Daily Archives 17th October 2017

मालेबाट चार जना निष्कासित

काठमाडौं । नेकपा (माले) स्थायी कमिटीको बैठकले पार्टीका तीन जना पोलिटब्युरो सदस्यसहित चार जनालाई निष्कासन गरेको छ । निष्कासित हुनेमा पोलिटब्युरो सदस्य हिक्मतबहादुर देउवा, गङ्गाप्रसाद चौधरी र वीरेन्द्र थपलिया तथा केन्द्रीय सदस्य सीता महत देउवा रहेका छन् । उनीहरुलाई पार्टीको एकताविपरीत गुटबन्दी र फुटपरस्त गतिविधिमा सक्रिय रहेको भन्दै पार्टी सदस्यसमेतबाट निष्कासन गरिएको सो पार्टीले जनाएको छ । पार्टीका महासचिव सिपी मैनालीको अध्यक्षमा आज बसेको बैठकले उहाँहरुलाई पार्टी विधानको धारा १, २, ३, ४ र ५ बमोजिम कारबाही गर्दै पार्टीका सबै जिम्मेवारीबाट पदच्यूत गरी पार्टी सदस्यताबाट समेत निष्कासित गरेको हो । “पार्टी अस्तित्व नरुचाउने परचक्रीले चलाएको निराधार र कपोलकल्पित हल्लामा नलाग्न
More

मन्त्रीको जिम्मेवारी हेरफेर, १७ जना बिना विभागीय मन्त्री

काठमाडौं । नेकपा माओवादी केन्द्रले सरकार छोड्न नमानेपछि प्रधानमन्त्री शेरबहादुर देउवाले उनीहरुलाई विना विभागीयमा थन्काइदिएका छन् । माओवादी केन्द्रबाट एक उपप्रधानमन्त्रीसहित १७ जना मन्त्री र राज्यमन्त्रीहरु छन् । उनीहरु सबैलाई विना विभागीय बनाइएको छ । माओवादीबाट कृष्णबहादुर महरा विना विभागीय उपप्रधानमन्त्री भए भने, गिरिजामणि पोखरेल, जर्नादन शर्मा, प्रभु साह, टेकबहादुर बस्नेत, शिवकुमार मण्डल, महेन्द्रबहादुर शाही, आशा कोइराला, सन्तकुमार थारु, मोहम्मद जागिकर हुसेन, रामसिंह यादव, श्यामकुमार श्रेष्ठ, शम्भुलाल श्रेष्ठ, कर्णबहादुर विक, छमबहादुर गुरुङ, गोमा कुँवर र आङदी शेर्पालाई विना विभागीय बनाइएको छ । नेपालको इतिहासमा यति धेरै विना विभागीय मन्त्री बनाइएको पहिलो पटक हो । माओवादी केन्द्रका मन्त्रीहरुले सम्हालेका मन्त्रालयको जिम्मेवारी
More

तोकिएको समयमा निर्वाचन भए माओवादी सरकारबाट हट्ने

काठमाडौं । प्रधानमन्त्री शेरबहादुर देउवा र नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’बीच आज बिहान प्रधानमन्त्री निवास बालुवाटारमा भएको भेटवार्तामा समसामयिक राजनीतिक विषय र माओवादी केन्द्रका मन्त्री सरकारमा रहने कि नरहने भन्ने विषयमा कुराकानी भएको छ । निर्वाचनको वातावरण बने र तोकिएको समयमा नै निर्वाचन सम्पन्न हुने अवस्था आए आफूहरु सरकारबाट हट्ने जानकारी अध्यक्ष दाहालले प्रधानमन्त्रीलाई गराउनुभएको दाहालका प्रेस संयोजक मनोहरि तिमिल्सिनाले जानकारी दिनुभयो । सो अवसरमा प्रधानमन्त्रीले निर्वाचनको विषयमा आशंका नगर्न माओवादी केन्द्रका अध्यक्ष दाहाललाई आग्रह गर्नुभएको थियो । अध्यक्ष ओलीसँग छलफल माओवादी केन्द्रका अध्यक्ष दाहालले नेकपा (एमाले)का अध्यक्ष केपी शर्मा ओलीसँग पनि आजै भेटवार्ता गर्नुभएको छ । सिंहदरबारमा
More

