Daily Archives 16th July 2018

डा. केसीसँग वार्ता गर्न ३ सदस्यीय सरकारी वार्ता टोली गठन

काठमाडौं । चिकित्सा शिक्षा क्षेत्र सुधारको माग गर्दै जुम्लामा १७ दिनदेखि अनशनरत् डा. गोविन्द केसीसँग वार्ताका लागि सरकारले वार्ता टोली गठन गरेको छ । सोमबार प्रधानमन्त्री तथा मन्त्रिपरिषदको कार्यालयमा बसेको मन्त्रिपरिषद बैठकले शिक्षा मन्त्रालयका सचिव खगराज बरालको नेतृत्वमा तीन सदस्यीय वार्ता टोली गठन गरेको हो । समितिमा गृह र स्वास्थ्य मन्त्रालयका एक/एकजना सहसचिव सदस्य रहेका छन् । टोलीले वार्ताको कार्यविधि र स्थान आफैं तय गर्ने सरकारका प्रवक्ता एवं सन्चार तथा सूचना प्रविधिमन्त्री गोकुलप्रसाद बाँस्कोटाले जानकारी दिए । सरकारले डा. केदारभक्त माथेमा कार्यदलको प्रतिवेदनविपरीत चिकित्सा शिक्षा विधेयक संसदमा पेस गरेपछि डा. केसी अनशनमा उत्रिएका हुन् ।
More

निर्वाचन खर्च रु एक खर्ब ३१ अर्ब

काठमाडौं । नेपालको संविधानअनुसार गत वर्ष सम्पन्न स्थानीय तह, प्रदेश र प्रतिनिधिसभा निर्वाचनमा सरकारी र उम्मेदवारको गरी कुल रु एक खर्ब ३१ अर्ब ६३ करोड खर्च भएको छ । निर्वाचन पर्यवेक्षण समिति नेपालले आज सार्वजनिक गरेको तीनै तहको निर्वाचन अभियानको सिलसिलामा भएको खर्चसम्बन्धी अनुसन्धान अध्ययन प्रतिवेदनअनुसार निर्वाचनका लागि सरकारले रु ३४ अर्ब ७२ करोड र बाँकी रु ९६ अर्ब ९१ करोड उम्मेदवार तथा उनीहरूका शुभेच्छुकबाट खर्च गरिएको देखिन आएको छ । नेपालको संविधानले व्यवस्था गरेबमोजिम स्थानीय तहको निर्वाचन तीन चरणमा (विसं २०७४ वैशाख ३१, असार १४ र असोज २ गते) तथा प्रदेशसभा र प्रतिनिधिसभाका निर्वाचन दुई चरणमा, (विसं २०७४ मंसिर
More

मेहेन्दी लगाउँदै

काठमाडौँको इन्द्रचोकमा मेहेन्दी लगाउँदै । साउन महिनमाा हिन्दु नेपाली महिलाहरुले शिवको पूजा आराधना र व्रत बसी हरियो चुरा, हरियो पोते र मेहेन्दी लगाउने गर्दछन् । तस्बिर: रोशन सापकोटा
More

नेपालमा दर्जनौं रेल आयोजना, कहिले बन्छ ?

काठमाडौं । सरकारले एक दर्जनभन्दा बढी आन्तरिक तथा अन्तरदेशीय रेलमार्ग निर्माणलाई विशेष प्राथमकिताका राखी निर्माण अगाडि बढाएको छ । यातायात सञ्जालको विकासमा सहज माध्यमका रूपमा लिइएको रेलमार्गलाई आर्थिक विकासको महत्वपूर्ण सूचकका रूपमा राख्दै प्रक्रिया अगाडि बढेको छ । त्यसमा काठमाडौँ उपत्यकाभित्रको मेट्रो रेलदेखि पूर्वपश्चिम विद्युतीय रेलमार्ग, काठमाडौँ– रक्सौल रेलमार्गलगायत प्रमुख प्राथमिकतामा छन् । केही रेलमार्ग अध्ययनका क्रममा तथा केही रेलमार्ग निर्माणका क्रममा छन् । भौतिक पूर्वाधार तथा यातायात मन्त्रालयका अनुसार बर्दिबास–सिमरा खण्डको कूल १०८ किलोमिटर रेलमार्गमध्ये हालसम्म २७ किलोमिटर खण्डमा निर्माण सकिने क्रममा छ । सो मार्गमा ५८ लाख ५२ हजार ४६१ घनमिटर पुर्ने काम सम्पन्न भइसकेको छ । बाँकी
More

