Daily Archives 5th September 2018

बर्मिघममा तीजको रनौक (फोटो फिचर)

लण्डन । सोमबार बर्मिङहममा आयोजना भएको तीज विशेष कार्यक्रम बेलायतका अन्य ठाउंमा भइरहने कार्यक्रम भन्दा विल्कुलै भिन्न बन्यो । रेकर्डेड गीतहरु बजाएर डिजे डान्स गर्ने र नेपालबाट आएका कलाकारले प्रत्यक्ष गाएर नचाउने आम ट्रेण्ड भन्दा फरक मौलिक तीजका भाकाहरु समेत कार्यक्रममा घन्किए । शान्ति नेपाली समाज बेलायतले आयोजना गरेको कार्यक्रममा नेपालबाट आएका झण्डै आधा दर्जन राष्ट्रिय कलाकारले बेजोड प्रस्तुति गरेका थिए । सोहि अवसरमा आयोजित तीजगीत प्रतियोगितामा मिडल्यान्डका विभिन्न ठाउंबाट आएका ६ टोलीले सहभागिता जनाए । अर्को सालको तीजमा त जान्छु मेरै देशमा लाली गुरांस फूल टिपेर लाउंछु केशमा…. प्रतियोगी टोलीहरुले नेपालका गाउंघरमा गाइने तीजका मौलिक भाकाहरु आकर्षक रुपमा प्रस्तुत
More

पत्रकार महासंघ यूकेले बुझायो लण्डन दूतावासमा ज्ञापनपत्र

लण्डन । नेपालमा हालै लागु गरिएको नयां मुलुकी ऐनका केहि प्रावधानले प्रेस तथा अभिव्यक्ति स्वतन्त्रतालाई संकुचित पार्न खोजेको भन्दै त्यसको यथोचित संशोधनका लागि नेपाल पत्रकार महासंघ यूके शाखाले माग गरेको छ । लण्डनस्थित नेपाली दूतावास मार्फत बुधबार नेपाल सरकारका प्रधानमन्न्त्री र संघीय संसदका सभामुखलाई एक ज्ञापनपत्र पठाउंदै शाखाले प्रेस र अभिव्यक्ति स्वतन्त्रताका लागि संिवधानले गरेको प्रत्याभुतिलाई नयां ऐनहरुले खतरामा पार्न सक्नेतर्फ ध्यानकार्षण गराएको छ । ३ बुंदे मागहरु समावेश ज्ञापनपत्र शाखाका वरिष्ठ उपाध्यक्ष ध्रुबराज अर्यालले लण्डनस्थित नेपाली दूतावासका उपप्रमुख तथा प्रवक्ता शरदराज आरनलाई हस्तान्तरण गरका थिए । ज्ञापनपत्र बुझ्दै दूतावासका उपप्रमुख आरनले ज्ञापनपत्र तत्काल सम्बन्धित निकायहरुमा पठाउने आश्वासन दिए ।
More

ज्ञापनपत्र बुझाउन जाँदै

नेपाली काँग्रेस भक्तपुरले आज एकीकृत सम्पत्ति कर खारेज गर्न माग गर्दै सूर्यविनायक नगरपालिकालाई ज्ञापनपत्र बुझाउन जाँदै । तस्वीर: रमेश गिरी, भक्तपुर
More

