Daily Archives 27th January 2019

हिमालयज् लायन्स क्लबद्धारा दोश्रो चरणको नेपाली भाषा कक्षा संचालन

नातिबाबु भट्ट ।कोलोराडो अमेरीका । कोलोराडोको लङमन्ट स्थित हिमालयज् लायन्स क्लबको आयोजनामा नेपाली भाषा शिक्षा दोश्रो चरणको कक्षा शनिबारबारबाट सुरु भएको छ । लङमन्ट स्थित फायरहाउस आर्टसेन्टरमा क्लवका अध्यक्ष बिकल पराजुली र शिक्षीका यसोदा भट्टबाट संयूक्तरुपमा दिप प्रज्वलन गरि विद्याकी देवी सरस्वतीको मुर्तीमा पुजा गर्दै कक्षा शुरुआत गरिएको हो । नेपाली राष्ट्रियगान गाउंदै अगाडी बढाईएको भाषा शिक्षा कक्षामाको पहिलो दिन ४ छात्रा सहित ११ जना बाल बलिकाको उपस्थिती रहेको थियो । प्रत्येक शनिबार ९.३० बाट १०.३० बजे सम्म संचालन हुने कक्षा, बाल बलिका तथा अभिभावकबाट समय बढाउने सुझाव आएमा बिचारगर्न सकिने लायन्सका पूर्व अध्यक्ष प्रमोद श्रेष्ठले बताएका छन् । भाषा
More

वैवाहिक समारोह चलिरहेको होटेललाई पहिराेले पुर्दा १५ जनाको मृत्य

पेरू- करिब १०० जना पाहुना सहभागी एक वैवाहिक समारोह चलिरहेको होटेललाई पहिरोले पुर्दा कम्तिमा १५ जनाको मृत्यु भएको स्थानीय अधिकारीहरूले आइतबार जनाएका छन् । घटनामा कम्तीमा ३४ जना सख्त घाइते भएका बताइएको छ । “होटेलको पर्खालबाट जोडसाथ विवाहस्थलमा एक्कासी छिरेको पहिरोले अवान्से शहरमा वैवाहिक कार्यक्रममा सहभागी १५ जनाको मृत्यु भएको छ भने ३४ जना सख्त घाइते भएका छन्,” शहरका सरकार प्रमुख इभारिस्तो रामोसलाई उद्धृत गरी स्थानीय आरपीपी रेडियोद्वारा प्रसारण गरिएको समाचारमा बताइएको छ । घाइते सबैलाई उपचारका लागि स्थानीय अस्पतालहरूमा पठाइएको छ भने पहिरोमा परी हराएका केहीको खोजीकार्य जारी रहेको पेरूको प्रहरीले जनाएको छ ।
More

भ्रष्टाचार आरोपी धमाधम छुट्न थाले

काठमाडौँ–विशेष अदालतबाट सिक्टा सिँचाइ आयोजनामा भ्रष्टाचार गरेको मुद्दामा प्रमुख इञ्जिनीयर सरोज पण्डित रु ८० लाख धरौटी राखेर तारिखमा छुटेका छन् । विशेष अदालतका अध्यक्ष बाबुराम रेग्मी र न्यायाधीशद्वय प्रमोदकुमार श्रेष्ठ वैद्य र नारायणप्रसाद पोखरेलको इजलासमा बहसपछि सो धरौटी राखेर तारिखका छुटेका हुन् । विशेष अदालतका रजिस्टार भीमकुमार श्रेष्ठका अनुसार पण्डित आजै विशेष अदालतमा हाजिर हुन आएका थिए । बहसपछि थुनछेकको आदेशअनुसार रु ८० लाख धरौटी अदालतले माग गरेको थियो । सो रकम धरौटी राखेर तारिखमा छुटेका हुन् । आयोगले भ्रष्टाचार मुद्दामा पूर्वमन्त्री एवम् ठेकेदार कम्पनी कालिका कन्सट्रक्सनका मालिक पूर्वमन्त्री विक्रम पाण्डेसहित २१ जनाविरुद्ध रु साढे आठ अर्ब बिगो दाबीसहित गत
More

