Daily Archives 4th November 2017

भारत्तोलक कार्की विश्वस्तरिय प्रतियोगीताका लागी छनोट

अमेरिका निवासी नेपाली भारत्तोलक रुप कार्की अन्तराष्ट्रिय भारत्तोलन प्रतियोगीतामा प्रतिस्पर्धाको लागी छनोट भएका छन् । यहि नोभेम्बर १८ र १९ तारिखमा जर्जीयाको एटलान्टामा हुने अन्तराष्ट्रिय भारत्तोलन लिग च्याम्पियनसीपका लागी उनि छनोटमा परेका हुन् । विश्वभरका हेभिवेट भारत्तोलकहरु प्रतिश्पर्धी रहने सो प्रतियोगीतामा छनोट हुने कार्की पहिलो नेपाली मुलका अमेरिकन हुन् । राष्ट्रिय वा महादेशीय प्रतियोगीता जितेका प्रतियोगीहरु मात्र सो प्रतिस्पर्धामा सहभागी हुन पाउछन् । विगत एक दशक देखि भर्जिनिया बस्दै आएका कार्की गत बर्ष उत्तर अमेरिकी महादेशीय स्तरको प्रतिस्पर्धामा पनि उत्कृष्ट भएका थिए । उनि हेभिवेट भारत्तोलक हुन् । रुप कार्कीले छोरा रुपेश कार्कीको प्रशिक्षणमा लामो समयदेखि नियमित प्रशिक्षण गरिरहेका छन्
More

अक्षयकोषमा रु तीन लाख सहयोग

पोखरा । सहारा एकेडेमी सञ्चालनार्थ स्थापना गरिएको अक्षयकोषमा रु तीन लाख तीन हजार ४२० थपिएको छ । पोखरा–लेखनाथ महानगरपालिका–१७ दोबिल्लामा सहारा क्लब पोखराले सञ्चालन गरेको सो अक्षयकोषमा क्लबका सल्लाहकार लोकबहादुर गुरुङले रु एक लाख तीन हजार ४२० तथा मुक्षेत्र गुरुङ र जगन गुरुङले जनही रु एक÷एक लाख सहयोग गर्नुभएको क्लबका अध्यक्ष केशव थापाले जानकारी दिनुभयो । अहिलेसम्म अक्षयकोषमा रु एक करोड २५ लाख पुगेको छ । एकेडेमिमा विपन्न र कठिन अवस्थामा रहेका १६ जिल्लाका २८ जना बालकले निःशुल्क आवासीय शिक्षा, स्वास्थ्य र खेलकूदका सुविधा पाइरहेका छन् । अक्षयकोषलाई बढाउँदै रु दुई करोड भन्दा बढी पु-याउने क्लबको लक्ष रहेको छ ।
More

एमालेमा सार्वजनिक रुपमा असन्तुष्टि व्यक्त गर्न नपाइने

काठमाडौं । नेकपा (एमाले) केन्द्रीय अनुशासन आयोगले निर्वाचनमा पार्टीका आधिकारिक उम्मेदवारविरुद्ध ‘बागी’ उम्मेदवार हुने, दिन लगाउने वा सार्वजनिक रुपमा असन्तुष्टि व्यक्त गर्ने काम नगर्न कार्यकर्तालाई निर्देश गरेको छ । आयोगका अध्यक्ष अमृतकुमार बोहराले आज जारी गरेको विज्ञप्तिमा एमाले र नेकपा (माओवादी केन्द्र)बीच चुनावी तालमेल भई साझा उम्मेदवारीका साथ चुनावी अभियानमा होमिएका सन्दर्भमा समयको चाप र परिस्थितिका कारण पार्टीभित्रका सबै इच्छुक, आकांक्षी उम्मेदवारको आवश्यकता र चाहनालाई व्यवस्थापन गर्नु पार्टीका लागि कठिन र चुनौतीपूर्ण कार्य भएको स्मरण गराइएको छ । पार्टीले सबैको योग्यता, क्षमता, योगदान र आवश्यकतालाई मध्यनजर गरी सिट संख्याको सीमाभित्र रहेर उम्मेदवार चयन गरी मनोनयन गरेको र यसो गर्दा कैयन्
More

