Daily Archives 4th July 2018

पहिरोमा रोकिएका सर्वसाधारण

चितवनको नारायणगढ मुग्लिन सडकखण्ड अन्तरगत ईच्छाकामना गाउँपालिका वडा नम्बर ६ स्थित तोपे खोलामा खसेको पहिरोका कारण बुधबार रोकिएका यात्रुहरु । तस्वीर: नारायण ढुंगाना
More

जुम्ला र वीर अस्पतालमा काँग्रेस सांसदको समूह परिचालन

काठमाडौं । नेपाली काँग्रेस संसदीय दलले स्वास्थ्य र शिक्षा क्षेत्रमा सुधारको मागसहित जुम्लामा आमरण अनशनरत डा गोविन्द केसीको स्वास्थ्य अवस्था बुझ्न सांसदको समूह खटाउने निर्णय गरेको छ । डा केसीको मागप्रति ऐक्यबद्धता जनाउँदै गम्भीर बन्दै गएको उनको स्वास्थ्य अवस्था बुझ्न प्रतिनिधिसभाका सांसदद्वय प्रकाश स्नेही र रंगमती शाही तथा प्रदेशसभाका सदस्य दीनबन्धु श्रेष्ठलाई पठाउने निर्णय गरेको छ । जुम्ला जाने काँग्रेस सांसदको समूहले उहाँको मागप्रति ऐक्यबद्धता जनाउँदै उनको स्वास्थ्य अवस्थाका बारेमा जानकारी लिने दलका प्रमुख सचेतक बालकृष्ण खाँणले सञ्चारकर्मीलाई जानकारी दिनुभयो । संसदीय दलका नेता एवं पार्टी सभापति शेरबहादुर देउवाको सभापतित्वमा सम्पन्न बैठकले डा केसीको माग अनुसार यसअघि सरकारले गरेको सम्झौताका
More

सर्वोत्कृष्ट किसान पुरस्कार पन्तलाई

ललितपुर । गोरखास्थित पालुङटार नगरपालिका–७ का किसान राजेन्द्रराज पन्त यस वर्षको सर्वोत्कृष्ट किसानका रुपमा पुरस्कृत हुनुभएको छ । कृषि, भूमि व्यवस्था तथा सहकारी मन्त्रालयले स्थापना गरेको ‘राष्ट्रपति उत्कृष्ट कृषक पुरस्कार’ आज उहाँलाई प्रदान गरिएको हो । पुरस्कार कदरपत्रसहित दुई लाख राशिको हो । त्यसैगरी चितवनका बाख्रापालक किसान योगेन्द्रबहादुर खड्का, बाँकेका च्याउ खेती गर्दै आउनुभएका लालबहादुर सुनार, धनुषाका माछा उत्पादक किसान बौएलाल मुखिया र कैलालीका केरा खेती गर्दै आउनुभएका रामबहादुर कुँवर राष्ट्रपति उत्कृष्ट कृषक पुरस्कारबाट पुरस्कृत हुनुभएको छ । उहाँहरु चारैजनाले प्रमाणपत्रसहित रु एक-एक लाख प्राप्त गर्नुभयो । कृषि, भूमि व्यवस्था तथा सहकारीमन्त्री चक्रपाणि खनालले कृषि क्षेत्रमा पछिल्लो समयमा केही सुधार
More

क्रान्ति पूरा हुनै बाँकी : वैद्य

काठमाडौं । नेकपा (क्रान्तिकारी) माओवादीका महासचिव मोहन वैद्यले नेपालमा राजनीतिक क्रान्ति पूरा हुन बाँकी रहेको बताउनुभएको छ । जनक्रान्तिका महान् शहीद परिवार समाज नेपालले शहीद तथा बेपत्ता परिवार र पूर्वजनमुक्ति सेनाको सम्मानमा आज आयोजना गरेको कार्यक्रममा मुक्तियोद्धाहरुलाई अभिनन्दन गर्दै उहाँले भन्नुभयो, “दश वर्ष लामो संघर्षमा योद्धाहरुले बगाएको रगत व्यर्थ जाँदैन । मलाई विश्वास छ ढिलो चाँडो क्रान्ति सफल हुन्छ ।” सच्चा कम्युनिष्ट पार्टीहरु एकताबद्ध हुनुपर्ने उहाँको भनाइ थियो । नेकपा माओवादी केन्द्रका अध्यक्ष गोपाल किराँतीले क्रान्ति भएपनि जनताले अपेक्षा गरे अनुसारको परिवर्तन नआएको बताउँदै अब हुने क्रान्तिले परिवर्तन ल्याउने दाबी गर्नुभयो । सोही पार्टीका महासचिव कर्णजीत बुढाथोकीले गणतन्त्रको रक्षार्थ क्रान्ति
More

