Daily Archives 20th December 2018

‘सरकार र पार्टी दुवै अलोकप्रिय बन्दै गयो’

काठमाडौं । नेपाल कम्युनिष्ट पार्टी (नेकपा) को स्थायी समिति बैठकमा जनचाहना अनुसार काम गर्न नसकेको भन्दै सरकार र पार्टी नेतृत्वको चर्को आलोचना भएको छ । पार्टी मुख्यालय धुम्बाराहीमा आज बसेको बैठकमा बोल्ने अधिकाशं स्थायी समिति सदस्यहरुले सरकार र पार्टी सही ढंगले संचालन हुन नसकेको धारणा राखेका थिए । अध्यक्षद्वय केपी शर्मा ओली र पुष्पकमल दाहालले संयुक्त रुपमा तयार पारेको राजनीतिक प्रतिवेदनमाथिको छलफलको क्रममा उनीहरुले नेतृत्वले पार्टीलाई विधिसम्मत ढंगले अघि बढाउन नसकेको तथा एकीकरणको कामलाई पूर्णता दिन ढिलाई गरेको भन्दै आलोचना गरेका छन् । बैठकमा नेता अमृतकुमार बोहोराले सरकारले गति लिन नसकेको भन्दै सरकार र पार्टी दुवै अलोकप्रिय बन्दै गएकाले नेतृत्वलाई
More

अपराध माहाशाखामा अत्याधुनिक उपकरणजडित भ्यान

काठमाडौं । नेपाल प्रहरीले अपराध अनुसन्धानमा सहयोग पुग्ने अत्याधुनिक उपकरणजडित गाडी ‘मोबाइल फोरेन्सिक इन्भेष्टिगेसन भ्यान’ भित्र्याएको छ । अपराध हुँदा सूक्ष्मरुपले अनुसन्धान गर्न मिल्ने उक्त भ्यान प्रहरी प्रधान कार्यालय काठमाडौँले आज महानगरीय प्रहरी अपराध माहाशाखा टेकुलाई हस्तान्तरण गरेको हो । प्रहरी महानिरीक्षक सर्वेन्द्र खनालले मोबाइल भ्यानमा अपराध अनुसन्धानका लागि अत्यावश्यकपर्ने आधुनिक उपकरण जडान गरिएको जानकारी दिनुभयो । उहाँले महानगरीय प्रहरी अपराध माहाशाखा टेकुका प्रमुख प्रहरी वरिष्ठ उपरीक्षक धीरजप्रताप सिंहलाई आज भ्यानको साँचो हस्तान्तरण गर्नुहुँदै सङ्गठनलाई साधन स्रोत तथा प्रविधियुक्त बनाउन सङ्गठनको प्राथमिकता रहेको बताउनुभयो । यस्ता प्रविधिलाई प्रदेशमा पनि विस्तार गर्दै लैजाने उहाँको भनाइ छ । उहाँले अनुसन्धानमा खटिने प्रहरी
More

ग्याटवीक विमानस्थल बन्द गरिंदा दशौं हजार यात्रु प्रभावित

काठमाडौँ । ड्रोन देखा परेपछि बेलयातको अत्याधिक यात्रुको चाप हुने विमानस्थल मध्येका एक बुधबार रातीदेखि अबरुद्ध हुँदा दशौं हजार प्रभावित भएका छन् । बीबीसीका अनुसार ग्याटवीक विमानस्थलको रनवे बुधबार रातीदेखि बन्द गरिएकोमा बिहीबारसम्म खुलेको छैन । विमानस्थलले विहीवारको ७ सय ६० वटा उडानका एक लाख १० हजार यात्रु उड्नु पर्ने रहेको बताएको छ । विमान कम्पनीहरुले आफ्नो उडानको स्थित बुझेर मात्र विमानस्थल आउन भनेको छ । उक्त विमानस्थलमा आवतरणका लागि आएका विमानहरुलाई अन्यत्रै पठाइएको छ । प्रहरीले यसलाई आतंकवादी हमला नभएपनि ‘नियतवस गरिएको अबरोध कार्य’ भनेको छ । साथै ड्रोन सञ्चालकको खोजी गरिरहेको जनाएको छ । बुधबार राती विमानस्थलको परिसरबाट
More

