Daily Archives 4th January 2018

जतिसक्दो चाँडो महासमिति बैठक बोलाऊ : गगन थापा

दमक । नेपाली काँग्रेसका केन्द्रीय सदस्य तथा पूर्वमन्त्री गगन थापाले काँग्रेस नेतृत्वको वर्तमान सरकार जति सक्दो चाँडो नयाँ सरकार निर्माण गर्न चाहेको बताउनुभएको छ । झापाको दमकमा आज पत्रकारसँग कुराकानी गर्दै उहाँले भन्नुभयो– “काँग्रेसले जतिसक्दो चाँडो नयाँ सरकार निर्माण होस् भन्ने पक्षमा भए पनि कानुनी प्रक्रियाले गर्दा केही विलम्ब देखिएको छ ।” नेता थापाले संघीय संसदमा ३३ प्रतिशत महिला हुनुपर्ने कानुनी बाध्यताका कारण राष्ट्रियसभाको निर्वाचन नभई नयाँ सरकार गठन नहुने भएकाले केही ढिलाइ हुन पुगेको हो भन्दै कानुनी प्रक्रिया नै नबुझी निर्वाचन आयोगलाई गाली गर्नुको कुनै तुक नहुने बताउनुभयो । “कानुनी प्रक्रिया पूरा गरेर जतिसक्दो चाँडो नयाँ सरकार गठन गर्न
More

उद्घाटन समारोह

नेपाल आर्थिक पत्रकार समाज (सेजन) द्वारा बिहीबार काठमाडौँमा आयोजित नेपाल श्रमिक आपूर्तिकर्ता संघको उद्घाटन समारोहमा सहभागी हुनुहुँदै श्रम तथा रोजगार मन्त्री फर्मुल्लाह मंसुर लगायत । तस्बिर : नवीन पौडेल
More

जनअभिमतको कदर गर्न राष्ट्रपतिद्वारा निर्वाचन आयोगलाई सुझाव

काठमाडौं । राष्ट्रपति विद्यादेवी भण्डारीसँग निर्वाचन आयोगका प्रमुख निर्वाचन आयुक्त र आयुक्तहरूले भेटवार्ता गर्नुभएको छ । राष्ट्रपति भवन शीतल निवासमा आज भएको भेटवार्तामा राष्ट्रपति भण्डारीले प्रदेशसभा तथा प्रतिनिधिसभा सदस्य निर्वाचन स्वच्छ, स्वतन्त्र र विश्वसनीयरूपमा सम्पन्न गराउन आयोगले गरेको कार्यको प्रशंसा गर्दै बधाई दिनुभएको आयोगले जनाएको छ । राष्ट्रपति भण्डारीले जनअभिमतलाई कदर गर्दै नयाँ सरकार गठनका लागि मार्ग प्रशस्त गर्न निर्वाचनको मत परिणाम संविधान र प्रचलित कानूनको मर्म र भावनाअनुसार समयमै सम्बन्धित निकायमा पेश गर्नु उपयुक्त हुने सुझाव पनि दिनुभएको थियो । साथै राष्ट्रपतिले प्रदेश प्रमुखको नियुक्ति नभइसकेको अवस्थामा प्रदेशसभाका सदस्य निर्वाचित भएको विवरण बुझाउन तथा शपथ ग्रहण गराउने सम्बन्धमा पनि
More

