Daily Archives 15th February 2018

एनआरएनको बैदेशिक रोजगार तथा आप्रवासी कामदार कल्याण समिति विस्तार

लण्डन। गैर–आवासीय नेपाली संघको अन्तर्राष्ट्रिय परिषद बैदेशिक रोजगार तथा आप्रवासी कामदार कल्याण समितिको विस्तार गरिएको छ । समितिका संयोजक डीबी क्षेत्रीले बिहीवार सो समितिलाई अन्तिम रुप दिएका हुन् । समितिमा क्षेत्रिय संयोजकहरु समेत तोकिएको छ जस अनुसार मध्यपूर्वका जोन अर्याल सहसंयोजक, मध्यपूर्वका लागि सदस्यहरुमा, युएइबाट रमेश श्रेष्ठ, इजरायलबाट सुवास सिम्खडा, बहराइनबाट लक्ष्मी गिरी, ओमनबाट गुणहरी अधिकारी छन् । यस्तै खुशी लिम्बु युरोप सहसंयोजक, सदस्यहरुमा लक्ष्मी प्रसाद भट्टराई (पोल्याण्ड), कुबेर कार्की (पोर्चुगल), हेमराज पौडेल (जर्मनी), टिकाराम साप्कोटा (निदरल्याण्डस) रहेका छन्। अमेरिकाका बिनोद भट्ट सहसंयोजक, सदस्यहरुमा अमेरिकाबाट पर्शुराम भण्डारी, कोमल साप्कोटा, सुमन वस्ती र एसिया प्यासिफिक आस्था मल्ल सहसंयोजक एशिया प्यासिफिक क्षेत्रबाट
More

मुलुकले एउटा अधिनायकवादी पात्रको ज्यादतीबाट मुक्ति पायो : सिलवाल

काठमाडौं । देउवा सरकारका पालामा सर्वाधिक खोजीको पात्र बनेका सांसद नवराज सिलवालले केपी ओली प्रधानमन्त्री बन्नेवित्तिकै प्रतिक्रिया सार्वजनिक गरेका छन् । सिलवालले बिहीबार ट्वीट गर्दै कांग्रेस सभापति पूर्वप्रधानमन्त्री शेरबहादुर देउवामाथि आक्रोश पोखेका छन् । ट्वीट अकाउन्टमा सिलवाले देउवातर्फ संकेत गर्दै भनेका छन्,‘कानूनको धज्जी उडाएर आफ्नो स्वार्थपूर्ति गर्न जे पनि गर्न तयार एउटा अधिनायकवादी पात्रको ज्यादतीबाट मुलुकले आज उन्मुक्ति पाएको छ ।’सिलवालमाथि हिजोसम्म सरकारी कागजात कीर्ते गरेको आरोपमा अदालतमा मुद्दा दायर गर्ने प्रयास भएको थियो ।
More

प्रदेश २ मा मन्त्रीले सपथग्रहण

प्रदेश नम्बर २ को जनकपुरमा बिहीबार सपथग्रहण गर्दै मुख्यमन्त्रीमा मोहम्द लालबाबु राउत, आर्थिक मामिला तथा योजनामन्त्रीमा विजय यादव र भौतिक पूर्वाधारमन्त्रीमा जितेन्द्र सोनल । तस्वीर : अजयकुमार साह
More

सरकार गठनसँगै शेयर बजार उकालोतर्फ

काठमाडौं । नयाँ सरकारलाई धितोपत्र बजारले स्वागत गरेको छ । लामो समयदेखि ओरालो लाग्दै आएको बजार आज हालसम्मकै सबैभन्दा बढी अंकले उकालो लागेको हो । नेपाल स्टक एक्सचेन्जका अनुसार बजार ३६.०१ बिन्दुले उकालो लागेर एक हजार ४२४.९५ बिन्दुमा पुगेको छ । यस्तै ‘क’ वर्गका कम्पनीको शेयर मापन गर्ने सेन्सेटिभ परिसूचकसमेत ७.७२ बिन्दुले उकालो लागेर ३०१.३० बिन्दुमा पुगेको छ । नेप्सेका अनुसार आज १६५ कम्पनीको १५ लाख छ हजार ६३४ कित्ता शेयर रु ६६ करोड ३९ लाख ५६ हजार २४९ मूल्यमा खरिद बिक्री भएको हो । अधिकांश परिसूचक आज उकालो लागेकाले धितोपत्र बजारसमेत सकारात्मक रुपमा अगाडि बढेको हो । बैंकिङ ३१.३९,
More

