Daily Archives 18th October 2017

गुरुकुलबाट दुई बालक बेपत्ता

जितपुर । यहाँ गुरुकुल विद्यालयबाट दुई बालक बेपत्ता भएका छन् । यहाँको बाणगंगा नगरपालिका–२ मा रहेको मनकामना संस्कृत गुरुकुलमा अध्ययन गर्दै आएका दुईजना बालक यही सोमबारदेखि बेपत्ता भएका हुन् । जिल्लाको शिवराज नगरपालिका–५ चन्द्रौटा निवासी नीता भट्टराईका १० वर्षीय छोरा सागर भट्टराई र धनगढी घर भएका १२ वर्षीय अर्जुन सुवेदी बेपत्ता भएको पारिवारिक स्रोतले जनाएको छ । दश दिनअघि मात्र विद्यालयमा अध्ययन गर्न आएका धनगढीका अर्जुनसँग आफ्नो छोरा पनि बेपत्ता भएपछि सागरकी आमा चिन्तित हुनुभएको छ । विद्यालयबाट बालक बेपत्ता हुँदासमेत विद्यालय परिवार बेखबर बनेको पारिवारिक स्रोतले गुनासो गरेको छ । गुरुकुलबाटै विद्यार्थी बेपत्ता भएपछि परिवारका सदस्य आक्रोशित भएका छन्
More

बलात्कारी गर्ने एक व्यक्ति पक्राउ

भोजपुर । बलात्कार गरेको आरोपमा भोजपुर थिदिङ्खाका एक व्यक्ति पक्राउ परेका छन् । जिल्ला प्रहरी कार्यलय भोजपुरकाअनुसार बलात्कारी अभियोगमा आमचोक गाउँपालिका–३ थिदिङखाका २१ वर्षीय दीपककुमार राईलाई पक्राउ गरिएको हो । सोही गाउँकी १७ वर्षीय किशोरी बलात्कार गरेको आरोपमा परिवारले दिएको उजुरीको आधारमा ती व्यक्तिलाई पक्राउ गरिएको जिल्ला प्रहरी कार्यलयका प्रमुख प्रहरी नायब उपरीक्षक दीपेन्द्र पञ्जियार थारुले जानकारी दिनुभयो । मंगलबार पक्राउ परेका अभियुक्तलाई हिरासतमा राखी आवश्यक अनुसन्धान भइरहेको प्रहरीले जनाएको छ ।
More

सालोको कुटाइबाट भिनाजुको ज्यान गयो

नुवाकोट । मेघाङ गाउँपालिका–४ ठूलोकिम्ताङमा सालोको कुटाइबाट भिनाजुको मृत्यु भएको छ । घरायसी विवादमा भएको झगडामा ठूलोकिम्ताङका प्रतापसिंह तामाङको मृत्यु भएको जिल्ला प्रहरी कार्यालय, नुवाकोटका प्रहरी निरीक्षक कैलाश भट्टराईले जानकारी दिनुभयो । मंगलबार अपराह्न गाउँमा सामान्य विवाद हुँदा ५६ वर्षका तामाङलाई उनकै सालो श्रीमान तामाङ्ले लडाएर घाइते बनाइदिएका थिए । टाउकोमा चोट लागेका तामाङको उपचारको क्रममा जिल्ला अस्पताल, त्रिशूलीमा आज बिहान मृत्यु भएको प्रहरीले जनाएको छ । झगडामा संलग्न रहेका श्रीमान तामाङलाई कारबाहीका लागि प्रहरीले नियन्त्रणमा लिएको छ ।
More

