Daily Archives 4th March 2018

कांग्रेस संसदीय दलको नेता बन्न देउवाको यस्तो रणनीति

काठमाडौं । प्रमुख प्रतिपक्षी दल नेपाली कांग्रेसले सोमबार संसदीय दलको नेता चयन गर्दैछ । प्रतिनिधिसभाको २७५ मध्ये प्रत्यक्षतर्फ २३ र समानुपातिकतर्फ ४० गरी कांग्रेसले ६३ सिट जितेको छ । यिनै ६३ जनाले आफूमध्येबाट दलको नेता चयन गर्दैछन् । सर्वसम्मत रूपमा नेतृत्व चयन गर्ने सभापति शेरवहादुर देउवाकोे प्रयास विफल भएपछि मतदानमै लैजाने टुंगो भएको छ । सभापति देउवा स्वयं र पूर्वउपसभापति प्रकाशमान सिंह चुनावी मैदानमा छन् । सभापति देउवाले भारी मतअन्तरले चुनाव जित्ने सुनिश्चित हुँदाहुँदै सिंहले उम्मेदवारी दिएपछि कांग्रेसभित्रको राजनीति निकै पेचिलो हुने संकेत देखिएको छ । उपनेता पदमा सिंहलाई मनोनीत गर्ने गरी सहमति गर्न गत शनिबार पूर्वकार्यबाहक सभापति गोपालमान श्रेष्ठ
More

शपथपछि बैठक हलमा

पद तथा गोपनियताको शपथपछि संघीय संसद भवन नयाँ बानेश्वरको बैठक हलमा नेका सभापति शेरबहादुर देउवा, माओवादी केन्द्रका अध्यक्ष पुष्पकमल दाहाल ‘प्रचण्ड’, नेकपा (एमाले)का उपनेता पूर्वसभामुख सुवास नेम्बाङलगायत । तस्बिर : रत्न श्रेष्ठ
More

यस्तो छ कांग्रेसमा संसदीय दलको नेता छान्ने कार्यक्रम

काठमाडौं । नेपाली काँग्रेस संसदीय दलको नेताका लागि आज मतदाता नामावली प्रकाशन भएको छ । कुल २७५ सदस्यीय प्रतिनिधिसभामा काँग्रेसका प्रत्यक्ष निर्वाचित २३ र समानुपातिक ४० गरी ६३ सांसदको नाम मतदाता नामावलीमा छ । नेपालको संविधान जारी भएपछि प्रतिनिधिसभाको निर्वाचन गत मंसिर १० र २१ गते दुई चरणमा सम्पन्न भएको थियो । आज अपराह्न ६ बजेदेखि साँझ ७:३० बजेसम्म संसदीय दलको नेताको उम्मेदवारका लागि दरखास्त आह्वान गरिएको छ । नेताका लागि सभापति देउवा र पूर्वमहामन्त्री प्रकाशमान सिंहको उम्मेदवारी पर्ने देखिएको छ । सोमबार बिहान ८:३० बजे उम्मेदवारको अन्तिम नामावली प्रकाशन गरिने निर्वाचन समितिका सदस्य सचिव केशव रिजालले जानकारी दिनुभयो ।
More

सांसदको सपथग्रहणमा को–को गएनन ?

काठमाडौं । संघीय संसद्को तल्लो सदन प्रतिनिधिसभाका सदस्यको शपथ कार्यक्रममा चार सांसदको अनुपस्थिति रह्यो । प्रतिनिधिसभाको सभाहलमा आज भएको शपथ कार्यक्रममा सांसदहरु टोपबहादुर रायमाझी, महेन्द्रराय यादव, धर्मशीला चापागार्इं र रेशम चौधरी अनुपस्थित रहनुभएको संघीय संसद् सचिवालयका प्रवक्ता डा भरतराज गौतमले जानकारी दिनुभयो । सांसदहरुलाई ज्येष्ठ सदस्य महन्थ ठाकुरले शपथ गराउनुभएको थियो । कूल २७५ सदस्यीय प्रतिनिधिसभाका सदस्यको शपथमा २७१ सांसद उपस्थित हुनुहुन्थ्यो । सांसद चौधरी अदालतको आदेशमा पुर्पक्षका लागि थुनामा हुनुहुन्छ भने अन्य सांसद व्यक्तिगत कारणले शपथमा अनुपस्थित रहनुभएको बताइएको छ ।
More

