Daily Archives 12th March 2019

ओली–प्रचण्डको हत्या योजना बनेको खुलेपछि विप्लवमाथि प्रतिबन्ध ?

काठमाडौं– विप्लव नेतृत्वको नेकपामाथि सरकारले गम्भीर आरोप लगाएको छ । उच्च सरकारी स्रोतका अनुसार विप्लवको पार्टीले प्रधानमन्त्री केपी ओली र नेकपा अध्यक्ष प्रचण्डको हत्या योजना बनाएका थिए । सोही योजनाको सुइँको प्रधानमन्त्रीसम्म आइपुगेपछि हतारहतार सरकारले विप्लवको पार्टीमाथि प्रतिबन्ध लगाएको हो । पछिल्लो केही सातायता विप्लवको पार्टीले अराजक गतिविधिलाई तीब्र पारेको थियो । यही क्रममा प्रधानमन्त्री विप्लवको पार्टीप्रति आक्रामक रुपमा प्रस्तुत हुँदै आएका थिए । यही क्रममा प्रधानमन्त्रीसम्म गम्भीर सुचना आइपुगेपछि मंगलबार क्याबिनेटले सो समूहमाथि प्रतिबन्ध लगाउने निर्णय गरेको हो । प्रधानमन्त्री ओलीले आफ्नै सुरक्षामाथि गम्भीर खतराको संकेत गरेलगत्तै गृहमन्त्री बादलको प्रस्तावमा विप्लवमाथि प्रतिबन्ध लगाउने निर्णय क्याबिनेटले गरेको बताइएको छ ।
More

थप १० देश युरोपियन युनियनको कालोसूचीमा

ब्रसेल्स– युरोपियन युनियनले करको कारण कालोसूची रहेको देशको सङ्ख्यामा वृद्धि गरेको छ । संयुक्त अरब इमिरेट्स, बरमुडालगायतका दश देशलाई कालोसूचीमा राखेको बताइएको छ । युरोपियन युनियनका शक्तिशाली देश इटालीको विरोधको बाबजुत पनि यी देशहरूलाई कालोसूचीमा राखिएको हो । अब युरोपियन युनियनको कालोसूचीमा रहने देशको सङ्ख्या १५ पुगेको छ । सन् २०१७ बाट युरोपियन युनियनले कालो सूचीमा राख्ने प्रक्रिया शुरु गरेको थियो । पनामा पेपरस र लक्सलिक्स जस्ता भष्ट्राचारी काण्डलाई सन् २०१७ मा समेटिएको थियो । युरोपियन युपियनले अन्य सात राष्ट्रलाई भने खैरो सूचीमा राखेको जनाएको छ । अरुबा, बेलिज, बरमुडा फिजी, ओमन, भानुआतु र डोमिनिका खैरो सूचीमा परेका हुन् ।
More

भीड हुने कार्यालयमा अख्तियारका कर्मचारी

काठमाडौँ– सेवाग्राहीको बढी भीडभाड हुने स्थानमा अख्तियार दुरुपयोग अनुसन्धान आयोगले सेवाग्राहीकैरुपमा आफ्ना अनुसन्धान अधिकृत परिचालन गर्नेक्रम शुरु गरेको छ । आयोगले आयोजना गरेको तीन दिने पत्रकारिता तालीमको आज समापन गर्दै प्रमुख आयुक्त नविनकुमार घिमिरेले भने, “हरेक दुई दिनमा सेवाग्राहीकैरुपमा आयोगका कर्मचारी सेवाग्राही बढी हुने सरकारी कार्यालयमा परिचालित भएका छन् ।” विशेष गरी यातायात व्यवस्था विभाग, नापी, मालपोत कार्यालय, नेपाल विद्युत् प्राधिकरण, त्रिभुवन विश्वविद्यालय परीक्षा नियन्त्रण कार्यालय, विभिन्न सरकारी अस्पतालमा आयोगका अनुसन्धान अधिकृतलगायतका कर्मचारी परिचालित भएका छन् । सेवाग्राहीको चाप बढिरहेका कार्यालयमा विचौलिया र कर्मचारीको मिलेमतोमा भ्रष्टाचार र अनियमितता हुने गरेको भन्ने जानकारी अत्यधिकमात्रामा आएपछि आयोगले सेवा सुधार गर्दै कर्मचारीलाई सदाचारी
More

