Daily Archives 31st August 2018

जनसम्पर्क समिति अमेरिकामा ४ बुंदे सहमति

ध्रुव भण्डारी । न्यूयोर्क। बुधवारका दिन, नेपाली काँग्रेसका प्रवक्ता एवं प्रखर वक्ता विश्व प्रकाश शर्मासंग न्यूयोर्कमा रहनुभएका नेपाली काँग्रेसका अग्रज एवं जनसम्पर्क समिति अमेरिकामा आवद्ध सबै तहका साथिहरूको माझमा घनिघूत रूपमा अनौपचारिक छलफल भएको छ । छलफलको पहिलो चरणमा पार्टी प्रवक्ताले सुधार गर्नुपर्ने कुराहरू के के हुन भनि प्रवक्ता आफैले सहभागिहरूसँग सुझाव माग गरेका थिए भने दोस्रो चरणको छलफलमा समग्र काँग्रेसको र जनसम्पर्क समिति अमेरिकाको बारेमा सहभागिहरूको तर्फबाट आफ्नो भनाई र सुझाबहरू मागेका थिए । झण्डै ४ घण्टा निरन्तर चलेको उक्त अन्तरकृया एवं छलफल कार्यक्रमा जनसम्पर्क समिति अमेरिकाको नेता तथा कार्यकर्ताहरूले खुलेर आफ्ना भनाई/सुझावहरू प्रवक्ता सामु राखेका थिए । अन्त्यमा
More

युकेबाट प्रदेश न १ को नाम लिम्बुवान हुनुपर्ने माग

गत २८ अगष्ट २०१८ का दिन किरात याक्थुङ चुम्लुङ युकेले एक विज्ञप्ति जारी गरि प्रदेश नम्बर १ को नामाङ्कन लिम्बुवान हुनुपर्ने माग गरेको छ । नेपालको नयाँ संरचना अन्तर्गतको ७ प्रदेशहरु मध्ये प्रदेश न १ को सम्बन्धमा चुम्लुङले भनेको छः सबैभन्दा पछिल्लो समय सम्म स्वतन्त्र राज्यको रुपमा रहेको र स्वायत्त लिम्बुवान रहने गरि गोर्खा राज्य संग सम्झौता गरि नेपालमा जोडिएको ताजा इतिहासलाई सम्मान गर्दै । ऐतिहासिक आधारमा प्रदेश न. १ को नाम ‘लिम्बुवान“ वा ‘लिम्बुवान किरात“ राख्नु पर्दछ । देशविदेश र संयुक्त राष्ट्रसङ्घमा समेत लिम्बुवानको मुद्धा एवं पहिचान स्थापित भईसकेको कारण स्थायी शान्ति, समृद्धिको निम्ति सरकार तथा सम्बन्धित निकायले प्रदेश
More

ओसिनिया क्षेत्रमा विज्ञ सम्मेलन १५ सेप्टेम्बरमा

लन्डन ।अष्ट्रेलियाको सिड्नीमा पहिलोपटक ओसिनिया क्षेत्रमा रहेर विभिन्न क्षेत्रहरुमा सफलता हासिल गरेका विज्ञहरु सम्मिलित विज्ञ सम्मेलनको आयोजना हुने भएको छ । आगामी अक्टोबरमा नेपालमा हुने विज्ञ सम्मेलनकै पूर्वतयारीको रुपमा गर्न लागिएको विज्ञ सम्मेलनबाट सो क्षेत्रका विज्ञले आर्जन गरेका सीप र ज्ञानलाई नेपालको विकासमा प्रयोग गर्न सकिने माध्यमहरुको बारेमा खोजी समेत गरिने ओसिनिया संयोजक धर्मराज अधिकारीले बताए । यही सेप्टेम्बरको १५ तारिखमा आयोजना हुन लागेको कार्यक्रममा अष्ट्रेलिया, न्युजिल्याण्ड, पपुवान्युगिनी, फिजी लगायतका ओसिनिया क्षेत्रमा रहेका विभिन्न विधामा विज्ञता हासिल गरेका विज्ञहरुको सहभागिता रहने छ । अधिकारीका अनुसार कार्यक्रममा पूर्वाधार विकासका साथै कृषि, रेलवे निर्माण, सुरुङ मार्ग, स्वास्थ्य, शिक्षा, खाद्य सुरक्षा लगायतका क्षेत्रहरुमा
More