भुजेलको हत्यारा पक्राउ

काठमाडौं । महानगरीय प्रहरी परिसरले सिटी सेन्टरको विग मुभिज सिनेमा घरमा कार्यरत सेक्युरिटी गार्डको हत्यारालाई पक्राउ गरेको छ । प्रहरीले सिटी सेन्टरमा विग मुभिज सिनेमा घरमा दुई वर्षदेखि कार्यरत सेक्युरिटी गार्ड रवीन खवास भुजेलको हत्यामा संलग्न रुद्रबहादुर बस्नेतलाई शुक्रबारै पक्राउ गरेको हो । बस्नेतले शुक्रबार बिहान ३ः३० बजे मादक पदार्थ सेवन गरी भएको सामान्य विवादका कारण मुख र नाकमा थिची चार तलामाथिबाट खसालेका थिए । उनीहरु दुवैजना विगत एक वर्षदेखि ‘गुप्र फोर’ कम्पनीमार्फत उक्त सिनेमा घरमा सेक्युरिटी गार्डको काम गर्दै आएका थिए । कर्तव्य ज्यान मुद्दामा प्रक्राउ परेका बस्नेतलाई अदालतबाट म्याद थप गरी अनुसन्धान भइरहेको प्रहरीले जनाएको छ ।
More

तामाङ कोअपरेसन सोसाइटी अफ क्यालिफोर्नियाद्वारा आर्थिक सहयोग

काठमाडौं । तामाङ कोअपरेसन सोसाइटी अफ क्यालिफोर्निया, अमेरिकाले ब्रेन स्ट्रोक तथा मिर्गौला पीडितलाई तीन जनालाई आर्थिक सहयोग गरेको छ । सोसाइटीले ब्रेन स्ट्रोकबाट पीडित चलचित्र निर्देशक दिलबहादुर दोङलाई एक लाख १० हजार रुपैयाँ, मिर्गौला रोगीद्वय उमेश दोङलाई एक लाख र दुर्ग दोङलाई ३९ हजार रुपैयाँ सहयोग गरेको हो । नेपाल तामाङ घेदुङका अध्यक्ष मोहन गोले र सोसाइटीका उपाध्यक्ष प्रेम थोकरले आइतबार घेदुङ केन्द्रीय कार्यालयमा आयोजित एक समारोहमा उक्त सहयोग रकम हस्तान्तरण गरेका थिए । सोसाइटीका उपाध्यक्ष थोकरले संस्थाको स्थापनासँगै नेपालमा विभिन्न रोगबाट पीडितको उपचार तथा अन्य विभिन्न सामाजिक कार्यका लागि आर्थिक सहयोग गर्दै आएको जानकारी दिए । संस्थाका पदाधिकारी, सदस्य
More

राष्ट्रियसभाका ५५ सदस्यद्वारा शपथ

काठमाडौं । राष्ट्रियसभाका ५५ जना सदस्यले आज पद तथा गोपनीयताको शपथ लिनुभएको छ । नयाँ बानेश्वरस्थित संघीय संसद् भवनको राष्ट्रियसभा कक्षमा आज साँझ आयोजित एक कार्यक्रममा ज्येष्ठ सदस्य तारादेवी भट्टले उहाँहरुलाई शपथ दिलाउनुभएको हो । केही सांसदले आ–आफ्नो मातृभाषामा शपथ लिनुभएको थियो । शपथ कार्यक्रममा राष्ट्रियसभा सदस्य रमेशप्रसाद यादव भने उपस्थित हुनुभएन । मुलुकका प्रत्येक प्रदेशबाट तीन महिला, एक दलित, एक अपांगता वा अल्पसंख्यकसहित आठ जनाका दरले राष्ट्रियसभामा प्रतिनिधित्व हुने संवैधानिक व्यवस्था रहेको छ । राष्ट्रियसभामा नेकपा (एमाले) का २७, नेपाली काँग्रेसका १३, नेकपा (माओवादी केन्द्र)का १२, राष्ट्रिय जनता पार्टी दुई र संघीय समाजवादी पार्टी नेपालका दुई जना सदस्यको प्रतिनिधित्व
More