सरकार र सदनका कामकारवाहीलाई लिएर विरोध प्रदर्शन गर्ने काँग्रेसको निर्णय

काठमाडौं– प्रमुख प्रतिपक्षी दल नेपाली काङ्ग्रेसले सरकार र सदनका कामकारवाहीलाई लिएर विरोध प्रदर्शन गर्ने जनाएको छ । काङ्ग्रेस केन्द्रीय कार्यसमितिको आज बसेको बैठकले प्रतिनिधिसभामा संसदीय प्रणाली र परम्परा विपरीत मर्यादापालक प्रयोग गरी बलपूर्वक विधेयक पारित गरिएको आरोप लगाउँदै उक्त घटनाको विरोध गर्ने निर्णय गरेको छ । विरोध प्रदर्शन संसद्मा भएको घटना, डा गोविन्द केसीको अनशनप्रति व्यवहार, गिरिजाप्रसाद कोइराला र सुशील कोइरालाका नाममा रहेका स्वास्थ्य केन्द्र हटाउने काम भएको भन्दै प्रमुख प्रतिपक्षी दलका नेता शेरबहादुर देउवाको उपस्थिति बिनासंवैधानिक परिषद्को बैठक बसी निर्णय गरेको विषयमा केन्द्रित रहने मुख्य सचिव कृष्णप्रसाद पौडेलले जानकारी दिए । त्यस्तै देशव्यापी रुपमा बढेको हिंसा, हत्या र बलात्कार
More

कसको अनुमतिमा फाेटो खिचेको ? भन्दै प्रहरीले पत्रकारलाई लात्ताले भकुर्यो

काठमाडौं– स्वतन्त्रतापूर्वक समाचार संकलनमा रहेका पत्रकारलाई प्रहरीले हातपात र दुव्र्यवहार गरेको घटनाप्रति नेपाल पत्रकार महासंघले गम्भीर ध्यानाकर्षण भएको जनाएको छ । आइतबार दिउँसो काठमाडौंको भृकुटीमण्डपमा नेपाल विद्यार्थी संघले निकालेको विरोध प्रदर्शनका क्रममा प्रहरीले विद्यार्थीहरुलाई नियन्त्रणमा लिँदै गर्दाको तस्बिर तथा भिडियो खिचेको भन्दै हिमशिखर टेलिभिजनका विनोद कट्वाललाई प्रहरीले हातपात गर्दै लात्ताले हानेर धकेलेको थियो । यस्तै नयाँ पत्रिका दैनिकका अमुल थापा, नागरिक दैनिकका विजय गजमेर, नेपाल समाचारपत्रका उज्वल डंगोल र पहिलो पोष्टका सार्थक रन्जितलाई पनि प्रहरीले दुव्र्यवहार गरेको जनाइएको छ । प्रहरीले कसको अनुमतिमा तस्बिर खिचेको भन्दै पत्रकारलाई हातपात तथा दुव्र्यवहार गरेका थिए । स्वतन्त्रतापूर्वक पेशागत जिम्मेवारी वहन गरिरहेका पत्रकारमाथि प्रहरीले
More

पार्टीमा अराजकता मौलायोः नारायणकाजी श्रेष्ठ

तनहुँ– नेपाल कम्युनिष्ट पार्टी (नेकपा)का प्रवक्ता नारायणकाजी श्रेष्ठले पार्टी एकीकरण निष्कर्षमा नपुग्दा पार्टीभित्र अराजकता मौलाएको टिप्पणी गरेका छन् । तनहुँको दमौलीमा आज कार्यकर्तासँगको भेटघाटमा प्रवक्ता श्रेष्ठले पार्टी एकीकरणको सम्पूर्ण कार्य अवरुद्ध भएकाले पार्टीमा अराजकताले स्थान पाएको बताए । उनले पार्टी सङ्गठन नबन्दा कार्यकर्तामा निराशा आएको भन्दै पार्टी सचिवालयको बैठकले एकीकरणको सम्पूर्ण प्रक्रिया पूरा गर्ने बताए । कार्यदललाई एकीकरणको प्रक्रिया पूरा गर्ने जिम्मेवारी दिए पनि कार्यदलले कुनै निष्कर्ष निकाल्न नसकेको भन्दै प्रवक्ता श्रेष्ठले अब सचिवालयले नै सबै काम टुङ्गो लगाउने बताए ।
More

‘आफ्नै ज्यानको पर्वाह नभएको पागल डा केसीलाई मर्न देऊ’