युवाकवि नवराज पराजुली फेरी पनि लण्डनमा

लण्डन । लोकप्रिय युवाकवि नवराज पराजुली आफ्नो कविताको जादु छर्न फेरि एकपटक लण्डन आइपुगेका छन् । गतवर्ष लण्डन कविता कन्सर्ट १ भव्य रुपमा सम्पन्न भएको ठीक एक वर्षपछि पराजुली लण्डन कविता कन्सर्ट २ को लागि वेलायत आएका हुन् । उनी आइतबार लण्डनको ह्यारोस्थित ह्यारो फुटबल क्लबमा आयोजना हुने सो कन्सर्टमा सहभागि हुन् मंगलवार लण्डनस्थित हित्रो विमानस्थलमा उत्रिएका हुन् । कवि पराजुली लण्डन आइपुग्दा गैरआवासीय नेपाली संघका नेता कृष्ण तिमल्सिना, केन्द्रीय सदस्य रामशरण सिमखडा, पत्रकारद्धय नरेन्द्र बस्नेत, जगन कार्कीले स्वागत गरेका थिए । क्षेत्री समाज यूकेको आयोजनामा हुन लागेको यो कविता कन्सर्टबाट संकलन हुने कोषबाट भुकम्प अतिप्रभावित सिन्धुपाल्चोकको टेकनापुरस्थित कालिका माविमा
More

विप्लवविरुद्ध कडा निर्णय गर्दै अष्ट्रिया उडे गृहमन्त्री बादल

काठमाडौं– विप्लव नेतृत्वको नेकपालाई प्रतिवन्ध गराउने निर्णय गराएर गृहमन्त्री रामबहादुर थापा अष्ट्रिया प्रस्थान गरेका छन् । मंगलबार मन्त्रिपरिषद्को बैठकले विप्लव नेतृत्वको नेकपा आपराधिक क्रियाकलापमा संलग्न रहेको ठहरसहित प्रतिवन्ध गराउने निर्णय गरेको थियो । सो बैठक सकिएलगत्तै उनी अष्ट्रियामा तय भएको एक सुरक्षासम्बन्धी कार्यक्रमका लागि नेपालको प्रतिनिधित्व गर्दै त्यसतर्फ प्रस्थान गरेका हुन् ।
More

कांग्रेसमा नयाँ बहसः १४ औं महाधिवेशनमा ‘सुपर डेलिगेट्स’

‘सुपर डेलिगेट्स (Superdelegates)’ को आवश्यकता किन ? कल्याण गुरुङ । केही समयअघि सकिएको नेपाली कांग्रेसको महासमितिको बैठकमा नेपाली कांग्रेसका केन्द्रीय कार्य समितिका पदाधिकारिहरु एवं सदस्यहरु वडा तहबाट नै क्षेत्रिय अधिवेशन प्रतिनिधि निर्वाचन वा सर्वसम्मतिको माध्यमबाट चयन भएर आउनु पर्दछ भन्ने माग उठ्यो । त्यस्तै समानुपातिक तर्फबाट एक पटक मात्र सांसद बन्न सक्ने व्यवस्था हुनु पर्दछ र समाबेशी कोटा ( भौगोलिक समावेशी, सामुदायिक समावेशी, लैङ्गिक समावेशी, धर्ममा आधारित समावेशी लगायतका समावेशी समूह) तर्फबाट केन्द्रीय कार्य समितिमा ‘एक व्यक्ति एक पद एक पटक’को लागि मात्र (निर्वाचित वा मनोनित पदहरुमा) हुने व्यवस्था विधानमा नै हुनु पर्दछ भन्ने बिषयहरुमा अधिकांश जिल्ला सभापतिहरु र महासमिति सदस्यहरुले
More

बेलायतमा ७३७ म्याक्स जहाज माथि प्रतिवन्ध

लण्डन । वेलायतले बोइङ ७३७ म्याक्स विमान माथि उडान प्रतिबन्ध लगाएको छ । वेलायतस्थित नागरिक उड्य प्राधिकरणले मंगलवार एक विज्ञप्ति जारी गर्दै सो विमानलाई वेलायतको आकासमा उडान तथा अवतरणमा प्रतिवन्ध लगाएको हो । इथियोपियाको राजधानी अदिस अबाबाबाट केन्याको नैरोवीका लागि उडेको बोइङ ७३७ म्याक्स ८ जहाजमा उडेलगत्तै समस्या देखिएको थियो। यसअघि चीनले समेत सो विमान माथि प्रतिवन्धको घोषणा गरेको थियो । बोइङको ७३७ सिरिजमा म्याक्स पछिल्लो मोडल हो। यसअघिका मोडलभन्दा यो मोडलको जहाज इन्धन खपतमा किफायती छ। बोइङका ७३७ सिरिजका यसअघिका जहाजहरू सबैभन्दा सुरक्षितमध्ये मानिन्छन्। म्याक्सको ७, ८, ९ र १० मोडलका जहाजले १३८ देखि २०४ जनासम्म यात्रु बोक्न सक्छन्।
More

