Daily Archives 14th November 2018

भैलो खेलेर १० लाख संकलन, नेपाली भाषा कक्षा संचालन गरिने

लण्डन । शान्ति नेपाली समाज बेलायतले भैलो खेलेर संकलन गरेकोे रकमले नेपाली भाषा कक्षा संचालन गरिने भएको छ । समाजकी प्रवक्ता अन्जु पाठकका अनुसार समाजले ६ नोभेम्वर देखि समाजमा रहेका बाल बालिकाहरूलाई नेपाली भाषा सिकाउने कक्षा संचालन गर्ने उद्देश्यले भैलो खेलेको थियो । भैलो खेलेर ७ हजार १ सय ७१ पाउण्ड ( १० लाख रुपैयाँ) संकलन) भएको छ । समाजले बर्मिघम, वेष्ट र्वमिनवीच, ग्रेट बरर, किंग्सट्याण्डीगं, यार्रली क्षेत्रमा १ सय ५० घर धुरीमा भैलो खेलेको थियो । प्रवक्ता पाठकले बुधवार एक विज्ञप्ति जारी गर्दै बर्मिङ्घममा रहनुहुने संपूर्ण आमा बुवा ,दाजुभाई ,दिदी बहिनि ,साना नानी बाबु ,महिला ,बृद्ध ,समाजसेवी संस्थाका संस्थापकहरू
More

प्रहरीलाई घुस दिने दुई सवारी चालक पक्राउ

काठमाडौं । प्रहरीलाई घुस दिने दुई जना सवारी चालक पक्राउ परेका छन् । महानगरीय प्रहरी वृत्त ठिमीबाट खटिएको प्रहरी टोलीले गठ्ठाघर चोकमा चेकजाँच गर्ने क्रममा ना ५ ख ७१८१ नम्बरको ट्रकका चालकले दुई सय रुपैयाँ घुस दिन लागेपछि प्रहरीले उनलाई पक्राउ गरेको हो । उनले रूट प्रमिट कागजको भित्र नगद दुई सय रुपैयाँ घुस राखेर कागजात देखाएको प्रहरीले जनाएको छ । यसैगरी, महानगरीय प्रहरी वृत्त बानेश्वरबाट खटिएको प्रहरी टोलीले बुद्धनगरमा चेकजाँच गर्ने क्रममा गिट्टी बोकेको बा २ ख ८१२९ नम्बरको मिनिट्रकका चालक जित बहादुर तामाङले एक हजार रुपैयाँ घुस दिएपछि उनलाई पक्राउ गरिएको हो । दुबै चालकमाथि अनुसन्धान भइरहेको प्रहरीले
More

अन्तर्राष्ट्रिय त्रिपिटक वाचन कार्यक्रममा सहभागी

बुद्धको जन्मभूमि लुम्बिनीमा ऐतिहासिक अन्तर्राष्ट्रिय त्रिपिटक वाचन कार्यक्रममा सहभागी। तस्वीरः निरु गौतम
More

विशेष अदालतमा आरोपत्र दायर

काठमाडौं । अख्तियार दुरुपयोग अनुसन्धान आयोगले मालपोत कार्यालय, कास्कीमा कार्यरत मालपोत अधिकृत खेमनारायण पौडेल, नायव सुब्बा रामचन्द्र पौडेल र खरिदार सञ्जय शर्माविरुद्ध विशेष अदालतमा आरोपपत्र दायर गरेको छ । जग्गा धितोबन्धक पास गर्ने सिलसिलामा सेवाग्राहीसँग रु. ५०–५० हजार घुस लिएको अवस्थामा पक्राउ परेका अभियुक्तत्रयलाई बिगो रु ५० हजार कायम गरी जरिवाना र कैद सजाय हुन मागदावी लिइ आयोगले आज विशेष अदालत काठमाडौंमा आरोपपत्र दायर गरेको हो । यसैगरी आयोगले महानगरीय प्रहरी वृत्त, बौद्ध, काठमाडौंका प्रहरी नायव उपरीक्षक श्यामकुमार राईविरुद्ध पनि रु. एक लाख चालीस हजार बिगो कायम गरी भ्रष्टाचार निवारण ऐन, २०५९ बमोजिम जरिवाना र कैद सजाय माग गर्दै सोही
More