घनले हानी सँगै सुतेका दुई साथीको हत्या

पोखरा । पोखरा लेखनाथ महानगरपालिका–१८, सराङकोटस्थित निर्माणाधिन माउन्टेन रिसोर्ट एण्डा स्पा भवनमा गत आइतबार गरिएको दुईजनाको हत्या सँगै सुतेको साथीले गरेको पुष्टि भएको छ । मोबाइल चोरको दोष लगाएपछि धनकुटाको छथर जोरपाटी गाउँपालिका घर भई सो रिसोर्टमा काम गर्ने मजदुर पूर्णबहादुर लिम्बूले घनले हान्दा दुईजनाको मृत्यु भएको र एकजना गम्भीर घाइते भएको जिल्ला प्रहरी कार्यालयमा आज आयोजित पत्रकार सम्मेलनमा जानकारी दिइयो । चारजना खाना खाएर संगै सुतेकोमा चोरको आरोप लगाएको रिसको झोँकमा घनले हान्दा भोजपुर षडानन्द नगरपालिकाका १९ वर्षीय निमा शेर्पा र ३७ वर्षीय आङलाक्पा शेर्पाको घटनास्थलमा मृत्यु भएको र अर्का साथी २७ वर्षीय आङदावा शेर्पा गम्भीर घाइते भएका थिए
More

लण्डनमा नयाँ वर्षलाई स्वागत गरे युवाहरुले

लण्डन । नयाँ वर्ष सन् २०१८ को अवसरमा नेप्लीज युथ नेटवर्क (एनवाइएन) ले दक्षिण पूर्वी लण्डनमा एक कार्यक्रमको आयोजना गरेको छ। सोसाइटी अफ नेप्लीज प्रोफेसनल्स युके (एसएनपी युके) को सहयोगमा सेन्ट माइकेल्स कम्युनिटी सेन्टर वेलिङमा गत शनिबार आयोजित कार्यक्रमको मुख्य उद्देश्य बेलायतमा बसोबास गरिरहेका नेपाली युवाहरुलाई सांस्कृतिक तथा सामाजिक गतिविधिहरुमा संलग्न गरी उनीहरुको व्यक्तित्व विकासमा सघाउनु रहेको थियो। सो अवसरमा आयोजित हाजिरीजवाफ प्रतियोगिता, गायन, नृत्य, वाद्य वादन तथा खेलकुद लगायतका कार्यक्रममा किशोरकिशोरी तथा बालबालिकाले उत्साहका साथ भाग लिएका थिए। झण्डै सात घन्टा चलेको रमाइलो कार्यक्रमको सन्चालन नेप्लीज युथ नेटवर्ककी संयोजक निकिता खरेल, सम्राट कोइराला, अपेक्षा न्यौपाने र श्रीकृत वाग्लेले गरेका
More

अमेरिका ब्वाईजको सुटिङ मै सकियो २ करोड

काठमाडौं । महंगो बजेटमा निर्माण गरिएको चलचित्र ‘अमेरिका ब्वाईज’ को इन्डक्ल्याप गरिएको छ । निर्माण यूनिटले सुटिङ मै २ करोड खर्च भएको जनाएको छ । झापा र काठमाण्डौंमा छायांकन गरिएको चलचित्र ६० दिन लगाएर सुट गरिएको हो । फिल्मका कार्यकारी निर्माता प्रकाश भूजेलले कथावस्तु अनुरुप सुट गर्दा २ करोड बजेट पुग्न गएको बताए । बड्डी इन्टरटेन्मेन्ट र सिबर्ड पिक्चर्सको प्रस्तुतिमा प्रवेश पौडेल निर्देशित फिल्मले वैदेशिक रोजगारीको विषयलाई उठान गरेको छ । निर्माण यूनिटले यस अगाडि नयाँ वर्ष २०७५ लाई लक्षित गर्दै बैशाख १४ देखि फिल्म रिलिज गराउने तयारी गरेको थियो । तर उक्त डेटबाट फिल्म केही समय पर सरेको छ
More

आगो ताप्दै इनरुवावासी

केही दिन यतादेखि बढेको चिसोबाट जोगिनका लागि सुनसरीको इनरुवा नगरपालिकाले वितरण गरेको दाउरा बालेर आगो ताप्दै इनरुवाका स्थानीयवासी । तस्बिर: अजितकुमार झा
More

‘नयाँ सरकार गठन अघि नै पार्टी एकता’

