Daily Archives 7th May 2018

पाँच लाख बढी कित्ता शेयर बिक्री हुँदै

काठमाडौं । चौतारी लघुवित्त वित्तीय संस्थाले रु पाँच लाख ४० हजार कित्ता साधारण शेयर(आइपिओ) बिक्री गर्ने भएको छ । रु एक सय मूल्य अंकित दरको रु पाँच करोड ४० लाख बराबरको साधारण शेयर बिक्रीका लागि एनआइबिएलएस क्यापिटल लिमिटेडलाई धितोपत्र निष्काशन तथा बिक्री प्रबन्धकमा नियुक्त गरिएको सो संस्थाले आज प्रकाशित गरेको विज्ञप्तिमा उल्लेख छ । संस्थाको अधिकृत पूँजी रु ३० करोड, जारी पूँजी रु १८ करोड र चुक्तापूँजी रु १२ करोड ६० लाख रहेको छ । शेयर निष्काशनसम्बन्धी सम्झौतापत्रमा चौतारी लघुवित्त वित्तीय संस्थाका प्रमुख कार्यकारी अधिकृत लक्ष्मण घिमिरे र एनआइबिएल एस क्यापिटलको तर्फबाट महाप्रबन्धक मेखबहादुर थापाले हस्ताक्षर गर्नुभएको छ । बुटवलमा
More

मोदीको भ्रमणको सदुपयोग गरौ: निधि

जनकपुरधाम । नेपाली काँग्रेसका उपसभापति विमलेन्द्र निधिले भारतीय प्रधानमन्त्री नरेन्द्र मोदीको भ्रमणलाई विकासमा सदुपयोग गर्नुपर्ने बताउनुभएको छ । जनकपुरधाम विमानस्थलमा आज पत्रकारसँग कुरा गर्दै उहाँले भ्रमणलाई जनकपुर–अयोध्या सम्बन्ध विस्तार, हुलाकी सडकको दोस्रो चरणको विस्तार, पूर्वपश्चिम रेलमार्ग निर्माण, राजर्षि विश्वविद्यालयको भौतिक पूर्वाधार विकास र बृहत्तर जनकपुर क्षेत्र विकास परिषद्का आयोजनामा सहयोग केन्द्रित गरी सदुपयोगको वातावरण निर्माण गर्नुपर्ने धारणा राख्नुभयो । फरक प्रसंगमा उपसभापति निधिले प्रदेश नं २ को प्रदेशसभामा नेपाली काँगेसलाई प्रतिपक्षी दलको मान्यता नदिएर प्रदेश सरकारले अधिनायकवादी शैली प्रस्तुत गरिरहेको आरोप लगाउनुभयो ।
More

विवाह मण्डपबाटै दुलहादुलही पक्राउ

रुकुम । जिल्लाको मुसिकोट नगरपालिकामा आज बालविवाह गरिरहेका एक जोडी पक्राउ परेका छन् । बालविवाह गर्न लागेको गोप्य सूचनाका आधारमा प्रहरीले दुलहादुलहीलाई विवाह मण्डपबाटै पक्राउ गरेको थियो । केटाकेटीबीच केही दिनअघि प्रेम विवाह भएको थियो । मुसिकोट नगरपालिका–१० का १७ वर्षीय बालक र नगरपालिका–९ की १६ वर्षीया बालिकाबीच बालविवाह हुँदै गर्दा गरिएको जिल्ला प्रहरी कार्यालयका प्रहरी नायब उपरीक्षक राजेन्द्रप्रसाद धमलाले जानकारी दिनुभयो । प्रहरीले दुलहादुलहीलाई पक्राउ गरेपछि विवाह रोकिएको छ । ती केटाकेटीलाई अभिभावकको जिम्मा लगाइने प्रहरीको भनाइ छ । प्रहरीको सक्रियतामा जिल्लामा योसहित १६ वटा बालविवाह रोकिएका छन् ।
More