एनआरएन नेदरल्यान्ड्सले तिज मनाउने

नेदरल्यान्ड्स । गैरआवासीय नेपाली संघ रास्ट्रिय समन्वय परिषद नेदरल्यान्ड्सले यहि सेप्टेम्बर ८ तारिख का दिन नेपाली महिला दिदीबहिनीहरुको महान चाड हरितालिका तिज भब्य रुपमा मनाउने भएको छ । ख्याती प्राप्त कलाकारहरुको बेजोड प्रस्तुति सहितको सांस्कृतिक कार्यक्रमसहित नेदरल्यान्ड्समा रहेका दिदीबहिनीहरुलाई महान चाड हरितालिका तिजमा मिष्ठान्न भोजन (दर) ख्वाउने कार्यक्रम रहेकोले संघका अध्यक्ष ठाकुरप्रसाद शर्मा (मनोहरि) ले जानकारी गराएका छन । एक वर्षमा एक पटक आउने महान चाड आपसी सद्भाव,दिदीबहिनीहरु भेला हुने एउटा सुनौलो अवसरको रुपमा लिइएकोले सबै दिदीबहिनी तथा दाजुभाइहरुलाई आमन्त्रण गरिएको आयोजकले जारी गरेको विज्ञप्तिमा उल्लेख छ । उक्त कार्यक्रम एनआरएन नेदरल्यान्ड्स कि महिला संयोजक  अर्चना पाण्डेको संयोजकत्वमा गर्न लागिएको
More

नाम कान्तिपुरः फोहरको डङ्गुर

काठमाडौं । झण्डै एक महिनादेखि घरमा फोहर लिन गाडी नआउँदा कोटेश्वरकी चन्द्रकला फुयाँल हैरान हुनुहुन्छ । एकातिर घरमा फोहर फाल्ने ठाउँ छ्रैन, अर्कातिर घर अगाडिको फोहरको दुर्गन्ध भान्सासम्म आउँछ । “फोहर लगेको भन्दै पैसा लिन भने प्रत्येक महीना ढोकामा घण्टी बज्छ तर समयमा नै फोहर व्यवस्थापन हुन नसक्दा दैनिक कामकाजमा नै समस्या भएको छ” गृहिणी फुयाँलले भन्नुभयो । हुन त काठमाडौँ उपत्यकामा फोहर थुप्रिएको यो पहिलो पटक होइन । वर्षौदेखिको समस्या जनप्रतिनिधि निर्वाचित भएर आएपछि हल हुने स्थानीयवासीले आशा गरे पनि समस्या घट्नाको साटो बढ्दो छ । दुई साताभन्दा पहिलेदेखि काठमाडौँ उपत्यकाको फोहर उठ्न सकेको छैन । अहिले सडकका मुख्य
More

निर्मला हत्या प्रकरण : तीन तहबाट छानबिन

भीमदत्तनगर । कञ्चनपुर भीमदत्त नगरपालिका–२ खोल्टीका १३ वर्षीया बालिका निर्मला पन्तको हत्या प्रकरण बारे तीन तहबाट सुक्ष्म अनुसन्धान भइरहेको छ । गत साउन १० गते बलात्कार गरी बालिका पन्तको हत्या गरिएको थियो । हत्याका सम्बन्धमा गृहमन्त्रालय, प्रहरीको केन्द्रीय अनुसन्धान ब्यूरो (सिआइबी) र जिल्ला प्रहरी कार्यालयले सुक्ष्म अनुसन्धान गरिरहेको छ । घटनाको छानबिनका लागि केही साता अघि भीमदत्तनगर आइपुगेको गृहमन्त्रालयका सहसचिव हरिप्रसाद मैनाली नेतृत्वको पाँच सदस्यीय उच्चस्तरीय छानबिन टोलीले अनुसन्धान तीव्ररुपमा अगाडि बढाइरहेको छ । अनुसन्धान कार्य अन्तिम चरणमा पुगेको छ, सहसचिव मैनालीले भन्नुभयो, “अब प्रतिवेदन लेख्ने काम शुरु भएको छ ।” त्यस्तै प्रहरीको केन्द्रीय अनुसन्धान ब्यूरो टोलीले पनि आफ्नै ढङ्गबाट
More

