Daily Archives 15th April 2018

बेलायतबासीको सहयोगले गोर्खामा बिद्यालय भवन निर्माण

लन्डन । नेपालमा २०७२ साल बैशाख १२ गतेका दिन गोर्खा जिल्लाको बारपाकलाइ केन्द्र बनाई गएको विनासकारी महाभूकम्पले संसारभर छरिएर रहेका नेपालीहरुको मन पनि छिया छिया भयो । भूकम्प पीडितहरुको लागी सबैतिरबाट भौतिक तथा आर्थिक सरसहयोगका लागी आआफ्नो हिसाबले सहयोगी हातहरु सक्रिय भएका थिए । यस्तै सहयोग गर्ने क्रममा बेलायतको रेडिंगबासी नेपालीहरु खासगरी महिला तथा बिद्यार्थीहरुको सक्रियतामा आर्थिक सहयोग संकलन गरिएको थियो । रेडिंग निवासी समाजसेबी प्रतिमा केसीको संयोजनमा गोर्खा जिल्लाको बिकट गाउँ तत्कालीन आरुआर्बांग गाबिसको आर्बांगमा रहेको स्थानिका निम्न माध्यमिक विद्यालयको कम्तिमा एक वा दुइ कोठाको पुनर्निर्माणको लागी आर्थिक सहयोग संकलन गर्ने अभियान संचालन गरियो । सोहि क्षेत्रमा गएर ग्रामिण
More

सोसाइटी अफ नेप्लीज प्रोफेसनल्सल युकेमा नयाँ नेतृत्व, नयाँ वर्ष मनायो

लन्डन ।सोसाइटी अफ नेप्लीज प्रोफेसनल्सल युकेले नयाँ वर्ष २०७५ को अवसरमा शनिबार दक्षिणपूर्वी लण्डनस्थित वेलिङमा एउटा रमाइलो कार्यक्रम आयोजना गर्यो। नेपाल तथा ब्रिटेनको राष्ट्रिय गान गाएर शुरु गरिएको कार्यक्रमको शुरुमा जीसीएसइ, ए लेभेल लगायतका परीक्षामा राम्रो गरेका विद्यार्थीहरु र समाजका गतिविधिमा सघाउनुहुने डा. बच्चुकैलाश कैनी, विमल अधिकारी लगायतका महानुभावहरुलाई प्रमाणपत्र तथा कदरपत्र प्रदान गरिएको थियो। सो अवसरमा संस्थाका उपाध्यक्ष दीप गिरीले सबै सहभागीहरुलाई स्वागत गर्नुभयो भने समाजका सल्लाहकार तथा पूर्व अध्यक्ष नारायण भट्टराईले बेलायतमा बसोबास गर्ने विभिन्न पेशामा आवद्ध साथीहरुले शुरुगरेको संस्थाले दश वर्ष पुरा गरेकोमा खुसी व्यक्त गर्दै बालबालिकाको व्यक्तित्व विकासका साथै नेपालमा सीप हस्तान्तरणको क्षेत्रमा संस्थाले काम गरिरहेको
More

एनआरएन कतारको शुभकामना आदान प्रदान कार्यक्रम

गैरआवासीय नेपाली संघ, राष्ट्रिय समन्वय परिषद कतारको समन्वयमा कतारमा स्थापित ४५ वटा संघ(संस्थाहरुको संयुक्त आयोजनामा १३ अप्रिल २०१८ का दिन नेपाली नयाँ वर्ष २०७५ शुभकामना आदान प्रदान कार्यक्रम सम्पन्न भएको छ । एनआरएनए एनसीसी कतारका अध्यक्ष नगेन्द्र पोखरेलको सभापतित्वमा नेपाली दुतावासका महामहिम राजदुत प्रा. रमेश प्रसाद कोईरालाको प्रमुख आतिथ्यमा सम्पन्न कार्यक्रमामा विशेष अतिथिहरु दुतावास परिवारबाट शुष्मा कोईराला, नियोग उप प्रमुख मणिरत्न शर्मा, कन्सुलर शिव पोखरेल, प्रथम सचिव उत्तमराज जोशी, प्रथम सचिव गायत्री बहादुर पौडेल र श्रम सहचारी नरेन्द्र ज्ञवाली रहनुभएको थियो । त्यसैगरि विशेष अतिथि कै रुपमा एनआरएनए मध्यपूर्व संयोजक आर .के. शर्मा, आईसीसी मानार्थ परिषद सदस्यहरु टि.बि. कार्की नरेन्द्र
More