चितवन । माओवादी केन्द्रका अध्यक्ष पुष्पकमल दाहालले नयाँ सरकार गठनअघि नै नेकपा एमाले र माओवादी केन्द्रबीच पार्टी एकीकरणमा जोड दिइएको बताएका छन् । प्रेस चौतारी चितवन र प्रेस सेन्टर चितवनले बिहीबार संयुक्तरुपमा भरतपुर विमानस्थलमा आयोजना गरेको पत्रकार सम्मेलनमा बोल्दै उनले सरकार गठनको बाटो खुलिसकेकोले दुवै दलका नेताहरु पार्टी एकीकरणमा केन्द्रित भएको जिकिर गरे । अध्यक्ष दाहालले पार्टी एकीकरणका विषयमा एमाले र माओवादी केन्द्रमा कुनै मतभेद नभएको भन्दै आजसम्म भएका छलफलहरु सकारात्मक रहेको पनि दाबी गरे । उनले दुवै पार्टीका नेताहरुलाई समूचित भूमिका दिनेमा यसअघि नै सहमति भएकाले कुनै विवाद नभएको प्रस्ट पारे । अहिले सुशासन, समृद्धि र राष्ट्रिय एकताका विषयमा
More

अध्यक्ष दाहाल पत्रकार सम्मेलनमा

नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ चितवनको भरतपुर विमानस्थलमा बिहीबार प्रेस चौतारी र प्रेस सेन्टरको संयुक्त पत्रकार सम्मेलनमा । तस्बिर: नारायण ढुंगाना
More

‘नयाँ सरकार गठनमा काँग्रेस होइन कानून बाधक’

भक्तपुर । नेपाली काँग्रेसका केन्द्रीय सदस्य एवं सांसद डा नारायण खड्काले नयाँ सरकार गठनमा काँग्रेस बाधक नभएको बताउनुभएको छ । रफत सञ्चार क्लबले आज आयोजना गरेको साक्षात्कार कार्यक्रममा डा खड्काले निर्वाचनपछि नयाँ सरकारलाई सत्ता हस्तान्तरण गर्न कानूनी अड्चनका कारण ढिलाइ भइरहेको बताउँदै नयाँ सरकार गठनमा काँग्रेस बाधक नभएको स्पष्ट पार्नुभयो । उहाँले राष्ट्रियसभाको निर्वाचनपछि नयाँ सरकारलाई सत्ता हस्तान्तरण गरी काँग्रेस प्रतिपक्षको भूमिकामा रहन तयार रहेको उल्लेख गर्नुभयो । काँग्रेसले नयाँ सरकार गठनका लागि कोही कसैसँग कुनै सहमति र सम्झौता नगरेको स्पष्ट पार्दै डा खड्काले प्रचण्डसँग सरकार गठनका विषयमा सहमति र सम्झौता भएको भन्ने विषय हल्ला र निराधार भएको बताउनुभयो ।
More

बूढीगण्डकी माथिल्लो तामाकोशी ढाँचामा निर्माण हुने

काठमाडौं । बूढीगडण्की जलविद्युत् आयोजना स्वदेशी लगानीमा निर्माणका लागि आवश्यक तयारी गरी प्रक्रिया शुरु गर्न सरकारले नेपाल विद्युत् प्राधिकरणलाई निर्देशन दिएको छ । ऊर्जा मन्त्रालयले राष्ट्रिय योजना आयोगका उपाध्यक्ष डा स्वर्णीम वाग्लेको संयोजकत्वमा तयार गरिएको प्रतिवेदनका आधारमा आयोजना निर्माणको तयारी गर्न प्राधिकरणलाई निर्देशन दिएको हो । ऊर्जा मन्त्रालयका प्रवक्ता दिनेश घिमिरेले आयोजनाको प्रक्रिया शुरु गर्न प्राधिकरणलाई निर्णयसहित पठाइएको जानकारी दिनुभयो । सरकारले गत मंसिर ८ गते योजना आयोगका उपाध्यक्ष डा वाग्लेको संयोजकत्वमा गठन गरेको समितिले केही समय पहिले उपप्रधानमन्त्री तथा ऊर्जा मन्त्री कमल थापालाई प्रतिवेदन बुझाएको थियो । समितिको प्रतिवेदनका आधारमा आवश्यक निर्देशनसहित प्राधिकरणलाई आयोजना कार्यान्वयन शुरु गर्न निर्देशन दिएको
More

