Daily Archives 26th November 2017

मिस यूके नेपाल सुन्दरी च्यारिटी (फोटो फिचर)

लन्डन । ‘मिस यूके नेपाल २०१७’ टिमले शनिबार लन्डनमा एक च्यारिटी इभेन्ट गरेको छ । नर्थहोल्ट पार्क सोसियल क्लवमा ‘ब्युटी वीथ अ परपोज’ नामक च्यारिटी कार्यक्रम भएको हो । इभेन्टस एण्ड आइडियाज प्रोडक्सनले वर्षेनी आयोजना गर्ने मिस यूके नेपाल समूहले वार्षिक रुपमा एउटा च्यारिटी गर्ने परम्परा अनुरुप यो ६ औं पटक हो । कार्यक्रममा ‘मिस यूके नेपाल २०१७’ का आठै जना प्रतिष्पर्धी सहभागी थिए । बेलायतका लागि नेपाली राजदूत डा. दुर्गाबहादुर सुवेदीको प्रमुख आतिथ्यमा सम्पन्न उक्त च्यारिटीमा मिस यूके नेपाल २०१७ सिर्जना गुरुङले सहयोगदाता सबैप्रति आभार व्यक्त गर्दै नेपालमा दृष्टिविहीनहरुका लागि कार्यरत संस्था ‘ब्लाइन्ड रक्स’ को सहयोगार्थ च्यारिटी कार्यक्रम गरिएको
More

दलाई लामाको अभिव्यक्तिप्रति बुद्ध फाउण्डेसन यूकेको आपत्ति

लन्डन– आध्यात्मिक नेता दलाई लामाको अभिव्यक्तिप्रति बुद्ध फाउण्डेसनले आपत्ति जनाएको छ । फाउण्डेसनले भारतमा हालै दिएको एउटा विवादास्पद अभिव्यक्ति सच्याउँदै माफी माग्न आग्रह गरेको छ । बुद्ध फाउन्डेशन युकेका अध्यक्ष दीपक श्रेष्ठ र महासचिव गणेश खड्काले शुक्रबार विज्ञप्ति जारी गर्दै दलाई लामाले ‘गौतम बुद्ध भारतीय हुन्’भनेर दिएको अभिव्यक्तिप्रति कडा भर्त्सना गर्दै लामालाई आममाफी माग्न आग्रह गरेको छ । लुम्बिनी गौतम बुद्धको जन्मस्थल भएकोबारे संयुक्त राष्ट्रसंघीय निकाय ‘युनेस्को’ले मान्यता दिइसकेको अवस्थामा लामाको अभिव्यक्तिले करोडौं नेपालीको भावनामा आघात पुगेको उल्लेख गर्दै विज्ञप्तीमा बुद्धको जन्मस्थलबारे भ्रम फैलाउन मद्दत पुगेकाले सच्याउन आग्रह गरिएको छ । गत अक्टोबर १६, २०१७ का दिन भारतको उत्तर प्रदेशमा
More

के साँच्चै कम्युनिस्ट अधिनायकवाद आउँछ त ?

नारायण गाउँले । अहिलेको बाम एकताले लोकतन्त्रलाई खतरा छ या कम्युनिस्ट अधिनायकवादको उदय हुनसक्छ भन्ने कांग्रेसको दाबी चुनाबी समीकरणले निम्तिन सक्ने सम्भावित पराजयको डर र निराशाको अभिव्यक्ति होला, तर यो पूर्णतः निराधार आरोप भने होइन । यसमा मुख्यतः दुई कारण छन् । १. कम्युनिज्म र लोकतन्त्र पर्यायवाची शब्द होइनन् । लोकतन्त्रले बहुलवाद, बहुदलीय प्रजातन्त्र र चुनाबमा विश्वास गर्छ भने कम्युनिज्मले एक दलीय अधिनायकवादी शासनमा । सेनादेखि अदालत र मिडियासम्म सबै पार्टीको अधीनस्थ रहनुपर्ने कम्युनिज्मको मान्यता र अभ्यास छ । नेपालमैं पनि माओवादीले जनसत्ता, जनअदालत, जनसेना आदि स्वरूपमा राज्यका हरेक अङ्गलाई पार्टीको नियन्त्रणमा राख्ने अभ्यास गरेको थियो । कम्युनिस्ट शाशन व्यवस्था
More

