Daily Archives 6th November 2017

म्यादी प्रहरीको तालीम

आगामी मंसिर १० गते हुन गइरहेको पहिलो चरणकोे प्रतिनिधिसभा र प्रदेशसभा सदस्य निर्वाचनको लागि म्याग्दीको बेनीस्थित खुल्ला मञ्चमा अभ्यास गर्दै म्यादी प्रहरी । तस्बिरः सन्तोष गौतम
More

बजगाईंद्वारा चुनाव प्रचारमा हेलिकोप्टर प्रयोग, बाम गठबन्धनको उजुरी

गोरखा । नेपाली कांग्रेसका तर्फबाट गोरखा निर्वाचन क्षेत्र नम्बर–१ को प्रदेशसभा सदस्यका लागि उम्मेदवार बनेका राजेन्द्र बजगाइँले चुनाव प्रचारमा हेलिकोप्टर प्रयोग गरेका छन् । आचारसंहिता उल्लंघन गरेर हेलिकोप्टर प्रयोग गर्ने बजगाई पहिलो उम्मेदवार हुन् । सोमबार काठमाडौंबाट ‘हाइ अल्टिच्युट’ हेलिकोप्टर चार्टर गरेर राजेन्द्र बजगाइँ र कांग्रेसका समानुपातिक उम्मेदवार हरिबहादुर घले गोरखाको दुर्गम गाउँपालिका चुमनुब्री गएका हुन् । हेलिकोप्टर लिएर सीधै गाउँमा पुगेका उनीहरुले सो गाउँपालिकाका वडा–वडामा पुगेर मत मागेका थिए । हेलिकोप्टर प्रयोग गर्नुअघि निर्वाचन आयोगबाट अनुमति लिनुपर्नेमा बजगाइँले आफूखुसी हेलिकोप्टर प्रयोग गरेको बुझिएको छ । बजगाइँविरुद्ध बाम गठबन्धनले मुख्य निर्वाचन अधिकृतको कार्यालय गोरखामा उजुरी दिएका छन् ।
More

राजसंस्था र कार्यकारी प्रधानमन्त्रीका पक्षमा राप्रपा

काठमाडौं । राष्ट्रिय प्रजातन्त्र पार्टीले संवैधानिक राजसंस्था र जनताबाट प्रत्यक्ष निर्वाचित प्रधानमन्त्रीको व्यवस्था हुनुपर्ने विषयलाई चुनावी घोषणापत्रमा समावेश गरेको छ । उक्त घोषणापत्रमा राष्ट्रनिर्माता पृथ्वीनारायण शाहको जन्मदिनको स्मरणमा पुस २७ गते राष्ट्रिय एकता दिवस मनाउने र नेपाली परिवेश सुहाउँदो मौलिक प्रजातन्त्र कायम गर्ने विषयलाई समेत समेटिएको प्रवक्ता भुवन पाठकले जानकारी दिनुभयो । मुलुकमा सनातन धर्मसापेक्ष हिन्दूराष्ट्र कायम गरी सम्पूर्ण धर्मबीच समानता र पूर्ण धार्मिक स्वतन्त्रता कायम गरिने तथा आर्थिक वृद्धिदरमाथि लैजान १५ वर्षभित्र पर्याप्त रोजगारी सिर्जना गरी वैदेशिक रोजगारमा जाने जनशक्तिको अन्त्य गरिने घोषणा पत्रमा उल्लेख छ । यसैगरी घोषणा पत्रमा वीर–अस्पताल सरहका अस्पताल नयाँ संरचनाअनुसार सातै प्रदेशमा स्थापना गरिने,
More

पुलचोक वचत तथा ऋण सहकारीको साधरणसभा सम्पन्न

चितवन । नारायणगढमा रहेको पुल्चोक बचत तथा ऋण सहकारी संस्थाको सोमबार पाँचौं वार्षिक साधरणसभा सम्पन्न भयो । भरतपुर–४ लंकुमा भएको साधरणसभाको उद्घाटन सहकारी प्रशिक्षण तथा डिभिजन कार्यालय भरतपुरका निमित्त प्राचार्य रामभक्त रानाभाटले गरे । सहकारी ऐन आइसकेकोले अवका दिनमा सहकारीलाई काम गर्न सहज हुने रानाभाटले बताए । उनले भने, ‘व्यवसायका साथसाथै दैनिक कार्य सञ्चालनमा पनि सहकारीको भुमिका उल्लेखनीय रहन्छ । सहकारीसँग सम्बन्धित विभिन्न तालिमका लागि सहकारी डिभिजन सहयोग गर्ने उनले बताए । कार्यक्रममा जिल्ला सहकारी संघ चितवनका सहसचिव केशवप्रसाद रेग्मीले पछिल्लो समयमा छोरीको भ्रुण हत्याका घटना चितवनमा बढ्न थालेको भन्दै सहकारीले सामाजिक सरोकारका विषयमा पनि अभियान थाल्नुपर्ने विचार राखे ।
More