गौहत्या गर्ने चार जना पक्राउ

नेपालगन्ज । नेपालगन्ज उपमहानगरपालिका–१६ जयसपुरमा गौहत्या गर्ने चार जनालाई प्रहरीले पक्राउ गरेको छ । आज बिहान आप्नै घरमा गौहत्या गरेका मोहम्मद इलियास जोलाहा, उनकी श्रीमती गुडी जोलाहा, छोरा सदाम जोलाहा र भतिजा अकब अली जोलाहालाई प्रहरीले पक्राउ गरेको छ । उनीहरुमाथि गौहत्यासम्बन्धी मुद्दा चलाइने बाँके प्रहरी प्रमुख प्रहरी उपरीक्षक टेकबहादुर तामाङले बताउनुभयो । पक्राउ परेका मोहम्मद इलियास जोलाहालाई यसअघि अदालतले ठगी मुद्दामा चार वर्ष कैद गरेको बताइएको छ ।
More

एनआरएनको नागरिकता निरन्तरतासम्बन्धी मुद्दा सर्वोच्चद्वारा खारेज

काठमाडौं । गैरआवासीय नेपाली नागरिकको नागरिकतासम्बन्धी रिट सर्वोच्च अदालतले खारेज गरिदिएको छ । कामु प्रधानन्यायाधीश दिपकराज जोशीसहितको पूर्ण इजलासले उक्त रिट बुधबार खारेज गरेको हो । नेपालको संविधान २०७२ को भाग २ को धारा १४ मा गैरआवासीय नेपाली नागरिकता प्रदान गर्न सकिने व्यवस्थासँग नागरिकता ऐन २०६३ को दफा १० बाझिएको भन्दै सुरेन्द्रबहादुर श्रेष्ठ र गोविन्द बेलबासेले सर्वोच्च अदालतमा रिट निवेदन दिएका थिए । नागरिकता ऐन २०६३ को दफा १० मा नेपाली नागरिकले कुनै अर्को देशको नागरिकता लिए नेपाली नागरिकता स्वतः खारेज हुने व्यवस्था छ । नेपालको संविधान २०७२ को भाग २ को धारा १४ को मर्मविपरित भएको भन्दै कानुन व्यवसायी
More

ट्रकमा मोटरसाइकल ठोक्किँदा चालकको मृत्यु

लहान – पूर्व—पश्चिम राजमार्गअन्तर्गत सप्तरीको कञ्चनरुप नगरपालिका–९, रुपनगरमा गएराति ट्रकमा मोटरसाइकल ठोक्किँदा एकजनाको मृत्यु भएको छ भने एकजना गम्भीर घाइते भएका छन् । पूर्वबाट पश्चिमतर्फ जाँदैगरेको ना ३ ख ३३२५ नंको मालबाहक ट्रकमा सोही दिशाबाट आएको को ९ प ७८५१ नम्बरको मोटरसाइकल अनियन्त्रित भई ठोक्किँदा मोटरसाइकल चालक कञ्चनरुप नगरपालिका–९, रुपनगर निवासी १७ वर्षीय किसन यादवको घटनास्थलमै मृत्यु भएको प्रहरीले जनाएको छ । सोही दुर्घटनामा परी स्थानीय अरबिनकुमार यादव गम्भीर घाइते भएका र उहाँको विराटनगरस्थित गोल्डेन अस्पतालमा उपचार भइरहेको इलाका प्रहरी कार्यालय, कञ्चनरुपले जनाएको छ । खाल्डोमा डुबेर बालकको मृत्यु यसैगरी, पानी जमेको खाल्डोमा डुबेर सिरहाको विष्णुपुर गाउँपालिका–१, खोरिया टोलमा एक
More