अख्तियारको प्रमुख आयुक्तमा नवीन घिमिरे सिफारिस

काठमाडौँ । संवैधानिक परिषद्को आज बसेको बैठकले अख्तियार दुरुपयोग अनुसन्धान आयोगको प्रमुख आयुक्तमा नविन घिमिरेलाई सिफारिस गरेको छ । हाल अख्तियारको कार्यवाहक प्रमुख रहेका घिमिरे संसदीय सुनुवाई प्रक्रिया पूरा गरेपछि राष्ट्रपतिबाट प्रमुख आयुक्तमा नियुक्त हुनेछन् । उनी २०७१ सालमा अख्तियारको आयुक्त नियुक्त भएका थिए । यसअघि प्रमुख आयुक्त रहेका दीप बस्नेतले अवकाश पाएपछि घिमिरे कार्यबाहक रहँदै आएका थिए। घिमिरे सहित अन्य आयुक्तहरुले केही समय अघि मात्रै सर्वोच्च अदालतबाट योग्यतासम्बन्धी मुद्दामा सफाइ पाएका थिए।
More

बैतडीमा पशु कृत्रिम गर्भाधान प्रयोगशाला

बैतडी – गाई र भैँसीको नश्ल सुधारका लागि बैतडीमा पहिलो पटक कृत्रिम गर्भाधान प्रयोगशाला स्थापना गरिएको छ । स्थानीय नश्लका पशुबाट कम दूध उत्पादन हुने भएकाले त्यसको सुधारका लागि डिलाशैनी गाउँपालिका –६ गोकुलेश्वरस्थित गोकुलेश्वर कृषि तथा पशु विज्ञान कलेजमा सो प्रयोगशाला सञ्चालनमा आएको छ ।व्यावसायिक पशुपालनमा लागेका किसानलाई उन्नत जातका गाईभैँसी उत्पादनमा सहयोग पु¥याउने उद्देश्यसहित सञ्चालनमा ल्याइएको सामाजिक चेतना तथा विकास सङ्घ (साडा) का कार्यक्रम संयोजक नागेन्द्र भट्टले जानकारी दिनुभयो । प्रयोगशालाबाट गाईभैँसीमा कृत्रिम गर्भाधान गराइनेछ । कलेज र साडाले आर्थिक विकासमार्फत विपद् जोखीम न्यूनीकरण परियोजनाको सहयोगमा रू ११ लाख बढीको लागतमा स्थापित यहाँ नाइट्रोजन र उन्नत जातको सिमेन (
More

तालाबन्दीले विश्वविद्यालयको काम अवरुद्ध

चितवन – कृषि तथा वन विज्ञान विश्वविद्यालय रामपुरका प्राध्यापकले तालाबन्दी गरेका छन् । विश्वविद्यालयको मूलद्वारमा मङ्गलबार ताला लगाएपछि नियमित काम अवरुद्ध भएको छ । विश्वविद्यालयले दिएको सम्बन्धन मन्त्रिपरिषद्को बैठकले खारेज गरेपछि दुईवटा क्याम्पसले सर्वाेच्च अदालतमा रिट दायर गरेका छन् । अदालतमा चलिरहेको मुद्दालाई सहयोग पुग्ने गरी विश्वविद्यालयका पदाधिकारीले कीर्ते प्रमाण उपलब्ध गराएको आरोप लगाउँदै प्राध्यापकले विश्वविद्यालय बन्द गराएका हुन् । नेपाल प्रगतिशील प्राध्यापक सङ्गठन र नेपाल राष्ट्रिय प्राध्यापक सङ्गठनले संयुक्तरुपमा आन्दोलन गरेका छन् । मन्त्रिपरिषद्बाट भएको सम्बन्धन खारेजीको निर्णयको प्रतिरक्षा गरिनुपर्नेमा निजी क्याम्पसलाई बल पुग्नेगरी प्रमाण उपलब्ध गराएकाले विश्वविद्यालय बन्द गराइएको नेपाल राष्ट्रिय प्राध्यापक सङ्गठनका सचिव डा शङ्करराज बर्सिलाले बताउनुभयो
More

