Daily Archives 25th January 2018

ब्लड क्यान्सरपीडित चार वर्षीया बालिका क्रिस्टिनालाई एनआरएन यूकेको ५ लाख सहयोग

लण्डन । ब्लड क्यान्सरपीडित चार वर्षीया बालिका क्रिस्टिना सुनुवारको उपचारमा सघाउनको लागि एनआरएन यूकेले करिब ५ लाख रुपियाको सहयोग संकलन गरेको छ । एनआरएन यूकेको राहत संकलन विभागको संयोजनमा संकलित ३ हजार ५ सय पाउण्ड नेपाल पठाइएको छ । विभागकी संयोजक तथा एनआरएन यूके उपाध्यक्ष सुशिला राईका अनुसार एनआरएन यूकेका पदाधिकारी, सदस्य, सल्लाहकारहरुका साथै बेलायतबासी सम्पुर्ण नेपालीको सहयोगमा उक्त रकम संकलन भएको हो । एनआरएन युकेका महासचिव राज कुमार त्रिपाठीका अनुसार संकलित रकम मंगलवार संघको केन्द्रीय खातामा जम्मा गरिएको छ । त्रिपाठीका अनुसार सो रकम केन्द्रीय महासचिव डा. बद्री केसी र सदस्य सुष्मा राईले संयुक्त रुपमा हस्तान्तरण गर्ने छन् ।
More

पोर्तुगलमा सवारी दुर्घटनामा चितवनकी चेतमाया चेतमाया कुलालको घटनास्थलमै मृत्यु

लिस्बोन, पोर्तुगल । पोर्तुगलको राजधानी लिस्बोन नजिक मन्तेजो पिकोइसमा बिहीबार बिहान करिब ७:४५ बजेतिर सवारी दुर्घटना हुदा एक जना नेपाली युवतीको ज्यान जानुको साथै अन्य ७ जना घाइते भएका छन् । घाइतेमध्ये एकको अवस्था गम्भीर रहेको अस्पताल श्रोतले जनाएको छ । दुर्घटनामा परी चितवनकी चेतमाया चेतमाया कुलालको घटनास्थलमै मृत्यु भएको अस्पताल श्रोतले बताएको छ। सो दुर्घटनामा चितवनकै अनिशा विश्वकर्माको अवस्था गम्भीर रहेको छ । सामान्य घाइते हुनेहरुमा आरती श्रेष्ठ राई, उषा बर्तौला, अनिशा बिक, अल्का भेटवाल , तुफेल मोहम्मद आदि रहेका छन्। घाइतेहरुको अहिले स्थानीय सेतुबल अस्पतालमा उपचार भइरहेको जानकारी एन आर एन पोर्तुगलले दिएको छ । एन आर एन
More

बिरामीलाई जीविकोपार्जन भत्ता वितरण

प्रधानमन्त्री शेरबहादुर देउवा वीर अस्पतालको ट्रमा सेन्टरमा बिहीबार मृगौला, अर्वुद रोग र स्पाइनल इन्जुरी भई पक्षाघात भएका बिरामीलाई चेक हस्तास्तरण गरी जीविकोपार्जन भत्ता वितरण शुभारम्भ गर्दै । तस्बिर : रोशन सापकोटा
More

पत्रकार सम्मेलनमा एमाले अध्यक्ष यसरी कड्किए

काठमाडौं । काम चलाउ सरकारले अर्थतन्त्र र प्रशासनमा दूरगामी नकारात्मक प्रभाव पार्ने निर्णय गरेको भन्दै नेकपा एमालेले नयाँ सरकारले त्यस्ता निर्णयमा पुनःविचार गर्ने स्पष्ट पारेको छ । पार्टी मुख्यालय धुम्बाराहीमा आज पत्रकार सम्मेलन गर्दै एमालेले काम चलाउ सरकारले अर्थतन्त्र नै डामाडोल हुने गरी राज्यलाई दुरगामी भार पार्ने निर्णय गरेको, कार्यकर्ता पोस्ने गरी राज्यकोषको दुरुपयोग गरेको र राजनीतिक नियुक्ति गरिएको भन्दै आपत्ति जनाएको हो । सरकारले हिजो भूकम्प र बाढीपीडितलाई थप एक लाख अनुदान दिने र सामाजिक सुरक्षा भत्ता पाउने उमेर सत्तरीबाट पैंसठ्ठी बर्षमा झार्ने निर्णय गरेको थियो । एमालेले सो निर्णयप्रति टिप्पणी गर्दै सरकारको बार्षिक नीति तथा कार्यक्रम र बजेटमा
More