प्रधानमन्त्रीद्वयबाट पशुपति धर्मशालाको उद्घाटन

काठमाडौं । प्रधानमन्त्री केपी शर्मा ओली र भारतीय प्रधानमन्त्री नरेन्द्र मोदीले पशुपतिमा निर्मित नेपाल–भारत मैत्री पशुपति धर्मशालाको आज संयुक्तरुपमा उद्घाटन गर्नुभयो । करीब रु २० करोडको लागतमा १० हजार वर्गमिटर क्षेत्रफलमा निर्मित उक्त धर्मशाला भारतीय सहयोगमा बनेको हो । उद्घाटनपश्चात् प्रधानमन्त्रीद्वयले सम्बोधन गर्नुभएको थियो । बहुपक्षीय प्राविधिक तथा आर्थिक सहयोगका लागि बङ्गालको खाडीको प्रयास (बिम्स्टेक) चौथो शिखर सम्मेलनमा भाग लिएर स्वदेश फकर्नुअघि भारतीय प्रधानमन्त्री मोदी पशुपति नाथ मन्दिरको दर्शनका लागि पुग्नुभएको थियो ।
More

अभिवादन गर्दै भारतका प्रधानमन्त्री

विम्स्टेकको चौथौं सम्मेलनमा भाग लिन नेपाल आउनुभएका भारतका प्रधानमन्त्री नरेन्द्र मोदी शुक्रबार साँझ स्वदेश फर्कने क्रममा त्रिभुवन अन्तरर्राष्ट्रिय विमानस्थलमा अभिवादन गर्दै । तस्बिर: रत्न श्रेष्ठ
More

कांग्रेस आई अध्यक्ष राहुल गान्धी अचानक काठमाडौंमा

काठमाडौं । भारतीय कांग्रेस आईका अध्यक्ष राहुल गान्धी आज दिउँसो काठमाडौं आईपुगेका छन् । मानसरोवर यात्राका लागि उनी भारतीय इन्डिगो विमानवाट शुक्रबार बिहान ११ः४५ मा त्रिभुवन अन्तर्राष्ट्रिय विमानस्थल आइपुगेका हुन । उनी नेपाल हुँदै तिब्बतको मानसरोवरको यात्रामा जान लागेको भारतीय सञ्चारमाध्यमले उल्लेख गरेका छन् । राहुल काठमाडौंको -याडिसन होटलमा बसेका छन् । शनिबार विहान हेलिकप्टरवाट नेपालगञ्ज जाने कार्यक्रम छ । नेपालगञ्जबाट हुम्ला हुँदै उनी मानसरोवर यात्रामा निस्कने बताइएको छ । उनी १२ दिनको मानसरोबर यात्रामा निस्केका हुन । नीजि भ्रमण भएकाले काठमाडौं बसाईका क्रममा उनले कुनै राजनीतिक भेटघाट भने नगर्ने बताईएको छ । बिमस्टेकको चौथो शिखर सम्मेलनमा सहभागी हुन आएका
More

बिमस्टेकको चौथो शिखर सम्मेलन सम्पन्न, १८ बुँदे काठमाडौँ घोषणापत्र जारी

काठमाडौं । १८ बुँदे काठमाडौँ घोषणापत्र जारी गर्दै बिमस्टेकको चौथो शिखर सम्मेलन सम्पन्न भएको छ । यससँगै बिमस्टेकको अध्यक्षता अब औपचारिक रुपमा श्रीलंकाले गर्ने भएको छ । आयोजक राष्ट्रका रुपमा नेपालले अध्यक्षता गरिरहेकोमा नेपालका प्रधानमन्त्री केपी शर्मा ओलीले त्यसलाई श्रीलंकका राष्ट्रपति मैत्रीपाला सिरिसेनालाई हस्तान्तरण गरेका छन् । सम्मेलनका क्रममा ‘बिम्स्टेक ग्रिड इन्टरकनेक्सन’ सम्बन्धी समझदारीपत्रमा हस्ताक्षर भएको छ । बिम्स्टेक सदस्य राष्ट्रका राष्ट्र/सरकार प्रमुखहरुको उपस्थितिमा सदस्य राष्ट्रका परराष्ट्र/विदेशमन्त्री तथा अधिकारीहरुले उर्जा साझेदारीसँग सम्बन्धित ग्रिड इन्टरकनेक्सन सम्बन्धी समझदारीपत्रमा हस्ताक्षर गरेका हुन् । यो सम्झौतासँगै बिम्स्टेक राष्ट्रहरुबीच ऊर्जा आदानप्रदानको बाटो खुलेको छ । यसअघि नेपालले भारत र बंगलादेशसँग विद्युत व्यापार सम्झौता गरेको छ
More