‘प्रवासी नेपालीको मताधिकार सुरक्षित हुनुपर्छ’

काठमाडौं । राष्ट्रिय प्रजातन्त्र पार्टीका अध्यक्ष कमल थापाले संविधानको भावनानुसार प्रवासमा रहेका नेपालीको मताधिकार सुरक्षित हुनुपर्ने बताउनुभएको छ । पार्टीको प्रवास विभागद्वारा आज आयोजित कार्यक्रममा अध्यक्ष थापाले कामविशेषले बाहिर रहेका प्रवासीले आफ्नो मुलुकको विकास निर्माणका साथै निर्वाचनमा मताधिकार प्रयोग गर्न पाउनुपर्नेमा जोड दिनुभयो । पार्टी सङ्गठनलाई महत्व दिई उच्च मनोबलका साथ सङ्गठन निर्माणको काममा अगाडि बढ्न कार्यकर्तालाई आग्रह गर्दै उहाँले पार्टीको नीति तथा कार्यक्रमलाई देशव्यापी अभियानमा लैजानु अहिलेको मुख्य कार्यभार भएको विचार व्यक्त गर्नुभयो । अध्यक्ष थापाले हिन्दू राष्ट्र, राजसंस्था र हिन्दुत्वको प्रतीकका रुपमा रहेको ‘गाई’लाई चुनाव चिन्ह्का रुपमा पार्टीले छाड्न नसक्ने प्रष्ट पार्नुभयो । पार्टी एकताका निमित्त सदैव ढोका
More

लण्डन दूतावासमा नेपालको विकास बारे सम्मेलन, वेलायतले दोहोरो कर हटाउने

ब्रिटेन इयुबाट बाहिरिए पछि नेपालसंगको व्यापारमा कुनै असर पर्दैन: वेलायत लण्डन । नेपालका लागि ब्रिटिश राजदूत रिचार्ड मोरिसले ब्रिटेन इयुबाट बाहिरिएपछि पनि नेपालसंगको व्यापारमा कुनै असर नपर्ने जनाए। मंगलबार बेलुका लण्डनस्थित नेपाली दूतावासद्वारा आयोजित चौथो नेपाल विकास संमेलनलाई संबोधन गर्दै उनले नेपालसंग दोहोरो कर हटाउने सन्ध‌ि गर्नेबारे गृहकार्य भैरहेको जानकारी पनि दिए। कार्यक्रममा, बेलायतको भ्रमणमा रहेका परराष्ट्र सचिव शंकरदास वैरागीले नेपालमा व्यापार र लगानी बढाउन ब्रिटिश व्यवसायीहरुलाई आह्वान गरेका थिए। बैरागीले भारत र चीनजस्ता दुई ठूला मुलुकहरुबीच रहेको नेपाल लगानीकालागि उपयुक्त स्थल रहेको बताए। उनले नेपालका सबै राजनीतिक दलहरु देशमा व्यापार र लगानीका लागि राम्रो वातावरण बनाउन प्रतिबद्ध रहेको पनि
More

धन्यवाद दिन बाग्लुङे टोली ढकाल निवासमा (फोटो फिचरसहित)

काठमाडौं । बाग्लुङबाट प्रतिनिधित्व गर्ने सांसद र बाग्लुङ नगरपालिका वडा नं. १२ का वडाध्यक्षसहितको एउटा टोली बुधबार उद्यमी चन्द्र ढकालको निवास पुग्यो । धन्यवाद दिन उक्त टोली ढकाल निवास पुगेको हो । अमलाचौरमा रहेको पृथ्वी हिरण्य माध्यमिक विद्यालय निर्माणमा योगदान दिएकाले उद्यमी ढकाललाई जनप्रतिनिधि र वडावासीले धन्यवाद दिएका हुन् । उद्योग वाणिज्य महासंघका उपाध्यक्षसमेत रहेका ढकालले ५ करोड रुपैयाँ खर्चेर सुविधा सम्पन्न विद्यालय भवन निर्माण गरेका छन् । विकासका अन्य सम्भावनाबारे छलफल गर्न बाग्लुङका जनप्रतिनिधिसहितको टोली ढकाल निवास पुगेको जानकारी सांसद डा. सूर्य पाठकले दिए । राष्ट्रियस सभामा नेकपाका नेता दीनानाथ शर्मा, सांसद डा. सूर्य पाठक, देवेन्द्र पौडेल, तथा बाग्लुङ
More