सातजनाको हत्या अभियोग लागेका सकिललाई नेपाल ल्याइयो

काठमाडौं । सातजनाको हत्या गरेको आरोप लागेका मोहम्मद सकिल हुसेनलाई आज कतारबाट नेपाल ल्याइएको छ । सकिल हुसेनलाई नेपाल प्रहरीको अनुरोधमा अन्तर्राष्ट्रिय प्रहरी संगटन (इन्टरपोल) को सचिवालयले विसं २०७२ असार ७ गते ‘रेडकर्नर नोटिस’ जारी गरेको थियो । इन्टरपोलको समन्वयमा कतार प्रहरीले केही दिनअघि पक्राउ गरेकोमा इन्टरपोल कतारबाट खटिआएका प्रहरी अधिकृतले आज हुसेनलाई नेपाल ल्याएको नेपाल प्रहरीका प्रवक्ता मनोज न्यौपानेले आज जारी गर्नुभएको विज्ञप्तिमा उल्लेख छ । सप्तरीका इद्रिस खलिफा नट, जैतुन खातुन, सैरुन खातुन, सहबुद मिया, सगिरा खातुन, दुलारी देवी साह र निर्मला देवी साहसमेत सातजनाको हत्या गरी फरार रहेको अभियोगमा हुसेनविरुद्ध सप्तरी जिल्ला अदालतमा सर्वस्वसहित जन्मकैद सजाय माग
More

प्रतिनिधिसभा सदस्यद्वारा शपथ ग्रहण

काठमाडौं । संघीय संसदको तल्लो सदन प्रतिनिधिसभाका नवनिर्वाचित सदस्यहरुले पद तथा गोपनीयताको शपथ लिनुभएको छ । प्रतिनिधिसभाका ज्येष्ठ सदस्य महन्थ ठाकुरले सांसदहरुलाई आज अपराह्न संघीय संसद भवन, नयाँ बानेश्वरस्थित प्रतिनिधिसभाको सभाहलमा शपथ गराउनुभएको हो । यस अघि आजै राष्ट्रपति विद्यादेवी भण्डारीले ज्येष्ठ सदस्य ठाकुरलाई शपथ गराउनुभएको थियो । शपथपछि सबै सांसदले संघीय संसद सचिवालयबाट प्राप्त सांसदको लोगो लगाउनुभएको थियो । यस लगत्तै उहाँहरु सचिवालयद्वारा आयोजित जलपान कार्यक्रममा सहभागी हुनुभएको थियो । शपथ लिन सांसदहरु राष्ट्रिय तथा आफ्ना पहिचान झल्कने पोशाकमा आउनुभएको थियो । नेपालको संविधानको धारा ८४ मा प्रतिनिधिसभा गठनबारे व्यवस्था छ । प्रतिनिधिसभामा प्रत्यक्ष निर्वाचित १६५ र समानुपातिकतर्फ ११०
More

‘फरार’ नवराज सिलवाल माधव नेपालको गाडीमा, सुटुक्क छिरे संसद भवन

काठमाडौं। प्रहरीको फरार सूचीमा रहेका ललितपुरका निर्वाचित प्रतिनिधिसभा सांसद नवराज सिलवाल सुटुक्क संसद भवन छिरेका छन् । उनी संसदको पहिलो अधिवेशनमा सहभागी हुन संसद भवन आएका हुन् । सिलवाल एमाले बरिष्ठ नेता माधवकुमार नेपालको गाडीमा आएका थिए । नेपालको गाडीमा संसद भवन परिसर छिरेका सिलवाल दायाँबायाँ नहेरी सिधै संसद भवन छिरेका हुन् । उनी प्रहरीको खोजी सूचीमा रहेका कारण सतर्कता अपनाएको मानिएको छ । यद्यपि उनीविरुद्ध जारी गरिएको पक्राउ पुर्जीको एमालेले विरोध गर्दै आएको छ । उनी एमालेबाटै सांसद भएका हुन् र अहिले एमालेकै नेतृत्वको सरकार छ । – डिसी नेपालबाट ।
More