‘प्रदेश संरचना निर्माणकालागि मात्रै नौ अर्ब’

लण्डन । राष्ट्रिय योजना आयोगका पूर्व उपाध्यक्ष तथा योजनाविद् प्रा. पिताम्बर शर्माले नेपालमा सातवटा प्रदेशहरुका संरचना निर्माणकालागि मात्रै झण्डै नौ अर्ब खर्च हुनसक्ने बताएका छन्। बिहीबार बेलायत-नेपाल प्रज्ञा परिषदद्वारा लण्डनमा आयोजित १५ औं वार्षिक नेपाल प्रवचन दिंदै प्रा. शर्माले संघीयताले नेपालका लागि चुनौती र अवसर दुबै उपस्थित गरीदिएको तर विगतको जस्तो सोचाइ र कार्यशैलीले संघीयता कार्यान्वयन हुन नसक्ने बताए। लण्डनको स्कुल अफ ओरियण्टल एण्ड अफ्रिकन स्टडीज (सोआस) मा आयोजित कार्यक्रममा बोल्दै प्रा शर्माले नेपालमा प्रदेशहरुलाई राजनीतिक इकाईभन्दा पनि विकास र योजना निर्माणमा नेतृत्व तथा संयोजन गर्ने इकाईको रुपमा परिकल्पना गरिएको तर प्रदेशको नेतृत्व कसरी अगाडि बढ्छ त्यसमा धेरै कुरा निर्भर
More

सफलतापूर्वक निर्वाचन सम्पन्न भएको प्रारम्भिक निष्कर्ष

काठमाडौं । पहिलो चरणअन्तर्गत आज ३२ जिल्लामा भएको प्रतिनिधिसभा र प्रदेशसभा सदस्य निर्वाचन केही अपवादलाई छोडेर शान्तिपूर्णरुपमा सम्पन्न भएको छ । मानवअधिकार तथा शान्ति समाजले गरेको निर्वाचन पर्यवेक्षणमा यस्तो देखिएको महासचिव उत्तम पुडासैनीले राससलाई जानकारी दिनुभयो । समाजले ओखलढुंगा, खोटाङ, कालीकोट, दैलेखलगायत २२ जिल्लामा पर्यवेक्षण गरेका थिए । प्रारम्भिक सूचनाअनुसार निर्वाचन बिथोल्न केही कोणबाट हिंसात्मक प्रयास भए पनि मतदान प्रक्रियामा मतदाता उत्साहप्रद तवरले सहभागी भएको जनाएको छ । हिमाली क्षेत्रमा बढ्दो चिसोका कारण मतदानमा केही असर परेको र निर्वाचनका लागि उपयुक्त नभएको हुँदा त्यसतर्फ आगामी दिनमा ध्यान दिनु जरुरी रहेको उहाँले बताउनुभयो । आचारसंहिताको पालनाका सन्दर्भमा उम्मेदवारले नै सीमा नाघेर
More

निर्वाचनको अवधीभर १० स्थानमा बम

काठमाडौं । प्रहरी प्रधान कार्यालयका अनुसार निर्वाचनको अवधीभर देशभर विभन्न १० स्थानमा बम भेटिएका थिए । भेटिएकामध्ये अधिकांश बम नक्कली भएको र त्रास फैलाउन मात्रै बमको हल्ला फैलाइएको प्रहरी प्रवक्ता मनोज न्यौपानेले बताए । प्रवक्ता न्यौपानेले निर्वाचन शान्तीपूर्णरुपमा सम्पन्न भएको बताए । कहाँकहाँ भेटिए बम जाजरकोट : त्रिवेणी नलगाड नगरपालिका–७ गुनाभिर नजिकै सडकमा वाइबि नामक बट्टामा रातो कालो टेपले बाँधेको रातो बत्ती बलिरहेको अवस्थामा । नुवाकोट : ककनी गाउँपालिका–२ स्थित काउलेमा प्रेसरकुकर बम । दार्चुला : महाकाली नगरपालिका–४ खलंगा नजिक सडक छेउमा कागजभित्र गोलो आकारको बम जस्तो देखिने शंकास्पद बस्तु । रुपन्देही : बुटवल उपमहानगरपालिका–१० स्थित जंगलमा सुतली धागोले बेरेको
More

प्रहरी जवानमाथि गोली हान्ने को हो ?