डा. केसी तिमी मर्नुपर्छ, माफियालाई मेडिकल कलेज चलाउन गाह्रो भो, सरकारलाई तिनको रक्षा गर्न अनि, गरीब निमुखाका नाममा पाएको जनमत माथि, रगतको आहालमा बसेको सत्ताको शाख जोगाउन गाह्रो भो१ दिनदहाडै बलात्कार गरी मारिएकी गरिवकी छोरी, निर्मलाका अपराधी लुकाउन गाह्रो भो, सत्ता र शक्तिको उन्माद संगै पापको अजङ्गको भारी थाम्न गाह्रो भो। गाह्रो भो । चोरलाई चौतारो अनि साधुलाई सूली चढाउन, जुठा मार्सी चामलले ढाडीएका भूँडीहरु सुकाउन, सत्य निरुपणलाई बिस्कुन सुकाएर , अत्याचारी दोषीलाई जोगाउँदै , युद्ध पिडितका घाउमा नुन छर्न गारो भो। डा। केसी१ तिमिले मरिदिंदा सहज हुने, संगठित ठगहरु र स्वार्थले टुक्रिएका सज्जनहरु, मुख बन्द बुद्दिजीबि अनि अन्याय सहिबस्ने
More

एक सातादेखि बिरामी प्रचण्ड पत्नीलाई वार्डमा सारियो

काठमाण्डौं ।नेपाल कम्युनिष्ट पार्टी (नेकपा) का अध्यक्ष प्रचण्डकी जीवनसंगिनी सीता दाहालको स्वास्थ्यमा उल्लेख्य सुधार आएको छ । माघ ६ गतेदेखि ललितपुरस्थित सुमेरु अस्पतालमा भाइरल ज्वरोको उपचार गराइरहनुभएको उहाँको स्वास्थ्यमा सुधार आएपछि आइतवार दिउँसो १ बजे आइसियुबाट जनरल वार्डमा सारिएको छ । उपचारमा संलग्न चिकित्सक डा. अशोक शर्माका अनुसार जनरल वार्डमा २४ घण्टा निगरानी पश्चात उहाँलाई डिस्चार्ज गर्न सकिने छ ।
More

चिकित्सा शिक्षा विधेयक, २०७५ का मुख्य मुख्य विशेषताहरू

काठमाडौं । शिक्षा, विज्ञान तथा प्रविधि मन्त्री गिरिराजमणि पोखरेलले अनसनरत डाक्डर गोविन्द केसीलाई तत्काल अनसन स्थगन गर्न आग्रह गरेका छन् । उनले विद्येयक ऐन बनिसकेपछि चिकित्सा शिक्षाको क्षेत्रमा तात्विक परिवर्तन आउने विश्वास दिलाए । राजधानीमा आयोजित साक्षात्कारमा बोल्दै मन्त्री पोखरेलले विद्येयकले सबै विषयलाई समेटेको दाबी गरे । उनले भने,‘संसदको एउटा प्रक्रियामा गएर विगतमा भएको सहमतिलाई कार्यान्वयन गर्ने भनिसकिएपछि उहाँले यही बेलामा अनशनको बाटो किन पक्रिनुभयो ? अचम्म लागेको छ । म अनुरोध गर्न चाहन्छु जनप्रतिनिधि संस्थाको सर्वोच्चतालाई ध्यान दिँदै र सम्मान गर्दै उहाँले अनशन फिर्ता लिईदिनुपर्छ ।’ उनले डाक्टर केसीले अनशन फिर्ता लिएपछि नै केसीको गरिमा बढ्ने दाबी गरे ।
More

राष्ट्रपति भेट्न शीतल निवास पुगे प्रधानमन्त्री

काठमाडौं– प्रधानम्न्त्री केपी शर्मा ओली र राष्ट्रपति विद्यादेवी भण्डारीबीच आइतबार भेटवार्ता भएको छ । राष्ट्रपति भवन, शीतलनिवासमा भण्डारी र ओलीबीच भेटवार्ता भएको हो । उक्त भेटमा प्रधानमन्त्री ओलीले स्वीट्जरल्याण्डको डाभोसमा हालै सम्पन्न भएको विश्व आर्थिक मञ्चको वार्षिक बैठकमा सहभागिता एवम् स्वीट्जरल्याण्डसंग भएको आपसी हित तथा अन्य समसामयिक विषयमा भएको छलफलबारे जानकारी गराएका थिए । अवसरमा परराष्ट्रमन्त्री प्रदीप कुमार ज्ञवाली, अर्थमन्त्री डा युवराज खतिवडा लगायत नेपाल सरकारका उच्चपदस्थअधिकारीहरु समेतको उपस्थिति थियो ।
More