पाकिस्तानी प्रधानमन्त्री नेपाल भ्रमणमा

काठमाडौं । इस्लामिक गणतन्त्र पाकिस्तानका प्रधानमन्त्री शहीद खकान अब्बासी नेपालको दुई दिवसीय औपचारिक भ्रमणमा भोलि अपराह्न राजधानी आउनुहुने भएको छ । भ्रमणका क्रममा उहाँले राष्ट्रपति विद्यादेवी भण्डारीसँग शिष्टाचार भेट गर्नुहुने परराष्ट्र मन्त्रालयले आज जनाएको छ । प्रधानमन्त्री केपी शर्मा ओलीले आफ्ना पाकिस्तानी समकक्षीसँग पारस्परिक हित र चासोका द्विपक्षीय विषयमा विचारविमर्श गर्नुहुनेछ । साथै उहाँले प्रधानमन्त्री अब्बासीको सम्मानमा रात्रिभोजको आयोजना गर्नुहुनेछ । भ्रमण पूरा गरी फागुन २२ गते प्रधानमन्त्री अब्बासी स्वदेश प्रस्थान गर्नुहुनेछ ।
More

लालिगुराँस बेच्दै बालबालिका

मकवानपुरको कुलेखानीस्थित सडकमा लालिगुराँस बेच्न बसेका बालबालिका । स्कुल जाने उमेरका यी बालबालिकाहरु खर्चको जोह गर्न लालिगुराँस बेच्छन् । तस्वीर : नारायण ढुंगाना
More

दानका भरमा संस्कृत विद्यालय

बागलुङ । बागलुङ नगरपालिका–४ कुँडुलेस्थित मुक्तिनाथ वेद विद्याश्रम संस्कृत मावि दानका भरमा चलेको छ । धार्मिक विद्यालयका नाममा आउने न्यून सरकारी अनुदानले विद्यालयको खर्च धानिने अवस्था छैन । विद्यालयमा १८ जिल्लाका ७० विद्यार्थीले आवसीय सुविधासहित निःशुल्क पढ्न पाएका छन् । भोजनमा मात्र दैनिक रु पाँच हजार खर्च लाग्ने विद्यालय दानदाताकै सहयोगमा चलेको प्रअ शान्ति ज्ञवालीले बताउनुभयो । “व्यक्ति र संघसंस्थाले दिने दान र सहायताकै भरमा विद्यालय धानिएको छ”, उहाँले भन्नुभयो, “विद्यालयप्रति सबैको सद्भाव र सहानुभूति छ ।” पितृकार्य, जन्मदिन र विभिन्न धार्मिक कार्यका अवसरमा दाताले विद्यालयलाई सहयोग गरेका छन् । प्रअ ज्ञवालीका अनुसार ५० भन्दा बढी स्थानीयवासीले दैनिक मुष्ठीदान गर्दै
More

प्रधानमन्त्री ओलीले फागुन २७ गते विश्वासको मत लिने

काठमाडौं । प्रधानमन्त्री केपी शर्मा ओलीले यही फागुन २७ गते प्रतिनिधिसभामा विश्वासको मत लिने कार्यक्रम तय भएको छ । प्रतिनिधिसभामा प्रतिनिधित्व गर्ने राजनीतिक दलका प्रतिनिधिको आजको बैठकमा सो मितिमा सहमति भएको संघीय संसद् सचिवालयका प्रवक्ता डा भरतराज गौतमले राससलाई जानकारी दिनुभयो । प्रधानमन्त्रीले नियुक्त भएको ३० दिनभित्र प्रतिनिधिसभामा विश्वासको मत लिनुपर्ने प्रावधान संविधानको धारा ७६(४)मा व्यवस्था छ । राष्ट्रपति विद्यादेवी भण्डारीले नेकपा (एमाले) का अध्यक्ष तथा प्रतिनिधिसमाभा नवनिर्वाचित सदस्य ओलीलाई यही फागुन ३ गते प्रधानमन्त्रीमा नियुक्त गर्नुभएको थियो । बैठकले दुवै सदनका सभामुख र उपसभामुख तथा अध्यक्ष र उपाध्यक्षको निर्वाचनको तालिकासमेत स्वीकृत गरेको प्रवक्ता डा गौतमले बताउनुभयो । निर्वाचन तालिकानुसार
More