मनाङमा नेपालकै अग्लो झोलुङ्गे पुल

मनाङको नाशोङ गाउँपालिका–२ नाचे गाउँ र वडा नं ५ को थोंचे गाउँ जोड्ने ड्रोना खोलामा निर्माण गरिएको ताम्राङ पुल । पानीको सतहदेखि ४१२ मिटर उचाइमा रहेको पुलको लम्बाई १३५ मिटर रहेको छ । तस्वीर: नवीन लामिछाने
More

संवैधानिक परिषद्को बैठक आज बस्दै

काठमाडौं । संवैधानिक परिषदको बैठक आज बस्दैछ । दिउँसो दुईबजेपछि बस्ने बैठकमा अख्तियार दुरुपयोग अनुसन्धान आयोगमा रिक्त रहेको प्रमुख आयुक्त पदमा सिफारिसका बारेमा छलफल हुनेछ । अख्तियार दुरुपयोगमा लामो समयदेखि प्रमुख आयुक्त पद खाली रहेको छ । अहिले नविन घिमिरेले कायममुकायम प्रमुख आयुक्तको रुपमा जिम्मेवारी सम्हाल्दै आएका छन् । बुधबारको संवैधानिक परिषद बैठकले घिमिरेको नाम नै सिफारिस गर्ने सम्भावना छ । परिषदले सरकार र संसदीय सुनुवाई समितिका नाम सिफारिस गरेर पठाउने व्यवस्था रहेको छ ।
More

डलरको मूल्य अहिलेसम्मकै उच्च

काठमाडौं । नेपाली बजारमा बुधबार डलरको मूल्य अहिलेसम्मकै महँगो भएको छ । बुधबार १ डलरको नेपाली बजार भाउ १ सय १४ रुपैयाँ २४ पैसा पुगेको छ । यसअघि गएको १४ गते डलरको भाउ १ सय १३ रुपैयाँ २५ पैसा पुगेको थियो । अन्तराष्ट्रिय बजारमा डलरको माग बढेको र डलरको तुलनामा भारतीय मुद्रा निक्कै कमजोर भएकाले नेपाली बजारमा पनि डलरको भाउ बढेको नेपाल राष्ट्र बैंकले जनाएको छ । नेपाल राष्ट्र बैंकले आजका लागि एक अमेरिकी डलरको मूल्य, खरिद दर १ सय १४ रुपैयाँ २४ पैसा तथा बिक्रिदर १ सय १४ रुपैयाँ ८४ पैसा तोकेको छ । यो सन् दुई हजार यताकै
More

नेपाल–चीन पारबहनसम्बन्धी बैठक सुरु

काठमाडौं । नेपाल–चीन पारबहन यातायात सम्झौताको ‘प्रोटोकल’ लाई अन्तिम रुप दिन दुवै देशका अधिकारीको तेस्रो बैठक काठमाडौँमा सुरु भएको छ । प्रधानमन्त्री केपी ओलीको चीन भ्रमणको क्रममा भएका दुई देशबिचको व्यापार तथा पारबहन सम्झौताको प्रोटोकललाई टुंगो लगाउन दुवै देशका अधिकारहरुबिच तेस्रो पटक बैठक सुरु भएको हो । प्रधानमन्त्री केपी ओलीको चीन भ्रमणको क्रममा पारबहन यातायात सम्झौताको प्रोटोकललाई असोज १५ गते भित्र टुंग्याई सक्ने सहमति भएको थियो । सोही सहमतिलाई कार्यान्वयनमा ल्याउन बुधबार दुवै देशका अधिकारीहरु छलफलमा जुटेका हुन । बैठकमा नेपाली प्रतिनिधि मण्डलको नेतृत्व उद्योग, वाणिज्य तथा आपूर्ति मन्त्रालयका सहसचिव रविशंकर सैँजुले गर्नु भएको छ भने चीनको यातायात विभागमा महानिर्देशक
More