नेपाली विद्यार्थीलाई भारतमा कूलपति स्वर्ण पदक

काठमाडौं । भारतको कानपुरमा रहेको छत्रपति शाहजी महाराज विश्वविद्यालयको दीक्षान्त समारोहमा नेपाली छात्रा आकृति श्रेष्ठ कुलपति स्वर्ण पदकले सम्मानित हुने छिन् । उनले एमएस्सी न्युट्रिसन विज्ञानमा सर्वाधिक अंक ल्याएर कलेज टप गरेकाले कुलपति स्वर्ण पदकले सम्मानित हुने भएकी हुन् । पञ्जाव केसरीमा प्रकाशित समाचारअनुसार मकवानपुरका गणेशमान श्रेष्ठ र अमृताकुमारी श्रेष्ठकी छोरी आकृति श्रेष्ठले सीएसजेएमयुबाट एमएस्सी न्युट्रिसन साइन्सको अध्ययन गरेकी थिइन् । उनले ८१ दशमलब ०५ अंक हासिल गरिन् । जीव विज्ञान संकायमा सर्वाधिक अंक हासिल गरेकी आकृतिलाई कूलपति स्वर्ण पदक दिइनेछ । राम्रो शिक्षा लिएर आफ्नै देशको विकासमा योगदान दिने प्रतिक्रिया उनले सञ्चारकर्मीहरुलाई दिएकी थिइन् ।
More

भलाकुसारी

बिम्स्टेकका अध्यक्ष एवं प्रधानमन्त्री केपी शर्मा ओली र भुटानका प्रधानमन्त्री ल्योन्पो छिरिङ आङचुकसँग रिट्रिटस्थल सोल्टी होटल ताहाचलमा भलाकुसारी गर्दै । तस्वीर: प्रदीपराज वन्त
More

बिम्स्टेकको अनौपचारिक राजनीतिक संवाद (रिट्रिट) प्रारम्भ

काठमाडौं । बहुक्षेत्रीय प्राविधिक तथा आर्थिक सहयोगका लागि बङ्गालको खाडीको प्रयास (बिम्स्टेक) का राष्ट्राध्यक्ष-सरकार प्रमुखको अनौपचारिक राजनीतिक संवाद (रिट्रिट) प्रारम्भ भएको छ । सदस्य मुलुकका राष्ट्राध्यक्ष÷सरकार प्रमुखलाई आवासको व्यवस्था गरिएको स्थानीय ताहाचलस्थित सोल्टी होटलको पौडी पोखरी परिसरमा आयोजना गरिएको रिट्रिटमा सबै देशका राष्ट्राध्यक्ष-सरकार प्रमुख तथा उहाँहरूका जीवनसाथी पनि सहभागी हुनुहुन्छ । रिट्रिटमा बिहानको खाजाको प्रबन्ध गरिएको छ । सदस्य देशका राष्ट्राध्यक्ष-सरकार प्रमुखका निम्ति एउटा मुख्य टेबल र सोही टेबल नजिक उहाँहरूका श्रीमती-श्रीमान्लाई बेग्लै टेबलको व्यवस्था गरिएको परराष्ट्र मन्त्रालयले जनाएको छ । आफ्नै भाषामा अभिव्यक्त गर्न चाहने राष्ट्राध्यक्ष-सरकार प्रमुखका लागि दोभाषेको पनि व्यवस्था गरिएको छ । बिम्स्टेकका अध्यक्ष एवं प्रधानमन्त्री केपी
More

पुलबाट कार खस्दा दुई घाइते

चितवन – काठमाडौँबाट दाङ जाँदै गरेको कार आज बिहान जुगेडी पुलबाट तल खस्दा दुई जना घाइते भएका छन् । जिल्ला प्रहरी कार्यालयलका अनुसार बिहान ७ बजेतिर बा१७च २२१ नं को कार आफँै अनियन्त्रित भई नारायणगढ मुग्लिन सडक खण्डको जुगेडी पुलबाट तल खसेको हो । कारका चालक रामेछाप निवासी २१ वर्षीय एकराज खत्री र कारमा सवार कञ्चनपुर जिल्लाको बेलौलीका ३४ वर्षीय दुर्गाप्रसाद चौधरी घाइते हुनुभएको छ । पुरानो मेडिकल कलेजमा उपचार भइरहेको उहाँहरूको अवस्था खतरामुक्त रहेको प्रहरीले जनाएको छ । रासस
More

