Daily Archives 22nd February 2018

नायिकालाई बोक्दै नायक

चितवनको भरतपुरमा बिहीबार भएको स्कुटरको उद्घाटन कार्यक्रममा स्टेजबाट नायिका प्रियंका कार्कीलाई बोकेर तल झार्दै नायक आयुष्मान जोशी । उनीहरु जुपिटर क्लासिक स्कुटरको ब्राण्ड एम्बेस्डरसमेत हुन् । तस्बीर: नारायण ढुंगाना
More

राष्ट्रपतिको निर्वाचन फागुन २९ मा

काठमाडौं । राष्ट्रपतिको निर्वाचन यही फागुन २९ गते हुने भएको छ । प्रमुख निर्वाचन आयुक्त डा अयोधीप्रसाद यादवको अध्यक्षतामा आज निर्वाचन आयोगमा बसेको बैठकले राष्ट्रपति तथा उपराष्ट्रपति निर्वाचन ऐन, २०७४ को दफा ४, उपदफा (२) को व्यवस्थाबमोजिम सो मिति तोकेको आयोगका प्रवक्ता नवराज ढकालले बैठकपछि प्रेस विज्ञप्ति जारी गरी जानकारी दिनुभयो । सो दिन बिहान १० देखि अपराह्न ३ बजेसम्म राष्ट्रपतिको निर्वाचनका लागि मतदान हुने समय तय गरिएको छ । आयोगले राष्ट्रपतिको निर्वाचनको मिति तय गर्नुअघि प्रधानमन्त्री तथा राजनीतिक दलका प्रतिनिधिसँग परामर्श गरेको थियो ।
More

चैतको पहिलो साता एमाले-माओवादी एक हुने

काठमाडौं । नेकपा (एमाले) र नेकपा (माओवादी केन्द्र)बीच पार्टी एकताका लागि गठित राजनीतिक र सांगठनिक दुई कार्यदललाई १५ दिनभित्र पार्टी एकताको खाकासहितको प्रतिवेदन बुझाउन जिम्मेवारी दिइएको छ । आज प्रधानमन्त्री निवास बालुवाटारमा प्रधानमन्त्री केपी शर्मा ओली र माओवादी केन्द्रका अध्यक्ष पुष्पकमल दाहालसहित बसेको दुवै कार्यदलको बैठकले १५ दिनभित्रमा पार्टी एकताको खाकासहित प्रतिवेदन बुझाउन जिम्मेवारी दिएको एमाले सचिव प्रदीप ज्ञवालीले जानकारी दिनुभयो । यही फागुन ७ गते पार्टी एकता संयोजन समितिको बैठकले दुई कार्यदल गठन गरेको थियो । दुवै कार्यदलले पार्टी एकताका लागि तय गरिएको सात बुँदे आधारलाई टेकेर काम गर्ने ज्ञवालीले बताउनुभयो । राजनीतिक प्रतिवेदन तयार गर्नका लागि एमालेका वरिष्ठ
More

अंग्रेजीमा इम्बोस्ड नम्बरप्लेट वितरण तत्काल रोक्न सर्वोच्चको अन्तरिम आदेश

काठमाडौं । सवारी–साधनमा अंग्रेजीमा इम्बोस्ड नम्बरप्लेट वितरणकार्य तत्काल रोक्न सर्वोच्च अदालतले अन्तरिम आदेश जारी गरेको छ । प्रधानन्यायाधीश गोपाल पराजुलीको एकल इजलासले सामाजिक अभियन्ता भरत बस्नेतले जारी गरेको रिटमा सुनुवाइ गर्दै बिहीबार सो आदेश जारी गरेको हो । संविधानको धारा ७ मा देवनागरी लिपिमा लेखिने नेपाली भाषा नेपालको सरकारी कामकाजको भाषा हुने उल्लेख भएको र यातायातसम्बन्धी ऐन–नियममा पनि नेपालीमै नम्बर प्लेट वितरण हुने व्यवस्था रहेको आदेशमा उल्लेख छ । कारणदेखाऊ आदेश जारी गर्दै थप छलफलका लागि विपक्षीलाई झिकाउने पनि आदेशमा उल्लेख छ । अन्तरिम आदेशको पक्षमा वरिष्ठ अधिवक्ताहरु हरिहर दाहाल, तुलसी भट्ट, बालकृष्ण न्यौपानेलगायतले बहस गरेका थिए ।
More