कार्यसूचि बनाउन आजै पाँच दलको संयुक्त बैठक

काठमाडौं । संघीय संसद अधिवेशनको कार्यसूचि बनाउन संसद सचिवालयले अहिले केही बेरपछि संसदमा प्रतिनिधित्व गर्ने पाँच दलका नेतासँग छलफल गर्दै छ । कार्य सञ्चालन नियमावली नबनुञ्जेलका लागि अन्तरिम कार्यविधि पारित गर्नुपर्ने भएकाले सचिवालयले त्यसको मस्यौदा तयार पारेर छलफल गर्न लागेको हो । मस्यौदालगायत अन्य कार्यसूचीबारे दलसँग छलफलपछि संसद बैठकको कार्यसूची बन्नेछ । पाँच दलको संयुक्त बैठकमा सभामुख, राष्ट्रियसभाको अध्यक्ष चयनको प्रक्रियाका बारेमा समेत छलफल हुनेछ । संघीय संसद्को पहिलो बैठक बसेको १५ दिनभित्र प्रतिनिधिसभाका सभामुख र उपसभामुख तथा राष्ट्रियसभाका अध्यक्ष र उपाध्यक्षको निर्वाचन गरिसक्नुपर्ने संवैधानिक प्रावधान रहेको छ । सभामुख र उपसभामुख तथा अध्यक्ष र उपाध्यक्ष फरक दल र फरक
More

फोरमसँग वाम गठबन्धनको वार्ता

काठमाडौं । वाम गठबन्धन र संघीय समाजवादी फोरमका शीर्ष नेताहरुबीच आज वार्ता हुँदैछ । वार्ता, प्रधानमन्त्री निवास बालुवाटारमा हुने नेताहरुले बताएका छन् । संविधान संशोधनको विषयमा सहमति भएपनि मन्त्रालय भागबण्डामा सहमति जुट्न सकेको छैन । फोरमले तीन मन्त्रालय सहित प्रतिनिधिसभाको उपसभामुखको माग गर्दै आएको छ । तर वाम गठबन्धनले भने २ मन्त्रालय सहित उपसभामुख दिएर मनाउने रणनीति अपनाएको छ । दुई मन्त्रालयमा फोरम सहमत नभए मन्त्रालयको संख्या बढाएर भएपनि सहमित जुटाउने प्रयासमा प्रधानमन्त्री केपी शर्मा ओली रहेको स्रोतले जनाएको छ । आजको बैठकबाट सहमित जुटे मन्त्रिपरिषदलाई पूर्णता दिने तयारी प्रधानमन्त्री ओलीको छ ।
More

संघीय संसद सदस्यको आज शपथ

काठमाडौं । प्रतिनिधिसभा र राष्ट्रियसभाका सदस्यहरुले आज शपथ लिँदै छन् । प्रतिनिधिसभाको ४ बजे र राष्ट्रियसभाको पाँच बजे शपथ ग्रहणको कार्यक्रम राखिएको छ । दुवै सदनका सदस्यहरुको शपथ ग्रहणको कार्यक्रम संघीय संसद भवन नयाँ बानेश्वरमा हुनेछ । ४४ सांसदले १० वटा मातृभाषामा शपथ लिने छन् । अरुले नेपाली भाषामै सपथ लिने बताइएको छ । संघीय संसदको पहिलो बैठक भोलि बस्ने भएकाले सांसदहरुलाई एक दिन अगाडि नै शपथ ग्रहण गराउन लागिएको हो । प्रतिनिधिसभाका सांसदहरुलाई जेष्ठ सदस्य महेन्द्रराय यादवले र राष्ट्रियसभाका सांसदहरुलाई जेष्ठ सदस्य तारादेवी भट्टले शपथ ग्रहण गराउनेछन् । त्यसअघि राजपा नेता यादव र कांग्रेसकी भट्टलाई राष्ट्रपति विद्यादेवी भण्डारीले शितल
More