जापानमा शक्तिशाली आँधीः ७ को ज्यान गयो, २ सय घाइते

काठमाडौं । जापानमा २५ वर्ष यताकै शक्तिशाली आँधी जाँदा ७ जनाको ज्यान गएको छ भने २ सय जना घाइते भएका छन् । मंगलबार ठूलो वर्षातपछि शिकाकु टापुबाट उठेको आँधी जापानको सबैभन्दा ठूलो टापु होङ्शुतर्फ प्रतिघण्टा २१६ किलोमिटरको गतिमा बहेको थियो । जेबी नाम दिइएको आँधीले रेल्वे स्टेशनको छत खसाल्नुका साथै ट्यांकरसमेत उडाएर पुलमा ठोक्काइदिएको छ । आँधीले उत्तर दिशा समातेकाले यो कमजोर हुने अनुमान गरिएको छ । अन्तर्राष्ट्रिय सञ्चार माध्यमहरुका अनुसार ठूलो वर्षातका कारण कतिपय ठाउँमा पहिरोसमेत गएको छ । आँधी र पहिरोबाट दश लाख प्रभावित भएका छन् । आँधी, बाढी र भू–क्षयको खतरा बढेपछि सरकारी अधिकारीहरुले घर छाड्न मानिसहरुलाई
More

बलात्कारीलाई बाह्र वर्ष जेल

गाईघाट, उदयपुर – जिल्ला अदालतले पाँच वर्षीया बालिका बलात्कार आरोपमा एक युवकलाई १२ वर्ष जेल सजाय तोकेको छ । जिल्ला न्यायाधिश तीर्थराज केसीको एकल इजलासले मङ्गलबार त्रियुगा नगरपालिका– ३ मोतीगडाका १९ वर्षीय हेमबहादुर कार्कीलाई १२ वर्ष कैदसँगै रु ५० हजार जरिवानाको फैसला गरेको हो । बालिकाका अभिभावकले अभियुक्त कार्कीविरुद्ध २०७४ भदौ १९ गते जिल्ला प्रहरी कार्यालयमा किटानी जाहेरी दिएका थिए । किटानी जाहेरीपछि कार्की पक्राउ परेका थिए । यस्तै जिल्ला अदालतले सोमबार बालिका बलात्कारको अभियोगमा ६२ वर्षीय सुढीलाल चौधरीलाई सात वर्ष जेल सजायका साथै रु ३० हजार जरिवानाको फैसलासमेत गरेको छ । रासस
More

अख्तियार दुरुपयोग अनुसन्धान आयोगको अन्तक्र्रिया कार्यक्रम सम्पन्न;बागलुङका मात्र ३० वटा उजुरी

अख्तियार दुरुपयोग अनुसन्धान आयोगको पोखरा कार्यालयका प्रमुख काशीराज दाहालले पदीय जिम्मेवारी बहन गर्ने सबैले पारदर्शीता र जनताको सेवा गर्ने भावना राख्नुपर्ने बताएका छन् । आयोगले सोमबार बागलुङमा आयोजना गरेको एक अन्तरक्रियामा कुनैपनि सेवाग्राहीले गुनासो गर्ने अवसर नदिन कर्मचारीलाई निर्देशन पनि दिए । उनले हरेक कर्मचारीले दिने सेवामा फरक पर्दा आउने उजुरीप्रति सचेत रहन पनि आग्रह गरे । दाहालले हरेक कार्यालयका प्रमुखले जिल्ला छाड्दा प्रमुख जिल्ला अधिकारीसँग अनुमति लिनुपर्ने र अन्य कर्मचारीको पदीय आचरणबारे समय समयमा ध्यान दिन्पर्नेमा जोड दिएका थिए । अनुगमन तथा अन्तरक्रिया कार्यक्रम लिएर आएका दाहालले बागलुङका झण्डै ३० वटा उजुरी आएपछि कार्यक्रम लिएर आएको बताए । हाल
More