काङ्ग्रेसमा ‘पदाधिकारी’ विवाद मिलाउने प्रयास जारी

काठमाडौं । नेपाली काङ्ग्रेसको विधान मस्यौदामा पदाधिकारीको सङ्ख्या र चयन प्रक्रियाबारे सहमति खोज्न शीर्ष नेताको प्रयास जारी छ । लामो रस्साकस्सीपछि मङ्गलबार राति शीर्ष नेताबीच पदाधिकारीको सङ्ख्या र चयन प्रक्रियाका विषयमा सहमति भएको थियो । उक्त सहमतिमा बुधबार पार्टीको केन्द्रीय कार्यसमिति बैठकमा केही केन्द्रीय सदस्यले समावेशीतालाई सम्बोधन गर्नुपर्ने माग गरेपछि त्यसलाई समेट्नेबारेमा आज बिहानदेखि छलफल जारी छ । शीर्ष नेतृत्वले यसअघि विधानमा एक सभापति, दुई उपसभापति, दुई महामन्त्री, दुई सहमहामन्त्री र एक कोषाध्यक्षसहित आठ पदाधिकारी रहने र कोषाध्यक्षबाहेक सबै पदाधिकारी निर्वाचित हुने सहमति गरेको थियो । साथै कोषाध्यक्ष निर्वाचित केन्द्रीय सदस्यमध्येबाट सभापतिले मनोनयन गर्ने र कूल १६१ सदस्यीय केन्द्रीय समिति
More

प्रधानमन्त्री बन्न अन्तर्वार्ता दिइनँ

हरिप्रिया पाण्डे, पूर्व केन्द्रीय सदस्य, नेपाल महिला संघ विद्यार्थी राजनीतिमा लोकप्रिय हरिप्रिया पाण्डेलाई यतिबेला नेपाली कांग्रेस बिगे्रकोमा चिन्तित छन् । जिम्मेवारी खोज्दै कहिले नेताकहाँ नधाएको बताउने पाण्डे अहिले सामाजिक काममा त्यत्तिनै सक्रिय छन् । विशेषतः उनी सरसफाइ र जेष्ठ नागरिकको क्षेत्रमा काम गर्न हौसिएकी छन् । विद्यार्थी जीवनमा धेरै चर्चा कमाएकी पाण्डे, अहिले राजनीतिमा खासै सक्रिय देखिँदैनन । पछिल्लो समय उनमा के कुरा कमी भयो र निस्कृय भइन भन्ने विषयमा पाण्डेसँग गरेको कुराकानी– ० कांग्रेस राजनीतिबाट बाहिरिनु भएको हो ? – होइन, आफ्नो ठाउँबाट सकेको सहयोग पार्टीलाई गरिरहेकै छु, काम गर्न पद चाहिन्छ भन्ने मान्यता मेरो होइन । नेताको घर
More

एनआरएनएको नागरिकताबारे कांग्रेसको धारणा बनाउन माग

काठमाडौ– नेपाली कांग्रेसको जारी महासमिति बैठकमा गैरआवासीय नेपालीले उठाउँदै आएको दोहोरो नागरिकताबारे धारणा बनाउन माग गरिएको छ। विषयगत छलफलमा बोल्ने क्रममा गैरआवासीय नेपाली संघ आईसीसी सल्लाहकारसमेत रहेका काँग्रेस महासमिति सदस्य हरिबोल भण्डारीले प्रवासमा रहेका नेपालीका लागि दोहोरो नागरिकताको लागि पार्टीले धारणा बनाउनु पर्नेमा जोड दिएका थिए। महासमिति सदस्य भण्डारीले पार्टीका पूर्वसभापति शुशिल कोईराला प्रधानमन्त्री भएको बेला गैरआवासीय नेपालीलाई नागरिकता दिने कुरा सविधानमा सुसनिश्चित हुँदा प्रवासमा काँग्रेस पार्टीप्रति सकारात्मक धारणा बनेको दाबी गरेका थिए। उनले प्रवासी नेपालीलाई मताधिकारको व्यवस्था गर्नुपर्ने र जनसम्पर्क समितिहरुमध्येबाट एक जना पार्टीको केन्द्रिय सदस्य सहभागिता सुनिश्चित गर्नुपर्नेलगायत माग राखेका थिए। जारी महासमितिको बैठकमा विश्वभरका २१ देश जनसम्पर्क
More

