Daily Archives 6th January 2018

बुद्ध फाउण्डेशन यूके अध्यक्षमा पुन दीपक श्रेष्ठ

लन्डन । बुद्ध फाउण्डेशन यूकेले अध्यक्षमा दीपक श्रेष्ठ पुन निर्विरोध निर्वाचित भएका छन् । शनिबार सांझ गेसो हल प्लमस्टिडमा आयोजित पहिलो अधिवेशनले कार्यसमिति चयन गरिएको हो। फाउण्डेशनको उपाध्यक्षमा क्रमशः एभरेष्ट गौतम, हरिस ज्ञवाली, सचिन श्रेष्ठ महासचिवमा अर्जुन कटुवाल सचिवमा सुरेन रुपाखेती, कोषाध्यक्ष राजन खकुरेल सहकोषाध्यक्ष धनराज मल्ल लगायत ११ जनाको नयाँ कार्यसमिति गठन भएको छ । तदर्थ समितिले चुनाव गराउन पत्रकार फडिन्द्र भट्टराईको संयोजकत्वमा ३ सदस्यीय निर्वाचन मण्डल गठन गरिएको थियो । निर्वाचन समितिमा अर्क तिमिल्सिना तथा नरेन्द्र कंडेल रहेका थिए । फाउण्डेशनले यतिखेर कपिलवस्तुमा वुद्ध वृद्धाश्रम निर्माण गरिरहेको छ । संस्थाको गत वर्ष ट्राफलगर स्क्वायरमा भएको बुद्ध जयन्तीले विश्वभरका
More

पूर्वअध्यक्ष लामिछाने सहित एनआरएन नेताहरु लण्डनमा भेला हुदैं

लन्डन । गैर आवासीय नेपाली संघका केन्द्रिय नेताहरु लण्डनमा भेला हुदैंछन् । नेपालले गैरआवासीय नेपाली संघ यूकेको आयोजनामा हुने नेपालमा सामूहिक लगानीसम्बन्धी एक अन्तरक्रिया कार्यक्रममा सहभागि हुन संघका पूर्वअध्यक्ष जीवा लामिछाने सहितको टोली जनवरी तेस्रो साता लण्डन आउन लागेको हो । गैरआवासीय नेपाली संघ युकेका महासचिव राजकुमार त्रिपाठीका अनुसार सो २२ जनवरी सोमबार, अल्डरशटमा हुने अन्तरक्रियामा गर्भनर चिरन्जीवी नेपालका अतिरिक्त, गैरआवासीय नेपाली संघका अध्यक्ष भवन भट्ट, एनआरएन पूर्वअध्यक्ष जीवा लामिछाने, उपाध्यक्ष कुमार पन्त, व्यवसायी तथा नेपाल उद्योग वाणिज्य महासंघका उपाध्यक्ष चन्द्र ढकाललगायतको सहभागिता रहनेछ। त्रिपाठीका अनुसार यूरोपस्थित संघका सबै पदाधिकारीहरुलाई आमन्त्रण गरिएको छ । यसै बीच गर्भनर नेपाल बेलायतस्थित अल्डरशटमा
More

जाजरकोटमा भाइरल ज्वरोले ९ को मृत्यु

काठमाडौं । अत्याधिक जाँडोसँगै जाजरकोट भाइरल ज्वारोमय भएको छ । यो जिल्लामा एक साता पहिलेदेखि फैलिएको भाइरल ज्वरो र रुघाखोकी कारण ८ दिने नाबालक सहित ९ जनाको मृत्यु भएको छ । ज्वरो र रुघाँखोकीका कारण जुनीचाँदे गाउँपालिकामा तीन सय भन्दा बढी गाउँलेहरु विरामी परेको स्वास्थ्य चौकी बड्कुलेका ईञ्चार्ज हरिबहादुर सिंहले बताए । उनले दैनिक स्वास्थ्य चौकीमा उपचारका लागि आउने झण्डैं ६० देखि ७० जना भाइरल विरामी नै आउने गरेको बताए । ज्वरो र रुघाँखोकी कारण जुनीचाँदे गाउँपालिका २, मजकोटका ६५ वषर्ीया धनसरा नाथ, ५७ वर्षीया आइती तिरुवा, (३, का ६७ वर्षीय करसिंह टमाटा, ७५ वर्षीय सतरुप शाही र ५ जना
More

