दिनमा छयासी कामको थालनी

काठमाडौं । काठमाडौँ महानगरपालिकाका प्रमुख विद्यासुन्दर शाक्यले आफूले पद बहाली गरेको १०० दिनमा आफ्नो प्रतिबद्धतानुसार विकाससम्बन्धी ८६ काम थालनी भएको बताउनुभएको छ । एक सय दिन पुगेका अवसरमा आज उहाँले आफूले गरेको कामको प्रगति सार्वजनिक गर्दै उहाँले गर्न चाहेका कतिपय काम आफ्नो अधिकार क्षेत्रभित्र नपर्ने भएकाले पनि प्रतिबद्धता पूरा गर्न नसकिएको जानकारी गराउनुभयो । एक सय दिन पूरा भएको अवधिमा ‘क्लिन द सिटी’ अभियानअन्तर्गत एक हजार ९५ मेट्रिक टन फोहर संकलन, ग्रिन द सिटी अभियानअन्तर्गत एक हजार ८०३ बिरुवा रोपण, ८८ वर्ष उमेर पुगेका कामपाका ज्येष्ठ नागरिकलाई रु १२ हजार महानगर भत्ता वितरण र फोहरबाट बिजुली निकाल्ने काम सम्पन्न भइसकेको
More

बेलायती राजकुमार विद्यालय भर्ना

लण्डन । बेलायतका राजकुमार जर्जको विद्यालय यात्रा बिहीबार चार बर्षे उमेरमा सुरु भएको छ । बुबा विलियमले हातले डो-याएर राजकुमार जर्जलाई थोमस बाटरसेअ स्कुलमा लैजानु भएको थियो । प्रारम्भिक तहको सो विद्यालय दक्षिणपश्चिमी लण्डनमा रहेको छ । राजकुमार जर्जकी आमा राजकुमारी क्याथेरिन भने उहाँलाई विद्यालय प-याउने बेलामा सँगै जान सक्नुभएन । राजकुमारी क्याथेरिन तेस्रो बच्चा जन्माउनका लागि गर्भवती भएकाले केही दिनदेखि आराम गरिरहनु भएको केन्सीङटन दरबारले जनाएको छ । स्थानीय सञ्चार माध्यमहरुले राजकुमार जर्ज विद्यालय समय भरी विद्यालयको पोशाकमै रहने जनाएका छन् । विद्यालय पोशाकको रुपमा रहेको गाढा निलो सर्ट र ज्याकेट, रातो लामो मोजा र कालो जुत्ता उहाँले लगाउनुहुने
More

राष्ट्रिय करम महोत्सव

सुनसरीको इनरुवामा बिहीबार आयोजना गरेको राष्ट्रिय करम महोत्सवमा नृत्य गर्दै नेपाली काँग्रेसका वरिष्ठ नेता रामचन्द्र पौडेल । तस्बिर : अजितकुमार झा, इनरुवा
More

हिन्दू राष्ट्र र संवैधानिक राजसंस्था माग

काठमाडौं । एकीकृत राष्ट्रिय प्रजातन्त्र पार्टी (राष्ट्रवादी)ले मुलुकको राष्ट्रिय अखण्डता र स्वाधीनताका लागि राष्ट्रिय चरित्र भएका संस्थाबीच एकताको खाँचो औँल्याएको छ । मुलुकमा भ्रष्टाचारको अन्त्य तथा रोजगारीको व्यवस्था गरी युवा जनशक्तिलाई विदेश पलायन हुनबाट रोक्नुपर्नेलगायत माग राख्दै पार्टीले आज गरेको मोटरसाइकल यात्राको उद्घाटन गर्दै पार्टीका अध्यक्ष डा प्रकाशचन्द्र लोहनीले राजसंस्थामा त्यस्तो विशेषता पाइने हुँदा आफ्नो दल संवैधानिक राजसंस्थाका साथै हिन्दू राष्ट्रको पक्षमा रहेको बताउनुभयो । सो अवसरमा वरिष्ठ नेता केशरबहादुर विष्टले विश्वमा एक मात्र हिन्दू राष्ट्रका रुपमा मुलुकको पहिचान अन्तर्राष्ट्रिय तहमा रहेकामा त्यसको पुनःबहाली गर्नुपर्ने माग गर्नुभयो । नेता गणेश शेरचन, तारानाथ लुइँटेललगायतले भ्रष्टाचार न्यूनीकरणका लागि प्रतिनिधिसभाको चुनाव प्रत्यक्ष मतदाताका
More