युरोपको सर्वोत्कृष्ट खेलाडीको उपाधि मोड्रीचलाई

लन्डन । युरोपको सर्वोत्कृष्ट खेलाडीको उपाधि क्रोएसियाका कप्तान तथा रियाल मड्रिडका मध्यपंक्तिका खेलाडी लुका मोड्रीचले जित्नु भएको छ । मोड्रिचले यो उपाधि पाउनका लागि युभेन्ट्सका फरवार्ड क्रिस्टियानो रोनाल्डो र लिभरपुल फरवार्ड मोहमद सलाहलाई पछि पार्नु भयो । रियाल म्याड्रिडलाई लगातार तेस्रो च्याम्पियन्स लिग उपाधि दिलाउन महत्त्वपूर्ण भूमिका खेल्नु भएको थियो । क्रोएसियालाई विश्वकप फाइनलसम्म पु-याउनुमा मोड्रीचको ठूलो योगदान रहयो । विश्वकपमा उत्कृष्ट प्रदर्शन गर्दै गोल्डेन बल हात पार्नु भएका मोड्रिचले यो अवार्ड पाउनका लागि ३ सय १३ मत पाउनु भएको थियो । उहाँले रोनाल्डोभन्दा ९० मत बढी पाउँदै अवार्ड जित्नु भयो । प्रिमियर लिगको गोल्डेन बुट विजेता सलाहले १ सय
More

डलरको मूल्य बढ्दा नेपाललाई नोक्सान

काठमाडौं । आज एक अमेरिकी डलर खरिद गर्न १ सय १३ रुपैयाँ २५ पैसा खर्चिनुपर्ने भएको छ । यो विनिमय दर हालसम्मकै उच्च हो । यसको अर्थ डलरको तुलनामा नेपाली रुपैयाँ हालसम्मकै कमजोर अवस्थामा पुगेको भन्ने हो । यसले नेपाललाई फाइदा भन्दा घाटा धेरै हुने बताईएको छ । दुई दिनअघि एक अमेरिकी डलरको विनिमयदर १ सय १२ रुपैयाँ ६५ पैसा पुगेको थियो । खासगरी दुई कारणले डलरसँग नेपाली मुद्राको मूल्य (भाउ) घटछ । पहिलो विश्व बजारमा अमेरिकी डलर बलियो बन्दै जानु र दोस्रो डलरको तुलनामा भारतीय मुद्रा कमजोर हुनु । अहिले दोस्रोभन्दा पनि पहिलो कारणले नेरुसँग डलरको विनिमय दर बढदै
More

मलेसियामा अवैध कामदार धरपकडमा पर्ने

काठमाडौं । मलेसियाले अवैधानिक आप्रवासी कामदारलाई स्वदेश फर्कनका लागि सञ्चालन गरेको आममाफी कार्यक्रम सकिएको छ । गएको वर्ष फेब्रुअरी १५ देखि सञ्चालन गरिएको कार्यक्रम सकिएलगत्तै त्यस्ता कामदारविरुद्ध अझै थप कडाई गरिने र देशव्यापी धरपकड गरिने सरकारी अधिकारीहरुले जनाएका छन् । मलेसियाली अध्यागमन विभागका प्रमुख मुस्ताफिर अलीले पत्रकार सम्मेलन गर्दै यस्तो जानकारी दिनु भएको हो । उहाँले हिजै मध्यरातदेखि त्यस्ता कामदारविरुद्ध देशव्यापी धरपकड गरिने बताउनु भएको थियो । मलेसिया सरकारले यसअघि त्यस्ता कामदारलाई वैधानिकता प्रक्रियामा दर्ता भई काम गर्न पाउने अवसरसहितको ‘रिहाइरिङ’ कार्यक्रम समेत सञ्चालन गरेको थियो । मलेसियाले वैधानिकताका लागि दर्ता भएका कामदारलाई ‘इन्फोर्समेन्ट कार्ड’ निस्शुल्क वितरण गरी थप वैधानिकताको
More