चिसो बढ्दो क्रममा; काठमाण्डौको तापक्रम १ डिग्री पुग्यो

काठमाडौं । यहाँको न्यूनतम तापक्रम एक डिग्रीमा झरेसँगै आज यस वर्षकै बढी चिसो महसुस गरिएको छ । काठमाडौँको आजको न्यूनतम तापक्रम १ दशमलव ५ डिग्रीसेल्सियस रहेको मौसम पूर्वानुमान महाशाखाले जनाएको छ । यसअघि बुधबार काठमाडौँको न्यूनतम तापक्रम २ दशमलव २ डिग्रीसेल्सियस थियो । काठमाडौँ उपत्यकासहित देशैभर चिसो बढेको मौसमविद् शान्ति कँडेलले जानकारी दिइन् । उनका अनुसार चिसो अझै बढ्ने छ । बुधबारको तुलनामा अझ झनै चिसो बढेको छ । ‘काठमाडौँ मात्र हैन देशैभर चिसो बढेको छ, हिजोभन्दा आज बढी चिसो छ, देशभर अझै चिसो बढ्नेछ’, उनले भनिन्। बिहानैदेखि घाम लागे पनि कठ्यांग्रिँदो जाडोले सर्वसाधारणलाई समस्या भएको छ । चिसो बढेको
More

दीपक अधिकारीका दुई गजल

१. पराईहरु गर्छन् यहाँ नजिकिए जस्तो आफ्नाहरु गर्छन सधै टाढीए जस्तो तिम्लाई खुसी मिल्छ भने मेरो दुःख देख्दा तिम्रै लागि गरीदिउला पछारिए जस्तो यादहरुले गरी खान दिदैनन् अचेल आउछन् अनि बनाउछन् निसास्सीए जस्तो उपहारमा बाडुल्की पठाएर मलाई गर्छिन उनले घरिघरि सम्झिए जस्तो यो ज्यानलाई माया गर्ने तिम्रो मुटु पनि समय संगै लाग्छ अचेल् बदलिए जस्तो २. पहिले मेरा चिठ्ठी पत्र थमाएर गई अनि बल्ल अर्कैको हात समाएर गई घर न घाट बनाएर मलाई यहाँ उस्ले बिहे गरी अन्तै घरजम जमाएर गई गाउँ घरमा चर्चा धेरै चल्या थियो हाम्रो मेरो बदनाम गरी नाम कमाएर गई मेरो लाशमा मलामिले कात्रो बेर्दै गर्दा
More

सर्वदलीय बैठक निष्कर्षविहिन

काठमाडौं । प्रधानमन्त्री शेरबहादुर देउवाले राजनीतिक सहमतिका आधारमा प्रदेश प्रमुख र अस्थायी राजधानी तोकिनु पर्ने प्रस्ताव गर्नु भएको छ । यद्यपि, वाम गठबन्धनका नेताहरुले भने राजनीतिक सहमति दिन अस्वीकार गरेका छन् । सर्वदलीय बैठक निष्कर्षविहिन टुंगियो । प्रधानमन्त्री देउवाले आज विहान बालुवाटारमा बोलाएको पाँच दलको बैठकमा प्रधानमन्त्री देउवाले राजनीतिक सहमतिका आधारमा प्रदेश प्रमुख नियुक्त गर्ने र प्रदेशहरुको अस्थायी मुकाम तोकिनु पर्ने प्रस्ताव गर्नु भएको थियो । दलहरुबीच सहमति भए आजै मन्त्रिपरिषद् बैठक राखेर प्रदेश प्रमुख नियुक्त गर्ने र अस्थायी मुकाम तोक्ने सरकारको तयारी थियो । तर, एमाले नेताहरुले राजनीतिक सहमति खोज्ने प्रस्तावमा छलफल नै गर्न चाहेनन् । केही दिनदेखि आराम
More