एनआरएनए अध्यक्षमा भट्ट विजयी

काठमाडौँमा गैरआवासीय नेपाली संघ (एनआरएनए)को विश्व सम्मेलनबाट अध्यक्षमा विजयी भवन भट्टका साथमा पूर्व अध्यक्षहरु । तस्वीर : नवीन पौडेल,
More

माओवादी केन्द्र विना विभागीय मन्त्रालय लिने तयार, सरकार नछोडने

काठमाडौं । प्रतिपक्षी दल नेकपा एमालेसँग चुनावी गठबन्धन गरेको माओवादी केन्द्रले सरकार नछाड्ने निर्णय लिएको छ । प्रधानमन्त्री शेरबहादुर देउवाले चुनाव नगर्ने षड्यन्त्र गरेकाले आफूहरु सरकार नछोड्ने निष्कर्षमा पुगेको गृहमन्त्री जर्नादन शर्माले आज दिउँसो पत्रकार सम्मेलन गरेर जानकारी दिए । सरकारमा बसेर प्रतिपक्षी दलसँग गठबन्धन गर्ने माओवादी केन्द्रलाई प्रधानमन्त्री शेरबहादुर देउवाले हट्न पटकपटक आग्रह गरेका थिए । तर माओवादी सरकारमा विना विभागीय मन्त्रालय लिएर भए पनि बस्न तयार रहेको जानकारी गृहमन्त्री शर्माले बताए । माओवादी केन्द्रले सरकार नछोडेपछि प्रधानमन्त्री देउवाले मन्त्रिमण्डल पुनर्गठन गर्ने तयारी गरेका छन् । माओवादी केन्द्रलाई विना विभागीय जिम्मेवारी दिने र राप्रपाबाट नियुक्त भएका विना विमागीय मन्त्रीलाई
More

राष्ट्रसंघको मानव अधिकार परिषद्मा नेपाल निर्वाचित

वाशिङ्टन डिसी । संयुक्त राष्ट्रसंघको ७२औँ महासभाले मानव अधिकार परिषद्मा नेपाललाई पनि निर्वाचित गरेको छ । विभिन्न देशका क्षेत्रगत आधारमा रहने परिषद्मा कूल ४७ देशका प्रतिनिधि रहनेछन् । सोमबार भएको निर्वाचनमा नेपाललगायत १५ नयाँ देशले उक्त परिषद्मा प्रतिनिधित्व गर्ने अवसर पाएका हुन् । एशिया–प्रशान्त क्षेत्रको चार खाली सदस्यमा भएको निर्वाचनमा नेपालसहित पाकिस्तान, कतार र अफगानिस्तान निर्वाचित भएका छन् । एशिया प्रशान्त क्षेत्रको चार सिटमध्ये एकमा नेपाल निर्वाचित भएको हो । नेपाल परिषद्मा निर्वाचित भएपछि न्यूयोर्कस्थित नेपाली स्थायी नियोगका प्रतिनिधि दुर्गा भट्टराईले नेपालले अन्तर्राष्ट्रियस्तरमा मानव अधिकारको क्षेत्रमा प्रतिबद्धता जनाएअनुसारको काम गरेकाले निर्वाचित हुन सफल भएको प्रतिक्रिया दिनुभयो । यसले नेपालको छवि
More

भारतीय प्रधानमन्त्रीको कार्यालयमा आगलागी

नयाँ दिल्ली । भारतीय प्रधानमन्त्रीको कार्यालयमा आगलागी भएको छ । मंगलबार बिहान स्थानीय समयअनुसार ३ः३५ बजे आगो लागेको हो । सरकारी अधिकारीहरुका अनुसार प्रधानमन्त्री कार्यालयको २४२ नम्बरको कोठामा रहेको एउटा एसी मेसिनबाट आगो सल्किएको हो । तत्कालै १० वटा दमकल परिचालन गरेर २० मिनेटभित्रै आगो नियन्त्रणमा लिइएको जनाइएको छ । आगलागीबाट भएको क्षतिको विवरण सार्वजनिक भएको छैन ।
More