उप्रेतीलाई राजदूतमा सिफारिस

काठमाडौं । सरकारले गणतन्त्र भारतका लागि नेपाली राजदूतमा निर्वाचन आयोगका पूर्वप्रमुख नीलकण्ठ उप्रेतीलाई सिफारिस गरेको छ । यसैगरी मलेसियाका लागि नेपाली राजदूतमा पूर्वराजदूत उदयराज पाण्डेलाई सिफारिस गर्ने निणर्य गरेको छ । मन्त्रिपरिषद्को आजको बैठकले उहाँहरुलाई ती देशका राजदूतमा सिफारिस गर्ने निर्णय गरेको परराष्ट्रमन्त्री प्रदीपकुमार ज्ञवालीले आज परराष्ट्र मन्त्रालयमा आयोजित पत्रकार सम्मेलनमा सो जानकारी दिनुभएको हो । नेपालको संविधानअनुसार मन्त्रिपरिषद्को सो निर्णयलाई संसदीय सुनुवाई समितिले अनुमोदन गर्नुपर्नेछ । प्रस्तावित राजदूत उप्रेती भूटान र अफगानिस्तानका लागि तथा पाण्डे इण्डोनेसिया र ब्रुनाई दारेसलामका लागि गैरआवासीय राजदूतका रुपमा पनि हेर्नुहुनेछ ।
More

दुई दिनदेखि हराएका वडा सदस्य मृत फेला

गाईघाट, उदयपर – दुई दिनदेखि बेपत्ता भएको उदयपुर जिल्लाको उदयपुर गढी गाउँपालिका–३ का वडा सदस्य रामबहादुर मगर आज मृत फेला परेका छन् । जिल्ला प्रहरी कार्यालय उदयपुरका अनुसार ३० गतेदेखि बेपत्ता भएका वडा सदस्य मगर आज बिहान स्थानीय सापुपा खोलाको किनारमा मृत अवस्थामा फेला परेका हुन् । मगरको मृत्युको विषयमा अनुसन्धान भइरहेको प्रहरीले जनाएको छ । रासस
More

महानगर प्रमुख दाहाललाई प्रमाणपत्र

भरतपुरमा सोमबार आयोजित कार्यक्रममा भरतपुर महानगरपालिकालाई पूर्ण खोप सुनिश्चित जिल्ला घोषणाको प्रमाणपत्र महानगर प्रमुख रेनु दाहाललाई प्रदान गर्नुहुँदै स्वास्थ्य राज्यमन्त्री पद्मा अर्याल । तस्वीर : नारायण अधिकारी
More

सभापति देउवाद्वारा डा केसीका मागप्रति गम्भीर हुन आह्वान

काठमाडौं । नेपाली काँग्रेसका सभापति शेरबहादुर देउवाले आमरण अनशनरत डा गोविन्द केसीका मागप्रति गम्भीर हुन सरकारलाई आग्रह गर्नुभएको छ । सभापति देउवाले आज एक विज्ञप्तिमार्फत डा केसीको स्वास्थ्य स्थिति थप बिग्रंदै गएको खबरले आफूलाई गम्भीर बनाएको उल्लेख गर्दै यसमा सरकार वार्तामार्फत समाधानका लागि गम्भीर नहुनुलाई झनै गम्भीर विषयका रुपमा लिएको बताउनुभएको छ । सभापति देउवाले चिकित्सा शिक्षामा सुधारका लागि अनशनरत डा केसीसँग वार्ता गरी उहाँका माग सम्बोधन गर्दै उहाँको जीवन रक्षाका लागि तत्कालै अग्रसरता लिनु सरकारको दायित्व रहेको स्मरण गराउनुभएको छ । “मेरो नेतृत्वमा रहेको अघिल्लो सरकारले चिकित्सा शिक्षामा व्यापक सुधार गर्ने उद्देश्यका साथ चिकित्सा शिक्षा विधेयकलाई अध्यादेशमार्फत जारी गरेको
More

चिकित्सा शिक्षा विधेयकको कांग्रेसले प्रतिकार गर्ने

काठमाडौं । सरकारले आज बस्ने संसद बैठकमा चिकित्सा शिक्षा विधेयक संसदमा पेश गरेर त्यसमाथि छलफल अघि बढाउने कार्यसूची तयार पारेको छ । असार २२ मा दर्ता गरिएको विधेयकलाई पाँच दिनपछि आज संसदको कार्यसूचीमा राखिएको हो । यसअघि अध्यादेशका रूपमा ल्याइएको उक्त ऐनको महत्वपूर्ण अंश हटाएर नयाँ विधेयकका रूपमा दर्ता गराएपछि नेपाली काँग्रेसले संसदमा अवरोध गर्दै आएको थियो । हिजो पनि बैठकको कार्यसूचीमा विधेयक संसदमा पेश गर्ने बताए पनि संविधानसभाका पूर्व सदस्य तथा नेकपाका नेता मोहम्मद मुस्ताक आलमको निधनको शोक प्रस्ताव पारित गर्दै बैठक स्थगित भएको थियो । यसअघि शनिबार सत्तारूढ नेकपाका प्रवक्ता नारायणकाजी श्रेष्ठले तत्काल वार्ता समिति बनाउने र विधेयक
More