२० अर्बको फलफूल आयात

काठमाडौं । मुलुकमा वार्षिक करिब रु २० अर्बको फलफूल आयात हुने गरेको छ । नेपाल फलफूल थोक व्यवसायी संघले २६ औँ वार्षिक साधारणसभाको अवसरमा आज उहाँ आयोजित कार्यक्रममा सो जानकारी गराइएको हो । सो अवसरमा नेकपा (एमाले)का नेता राजेन्द्र पाण्डेले नेपाल कृषि प्रधान देश भनिए पनि उत्पादनको उपयुक्त वातावरण नहुँदा मुलुकको अर्थतन्त्र आयातमुखी हुँदै गएकोमा चिन्ता व्यक्त गर्दै फलफूलको गुणस्तर परीक्षणका लागि बजारभित्र नै प्रयोगशाला स्थापना गर्नुपर्नेमा जोड दिनुभयो । कामनपा–१४ का वडाध्यक्ष शोभा सापकोटाले व्यवसायीले वडामा व्यवसाय दर्ता गरी तोकिएको कर समयमा बुझाउनुपर्ने बताउँदै त्यसो भएमा व्यवसायीलाई आवश्यक सेवा सुविधा उपलब्ध गराउन सकिने विचार व्यक्त गर्नुभयो । नेपाल फलफूल
More

लालुलाई साढे तीन बर्ष जेल सजाय

झारखण्ड । भारतीय बिशेष अदालत केन्द्रिय अनुसन्धान ब्युरो (सिबिआई) ले शनिबार बिहारका पूर्व मुख्यमन्त्री लालु प्रसाद यादवलाई चारा घोटाला काण्डमा दोषी ठहर गर्दै साढे तीन बर्षको जेल सजाय तोकेको छ । उहाँलाई भारतीय पाँच लाख रुपैँया जरिवाना समेत तोकिएको छ । पूर्व मुख्यमन्त्री लालुलाई देओघार ट्रिजरीबाट सन् १९९१ देखि सन् १९९४ बीचमा ८९ लाख भारतीय रूपैँया बराबरको रकम दुरुपयोग गरेको अभियोगमा जेल सजाय तोकिएको हो । सिविआई विशेष न्यायाधीस शिवपाल सिंहले पूर्व मुख्यमन्त्री यादव विरुद्धको सजाय भिडियो सम्मेलनमार्फत घोषणा गर्नु भएको हो । अदालतले लालु यादवले अदालतले तोकेको जरिवाना नबुझाएमा जेल सजायमा छ महिना थप गरी कैद बस्नुपर्ने पनि जनाएको
More

खेलप्रेमी दर्शक

बागलुङ महोत्सवमा शनिबार भएको खुल्ला भलिबल प्रतियोगिताको फाइनल खेल हेर्दै खेलप्रेमी दर्शक । तस्बिर : रामबहादुर थापा
More

मौसमविद् भन्छन्ः ‘अझै चिसो बढ्छ’

काठमाडौं । न्यूनतम तापक्रम घटेका कारण काठमाडौँ उपत्यकासहित देशभर चिसो बढेको छ । चिसो बढेसँगै तराईमा लगातारको बाक्लो हुस्सु र शीतलहरका कारण जनजीवन प्रभावित भएको छ । काठमाडौँ उपत्यकाको न्यूनतम तापक्रम विगत तीन दिनदेखि एक डिग्रीमा झरेको छ । आजको न्यूनतम तापक्रम एक दशमलव छ डिग्रीसेल्सियस छ । घटेर स्थिर रहेको तापक्रमकै कारण उपत्यकाको जनजीवनसमेत प्रभावित बनेको छ । उपत्यकाका फाँटमा बिहानीपख बाक्लो तुसारो पर्न थालेको छ । रातमा आकाश खुल्ला भएकै कारण केही दिन न्यूनतम तापक्रम स्थिर रहने बताइएको छ । मौसमी प्रणालीकै कारण न्यूनतम तापक्रम घटेकाले देशभर चिसो बढेको मौसमविद् राजु प्रधानाङ्गले बताउनुभयो । उहाँका अनुसार अझै न्यूनतम
More