बाँदरमुढे घटना सशस्त्र द्वन्द्वको सबैभन्दा ठूलो गल्ती

काठमाडौं । नेकपा(माओवादी केन्द्र)का अध्यक्ष पुष्पकमल दाहालले माडीको बाँदरमुढे घटना सशस्त्र द्वन्द्वको समयको सबैभन्दा ठूलो गल्ती भएको बताउनुभएको छ । दिवाकर–तीर्थकुमार भुसाल स्मृति खुला भलिबल प्रतियोगिताको आज माडीमा उद्घाटन गर्दै उहाँले घटनाका दोषीलाई कारबाही गर्न त्यतिबेलै आफूले निर्देशन गरेर कारबाही गरिएको बताउनुभयो । बाँदरमुढे घटनाबाट माओवादी निकै आलोचित बनेको माडीसहितको क्षेत्र समेटिएको चितवन क्षेत्र नं ३ बाट प्रतिनिधिसभा सदस्यमा मनोनयन दर्तापछि माडी पुग्नुभएका अध्यक्ष दाहालले अब बन्ने सरकारले बाँदरमुढे पीडितलाई सम्बोधन गर्ने बताउनुभयो । उहाँले आफ्नो पूर्णकालीन राजनीति माडीबाटै शुरु गर्नुभएको थियो । घटनापछि दोस्रो पटक उहाँ माडी पुग्नुभएको हो । यसअघि २०६९ साल फागुन १७ गते माडी महोत्सव उद्घाटन
More

अध्यक्ष दाहालले शहिदलाई माल्यार्पण

नेकपा माओवादी केन्द्रका अध्यक्ष पुष्पकमल दाहाल दक्षिण चितवनको माडीस्थित बसन्तपुरमा रहेको शहिदको सालिकमा शनिबार माल्यार्पण गर्नुहुँदै । तस्बिर : नारायण ढुंगाना
More

जनसम्पर्क समिति बेल्जियमद्वारा सहयोग

चितवन । जनसम्पर्क समिति बेल्जियमले नवलपरासीको देवचुली नगरपलिका-१६ स्थित पहाडी क्षेत्रमा रहेको बाह्रकोल खानेपानी उपभोक्ता समितिलाई आर्थिक सहयोग गरेको छ । संस्थाका अध्यक्ष सिता सापकोटाले आज नेपाली कांग्रेसका महामन्त्री शशांक कोईराला मार्फत् समितिका अध्यक्ष बमबहादुर सिड्डंजालीलाई नगद एक लाखको चेक हस्तान्तरण गर्नुभएको हो । चेक हस्तान्तरण पश्चात कार्यक्रमलाई सम्बोधन गर्दै महामन्त्री कोईरालाले नवलपरासीलाई सम्मुन्नत र विकासका लागि आफ्नो पहल अझ अगाडी बढ्ने बताउनुभयो । नवलपरासी जिल्लालाई ४ नम्बर प्रदेशमा राख्न आफुले ठुलो भुमिका खेलेको बताउदैं आगामी ५ वर्षमा सो क्षेत्रमा ट्रमा सेन्टर, रिड्ड रोड लगायतको अवधारणा पुरा गर्ने प्रतिबद्धता समेत व्यक्त गर्नुभयो । खानेपानी ट्याड्डकी ममर्त तथा सरसफाईको लागि सो
More

प्रज्ञापारमिता सुत्र पहिलोपटक नेपालीमा अनुवाद

काठमाडौं । भगवान् बुद्धको अत्यन्त महत्वपूर्ण वचन ‘प्रज्ञापारमिता सुत्र’ लाई पहिलोपटक नेपालीमा अनुवाद गरिने भएको छ । बुद्धवचन अनुवाद समिति नेपालले सर्वसाधारण नेपाली बौद्ध धर्मावलम्बीको अध्ययन सहजताका लागि भोट भाषामा लिपिबद्ध गरिएको ‘प्रज्ञापारमिता सुत्र’ लाई नेपाली भाषामा ल्याउन लागिएको हो । यही कात्तिम २४ गतेदेखि शुरु गरिने अनुवाद करिब तीन वर्षभित्रमा सम्पन्न गर्ने लक्ष्य राखिएको ‘प्रज्ञापारमिता सुत्र’ मा एकलाख २८ हजार श्लोकसहितका तर्क छन् । शून्यताको ज्ञानलाई सहज तरिकाले बुझाउन यी तर्क प्रयोग गर्ने गरिन्छ । कुनै पनि चिजको स्वतन्त्र अस्तित्व छैन, वस्तुको अस्तित्व जोगाउन एक अर्कामा निर्भर हुनुपर्छ भन्ने सन्देश यसमा पाइन्छ । बौद्ध साहित्य तथा दर्शन अध्ययनका क्षेत्रमा
More

