Daily Archives 5th November 2018

मिर्गौलापीडितलाई बेलायतबाट सहयोग

दमौली । दुवै मिर्गौला बिग्रिएर उपचार गराइरहनुभएका तनहँुको व्यास नगरपालिका–७ छापथोक निवासी २७ वर्षीय सुमन गुरुङलाई बेलायतमा रहेका तनहुँवासीले रु चार लाख ३७ हजार ५५० सहयोग गरेका छन् । जिल्लाको क्यामिन, रिस्ती, सतिस्वाँरा र पुर्कोट घर भई हाल रोजगारीको सिलसिलामा बेलायतमा रहेका तनहुँवासीको संस्था तीन दोभान समाज बेलायतमा आबद्ध सदस्यले मिर्गौलापीडित गुरुङको मिर्गौला प्रत्यारोपणका लागि उक्त रकम सहयोग गरेका हुन् । समाजमा २५० सदस्य आबद्ध छन् । समाजका अध्यक्ष दुर्गाप्रसाद श्रेष्ठले आज दमौलीमा गुरुङका आमाबिना गुरुङलाई रकम हस्तान्तरण गर्दै गुरुङको अवस्थाका बारेमा जानकारी पाएलगत्तै समाजका सदस्यसँग रकम सङ्कलन गरिएको बताउनुभयो । समाजका सल्लाहकार सुन्दर गुरुङले पीडितको उपचारका लागि थप सहयोग
More

नेपाल र बेलायतबीच शैक्षिक सहकार्य

शिक्षा, विज्ञान तथा प्रविधिमन्त्री गिरिराजमणि पोखरेल र नेपालका लागि बेलायती राजदूत रिचार्ड मोरिसबीच सोमबार सिंहदरबारमा भेटवार्तापछि । तस्वीर: प्रकाश सिलवाल
More

पौडेल समूहको बैठक तीन घण्टा

काठमाडौं । नेपाली कांग्रेसको महासमिति बैठक सर्ने निश्चित भएपछि वरिष्ठ नेता रामचन्द्र पौडेल समूहको बैठक सोमबार बिहान पौडेल निवास बोहराटारमा बसेको छ । मंसिर ५ देखि ९ सम्मको महासमिति बैठक स्थगित भएपछि नयाँ मिति तोक्नका लागि मंगलबार केन्द्रीय कार्य समितिको बैठक बस्दैछ। त्यसैको तयारीको लागी संस्थापन पक्षबाहेकका पौडेल समूहका नेताहरु आफ्नो रणनीति तय गर्न तीन घण्टा बैठक बसेका हुन् । मंगलबारको बैठकमा आफ्नो समूहको समान धारणा बनाउनका लागि नेताहरु आन्तरिक तयारीमा जुटेको बताइएको छ। बैठकमा पौडेलसहित प्रकाशमान सिंह, अर्जुननरसिंह केसी, गगन थापा, नवीन्द्रराज जोशी, अमरसिंह पुन लगायतका नेताहरु सहभागी थिए। मंगलबार डाकिएको केन्द्रीय समिति बैठक, विधान र नेविसंघका विषयमा छलफल
More

दिल्लीबाट ४० नेपाली महिलाको उद्धार

काठमाडौं । भारतको दिल्लीमा अलपत्र परेका ४० जना नेपाली महिलालाई उद्धार गरी स्वदेश ल्याइएको छ । खाडी मुलुकमा रोजगारीका लागि जानेक्रममा दिल्लीमा अलपत्र परेका ३७ जना र दिल्लीस्थित कोठीमा बेचिएका तीन नेपाली महिलालाई उद्धार गरि स्वदेश ल्याइएको हो । गाजियावादको इन्द्रपुरममा अलपत्र परेका ३७ महिलालाई भारतीय प्रहरीको सहयोग तथा दिल्लीस्थित नेपाली राजदूतावासको समन्वयमा माइती नेपाल र माइती इण्डियाले गत कात्तिक ६ र ७ गते उद्धार गरेको थियो । उनीहरूलाई आवश्यक परामर्शपछि पारिवारिक पुनःस्थापनाका लागि आज नेपालगञ्ज ल्याइएको माइती नेपाल नेपालगञ्जका संयोजक केशव कोइरालाले जानकारी दिनुभयो । भारतीय प्रहरीको सुरक्षामा उनीहरूलाई नेपालगञ्ज पु-याइएको थियो । उद्धार गरिएकामा झापाका सबैभन्दा धेरै १०
More

माथिल्लो तामाकोशीको शेयरमा छ अर्बको आवेदन

काठमाडौं । माथिल्लो तामाकोशी जलविद्युत् कम्पनीको साधारण शेयरमा रु छ अर्ब बढीको आवेदन परेको छ । यही कात्तिक १५ गते बिहीबारदेखि बिक्री शुरु भएको सो कम्पनीको साधारण शेयरमा आज साँझसम्म रु छ अर्ब बराबरको आवेदन परेको हो । अन्तिम विवरण भने मङ्गलबार प्राप्त हुने कम्पनीले जनाएको छ । बैंक तथा वित्तीय संस्थामा बुझाइएका आवेदन फारम तथा आश्वा प्रणालीको समेत अन्तिम विवरण आउन बाँकी भएकाले केही रकम भने बढ्न सक्ने देखिएको छ । कूल पूँजीको १५ प्रतिशत साधारण शेयर कम्पनीले बिक्री गरेको हो । निजी क्षेत्रका जलविद्युत् कम्पनीको साधारण शेयर बिक्न समस्या परिरहेका बेला माथिल्लो तामाकोशी जलविद्युत् आयोजनाको साधारण शेयरमा नागरिकको
More