जीप दुर्घटनामा चार जनाको मृत्यु

काठमाडौं । महाबु गाउँपालिकाको गैडावाजका लागि छुटेको बोलेरो जीप दुर्घटना भएको छ। जीप महाबु-४ ओखलढुंगामा दुर्घटना भएको हो। लु१ज ३५३२ नम्बरको जीप दुर्घटनामा चार जनाको मृत्यु र तीनजना घाइते भएको जिल्ला प्रहरी कार्यालय दैलेखका डीएसपी सरोज पौडेलले बताए । मृत्यु हुनेमा महाबु-५ का श्रबणकुमार शाही, वडा नं. ३ कि निर्मला पाण्डे र वीरेन्द्रनगर सुर्खेतका तिलक ढकाल र वडा नं. ६ की निर्मला शाही रहेका छन् । एक जनाको भने पहिचान हुन नसकेको प्रहरीले जनाएको छ । जिल्ला प्रहरी कार्यालय दैलेखबाट थप प्रहरी टोली दुर्घटना स्थलतर्फ गएको छ ।
More

पर्यटन बोर्डको घोटाला प्रकरण: निरौलालाई ७ वर्ष कैद र ८० लाख जरिवाना

काठमाडौं । नेपाल पर्यटन बोर्डको घोटाला प्रकरणमा विशेष अदालतले तीन जनालाई दोषी ठहर गरेको छ । बोर्डको घोटाला प्रकरणमा सुवास निरौलासहित तीन जनालाई दोषी ठहर गरेका हुन् । २० जनाले भने सफाइ पाएका छन् । विषेश अदालतले पर्यटन बोर्डका पूर्वसीईओ निरौलालाई ७ वर्ष कैद र ८० लाख ५१ हजार जरिवाना पनि तोकेको छ । अनिलकुमार दासलाई ६ वर्ष कैद सजाय सुनाएको छ भने महेन्द्र खनाल पनि दोषी ठहर गरेका हुन् ।
More

समाजवादी फोरम र राजपा सरकारमा सहभागी हुने

काठमाडौं । संघीय समाजवादी फोरम नेपालले प्रधानमन्त्री केपी शर्मा ओली नेतृत्वको वाम गठबन्धन सरकारमा सहभागी हुने संकेत देखाएको छ । उक्त दलले संविधान संशोधनको मूल मुद्दा सुनिश्चित भए वर्तमान सरकारमा सहभागी हुने आशय पनि व्यक्त गरेको छ । सरकारमा सहभागिताबारे पछिल्ला दिनमा चलिरहेका विभिन्न चरणका छलफल सकारात्मक भए पनि सहभागिताको अझै टुंगो लागेको छैन । सरकारमा सहभागी हुने सम्बन्धमा बुधबार भएको दुई पक्षीय छलफल निकै सकारात्मक भएपनि संविधान संशोधनको विषय राजनीतिक निर्णयकै रुपमा अगाडि आए अझ विश्वासको वातावरण बन्ने फोरमको बुझाइ छ । सरकारमा सहभागी हुनेबारे पछिल्लो चरणमा शृंखलाबद्ध छलफल भएको र ती छलफल सकारात्मकढंगले अघि बढेको समाजवादी फोरमका अध्यक्ष
More

नेपाली काँग्रस बैठक आइतबार

काठमाडौं । नेपाली काँग्रस केन्द्रीय कार्यसमितिको बैठक यही फागुन १३ गते आइतबार बिहान ९ बजे केन्द्रीय कार्यालय ललितपुरमा हुने भएको छ । उक्त पार्टीले बैठकमा उपस्थित हुन केन्द्रीय कार्यसमितिका पदाधिकारी र सदस्यहरुलाई अनुरोध गरेको आज जारी विज्ञप्तिमा जनाइएको छ ।
More

पानी तान्न सौर्य उर्जा जडान

म्याग्दीको बेनी नगरपालिका–५ पुलाचौर डडुवा लिफ्टीङ खानेपानी तथा सरसफाइ आयोजनाअन्तर्गत डाँडामा निर्माण भएको रिजर्भ टंकीमा फेदीबाट पानी तान्ने मेशिन सञ्चालनका लागि जडान भएको सौर्य उर्जा । तस्वीर : सन्तोष गौतम
More

सहमति जुटे आजै मन्त्रिपरिषद विस्तार गर्ने प्रधानमन्त्रीको तयारी

काठमाडौं । नयाँ सरकारमा मन्त्रालय बाँडफाँडमा सहमति जुटाउन नेकपा एमाले र माओवादीको कार्यदलको बैठक आज बस्दैछ । प्रधानमन्त्री कार्यालय बालुवाटारमा बसेको बैठकले नयाँ सरकारमा एमाले र माओवादीले पाउने मन्त्रालयहरुको अन्तिम टुंगो लगाउने बताइएको छ । संविधान अनुसार संघीय सरकारमा समावेशी सिद्धान्त बमोजिम बढीमा २५ जना मन्त्री रहने व्यवस्था छ । सोही अनुसार हाल कायम रहेका तीसवटा मन्त्रालयलाई २० भन्दा कममा झारेर बाँडफाँड मिलाउने तयारी दुई दलको छ । मन्त्रालयहरुको संख्या प्रधानमन्त्री कार्यालयसहित २० भन्दा कम नै राख्ने सहमति दुई दलबीच भैसकेको छ । मन्त्रालयहरुको संख्या घटाउने काम सकिए प्रधानमन्त्री केपी शर्मा ओलीले आज नै मन्त्रिपरिषद विस्तार गर्ने तयारी गरेका छन्
More