राप्रपा ३ नं प्रदेशको क्षेत्रीय सम्मेलन शुरु

काठमाडौं । राष्ट्रिय प्रजातन्त्र पार्टीका अध्यक्ष कमल थापाले जनसेवालाई केन्द्रमा राखेर काम गर्न कार्यकर्तालाई निर्देशन दिनुभएको छ । प्रदेश नं ३ का स्थानीय तहका अध्यक्षहरुको क्षेत्रीय सम्मेलनको आज यहाँ उद्घाटन गर्दै उहाँले पार्टी विभाजनपछि संगठन सुदृढीकरणका लागि निष्ठावान् भई अगाडि बढ्न पनि कार्यकर्तालाई सुझाव दिनुभयो । देशमा सुशासन कायम गर्न निर्धारित समयमा प्रादेशिक र संसदीय निर्वाचन सम्पन्न गर्नुपर्ने उहाँको भनाइ थियो । शुक्रबारसम्म जारी रहने उक्त सम्मेलनमा प्रदेश नं ३ अन्तर्गतका गाउँ, नगर, महानगरका पार्टी अध्यक्ष, क्षेत्रीय समितिका अध्यक्ष, जिल्ला अध्यक्ष तथा भ्रातृ संगठनका अध्यक्ष गरी ३०० जनाको सहभागिता रहेको छ । भेलाले प्रदेश तथा संसदीय चुनावमा अधिकतम स्थान जित्न
More

सबै दलका उम्मेदवार वीरगन्ज महानगरमा, भिडन्त रोचक हुने

वीरगन्ज । १४ स्थानीय तह रहेको पर्सामा उम्मेदवारी मनोनयन सम्पन्न भएसँगै चुनावी रौनक निकै बढेको छ । त्यसमाथि प्रदेश नम्बर–२ को एकमात्र महानगरपालिका वीरगन्ज त सबैको चासोको रुपमा रहेको छ । वीरगन्जमा सबै पार्टीले प्रभावशाली उम्मेदवार उठाएकाले त्यहाँको चुनाव झन् रोचक हुने देखिएको छ । उम्मेदवारको मनोनयन दर्ता गर्नुअघिसम्म चुनावी गठबन्धनको चर्चा हुने गरेपनि प्रदेश नम्बर–२ को एकमात्र महानगरपालिका वीरगन्जमा सबै दलले छुट्टाछुट्टै उम्मेदवारी दर्ता गराएका छन् । महानगर प्रमुखका लागि २७ जनाको उम्मेदवारी दर्ता भएको छ । वीरगन्जमा नेपाली कांग्रेस, नेकपा एमाले, नेकपा माओवादी केन्द्र, राष्ट्रिय जनता पार्टी (राजपा) नेपाल, संघीय समाजवादी फोरम र नेपाल लोकतान्त्रिक फोरमका उम्मेदवारको चर्चा
More

प्रतिभालाई युरोपमा प्रशिक्षणको मौका

राष्ट्रिय महिला भलिबल खेलाडी प्रतिभा मालीले नेदरल्याण्डमा प्रशिक्षण लिने मौका पाएकी छन् । नेदरल्यान्ड भलिबल सङ्घले तीन साताको प्रशिक्षणका लागि मालीलाई निमन्त्रणा पठाएको नेपाल भलिबल सङ्घका महासचिव जीतेन्द्रबहादुर चन्दले राससलाई जानकारी दिनुभयो । गत महिना मात्र नेपाल भ्रमणमा आउनुभएका नेदरल्यान्ड भलिबल सङ्घका विकास प्रबन्धक पिटर भ्यान तरेलले प्रतिभालाई प्रशिक्षणका लागि निमन्त्रणा पठाउनुभएको हो । महासचिव चन्दले राष्ट्रिय खेल भएकाले व्यक्तिगत मात्र नभई भलिबल खेलको विकासका लागि उक्त प्रशिक्षणले सघाउ पुग्ने बताउनुभयो । उहाँका अनुसार माली त्यहाँ रहँदासम्मको सम्पूर्ण खर्च आयोजकले नै व्यहोर्नेछ । काठमाडौँको नैकाप तीनथानाकी माली अहिले १६ वर्षकी भइन् । सानै उमेरमा भलिबल खेलमा चर्चा कमाउन उनी सफल
More