राष्ट्रियसभा बैठक अवरुद्ध

काठमाडौं– राष्ट्रिय सभाको बैठक स्थगित भएको छ । आजका लागि बोलाइएको बैठकमा काँग्रेस सांसदहरु उठेर अवरोध गरेपछि भोलिसम्मका लागि बैठक स्थगित भएको हो । आजको बैठकमा प्रतिनिधि सभाले पारित गरेको राष्ट्रिय चिकित्सा शिक्षा विधेयक टेवल गर्ने कार्यसूची रहेको थियो । तर, बैठक सुरु भएलगत्तै काँग्रेस सांसदहरु उठेर विरोध जनाएपछि अध्यक्ष गणेश तिमिल्सनाले बैठक सोमबारसम्मका लागि बैठक स्थगन गरेका थिए ।
More

कम्युनिष्ट नामको खोल च्यातियोः कट्टेल

ऋषि कट्टेल नेतृत्वको नेकपाले चिकित्सा शिक्षा विधेयक पारित गरेसँगै सरकार र संसद माफियाहरुको प्रतिनिधिभएको कुरा प्रष्ट भएको बताएका छन् । उनले यो घटनाले नेकपा नामको कम्युनिष्टकमो खोल पनि च्यातिएको बताएका छन् । उनको विज्ञप्ति जस्ताको तस्तै (१) हालै नेपालको संसदले जस्ता विषयहरु र जुन प्रक्रिया अवलम्वन गरी चिकित्सा शिक्षा विधेयक पारित गरेको छ यो सरकार र संसद माफियाहरुको प्रतिनिधिभएको कुरा प्रष्ट भएको छ । यो घटनाले यसले ओडेको कम्युनिष्ट नामको खोल च्यतिएको छ । नेपाल कम्युनिष्ट पार्टी डा. केसी ले उठाएको जायज शैक्षिक मागहरुको पूर्ण समर्थन गर्दछ । शिक्षा क्षेत्रमा भईरहेको माफियाकरणको विरुद्ध हुने सडक संघर्षमा ऐक्यवद्धता जाहेर गर्दछ र
More

न्यानो कपडा वितरण

राजविराज : जाडोबाट समस्यामा रहेका दलित विपन्न परिवारका छात्र–छात्रालाई शनिबार न्यानो कपडा वितरण गरिएको छ । सप्तरीको हनुमाननगर कङ्कालिनी नगरपालिकाको अतिबिकट मानिएको गोबरगढा र मधवापुरका ९२ दलित विपन्न परिवारका छात्रछात्रालाई न्यानो कपडा वितरण गरिएको हो । सिर्जना फाइनान्सद्वारा जाडोबाट पीडित छात्रछात्रालाई न्यानो कपडा वितरण गरिएको स्थानीयवासी गङ्गा साहले बताउनुभयो । उक्त वितरण कार्यक्रममा फाइनान्सका सञ्चालक सुभाष आचार्य, सञ्जीवकुमार मिश्र, वडा नं ४ का वडाध्यक्ष नागेश्वर मण्डल, पलट राष्ट्रिय प्राथमिक विद्यालय व्यवस्थापन समितिका अध्यक्ष महेन्द्र साह, सञ्चारकर्मी गङ्गा साह, राजु शर्मालगायतको सहभागिता थियो । यस्तै जिल्लाको बिष्णुपुर र रुपनी गाउँपालिकाका ७५ दलित विपन्न परिवारलाई कम्मल वितरण गरिएको छ । मानव सेवा
More