शीतलहरले मधेशको जनजीवन कष्टकर

सिरहा । मौसममा आएको परिवर्तन र चिसो हावाका कारण तराई, मधेशको जनजीवन कष्टकर बन्दै गएको छ । शीतलहरका कारण बिहानको समयमा लहानलगायत मधेशका बजारमा चहलपहल कम हुन थालेको छ । खासगरी गरीब विपन्न परिवारमा न्यानो लुगाको अभावमा जाडोबाट बच्न कठिन भएको छ । दलित, गरीब, विपन्न वर्गका समुदाय जाडोबाट बाँच्न परालको ओछ्यान र गोबर गुइठाबाट सल्काएको आगोबाट शरीरलाई न्यानो पारी जीवन बिताइरहेका लहान–२३ का वीरेन्द्र गुप्ताले बताउनुभयो । कपडा पसलमा न्यानो कपडा किन्नेको भीड भएको अवस्थामा न्यानो कपडाको माग बढेपछि व्यापारीले बढी मूल्य लिइ मौकाको फाइदा उठाउने गरेका छन् । अस्पतालमा अहिले रुघाखोकी, निमोनियाका बिमारीको भीड रहेको डा सुनील कुशवाहाले
More

महासमिति बैठक : १२ जना युवा नेताद्वारा महाधिवेशन माग

काठमाडौं । कांग्रेसको जारी महासमिति बैठकमा १२ केन्द्रीय सदस्यहरुले तत्काल १४ औँ महाधिवेशनको माग गरेका छन् । गत चैत वैशाखको केन्द्रीय कार्यसमितिको बैठकमा बाँडिएको ६ जना युवा नेताहरुले बुझाएको ५१ पृष्ठको प्रतिवेदन फेरि महासमिति बैठकमा बाँडेका छन् । उनीहरुले महासमिति सदस्यहरुलाई प्रतिवेदनबारे ५ पृष्ठ लामो व्याख्या पनि गरेका छन् । प्रतिवेदनमा कांग्रेसमा अस्तित्व संकट देखिएको र त्यसको मुक्तिको बाटो खोज्न अपिल गरिएको छ । त्यसका लागि कांग्रेसको वैचारिक धरातल स्पष्ट र समयानुकुल हुनुपर्ने आवश्यकता औंल्याइएको छ । ‘वर्तमान कांग्रेस र कांग्रेसीको सबैभन्दा ठूलो समस्या हाम्रो अस्तित्वको संकट हो’, प्रतिवेदनमा भनिएको छ, ‘कांग्रेस र कांग्रेसीका लागि यस अस्तित्वको संकटबाट मुक्तिको बाटो
More