बेल्जियममा नेपाल महोत्सव सम्पन्न (फोटो फिचर)

दिपेन्द्र केसी। लुभेन । नेपलाी नयाँ वर्ष २०७५ तथा ११ औं नेपाल महोत्सव एनआरएन बेल्जियमको आयोजना तथा नेपाली राजदूतावास, यहाँस्थित विभिन्न नेपाली तथा स्थानीय सँस्थाहरुको सहआयोजनामा हिजो १४ अप्रिल २०१८ का दिन मनाईयो । महोत्वसको उदघाटन प्रमुख अतिथी बेल्जियमका लािग नेपाली राजदूत लोक बहादुर थापाले पानसमा मैन प्रज्वलन गरी गरेका थिए । महोत्सवको उदघाटन सत्रमा महामहिम राजदूत थापाले लगानी र पर्यटनको लागि नेपाल सुरक्षित र उत्कृष्ट राष्ट्र रहेको बताउदै राष्ट्रोत्थानमा गैरआवसीयहरुको सहभागिताको सह्राना गरेका थिए । साँसद यल्स भान होफ, स्थानीय प्रान्तका उपगभर्नर टी रुफस, पूर्व उपप्रधानमन्त्री माग्दा, लुभेन नपाका उपमेयर दानिस, छिमेकी नपाका मेयरव्दय इमिर किर र डिर्क क्लायस
More

थाइल्याण्डमा नेपाली संस्कृति सिकाउन शिविर

काठमाडौं । थाईल्याण्डमा रहेका यूवा तथा विद्यार्थीका लागि लक्ष्य गरेर व्यक्तित्व विकास सम्वन्धि शिविर गरिएको छ। गत अप्रिल ७ देखि बैंककको छाइछ्याम्फेमा सुरु भएको साताव्यापी शिविर शनिबार सम्पन्न भएको हो। शिविरमा सहभागीहरुले नेपालको मौलिक संस्कृति,पारीवारिक मुल्य मान्यता, समाज,धर्म संस्कृति,योगअभ्यास लगायतका दर्जनौं विषयमा जानकारी लिनुका साथै व्यवहारिक अभ्यासहरु समेत गरेका थिए। थाई नेपाली संघको आयोजनामा बैंककमा भएको शिविरमा थाइल्याण्डका विभिन्न स्थानबाट बालबालिकाहरु सहभागि भएका थिए। । कहिल्यै घर नछाडेका बालबच्चाहरु गुरुकुल शैलीमा आवासीय शिविरमा सहभागी भएका थिए । नेपाली जनजीवन र संस्कृति झल्काउने गीत संगीतहरुको प्रस्तुति, गोरखालीको हतियारको रुपमा रहेको खुकुरी नाच,योगका विभिन्न अभ्यासहरु सिकाइएको थियो। शिविरमा नेपालबाट अतिथिको रुपमा सहभागी
More