विश्वकपको उपाधि फ्रान्सलाई, कुन खेलाडीले के पाए ?

रसियामा सम्पन्न २१औं संस्करणको फिफा विश्वकप फुटबलको उपाधि २० वर्षपछि फ्रान्सले दोस्रो पटक जितेको छ। आइतबार मस्कोमा क्रोएसियालाई ४–२ गोल अन्तरले हराउँदै फ्रान्सले दोस्रो पटक बल्र्डकपको उपाधि जितेको हो। यसअघि फ्रान्सले सन् १९९८ मा पहिलो विश्वकप उपाधि जितेको थियो । त्यसपछि सन् २००६ मा विश्वकप फाइनलमा पुगेको फ्रान्स उपविजेता बनेको थियो । फ्रान्ससँग फाइनलमा भिडेका क्रोएसियाभने विश्वकप फाइनलमा पहिलो पटक पुगेर पनि उपाधिबाट विमुख भएको छ । तर उपविजेता बनेका क्रोएसियाको दोस्रो स्थाननै ऐतिहासिक फड्को बनेको छ । यसअघि क्रोएसिया सन् १९९८ मा सेमिफाइनलसम्म पुगेपनि फ्रान्ससँगनै उसले पराजय व्यहोरेको थियो । रसिया विश्वकप २०१८ मा कुल पुरस्कार राशी ७९१ मिलियन
More

राससकर्मीसहित पाँच पत्रकार सम्मानित

बाजुरा – बाजुराको बडीमालिका नगरपालिकाले आइतबार एक कार्यक्रमका बीच रासस बाजुरा समाचारदातासहित पाँच जना पत्रकारलाई सम्मान गरेको छ । नगरपालिकाको विकासमा टेवा पु¥याउन सञ्चारमाध्यमबाट योगदान गरेको भन्दै सम्मान गरिएको बडीमालिका नगरपालिकाका नगर प्रमुख पदम बडुवालले बताउनुभयो । सम्मानित हुने पत्रकारमा राष्ट्रिय समाचार समिति बाजुरा समाचारदाता प्रेम रौले, नागरिक संवाददाता कृष्ण ओली, एभिन्युन टेलिभिजनका लक्ष्मीराज पाध्याय, अन्नपूर्ण पोष्ट समाचारदाता रमित विक र लोकतन्त्र विहानी सप्ताहिकका प्रकाशक प्रशान्तराज जोशी हुनुहुन्छ । उहाँहरूलाई प्रशंसापत्र र दोसल्ला ओढाएर सम्मान गरिएको थियो । त्यसैगरी जिल्लामा रहेका दुई इलेक्टोनिक सञ्चारमाध्यमलाई पनि सम्मानस्वरुप प्रशंसापत्र प्रदान गरिएको छ । जिल्लामा रहेका रेडियो बाजुरा र रेडियो पौरखीलाई समेत सम्मान
More

बेपत्ता भएकी युवतीको हत्या

भीमदत्तनगर । छ दिनदेखि परिवारको सम्पर्कमा नरहेकी कञ्चनपुरको कृष्णपुर नगरपालिका–८ शान्तिपुरकी १७ वर्षीया कविता विष्टको हत्या गरिएको अवस्थामा शव फेला परेको छ । कैलालीको गेटास्थित सरस्वती माविमा अध्ययनरत विष्ट गत मंगलबार अत्तरिया बजारमा किनमेलका लागि गएकी थिइन् । सामान किनमेलमा गएकी छोरी सम्र्पकमा नआएपछि आइतबार परिवारका अन्य सदस्यले गुलरिया प्रहरीमा खबर गरेका थिए । खबरपछि खोजीकार्यमा खटिएको प्रहरीले मध्यरातमा विष्टको हत्या गरी क्षतविक्षत अवस्थामा कृष्णपुर नगरपालिका–२ लालझाडी–महोना वन क्षेत्रको अम्खैया खोला नजिक फालेको लास भेटाएको छ । इलाका प्रहरी कार्यालय झलारीका प्रमुख रमेशप्रसाद अवस्थीले विष्टको हत्या गरी फालिएको आशंका व्यक्त गर्नुभयो । उहाँले घटनाको संलग्नताको आरोपमा आइतबार साँझनै कृष्णपुर नगरपालिका–२
More