काठमाडौं विश्वविद्यालयको अनलाइन कक्षा फलेबासमा

पर्वत । काठमाडौं विश्वविद्यालयको अनलाइन कक्षा अब फलेवासमा पनि शुरु हुने भएको छ । काठमाडौं विश्वविद्यालयको, स्कुल अफ एजुकेशनले भवानी विद्यापीठ मावि फलेवास खानीगाउँको सहकार्यमा स्नातकोत्तर तहमा अनलाइन एजुकेशन कक्षा सञ्चालन गर्न लागेको हो । घरमा बसेर अनलाइनबाटै अध्ययन गर्न सकिने गरी दुर्गम क्षेत्रमा पनि कक्षा सञ्चालन गर्न लागिएको विश्वविद्यालय स्कुल अफ लका सहायक प्राध्यापक डा धनपति सुवेदीले बताउनुभयो । त्रिवर्षीय स्नातक तह अध्ययन सकेका स्थानीय शिक्षकलाई समेत अध्ययन गर्ने अवसर दिन अनलाइन एजुकेशन कक्षा दिइनेछ । विश्वविद्यालयले शिक्षा व्यवस्थापन तथा नेतृत्व विषयमा अनलाइनबाटै अध्यापन गराउनेछ ।
More

एमालेका नेताहरुलाई म सलाम गर्छु : कोमल वली

राष्ट्रियसभा निर्वाचनमा यतिबेला कसैको चर्चा छ भने कोमल वलीको छ । राष्ट्रिय प्रजातन्त्र पार्टीको महाधिवेशनबाट सबैभन्दा बढी मत ल्याएर केन्द्रीय सदस्यमा निर्वाचित भएको वर्ष दिन नबित्दै एमालेले राष्ट्रियसभामा उम्मेदवार बनाएपछि उनको चर्चा चलेको हो । उम्मदेवार भएसँगै उनी निर्विरोध भएपछि सामाजिक सञ्जालमा उनको चर्चाले व्यापकता पाएको हो । राम्राभन्दा नराम्रा कुरा पोस्ट गर्नेलाई कोमल धन्यवाद दिनछिन् । उनलाई पानी खेदो गर्नेहरु किन यति धेरै भए भन्ने विषयमा गरिएको कुराकानी– ० एमालेबाट उम्मेदवार बनेपछि तपाईंका बारेमा टिकाटिप्पणी भए नि ? – आ–आफ्नो बुझाइ हो, सबैको आ–आफ्नै दृष्टिकोण हुन्छ । जसले जसरी लिन्छ, त्यसरी नै हेर्नुपर्छ । जसको विचार जस्तो हुन्छ, त्यस्तै
More

पाठक रासस सञ्चालक समिति सदस्यमा

काठमाडौं । राष्ट्रिय समाचार समितिका कार्यकारी सम्पादक एकराज पाठक रासस सञ्चालक समिति सदस्यमा आगामी चार वर्षका लागि नियुक्त हुनुभएको छ । सूचना तथा सञ्चार मन्त्रिस्तरीय निर्णयबाट आज उहाँ सञ्चालक समिति सदस्यमा नियुक्त हुनुभएको हो । विसं २०५६ फागुन १९ गते राससमा सेवा प्रवेश गर्नुभएका पाठक राससमा अन्तर्राष्ट्रिय समाचार शाखा प्रमुख हुनुहुन्छ । आमसञ्चार तथा पत्रकारिता विषयमा स्नातकोत्तर पाठक पत्रकारिता विषयमा प्राध्यापन गर्नुहुन्छ । उहाँका पत्रकारिता र सूचनाको हक सम्बन्धमा पुस्तकहरु प्रकाशित छन् ।
More

उच्च अदालतका चार मुख्य न्यायाधीशलाई शपथ

काठमाडौं । प्रधानन्यायाधीश गोपाल पराजुलीले उच्च अदालतका नवनियुक्त चार मुख्य न्यायाधीशलाई आज पद तथा गोपनीयताको शपथ गराउनुभएको छ । सर्वोच्च अदालतमा आज आयोजित कार्यक्रममा प्रधानन्यायाधीश पराजुलीले सर्वोच्च अदालतका मुख्य रजिष्ट्रार नहकुल सुवेदी उच्च अदालत तुल्सीपुरका मुख्य न्यायाधीशमा, उच्च अदालत जनकपुरका न्यायाधीश उदयप्रकाश चापागाईं जनकपुरको मुख्य न्यायाधीशमा, उच्च अदालत जनकपुरका न्यायाधीश यज्ञप्रसाद बस्याल दिपायलको मुख्य न्यायाधीश र उच्च अदालत तुल्सीपुर बुटवलका न्यायाधीश हरिकुमार पोखरेललाई सुर्खेतको मुख्य न्यायाधीशमा सपथ गराउनुभएको हो । न्याय परिषद्को सिफारिसमा उहाँहरूलाई उक्त पदमा नियुक्त गरिएको थियो ।
More