जिप दुर्घटनामा तीनको मृत्यु

बाजुरा । केआइसिंह गाउँपालिका वडा नं ३ देउरालीमा आज जिप दुर्घटना हुँदा तीनजनाको घटनास्थलमै मृत्यु भएको छ । केआइसिंह गाउँपालिका टिखातरबाट दिपायलका लागि छुटेको से१ज २०६५ नं को जिप दुर्घटनामा दुईजना पुरुष र एक महिलाको मृत्यु भएको जिल्ला प्रहरी कार्यालय डोटीले जनाएको छ । मृतकको सनाखत हुन सकेको छैन् । उद्धारका लागि प्रहरी टोली र भौतिक तथा यातायात मन्त्री वीरबहादुर बलायरसहितको टोली घटनास्थलतर्फ गएको छ । घटनाको पूर्ण विवरण आउन बाँकी छ ।
More

किशोरीलाई सामूहिक करणी गरेका दुई युवक पक्राउ

रौतहट । चन्द्रपुर नगरपालिकास्थित सुस्तःमनस्थितिकी एकजना किशोरीलाई बलात्कार गरेका स्थानीय दुई युवकलाई प्रहरीले पक्राउ गरेको छ । पक्राउ पर्नेमा चन्द्रपुर नगरपलिका–७ का १७ वर्षीयय श्रवन महतो र १७ वर्षीय विनोद महतो रहेको जिल्ला प्रहरी कार्यालय रौतहटका निमित्त प्रमुख रामकुमार दानीले जानकारी दिनुभयो । अभियुक्त दुवैउपर जबर्जस्ती करणी मुद्दा दर्ता गरिएको उहाँले जानकारी दिनुभयो । बिहीबार अपराह्न चन्द्रपुर चोकमा बसिरहेकी उक्त १६ वर्षीया किशोरीलाई अभियुक्तले ललाइफकाइ जंगलमा लगेर बलात्कार गरेको इलाका प्रहरी कार्यालय चन्द्रनिगाहपुरले जनाएको छ । पीडित किशोरीको मेडिकल जाँचपछि अभियुक्त दुवै जनालाई बिहीबार नै नियन्त्रणमा लिएको प्रहरीले जनाएको छ । बिहीबार साँझ ढिलोसम्म घर नफर्किदा आमाले खोज्दै जाँदा जंगल
More

वाम गठबन्धन घोषणापत्र : घरघरमा बिजुली जनजनमा शेयर

काठमाडौं । ‘घरघरमा बिजुली : जनजनमा शेयर’ भन्ने नाराका साथ वामपन्थी गठबन्धनले ऊर्जा क्षेत्रको विकासका लागि महत्वाकांक्षी योजनाका साथ आफ्नो चुनावी घोषणापत्र तयार गरेको छ । मुलुकलाई ऊर्जा उत्पादनमा आत्मनिर्भर बनाउने लक्ष्यका साथ गठबन्धनले सबै नागरिकलाई शेयरधनी बनाउने र लगानीका लागि आन्तरिक पूँजी परिचालन गर्ने कार्यक्रम तय गरेको छ । ‘नेपालको पानी जनताको लगानी’ भन्ने नारालाई व्यावहारिक रुपमा लागू गर्ने लक्ष्य राखेको घोषणापत्रमा आगामी पाँच वर्षमा सबै उत्पादन क्षेत्र, औद्योगिक क्षेत्र र सडकमा चौबिसै घण्टा पर्याप्त विद्युत् उपलब्ध गराइने लक्ष्य राखिएको छ । घोषणापत्रमा आगामी तीन वर्षमा काठमाडाँै उपत्यकाभित्र विद्युतीय सवारीसाधन मात्र उपयोग गर्ने, विभिन्न स्थानमा चार्जिङ स्टेशन खडा गर्ने
More

‘पत्रकार किशोर नेपाललाई खुल्लापत्र’