राष्ट्रियसभा निर्वाचनको मिति नतोकेकोमा एमालेको आपत्ति

काठमाडौं । संसदीय निर्वाचनबाट सबैभन्दा ठूलो दल बनेको एमालेले सरकारले राष्ट्रियसभा निर्वाचनको मिति नतोकेकोमा प्रधानमन्त्रीसँग आपत्ति जनाएको छ । प्रधानमन्त्री शेरबहादुर देउवाले आज बोलाएको सर्वदलीय बैठकमा एमालेले नयाँ सरकार गठनमा बिलम्ब सिर्जना गर्न सरकारले जानी–जानी राष्ट्रियसभा निर्वाचनको मिति नतोकेको आरोप लगाएको हो । बालुवाटार बैठकमा एमाले नेताहरुले राष्ट्रियसभा निर्वाचन माघ २५ मा गर्ने भन्ने हल्ला सत्य हो भने त्यो ठीक नहुने बताए । राष्ट्रियसभा निर्वाचन १०–१५ दिनभित्रै गर्न सकिने दाबी एमाले नेताहरुको छ । प्रधानमन्त्री देउवाले निर्वाचन आयोगसँग छलफल गरेर तत्कालै मिति तोक्ने भन्दै यसमा बिलम्ब नगर्ने जवाफ दिनु भएको छ ।
More

जाडोले कठ्यांग्रिएर तेस्रोलिंगीको मृत्यु

उर्लाबारी । विराटनगरमा गए राति जाडोले कठ्यांग्रिएर एक तेस्रो लिंगीको मृत्यु भएको छ । विराटनगर–१२ बस्ने सत्यनारायण सरदारका घरमा पाहुना आएका कटहरी गाउँपालिका–५ बस्ने ३५ वर्षीय तेस्रोलिंगी आशा सरदारको घर बाहिर आगो ताप्ने क्रममा मृत्यु भएको जिल्ला प्रहरी कार्यालयले जनाएको छ ।
More

प्रदेश प्रमुख र अस्थायी मुकाम तोक्ने बालुवाटार बैठक

काठमाडौं । प्रधानमन्त्री शेरबहादुर देउवाले प्रदेश प्रमुख र प्रदेशको अस्थायी राजधानी तोक्न अहिले पाँच दलको बैठक प्रधानमन्त्री निवास बालुवाटारमा बसिरहेको छ । बैठकमा कांग्रेस, एमाले, माओवादी केन्द्र, राजपा र संघीय समाजवादी फोरमका नेताहरु सहभागी हुने प्रधानमन्त्रीको निजी सचिवालयले जनाएको छ । बैठकमा प्रदेश प्रमुख र प्रदेशको अस्थायी राजधानीबारे छलफल हुनेछ । सरकारले प्रदेश नं १ को विराटनगर, प्रदेश नं २ को जनकपुर, प्रदेश नं ३ को भक्तपुरको ठिमी, प्रदेश नं ४ को पोखरा, प्रदेश नं ५ को दाङ, प्रदेश नं ६ को सुर्खेत र प्रदेश नं ७ को धनगढी अस्थायी राजधानी हुने खाका पेश गरेको छ। आजै मन्त्रिपरिषद्को बैठक बस्ने
More