हाइड्रो भिलेज म्याग्दीमा दैनिक १५० जना रोजगार

काठमाडौं । हाइड्रो भिलेजका नामले प्रख्यात म्याग्दीको नारच्याङमा निर्माणाधीन विभिन्न जलविद्युत् आयोजनामा दैनिक १५० जनाले रोजगारी पाएका छन् । जिल्ला सदरमुकाम बेनीदेखि ४ घन्टाको यात्रापछि पुगिने नारच्याङमा ४२ मेगावाटको मिस्त्रीखोला, पाँच मेगावाटको घलेम्दीखोला र ३८ मेगावाटको नीलगिरि खोला जलविद्युत् आयोजना निर्माण भइरहेका छन् । यी जलविद्युत् आयोजनाबाट स्थानीयले रोजगारी पाउनुका साथै मासिक न्यूनतम १५ हजारदेखि ५० हजारसम्म कमाइ गर्दै आएका स्थानीय २९ वर्षीय वीरबहादुर पुनले बताउनु भएको छ । पाँच वर्षदेखि घलेम्दीमा सुरुङमार्गको सहइञ्चार्ज भएर काम गरिरहेका पुन गाउँमै रोजगारी पाएपछि खुशी हुनु भएको छ । स्थानीयले आयोजनामा काम मात्र होइन त्यहाँ काम गर्ने कामदारका लागि किराना पसलदेखि होटलसमेत सञ्चालन
More

२० वर्षपछि फ्रान्सलाई विश्वकप फुटबलको उपाधि

मस्को । क्रोएसियालाई हराउँदै फ्रान्सले दोस्रो पटक विश्वकप फुटबल २१ औं संस्करणको उपाधि जितेको छ । गएराति रुसको मस्कोस्थित लुझ्निकी रंगशालामा भएको फाइनलमा फ्रान्सले क्रोएसियालाई ४–२ गोल अन्तरले हराउँदो २० वर्षपछि फेरि विश्वकपको उपाधि उचालेको हो । खेलमा फ्रान्सले १८ औ मिनेटमा आत्मघााती गोलमार्फत अग्रता लिएको थियो । कर्नर बललाई हेडमार्फत क्लियर गर्न लाग्दा क्रोएसियाका मारियो मान्जुकिजले आफ्नै पोस्टमा गोल गर्न पुग्नु भएको थियो । यो विश्वकपको फाइनलमा भएको पहिलो आत्मघाती गोल समेत बनेको छ । तर, फ्रान्समाथि लगातार दबाव बनाएको क्रोएसियाले २८ औं मिनेटमै बराबरी गोल फर्कायो । क्र्रोसियाका लागि इभाँ पेरिसिकले बराबरी गोल गर्नु भयो । क्रोएसियाले खेल
More

सवारी दुर्घटनालाई न्यूनीकरण गर्न साउन १ देखि टाइमकार्ड

काठमाडौँ – उपत्यकामा बढ्दो सवारी दुर्घटनालाई न्यूनीकरण गर्न मालबाहक सवारीसाधनलाई भक्तपुरको जगातीदेखि काठमाडौँको कोटेश्वरसम्म टाइम कार्डको लागू गरिेने भएको छ । भक्तपुरको फराकिलो सडकमा तीव्र गतिका कारण धेरै दुर्घटना भएपछि महानगरीय ट्राफिक प्रहरी महाशाखाले साउन १ गतेदेखि टाइम कार्ड लागू गर्न लागेको हो । टाइम कार्ड लागू गरेपछि ट्रक, टिपर, भ्यानलगायतका सवारीसाधन भने प्रतिघण्टा ४० किलोमिटरको गतिमा गुड्नुपर्ने भएको छ । यस्तै महाशाखाले १ गतेदेखि नै जगाते–कोटेश्वर सडक खण्डको बाँयातर्फ मालबाहक र सार्वजनिक सवारीसाधन तथा दायाँतर्फ मोटरसाइकल, कार, ट्याक्सी, पर्यटकीय बस, कूटनीतिक नियोगका बस सञ्चालन गर्ने गरी योजना बनाएको छ । महाशाखाका प्रमुख एवं प्रहरी वरिष्ठ उपरीक्षक वसन्तकुमार पन्त जगाती–कोटेश्वर
More