– दिवाकर बागचन्द किशोर नेपालको केहि दिनअघि प्रकाशित लेखले अमेरिकाको नेपाली डायस्पोराको चित्त दुखाएको थियो जुन स्वाभाविक हो। किशोर सर अमेरिका आउनुहुन्छ नेपालीहरूले निमन्त्रणा गरेको ठाउँमा गएर खानु हुन्छ, पिउनुहुन्छ अनि केहि समयपछि उनीहरुलाई नै गाली गरेर, उनीहरुलाई नै हेपेर लेख लेख्नुहुन्छ। उहाँको लेखमा कतिपय कुराले त हाँसो पनि उठायो। अमेरिकामा काम गर्ने नेपालीले “समयमा खाना खुवाउन सक्दैनन् रे”, नेपालीहरूको समस्या बुझेर सदभावना देखाउनु त कता हो कता, सित्तैमा खाना पाउनु नि छ, अझै त्यसमा पनि गुनासो। कति जनासँग क्रस पर्‍यो भन्ने किसिमको कुरा निकाल्नुभयो। यो बाट मलाई के लाग्यो भने किशोर सरको त्यो लेखमाथि रिसाउनुभन्दा पनि उहाँको बढ्दो उमेरले
More

उम्मेद्वारको बन्दसूचि

निर्वाचन आयोगले आगामी मंसिर १० र २१ गते दुई चरणमा हुने प्रतिनिधिसभा सदस्य तथा प्रदेशसभा सदस्य निर्वाचनका लागि समानुपातिक निर्वाचन प्रणालीतर्फ दलले पेश गरेको बन्दसूची आज सार्वजनिक गरेको छ। आयोगस्थित प्रतिनिधिसभा सदस्य तथा प्रदेशसभा सदस्य निर्वाचन प्रणालीको समानुपातिकतर्फको निर्वाचन अधिकृतकोे कार्यालयका अनुसार समानुपातिक निर्वाचनमा राजनीतिक दलबाट छ हजार ९४ उम्मेदवारको नाम समावेश भएको प्रारम्भिक विवरण रहेको छ। सार्वजनिक गरिएको बन्दसूचीअनुसार आदिवासी पुरूष ७८३, महिला ९३१ र अन्य एक, खस आर्य पुरूष ८६७ र महिला ९९७, थारू पुरूष १५८ र महिला २६२, दलित पुरूष ३४२ र महिला ४९६, मधेशी पुरूष ४५५ र महिला ५६३, मुस्लिम पुरूष ८१ र महिला १५७ उम्मेदवार
More

राजनीतिक छेपाराको रङ्ग

कार्तिक १८, २०७४-राजनीतिमा लाग्नेहरु सकभर पद र पहिचान गुमाउन चाहँदैनन् । कहिलेकाहीँ पदले पहिचान बनाउने गर्छ भने पहिचानले पद पनि खोज्ने गर्छ । राजनीतिक दलका शीर्षदेखि तल्लो स्तरका नेता तथा कार्यकर्तासम्म किन नहुन्, सबै पद र पहिचानलाई राजनीतिक प्रतिष्ठा बनाउने गर्छन् । राजनीतिक पहिचान हराइसकेका पूर्व सभामुख दमननाथ ढुंगाना २ दशकपछि प्रतिनिधिसभा चुनावमा प्रतिस्पर्धा गर्न आइपुगेका छन् । माओवादी छाडेदेखि नै राजनीतिक उचाइबाट झर्दै गरेका नयाँ शक्ति नेपालका संयोजक बाबुराम भट्टराई आफ्नो राजनीतिक पहिचान गुम्ने भयमा छन् । एमाले नेतृत्वको वाम गठबन्धनमा मिसिएर सूर्य चुनाव चिन्हबाटै उम्मेदवार हुने घोषणा गरेको केही दिनमै उनी उक्त गठबन्धनमा टिक्न सकेनन् । अहिले वाम
More

‘अनन्य गुणयुक्त काठमाडौं’

नारायण गाउँले । घरभित्रै बस्दा समेत मास्क लगाएर बस्नुपर्छ । बाहिर त धुलो र धुवाँले दिउसै अँध्यारो हुन्छ । धारोमा मुख धुन पुग्ने गरी पानी आउँदैन । ट्याङ्करको प्रदूषित पानी किनेर छाक चलाउनुपर्छ । सिङ्गो शहरमा कतै बाटो पिच छैन । सबैतिर सबैथोक भत्किएको-भत्काइएको छ । बन्दै र बनाइँदै गरेको दृश्य दुर्लभ छ । पब्लिक यातायात बिर्सनलायक छ । चढ्न सक्नु युद्ध जितेजस्तो हुन्छ भने टाउको उठाउनेसम्म ठाउँ नभएको र ४ जना पनि मुश्किलले अट्ने बाकसमा ८ जना कोचिएर हिँड्नु दैनिकीजस्तै छ । ३ किलोमिटर छिचोल्न एक घण्टा लाग्छ । पैदल हिँडौँ न त भन्यो सिङ्गो शहरमा कतै फुटपाथ छैन
More