सडक विस्तारको विरोधमा माइतीघरमा प्रदर्शन

काठमाडौं । काठमाडौं उपत्यकाव्यापी सडक विस्तार पिडित संर्घष समितिले गैर न्यायिक रुपमा सडक विस्तार गरिएको भन्दै विरोध प्रदर्शन गरेका छन् । सरकारले सडक विस्तारका नाममा बल प्रयोग गरी घरवारविहीन बनाएको भन्दै समितिले काठमाडौंको माइतीघरमा प्रर्दशन गरेको हो । सरकारले सर्वोच्च अदालतको आदेश कार्यान्वयन नगरेको तथा ऐतिहासिक सम्पदा अतिक्रमण गरेको भन्दै प्रदर्शनकारीले नाराबाजी समेत गरेका थिए । संघर्ष समितिलेविकासको बहानामा उपत्यकाका आदिवासी जनजातिको पहिचान मेटाउन नहुने उल्लेख गर्दै सर्वोच्च अदालतको आदेशलाई तत्काल कार्यान्ययन गर्न सरकारसँग माग गरे । सयौँ वर्ष देखि बस्दै आएको ठाउँलाई सरकारी मापदण्डका नाममा राज्यले आफ्नो खोसेको पिडितहरुले आरोप लगाएका छन् । उनिहरुले सहरीकरणको नाममा सरकारले नागरिकको अधिकार
More

भ्युटावर अवलोकन

तनहुँको भीमाद नगरपालिका–९ स्थित राङरुङमा भ्युटावरबाट हिमाल अवलोकन गर्दै आन्तरिक पर्यटक । वडा कार्यालयको रु. ११ लाखको लागतमा भ्युटावर निर्माण भएपछि राङरुङमा आन्तरिक तथा बाह्य पर्यटकको भिड लाग्ने गरेको छ । तस्वीर: कृष्ण न्यौपाने
More

दोहा बैंकको सम्पर्क कार्यालय काठमाडौंमा

काठमाडौं । कतारको राष्ट्रिय बैंक दोहा बैंकको सम्पर्क कार्यालय काठमाडौंमा स्थापना भएको छ । नेपाल राष्ट्र बैंकका गभर्नर डा चिरञ्जीवी नेपालले बैंकको उद्घाटन गर्नु भएको छ । त्यस अवसरमा उहाँले बैंकको सम्पर्क कार्यालय स्थापनासँगै नेपाल र कतारबीच व्यापारिक सम्बन्ध विस्तारमा मद्दत पुग्नुका साथै नेपालमा कतारी लगानी भित्र्याउन सहयोग पुग्ने विश्वास व्यक्त गर्नुभयो । राष्ट्रपति विद्यादेवी भण्डारीबाट हालै भएको कतार भ्रमणले दुई देशबीचको सम्बन्धलाई नयाँ उचाईमा पु¥याएको बताउनुभयो । उद्घाटन समारोहमा प्रधानमन्त्रीका राजनीतिक सल्लाहकार विष्णु रिमाल, राष्ट्र बैंकका डेप्युटी गभर्नर द्वय चिन्तामणि शिवाकोटी र शिवराज श्रेष्ठ, नेपालका लागि कतारका राजदूत युसुफ बिन अहमद हेल तथा कतारका लागि नेपाली राजदूत रमेश कोइराला
More

महासमिति बैठकमा भेदभाव, आजदेखि बैठक सानेपामा

काठमाडौं । नेपाली कांग्रेसको महासमिति बैठक लम्बिएको छ । पार्टीको विधान संशोधनका बारेमा महासमिति बैठक अगावै केन्द्रीय कार्यसमितिमा सहमति जुट्न नसक्दा बैठक लम्बिएको हो । पुस ३ गते समापन हुने भनिएको बैठक लम्बिएपछि आजदेखि पार्टी कार्यालय सानेपामा बस्दैछ । रामशाहपथस्थित यगम्बर पार्टी प्यालेसमा मंसिर २८ गतेदेखि हुँदै आएको बैठक आज विहानदेखि पार्टी कार्यालयमा बस्न लागेको हो । विधान संसोधन प्रस्तावमा सहमति जुटाएर आजको बैठकमा पेश गर्ने कांग्रेसको तयारी छ । तर विधानमा अझै कांग्रेसको शिर्ष नेता तहमा सहमति जुटन सकेको छैन । विधानबाहेक अन्य प्रस्तावहरुमाथि पनि ठोस छलफल हुन प्रशस्त समय नपाएको गुनासो कांग्रेसका महाअधिवेशन प्रतिनिधिहरूले गरेका छन । महासमिति
More