फेरि बजार ततायो शिव अखेलीको तीन तले घरले

काठमाण्डौ – यो बर्ष दुई दर्जन भन्दा धेरै गितहरु सिर्जना गरेक लोकप्रिय सर्जक शिव अखेलीको नयाँ तिज गित सार्वजकि भएकोछ । निकै मौलिक र तिजको भावना बोकेको हाम्रो बाबाको तिन तल घर बोलको सो गितको सम्पुर्ण पक्ष निकै उत्कृष्ट रहेको छ । गितमा तारा पौडेल श्रेष्ठको आवाज रहेको छ भने शिव अखेलीको शव्द तथा तारानाथ आचार्यको लय सिर्जन रहेको छ । डिजिटल स्टारको प्रस्तुती रहेको सो गितमा रुविना अधिकारी र अस्मिता गौतको अभिनय रहेको छ भने गितलाई तारानाथ आचार्यले र राजु गुरुङले म्युजिक भिडियो निर्देशन गरेका छन ।
More

बाग्लुङमा देवकोटा चोकको निर्माण

बाग्लुङ बजारको वडा नं ३ स्थित गुठीमा महाकवि देवकोटाको नाममा देवकोटा चोक बन्ने भएको छ । साहित्यकार तथा समाजसेवी काजी रोशनको पहल तथा अगुवाइमा देवकोटा चोकको निर्माण हुन लागेको हो । गुठीको गणेश मन्दिरदेखि जिल्ला प्रशासननेरको बुद्दचोकसम्मको ठूलो चोकको नाम देवकोटा चोक भनी नामाकरण गर्न लागेको साहित्यकार काजी रोशनले बताउनुभयो । साहित्यमा ठूलो योगदान गरेका व्यक्तिका नाममा चोकको नामाकरण गरेर देवकोटाप्रति सम्मान गरेको कुरा पनि उहाँले बताउनुभयो । साहित्यकार काजी रोशनको पहलमा थालनी भएको उक्त अभियानमा महाकवि देवकोटा चोक भनी नामाकरण गर्ने निर्णय बाग्लुङ नगरपालिकाद्वारा भएको हो । साहित्यकार काजी रोशनले नागरिकको चाहनाअनुसार देवकोटा चोकको नामाकरण गर्ने निर्णय भएको र
More

व्यवसायीलाई धम्काएर रकम असुल्ने पक्राउ

काठमाडौँ – महानगरीय प्रहरी परिसर काठमाडौँले गुण्डागर्दीमा संलग्न एकजनालाई पक्राउ गरेको छ । परिसरको टोलीले केही दिनदेखि ठमेल, दरबारमार्गलगायतका क्षेत्रका होटल, रेष्टुराँ, डिस्को तथा त्यहाँका व्यापारीलाई डरत्रास देखाई रकम असुल्दै हिँड्ने रामेछापका २६ वर्षीय विमल लुङ्गेलीमगरलाई मंगलबार पक्राउ गरेको हो । परिसरका प्रवक्ता मोहनकुमार थापाले ठमेल, दरबारमार्गका व्यवसायीलाई अनावश्यक रुपमा रकम मागेर दुःख दिने र रकम नदिए झगडा गर्ने गरेको गोप्य सूचनाका आधारमा मगरलाई नियन्त्रणमा लिएको जानकारी दिनुभयो । पक्राउ परेका मगरलाई सार्वजनिक मुद्दामा म्याद थप गरेर अनुसन्धान भइरहेको परिसरले जनाएको छ । रासस
More

पुलमुनिको माटो बगाउँदा आवागमन अवरुद्ध

गौशाला – बाढीले महोत्तरी जिल्लाको गौशाला र औरही नगरपालिका सडकखण्डमा पर्ने जंघा नदीको पुलमुनिको माटो बगाउँदा आवागमन अवरुद्ध भएको छ । दुई नगरपालिकाको मेरुदण्डका रुपमा रहेको जंघा नदीमा आएको बाढीले पुलको पूर्वी किनाराको मुख्य पिलरमुनिबाटै माटो बगाएर लगेपछि गौशालादेखि औरही र औरहीदेखि गौशाला जाने ठूला सवारीसाधन र मालबाहक साधनलाई आवागमनमा रोक लगाइएको हो । गत आइतबारदेखि जिल्लामा निरन्तर परेको पानीले जंघा नदीमा ठूलो बाढी आएर पुलमुनिको माटो बगाउँदा गौशाला औरही बाटोमा चार चक्के सवारी र मालबाहक साधनलाई आवागमनमा रोक लगाइएको औरही नगरपालिकाका प्रमुख सुनिलकुमार यादवले बताउनुभयो । तर सो पुलबाट मोटरसाइकल, साइकल र पैदलयात्रु आवागमनमा कुनै पनि रोक नलगाइएको र
More