परेवा जन्मने दिन

कविता एउटा सानो घरभित्र बाघ , भालु , स्याल ब्वाँसा ,गिद्द सबै गीत गाउँदै नाचिरहेछन् नर्तक नर्तकीजस्तै । घरको बाहिर पर्खालैनेर एउटा बुढा बाजे छट्पटाइरहेछन् भोक लाग्यो भन्दै , एक चन्द्र , सूर्य अंकित टालो फिँजाइरहेछन् । वरिपरी वाज डुलिरहेछ कतै आँखा गाडेर त्यही टालोलाई गुँड बनाउन , बाजेको बसोबास उठाउन । म बाको हात समातेर हेरिरहेथेँ र सोधेँ – बा ,याो केहो ? उत्तरमा बाले भन्नुभयो- -रमिता हो नानी रमिता । म भन्छु – बा गाउँको रमिता र शहरको रमिता फरक हुन्छ हो ? -हो बाबै हो , शहरको रमिता तैँले बुझ्दिनस् । धेरै दिन भयो यस्तो रमिता चलेको
More

नेपाल आइडल विजेताको पहिलो शो अल्डरशटमा सम्पन्न (फोटो फिचर)

लन्डन– वेलायतको बिभिन्न शहरमा प्रस्तुति लिन लण्डन आइपुगेको नेपाल आइडलको विजेता टोलीको पहिलो शो अल्डरशटमा सम्पन्न भएको छ । नेपाल आइडल बुद्ध लामासँगै अल्डरसटस्थित एम्पायर हलमा उत्रिएका फस्ट रनरअप निशान भट्टराई, सेकेन्ड रनरअप प्रताप दासका साथ टप टेन प्रमिला राईले आआफ्नो आकर्षक प्रस्तुति दिए । संसारा ग्रुप अन्तर्गत मनकामना मनी ट्रान्सफर मुख्य आयोजक र पोखरा ट्राभल तथा मुनटाज इन्टरनेशनलको संयुक्त आयोजनामा भएको कन्सर्टको उदघाटन बेलायतका लागि नेपाली राजदूत डा दुर्गाबहादुर सुवेदी,मनकामना रेमिटका प्रबन्ध निर्देशक राजाराम गिरी र तमुधीं यूकेका अध्यक्ष ज्ञाम गुरुङले गरेका थिए । नेपाल आइडल विजेताहरुको दोश्रो शो नोभेम्बर ४ मा फोकस्टन केन्टस्थित हकिन्ज कम्युनिटी सेन्टर, तेश्रो ५
More

जार र बोतलको पानी गुणस्तरहिन

सरकारी परीक्षणले काठमाडौंको नयाँबस्तीस्थित ‘जल प्योर ड्रिङकिङ वाटर’ प्रालिबाट उत्पादित जार र बोतलका पानी गुणस्तरहीन भएको देखायो । पानी गुणस्तरहीन पाइएपछि गत साउन १६ गते खाद्य प्रविधि तथा गुण नियन्त्रण विभागले कम्पनीविरुद्ध काठमाडौं जिल्ला प्रशासन कार्यालयमा मुद्दा दायर गरेको छ । उपभोक्ताले उजुरीका आधारमा अनुगमन गर्दा ब्याच नम्बर– ४ का अक्वा एक्सप्रेस ब्रान्डको पानीमा कैफियत भेटियो । पानीमा कैफियत भएपछि विभागले गत भदौ ११ गते महांकालस्थित पशुपति स्प्रिङ वाटर उद्योगमा सिलबन्दी गर्दै उत्पादन रोक्का राखेको छ । उपत्यकामा बिक्री हुने पिउने पानी अशुद्ध भएकै कारण बेलाबेला उपत्यकामा विभिन्न खाले रोग र संक्रमण समेत फैलने गरेका छन् । जनस्वास्थ्यमै असर गर्ने
More