तीन वर्षका लागि यार्सागुम्बा संकलन बन्द

रुकुम । जिल्लाको आठबिसकोट नगरपालिकामा पाइने यार्सागुम्बा तीन वर्षका लागि संकलन बन्द गरिएको छ । नगरपालिका वडा नं २ स्यालाखदीमा पाइने यार्सा संरक्षणका लागि तीन वर्षसम्म संकलन बन्द गरिएको हो । गत वर्ष यहाँ यार्सा संकलन गरिएको थियो । ‘यहाँ कम यार्सा पाइन्छ’ स्थानीय कर्णबहादुर ऐरीले भन्नुभयो, “प्रत्येक वर्ष टिप्दा लोप हुने सम्भावना हुन्छ ।” तीन वर्षको अन्तरमा यार्सा टिप्दा संरक्षण हुने उहाँको भनाइ छ । स्यालाखदीको सानाखारा, ठूलाखारा र भित्तेखोलामा बहुमूल्य यार्सा पाइने गर्छ । यहाँ यार्सा संकलनका लागि रुकुमलगायत छिमेकी जिल्ला जाजरकोट, डोल्पालगायतका ठाउँबाट समेत आउने गर्छन् । यार्सा मौसम व्यवस्थापन समितिले दुई वर्षपछि मात्र यार्सा संकलनका लागि
More

आफूले आफैलाई गोली हान्न लगाएको आरोपमा ‘धर्मगुरु’ श्रीनिवासाचार्य पक्राउ

मोरङ । हिन्दू धर्मका कट्टर प्रचारक पण्डित श्रीनिवासाचार्यलाई आफैले आफैलाई गोली हान्न लगाएको आरोपमा मोरङ प्रहरीले पक्राउ गरेको छ । गत चैत्र २५ गते विहान करिब २ बजे विराटनगर महानगरपालिका वडा नं. १४ जतुवाको रामजानकी मन्दिर नजिक श्रीमद भागवत सप्ताह पुराणका लागि वाचन गर्न गएको बेला उनलाई गोली प्रहार गरिएको थियो । पण्डित श्रीनिवासाचार्य संगै उनलाई गोली हान्ने उनका अंगरक्षक भरतपुर महानगरपालिका वडा नं. ४ का माधव चौधरी र पेस्तोल उपलब्ध गराउने नवलपरासी गैडाकोट नगरपालिका वडा नं. ५ का लक्ष्मीराज अधिकारीलाई पक्राउ गरिएको छ । उनीहरुलाई ज्यान मार्ने उद्योगमा मुद्दा चलाइएको मोरङका प्रहरी उपरीक्षक अरुण कुमार बिसीले जानकारी दिनुभयो ।
More

यातायात मन्त्रालय र व्यवसायीबीच एकाधिकार अन्त्य गर्न पाँचबुँदे सहमति

काठमाडौं । भौतिक पूर्वाधार तथा यातायात मन्त्रालय र यातायात व्यवसायी महासंघबीच यातायात एकाधिकार अन्त्य गर्ने विषयमा पाँचबुँदे सहमति भएको छ । मन्त्रालयले आज आयोजना गरेको पत्रकार सम्मेलनमा यातायात क्षेत्रका जुनसुकै प्रकारको एकाधिकार (सिन्डिकेट) को स्वरुप खारेजी गर्ने सहमति भएको जानकारी गराइयो । भौतिक पूर्वाधार तथा यातायात मन्त्री रघुवीर महासेठको उपस्थितिमा आइतबार बेलुकी मन्त्रालयमा भएको वार्ताले सहमति जुटाएको हो । प्रचलित कानूनअनुसार एउटा मात्र सार्वजनिक सवारी भएका धनीले पनि यातायात सञ्चालन गर्न पाउने र सर्वोच्च अदालतले परमादेश जारी गरेअनुसार यातायात क्षेत्रलाई व्यवस्थित बनाउन जाँचबुझ आयोग गठनको प्रक्रिया छिटो अघि बढाउने सहमति भएको छ । यातायात व्यवसायीको संयुक्त आन्दोलन मूल समितिले घोषणा
More

राष्ट्रपति भण्डारीसँग पुरस्कृत व्यक्तित्वहरु सामूहिक तस्बिरमा

‘राष्ट्रिय पत्रकारिता दिवस–२०७५’ को अवसरमा सोमबार राष्ट्रपति भवन शीतलनिवासमा आयोजित सम्मान तथा पुरस्कार प्रदान कार्यक्रमपछि राष्ट्रपति विद्यादेवी भण्डारीसँग पुरस्कृत व्यक्तित्वहरु सामूहिक तस्बिरमा । तस्बिर : रोशन सापकोटा
More