एसपी बढुवा गर्न नियमावली संसोधन

काठमाडौँ । नेपाल प्रहरी तीन महिनादेखि रिक्त १५ एसएसपीको दरबन्दी पूर्ति गर्नै सरकारले प्रहरी नियमावली संसोधन गर्न लागेको छ । अहिलेको नियमावलीअनुसार हालका कुनै पनि एसपीलाई बढुवा गर्न नमिल्ने भएपछि गृह मन्त्रालयले नियमावली संसोधन गर्न लागेको हो । एसपीबाट एसएसपी हुन चार वर्ष पदावधि पुग्नुपर्ने मापदण्ड छ । तर, यो मापदण्ड पुगेको एसपी एउटै पनि नहुँदा बढुवा प्रक्रिया नै रोकिएको छ । अब तीन वर्ष एसपी बनेपछि एसएसपीमा बढुवा हुने मापदण्ड राखेर राखेर नियमावली संसोधन गर्न लागिएको हो । नियमावली संशोधनको लागि कानुन मन्त्रालयले समेत सहमति दिइसकेको गृह मन्त्रालयले जनाएको छ ।
More

नेकपा नेता भण्डारी सम्पर्कविहीन

भद्रपुर । नेकपाका मेचीनगर नेता दीपक भण्डारी हिजो बिहानदेखि सम्पर्कविहीन भएपछि खोजी शुरु भएको छ । तत्कालीन नेकपा एमालेको मेचीनगर अध्यक्ष, धुलावारी जेसिसका पूर्वअध्यक्ष, हिमालयन मल्टिपल कलेजका निर्देशकलगायत थुपै्र जिम्मेवारीमा रहनुभएका भण्डारी मेचीनगर–१० स्थित आफ्नै घर नजिकबाट बुधबार बिहान करीब साढे ९ बजेदेखि सम्पर्कविहीन हुनुभएको उहाँकी पत्नी गीता भण्डारीले बताउनुभयो । “हिजो बिहान साढे ९ बजेतिर कलेज जान्छु भनेर घरबाट बाहिर निस्कनुभएको थियो, त्यसपछि उहाँसँग सम्पर्क हुनसकेको छैन”, उहाँले भन्नुभयो । नेता भण्डारीले आफ्नो मोटरसाइकल र दुई थान मोबाइल घरमै छाड्नुभएको छ । जिल्ला प्रहरी कार्यालयका प्रहरी नायब उपरीक्षक महेन्द्रकुमार श्रेष्ठले उहाँ सम्पर्कविहीन हुनुभएको खबर आएलगत्तै खोजीकार्यका लागि प्रहरी परिचालन
More

युकेमा कार्यरत तेह्रथुमेद्धारा म्याङलुङ क्याम्पस भवन निर्माण

तेह्रथुम । तेह्रथुममा जन्मिएर बेलायतमा कार्यरत तेह्रथुमेहरुको संस्था, तेह्रथुम समाज युकेको सहयोगमा रु ११ लाख १८ हजार ६६७ को लागतमा म्याङलुङ बहुमुखी क्याम्पसको एक भवन भवन निर्माण गरिएको छ । नवनिर्मित उक्त भवन बुधबार प्रदेशसभा सदस्य तेजमान कन्दङ्वाले उद्घाटन गर्नुभयो । कार्यक्रममा उक्त क्याम्पसका लागि उल्लेखनीय योगदान पु-याउनु हुने दाता संस्थाका पूर्व अध्यक्ष सूर्य खापुङ र क्याम्पसका सहायक क्याम्पस प्रमुख प्रकाश ढुङ्गानालाई सम्मान गरिएको थियो । निःशुल्क आँखा शिविर आँखा रोगीलाई लक्षित गरी तेह्रथुममा तीनदिने निःशुल्क आँखा शिविर शुरु भएको छ । जिल्लास्थित नेपाल रेडक्रस सोसाइटी र आँखा उपचार केन्द्रको आयोजना तथा विराटनगर आँखा अस्पतालको प्राविधिक सहयोगमा सञ्चालित शिविरको पहिलो
More