विश्व मधुमेह दिवस

विश्व मधुमेह दिवसको अबसरमा बुधबार भरतपुरमा आयोजित सचेतना कार्यक्रममा सहभागीहरु । तस्वीर : नारायण अधिकारी
More

प्रधानमन्त्रीलाई बेलायतबाट गाउँलेको पत्र

नारायण गाउँले आदरणीय प्रधानमन्त्रीज्यू, गत एक-दुई महिनाभित्र मात्रै पचासभन्दा बढ़ी उच्च सरकारी अधिकारीहरू बेलायतमा भेटिए । उपप्रधानमन्त्री उपेन्द्र यादव, शक्ति बस्नेत र थममाया पुनजस्ता मन्त्रीदेखि न्यायाधीशसम्म र उपसभामुखदेखि मन्त्रालयका सचिबसम्म धेरै व्यक्ति लामो समय यतै बरालिए । भिसा नपाइएकाले यो सूचीमा रवीन्द्र अधिकारी परेनन् । अहिले पनि यादव देशबाहिरै छन् । मुख्यमन्त्री शेरधन अमेरिका छन्, काठमाडौंका मेयर र उपमेयर चीनतिर छन् । युकेदेखि कतारसम्म र मन्त्रालयका अधिकृतदेखि गाउँपालिकाका प्रमुखसम्मको नाम जोड्दा यस्तो सूचीमा हजारौंको नाम आउँछ । देश गरिब छ । साधनस्रोत सीमित छन् । गर्नुपर्ने धेरै छ । मन्त्री र कर्मचारीलाई एक मिनेट फुर्सत नहुनु पर्ने हो । विश्वका
More

सन् २०१७ को भाषा परीक्षा उतीर्णलाई प्राथमिकता दिन आग्रह

काठमाडौं । रोजगारी अनुमति प्रणाली (इपिएस) अन्तर्गत भाषा परीक्षा उत्तीर्ण गरेका युवाले तत्काल रोजगारीका लागि कोरिया जाने वातावरण सिर्जना गर्न सरकारसँग आग्रह गरेका छन् । सन् २०१८ को भाषा परीक्षा उत्तीर्ण भएका व्यक्ति कामका लागि कोरिया पुगिसक्दासमेत सन् २०१७ मा परीक्षा उत्तीर्ण गरी सूचीमा रहेका युवा कोरिया जान नपाएको भन्दै उनीहरुले जतिसक्दो छिटो लैजान पहल गर्न आग्रह गरेका हुन् । इपिएस पीडित नेपाल समूह गठन गरी उनीहरुले विभिन्न दबाबमूलक कार्यक्रम गर्दै आएका छन् । आज शान्तिवाटिकामा आयोजित कार्यक्रममा पीडित समूहका अध्यक्ष लेखराज कार्कीले सन् २०१७ मा भाषा परीक्षा उत्तीर्ण भएका व्यक्तिको कोरिया जाने प्रक्रिया तत्काल अगाडि बढाइनुपर्ने बताउनुभयो । सन्
More