४४ हजारलाई निर्वाचन पर्यवेक्षणको अनुमति

काठमाडौं । निर्वाचन आयोगले आगामी मंसिरमा हुने प्रतिनिधिसभा र प्रदेशसभा सदस्य निर्वाचनको पर्यवेक्षण गर्न स्वदेशी ५२ र विदेशी चार संस्थालाई अनुमति दिएको छ । आयोगका अनुसार पर्यवेक्षणका लागि स्वदेशी संस्थाका ४४ हजार १४२ जनालाई पर्यवेक्षण गर्नका लागि अनुमति प्रदान गरिएको हो । राष्ट्रिय निर्वाचन पर्यवेक्षण समिति (नियोक)ले सबैभन्दा धेरै १० हजार तथा सिर्जनशील एकीकृत दिगो विकास समाज लैनचौर सबैभन्दा कम २० पर्यवेक्षक खटाउन अनुमति पाएका छन् । पर्यवेक्षकलाई लामो र छोटो अवधिका लागि अनुमति प्रदान गरिएको छ । लामो अवधिको अनुमति पाउनेले एउटा प्रदेश र छोटो अवधिको अनुमति पाउनेले एउटा जिल्लाको पर्यवेक्षण गर्न पाउने व्यवस्था गरिएको आयोगले जनाएको छ ।
More

२५ बर्षमा नभएको विकास चार बर्षमा भएको छ: उदय राणा

ललितपुर । अर्थराज्य मन्त्री उदय शम्शेर राणाले दुर्इ बर्षभित्र कान्ति लोकपथ निर्माण सम्पन्न हुने बताएका छन्। सोमबार ललितपुरको लेलेमा आयोजित कार्यक्रममा अर्थराज्यमन्त्री राणाले कान्तिलोकपथको निर्माणपछि ललितपुरको विकासमा कायापलट हुने दावी गरे। नेपाली कांग्रेसका तर्फबाट ललितपुर क्षेत्र नं १ का प्रतिनिधि सभा उम्मेदवारसमेत रहेका राणाले काठमाडौंका लागि कान्तिलोकपथ लार्इभलार्इनसमेत बन्ने बताए। उनले दक्षिण ललितपुरका जनताको समृद्धिका लागि कान्तिलोकपथ कोशेढुंगा सावित हुने बताए। उनले भने, कान्तिलोकपथ निर्माण सम्पन्न भएपछि अहिले नल्ल् चितवनको नारायणगढजस्तै प्रमुख शहरका रुपमा स्थापित हुनेछ।’ उनले कान्तिलोकपथ निर्माणसंगै टिकाभैरवदेखि काभ्रे जोड्ने सडक खोलिने बताए। ललितपुरको विकास नै आफ्नो चुनावी एजेण्डा भएको उल्लेख गर्दै राणाले भने, ‘यतिबेला केही साथीहरु विभिन्न
More

काठमाडौं उपत्यकामा दिउँसै मापसे जाँच

काठमाडौं । तपाईं दिउँसै मादकपदार्थ सेवन गरी कतै सवारीसाधन चलाउँदै त हुनुहुन्न ? चलाएको भए अब नचलाउनुहोस्, नत्र कारबाहीमा पर्नुहोला । महानगरीय ट्राफिक प्रहरी महाशाखाले काठमाडौँ उपत्यकामा दिउँसो मापसे गरी सवारी चलाउने चालकमाथि कारबाही थालेको छ । राति ८ देखि ११ बजेसम्म मापसे गर्नेमाथि कारबाही गर्दै आएको ट्राफिक प्रहरीले केही दिनयता दिउँसोसमेत जाँच गर्न शुरु गरेको हो । महाशाखाका प्रवक्ता उमेश रञ्जितकारले ट्राफिक प्रहरीको राति एकै समय मापसे जाँच गर्दा चालकले छल्नका लागि दिउँसै मादकपदार्थ सेवन गरेर सवारीसाधन चलाउन थालेपछि दिउँसै जाँच गर्न शुरु गरिएको बताउनुभयो । “सडकमा गुडिरहेका सवारीसाधनलाई बाधा नपर्ने गरी क्रमशः दुई चारवटा सवारीसाधनलाई सडकको किनारामा ल्याएर
More