कतारको कूटनीतिक संकट समाधानमा वार्ता हुने

वासिङ्टन । साउदी अरेबियाका नरेश सल्मान अमेरिकाको ओपचारिक भ्रमणमा जानुहुने भएको समाचार छ । सो कुराको जानकारी अमेरिकी राष्ट्रपतिको कार्यालय ह्वाइट हाउसले दिएको छ । साउदी अरेबियाका नरेश सल्मान आगामी बर्ष सन् २०१८ को सुरुमै अमेरिकाको औपचारिक भ्रमणमा आउन लाग्नुभएको अमेरिकी राष्ट्रपतिको कार्यालय ह्वाइट हाउसले बिहीबार जानकारी दिएको समाचारमा जनाइएको छ । उहाँ अमेरिकी राष्ट्रपति डोनाल्ड ट्रम्पसँग वार्ताका लागि अमेरिका जान लाग्नुभएको समाचारमा जनाइएको छ । राष्ट्रपति ट्रम्प र साउदी नरेश सल्मानबीच फोनमा वार्ता भएको थियो । त्यस वार्ताका क्रमम आगामी सो भेटमा द्विपक्षीय हितको प्रवर्धनका लागि के कसरी रणनीति बनाएर अघि बढ्ने भन्ने बारेमा कुराकानी भएको थियो । उहाँहरुबीच
More

सुन प्रकरणमा दुईजना पक्राउ

रसुवा । अठासी किलो सुन प्रकरणमा रसुवाबाट दुईजना सवारी चालक पक्राउ परेका छन् । जिल्ला प्रहरी प्रमुख शरतकुमार थापाक्षेत्रीका अनुसार पक्राउ पर्नेमा रसुवा जिल्ला स्याफ्रुबेँसीका दम्बा तामाङ र सिन्धुपाल्चोकका दिलीप खड्का रहेका छन् । यी दुई सवारी चालकमध्ये तामाङले चिनियाँ भूभागमा र खड्काले नेपाली भूभागमा सुन बोकेको मोटर ओहोरदोहोर गराउने भूमिका निर्वाह गरेको पाइएकाले पक्राउ गरी अनुसन्धानका लागि काठमाडौँ पठाइएको प्रहरी प्रमुख थापाक्षेत्रीले बताउनुभयो । रसुवागढीदेखि बेत्रावतीसम्म रसुवा जिल्लाको आधार इलाकाभित्र नेपाल प्रहरीको छ, सशस्त्र प्रहरी सीमा सुरक्षा गुल्मको तीन र नेपाली सेनाको तीनवटा जाँच परीक्षणको पोस्ट रहे पनि नेपाल–चीनको सीमा क्षेत्रको पोस्टबाहेक अन्य पोस्टमा वा१७च ६४२७ नंको टाटा सफारीकार
More

क्षेत्रीको लाञ्छनाविरुद्ध पत्रकार महासंघ यूकेको आपत्ति

गैरआवासीय नेपाली संघ (एनआरएनए) यूकेका पूर्वअध्यक्ष एवं आईसीसी सदस्य योगेन्द्रबहादुर क्षेत्रीले बेलायतमा कार्यरत नेपाली पत्रकारहरुमाथि सामाजिक सञ्जालमा असभ्य, अशिष्ट, अशोभनीय, अमर्यादित र धाकधम्कीपूर्ण लाञ्छना लगाएकोप्रति नेपाल पत्रकार महासंघ बेलायतको गम्भीर ध्यानाकर्षण भएको जनाएको छ । शाखा अध्यक्ष नरेश खपांगी मगरले बुधबार साँझ विज्ञप्ति निकालेर कुनै पनि समाचारमा चित्त नबुझे सम्बन्धित प्रकाशन गृहसित आफ्ना कुरा राख्ने तरिका र प्रक्रिया हुने र त्यस्तो प्रयासबाट चित्त नबुझे अपनाउने अरु उपाय हुँदाहुँदै समाजका जिम्मेवार व्यक्तिले सिंगो पत्रकारिता पेसा र समस्त पत्रकारहरुप्रति नै निकृष्ट शब्दमा टीकाटिप्पणी गर्नु र परिवारसमेतलाई धम्क्याउनु निन्दनीय कार्य भनेका छन् । विज्ञप्तिमा क्षेत्रीको उक्त कार्यको भर्त्सना समेत गरिएको छ । ‘पत्रकारिता
More