बेपत्ता पत्रकार खड्का खोज्न हेलिकप्टर परिचालन

बाजुरा । बाजुराको उत्तरी भेगमा पर्ने धार्मिक तथा पर्यटकीय क्षेत्रका रुपमा रहेको बूढीनन्दामा तीन महीना पहिले हराएका पत्रकार तेजबहादुर खड्का (तेजु) को नेपाली सेनाको हेलिकप्टरबाट खोजी कार्य भएको छ । गत भदौ ९ गते बूढीनन्दा माताको दर्शन गरेर घर फर्किने क्रममा छाप्रोबाट बरमाग्नेतर्फ जुत्ता–चप्पल लिन गएका पत्रकार खड्काको अवस्था अझै अज्ञात रहेको छ । बेपत्ता भएका पत्रकार खड्काको खोजीका लागि नेपाली सेनाको हेलिकप्टर आज बिहान सुर्खेतबाट कोल्टीमा अवतरण गर्दै थप खोजीका लागि स्थानीय नेपाली सेना, नेपाल प्रहरीलाई घटनास्थलमा पु-याएर खोजी कार्य भइरहेको प्रजिअ चेतराज बरालले जानकारी दिनुभयो । अज्ञात रहेका खड्काको जिल्ला प्रशासन, पत्रकार महासङ्घ, नेपाल प्रेस युनियन र सरोकारवालाहरुको
More

क्षमता प्रमाणित गर्न मन्त्रीहरुलाई ३ महिने समयसीमा

काठमाडौं । सरकारमा रहेर राम्रो काम गर्न नसकेका मन्त्रीहरुले आफ्नो क्षमता प्रमाणित गर्न थप तीन महिनाको समय पाउने भएका छन् । महत्वपूर्ण मन्त्रालय सम्हाल्ने मन्त्रीहरू अक्षम र असफल भएकोले सरकारको लोकप्रियतामा ह्रास आइरहेको बेला प्रधानमन्त्री केपी शर्मा ओलीले क्षमता प्रमाणित गर्न मन्त्रीहरुलाई थप तीन महिना दिन लागेका हुन् । प्रभावहीन मन्त्रीहरूलाई काम देखाउन अझै केही समय दिने र अबका दिनमा पनि क्षमता देखाउन सकेनन् भने मन्त्रिमण्डलबाट अक्षम र बदनामहरूलाई बिदा गरेर नयाँ मानिसलाई सामेल गरिने बुझिएको छ । सरकार गठन भएको वर्ष दिन पनि नपुगेसम्म मन्त्रीमण्डल हेरफेर गर्दा गलत सन्देश जाने भन्दै प्रधानमन्त्रीले मन्त्रीहरुलाई तीन महिना समय दिने सोचाई बनाएको
More

पूर्वराजा शाह र कांग्रेस नेता सिंहबीचको भेटले राजनीतिकमा नयाँ तरंग

काठमाडौं । पूर्व राजा ज्ञानेन्द्र शाह र नेपाली कांग्रेसका नेता प्रकाशमान सिंहबीच गत सोमबार भएको भेटघाटले नेपालको राजनीतिक बृत्त तातेको छ । यो तस्बिर पूर्वराजाले शाहले आफ्नो फेसबुक पेजमा अपलोड गरेपछि भाइरल बन्यो । होटल सोल्टीमा भएको कार्यक्रमको क्रममा पूर्व राजा शाह र नेता सिंहबीच भेट भएको थियो । आ–आफ्नै आन्तरिक र पारिवारिक कामको सिलसिलामा होटल पुगेका दुबै जनाबीच केहीबेर कुराकानी पनि भएको थियो । कांग्रेसका निर्वा्चित महामन्त्री शशांक कोइराला, रामचन्द्र पौडेल, शेखर कोइराला, प्रकाश मान सिंह, सुजाता कोइराला, अर्जुन नरसिंह केसी, डा. रामशरण महतहरुको राजनीतिक छलफल भएकै दिन कात्तिक २६ गते पूर्व राजा शाह र प्रकाशमान सिंहबीच भेटघाट भएपछि
More