बर्न्टओकमा दशैं, तिहार शुभकामना कार्यक्रम

लण्डनस्थित बर्न्टओक नेपाली समाजले दशैं, तिहारको अवसरमा शुभकामना आदानप्रदान तथा सांस्कृतिक कार्यक्रमको आयोजना गरेको छ। स्थानीय संगम हलमा शनिबार आयोजित कार्यक्रमका प्रमुख अतिथि तथा लण्डनको हेण्डन क्षेत्रबाट निर्वाचित सांसद डा. म्याथु अफोर्डले नेपाली समुदायले बेलायतको सामाजिक, सांस्कृतिक, आर्थिक लगायत सबै क्षेत्रमा पुराइरहेकेा योगदानबाट आफु गौरवान्वित भएको बताउनुभयो। उहाँले स्थानीय क्षेत्रमा सरसफाइ लगायतका काममा बर्न्टओक नेपाली समाजको सकृय सहभागिताको प्रशंसा पनि गर्नुभयो। उहाँले भूतपूर्व गोर्खा लगायत नेपाली समुदायले ब्रिटेनलाई सामाजिक र सांस्कृतिकरुपले समृद्ध बनाउन योगदान पुराइरहेको बताउनुभयो। बार्नेट काउन्सिलका पूर्व मेयर तथा काउन्सिलर ह्यु रेनर, काउन्सिलरहरु चार्ली म्याकाले तथा अमर नकबीले नेपाली समुदायले बहुसांस्कृतिक बृटिश समाजमा थप रङ्ग थपीदिएको भन्दै अनुशासित
More

एनआरएनए प्रवक्तामा घिमिरे

काठमाडौं- गैरआवासीय नेपाली संघको प्रवक्तामा भूषण घिमिरे नियूक्त भएका छन्। घिमिरेलाई संघको बुधवार विश्वसम्मेलन स्थलमा बसेको गैरआवासीय नेपाली संघको नवर्निवाचित कार्यसमितिले प्रवक्ताको जिम्मेवारी दिएको हो। जापानको सोफिया युर्निभरसिटीबाट पत्रकारीतामा स्नातकोत्तर गरेका घिमिरे टोकियोमा रेष्टुरेन्ट तथा ग्रोसरी व्यवसायमा संलग्न छन्। १६ वर्ष देखी जापानमा बसोवास गर्दै आएका घिमिरे यसअघि युग सम्वाद साप्ताहिकको कार्यकारी सम्पादक भएर काम गरेका थिए। नेपाल पत्रकार महासंघको केन्दिय सदस्यको जिम्मेवारी समेत सम्हालिसकेका उनले रेडियो नेपालको समाचार मूलक कार्यक्रम परिवेशको प्रस्तोता थिए। उनले नेपालमा बैंकिङ, हाइड्रो, शिक्षा क्षेत्रमा लागानी गरेका छन्।
More

एनआरएनए अन्तर्राष्ट्रिय पत्रकारिता पुरस्कार प्रदान

काठमाण्डौं । पत्रकारद्वय होम कार्की (नेपाल) र नवीन पोखरेल (बेलायत) लाई ‘एनआरएन अन्तर्राष्ट्रिय पत्रकारिता पुरस्कार–२०७४’ प्रदान गरिएको छ । गैर आवासीय नेपाली संघ (एनआरएनए) यूके र नेपाल पत्रकार महासंघ यूके शाखाद्वारा संयुक्त रुपमा स्थापित उक्त पुरस्कार एनआरएनए आठौं विश्व सम्मेलन समापन समारोहमा मंगलबार राजधानीमा प्रदान गरिएको हो । एनआरएनए अध्यक्ष शेष घले र एनआरएनए यूके अध्यक्ष योगकुमार फगामीले कार्की र पोखरेल अनुपस्थित रहेकाले उनका पिता रामचन्द्र पोखरेललाई पुरस्कार प्रदान गरे । पुरस्कारको राशी जनही ५० हजार पांचसय रुपैयां र ताम्रपत्र छ । कार्यक्रममा नेपाल पत्रकार महासंघ बेलायतका अध्यक्ष नरेश खपांगीमगरले पुरस्कारबारे अवगत गराएका थिए । प्रवासी नेपालीकाबारेमा निरन्तर समाचार सम्प्रेषण
More