नेपालमा पर्यटन प्रवर्द्धनका लागि स्पेनमा प्रचारप्रसार

नारायण भुर्तेल। स्पेन– नेपालमा पर्यटन प्रवर्द्धनका लागि स्पेनमा नेपालको पर्यटकीय तस्बिरसहितका सामग्री प्रदर्शन एवं वितरण गरिएको छ । नेपाली जनप्रगतिशील मञ्च स्पेनले शनिवार स्पेनको बार्सिलोना स्थित विश्व प्रसिद्द रोमन क्याथोलिक गिर्जाघर सग्रादा फैमिलियामा विदेशी नागरिकलाई नेपालका पर्यटकीय ठाउँका फोटोसहितका सामग्री वितरण गरि प्रचार प्रसार गरेको हो । विश्व प्रसिद्द गिर्जाघर हेर्न दैनिक आउने हजारौ पर्यटकहरुको घुईचो लाग्ने ठाउँमा नेपाललाई पनि पर्यटकीय देश भनेर चिनाउन फोटोसहितका सामग्रीहरु वितरण गरी प्रचार गरेको आयोजकले जानाएको छ । विश्वका विभिन्न देशका नागरिकहरुले सो ठाउँमा स्टल राखी आफ्नो देशको प्रचार प्रसार गर्ने गर्छन् नेपाली जनप्रगतिशील मञ्च स्पेनका महासचिव अशोक किरण न्यौपानेले नागरिकन्यूजसँग भने त्यसैले हामीले
More

के हो जर्मनीको गार्डेन हाउस कल्चर?

जीवा लामिछाने। शहरको बीच भाग र छेउछाउमा झुपडी जस्ता देखिने ससाना कटेराहरु देख्दा सुरुमा त म छक्कै परेको थिएँ-जर्मनीमा समेत ‘स्ल्म एरिया’(झुपडी वस्ती) रहेछन भनेर । रसियन दाचा वा कन्ट्री हाउस जस्तै जर्मनीमा गार्डेन हाउस कल्चर यहाँका बासिन्दाहरुको जीवन यापनको एक पाटो रहेछ । दाचा वा कन्ट्री हाउसभन्दा यस्ता घरको फरक बिशेषता चाहिं के छ भने यी घरहरुमा राती सुत्न पाइदैन । करेसाबारीको रुपमा उपयोग गरिने यस्ता क्षेत्रहरु जर्मनीका सबै प्रमुख शहर वरीपरि छयासछ्यास्ती देखिन्छन । राजधानी बर्लिन र फ्र्याकंफर्ट यस मानेमा अग्रपंक्तिमा छन् । पुरै जर्मनीमा दस लाखभन्दा बढी यस्ता गार्डेन हाउसहरु रहेको तथ्यांक छ । जर्मनीमा यो संस्कृति
More

प्रधानमन्त्रिको अभियानमा सांसद डा. पाठकको साथ

काठमाडौं । सरकारले शिक्षाको पहुँचभन्दा बाहिर रहेका बालबालिकालाई विद्यालयभित्र ल्याउन विशेष अभियानको थालनी गरेको छ। ‘एक बच्चाको भर्ना मेरो सामाजिक दायित्व, पहुँचको सुनिश्चितता र सिकाइमा स्थायित्व’ भन्ने नाराका साथमा प्रधानमन्त्री केपी ओलीले थालनी गरेको अभियानमा बाग्लुगं क्षेत्र नं १ का सांसद डा. सूर्य पाठकले साथ दिएका छन् । प्रधानमन्त्रिको नेतृत्वमा विद्यार्थी भर्ना तथा पाठ्यपुस्तक वितरण राष्ट्रिय अभियान समेल हुदैं डा. पाठकले रेश नुनथला माविमा अध्यनरत एक टुहुरा वालकको शिक्षादीक्षाको जिम्मेवारी लिएका हुन् । पाठकले आइतवार सो अभियानको शुरुवात गर्दै स्वर्गिय हरि कार्कीका छोरा सिद्धार्थ कार्कीको भविष्यको जिम्मा लिए । शिक्षाबाट बञ्चित विपन्न, गरिव, सीमान्तकृत, लोपउन्मुख वा पिछडिएका वर्ग क्षेत्र र
More