ट्र्याक्टरको ठक्करबाट बालकको मृत्यु

कलैया- बारा जिल्ला सुवर्ण गाउँपालिका–८ परशुरामपुर गाउँमा आज बिहान ट्र्याक्टरले ठक्कर दिँदा दुई वर्षीय बालकको मत्यु भएको छ । सुवर्ण गाउँपालिका–८ परशुरामपुर गाउँ बस्ने इमताज देवानको २ वर्षीय छोरा कवीर आलम घर अगाडि सडकमा खेलिरहेको अवस्थामा अचानक ना२त १९१८ नंको ट्र्याक्टरले ठक्कर दिँदा बालकको मत्यु भएको जिल्ला प्रहरी कार्यालयले जनाएको छ । ट्र्याक्टर र चालकलाई प्रहरीले नियन्त्रणमा लिएको छ । रासस
More

अभियुक्त छुटाउन प्रहरी चौकीमा आक्रमण, चार सुरक्षाकर्मी घाइते

पर्सा । पक्राउ गरिएका अभियुक्तलाई छुटाउन प्रहरी चौकी सेढवामा स्थानीयवासीले आक्रमण गर्दा चारजना सुरक्षाकर्मी घाइते भएका छन् । अभियुक्तलाई छुटाउन स्थानीय बासिन्दाले आज बिहान करीब ३ बजे प्रहरी चौकी सेढवानमा आक्रमण गर्दा तीनजना प्रहरी सहायक निरीक्षक र एकजना प्रहरी जवान घाइते भएका हुन् । घाइते चारैजनाको वीरगञ्जको नारायणी उपक्षेत्रीय अस्पतालमा उपचार भइरहेको छ । घाइते हुनेमा प्रहरी सहायक निरीक्षकहरु गोपाल खड्का, सुकेश्वर महतो र शम्भु महतो तथा प्रहरी जवान जयप्रकाश यादव रहेको जिल्ला प्रहरी कार्यालय पर्साका प्रहरी नायब उपरीक्षक राजन लिम्बूले जानकारी दिनुभयो । घाइतेमध्ये खड्का र यादवको स्वास्थ्य अवस्था मध्यम रहेको उपचारमा संलग्न चिकित्सकले बताएका छन् । प्रहरीलाई दुव्र्यवहार
More

कञ्चनपुर पुनर्वासमा रहेको सीमा स्तम्भ भारतीय सुरक्षाकर्मीको नियन्त्रणमा

महेन्द्रनगर । कञ्चनपुर पूनर्वासमा रहेको सीमा स्तम्भ भारतीय सुरक्षाकर्मीले कब्जा गरेका छन् । पटकपटक विवादीत रहँदै आएको पुनर्वास नगरपालिका ९ बिचफाँटामा पर्ने १९५ नम्बर सीमास्तम्भलाई भारतीय सीमा सुरक्षा बल (एसएसबी) ले कब्जा गरेको हो । त्यही क्षेत्रमा सीमा क्षेत्रकै विवादका क्रममा गएको वर्ष एसएसबीले हानेको गोली लागि गोविन्द गौतमको ज्यान गएको थियो । नगरपालिकाका मेयर जीवन थापाले सीमास्तम्भ भारतीय सुरक्षाकर्मीले कब्जा गरेको पुष्टि गर्नुभयो । उहाँले पहिलेदेखि विवादित रहेको क्षेत्र भएकाले यो समस्या स्थानीय तहबाट समाधान हुन नसक्ने बताउनुभयो । ‘हामीले यसबारे केन्द्रमा खबर गरिसकेका छौं, उहाँले भन्नु भयो, अब केन्द्रबाटै समाधानका लागि पहल होला ।’ नेपाली नागरिक तथा सुरक्षाकर्मीलाई
More