बलात्कारको घटना मिलाउने दुईजना पक्राउ

पाँचथर । पाँचथरको तुम्बेवा गाउँपालिका–३ मा भएको बलात्कारको घटना गाउँमै मिलाएको भन्दै प्रहरीमा पुगेका दुई जनालाई प्रहरीले नियन्त्रणमा लिएर कारबाही अघि बढाएको छ । जबर्जस्ती करणी गरेको मुद्दामा पीडित बालिकाका आफन्तलाई आर्थिक प्रलोभन देखाई बलात्कारमा संलग्न तुम्बेवा–३ का मनकुमार सम्बाहाम्फेलाई उन्मुक्ति दिन पहल गरेको भन्दै प्रहरीले तुम्बेवा–३ का धनकुमार सम्बाहाम्फे र नेवारसिंह सम्बाहाम्फेलाई फागुन ८ गते नियन्त्रणमा लिएको हो । बलात्कारको घटनामा संलग्न भनिएका मनकुमारलाई प्रहरीले गत माघ २१ गते नियन्त्रणमा लिई अनुसन्धान अघि बढाएको छ । “हामीले गाउँमै मुद्दा मिलायौँ भन्दै प्रहरीमा आइपुगेका उनीहरुले पीडितका आफन्तलाई आर्थिक प्रलोभन देखाई पीडकलाई उन्मुक्ति दिन खोजेकाले नियन्त्रणमा लिई अनुसन्धान थालिएको हो”, जिल्ला
More

साँधको रुख र बेलायती कानुन !

नारायण गाउँले : साँधे कान्लोमा लगाइएको एउटा घाँसे रुखलाई लिएर दाजुभाइबीच झगड़ा र मुद्दामामिला भएको सुन्नुभएको छ ? छिमेकीबीच आलिको रुखलाई लिएर किचलो त परि नै रहन्छ । बेलायतमा चाहिँ साँधको रुखबारे यस्तो रोचक कानुन रहेछ: १-तपाईंले साँधमा ठूलै रुख पनि रोप्न पाउनुहुन्छ । त्यसको मूल जरो रोप्दाको क्षण तपाईंकै जग्गामा परे भयो । रुखको उचित रेखदेख र सम्भार गर्ने जिम्मा तपाईंकै हुन्छ र तपाईं रुखपति हुनुहुन्छ। तर, २-त्यो रुखको हाँगा जति सबै छिमेकीको गार्डेनमा गए पनि तपाईंलाई छिमेकीले केही भन्न, गर्न मिल्दैन; रुख तपाईंकै हुन्छ । ३-छिमेकीको गार्डेनमा फैलिएको हाँगामा फल्ने फल या फूलमाथि पनि हक तपाईंकै हुन्छ ।
More

मुख्यमन्त्री राउतले आज विश्वासको मत लिने

महेन्द्रनगर । प्रदेश नं २ का मुख्यमन्त्री लालबाबु राउतले आज संसद्मा विश्वासको मत लिनुहुने भएको छ । प्रदेश संसद् सचिवालयका उपसचिव रञ्जितकुमार यादवले दिएको जानकारीअनुसार आज दिउँसो १ बजे बोलाइएको प्रदेशसभा बैठकमा मुख्यमन्त्री राउतले सम्बोधन गर्दै विश्वासको मतका लागि प्रस्ताव गर्नुहुनेछ । संविधानको धारा १६८ को उपधारा ४ बमोजिम बहुमत सांसदको समर्थनमा मुख्यमन्त्री नियुक्त हुनुभएका राउतले ३० दिनभित्र प्रदेशसभाबाट विश्वासको मत प्राप्त गर्नुपर्छ । संघीय समाजवादी फोरम नेपालका संसदीय दलका नेता लालबाबु राउत राष्ट्रिय जनता पार्टी नेपालको समर्थनमा फागुन २ गते मुख्यमन्त्रीको पदमा नियुक्त हुनुभएको हो । आज विश्वासको मत प्राप्त गर्नका लागि मुख्यमन्त्री राउतले नेपाली काँग्रेसलाई पनि आग्रह गर्नुभएको
More