निर्वाचन प्रत्यासीका न्यूनतम् खर्च साढे १० अर्ब

काठमाडौं । आगामी मंसिर १० र २१ गते हुने निर्वाचनमा प्रतिनिधिसभा तथा प्रदेशसभामा उम्मेदवारी दिएका पाँच हजार २९३ प्रत्यक्ष र समानुपातिकतर्फ ६ हजार ९४ उम्मेदवारले अर्बौं खर्च गर्ने देखिएको हो । निर्वाचन आयोगले गर्ने खर्चबाहेक उम्मेदवारहरुको कुल खर्च रु साढे १० अर्बभन्दा बढी हुने देखिएको छ । यत्रो ठूलो रकम गाउँगाउँमा पुग्नेछ तर, उत्पादन वृद्धिका लागि होइन, मात्र निर्वाचन प्रयोजनका लागि । प्रतिनिधिसभाको निर्वाचनअन्तर्गत् १६५ पदका लागि पहिलो हुने निर्वाचित हुने प्रणालीमा पहिलो चरणमा ३८२ र दोस्रो चरणका लागि एक हजार ६६२ गरी जम्मा दुई हजार ४४ जनाले उम्मेदवारी दिएका छन् । निर्वाचन आयोगले तोकेअनुसार प्रतिउम्मेदवारले रु २५ लाख खर्च
More

महारानी एलिजावेथसहित कैयौँ धनाढ्यद्वारा कर छलीमा

बेलायत । ठूलो संख्यामा चुहाइएका दस्तावेजहरुले बेलायतकी महारानी एलिजावेथको निजी सम्पत्तिसहित कैयौँ अति धनाढ्यहरुको ठूलो रकम कर छलीका लागि ‘अफसोर’ कम्पनीहरुमा लगानी गरिएको खुलासा गरेको छ । करको दायित्वबाट जोगिन स्थापना गरिएको एउटा अग्रणी ‘अफसोर’ कम्पनीसँग सम्बन्धित प्याराडाइज पेपर्स नाम दिइएका दस्तावेजहरुमा कर छली सम्वन्धी विवरण सार्वजनिक भएका हुन । चुहाइएका दस्तावेजहरुले महारानी एलिजावेथको एक करोड पाउण्ड निजी रकम ’ब्रिटिश ओभरसिज टेरिटोरिज’ भनिने बेलायत बाहिरका भूभागमा रहेका ‘अफसोर’ कम्पनीहरुमा लगानी गरिएको देखाएको हो । तर बेलायती दरबारका अधिकारीहरुले उक्त रकम लगानी गर्ने निर्णयमा महारानीको संलग्नता नरहेको बताएका छन् । अमेरिकी राष्ट्रपति डोनल्ड ट्रम्पका वाणिज्य मन्त्रीको लगानी रहेको एउटा कम्पनीले अमेरिकी
More

पूर्वराष्ट्रपति यादव बस्दै आएको घर खाली गर्न घरधनीद्वारा सार्वजनिक सूचना

ललितपुर । पूर्व राष्ट्रपति डाक्टर रामवरण यादब बस्दै आएको ललितपुर बागडोलस्थित घर खाली गर्न घरधनीले सार्वजनिक सूचना प्रकाशित गरेका छन् । राष्ट्रपति कार्यालय र पूर्व राष्ट्रपतिले आफ्नो घरको घरबहाल सम्झौता नवीकरण नगरेको जनाउँदै घरधनी रविभक्त विष्टले घर खाली गर्न आजको पत्रिकामा सूचना प्रकाशित गरेका हुन् । सूचनामा ललितपुर महानगरपालिका चार बागडोलस्थित पूर्व राष्ट्रपति यादव बस्दै आएको घरको घरबहाल सम्झौता नवीकरण नगरेकाले पन्ध्र दिनभित्र घर खाली गराउन भनिएको छ । घरधनीले सूचनामा पन्ध्र दिनभित्र हालसम्मको बहाल र बिजुली महसुल भुक्तानी गरी घर खाली नगरे कानुनी कारबाहीतिर अघि बढ्ने पनि बताएका छन् । सुचनामा उल्लेख भए अनुसार गत साउन १ गतेदेखि राष्ट्रपति
More