तत्काल निर्वाचनको घोषणा गर्न भेनेजुयलालाई स्पेनको आग्रह

म्याड्रिड । भेनेजुयलाको राजनीतिक विवादले उग्र रूप लिइरहेका समय राष्ट्रपति निकोलास मदुरोलाई तत्काल निर्वाचनको मिति तय गर्न स्पेनले शनिबार भेनेजुयलालाई आग्रह गरेको छ । स्पेनी प्रधानमन्त्री पेड्रो सान्चेजले भेनेजुयलाका राष्ट्रपति मदुरोलाई आठ दिन भित्र निर्वाचनको मिति तोक्न आग्रह गर्नुभएको हो । सान्चेजले वर्तमान् नेतृत्वले आठ दिन भित्रमा निर्वाचनको मिति नतोके स्पेनले विपक्षी नेतालाई अन्तरिम राष्ट्रपतिका रूपमा मान्यता दिने बताउनुभएको छ । “यदि आठ दिनभित्र भेनेजुयलामा स्वच्छ, स्वतन्त्र र पारदर्शी निर्वाचनको आह्वान नगरिए स्पेनले प्रतिपक्षी नेता हँुवा गुइदोलाई राष्ट्रपति रूपमा मान्यता दिनेछ,” स्पेनी प्रधानमन्त्री सान्चेजले भन्नुभयो । भेनेजुयलाका प्रतिपक्षी नेता गुइदोले बुधबार आफैलाई “अन्तरिम राष्ट्रपति” घोषणा गरेका थिए । घोषणालाई अमेरिका
More

शीर्ष टोली बार्सिलोनालई पछ्याउँदै एट्लेटिको

स्पेनिस ला लिगामा एट्लेटिको म्याड्रिडले शीर्ष टोली बार्सिलोनालई पछ्याउँदै गएको छ । लिग अन्तर्गत शनिबार राती भएको खेलमा एट्लेटिकोले गेटाफेलाई २–० गोलले हरायो । जितसँगै एट्लेटिकोले बार्सिलोनासँगको दूरी दुई अंकमा झारेको छ । दोस्रो स्थानमा रहेको एट्लेटिकोले २१ खेलबाट ४४ अंक बनाएको छ । एक खेल कम खेलेको बार्सिलोनाको ४६ अंक छ । बार्सिलोनाले आइतबार राति गिरोनासँग खेल्दैछ । घरेलु मैदानमा उत्कृष्ट प्रदर्शन गरेको एट्लेटिकोको जितमा एन्टोइन ग्रिजम्यानले २७औं र साउल निग्वेजले ३७औं मिनेटमा गोल गरेका थिए । टोलीका दुई खेलाडीले दोहोरो पहेंलो (रातो) कार्ड पाएपछि खेलको अन्तिममा गेटाफे नौ खेलाडीमा समेटिएको थियो । पहिलो हाफमा लयमा देखिएको एट्लेटिकोले दोस्रो
More

संसद चल्न दिन मेयर विद्यासन्दुर शाक्यको माग

काठमाडौं। काठमाडौं महानगरपालिकाका मेयर विद्यासन्दुर शाक्यले संघीय संसद चल्न नदिएर प्रमुख प्रतिपक्ष दल नेपाली काँग्रेसले प्रजातन्त्रको उपहास गरिरहेको टिप्पणी गर्नु भएको छ । मेयर शाक्यले संघीय लोकतान्त्रिक गणतन्त्रलाई नै अप्ठयारोमा पार्ने गरी जनमतको अपमान गर्ने काम काँग्रेसले गरिरहेको आरोप पनि लगाउनु भयो । जनताबाट निर्वाचित भएर आएकाहरुलाई कामै गर्न नदिएर काँग्रेसले सहिदहरुले देखाएको बाटोमा समेत अवराध खडा गरिरहेको उहाँको दावी छ । आईतबार सहिद सप्ताह कार्यक्रम अन्तरगत सहिद धर्मभक्त माथेमाले सहादत प्राप्त गर्नु भएको काठमाडौंको सिफलमा आयोजित स्मृति सभामा बोल्दै उहाँले सहिदहरुको सपना पूरा गर्न र मुलुकलाई जनमत अनुसार अघि बढाउन जनताआफै अग्रसर हुने बेला आएको पनि स्पष्ट पार्नु भयो
More

घाइते प्रजिअलाई काठमाण्डौं ल्याईयो

जिप दुर्घटनामा गम्भिर घाईते भएका बाराका प्रमुख जिल्ला अधिकारी (सह–सचिव) गणेश भट्टराई लाई थप उपचारको लागी काठमाडौं ल्याईएको छ । बिरगञ्ज स्थित ‘हेल्थ केयर सेन्टर’मा उपचाररत भट्टराईलाई नेपाली सेनाको हेलिकप्टरमा राखेर काठमाडौं पठाईएको जिल्ला प्रहरी कार्यालय बिरगञ्जका प्रमुख (एसपी) रेवती ढकालले जानकारी दिए । शनिवार साँझ बा। १ झ। १६६३ नम्बरको स्कार्पियो जिपमा बाराको निजगढबाट कलैया फर्कंदै गरेका प्रमुख जिल्ला अधिकारीको स्कार्पियो निजगढ–पथलैया सड्क खण्डको पसाहा खोलामा दुर्घटना भएको थियो ।
More