पप सम्राट ओमविक्रम बिष्टलाई एनआरएन यूकेले सहयोग गर्ने

लन्डन । ‘म मौनतामा अल्झिरहेको एउटा जीवन‘।।’ हो, पप सम्राट ओमविक्रम बिष्ट अहिले मौन छन् गीत जस्तै । अस्वस्थ्य छन्, आवाज निस्कन्न । दुबै मृगौलाले काम गर्न छाडेका छन् । हाल अमेरिकामा आफ्नो पुनर्जीवनको 
प्रार्थना गरिरहेका छन् बिष्ट । देश विदेशबाट उनको शीघ्र स्वास्थ्य लाभको कामना भइरहेको छ । शुभचिन्तक र विभिन्न संघसंस्था उनको उपचार सहयोगार्थ चन्दा संकलनमा जुटिरहेका छन् । यसै सिलसिलामा बिष्टको उपचारार्थ बेलायतमा समेत चन्दा संकलन शुरु गरिएको छ । गैर आवासीय नेपाली संघ बेलायतले आर्थिक संकलन शुरु गरेको हो । यो अभियानको नेतृत्व सोलिसिटर एवं एनआरएनए यूके सल्लाहकार राजु थापाले गरेका छन् । एनआरएनए यूके उपाध्यक्ष
More

किसानको दैनिकी

बागलुङको तमानखोला गाउँपालिका–१ का किसान घाँसको भारीसहित स्थानीय बोङ्गाखानी खोलामा रहेको काठको अस्थायी पुल तर्दै । तस्बिर : रामबहादुर थापा
More

नयाँ सरकार गठनको बाटो खोलिदिन आग्रह: सचिव ज्ञवाली

पोखरा । नेकपा (एमाले)का सचिव एवं प्रतिनिधिसभाका सदस्य प्रदीप ज्ञवालीले निर्वाचनबाट ताजा जनादेश आइसकेकाले नयाँ सरकार गठनको बाटो खोलिदिन आग्रह गर्नुभएको छ । प्रेस चौतारी नेपाल र प्रेस सेन्टर नेपाल कास्कीले आज यहाँ आयोजना गरेको पत्रकार भेटघाट कार्यक्रममा उहाँले नयाँ सरकार गठनका लागि प्रतिनिधिसभा समानुपातिकतर्पmको मतपरिणाम सार्वजनिक गरी निर्वाचनको मतपरिणाम निर्वाचन आयोगले राष्ट्रपतिसमक्ष यथाशीघ्र बुझाउनु पर्नेमा जोड दिनुभयो । मतपरिणाम सार्वजनिक नगरी अनेकौँ बहानाबाजी गरेर अल्मल्याउने र सरकारले सत्ता लम्बाएर राज्यको ढिकुटीको दुरुपयोग र गलत काम गर्न खोजेकोमा चिन्ता व्यक्त गर्दै सचिव ज्ञवालीले भन्नुभयो– “यो सरासर जनमतको अवमूल्यन हो ।” उहाँले एमाले र माओवादी केन्द्रको पार्टी एकता र सरकार गठनको
More

मृत अवस्थामा महिला फेला परिन्

जनकपुरधाम । जनकपुर उपमहानगरपालिका–९ मा आज एक महिला मृत अवस्थामा फेला परेकी छिन् । जिल्ला प्रहरी कार्यालय धनुषाका अनुसार महोत्तरी जिल्ला लोहरपट्टी नगरपालिका–९ की ५२ वर्षीया रतियादेवी यादव रामानन्द चोकको तरकारी बजारमा मृतावस्थामा फेला परेकी हुन् । यादव रामानन्द चोकको तरकारी बजारमा तरकारी बेच्ने गरेकी थिइन् । मृतकले लगाएकी चप्पल फोहर फाल्ने कन्टेनरमा भेटिएको र अन्य अनुसन्धान जारी रहेको प्रहरीले जनाइएको छ ।
More