खर्चिलो चुनाव भएपपछि हच्किए प्रभावशाली

कार्तिक १८, २०७४-चुनावमा प्रचारप्रसार र कार्यकर्ता परिचालन खर्चिलो हुँदै गएपछि प्रभावशाली नेताहरू नै प्रत्यक्षबाट उठ्न हच्किएका छन् । उनीहरू सकेसम्म समानुपातिकमा परेर आफ्नो राजनीतिक भविष्य सुरक्षित पार्ने कसरतमा छन् । कांग्रेसका सर्लाही सभापति नागेन्द्रकुमार राय र पूर्वसभापति लक्ष्मण रायले पनि यसपटक प्रत्यक्षमा लड्न रुचि देखाएनन् । उनीहरू समानुपातिकमा पारिएका छन् । संविधानसभा चुनावमा दुवै नेता प्रत्यक्षबाट लडेका थिए । एमाले पूर्वजिल्ला उपाध्यक्ष राजनारायण साह पनि यसपटक समानुपातिक सिफारिसमा छन् । उनी संविधानसभा चुनावमा दुईपटक प्रत्यक्षबाट उठेका थिए । चुनाव खर्चिलो हुँदै गएपछि धेरै खर्च गर्न नसक्ने नेताले समानुपातिक रोजेका हुन् । यसले गर्दा दलहरूलाई संघीय र प्रदेश चुनावमा प्रभावकारी उम्मेदवार
More

नारी निकुञ्ज अष्ट्रेलियाद्वारा नैकापको विशेष विद्यालयलाई सहयोग

होमप्रसाद लम्साल । काठमाडौं— अष्ट्रेलियाको सिड्नीमा व्यपार व्यवसाय गर्दै आएका गैर आवासिय नेपाली संघ ओसेनिया क्षेत्रका निवर्तमान संयोजक महेन्द्रकुमार लम्सालले सिर्जनशिल अपांग पुर्नस्थापना तथा विशेष शिक्षा विद्यालय नैकापका लागि एक लाख नेपाली रुपैयाँ सहयोग गरेका छन्। लम्सालले गैरआवासिय नेपाली संघको आठौं विश्व सम्मेलनका क्रममा सचिवमा उम्मेदवारी दिने तयारी गरे पनि अन्तिममा सहमतिका लागि भन्दै उम्मेदवारी दर्ता नगरेकाले बचेको रकम एक लाख रुपैयाँ अष्ट्रेलियामा सक्रिय संस्था नारी निकुञ्जमार्फत् सो विद्यालयलाई दिइएको हो। संस्थाका प्रमुख दुर्गा थापाले संस्थालाई उपलब्ध गराइएको सहयोगले संस्थामा आश्रित बालबालिकाहरुका लागि ठुलो मद्दत पुगेको बताइन्। पछिल्लो दिनमा संस्था सञ्चालनका लागि आर्थिक अभाव रहकोले मनकारी सहयोग दाताहरुका लागि सहयोग
More

एनआरएन महिला फोरम दक्ष जनशक्ति उत्पादन गर्न सकृय

गैरआवासीय नेपाली संघ महिला फोरम र एफविनले आयोजना गरेको दक्ष सिलाई सम्बन्धि दोश्रो सीप मुलक तालिमको उद्घाटन कार्यक्रम सम्पन्न भएको छ । सीपमुलक तालीम कार्यक्रम नोभेम्बर १ देखी एक महिनाको लागि संचालन हुनेछ । नमूना अफ टेक्नोलोजी कलेजको सहयोगार्थ काठमाण्डौ, ललितपुर, भक्तपुर, काभ्रे, रामेछाप र सुनसरी जिल्लाका २० जना महिलाहरुलाई सिलाई सम्बन्धि दक्ष तालिम संचालन गरिने छ । यस उद्घाटन कार्यक्रममा गैरआवासीय नेपाली संघका उपाध्यक्ष सपिला राजभण्डारी, महिला संयोजक रजनी प्रधान, ओसेनियाका महिला उपक्षेत्रीय संयोजक प्रीति शर्मा, एशिया प्रशान्तका महिला उपक्षेत्रीय संयोजक जुनु गुरुङ्ग, अमेरिकाका गैरआवासीय नेपाली अनुष्का भट्ट, एफविनका महासचिव दर्शना श्रेष्ठ, परियोजना संयोजक तथा सचिव सुनिता वैद्य, नमूना
More