नाशाको अध्यक्षमा माधव ढकाल निर्वाचित

अमेरिकामा रहेका नेपालीहरुको छाता संगठन नाशाको अध्यक्षमा माधव ढकाल निर्वाचित भएका छन् । सेप्टेम्बर ४ मा सम्पन्न नाशाको १३औं अधिवेशनले अध्यक्ष ढकाल सहित २ बर्षका लागी २१ सदस्यीय नयाँ कार्यसमिति चयन गरेको हो । नर्थ क्यारोलीना निवासी व्यवसायी तथा ब्यांकर ढकालले जर्जीया निवासी शैलेन्द्रृ बज्राचार्यलाइ ३२० का विरुद्ध ४०९ भोटले पराजीत गरेका थिए । विगत २ दशकदेखि अमेरिका बस्दै आएका ढकाल करिब १ दशकदेखी नाशाको विभिन्न तहमा रहि काम गर्दै आएका थिए । “यो मेरो निजी अनुभव र समुदायकोे साथले सम्भव भएको हो” जीत पछि ढकालले भने, “ समुदायको विश्वास जितेर काम गर्नेछु । ”अमेरिकामा रहेका नेपालीहरुको पुरानो र प्रतिष्ठित
More

थाहा पाउनुहोस् बडा दशैँको शुभ साइत

काठमाडौं । नेपाल पञ्चांग निर्णायक समितिले यस वर्षको दशैंको टीकाको उत्तम साइत बिहान ११ बजेर ५५ मिनेटमा रहेको जनाएको छ । समितिले दशमीको दिन बिहान ८ बजे देवी विसर्जन गरेर ११ बजेर ५५ मिनेटमा देवीको प्रसाद स्वरुप टिका ग्रहण गर्न सकिने जनाएको हो । नेपाल पञ्चाङ्ग निर्णायक समितिले बडादशैँको साइत सार्वजनिक गर्दै असोज ५ गते बिहीबार बिहान ९ बजेर ४१ मिनेटमा घटस्थापना गर्न शुभ साइत रहेको जनाइएको छ । त्यसैगरि असोज ११ गते बुधबार दशैँ घर वा कोठामा फूलपाती भित्र्याइने र फूलपातीका दिन तुलजा भवानी यात्रा बिहान ७ बजेर ३१ मिनेटमा गरिने समितिले जनाएको छ । विजया दशमीका दिन बिहान
More

मनाङको आलु अब काठमाडौँतिर

नेस्याङ । बजारको अभावमा कुहिएर फाल्नु पर्ने मनाङको आलु अहिले काठमाडौँ भित्रिन थालेको छ । मोटरबाटो नहुँदा यहाँ उत्पादन भएको स्वादिलो आलु जिल्ला बाहिर जान सकेको थिएन । जब मोटर बाटो आयो, सानै भएपनि सवारीसाधन चल्न थाले र यहाँका उत्पादन देशका कुनाकुनामा पुग्न थाले । हिमालपारिको जिल्ला मनाङ आलुखेतीको लागि प्रख्यात छ । नेपालमा अर्गानिक खेती हुने जिल्लामध्ये मनाङ अग्रपंक्तिमा पर्छ । यहाँको प्रमुख बालीमध्ये आलुलाई लिइन्छ । अहिले आलु खन्ने समय भएको छ । वर्षको एक पटकमात्र खेतीपाती गरिने भएपनि यहाँको उत्पादनले नेपालीको मात्रै नभई विदेशीको मन जितेको छ । आलुलाई तरकारीको राजाको रुपमा लिइन्छ, त्यसमाथि मनाङको अर्गानिक आलुको
More