रेडपाण्डाको संरक्षणमा जुटे म्याग्देली

बेनी । केही वर्ष अगाडिसम्म धौलागिरि गाउँपालिकाको गुर्जाको जंगलमा हेर्दा आर्कषक देखिने र लजालु स्वभावको हलुका रातो, सेतो र कालो रंगमा भेटिने हाब्रे (रेडपाण्डा) सिकारीको रोजाइमा पर्ने गरेको थियो । वन जंगलमा टुसा खोज्न जाने स्थानीयले घरेलु हतियारको प्रयोग गरेर शिकार गर्ने गरेका थिए । पहिचान र प्रचारप्रसारको अभावमा स्थानीयले शिकार गर्ने गरेको भए पनि विश्व वन्यजन्तु कोषको सहयोग तथा हरियो वन कार्यक्रमको आर्थिक सहयोगमार्फत रेडपाण्डा नेटर्वक र हिमाली संरक्षण मञ्चले गरेको खोजीमा जिल्लाकै अति विकट मानिने लुलाङ र गुर्जाको मरेनी, जलजला सामुदायिक वन तथा आसपासका क्षेत्रमा भेटिएको रेडपाण्डाका बारेमा स्थानीयले जानकारी पाएपछि संरक्षण अभियान शुरू गरेका छन् । दुई
More

चिसो र शितलहरले तराईमा ९ जनाको मृत्यु

रौतहट । एक साता यता चलेको शीतलहरसँगैको चिसो हावाका कारण सिरहा र सप्तरीमा गरी ९ जनाको मृत्यु भएको छ । सप्तरीमा ६ र सिरहामा तीन जनाको मृत्यु भएको हो । चिसोका कारण सिरहामा तीन जनाको मृत्यु भएको छ । गोलबजार नगरपालिका–२ का ७० वर्षीय रामप्रसाद महतो र वडा नम्बर ४ का ६ वर्षीय लवकुमार साहको आज मृत्यु भएको हो । त्यसैगरी धनगढीमाई नगरपालिका–७ का ५५ वर्षीय रामरतन महतोको पनि चिसोका कारण गएराति मृत्यु भएको प्रहरीले जनाएको छ । यस्तै सप्तरीमा चिसोका कारण ६ जनाको मृत्यु भएको छ । महदेवा गाउँपालिका–२ अकवरपुरका ५८ वर्षीय सुकदेव यादवको हिजो चिसोले मृत्यु भएपछि सप्तरीमा
More

गगनलाई बम हान्नेहरु धरौटीमा रिहा

काठमाडौं । निर्वाचन प्रसार प्रसारका क्रममा नेपाली काँग्रेसका नेता गगन थापामाथि बम आक्रमण गरेको अभियोगमा पक्राउ परेका मध्ये तीन जनालाई जिल्ला प्रशासन कार्यालय काठमाडौले धरौटीमा रिहा गरेको छ । अभियुक्तहरु महेश नेपाली, विग्रेस लामा र रोशन विष्टलाई ६० हजार रुपैयाका दरले धरौती रकम लिएर प्रशासन कार्यालयले शुक्रबार रिहा गरेको हो । कार्यालयले दुई जनालाई भने पुर्पक्षका लागि थुनामा राखेको छ । अभियुक्तद्धय रवि गोले र विचारमान तामाङलाई पुर्पक्षका लागि थुनामा राख्न निर्देशन दिएको जिल्ला प्रशासन कार्यालय काठमाडौले जनाएको छ । अर्का एक जना राधी तामाङलाई भने नुवाकोटमा अर्को मुद्धा रहेकाले प्रहरीले नुवाकोटमा पठाईदिएको छ । उनीहरु सवैलाई प्रशासन कार्यालयले ज्यान
More