गाउँका ८० प्रतिशत युवा वैदेशिक रोजगारीमा

सिमरा । मुलुकमा बढ्दो बेरोजगारीको कारण बाराको सिंगो गाउँको ८० प्रतिशत युवा वैदेशिक रोजगारीमा गएका छन् । जितपुर सिमरा उपमहानगरपालिका–२४ हरपुर गाउँका ८० प्रतिशत युवा वैदेशिक रोजगारीमा गएका छन् । यादव र मुस्लिमको बसोबास रहेको हरपुरका युवा वैदेशिक रोजगारीमा छन् । उनीहरु वैदेशिक रोजगारीको शिलशिलामा मलेशिया, कतार, दुबई, ओमान, साउदी अरबलगायत मुलुकमा रोजगारीमा रहेका छन् । सामान्य लेखपढ गरी कमाउँदै आएको रकमबाट घर खर्चसमेत चलाउन धौधौ परिरहेको बेला गाँउका युवा विस्तारै विदेशिने क्रम बढेको छ । यहाँको कमाइले छाक टार्न धौधौ पर्न थालेपछि युवा विदेशिने क्रम बढेको हो । दुई दशक पहिला बसोबास गर्नेकोे अवस्था निकै दयनीय थियो । गाउँमा
More

ओली दोस्रो पटक प्रम, दुई सदस्यीय मन्त्रिमण्डल गठन

काठमाडौं । नेपालको संविधानबमोजिम सम्पन्न प्रतिनिधिसभा सदस्य निर्वाचनपछिको पहिलो प्रधानमन्त्रीका रुपमा नियुक्त नेकपा (एमाले)का अध्यक्ष खड्गप्रसाद शर्मा ओली मुलुकमा दोस्रो पटक प्रधानमन्त्री बन्नुभएको छ । समृद्धि र स्थिरताको नारासहित निर्वाचनमा बहुमत हासिल गरेको वाम गठबन्धनको समर्थनमा नियुक्त प्रधानमन्त्री ओली झापा विद्रोह हुँदै लामो समय जेलनेलसमेत खेप्नुभएका आफ्नो अडानमा दृढ नेता मानिनुहुन्छ । नयाँ संविधान निर्माणमा भूमिका निर्वाह गर्दै संविधान जारीपछि पहिलो पटक २०७२ असोज २४ गते प्रधानमन्त्री बन्नुभएका अध्यक्ष ओलीले २०७३ साउन २० मा राजीनामा दिनुभएको थियो । उहाँको यसअघिको कार्यकालमा उहाँबाट छिमेकी चीनको औपचारिक भ्रमण भई यातायात र पारवहनलगायत द्विपक्षीय महत्वपूर्ण सम्झौता सम्पन्न भएको थियो । नेकपा (माओवादी केन्द्र)ले
More

राष्ट्रपति निर्वाचन फागुनभित्रै

काठमाडौं । राष्ट्रपतिको निर्वाचन यही फागुन २१ गते गर्ने विषयमा दलहरुबीच सहमति भएको छ । राष्ट्रपति र उपराष्ट्रपति निर्वाचनका विषयमा निर्वाचन आयोगले राजनीतिक दलहरुसँग आज गरेको छलफलमा राष्ट्रपतिको निर्वाचन फागुन २१ गते गर्ने आयोगको प्रस्तावमा सहमति भएको नेकपा (एमाले) का नेता राजेन्द्र पाण्डेले जानकारी दिनुभयो । राष्ट्रपति र उपराष्ट्रपतिको निर्वाचन मिति घोषणा, निर्वाचनको तयारी, राजनीतिक संवाद संयन्त्र गठनलगायतका विषयमा राजनीतिक दलका प्रतिनिधिसंग विस्तृतरुपमा छलफल भएको आयोगले जनाएको छ । निर्वाचन आयोगका प्रवक्ता नवराज ढकालले विभिन्न सरोकारवालासँग छलफल गरेर फागुन महिनाभित्रै निर्वाचन सम्पन्न गर्ने गरी आयोगले मिति घोषणा गर्ने जानकारी दिनुभयो । आयोगकातर्फबाट यही फागुन महिनाको अन्त्यसम्म राष्ट्रपति र उपराष्ट्रपतिको निर्वाचन
More