यातायात क्षेत्रको सिन्डिकेट औपचारिक रुपमा अन्त्य

काठमाडौं । यातायातका क्षेत्रमा रहँदै आएको सिन्डिकेट हटाएर प्रतिस्पर्धामा जान व्यवसायी तयार भएका छन् । सरकार र यातायात व्यवसायीका प्रतिनिधिबीच आइतबार अबेरसम्म भएको छलफलमा सिन्डिकेट हटाउने सहमति भएको हो । यातायात व्यवसायीहरु आन्दोलन फिर्ता गर्न र कम्पनीमा जान सहमत भएका हुन् । वार्तामा भएका सहमति आज पत्रकार सम्मेलन गरेर सार्वजनिक गर्ने तयारी छ । सरकारले यातायात समिति र संघलाई कम्पनीमा दर्ता हुन भनेपनि यसको विपक्षमा रहेका यातायात व्यवसायी आन्दोलनमा उत्रिएका थिए । व्यवसायीको आन्दोलनविरुद्ध सरकार आक्रामक रुपमा प्रस्तुत भयो । आन्दोलनमा उत्रिएका व्यवसायीलाई पक्राउ गर्दै सरकार रुट परमिट खारेज गर्ने प्रक्रियामा लागेपछि सिन्डिकेट पक्षधरका व्यवसायी गलेका हुन् । देशभर पक्राउ
More

अमेरिकामा नेपाली भवन बनाउन सप्ताहबाट ६ करोड संकलन

अमेरिका । अमेरिकाको कोलोराडो राज्यमा नेपालीको साझा सामुदायिक भवन निर्माणका लागि आर्थिक संकलन गर्ने उद्देश्यले वैशाख १५ गतेदेखि २२ गतेसम्म भएको सप्ताहमा करीब रु छ करोड संकलन भएको छ । सप्ताह वाचन प्रवीण गुरु दीनबन्धु पोखरेलले गर्नुभएको थियो । नेपाली घरका कोषाध्यक्ष जगदीश ढकालले दिएको जानकारीअनुसार जम्मा पाँच लाख ८१ हजार १७१ डलर ६० सेन्ट्स सहयोग संकलन भएको हो । अमेरिकाको विभिन्न भागमा आफ्नो सामुदायिक भवन निर्माण कार्यको अग्रसरता बढेसँगै कोलोराडो निवासी नेपालीले समेत सप्ताहको आयोजना गर्दै रकम संकलन गरी भवन निर्माणको कार्यको शुरुवात गरेका छन् ।
More

चट्याङ लागेर मकवानपुरमा तीन जनाको मृत्यु

हेटौडा । मकवानपुर जिल्लाको मनहरि गाउँपालिका–२ ढलिपाङ र हेटाँैडा उपमहानगरपालिका–१६ मा गए राति परेको चट्याङ लागि तीन जनाको मृत्यु भएको जिल्ला प्रहरी कार्यालय मकवानपुरले जनाएको छ । मृत्यु हुनेमा मकवानपुर जिल्ला मनहरि गाउँपालिका–२ बस्ने ३० वर्षीय भीमलाल स्याङतान र उनको तीन वर्षीया छोरी विमला र हेटौँडा उपमहानगरपालिका–१६ बस्ने ६० वर्षीय कृष्णबहादुर बलामीको हेटौँडा अस्पतालमा आज बिहान उपचारका क्रममा मृत्यु भएको जिल्ला प्रहरी कार्यालयका प्रहरी नायब उपरीक्षक दिलीपराज झाले जानकारी दिनुभयो । यसैगरी चट्याङपछि गम्भीर घाइते भएकी हेटाँैडा उपमहानगरपालिका–१६ चिसापानी बस्ने १५ वर्षीया सलिना श्रेष्ठलाई थप उपचारका लागि हेटौँडा अस्पतालबाट चितवनको मेडिकल कलेजमा पठाइएको जिल्ला प्रहरी कार्यालय मकवानपुरले जनाएको छ ।
More

जनकपुरमा नागरिक अभिनन्दनका पछाडि लुकेका तथ्यहरु

पञ्चायतकालमा राष्ट्रिय खेलकूद परिषदका सदस्य सचिव शरदचन्द्र शाहको अनौठो बानी थियो, जसले उनलाई अन्य पञ्चभन्दा फरक देखाउँथ्यो । दशरथ रंगशालाको कुनै समारोहमा राजाको सवारी भएमा शाह आफ्नो पूरै ज्यानलाई भुइँमा घोप्टो पारेर राजालाई ढोग्थे । त्यो पञ्चायतभित्रको ‘लम्पसारवाद’ थियो । अचेल मुलुकमा राजतन्त्र त छैन, तर ‘लम्पसारवाद’ कायमै छ । सिंहदरबारमा शासन गर्नेहरु अचेल राजाको ठाउँमा भारतीय शासक सामु लम्पसार पर्न थालेका छन् । यस्तै एउटा लम्पसारवादको भव्य नौटंकी यही वैशाख २८ गते जनकपुरको बाह्र विगाह मैदानमा प्रदर्शन हुँदैछ । अभिनन्दन के पिछे क्या है ? भारतका प्रधानमन्त्री नरेन्द्र मोदीप्रति आम नेपालीमा सकारात्मक भाव छैन । किनकि उनले नेपालीको दिल
More