कामचलाउ सरकारका दीर्घकालीन निर्णयप्रति एमालेको आपत्ति

काठमाडौं । सरकारले दुरगामी प्रभाव पार्ने निर्णयहरु गरेको भन्दै नेकपा एमालेले आपत्ति जनाएको छ । कामचलाउ सरकारले ताजा जनादेशलाई उपेक्षा गर्दै धमाधम निर्णय गर्न लागेको भन्दै एमालेले आपत्ति जनाएको हो । एमाले पार्टी कार्यालय धुम्बाराहीमा अपरान्ह हुने पत्रकार सम्मेलनमा सरकारले गरेका पछिल्ला राजनीतिक निर्णय र अन्य समसामयिक विषयमा पार्टीको धारणा सार्वजनिक गरिने एमाले प्रचार विभाग प्रमुख योगेश भट्टराईले जानकारी दिए । सरकारले हिजो मात्र ६५ वर्ष पुगेका वृद्धवृद्धालाई भत्ता दिने र भूकम्प पीडितका लागि थप एक लाख रुपैयाँ दिने निर्णय गरेको थियो । काउचलाउ अवस्थामा रहेको सरकारले यस्ता दुरगामी प्रभाव पार्ने किसिमका निर्णयहरु गर्न नहुने एमालेको दावि छ । यसअघि
More

प्रहरी सर्च नियमित हो : प्रहरी प्रमुख ऐर

ललितपुर । महानगरीय प्रहरी परिसर ललितपुरले अघिल्लो साता भट्टेडाँडामा भएको सर्च प्रतिनिधिसभा सदस्य नवराज सिलवाललाई नै पक्राउ गर्नका लागि नभएको स्पष्ट पारेको छ । परिसरका प्रमुख (प्रहरी वरिष्ठ उपरीक्षक) गणेशबहादुर ऐरले भट्टेडाँडामा नियमित ‘सर्च’ भएको बताउनुभयो । उहाँले भन्नुभयो, “हामीले प्रत्येक महिना नै सर्च एण्ड अपरेसन गर्दछौँ ।” फरार अभियुक्तको खोजी, त्यहाँको शान्ति सुरक्षाको अवस्था बुझ्न र नागरिकसँग प्रत्यक्ष संवादका लागि नियमित सर्च हुने गरेको उहाँको भनाइ छ । सिलवालको समेत खोजी भइरहे पनि फेला नपरेको उहाँ बताउनुहुन्छ । भट्टेडाँडामा भएको ‘सर्च एण्ड अपरेशन’ का नेतृत्व गरेका प्रहरी नायब उपरीक्षक नकुल पोखरेलले सिलवालको मात्रै खोजी गर्न नभएर नियमित कार्यक्रम भएको
More

आज र भोलि उम्मेदवारविरुद्ध दाबी विरोधको उजुरी दिन पाइने

काठमाडौं । राष्टियसभा निर्वाचन अन्र्तगत बुधबार उम्मेदवारी दर्ता गरेका उम्मेदवार उपर दाबी विरोधको उजुरी दर्ता गर्न निर्वाचन आयोगले आज र भोलीको समय दिएको छ । निर्वाचन कार्यतालिका अनुसार आज र भोली बिहान १० देखि ५ बजेसम्म उम्मेदवार विरुद्ध दाबी विरोध उजुरी दर्ता गर्न सकिने छ । शनिवार उम्मेदवारविरुद्ध दाबी विरोध बारे निर्णय लिने र आइतवार उम्मेदवारको अन्तिम नामावली प्रकाशन गर्ने आयोगको कार्यतालिका छ । आगामी सोमबार उम्मेदवारको नाम फिर्ताको समय दिइएको छ । सोही दिन आयोगले उम्मेदवारलाई निर्वाचन चिन्ह समेत प्रदान गर्दैछ । माघ २४ गते बिहान १० देखि ३ बजेसम्म राष्ट्रियसभा सदस्य निर्वाचन सम्बन्धित निर्वाचन अधिकृतको कार्यालयमा हुनेछ ।
More