लिभरपुल जोन मुरे युनिभर्सिटीमा नेपाली नारी

लन्डन । २५ जना नेपाली नारी प्रतिभाको सफलताका कथालाई बेलायतस्थित लिभरपुल जोन मुरे युनिभर्सिटी (एलजेएमयू) को कोर्समा राखिने भएको छ । २५ नारी प्रतिभाका कथा बेलायतस्थित लिभरपुल जोन मुरे युनिभर्सिटी (एलजेएमयू)को कोर्सका लागि छानिएको अवसरमा पाटनस्थित यलमायामा आयोजित कार्यक्रमपछि सामूहिक तस्बिर खिचाउँदै नारी प्रतिभाहरू । नेपाली संगीत, रंगमञ्च, खेलकुद, समाजसेवा, मानवअधिकार लगायतका विभिन्न क्षेत्रमा संघर्षपूर्ण सफलता हासिल गरेकाहरूको कथालाई ‘अनसङ चेन्जमेकर’ को रूपमा समाजशास्त्र संकायअन्तर्गत अन्डर ग्राजुएट र पोस्ट ग्राजुएट कोर्समा सामेल गर्न लागेको हो । यसका लागि नेपालबाट सिर्जना सिंह योञ्जन र बेलायतबाट लिभरपुल युनिभर्सिटीकै समाजशास्त्र विभाग सम्बद्ध डा. सेरा पार्करले ‘सेलेब्रिटिङ वुमनहुड : वुमन हु इन्स्पायर पोजेटिभ चेन्ज’ नामक पुस्तक तयार
More

पार्टीभित्रैबाट धोका हुँदा कांग्रेस पराजित भयो : सभापति देउवा

काठमाडौं । नेपाली कांगे्रसका सभापति शेरबहादुर देउवाले पार्टीभित्रको अन्तरघातलाई चिर्न नसके पार्टी कुनै पनि हालतमा अघि बढ्न नसक्ने बताएका छन् । प्रजातन्त्रवादी प्राध्यापक संघ नेपालले आइतबार काठमाडौंमा गरेको कार्यक्रममा सभापति देउवाले अहिलेकै अवस्थामा पार्टीले गति लिन नसक्ने बताए । निर्वाचनमा पार्टीले भोग्नु परेको पराजयको गम्भीर समीक्षा गर्न जरुरी रहेको भन्दै सभापति देउवाले निर्वाचनको बेला पार्टीभित्रैबाट धोका हुँदा हार व्यहोर्न परेको जिकिर गरे । उनले पार्टीभित्र अन्तरघात गर्नेहरुलाई छानविनको दायरामा ल्याएर कारबाही गर्ने चेतावनी दिए । बरिष्ठ नेता रामचन्द्र पौडेलले सिद्वान्तमा कांग्रेस विजयी हुने तर निर्वाचनमा पराजय हुनुले पार्टीभित्रको मूल नेतृत्व फितलो छ भन्ने प्रमाणित गरेको जिकिर गरे । उनले बिपीको
More

काँग्रेसभित्र पारदर्शीता आवश्यकः नेता सिटौला

इनरुवा । नेपाली काँग्रेसका नेता कृष्णप्रसाद सिटौलाले पार्टीभित्र पादर्शीताको आवश्यकता रहेको बताउनुभएको छ । काँग्रेस सुनसरीले आइतबार सदरमुकाम इनरुवामा आयोजना गरेको कार्यकर्ता भेटघाट कार्यक्रममा उहाँले पार्टीभित्र पादर्शीता भयो भने पार्टी आफैँ अगाडि बढ्ने बताउनुभयो । उहाँले पार्टीलाई सबै कार्यकर्ताले थाहा पाउने गरी पादर्शी बनाउनुपर्ने, लोकतान्त्रिकीकरण गर्नुपर्ने बताउनुभयो । उहाँले काँग्रेसबिना देशको विकास सम्भव नभएका कारण देश विकास गर्न काँग्रेसको काँधमा थप बढी जिम्मेवारी आएको बताउनुभयो । नेता सिटौलाले संघ तथा प्रदेशसभा निर्वाचनमा पराजित हुँदैमा काँग्रेस कमजोर नभएको बताउनुभयो ।
More

