Daily Archives 10th September 2017

भ्रष्टाचार नियन्त्रण गर्न आयोग अहोरात्र क्रियाशील

काठमाडौं । अख्तियार दुरुपयोग अनुसन्धान आयोगले संविधानले प्रदान गरेको अधिकार प्रयोग गरेर नै भ्रष्टाचार नियन्त्रणका लागि आफू अहोरात्र क्रियाशील रहेको जनाएको छ । आयोगका काम कारबाही प्रभावकारी नभएको भन्दै गलत प्रचार भइरहेकामा आपत्ति प्रकट गर्दै आयोगका सहायक प्रवक्ता खगेन्द्रप्रसाद रिजालले आज जारी गर्नुभएको विज्ञप्तिमा भ्रष्टाचार जस्तो गम्भीर अपराधको अनुसन्धान जटिल हुने भएकाले तत्कालै जनअपेक्षाअनुसार परिणाम आउन नसक्नु स्वभाविक भएको उल्लेख गर्नुभएको छ । प्रचलित कानूनको परिधिभित्र रही अनुसन्धानसम्बन्धी कार्य गरिरहेको सन्दर्भमा आयोगका काम कारबाही आलोचनाको विषय बन्नु दुःखद रहेको उल्लेख गर्दै आयोगले सार्वजनिक चासोका जुनसुकै विषयमा छानबिन गर्न तयार रहेको स्पष्ट पारेको छ । नियमित गरिरहेको काम कारबाहीलाई नै नजरअन्दाज
More

समानुपातिक निर्वाचनमा भाग लिन १७ दलको निवेदन

काठमाडौं । आगामी मंसिरमा हुने प्रतिनिधिसभा र प्रदेशसभा निर्वाचनमा समानुपातिक निर्वाचन प्रणालीतर्फ भाग लिन १७ राजनीतिक दलले पहिलो दिन नै निर्वाचन आयोगमा निवेदन दिएका छन् । उक्त निर्वाचनमा भाग लिन चाहने राजनीतिक दललाई आजदेखि आगामी मंगलबारसम्म निवेदन पेश गर्न निर्वाचन आयोगले सूचना जारी गरेको थियो । प्रतिनिधिसभा र प्रदेशसभा सदस्यको निर्वाचन आगामी मंसिर १० र २१ गते दुई चरणमा एकैसाथ गर्ने सरकारले निर्णय गरिसकेको छ । समानुपातिक निर्वाचन प्रणालीतर्फ भाग लिन नेपाली काँग्रेस, नयाँ शक्ति पार्टी नेपाल, राष्ट्रिय प्रजातन्त्र पार्टी, राष्ट्रिय प्रजातन्त्र पार्टी (प्रजातान्त्रिक), राष्ट्रिय जनमोर्चा, नेपाल कम्युनिष्ट पार्टी (माक्र्सवादी लेनिनवादी), नेपाल मजदुर किसान पार्टी, देशभक्त जनगणतान्त्रिक मोर्चा नेपाललगायत राजनीतिक
More

पाचौ पटक मन्त्रिमण्डल विस्तार भोलि

काठमाडौं । राष्ट्रिय प्रजातन्त्र पार्टी (प्रजातान्त्रिक) सरकारमा आज सहभागी हुने भएको छ । मन्त्रिमण्डल भोलि विस्तार हुनेछ । सोमबार राप्रपा प्रजातान्त्रिकका तर्फबाट दिपक बोहरा, विक्रम पाण्डे र सुनिल थापालाई देउवाको मन्त्रिमण्डलमा सहभागि गराउन लागेका हुन् । राप्रपाले वन तथा भू संरक्षण, उद्योग र विज्ञान तथा प्रविधि मन्त्रालयको जिम्मेवारी प्राप्त गर्ने बताइएको छ । उनिहरुलाई सोमबार ११ बजे नै राष्ट्रपति कार्यलयमा सपथ खुवाउने तयारी भएको छ । मुलुकमा राजनीतिक स्थायित्व कायम गर्न तथा आगामी असोज २ गतेको तेस्रो चरणको स्थानीय तह र मंसिरमा हुने प्रादेशिक एवं केन्द्रीय निर्वाचनको कार्यक्रमलाई पूरा गर्ने उद्देश्यले पार्टी सरकारमा आज सहभागी हुन लागेको अध्यक्ष पशुपतिशम्शेर जबराले
More