अमेरिकाको एक विद्यालयमा बन्दुकधारीद्वारा १७ विद्यार्थीको हत्या

वासिङ्टन । अमेरिकाको फ्लोरिडामा अवस्थित एक विद्यालयमा बुधबार बन्दुकधारीले गोली चलाउदा कम्तीमा १७ जना विद्यार्थीको ज्यान गएको दुःखद समाचार छ । स्थानीय प्रहरीले सो विद्यालयमा बुधबार भएको बन्दुक हमलामा परी १७ जनाको ज्यान गएको पुष्टी गरेको छ । प्रहरीकाअनुसार फ्लोरिडा राज्यको पार्कल्याण्डमा रहेको मर्जाेरी स्टोनम्यान स्कुलमा सो गोलीकाण्ड भएको हो । सोही विद्यालयका एकजना १९ वर्षीय पूर्व विद्यार्थीले सो आक्रमण गरेको प्रहरीले पत्ता लगाएको छ । सो गोलीकाण्डमा परी अरु १४ जना विद्यार्थी घाइते भएका अमेरिकी अधिकारीहरुले बताएका छन् । गोली हन्ने निकोलस क्रुज नाम गरेका ती विद्यार्थीलाई गिरफ्तार गरिएको छ । उनीमाथि थप अनुसन्धान भइरहेको प्रहरीले जनाएको छ ।
More

जनयुद्धको फोटो प्रर्दशनी

सास्कृतिक संग्रहालय नेपालद्वारा बबरमहल आर्ट ग्यालरीमा बिहीबारदेखि ५ दिनसम्म सञ्चालन हुने माओवादी जनयुद्धको शुरुदेखि शान्ति स्थापनासम्मको ऐतिहासिक फोटो प्रर्दशनीको अवलोकन गर्दै माओवादी केन्द्रका अध्यक्ष पुष्पकमल दाहाल‘प्रचण्ड’। तस्वीर : प्रदीपराज वन्त
More

श्रीमानद्वारा श्रीमतीको हत्या

भीमदत्तनगर । कञ्चनपुरको कृष्णपुर नगरपालिका–४ दयाअमरपुर मुक्तकमैया शिविरका ४८ वर्षीय बिरु डगौराले श्रीमतीको कुटपिट गरी हत्या गरेका छन् । बुधबार राति मजदुरी गरेर घर फर्किएका बिरुले ४५ वर्षीया श्रीमती लाहु डगौरालाई कुटपिट गरी हत्या गरेका हुन् । “घरमा श्रीमती मादक पदार्थ सेवन गरेर खाना नपकाइ बसेको भन्दै श्रीमान्ले हातले कुटपिट गरेको देखिन्छ ।” इलाका प्रहरी कार्यालय कृष्णपुरका प्रहरी नायब निरीक्षक भरत धामीले भन्नुभयो, “सम्झाउने क्रममा विवाद हुँदा बिरुले थप्पड हान्दा श्रीमतीको ज्यान गयो ।” बिहीबार बिहान घटनास्थल पुगेर प्रहरी टोली थप अनुसन्धान गरिरहेको छ ।
More

यतिसम्म मिस्टेक भयो प्रधानमन्त्री नियुक्ति गर्दा राष्ट्रपति कार्यालयबाट

काठमाडौं। आज प्रधानमन्त्री बनेका नेकपा एमालेका अध्यक्ष केपी शर्मा ओलीलाई राष्ट्रपतिले १ वर्षअघि नै प्रधानमन्त्री पदमा नियुक्त गरेको व्यहोराको प्रेस विज्ञप्ति राष्ट्रपतिको कार्यालयबाट जारी भएको छ । राष्ट्रपति कार्यालयमा प्रेस विज्ञप्ति टाइप गर्ने क्रममा सावधानी नअपनाउँदा यस्तो त्रुटि भएको हो । राष्ट्रपति कार्यालयले जारी गरेको केपी ओलीलाई प्रधानमन्त्री पदमा नियुक्त गरेको व्यहोराको प्रेस विज्ञप्तिमा राष्ट्रपति विद्यादेवी भण्डारीले केपी शर्मा ओलीलाई २०७३ फागुन ३ गते प्रधानमन्त्री नियुक्त गरेको उल्लेख छ । तर तल विज्ञप्ति प्रकाशित भएको मिति भने २०७४ फागुन ३ गते नै उल्लेख छ ।
More