जबर्जस्ती करणीको आरोपमा घिमिरे पक्राउ

पोखरा । पोखरा ढुङ्गेपाटनका ४३ वर्षीय मीनुराज घिमिरेलाई जबर्जस्ती करणीको आरोपमा प्रहरीले आज पक्राउ गरेको छ । शनिबार सोही स्थान बस्ने एक महिलाको शयनकक्षमा गएर जबर्जस्ती गरेको आरोपमा उनलाई प्रहरीले पक्राउ गरेको हो । जिल्ला प्रहरी कार्यालय कास्कीले मौखिक उजूरीका आधारमा घिमिरेलाई पक्राउ गरिएको जनाएको छ । अभियुक्त घिमिरे मादी गाउँपालिका ५ मिजुरे घर भई ढुङ्गेपाटन बस्दै आएका थिए ।
More

नेकपा असन्तुष्ट पक्षको भैसेपाटीमा गम्भीर छलफल, खुलेरै सरकारविरुद्ध लबिङ

काठमाडौं । सत्ताधारी पार्टी नेपाल कम्युनिष्ट पार्टी (नेकपा) का शीर्ष तहका नेताहरु नै एकआपसमा बाझिने भाषणवाजी गर्दै हिडेपछि उनीहरुबीच अन्तरविरोध सतहमा देखिन थालेको छ । नेकपाका अध्यक्ष पुष्पकमल दाहालले सरकारको समर्थनमा अभिव्यक्ति दिइराख्दा सचिवालय सदस्य वामदेव गौतम भने सरकारको विरोधमा उत्रिएपछि उनीहरुबीचको अन्तरविरोध सतहमा देखिएको हो । विराटनगरमा अध्यक्ष दाहालले सरकारले अब गियर चेन्ज गरेर सरकारले अब समृद्धिको बाटोमा जाने बताईरहदाँ गौतमले भने सरकारकै विरुद्धमा लबिङ सुरु गरेका हुन् । उनले नेकपाका केही नेतामा दुई तिहाइको दम्भ रहेको दाबी गर्दै आफू पक्षीय सांसदहरुलाई भित्रैदेखि सरकारविरुद्ध लबिङ गर्न निर्देशन दिएको स्रोतले जनाएको छ । प्रधानमन्त्री केपी ओलीले सरकारमाथि चौतर्फी आक्रमण भएकाले
More

डोल्पा जीप दुर्घटना : मृत्तक सबैको सनाखत

डोल्पा । ठूलीभेरी नगरपालिका–९ को कालागौँडा नजीकै बतासे वडारमा आज भएको जीप दुर्घटनाका मृत्तक सबैको सनाखत भएको छ । मृत्यु हुनेमा त्रिपुरासुन्दरी नगरपालिका–१ त्रिपुराकोटका ४५ वर्षीय हेमराज हमाल, १८ वर्षीया लक्ष्मी रोकाय, ६२ वर्षीय नरसिँह कठायत, २५ वर्षीय शेरबहादुर थापा, सोही नगरपालिका–२ की १३ वर्षीया अस्मिता रोकाय, सोही नगरपालिका–३ का ४५ वर्षीय बुध धराला, २४ वर्षीय कुमार रोकाय, सोही नगरपालिका–५ का १२ वर्षीय याम रोकाय, ठूलीभेरी नगरपालिका–५ का ३० वर्षीय भद्र रोकाय र १७ वर्षीया मनिषा धराला रहेको जिल्ला प्रहरी कार्यालयका प्रहरी नायब उपरीक्षक अभदेश बिष्टले जानकारी दिनुभयो । घाइते हुनेमा त्रिपुरासुन्दरी नगरपालिका–२ का नन्दबहादुर थापा र सोही नगरपालिका–३ का
More

मङ्गलबारदेखि शेयर बजार अनलाइन प्रणालीमा

काठमाडौं । मंगलबारदेखि शेयर कारोवार अनलाइन प्रणालीबाट हुने भएको छ । धितोपत्र बजारको नियामक निकाय नेपाल धितोपत्र बोर्डको निर्देशनअनुसार नेपाल स्टक एक्सचेञ्जले पूर्ण स्वचालित अनलाइन प्रणाली कार्यान्वयनमा ल्याउन लागेको हो । स्टकका प्रवक्ता मुरहरि पराजुलीले अनलाइन कारोवार प्रणालीको सुरुआत गर्न लागिएको जानकारी दिनुभयो । शेयर कारोवार गर्न चाहने लगानीकर्ताले धितोपत्र दलाल व्यवसायीकहाँ गएर कारोवार सम्बन्धी व्यक्तिगत विवरण खुल्ने खाता खोलेपछि घर, कार्यालय वा जुनसुकै स्थानबाट पनि सहजै कारोवार गर्न सक्नेछन् । स्टकले गत साउन १ गतेदेखि परिक्षण गरिरहेको पूर्ण स्वचालित अनलाइन प्रणालीमा धितोपत्र दलाल व्यवसायी सबै जोडिएका छन् । उनीहरुले आवश्यक भौतिक तयारीसमेत सबै गरिसकेका छन् । स्टकका प्रवक्ता पराजुलीका
More