प्रम देउवाले चुनावी सभालाई सम्बोधन गर्ने

काठमाडौं । प्रधानमन्त्री एवं नेपाली काँग्रेसका सभापति शेरबहादुर देउवाले स्थानीय तहको निर्वाचनको तेस्रो चरणअन्तर्गत असोज २ गते निर्वाचन हुने आठै जिल्लाका चुनावी सभालाई सम्बोधन गर्नुहुने भएको छ । पार्टी सभापति देउवा यही भदौ २७ गते प्रदेश नं २ को निर्वाचन प्रचारमा जानुहुने र भदौ ३० गते राजधानी फर्कने कार्यक्रम तय भएको पार्टीं केन्द्रीय कार्यालयले जनाएको छ । प्रधानमन्त्री देउवाले भदौ २७ गते सप्तरीको राजविराजमा हुने आमसभा र सिरहाको जिरोमाइलमा अपराह्न ४ बजे आयोजना हुने चुनावीप्रचार सभालाई सम्बोधन गर्नुहुनेछ । सिरहाको सम्बोधन र पार्टी कार्यकर्ताको भेटघाटपछि प्रधानमन्त्री देउवा जनकपुर प्रस्थान गर्नुहुने तालिका छ । उहाँले भदौ २८ गते बिहान रामजानकी मन्दिरको
More

राप्रपा (प्रजातान्त्रिक) संसदीय दलको नेतामा बोहरा

काठमाडौं । राष्ट्रिय प्रजातन्त्र पार्टी (प्रजातान्त्रिक) को संसदीय दलको नेतामा दीपक बोहरा निर्वाचित हुनुभएको छ । आज यहाँ बसेको संसदीय दलको बैठकले उपनेतामा विक्रम पाण्डेलाई तोकेको छ । व्यवस्थापिका–संसद्मा यस पार्टीका १८ सांसद छन् । मुलुकमा राजनीतिक स्थायित्व कायम गर्न सहयोग गर्ने र आसन्न तेस्रोचरणको स्थानीय तह, प्रादेशिक र केन्द्रीय निर्वाचनको कार्यक्रमलाई पूरा गर्ने उद्देश्यले पार्टी सरकारमा छिट्टै सहभागी हुन लागेको अध्यक्ष पशुपति शम्शेर जबराले जानकारी दिनुभएको छ । राप्रपाबाट वैचारिक असहमति राख्दै गत साउन २२ गते निर्वाचन आयोगमा दल दर्ता गरेको सो पार्टीले करिब दुई साता अगाडि दल मान्यता प्राप्त गरेको हो ।
More

महासंघको मिडिया मिसन सुरु

काठमाडौं । आउँदो असोज २ गते प्रदेश नम्बर २ का ८ जिल्लामा हुन गइरहेको तेस्रो चरणको स्थानीय तहको निर्वाचनको सन्दर्भमा प्रेस स्वतन्त्रताको अवस्था, मिडियाको भूमिकालगायतबारे अध्ययन गर्न नेपाल पत्रकार महासंघले मिडिया मिसन सुरु गरेको छ । महासंघका महासचिव रमेश विष्ट, सचिव शीतल महतो, सामुदायिक रेडियो प्रसारक संघका महासचिव गोविन्द देवकोटालगायत संलग्न मिडिया मिसन आज काठमाडौंबाट पर्साको वीरगञ्जतर्फ प्रस्थान गरेको सचिव रामप्रसाद दाहालले हस्ताक्षर गरेको विज्ञप्तिमा उल्लेख छ । पर्साबाट सुरु भएको मिसन जनकपुरसम्म पुग्नेछ । मिसनले पत्रकार, स्थानीय समुदाय, राजनीतिक दलका नेता तथा उम्मेदवार, प्रशासन तथा सुरक्षा निकायका अधिकारीसँग भेटघाट र छलफल गर्नेछ । त्यसपछि मिसन सिन्धुली र रामेछाप पुगी
More