जात्रामा जिब्रो छेडेपछि श्रेष्ठ

थिमी नगरपालिका ८ बोडेको प्रसिद्ध जिब्रो छेड्ने जात्रामा आइतबार जिब्रो छेडेपछि बुद्धकृष्ण वागश्रेष्ठ । तस्बिर: रत्न श्रेष्ठ
More

पन्ध्र दिनभित्र सबै राजमार्ग मर्मत हुन्छ : मन्त्री महासेठ

पर्सा । भौतिक पूर्वाधार तथा यातायातमन्त्री रघुवीर महासेठले वैशाख १५ गतेभित्र देशभरिकै राजमार्ग र सहायक राजमार्गको मर्मतसम्भार पूरा गरिने बताउनुभएको छ । मन्त्री महासेठले सडक विस्तारले नै समृद्ध राष्ट्र बनाउने र गुणस्तरीय सडकले विकासलाई गति दिने भएकाले आउँदो १५ दिनभित्र देशभरिकै राजमार्ग तथा सहायक राजमार्गको मर्मत पूरा गर्न सम्बन्धित कार्यालयलाई जिम्मा लगाइएको बताउनुभयो । आवाज एफएफको दोस्रो वार्षिकोत्सव समारोहलाई सम्बोधन गर्दै मन्त्री महासेठले वैशाख १५ गतेभित्र राजमार्गको काम पूरा नभए सम्बन्धित क्षेत्रका कर्मचारीलाई कारबाहीको दायरामा ल्याउने चेतावनी दिनुभयो । उहाँले वीरगञ्जको अलौमा निर्माण भएको एकीकृत जाँच चौकी (आइसिपी) डेढ महिनाभित्र पूर्ण क्षमतामा सञ्चालन हुने दाबी गर्नुभयो । आइसिपी अगाडिको ७००
More

शेयर किन्न र बेच्न अब दलालकामा धाउन नपर्ने

काठमाडौं । नेपालमा पनि इन्टरनेटमार्फत शेयर खरिद बिक्री गर्न आदेश दिन सक्ने प्रणालीको अभ्यास शुरु भएको छ । क्रिस्टल कञ्चनजंगा सेक्युरिटी प्रालिमा आज आयोजित समारोहमा नेपाल धितोपत्र बोर्डका अध्यक्ष डा रेवतबहादुर कार्कीले उक्त प्रणाली शुभारम्भ गर्नुभएको हो । यो प्रणाली प्रारम्भसँगै शेयर लगानीकर्ताले शेयर खरिद बिक्रीका लागि ब्रोकर कार्यालय धाउनुपर्ने झन्झट अब अन्त्य भएको छ । छिट्टै पूर्ण स्वचालित शेयर खरिद बिक्री गर्न आदेश दिन सक्ने प्रणाली नेपालको पुँजीबजारमा भित्रने प्रक्रिया अन्तिम चरणमा रहेको बताइएको छ । सो अवसरमा नेप्सका महाप्रबन्धक चन्द्रसिंह साउदले नेपाली पुँजीबजारको अपार सम्भावना रहेको बताउनुभयो । इन्भेष्टमेन्ट फोरमका अध्यक्ष अम्बिकाप्रसाद पौडेललगायतले प्राथमिक बजारको विकासमा हालसम्म उल्लेख्य
More

‘जनयुद्ध र समान हैसियतबिना एकता हुँदैन’