बिम्स्टेक सम्मेलन सकिँदै, चार पाहुना आजै स्वदेश फर्कने

काठमाडौं । बहुपक्षीय प्राविधिक तथा आर्थिक सहयोगका लागि बंगालको खाडीको प्रयास (बिमस्टेक) को चौथो शिखर सम्मेलन आज सकिदैछ । हिजोबाट सुरु भएको सम्मेलन आज काठमाडौँ घोषणा पत्र तय गर्दै सकिन लागेको हो । सम्मेलनको दोस्रो तथा अन्तिम दिन आज प्रधानमन्त्री केपी शर्मा ओलीले होटल सोल्टीको पुलसाइडमा सबै राष्ट्रप्रमुखको सम्मानमा ‘रिट्रिट’ दिने व्यवस्था मिलाइएको परराष्ट्र मन्त्रालयले जनाएको छ । त्यसपछि बिहान ११ बजेबाट सुरु हुने बिम्स्टेकको दोस्रो सत्रमा प्रधानमन्त्री ओलीले हस्ताक्षर गर्नुपर्ने समझदारीका बुँदाहरु जानकारी गराउनु हुनेछ । सम्मेलनमा बिमस्टेक स्वतन्त्र व्यापार सम्झौताअन्तर्गत विद्युत् प्रसारणको अन्तरदेशीय मार्ग ‘बिमस्टेक ग्रिड इन्टरकनेक्सन’को समझदारीपत्र (एमओयू)मा सातै देशका मन्त्रीले हस्ताक्षर गर्ने कार्यत्रम छ । यसैगरी
More

लामो वक्तव्य दिएर विश्व कीर्तिमान

काठमाडौं । नुवाकोट शिवपुरी गाउँपालिका–१ का अनन्तराम केसीले ९० घण्टा दुई मिनेट निरन्तर वक्तव्य दिएर विश्व कीर्तिमान कायम गर्नुभकोे छ । भदौ ११ गते बिहान ६ बजेदेखि निरन्तर वक्तव्य दिनुभएका उहाँले बिहीबार मध्यरातसम्म निरन्तर वक्तव्य दिएर सो किर्तिमान कायम गर्नुभएको हो । केसीले भारत केरेलाका केपी भाल साराजानले ८१ घण्टा १६ मिनेट बोलेर कायम गर्नुभएको विश्व कीर्तिमानलाई समेत तोड्नुभएको छ । न्यू माइन्ड्स एकेडेमीको आयोजनामा केसीले गोकर्णेश्वर नगरपालिका–५ जोरपाटीस्थित इष्टपोल स्कूलमा वक्तव्य दिनुभएकोे थियो । राष्ट्रिय गौरवसँग जोडिएको यो अभियानलाई पूरा गर्न केसीले उभिएर तथा बसेर वक्तव्य दिनुभएको न्यू माइन्ड्स एकेडेमीका अध्यक्ष कुमारराज सुवेदीले जानकारी दिनुभयो । निरन्तर ९० घण्टा
More

बिम्स्टेकको रिट्रिट

काठमाडौँ – बहुक्षेत्रीय प्राविधिक तथा आर्थिक सहयोगका लागि बङ्गालको खाडीको प्रयास (बिम्स्टेक) का राष्ट्राध्यक्ष÷सरकार प्रमुखको अनौपचारिक राजनीतिक संवाद (रिट्रिट) प्रारम्भ भएको छ । सदस्य मुलुकका राष्ट्राध्यक्ष÷सरकार प्रमुखलाई आवासको व्यवस्था गरिएको स्थानीय ताहाचलस्थित सोल्टी होटलको पौडी पोखरी परिसरमा आयोजना गरिएको रिट्रिटमा सबै देशका राष्ट्राध्यक्ष÷सरकार प्रमुख तथा उहाँहरूका जीवनसाथी पनि सहभागी हुनुहुन्छ । रिट्रिटमा बिहानको खाजाको प्रबन्ध गरिएको छ । सदस्य देशका राष्ट्राध्यक्ष÷सरकार प्रमुखका निम्ति एउटा मुख्य टेबल र सोही टेबल नजिक उहाँहरूका श्रीमती÷श्रीमान्लाई बेग्लै टेबलको व्यवस्था गरिएको परराष्ट्र मन्त्रालयले जनाएको छ । आफ्नै भाषामा अभिव्यक्त गर्न चाहने राष्ट्राध्यक्ष÷सरकार प्रमुखका लागि दोभाषेको पनि व्यवस्था गरिएको छ । बिम्स्टेकका अध्यक्ष एवं प्रधानमन्त्री केपी
More