धुलोबाट चन्द्रागिरीका स्थानिय आजित

काठमाडौं । दैनिक उड्न धुलो र धुँवाले आजित चन्द्रागिरिका स्थानियहरु सडकमा उत्रिएका छन् । कलंकी नागढुंगा सडक खण्ड लामो समयदेखि निर्माण भइ नसक्दा स्थानीयको स्वास्थ्यमा प्रतिकूल असर गरेको भन्दै चन्द्रागिरिका स्थानीयहरुले आज सडक नै अवरुद्ध पार्दै विरोध प्रर्दशन गरे । चन्द्रगिरि स्थित कंलकी नागढुंगा सडक खण्ड अन्र्तगत विधुत प्राधिकरण गेट नजिक स्थानीयवासीको अवरोधका कारण कलंकी नागढुंगा सडक अवरुद्ध भएको हो । लामो समयसम्म सडक निर्माण कार्य सम्पन्न नहुँदा धूलो, धुवाँ र हिलोको मारमा परेका स्थानीयले करिब दुई घण्टा सडक अवरुद्ध गरेका हुन्् । सडक बनाउने ठेकेदारको लापरवाही र सडकमा पानी समेत नहालेको भन्दै स्थानियहरुले सडकमा ड्रम,वोतल र ढुङगा राखेरै सडक
More

सरकारद्धारा विप्लव समूहलाई आतंककारी घोषणा

काठमाडौं । सरकारले नेकपा विप्लव समूह आपराधिक संगठन भएको ठहर गर्दै प्रतिबन्ध लगाएको छ । मंगलबार साँझ बसेको मन्त्रिपरिषद्को बैठकले विप्लव समूह भनी चिनिने नेकपा नामको समूहलाई प्रतिबन्ध लगाउदैं आतंकारी घोषणा गरेको हो । विप्लव समूहले आपराधिक कृयाकलाप गरेको, विकासका पूर्वाधारमाथि बम विस्फोट गराउने र व्यक्तिको शान्ति सुरक्षामथि आक्रमण गर्दै आएको थियो । मन्त्रिपरिषद् बैठकले विप्लव समूहका नामबाट अब कुनै पनि गतिविधि गर्ने नदिने गरी प्रतिबन्ध लगाएको छ ।
More

हिंसा र बिस्फोटबाट आतंक मच्चाएर लुटपाट गर्नेहरुसँग वार्ता हुदैन : प्रम ओली

काठमाडौ – प्रधानमन्त्री केपी शर्मा ओलीले ंिहसा र बिस्फोटबाट आतंक मच्चाएर लुटपाट गर्ने समुहसँग सरकारले वार्ता नगर्ने बताउनुभएको छ । नेपाल बैदेशिक रोजगार व्यावसायी संघको टोलीसँगको भेटघाटमा प्रधानमन्त्री ओलीले सो कुरा बताउनुभएको हो । फागुन २४ गते संघका अध्यक्ष रोहन गुरुङको घरमा बम हानेको बिषयमा प्रधानमन्त्रीको ध्यानआकर्षण गर्न आएको टोलीसँग आज बालुवाटारमा कुरा गर्दै प्रधानमन्त्री ओलीले बम पड्काउने र पैसा असुल्नेहरुसँग वार्ता गर्नुको औचित्य नभएको स्पष्ट पार्नुभएको छ । “कतिपयले वार्ता गर्नुप¥यो भन्छन् तर के का लागि वार्ता गर्ने ? उनीहरुले गरेका क्रियाकलाप राजनीतिक हुन् ? बम पड्काउने,आतंकित पार्ने ,पैसा असुल्ने कुरा राजनीतिक हुन सक्दैनन्” प्रधानमन्त्री ओलीले भन्नुभयो “जहाँ जहाँ
More