प्रधानमन्त्री र प्रहरी नेतृत्ववाट असुरक्षित छु : सिलवाल

काठमाडौं । प्रहरीको फरार अभियुक्तको सूचीमा रहेका ललितपुर एकका सांसद नवराज सिलवालले आफु प्रहरीको वर्तमान नेतृत्व र प्रधानमन्त्री शेरबहादुर देउवावाट असुरक्षित रहेको बताएका छन् । नेपाल प्रहरीले डिफ्युजन नोटिस जारी गरेपछि बुधबार एक विज्ञप्ती सार्वजनिक गर्दै उनले प्रहरी नेतृत्व र प्रधानमन्त्री प्रतिसोध साँध्ने हिसावले आफ्नो पछि लागिरहेको बताएका हुन । प्रतिस्पर्धी आईजीपी प्रकाश अर्याल र प्रम देउवाले छानबिनको योजनाबद्ध र सुनियोजित षड्यन्त्र गरेर फसाउन खोजेकाले निष्पक्ष सिलवालले गरेका छन् । कार्यसम्पादन मूल्याङ्कन कीर्ते प्रकरणमा आफूलाई मात्र दोषी देखाएर सुनियोजितरूपमा भ्रामक प्रचार गराएको उनको गुनासो छ । सिलवालले सर्वोच्च अदालतको आफुले सम्मान गर्ने भन्दै सुरूको फैसला र पछिल्लो फौसलाका क्रममा आफ्ना
More

टोकियोमा नेवा:फूड फेस्टिवल २०१८ हुब्ने

यहि आउँदो जनवरी २८ तारेखका दिन वर्ल्ड नेवा:अर्गनाईजेशन जापानको आयोजनामा टोकियोको इकेगामी काइकान हलमा नेवा:नसा नख:२०१८ भब्य रुपमा सम्पन्न हुने भएको छ l जापानीहरु बीचमा नेवार खाना संस्कृतिको प्रबर्द्वन गर्ने उद्वेस्यले जापानमा पहिलो पटक नेपाल सम्बत ११३८ न्हुँ दंको उपलक्षमा नेवा:फुड फेस्टिवल२०१८ सम्पन्न हुन लागेको हो l जापानीहरुको उल्लेख्य सहभागि हुने भएको हुनाले यसपालिको नेवा:नसा:नख:रोचक एवंम जापानीहरुको बीचमा नेपाली खाना र संस्कृतिको राम्रो छाप बस्ने कुराको जानकारी आयोजक कमिटिका प्रतिनिधि मासाहिरो यामाकावा (ब्यांचा दाई )ले बताउनु भएको छ l कुमारी ,लाखे नाच ,धिमे बाजा ,भुस्या बाजा तथा विभिन्न नेवार संस्कृति झल्कने भेष भुषाको प्रदर्सन तथा सास्कृतिक टिमले भब्य सांस्कृतिक कार्यक्रम
More

मुर्मा हेल्थ पोष्टद्वारा ४,००० बढी बिरामीलाई सेवा प्रदान

हेल्पनेपाल नेटवर्कद्वारा प्रदेश नं ६ स्थित मुगु जिल्लाको मुर्मामा स्थापित हेल्पनेपाल हेल्थपोष्टले चारहजार भन्दा बढी बिरामीहरुलाई सेवा पुराएको छ। हेल्पनेपाल नेटवर्कद्वारा प्रकाशित विज्ञप्ती अनुसार जुलाई २०१६ देखि जुलाई २०१७ को अवधिमा सो स्वास्थ्यचौकीले मुर्मा र वरिपरिका रारा, पिना, सेरी, गाम्ठा लगायत सातवटा विकट गाविसहरुका ४,१७६ जनालाई स्वास्थ्य उपचारसेवा प्रदान गरेको थियो। उक्त अवधिमा ग्यास्ट्रीक, झाडापखाला, रुघाखोकी, जरोबाट पीडित बिरामीहरुको उपचार गरिनुका साथै स्वास्थ्यचौकीले विभिन्न खोपहरु लगाउनुकासाथै गर्भवती महिलाको स्वास्थ्य परीक्षण तथा सुत्केरी सेवा पनि उपलब्ध गराएको थियो। त्यसैगरी स्वास्थ्यचौकीले तीनवटा स्थानीय विद्यालयहरुमा स्वास्थ्य शिक्षा कार्यक्रम पनि सन्चालन गरेको थियो। सन् २००४ मा विकट मुगु जिल्लामा स्वास्थ्यसेवा पुराउने उद्देश्यले स्थापना गरिएको
More