उत्तर कोरियामा आणविक परीक्षणको सफलताको उत्सव

प्योङ्याङ् । उत्तर कोरियाले गएको आइतबार गरेको शक्तिशाली आणविक परीक्षणको खुसीयालीमा बिहीबार उत्तर कोरियाको राजधानी प्योङ्याङ्मा उत्सव मनाइएको छ । यस समाचारलाई संसारका समाचार समितिहरूले बिहानदेखि निकै प्राथमिकताका साथ सम्प्रेषण गरेका छन् । उक्त परीक्षण गर्ने वैज्ञानिकलाई उत्तर कोरियाली नागरिकले बधाई ज्ञापनगर्दै सो उत्सव मनाएको बताइएको छ । उत्तर कोरियाको राजधानी सहरमा दशौँ हजार नागरिक उभिएर ध्वजापताकासहित नाचगान गर्दै उत्सव मनाएका दृश्य सरकारी टेलिभिजनले देखाएको छ । उत्तर कोरियाली नागरिकहरुले सो आणविक परीक्षणको सफलताको खुसीयालीमा यसरी उत्सव मनाउन सडकमा ओर्लिएको जनाएका छन् । गत आइतबार उत्तरले गरेको सो परीक्षण लगत्तै उक्त परीक्षण हाइड्रोजन बम भएको समाचार गर्वका साथ सार्वजनिक गरेको
More

राहत सामाग्री कुहिंदै

नुवाकोट उद्योग बाणिज्य संघको इलम प्रशिक्षण केन्द्रमा भण्डारण गरिएको नुवाकोटका भूकम्प पीडितलाई वितरण गर्न ल्याएको खाद्य र सरकारी राहत सामाग्री कुहिंदै । विस.२०७२ जेठमा भण्डारण गरिएको सामागी्र अनुगमन तथा संरक्षण नहुदाँ प्रयोग बिहिन अवस्थामा पुगेको छ । तस्वीर: रामहरि न्यौपाने
More

२६ हजार ६५२ जनाको उम्मेदवारी दर्ता

काठमाडौं । प्रदेश नम्बर २ का ८ जिल्लाका १३६ स्थानीय तहका विभिन्न पदमा आज बिहान ९:३० बजेसम्म प्राप्त विवरणमा २६ हजार ६५२ उम्मेदवारी दर्ता भएको सूचना प्राप्त भएको निर्वाचन आयोगले जनाएको छ । निर्वाचन आयोगमा स्थापित संयुक्त निर्वाचन सञ्चालन केन्द्र (जेइओसी) बाट प्राप्त विवरणअनुसार हालसम्म प्रमुख एवं अध्यक्षमा एक हजार ४७७, उपप्रमुख एवं उपाध्यक्षमा ९४९, वडाध्यक्षमा पाँच हजार ८८५ उम्मेदवारी परेको छ । त्यस्तै, महिला सदस्यमा चार हजार ८८६, खुल्ला सदस्यमा नौ हजार ५८२ र दलित सदस्यमा तीन हजार ८७३ उम्मेदवारी परेको निर्वाचन आयोगले जनाएको छ । उम्मेदवारी दर्तासम्बन्धी विवरण आउनेक्रम जारी रहेकाले उम्मेदवारको संख्या अझै बढ्ने छ । प्रमुख
More

पाँच लाख घुस लिँदै गर्दा तीन कर्मचारी पक्राउ

काठमाडौं । अख्तियार दुरुपयोग अनुसन्धान आयोगले रु पाँच लाख घुस लिँदै गर्दा तीन कर्मचारीलाई पक्राउ गरेको छ । आयोगबाट खटिएको टोलीले नेपाल नापतौल तथा गुणस्तर विभागका ट्याक्सी ट्याम्पो एकाइका प्रमुख विकास ध्वजु, नायब सुब्बा दुर्गाप्रसाद रेग्मी र ठाकुरराम खड्कालाई आज बिहान पक्राउ गरेको हो । आयोगको टोलीले भक्तपुरको सल्लाघारीस्थित युनिभर्सल तन्दुरी क्याफेमा रु पाँच लाख घुस लिँदै गर्दा नियन्त्रणमा लिएकोे आयोगका प्रवक्ता जीवराज कोइरालाले जानकारी दिनुभयो । पक्राउ पर्नेले ४५० वटा ट्याक्सीलाई गुणस्तरयुक्त छ भनेर प्रतिट्याक्सी रु एक हजार ५०० दरले रु छ लाख ७५ हजार मागेका थिए । तर बार्गेनिङ गर्दा रु पाँच लाखमात्र लिने शर्तमा घुस लिँदै गर्दा
More