डा. दुर्गा थापा पहिलो महिला एआइजी

कामठाडौं । स्थापनाको ६३ वर्षपछि नेपाल प्रहरीमा महिला पहिलोपटक विशिष्ट श्रेणीमा पुगेका छन् । प्रहरी अस्पतालमा कार्यरत डा. दुर्गा थापा पहिलो महिला एआइजी बनेकी हुन् । डा. थापालाई मंगलबार प्रहरी महानिरीक्षक सर्वेन्द्र खनालले एआईजीको दर्ज्यानी चिह्न लगाइदिएका छन् । आइतबारको मन्त्रिपरिषद् बैठकले उनलाई एआइजीमा बढुवा गर्ने निर्णय गरेको थियो । एआइजीका रूपमा अब उनीले प्रहरी अस्पतालको प्रमुखको जिम्मेवारीसमेत सम्हाल्नेछिन् । यसअघि नेपाल प्रहरीमा डिआइजी पदसम्म मात्र महिला पुगेका थिए । पार्वती थापा र विमला थापा सात वर्षअघि डिआइजीमा बढुवा भएका थिए । उनीहरूको अवकाश सोही पदबाटै भएको थियो । उनीहरूलाई विशेष पद सिर्जना गरेर डिआइजी बनाइएको थियो ।
More

‘सिन्की अचार’मा अञ्जलीको दमदार नृत्य

काठमाडौं । चलचित्र ‘गोर्खे’को दोश्रो गीत सार्वजनिक भएको छ । सार्वजनिक ‘सिन्की अचार’ बोलको गीतमा अञ्जु पन्त र आर.सी. रिमालको स्वर छ । नग्वा फिञ्जु पाख्रिनको शब्द तथा संगीतमा रहेको गीतको भिडियो चर्चित मोडल अञ्जली अधिकारी र रविन्द्र प्रताप सेनको नृत्य छ । सन्तोष ढकालको निर्देशनमा बनेको चलचित्रलाई तिर्थ कोजु, हरि लामा र हरि थापाले संयुक्त रुपमा निर्माण गरेका हुन् । हरि लामा र हरि थापा यसअघि बिभिन्न चलचित्रको भान्सापट्टीको विभाग हेर्ने गर्थे । निरज कडेँलको सिनेम्याटोग्राफी रहेको चलचित्रको गीतलाई शिव वि.क.ले कोरियोग्राफी गरेका हुन् ।
More

पेरिसमा गोरखाली देउसी-भैली

पेरिस । पेरिसको ब्यस्त जीबन चर्याको बाबजुद पनि गोरखाली समाज फ्रान्सले आफ्नो स्थापना कालको ८/९ महीना भित्रमा तेश्रो र भब्य कार्यक्रमको रुपमा देउसी-भैली संम्पन्न गरेको छ । ११ नोभेम्बर आइतबारका दिन गोरखाली देउसी भैलो कार्यक्रम संस्थाका उपाध्यक्ष रामेश्वर श्रेष्ठको घरमा सम्पन्न गर्यो । गोरखाली समाजले कार्यक्रममा सबै नेपाली संघसंस्था लगायत फ्रान्सवासी नेपालीहरुलाई निमन्त्रणा गरि पहिलो पटक पेरिसमा गोरखाली देउसी भैलो कार्यक्रम सम्पन गरेको हो । तिहार बिशेष बिभिन्न नेपाली खानेकुरा, भैलीनीहरुको देउसिरे गित र नाचगानका साथ कार्यक्रम भब्य र सफल भएको थियो। हाम्रा बिबिध चाड पर्ब, कला संस्कृतिको जगेर्ना पनि गर्ने र संस्थाको आपतकालीन कोषमा आर्थिक संकलन गर्ने उद्देस्यले आयोजना
More

वर्षा र हिमपातको सम्भावना

काठमाडौं । मुलुकका पहाडी भेगमा आंशिकदेखि सामान्य बदली रही केही स्थानमा क्षणिक वर्षा हुने मौसम पूर्वानुमान महाशाखाले जनाएको छ । महाशाखाले आगामी तीन दिनको मौसम पूर्वानुमानसम्बन्धी विज्ञप्ति जारी गर्दै पहाडी भेगका एक÷दुई स्थानमा हल्का वर्षा हुनुका साथै उच्च हिमाली भू–भागमा हिमपातको सम्भावना औँल्याएको छ । आज दिउँसो देशको पश्चिमी भू–भाग, मध्य र पूर्वका पहाडी भेगमा सामान्य बदली रहने तथा बाँकी स्थानमा मौसम सामान्यतया सफा रहनेछ । रातको समयमा पश्चिमी तथा पूर्वी पहाडी भेगका केही स्थानमा आंशिकदेखि सामान्य बदलीको सम्भावना छ । पश्चिमी पहाडी भेगका केही स्थानमा क्षणिक वर्षाको सम्भावना रहेको महाशाखाले जनाएको हो । बिहीबार पश्चिमी तथा पूर्वी पहाडी भेगमा
More