विश्वकप छनोट : टेस्ट मान्यता प्राप्त जिम्बाबेसँग भिड्दै नेपाल

काठमाडौं । एक दिवसीय विश्वकप छनोटका निम्ति आज नेपालले पहिलो खेल जिम्बाबेसँग खेल्दैछ । खेल जिम्बाबेको घरेलु मैदानमा नेपाली समयअनुसार दिउँसो सवा १ बजे खेल शुरु हुनेछ । आज हुने खेलले नेपालको दिशा निर्धारण गर्ने भएकाले नेपाल जित्नै पर्ने दबाबमा छ । पराजित गर्न सके नेपाललाई अघि बढ्न मार्गप्रशस्त हुनेछ । तर नतिजा जिम्बाबेको पक्षमा गएमा विश्वकप छनोटमा नेपालको यात्रा सहज हुनेछैन । टेस्टमा नेपाली राष्ट्रिय टिमको भिडन्त यो दोस्रो हो । यसअघि टी–२० विश्वकपमा नेपालले बंगलादेशविरुद्ध खेलेको थियो । गत महिना नामिबियामा भएको डिभिजन–२ का खेलहरूमा नेपालले अत्यन्त कठिन परिस्थितिबाट नाटकीय जित निकाल्दै विश्वकप छनोट खेल्ने मौका पाएको हो
More

शत्रु गतेको ट्रेलर सार्वजनिक

प्रदीप भट्टराईको निर्देशन रहेको चलचित्र ‘शत्रुगते’ को ट्रेलर सार्वजनिक गरिएको छ। शुक्रवार काठमाडौँको कुपण्डोलमा एक कार्यक्रम गर्दै ट्रेलर सार्वजनिक गरिएको हो। ट्रेलर २ मिनेट ५२ सेकेन्डको रहेको छ। चलचित्र आगामी चैत्र ९ गते रिलिज हुँदैछ। शुक्रवार राजधानीमा एक कार्यक्रमको आयोजना गरि रिलिज गरिएको चलचित्र शत्रु गतेको ट्रेलर करिब १२ घण्टामै ट्रेन्डिङको पहिलो स्थानमा पर्न सफल भएको छ । यो समाचार तयार पर्दा सम्म यो ट्रेलरलाई युट्युबका दर्शकले ५ लाख ७४ हजार २ सय ०३ पटक हेरिसकेका छन् । यो वर्ष सबैको प्रतीक्षामा रहेको यो चलचित्रमा मदनकृष्ण श्रेष्ठ, हरिवंश आचार्य, दिपकराज गिरी, दीपाश्री निरौला, प्रियंका कार्की, पल शाह, आँचल शर्मा, बसुन्धरा
More

अस्पतालले यसरी लापारबाही किन गर्छ

२०६८ साउनमा थाइराइड क्यान्सरको शल्यक्रिया (अप्रेसन) गर्न अस्पताल भर्ना भएकी रुपन्देही शंकरनगर -३ की छमकुमारी बोहराको भरतपुर क्यान्सर अस्पतालमा पाठेघरको शल्यक्रिया भयो । स्त्रीरोग विशेषज्ञ डा. जितेन्द्र परियार नेतृत्वको टोलीले एउटा रोगको उपचार गर्नुपर्ने बिरामीलाई अर्कै उपचार गर्‍यो । नेपाल मेडिकल काउन्सिलले परियारको चिकित्सक लाइसेन्स ६ महिनाका लागि रद्द गर्‍यो। गत फागुन ११ गते थापाथलीस्थित नर्भिक इन्टरनेसनल हस्पिटलमा बायाँ घुँडाको लिगामेन्टको उपचारका लागि भर्ना भएकी चितवनकी विन्दु पौडेलको दायाँ घुँडाको शल्यक्रिया भयो । अस्पतालका शल्यचिकित्सक डा. प्रविन नेपाल नेतृत्वको टोलीले गरेको शल्यक्रियामा अस्पताल प्रशासनले गल्ती स्वीकारेर बिरामी पक्षसँग सम्झौता गरिसकेको छ । यो घटनामा पनि काउन्सिलले थप अनुसन्धान जारी राखेको
More