पर्यटकीय गन्तव्य बन्दै दुरलेक

बेनी – मालिका गाउँपालिका–२ रुमको शीरमा रहेको दुरलेक डाँडा पर्यटकीय गन्तव्य बन्दै गएको छ । मनोरम हिमशृङ्खलाको दृश्यावलोकन गर्न सकिने हुँदा त्यहाँ पुग्ने जो कसैको मन लोभिन्छ । समुद्री सतहदेखि तीन हजार छ मिटरभन्दा बढी उचाइमा रहेको दुरलेक डाँडो अथाह पर्यटकीय सम्भावना बोकेर पनि ओझेलमा परेको छ । दुरलेकले बागलुङको ताराखोला, रनसिङकिटेनी, पाण्डपखानी, बुङ्गादोभान र तमानको सीमा क्षेत्रलाई समेटेको छ । अग्लो डाँडो दुरलेकबाट धौलागिरि, अन्नपूर्ण, माछापुच्छ«े, चुरेनलगायतका हिमशृङ्खलासँगै म्याग्दी र बागलुङका विभिन्न गाउँबस्तीको अवलोकन गर्न सकिन्छ । यहाँ आन्तरिक पर्यटक बाक्लै रुपमा आउन थालेको रुमका वडाध्यक्ष नरबहादुर पुन बताउनुहुन्छ । “प्रचारप्रसारको अभावमा दुरलेक ओझेलमा परेको छ, पर्यटकीय दृष्टिकोणले यो
More

दुई सय महिला तथा बालबालिको उद्धार

बैतडी – पछिल्लो तीन वर्षमा नेपाल–भारत सिमानाका झुलाघाटबाट दुई सय १८ महिला तथा बालबालिकाको उद्धार गरिएको छ । विभिन्न बहानामा भारत लैजाँदै गरेको अवस्थामा महिला तथा बालबालिकाको उद्धार गरिएको सीमा प्रहरी चौकी झुलाघाटका इन्चार्ज, प्रहरी नायब निरीक्षक उमेशकुमार पालले जानकारी दिनुभयो । आर्थिक वर्ष २०७२÷७३ मा २३ महिला तथा २७ बालबालिकासहित ६० जनाको उद्धार गरिएको थियो । आव २०७३÷७४ मा २४ महिला र ४० बालबालिसहित ७३ जनाको उद्धार गरिएको थियो । आव २०७४÷७५ मा ७० बालबालिका तथा १७ महिलासहित ८७ जनाको उद्धार गरिएको पालले बताउनुभयो । आर्थिक अवस्था कमजोर भएका कारण बालबालिका विद्यालय छोडेर रोजगारीका लागि भारत जाने गरेका छन्
More

नक्कली सुनलाई सक्कली भन्दै बेचबिखन गर्ने पक्राउ

काठमाडौँ – महानगरीय प्रहरी परिसर काठमाडौँले नक्कली सुनलाई सक्कली सुन भनी बेचबिखन गर्न हिँडिरहेको अवस्थामा ६ जनालाई पक्राउ गरेको छ । पक्राउ पर्नेमा धादिङका अभिषेक तामाङ, राज तामाङ र राजकुमार तामाङ तथा नुवाकोटका राम तामाङ, जितेन तामाङ र वीरेन्द्र तामाङ रहेको छ । दुई किलोग्राम नक्कली सुनलाई सक्कली भन्दै हिँडिरहेको अवस्थामा चन्द्रागिरि नगरपालिका–२ नागढुङ्गाबाट उनीहरुलाई आइतबार पक्राउ गरी आज सार्वजनिक गरिएको महानगरीय प्रहरी परिसर काठमाडौँका प्रवक्ता एवं प्रहरी उपरीक्षक रामदत्त जोशीले जानकारी दिनुभयो । यस बारे आवश्यक अनुसन्धान भइरहेको प्रहरीले जनाएको छ । रेडपाण्डाको छालासहित पक्राउ यसैगरी परिसरले दुर्लभ वन्यजन्तु रेड पाण्डाको छालासहित दुईजनालाई पक्राउ गरेको छ । पाँच थान
More