ओली सरकारलाई आर्थिक सङ्कट

काठमाडौं । आर्थिक मामिलाका जानकारसमेत मानिएका अर्थमन्त्री डा. युवराज खतिवडा यतिबेला बजेट निर्माणको सघन गृहकार्यमा छन् । एमाले अध्यक्षसमेत रहेका प्रधानमन्त्री केपी शर्मा ओली प्रदेशहरुलाई बलियो बनाउने बताइरहेका छन् । तर, एमालेकै नेतृत्वमा रहेका प्रदेश सरकारहरुले केपी ओली नेतृत्वको सरकारलाई ‘कञ्जुस’ भन्न थालेका छन् । अर्थमन्त्री खतिवडाले बजेटको सिलिङ तोक्दा प्रदेशहरुलाई ‘न्याय’ गर्न नसकेको गुनासो आउन थालेपछि केन्द्र सरकार र प्रदेश सरकारवीच पैसाकै कारण विवाद सुरु भएको स्पष्ट संकेत देखिएको छ । बजेटको सिलिङ कम भएको विषयमा सातै प्रदेशका अर्थ मामिला एवं योजना मन्त्रीहरुले आज -सोमबार) अर्थमन्त्री डा. खतिवडालाई भेटेर प्रदेशलाई दिइने बजेटको सिलिङ बढाउन माग गर्दैछन् । उता केन्द्य्र
More

क्यासिनोबाट भारतीय मुद्रा बरामद

धनगढी- होटेल साथीले सञ्चालन गरेको क्यासिनोमा प्रहरीले आज अपराह्न छापा मार्दा नेपालमा चलनचल्तीमा नरहेको दशलाख पाँच हजार भारतीय मुद्रा बरामद भएको छ । होटेलको क्यासिनोमा छापा मारेर नेपालमा चलनचल्तीमा नरहेका रु ५०० र रु दुईहजार दरका भारतीय मुद्रा बरामद गरिएको जिल्ला प्रहरी कार्यालयका प्रवक्ता वीरबहादुर बुढामगरले जानकारी दिनुभयो । प्रहरीले साथी होटेलका व्यवस्थापक सुजन दाहाललाई सोधपुछका लागि नियन्त्रणमा लिएको छ । बरामद भएको भारु आन्तरिक राजश्व अनुसन्धान विभागमा पठाउने तयारी गरिएको छ । उक्त होटेलमा ‘किंग्स लञ्ज ग्यामिङ क्लब’ नामको क्यासिनो सञ्चालनमा रहेको छ । रासस
More

आठ विद्यालयमा विद्युतीय पुस्तकालय जडान

बाबियाचौर, म्याग्दी- प्रवासीको अगुवाइमा म्याग्दीका आठ विद्यालयमा आधुनिक प्रविधियुक्त विद्युतीय पुस्तकालय स्थापना भएको छ । म्याग्दी प्रवासी नेपाली संघ (मोना)ले यसअघि २५ विद्यालयमा स्थापना गरेको विद्युतीय पुस्तकालय पछिल्लो पटक थप आठ विद्यालयमा विस्तार गरेको हो । तेस्रो चरणमा किसानी मावि बिम, राष्ट्रिय मावि नेप्टेचौर, जनप्रिय आधारभूत विद्यालय बरञ्जा, महेन्द्ररत्न आधारभूत विद्यालय बरञ्जा, हिमाञ्चल मावि नागी, विष्णु राष्ट्रिय आधारभूत विद्यालय किमचौर, बेनी सामुदायिक मावि र सरस्वती मावि सिंगामा विद्युतीय पुस्तकालय जडान गरिएको मोनाले जनाएको छ । यसअघि पहिलो चरणमा दश र दोस्रो चरणमा १५ विद्यालयमा विद्युतीय पुस्तकालय जडान गरिएको मोनाका अध्यक्ष चक्रबहादुर थापाले बताउनुभयो । अध्यक्ष थापाका अनुसार रोजगारी, अध्ययन, व्यापार,
More