लहान । अज्ञात समूहले आज दिउँसो सिरहाको निरदनामा चलाएको गोली लागेर एक प्रहरी जवान र एक म्यादी प्रहरीसहित दुई जना घाइते भएका छन् । सवारी चेकजाँचका क्रममा मोटरसाइकलमा आएका दुई जनाका समूहले चलाएको गोली लागेर जितना प्रहरी चौकीमा कार्यरत प्रहरी जवान मागेराम यादव र म्यादी प्रहरी आदर्श यादव घाइते भएका हुन् । प्रहरी जवान यादवको पेट र म्यादी प्रहरीको कोखमा गोली लागेको जिल्ला प्रहरी कार्यालय सिरहाका प्रहरी नायब उपरीक्षक राजेन्द्र भेटवालले जानकारी दिनुभयो । घाइते दुवै जनालाई उपचारका लागि धरानस्थित बिपी कोइराला स्वास्थ्य विज्ञान प्रतिष्ठानमा पठाइएको उहाँले जानकारी दिनुभयो । गोली कस्ले र किन चलाएको भन्ने पुष्टि नभएको र गोली
More

नाकाबन्दी हुँदा पनि कतारमा तीव्र आर्थिक बृद्धि

दोहा । कतारको आर्थिक बृद्धिदर तिव्र गतिले भइरहेको कतारको केन्द्रीय बैंकका गभर्नरले बताउनु भएको छ । गभर्नर सेख अब्दुल्लाह विन साउड अल थानीले खाडी सहयोग परिषद् (जिसीसी) मा पर्ने देशहरु मध्ये पनि कतारमा सवै भन्दा धेरै आर्थिक बृद्धि भईरहेको जानकारी दिनुभयो । उहाँलाई उद्धृत गर्दै कतार समाचार संस्थाले कतारका छिमेकी देशहरुले नाकाबन्दी गरिरहेका बेलामा पनि तिब्र आर्थिक बृद्धि भईरहेको समाचार संप्रेषण गरेको छ । समाचारमा जनाईए अनुसार कतारले नाकाबन्दीपछि पनि आर्थिक अवस्था खस्कन नदिन सतर्कता अप्नाएकाले बृद्धिदर तिब्र भएको हो । कतारले सन् २०१७ मा २.५ प्रतिशत कुल ग्राहस्थ उत्पादन हुने प्रक्षेपण गरेको केन्द्रीय बैंकले जनाएको छ । गभर्नर अल
More

राष्ट्रपति भण्डारीलाई चुलाचुलीमा स्वागत

इलामको चुलाचुली गाउँपालिका – १ कमलमा रहेको फाल्गुनन्द लाफयङ बहुभाषिक पाठशालाको दोस्रो वार्षिकोत्सवमा सहभागी हुनु भएकी राष्ट्रपति विद्यादेवी भण्डारीलाई स्वागत गरिँदै । तस्बिर: प्रकाश सिलवाल
More

मुलुकभर ६५ प्रतिशत मतदान

काठमाडौं । पहिलो चरणमा आज भएको प्रतिनिधिसभा प्रदेशसभा निर्वाचनमा औषत ६५ प्रतिशत मतदान भएको छ । निर्वाचन आयोगका अनुसार पहिलो चरणमा भएको निर्वाचनमा मुलुकभर ६५ प्रतिशत मत खसेको छ । बाजुरामा सबैभन्दा बढी ८० प्रतिशत मतदाताले मतदान गर्नुभएको आयोगले जनाएको छ । मुलुकभरबाट मतदानको विस्तृत विवरण आउने क्रम जारी रहेको छ । उच्च पहाडी र हिमाली ३२ जिल्लामा आज पहिलो चरणको निर्वाचन भएको हो भने बाँकी ४५ जिल्लामा मंसिर २१ गते निर्वाचन हुँदैछ ।
More