उदाउँदो सूर्यलाई अर्घ दिई छठ समापन

काठमाडौं । आज बिहान उदाउँदो सूर्यलाई पूजाआजासहित अर्घ दिई चार दिन लामो छठ पर्वलाई समापन गरिएको छ । कार्तिक शुक्ल चतुर्थीदेखि सप्तमीसम्म मनाइने पर्वको मुख्य दिन मङ्गलबार अस्ताउँदो सूर्यलाई पूजाआजासहित अर्घ दिइएको थियो । उपत्यकाका गुह्येश्वरी, कमलपोखरी, गहनापोखरी, शङ्खमूल, थापाथली, वाग्मती, विष्णुमती र नख्खु नदी किनारका अन्य स्थानमा पनि छठीघाट निर्माण गरी सूर्यदेवको आराधना र उपासना गर्न भक्तजनको भीड लागेको थियो । हिजो बेलुकी जहाँ अस्ताउँदो सूर्यलाई अर्घ दिइएको थियो त्यहीँ व्रतालुले आज विहान उदाउँदो सूर्यलाई अर्घ दिएर चार दिन लामो सूर्य उपासना अन्त्य गरेका हुन् । उखुको लाँक्रा र केराको घरीसहित पूजा सामग्री लिएर भक्तजनले नदी किनारमा अस्ताउँदो र
More

आज विश्व मधुमेह दिवस मनाइँदै

काठमाडौं । आज विश्व मधुमेह दिवस मनाइँदै छ । सन् १९९१ बाट विश्वभर नोभेम्बर १४ का दिन विश्व मधुमेह दिवस मनाउन थालिएको हो । यो वर्षको नारा ‘परिवार र मधुमेह’ रहेको छ । असन्तुलित खानपानसँगैको विलासी जीवनका कारण दिनहुँ मधुमेह रोगीको सङ्ख्या बढ्दै गएको छ । जसकारण नसर्ने अन्य रोगहरुबाट प्रभावित हुनेहरु पनि बढ्दै गएका छन् । लामो समयदेखि मधुमेहका बिरामीको उपचारमा सक्रिय डा भोजराज अधिकारीका अनुसार मधुमेह बिरामी बर्षेनी थपिँदै गएका छन् । उहाँका अनुसार हाल विश्वमा ४५ करोड मधुमेहका बिरामी रहेको तथ्याङ्क छ । तीमध्ये १० प्रतिशत उच्च जोखिमका छन् । सबैभन्दा बढी भारत र चीनमा मधुमेहका रोगी
More

आगलागीबाट १० लाखभन्दा बढीको क्षति

इनरुवा – सुनसरी सदरमुकाम इनरुवा–३ सखुवागाछीमा गए राति स्थानीयवासी सुरेन्द्र दुलालको घरमा आगलागी भएको छ । आगलागीबाट रु १० लाखभन्दा बढीको क्षति भएको छ । घरका सबै सदस्य छठ पूजा गर्न घाटमा गएका बेला विद्युत् चुहिएर आगलागी भएको हो । प्रहरी उपरीक्षक राजन अधिकारीका अनुसार नेपाल प्रहरी, सशस्त्र प्रहरी, स्थानीयवासीले दुहबी, सुन्दरहरैचा नगरपालिका, धरान र इटहरी उपमहानगरपालिकाको बारुण यन्त्रणको सहयोगमा आगो नियन्त्रणमा लिएका थिए । आगलागीबाट दुलालको काठको दुईतले घर जलेर नष्ट भएको छ । इनरुवा नगरपालिकाको दमकल लामो समयदेखि बिग्रिएर थन्केका कारण समयमै आगो निभाउन नसकिएको स्थानीयवासीले बताए । रासस
More