“राधा” अंग्रेजी भाषामा

सतिश चापागाईं । कृष्ण धराबासीको चर्चित उपन्यास “राधा” अंग्रेजी भाषामा अनुवाद भएर बजारमा आएको छ । “राधा” २०६२ सालमा प्रकाशित भएको र त्यहि बर्ष मदन पुरस्कार पाएको उपन्यास हो । यहि महिनादेखि राधाको अंग्रेजी संस्करण “अमेजन” र “वान्र्स एण्ड नोवेल” मा उपलब्ध छ । अमेजन संसार कै ठुलो अनलाइन बिक्रेता कम्पनी हो भने “बान्र्स एण्ड नोबेल” पुस्तक बिक्री गर्ने ख्याती प्राप्त कम्पनी हो । पुस्तकलाई इन्डियानाको एक्सलिब्रिसले प्रकाशन गरेको हो । “अमेजन” र “वान्र्स एण्ड नोवेल” मा उपलब्ध “राधा” को अंग्रेजी संस्करण महेश पौडेल र संञ्जीव उप्रेतीको सहयोगमा प्रकाशित भएको हो । महेश पौडेलले अनुवाद र संञ्जीव उप्रेतीले पनि भाषामा
More

नेपाल एअरलाइन्सको यात्रा विश्वकै असुरक्षितमध्ये एक

नेपालको राष्ट्रिय ध्वजावाहक विमानसेवा नेपाल वायुसेवा निगम विश्वकै असुरक्षित एअरलाइन्सको सूचीमा परेको छ । अस्ट्रेलियाबाट सन्चालित प्रतिष्ठित अनलाइन AirlineRatings.com ले नेपाल एअरलाइन्ससँगै नेपालकै अन्य तीन विमानसेवालाई पनि उक्त लिस्टमा सूचीकृत गरेको हो । यसरी सूचीकृत हुनेमा बुद्ध एअर, यति एअरलाइन्स र तारा एअर रहेका छन् । विश्वका ४०० बढ़ी एअरलाइन्सको अध्ययन र विश्लेषणपछि घोषणा गरिएको सबैभन्दा सुरक्षित विमानसेवाको लिस्टमा भने कुनै पनि नेपाली एअरलाइन्स परेका छैनन् । बेलायतको ब्रिटिश एअरवेज, भर्जिन एटलांटिक, अस्ट्रेलियाको क्वाण्टास, जापानको जापान एअरलाइन्स र मध्यपूर्वका इथियाद र इमिरेटलगायतका विमानसेवाहरू विश्वकै सुरक्षित मानिएका छन् ।
More

जनसम्पर्क समिती बेल्जियमद्वारा “मेलमिलाप दिवस सम्पन्न”

नेपाली जनसम्पर्क समिती बेल्जियले ३१ डिसेम्बर अर्थात पुस १६ गतेको दिन पारेर नेपाली राजनितीका शिखर पुरुष , महानायक स्व: बि. पी कोईरालाको राष्ट्रीय एकता तथा मेलमिलाप दिवस मनाएको छ । त्यसका साथ साथै अंग्रेज़ी नयाँ बर्ष २०१८ को उपलक्ष्यमा शुभ कामना आदान प्रदान तथा खानपिन र कलाकारहरुको उपस्थितीमा नाचगान सहित भब्य सांस्कृतिक कार्यक्रम सम्पन्न गरेको छ । नेपाली जनसम्पर्क समिती बेल्जियम की सभापती श्रीमती सीता सापकोटाको अध्यक्षतामा सम्पन्न उक्त कार्यक्रममा नेपाली जनसम्पर्क समिती बेल्जिय का संस्थापक अध्यक्ष ध्रुबराज पौडेलको प्रमुख आतिथ्यमा सम्पन्न भएको थियो । नेपाल बिद्यार्थी संघका केन्द्रिय महामन्त्री आनन्द त्रिपाठी , एनआर एन आई सी सी सचिव जानकी
More