सप्तगण्डकी क्याम्पसमा साहित्यद्वारा पोखियो मायाको परिभाषा

भरतपुर । सप्तगण्डकी बहुमुखी क्याम्पसमा स्नातक तह पहिलो वर्षमा आमसञ्चार र ग्रामीण विकास अध्ययनरत विद्यार्थीहरुले बुधबार भ्यालेन्टाइन विशेष कार्यक्रम गरेका छन् । चितवनका कवि तथा साहित्यकार भूपिन खड्का प्रमुख अतिथि रहेको कार्यक्रममा विद्यार्थीहरुले ‘माया के हो’ भन्ने बारेमा गीत, कविता र गजल सुनाएका थिए । कार्यक्रममा कवि तथा कलेजका प्राध्यापक भूपिनले भ्यालेन्टाइन डे को ऐतिहासिक सन्दर्भको बारेमा मायामा गिर्न होइन अगाडि बढ्न सकारात्मक सोचले माया गर्नुपर्छ भन्ने प्रस्तुति दिएका थिए । कार्यक्रममा पाब्लो नरुदाको प्रेम कविता सुनाउँदै उनले मायामा कुनै स्वार्थ र बदलाको भावना केही नहुने भन्दै मायाको नाममा देखिएका विकृतिहरुको अन्त्य हुनुपर्ने विचार राखेका थिए । कार्यक्रममा ग्रामीण विकास
More

‘राष्ट्रवाद ‘भ्रम कि यथार्थ’

गोविन्द बेलवासेको पुस्तक राष्ट्रवाद ‘भ्रम कि यथार्थ’ पुस्तकमा नागरिकता निरन्तरताकालागि मुद्दा नै किन भन्ने सम्मका विवरण सहित नेपाली नागरिकले जान्नै पर्ने नागरिकता संबन्धी कानुनी ब्यवस्थालार्इ तुलनात्मक ज्ञान सहित लेखिएको छ । लेखकले राष्ट्रवाद र नागरिकता सम्बन्धी बिवेचना संगै बिश्वका बिभिन्न मुलुकहरुमा बसोवास गरी त्यहाँको नागरिकता प्राप्त गरेका नेपालीहरुले स्वेच्छाले परित्याग नगरेसम्म तिनीहरुको नेपाली नागरिकता कायम रहने संवैधानिक एवं कानूनी ब्यवस्था गरिनुपर्छ भन्ने कुरालाई केन्द्रीय विषयवस्तु बनाएका छन् । पुस्तकमा उनले अमेरिकी सर्वोच्च अदालतद्वारा Afroyim V. Rusk को मुद्दामा प्रतिपादित सिद्धान्तलाई आफ्नो तर्कको आधार बनाएका छन् । यस मुद्दामा अमेरिकी अदालतले ब्यक्तिले स्वेच्छाले परित्याग गरे बाहेक राज्यले कसैको पनि नागरिकता खारेज
More

बाग्लुङमा आगलागी; लाखौँको क्षति

बागलुङ : बागलुङ जिल्लाको बडीगाड गाउँपालिका वडा न ७ बाँस्कोटमा बुधवार आगलागी हुँदा दुई घर जलेका छन्। स्थानीय देवबहादुर गुरुङको घरमा बिहान लागेको आगोका कारण उनको घर पूर्ण रुपमा जलेर नष्ट भएको छ। आगलागीबाट गुरुङको घरमा रहेको नगद ३ लाख ५० हजार सहित १० तोला सुन, अन्नपात लत्ताकपडा र कागजात जलेर नष्ट भएको बडीगाड गाउँपालिका वडा ७ का अध्यक्ष कृष्ण गुरुङले जानकारी दिए। आगलागीबाट देवबहादुरको घरसँगै रहेको ओमबहादुर गुरुङको घरमा पनि आंशिक क्षति पुगेको छ। आगलागीबाट गुरुङको घरको बार्दली र बाख्राको खोर जलेर नष्ट भएको छ। आगलागीबाट कुनै मानवीय र पशु चौपायामा भने क्षति नभएको उनले बताए। घर जलेपछि गुरुङ
More