प्रकाश, पुष्प, पशुपक्षी, आत्मपूजा र दाजुभाइ–दिदीबहिनीको पर्व शुरु

काठमाडौं । नेपालीको दोस्रो ठूलो चाड तिहार आज कार्तिक कृष्ण त्रयोदशीदेखि कार्तिक शुक्ल द्वितीयासम्म मनाइँदैछ । तिहारको पहिलो दिन आज काग तिहार, कात्तिक १ गते बुधबार कार्तिक कृष्ण चतुर्दशीका दिन कुकुर तिहार, कात्तिक २ गते बिहीबार कार्तिक कृष्ण औंसीका दिन लक्ष्मीपूजा, कात्तिक ३ गते शुक्रबार कार्तिक शुक्ल प्रतिपदाका दिन गाईपूजा, गोवद्र्धन पूजा, कृषक पूजा तथा नेवारी समुदायले मनाउने नयाँ वर्ष अर्थात् नेपाल संवत् ११३८ र म्हपूजा अर्थात् आत्मपूजा एवम् कात्तिक ४ गते शनिबार कार्तिक शुक्ल द्वितीयाका दिन भाइटीका लगाई तिहार पर्व मनाइन्छ । यमराज पनि पाँच दिन आफ्ना दैनिक काम स्थगन गरी बहिनी यमुनाकहाँ अतिथिका रुपमा बसेर भाइटीका ग्रहण गर्ने
More

बेनी अस्पतालको फोहर व्यवस्थापनमा सघाउँदै जर्मनी इन्जिनियर

बेनी । बेनी अस्पतालमा दैनिक हुने फोहरको उचित व्यवस्थापनमा जर्मनबाट आएका दुई मेडिकल इन्जिनियरले सघाइरहेका छन् । करिब तीन साता अगाडि नेपाल आएका जर्मनको एक विश्वविद्यालयमा मेडिकल इन्जिनियरिङमा अध्ययरत मेक्सिमिलियनल र एन्टोनियाले अस्पतालभित्र दैनिक संकलन गरिने फोहरको वर्गीकरण र विसर्जनको विधिसहित अन्तर्राष्ट्रिय मापदण्डको फोहर विसर्जनका लागि इन्सिनेटर प्रविधि जडान गरेका छन् । जर्मनको एक गैरसरकारी संस्था र बेनी अस्पतालको संयुक्त लगानीमा जर्मन र भारतमा निर्मित सो प्रविधि उपयोगमा ल्याउनुका साथै अस्पतालभित्र जलाउन मिल्ने र नमिल्ने फोहरको वर्गीकरण र विसर्जन गर्ने तरिका, फोहर संकलन गर्दा अपनाउनुपर्ने विधिलगायतका विषयमा चिकित्सक, स्वास्थ्यकर्मी र कार्यालय सहयोगीलाई तालीमसमेत दिइएको अस्पताल प्रमुख डा रोशन न्यौपानेले बताउनुभयो
More

कात्तिक ५ गतेदेखि ठमेललाई सवारीमुक्त क्षेत्र बनाइने

काठमाडौं । प्रमुख पर्यटकीय क्षेत्रका रूपमा रहेको ठमेललाई कात्तिक ५ गतेदेखि सवारी साधनमुक्त क्षेत्र बनाइने भएको छ । महानगरीय ट्राफिक प्रहरी महाशाखा र ठमेल विकास परिषद्ले आयोजना गरेको पत्रकार सम्मेलनमा अत्यावश्यक सवारी साधनबाहेक ठमेल क्षेत्रमा अरु सवारी साधनलाई प्रवेशमा कडाइ गरिने जानकारी दिइएको हो । महाशाखाका प्रमुख सर्वेन्द्र खनालले पानी, एम्बुलेन्स, पर्यटन र सुरक्षालगायतका अत्यावश्यक सवारी साधनबाहेक अन्य सवारी साधनलाई कडाइ गर्न लागिएको जानकारी दिनुभयो । “ अत्यावश्यक सवारी साधनलाई ठमेलभित्र जान आउनका लागि पासको व्यवस्था गर्न लागेका छौँ”, प्रमुख खनालले भन्नुभयो । ठमेलभित्र जाने सवारी साधनले त्रिदेवी मार्गबाट मात्र जान पाउने, ट्याक्सी, हाइस, भ्यान, मोटरसाइकललाई जथाभावी रोक्न नदिने, ठमेलभित्रका
More