थामिएन बेपत्ता परिवारका आँशु

सल्यान – कपुरकोट गाउँपालिका–७ की अमृता बोहरालाई बाबाले बजारबाट फर्किदा मिठाइ लिएर आउनुहुन्छ भनेर आमाले सम्झाएको अहिलेजस्तो लाग्छ । आठ वर्षकी उनले बाबालाई पछ्याउन खोज्दा म बेलुका फर्किहाल्छु आउँदा मिठाइ ल्याइदिन्छु छोरी भनेर सदरमुकाम हिँड्नु भएका बेदबहादुर बोहरा अहिलेसम्म फर्केर आउनुभएन । बुबाको त्यही बोली उनका लागि अन्तिम बन्यो । “विसं ०५८ पुस १८ गते सल्यानको सदरमुकाम जानुभएका अमृताका बुबालाई तत्कालीन शाही नेपाली सेनाले पक्राउ गरी बेपत्ता बनायो, रुँदै अमृताले भन्नुभयो, मारेको भए मारिसक्याँै भन्नुप¥यो जीवित हुनुहुन्छ भने भन्नुप¥यो किन हामीलाई यस्तो पीडा दिएको ?” यस्तै पीडा छ बागचौर नगरपालिका–१० पिपलनेटाका घमण्ड बुढाथोकीलाई । “छोरा बेपत्ता भएको १७ वर्ष बितिसक्दा
More

निर्मला हत्या प्रकरणः प्रहरीले नै प्रमाण मासेको आशंका!

काठमाडाैँ। भीमदत्त २ उल्टाखाकी निर्मला पन्तको बलात्कारपछि हत्या प्रकरणमा तत्कालीन प्रहरी प्रमुखसहितले प्रमाण मेटाउन लागेको स्थानीयले आशंका गरेका छन्। घटनास्थलमाा शवसँगै भेटिएको निर्मलाको सुरुवाल प्रहरीले नै धोएर निचोरेको, घटनास्थलको सुरक्षा नगरेको, निर्मला पढ्न गएको बम परिवारको आँगनको अम्बाको रुख काटिएको र घरभित्र रंगरोगन गरिएको विषय शंकास्पद रहेको उनीहरु बताउँछन् । शव भेटिएकै समयदेखि प्रहरीले प्रमाण मेटाउने काम गरेको छ, नत्र त्यो सुरुवाल धोएर किन निचोर्यो ? , एक स्थानीयले भने, प्रहरीले घटनास्थलको सुरक्षामा पनि खासै चासो दिएन । प्रहरीले निर्मलाको सुरुवाल धोएर निचोरेको भिडियो सामाजिक सञ्जालमा भाईरल बनेको छ । अम्बाको रुख हलिे नै किन काटियो, निर्मलाले रुखमा चढेर अम्बा
More

प्रतिष्ठानद्वारा ६० स्रष्टालाई परिचयपत्र वितरण

काठमाडौ – नेपाल सङ्गीत तथा नाट्य प्रज्ञा– प्रतिष्ठानले प्रतिष्ठित श्रेणीका ६० स्रष्टा कलाकारलाई परिचयपत्र वितरण गरेको छ । प्रतिष्ठानले यहाँ आज आयोजना गरेको समारोहमा संस्कृति, पर्यटन तथा नागरिक उड्डयनमन्त्री रवीन्द्रप्रसाद अधिकारीले नेपालको सङ्गीत तथा नाट्य विधामा अथक साधनामार्फत समाज र राष्ट्रमा पु¥याएको अतुलनीय योगदानको कदर गर्दै सम्बन्धित विधासँग सम्बन्धित अग्रज स्रष्टा कलाकारलाई परिचयपत्र वितरण गर्नुभयो । परिचयपत्र प्राप्त गर्नेमा प्राज्ञ आलोकश्री, भरत नेपाली, चेतनारायण राई, शकुन्तला प्रधान, हरिबहादुर थापा, शान्तिराम राई, यज्ञराज उपाध्याय, बाबा बस्नेत, वसन्तप्रसाद भट्टलगायत छन् । सो अवसरमा मन्त्री अधिकारीले साहित्य, कला, सङ्गीत र नाटक मौलाउँदा सरकारले लिएको समृद्ध नेपाल, सुखी नेपालीको अभियानलाई पूरा गर्न सहयोग पु¥याउने
More