अन्त्यमा देउवाले कसलाई गरे यस्तो कटाक्ष

काठमाडौं : प्रधानमन्त्री शेरबहादुर देउवाले देशवासीका नाममा सम्बोधन गरी पदबाट राजीनामा दिएका छन्। प्रधानमन्त्रीका रुपमा चौँथो कार्यकाल सम्पन्न गरी बिदा हुँदै गर्दा देउवाले संविधान कार्यान्वयनको नेतृत्व गरौँला भन्ने आफूलाई नलागेको प्रतिक्रिया दिएका छन्। प्रधानमन्त्रीको सरकारी निवासबाट देशवासीका नाममा सम्बोधन गर्दै देउवाले संविधानअनुसार तीन तहका निर्वाचन सम्पन्न भएकोमा खुसी व्यक्त गरेका छन्। ‘स्थानीय, प्रादेशिक र संघीय तीनै तहमा निर्वाचित निकायको गठनबाट समृद्ध नेपाल निर्माणका लागि मजवुत लोकतान्त्रिक आधारशिला निर्माण भएको’ देउवाको दावी छ। सम्बोधनका क्रममा देउवाले आफूले गरेका राम्रा कामको फेहरिस्त प्रस्तुत गरेका छन्। ४९ वर्षको उमेरमा पहिलोपटक २७ भदौ २०५२ मा प्रधानमन्त्री निर्वाचित देउवा पछिल्लोपटक २३ जेठ ०७४ मा माओवादी
More

देउवाको सम्बोधनमा रुञ्चे हाँसो

काठमाडौं । प्रधानमन्त्री शेरबहादुर देउवाले विहीबार राजीनामा दिनुअघि राष्ट्रको नाममा सम्बोधन गरे । राष्ट्रको नाममा सम्बोधन गर्नुअघि मन्त्रिपरिषद्को बैठक बसेको थियो । उक्त बैठकले सरकार छाडेर नयाँ सरकार बन्ने मार्गप्रशस्त गर्ने निर्णय गरेको थियो । बैठक सकिएलगत्तै देउवा राष्ट्रको नाममा सम्बोधन गरेका थिए । सम्बोधनको क्रममा सत्ता छाड्नुको पीडा प्रधानमन्त्री देउवालगायत वरिपरी बसेका उपप्रधान तथा मन्त्रीहरुको मुहारबाट झल्केको थियो । वाक पटुता नभएका देउवाले अड्कदै सम्बोधनमा भने, ‘संविधान कार्यन्वयनका लागि तीनै तहको निर्वाचन सम्पन्न गर्ने मेरो जिम्मेवारी पुरा भएको छ । नयाँ संघीय सरकार निर्माण गर्ने चरणमा हामी पुगेका छौ ।’ यसका लागि मैले आजैको मितिबाट प्रधानमन्त्री पदबाट राजीनामा दिएको
More

एमाले अध्यक्ष ओली प्रधानमन्त्रीमा नियुक्त, सपथ अपरान्ह ४ बजे

काठमाडौं । नेकपा एमाले अध्यक्ष केपी शर्मा ओली प्रधानमन्त्री नियुक्त भएका छन् । राष्ट्रपति विद्यादेवी भण्डारीले संविधानको धारा ७६ को उपधारा २ बमोजिम ओलीलाई प्रधानमन्त्री नियुक्त गरेका हुन् । राष्ट्रपतिका प्रमुख स्वकीय सचिव भेषराज अधिकारीले प्रधानमन्त्री ओलीलाई अपरान्ह अपरान्ह ४ बजे सपथ गराउने कार्यक्रम रहेको बताए । वाम गठबन्धनले राष्ट्रपति विद्यादेवी भण्डारीसमक्ष प्रधानमन्त्रीमा नेकपा (एमाले) का अध्यक्ष केपी शर्मा ओलीलाई नियुक्त गर्न दाबीपत्र प्रस्तुत गरेको थियो । एमालेका अध्यक्ष ओली र नेकपा (माओवादी केन्द्र) का अध्यक्ष पुष्पकमल दाहाल प्रचण्डले हस्ताक्षर गर्नुभएको सो पत्र राष्ट्रपति कार्यालय, शीतल निवासमा बुझाइएको थियो । गत मंसिर १० र २१ मा सम्पन्न प्रतिनिधिसभा सदस्यको निर्वाचनको
More