काठमाडौं । माओवादी केन्द्रको युवा संगठन वाईसीएलले एकीकृत पार्टीको विधान प्रस्तावनामा जनयुद्ध शब्द नराख्ने हो भने र केन्द्रीय कमिटीमा ५० प्रतिशत हैसियत नपाउने हो भने एमालेसँग पार्टी एकता नगर्न नेतृत्वको ध्यानाकर्षण गराएको छ । इन्चार्ज मणि थापासहित अध्यक्ष प्रचण्डको निवास खुमलटार पुगेको वाईसीएल टोलीले समान हैसियतमा एकता गर्न ध्यानाकर्षण गराएको हो । वाईसीएल अध्यक्ष रामप्रसाद सापकोटा दीपशिखाले जनयुद्धविना र बराबरी हैसियत विनाको एकता स्वीकार नगर्न पार्टी अध्यक्ष प्रचण्डको ध्यानाकर्षण गराएको जानकारी दिनु भएको छ । उहाँले, ‘जनयुद्ध र बराबर हैसियतमा सहमति हुन्छ भने वैशाख ९ गते नै एकता गरौं । सहमति हुँदैन भने एकता पनि हुँदैन । त्यस्तो एकता वाईसीएलले
More

‘ध्रुवे’ हात्तीको अनौठो प्रेम !

चितवन । मानिसमा जस्तै विपरीत लिङ्गीप्रतिको आकर्षण वा प्रेम जंगली हात्तीमा पनि हुन्छ भन्ने कुरालाई पाँच वर्षअघि निकै चर्चामा आएको धु्रवे हात्तीले देखाएको छ । पाँच वर्षअघि नेपाल र भारतका विभिन्न क्षेत्रमा १५ जनाको ज्यान लिएको ‘ध्रुवे’ हात्ती अहिले सुखीभार पोष्ट आसपासमा देखिन थालेपछि त्यहाँ कार्यरत कर्मचारी, सेना त्रसित बनेका छन् । चितवन राष्ट्रिय निकुञ्जको मुख्य कार्यालय कसराबाट ‘टाइगर टप्स’ जाने बाटोमा रहेको सुखीभार पोष्टमा निकुञ्ज सुरक्षार्थ राखिएको पोथी हात्ती ‘तीर्थमान कली’लाई ध्रुवेले आज बिहान २ः४० बजे साङ्लो चुडाएर जंगलतर्फ लगेको छ । सोही पोष्टमा हात्ती हेर्दै आउनुभएका रामकुमार चौधरीका अनुसार ध्रुवे हात्तीले तीर्थमान कलीसँगै बाँधिएको भाले हात्ती ‘पारस गज’लाई
More

सिन्दूर खेल्दै ३२ खट जात्रा

भक्तपुर । बिस्केट जात्राका अवसरमा मध्यपुरथिमिका बासिन्दाले आज बिहानैदेखि हर्षोल्लासका साथ सिन्दूर खेलेर ३२ खट जात्रा अर्थात् सुथः सिया जात्रा मनाएका छन् । थिमिका टोलटोलबाट विभिन्न देवताका मूर्ति खटमा विराजमान गराई खट बोकेर सिन्दूर खेल्दै पूजाआजाका साथ सो जात्रा मनाइन्छ । थिमिमा मात्र मनाइने सो जात्रामा एकार्कालाई सिन्दूर दलेर स्थानीय बाजामा नाच्दै हातहातमा चिराग बालेर खट बोकी बालकुमारीमा ल्याइन्छ । बिहानै बालकुमारी र कालिका अर्थात् बालाखुको खट बालकुमारी मन्दिरबाट बाहिर निकालिएको थियो । शनिबारदेखि विष्णुवीर र दक्षिण बाराहीको खटसमेत मन्दिरमा राखिएको थियो । बिहानै सिद्धिकालीको खट ल्याएर आफ्ना गणसहित बालकुमारी प्रवेश गराएपछि जात्रा शुरु भएको थियो । जात्रा शुरु भएपछि
More