चिसोको कारण हुम्लामा ६ जनाको मृत्यु ; कैयौँ बिरामी

हुम्ला । चिसाे बढेपछि फैलिएकाे रूघाखाेकी र ज्वराेले हुम्लामा २ जनाकाे ज्यान गएकाे छ भने कैयन बिरामी परेका छन् । सदरमुकाम सिमकोटदेखि ५० कोस टाढा पर्ने ताजाकोट गाउँपालिका–५ की २७ वर्षीया रनदेवी परियार र ६० वर्षीया नन्दकला परियारको चिसाेका कारण लागेकाे रुघाखोकी र ज्वरोबाट मृत्यु भएको हाे । दक्षिणी भेगमा पर्ने सर्केगाड गाउँपालिकाअन्तर्गत वडा नं ७/८ रोडिकोट गाउँका ९१ वर्षीय भ्याले कार्की, ८८ वर्षीय खैरे शाही, ७८ वर्षीय गोरे जैसी र ५० वर्षीय शंकर रोकायासहित छ जनाको पनि पुस दोस्रो हप्तामा मृत्यु भएको छ । निमित्त प्रजिअ ऋद्धिप्रकाश सिटौलाले तत्काल उक्त गाउँपालिकामा गई उपचार गर्न स्वास्थ्यकर्मीलाई निर्देशन दिएअनुसार बुधबारै पाँच
More

​कालिगण्डकी करिडोरमा दुईवटा पुलको निर्माण सुरु

कालीगण्डकी करिडोरको पर्वत खण्डमा दुईवटा पुल निर्माणको काम सुरु भएको छ । गाडी चल्ने तीनवटा पुलमध्ये मोदीखोला र लमायखोलामा पुल निर्माणको काम थालिएको हो । कालीगण्डकी करिडोरको पर्वत र स्याङ्जा खण्डमा चारवटा पुल निर्माण हुँदैछन् । कालीगण्डकी करिडोरका आयोजना प्रमुख नारायणदत्त भण्डारीका अनुसार पर्वतको सदरमुकाम कुष्माबजार नजिकै मोदीवेणीमा ९ करोड १४ लाख रुपैयाँको लागतमा पुल निर्माण हुन लागेको हो । ६० मिटर लामो तथा ११ मिटर पुल चौडा आउँदो असारसम्ममा सम्पन्न हुनेगरी निर्माण सुरु गरिएको थियो । तर निर्माणस्थल परिवर्तन गर्नुपरेका कारण थप एक वर्ष ढिला हुन सक्ने आयोजना प्रमुख भण्डारीले बताउनुभयो ।
More

लागुऔषधसहित तीनजना पक्राउ

कावासोती । लागुऔषध कारोबारको ट्रान्जिट प्वाइन्टको रुपमा हेरिएको नवलपुरमा मंगलबार प्रहरीले लागुऔषधसहित तीन जनालाई पक्राउ गरेको छ । जिल्ला प्रहरी कार्यालय नवलपुरका प्रहरी निरीक्षक विकास भण्डारीका अनुसार उनीहरुले जिउमा प्लाष्टिकको टेप बेरेर ढाँड, छातीमा पेशेवर शैलीमा लुकाएर ल्याएका थिए । प्रारम्भिक अनुसन्धानमा उनीहरु आफै लागुऔषधको सेवनकर्ता रहेको स्वीकारेको पाइएको उनले बताए । भण्डारीका अनुसार लागुऔषध सेवनकर्ता हो मात्र भनेर प्रारम्भिक सोधपुछको क्रममा स्वीकारे पनि बरामद भएको परिणाम र उनीहरुले लुकाएर ल्याएको तरिका हेर्दा उनीहरु कारोबारीसमेत रहेको सजिलै अनुमान गर्न सकिन्छ । नवलपुर प्रहरीले चोरमारा र डण्डाको बीच जंगलमा पर्ने ४० किलोमिटर भन्ने स्थानबाट उनीहरुलाई पक्राउ गरेको हो । दुई दिनको
More