एमाले अध्यक्ष ओलीद्वारा प्रधानमन्त्रीमा दाबी पेस

काठमाडौं । नेकपा एमाले अध्यक्ष केपी शर्मा ओलीले राष्ट्रपति सक्षम प्रधानमन्त्री नियुक्तिका लागि दाबी पेस गरेका छन् । उनले संविधानको धारा ७६ (२) अनुसार दाबी पेस गरेका हुन् । संविधानको धारा ७२ (२) मा उपधारा (१) बमोजिम प्रतिनिधिसभामा कुनै पनि दलको स्पष्ट बहुमत नरहेको अवस्थामा प्रतिनिधिसभामा प्रतिनिधित्व गर्ने दुई वा दुईभन्दा बढी दलहरुको समर्थनमा बहुमत प्राप्त गर्न सक्ने प्रतिनिधिसभाको सदस्यलाई राष्ट्रपतिले प्रधानमन्त्री नियुक्त गर्नेछ भनी उल्लेख छ । वाम गठबन्धनले एमाले अध्यक्ष केपी शर्मा ओलीलाई प्रधानमन्त्री बनाउने निर्णय गरिसकेको छ । राष्ट्रपतिलाई भेट्न एमाले अध्यक्ष ओलीसहित माओवादी र एमाले नेताहरु शितल निवास पुगेका थिए । दुई सय ७५ सदस्यीय प्रतिनिधिसभामा
More

एनआरएनको सहयोगमा युएईमा अलपत्र ९ नेपाली महिलाको उद्दार

यूएई(जस)– अवैधानिक बाटो हुँदै युएई आएर अलपत्र परेका नेपाली महिलाहरुलाई एनआरएन युएईको पहलमा उद्दार गरी नेपाल पठाइएको छ । उद्दार गरिएका आठ जना महिलाहरुमा नौमती घर्ती, युना राई, रितु सुनार, स्वस्तिका योञ्जन, कल्पना विश्वकर्मा, गंगा थापा, अञ्जना लिम्बु र रिता सुनारलाई आवश्यक प्रक्रिया पूरा गरी दलाललाई फिर्ति टिकट बनाउन लगाएर विभिन्न चरणमा नेपाल पठाइएको एनआरएन युएईका उपाध्यक्ष बालकृष्ण मरासिनीले बताए । नेपाल र भारतको बाटो हुँदै युएईको शारजाह विमानस्थल आएका उनीहरुलाई युएईमा रहेको एजेन्ट सुजन भण्डारीले आफ्नो कोठामा लगेर राखेका थिए । उनीहरुलाई सम्पर्कबाट बञ्चित गरेर राखेको पिडितहरुले बताएका थिए । एजेन्ट भण्डारीकी श्रीमती शान्तिमाया राई (एलिसा) र विरु पौडेलको
More

राष्ट्रकविलाई दर्ज्यानी चिह्न प्रदान

काठमाडौँ — राष्ट्रपति विद्यादेवी भण्डारीले राष्ट्रकवि माधवप्रसाद घिमिरेलाई नेपाली सेनाको मानार्थ सहायक रथीको दज्र्यानी चिह्न प्रदान गरेकी छन् । महाशिवरात्रि तथा सेना दिवसका अवसरमा सैनिक मुख्यालय जंगीअड्डामा बुधबार आयोजित कार्यक्रममा राष्ट्रपतिले घिमिरेलाई दज्र्यानी चिह्न प्रदान गरेकी हुन् । माघ २६ मा बसेको मन्त्रिपरिषद् बैठकले साहित्य माध्यमबाट राष्ट्रियता र राष्ट्रिय स्वाभिमान प्रवद्र्धनमायोगदान पुर्‍याएबापत घिमिरेलाई सहायक रथीको मानार्थ उपाधि प्रदान गर्ने निर्णय गरेको थियो । -कान्तिपुर दैनिकबाट ।
More