मोटरसाइकल दुर्घटनामा दुईको मृत्यु

चरीकोट-नयाँ वर्षका अवसरमा शैलुङ घुम्न आएका दुई जनाको मोटरसाइकल दुर्घटनामा परी गए राति घटनास्थलमै मृत्यु भएको छ । दोलखाको तामाकोशी गाउँपालिका वडा नं १ मा तीव्र गतिमा रहेको मोटरसाइकल दुर्घटना हुँदा चालक रामेछाप, मन्थलीनगरपालिका–१ का १८ वर्षीय सागर श्रेष्ठ र मोटरसाइकलमा सवार सिन्धुपाल्चोक, साँगाचोकगढी नगरपालिका–४ का २५ वर्षीय राजकुमार मोक्तानको मृत्यु भएको हो । दोलखाको शैलुङ गाउँपालिकाबाट रामेछापतर्फ जाँदै गरेको बा९२प ७२१४ नंको मोटरसाइकल गए राति जिल्लाको तामाकोशी गाउँपालिका–१ भीरकोट, माझीगाउँस्थित मोडमा दुर्घटनामा परेको दोलखा प्रहरीले जनाएको छ । दुर्घटनामा परी उनीहरुको घटनास्थलमै मृत्यु भएको दोलखाका प्रहरी प्रमुख प्रहरी नायब उपरीक्षक रामेश्वर कार्कीले जानकारी दिनुभयो । प्रहरीका अनुसार नयाँ वर्षमा
More

हरिलक्ष्मी नारायणप्रसाद स्मृति पत्रकारिता पुरस्कारबाट बाग्लुङे पत्रकार राजेश र संगम पुरष्कृत

काठमाण्डौ –यस वर्षको हरिलक्ष्मी नारायणप्रसाद स्मृति पत्रकारिता पुरस्कारबाट बाग्लुङका पत्रकार द्वय राजेशचन्द् राजभण्डारी र सगम घर्ती पुरष्कृत भएका छन् । उत्कृष्ट स्तम्भकारतर्फ राजेशचन्द्र राजभण्डारी तथा उत्कृष्ट समाचार लेखनतर्फ संगम घर्ती पुरष्कृत भएका हुन् ।पत्रकारद्वयलाई एक कार्यक्रमको अवसरमा पुरष्कृत गरिएको हो । सो पुरस्कारको राशी रु १५ हजार रुपियाँ रहेको थियो । सो कार्यक्रममा पुरस्कार कोषका संस्थापकहरुले नेपाल पत्रकार महासंघ बागलुङको भवन निर्माणका लागि १ लाख रूपैया सहयोग गरेका थिए ।
More

ट्राफल्गर स्क्वायरमा बुद्धजयन्ती मनाइने

चिरन शर्मा । लन्डन – बेलायतको विश्वप्रख्यात ट्राफल्गर स्क्वायरमा २५६२ औं बुद्धजयन्ती मनाउने तयारी गरिएको छ । बुद्ध फाउन्डेसन युके र कपिलवस्तु अभियानको आयोजना तथा नेपाली दूतावास लन्डनको सहकार्यमा मे ५ तारिखका दिन बुद्धजयन्ती विशेष कार्यक्रमका बीच मनाइने फाउन्डेसनका अध्यक्ष दीपक श्रेष्ठले जानकारी दिए । नेपालको पर्यटन प्रवद्र्धन र बुद्ध जन्मस्थलबारे भ्रम चिर्न कार्यक्रम आयोजना गरिएको आयोजकको भनाई छ। कार्यक्रममा लन्डनका मेयर सादिक खानलाई समेत आमन्त्रण गरिएको छ । खानलाई कार्यक्रममा सहभागिताको लागि नेपाली दूतावास लन्डनमार्फत् पत्राचार गरिएको श्रेष्ठले जनाकारी दिए । मेयर खानले दूतावासले दिएको निमन्त्रणालाई सकरात्मक रुपमा लिएका श्रेष्ठ बताए । उनले भने, ‘मेयरको कार्यालयले निमन्त्रणालाई सकरात्मक रुपमा
More