नेविसंघद्धारा प्रधानमन्त्रीको पुत्ला दहन

काठमाडौं। अनशनरत डा. गोविन्द केसीको मागलाई बेवास्ता गर्दै सरकारले बहुमतको आडमा राष्ट्रिय चिकित्सा शिक्षा विधेयक पारित गरेको र कांग्रेसका नेताको नाममा स्थापना भएका दुई वटा अस्पताल खारेज गरेको भन्दै कांग्रेसको भाृत संगठन आन्दोलनमा उत्रिएको छ। आइतबार विहानै नेविसंले विभिन्न क्याम्पस अगाडि प्रदर्शन गर्दै सरकार विरुद्ध चर्को नाराबाजी गरेको छ। नेविसंघले प्रधानमन्त्री केपी ओलीको पत्लासमेत दहन गरेको छ।नेविसंघले आइतबार विहान पशुपति क्याम्पस अगाडि प्रधानमन्त्रीको पुत्ला दहन गरेको हो। सरकारले प्रतिपक्षलाई पेलेर अगाडि बढेको भन्दै नेविसंघ आन्दोलित भएको हो। प्रमुख प्रतिपक्ष नेपाली कांग्रेसले सरकार विरुद्ध सडक र सदनबाट आन्दोलन चर्काउने चेतावनी दिएको केही दिनपछि नै नेविसंघ सरकार विरुद्ध आन्दोलित भएको हो।
More

पूर्वराजाको सक्रियता बढ्यो

काठमाडौं– पूर्वराजा ज्ञानेन्द्र शाह आइतबार बाराको सीमरा जाने भएका छन् । पारिवारिक भ्रमणको लागि भन्दै शाह सीमरा जान लागेको बताइएको छ । अंग्रेजी नयाँ वर्षको अवसरमा पोखरामा गरेर राजावादीसँग भेटघाट र गोप्य छलफल गरेको भनिएका ज्ञानेन्द्र शाहले सीमरामा पनि त्यस्तै खालको भेटघाट गर्ने बताइएको छ । यस्तै उनी त्यहाँ रहेका विभिन्न शक्तिपिठको दर्शनमा पनि सहभागि रहनेछन् । पूर्वराजा निकट स्रोतका अनुसार उनी पूर्वरानी कोमल राज्यलक्ष्मी शाहसहित बुद्ध एयरको विमानमार्फत अपरान्ह ४ बजे सीमरा प्रस्थान गर्नेछन् । करिब दुई साता सिमरा बसाई पछि ज्ञानेन्द्र परिवार सडक मार्गबाट दमक जाने बुझिएको छ ।
More

विभिन्न घटनाबाट ५ को मृत्यु

गण्डकी प्रदेशमा शनिबार विभिन्न घटनामा परी पाँचको मृत्यु भएको छ। प्रदेश प्रहरी कार्यालयका अनुसार चार्जमा राखेको मोबाइलबाट भिडियो हेर्दै गर्दा अचानक चट्याङ परी मोबाइलबाट करेन्ट लाग्दा तनहुँको रिशिङ गाउँपालिका–१ काहुँशिव सेताङ घर भई वडा नं २ रिशिङ लिमाश्वाँरा माइती घर आएकी २० वर्षीय मिनामाया थापाको मृत्यु भएको छ। करेन्ट लागेर घाइते उनको दमौली अस्पतालमा उपचारका क्रममा मृत्यु भएको हो। यस्तै बाग्लुङको निसिखोला गाउँपालिका– ४ ओख्रेनीमा रातिदेखि परेको हिउँले पुरिएर ५० वर्षीय टीकाबहादुर घिमिरेको मृत्यु भएको प्रहरीले जनाएको छ। कानबगरबाट घर फर्कने क्रममा आफ्नै घरदेखि ५०० मिटर तल हिउँले पुरी मृत अवस्थामा फेला पारेको प्रहरीले जानकारी दिएको छ। स्याङ्जाको कालीगण्डकी गाउँपालिका–४
More