बसको ठक्करबाट भारतीय नागरिकको मृत्यु

जितपुर, कपिलवस्तु । कपिलवस्तुमा बसले मोटरसाइकललाई ठक्कर दिँदा एक भारतीय नागरिकको मृत्यु भएको छ । कपिलवस्तु नगरपालिका–८, तौलिहवा–भैरहवा सडकखण्डअन्तर्गत दोहनीमा तौलिहवा आउँदै गरेको लु १ ख ३७३४ नम्बरको बसले विपरीत दिशाबाट आइरहेको युपी ५५ यु ३५६४ नम्बरको मोटरसाइकललाई ठक्कर दिँदा मोटरसाइकल चालक भारत सिद्धार्थनगरका ५० वर्षीय गौरीशंकर चौरसियाको घटनास्थलमा नै मृत्यु भएको जिल्ला प्रहरी कार्यालय कपिलवस्तुले जनाएको छ । उनको शवपरीक्षणका लागि जिल्ला अस्पताल तौलिहवा पठाइएको छ । ठक्कर दिने बस र चालक प्रहरीको नियन्त्रणमा रहेको प्रहरीले जनाएको छ । -रासस
More

विद्यार्थीले निकाले रुखको लहराबाट विद्युत

काठमाडौँ । मुसिकोट नगरपालिका ५ शेरीगाउँस्थित मोर्डन रिसर्च कन्ट्रक्टसन एन्ड कन्सलटेन्सी प्रालिमा नेबल टु इेलेक्ट्रिकल सब ओभरसियल पढिरहेका विद्यार्थीले गुनामौराको रुख र रुखको लहराबाट विद्युत निकालेका छन्। १० जना विद्यार्थीका टोलीले रुख र लहराबाट १९ भोल्टको विद्युत् निकालेको विद्यार्थी जयबहादुर नाथले बताए। उनीहरुले अघिल्लो बर्ष स्याउ र आलुबाट विद्युत निकालेका थिए। नाथका अनुसार तामा र फलामको प्रयोग गरी विद्युत् निकालिएको थियो। रुखबाट फलेको फलबाट विद्युत निकाल्न सकिन्छ भने रुखबाट पनि निकाल्न सकिन्छ होल भनने चासो फल भएकोले प्रालिका कार्यकारी निर्देशक भुवननाथ जलनले बताए। -नयाँ पत्रिकाबाट ।
More

लालबाबुले मागे काङ्ग्रेसको समर्थन

जनकपुर । प्रदेश २ का मुख्यमन्त्री लालबाबु राउतले बिहीबार संसदमा विश्वासको मत लिँदैछन् । बिहीबार दिउँसो १ बजे बोलाइएको प्रदेशसभा बैठकमा मुख्यमन्त्री राउतले संबोधन गर्दै विश्वासको मतको लागि प्रस्ताव गर्ने प्रदेश संसद सचिवालयका उपसचिव रञ्जितकुमार यादवले जानकारी दिए । संविधानको धारा १६८ को उपधारा ४ बमोजिम बहुमत सांसदको समर्थनमा मुख्यमन्त्री नियुक्त भएको ब्यक्तिले ३० दिनभित्र प्रदेशसभाबाट विश्वासको मत प्राप्त गर्नुपर्छ । संघीय समाजवादी फोरमका संसदीय दलका नेता लालबाबु राउत राष्ट्रिय जनता पार्टी नेपालको समर्थनमा फागुन २ गते मुख्यमन्त्रीको पदमा नियुक्त हुनुभएको हो । मुख्यमन्त्री राउतले आफूलाई विश्वासको मत दिन नेपाली कांग्रेसलाई पनि आग्रह गरेका छन् । उनले राजपा स‌ंसदीय दलका
More

४ वर्षीया बालिका बलात्कृत

कञ्चनपुर । पुनर्वास नगरपालिकाको (ख) गाउँमा ४ वर्षीया बालिका बलात्कृत भएकी छन्। प्रहरीले बलात्कार आरोपमा पुनर्वास नगरपालिका-८ (क) गाउँका ३६ वर्षीय भीमबहादुर श्रीमाललाई पक्राउ गरेको छ। कृष्णपुर नगरपालिका-४ मौरीफाँटामा १३ वर्षीया किशोरी बलात्कृत भएको ६ दिन नबित्दै फेरि अर्को बलात्कारको घटना सार्वजनिक भएपछि स्थानीय आक्रोशित छन्। पुनर्वासमा हजुरआमासँगै सुतेकी बालिकालाई युवकले बाहिर लगेर बलात्कार गरी फेरि सोही ठाउँमा छाडेर गएको प्रहरीले जनाएको छ। श्रीमाललाई प्रहरीले मंगलबार पुनर्वास नगरपालिका-९ (ख) गाउँबाट पक्राउ गरेको हो। घटनाका विषयमा थप अनुसन्धान भइरहेको जिल्ला प्रहरी प्रमुख एसपी दिल्लीराज विष्टले बताए। ‘घटनाको दोस्रो दिन पीडकले नै पीडितका आफन्तलाई धम्काएपछि घटना बाहिर आएको हो,’ उनले भने, ‘बालिकाका
More