पोखरा औद्योगिक व्यापार मेलामा सन्दिपले पाए १८ लाखको कार

पोखरा । पर्वत कुस्माका सन्दीप पौडेल माघ ४ गते उपचारका लागि पोखरा आए । वडा प्रहरी कार्यालय बैदामका सई नारायणप्रसाद पौडेलले छोरा सन्दीप विरामी भएपछि आफन्तमार्फत पोखरा झिकाएका थिए । आफन्त पोषण अधिकारीले सन्दीपलाई कुस्माबाट उपचारका लागि पोखरा ल्याए । पोखरा प्रदर्शनी केन्द्रमा औद्योगिक ब्यापार मेला जारी थियो र मेलामा टिकट काट्नेलाई हुन्डाइ कम्पनीको १८ लाख रुपैयाँ मूल्य पर्ने इवन कार बम्पर उपहार राखिएको थियो । बुबा नारायणलाई सन्दीपको जिम्मा लगाएर उनी मेलातर्फ लागे । आफन्त पोषणले मेला हेर्न पृथ्वीचोकको अस्पतालमा उपचार गराउँदै आएका सन्दीपको लागि विद्यार्थी सहुलियत ४० रुपैयाँको टिकट काटे भने आफूले ६० रुपैयाँ पर्ने टिकट काटे ।
More

राष्ट्रिय भलिबल टोलीलाई बिदाई

यही माघ १४ र १५ गते मकाउ र हङकङसँग मैत्रीपूर्ण खेल खेल्न जाने राष्ट्रिय भलिबल टोलीलाई बुधबार आयोजित कार्यक्रममा बिदाई गर्दै नेपाल ओलम्पिक कमिटीका अध्यक्ष जीवनराम श्रेष्ठ, भलिबल संघका अध्यक्ष मनोरञ्जन रमण शर्मा, महासचिव जितेन्द्र चन्दलगायत । टोली भोलि (बिहीबार) बिहान हङकङ जाँदै छ । – रासस
More

अदालतद्वारा चक्रे मिलनलाई सफाइ

काठमाडौँ। विशेष अदालतले मिलन गुरुङ (चक्रे मिलन) लाई सम्पत्ति शुद्धीकरण मुद्दामा सफाइ दिएको छ। न्यायाधीशहरु रत्नबहादुर बागचन्द, चण्डीराज ढकाल र प्रमोदकुमार श्रेष्ठ वैद्यको इजलाशले आज गुरुङलाई सफाइ दिएको अदालतका श्रेष्तेदार विनकुमार श्रेष्ठले जानकारी दिएका हुन्। सम्पत्ति शुद्धीकरण अनुसन्धान विभागका तर्फबाट सरकारी वकिलले वहस गरेर दुवै पक्षको सुनुवाइ सकिएपछि गुरुङलाई सफाइ दिने फैसला सुनाएको हो। अवैध रुपमा सम्पत्ति आर्जन गरेको अभियोगमा सम्पत्ति शुद्धीकरण विभागले गुरुङसहित पाँच गुन्डा नाइकेको सम्पत्तिबारे अनुसन्धान गरी २०७० साल जेठ ५ गते रु सात करोड दुई लाखभन्दा बढी रकमको विगो राखी विशेष अदालतमा मुद्दा दायर गरेको थियो। गुरुङसहित दीपक मनाङे (राजीव गुरुङ), गणेश लामा, अभिषेक गिरी र
More

अधिराज्यभर तीन लाख नककली सवारी चालक रहेको अनुमान

नेपालमा चल्ने सवारी साधनका चालकमध्ये ३ लाख नक्कली भएको अनुमान गरिएको छ। यातायात व्यवस्था विभागमा दर्ता भएको सवारी साधन र सवारी चालक अनुमतिपत्र (लाइसेन्स) लिएका चालक संख्याको आधारमा उक्त अनुमान गरिएको हो। हरेक वर्ष दुर्घटनाबाट मृत्यु हुने सर्वसाधारणको संख्या बढ्दै गएपछि त्यसको कारण खोजेर प्रतिवेदन पेस गर्न सरकारले गृह मन्त्रालयका सहसचिव डा. मानबहादुर विकेको संयोजकत्वमा ५ सदस्यीय टोली खटाएको छ। टोलीले विभिन्न जिल्लामा पुगेर सरोकारवालसँग सुझाव संकलन गरिरहेको छ। सुझाव संकलन गर्न परासी पुगेका टोलीले चालककै कारण बढी दुर्घटना हुने गरेको जनाएको छ। यातायात व्यवस्था विभागको तथ्यांक प्रस्तुत गर्दै टोली संयोजक एवं गृह मन्त्रालयका सहसविच विकेले भने, ‘राजमार्ग र सहायक
More