प्लटिङले स्थानीवासीलाई सास्ती

कागेश्वरी मनोहरा नगरपालिकाको मूलपानीमा खेती भइरहेको जग्गामा प्लटिङ गरिँदै । डोजरले जग्गा सम्याउँदा नजिकैको बस्ती पहिरोको जोखिममा रहेको स्थानीयवासीको गुनासो छ । प्लटिङले गर्दा वर्षामा जोरपाटी–साँखु सडक अवरुद्ध हुने गर्दछ । तस्बिर : पूर्णप्रसाद मिश्र
More

जेहेन्दार विद्यार्थीलाई अस्ट्रेलियामा छात्रवृत्ति

काठमाडौ । अस्ट्रेलियाको ला ट्रोब विश्वविद्यालयले जेहेन्दार नेपाली विद्यार्थीलाई स्नातक र स्नातकोत्तर तहमा छात्रवृत्ति प्रदान गर्ने घोषणा गरेको छ । उक्त विश्वविद्यालयले आज यहाँ पत्रकार सम्मेलन गरी १५ देखि २५ प्रतिशतसम्म शैक्षिक शुल्कमा नेपाली विद्यार्थीलाई छात्रवृत्ति दिइने जनाएको छ । विश्वविद्यालयका प्रा पल माथरले अन्तर्राष्ट्रियस्तरको शिक्षाका लागि नेपाली विद्यार्थी विश्वका विभिन्न मुलुकमा जाने गरेकाले केही हदसम्म भए पनि उनीहरुको आवश्यकता पूरा गर्न विश्वविद्यालयले छात्रवृत्तिको योजना लागू गरेको बताउनुभयो । हाल विश्वविद्यालयमा १५० नेपाली विद्यार्थी अध्ययनरत छन् ।
More

खोलामा डुबेर दुई युवतीको मृत्यु

कपिलवस्तु । यशोधरा गाउँपालिका– २ का दुई युवतीको स्थानीय खोलामा डुबेर मृत्यु भएको छ । मृत्यु हुनेमा स्थानीय ३३ वर्षीया इन्द्रावती यादव र १५ वर्षीया रिमा कोहार रहेको प्रहरीले जनाएको छ । कुचो बनाउने घाँस काट्न गएका उनीहरुको खोला डुबेर मृत्यु गएको हो । खोला किनारमा रिमा घाँस काट्दै गर्दा खसेर डुब्न लागेपछि उनलाई बचाउन खोज्दा अर्की इन्द्रावतीको पनि डुबेर मृत्यु भएको थियो । दुबै जनाको शव परीक्षणका लागि जिल्ला अस्पतालमा लगिएकोे प्रहरीले जनाएको छ ।
More

नेपालमा लगानीको राम्रो अवसर छः परराष्ट्रमन्त्री

काठमाडौं । उपप्रधानमन्त्री कृष्णबहादुर महराले नेपालमा लगानीका लागि उपयुक्त वातावरण तयार भएकाले पूर्वाधारका क्षेत्रमा लगानी गर्न चिनियाँ व्यापारी तथा लगानीकर्तासँग आग्रह गर्नुभएको छ । ग्वाङन्दोङ प्रान्तस्थित नेपाली महावाणिज्यदूतावासले आज आयोजना गरेको व्यापारी तथा लगानीकर्तासँगको अन्तक्र्रियामा परराष्ट्रमन्त्रीले भन्नुभयो, “दुई देशबीचको कनेक्टिभिटी बढाउन नेपालले पूर्वाधार विकास र अन्तरदेशीय आर्थिक क्षेत्रमा लगानी केन्द्रित गरेको छ । अन्तरदेशीय रेल मार्ग, सडक मार्ग, ट्रान्समिसन लाइन र हवाई मार्गमा लगानीका लागि उयुक्त अवसर छ ।” नेपाल र चीनबीच ‘एक क्षेत्र एक मार्ग’मा सम्झौता भइसकेको उल्लेख गर्दै उहाँले त्यसलाई दुवै देशले सही तवरले प्रयोग गर्नुपर्ने बताउनुभएको उहाँका प्रेस संयोजक हरि लामिछाने जानकारी दिनुभयो । परराष्ट्रमन्त्री महराले उपुक्त
More