बाढी, पहिरो र डुबानमा परी २२ जनाको मृत्यु

काठमाडौं । बाढी, पहिरो र डुबानमा परेर दुई दिनमा देशका विभिन्न स्थानमा २२ जनाको मृत्यु भएको छ । गृहमन्त्रालय अन्तर्गतको राष्ट्रिय आपतकालीन कार्य सञ्चालन केन्द्रले अहिलेसम्म २२ जनाको मृत्यु भएको, ९ जना घाइते र दुई जना बेपत्ता भएको जानकारी दिएको छ । केन्द्रले बाँकेमा चार, रोल्पामा तीन, सिन्धुली, सर्लाही, पर्सा र तनहुँमा दुई–दुई जनाको मृत्यु भएको जनाएको छ । यस्तै, कैलाली, चितवन, महोत्तरी, काठमाडौं, उदयपुर, सिरहा र दाङमा एक एक जनाको मृत्यु भएको केन्द्रले जनाएको छ । केन्द्रमा कार्यरत गोवद्र्धन कार्कीले सर्लाही, तनहुँमा एक एक जना बेपत्ता भएको जानकारी दिनु भएको छ । तनहुँमा तीन जना, पर्सा र मकवानपुरमा दुई–दुई
More

पहिरोले नारायणगढ—मुग्लिङ सडकखण्ड अवरुद्ध

काठमाडौं । चितवनको नारायणगढ—मुग्लिङ सडकखण्डअन्तर्गत चार किलो र पाँच किलोको बीच ठाउँमा पहिरो खस्दा सडक अवरुद्ध भएको छ । विहान साढे ५ बजेतिर पहिरो खसेको प्रहरीले जनाएको छ । अन्दाजी ५० मिटरभन्दा लामो पहिरो खसेको छ । पहिरो पन्छाएर सडक खुलाउन समय लाग्ने प्रहरीको भनाइ छ । अहिले पनि सिमसिम पानी परिरहेको बताइएको छ ।
More

नेकपा सचिवालयको बैठक आज

काठमाडौं । नेपाल कम्युनिष्ट पार्टी (नेकपा) सचिवालयको तेस्रो बैठक पार्टी अध्यक्ष एवं प्रधानमन्त्री केपी ओलीको अध्यक्षतामा प्रधानमन्त्री निवास बालुवाटारमा बस्ने भएको छ । पार्टीका महासचिव विष्णु पौडेलका अनुसार पार्टी स्थायी समितिको बिहीबार बस्ने बैठकको तयारीका लागि सचिवालय बैठक बस्न लागेको हो । आजको बैठकले पार्टी विधान र नियमावलीसहितको राजनीतिक प्रतिवेदन परिमार्जनसहित पारित गर्नेछ । नौ सदस्यीय नेकपा सचिवालयको उक्त बैठकमा मुलुकको समसामयिक विषयमा पनि छलफल हुने बताइएको छ ।
More

विश्वकपको क्वार्टरफाइनल समीकरण पूरा

मस्को । विश्वकप फुटबलको क्वार्टरफाइनलको समीकरण पूरा भएको छ। अन्तिम १६ को खेलमा स्वीडेन र इंग्ल्याण्ड विजयी भएसँगै क्वार्टरफाइनल समीकरण पूरा भएको हो । समीकरण अनुसार अब एउटा समूहमा फ्रान्स, उरुग्वे र ब्राजिल गरी तीन पूर्व विजेता रहेका छन् भने अर्को समूहमा इंग्ल्यान्डमात्रै पूर्व विजेता रहेको छ । आज र भोलि आरामको लागि छुट्याइएको छ । क्वार्टरफाइनलका खेल पर्सि शुक्रबारदेखि सुरु हुने छन् । शुक्रबार पहिलो क्वार्टरफाइनलमा दुई पूर्व विजेता फ्रान्स र उरुग्वेबीच भिडन्त हुनेछ । यो खेल राति पौने ८ बजे हुने छ । शुक्रबारै राति पौने १२ बजे ब्राजिल र बेल्जियमबीच सेमिफाइनलमा स्थान बनाउनका लागि भिडन्त हुनेछ ।
More