Daily Archives 25th March 2019

इन्स्टाग्राममा हट फोटोले तताउने को हुन् यी सुन्दरी ?

मोडलिङमा सक्रिय हुन थालेको दुई वर्षमै प्रोफेसनल मोडलका रूपमा आफूलाई स्थापित गर्न सफल पोखराकी मुना गौचन काठमाडौंमा हुर्किएकी हुन् । सानैदेखि मोडल बन्ने सपना सँगालेकी मुनाले एसएलसी प्रिन्सेसमा भाग लिएर वेस्ट वाकको उपाधि हात पारेकी थिइन् । ३ सय जना प्रतिस्पर्धीमध्येबाट शीर्ष ८ मा छानिएर हाउस अफ फेसनमा सहभागी हुन पाएको क्षणलाई जीवनकै अविस्मरणीय क्षण मान्ने मुना दुई दर्जनभन्दा बढी र्‍याम्पमा हिँडिसकेकी छिन् ।
More

विप्लव सरकारविरुद्ध आक्रामक, नेपाल बन्दको घोषणा

सरकारको प्रतिबन्धमा परेको नेकपाका महासचिव नेत्रविक्रम चन्द विप्लवले सरकारले आगामी चैतभित्र प्रतिबन्ध नहटाएमा सरकारका कार्यक्रमविरुद्ध नै प्रतिबन्ध लगाउने चेतावनी दिएको छ । विप्लवले सोमबार एक विज्ञप्ति जारी गर्दै चैतभित्र प्रतिबन्ध नहटाए र शान्तिपूर्ण कार्यक्रम गर्न नदिए केपी ओली सरकारका सबै कार्यक्रमविरुद्ध प्रतिबन्ध लगाउने चेतावनी दिएको हो । विज्ञप्तिमा ओली नेतृत्वको सरकार दिनप्रतिदिन नेपाली श्रमिक जनतामाझ अलोकप्रिय, असफल र संकटग्रस्त बन्दै गएको दाबी गरिएको छ । विप्लवले हेमन्त प्रकाश ओलीसहितका आफ्ना पक्राउ परेका नेता कार्यकर्ताको रिहाइको माग गर्दै स्थायी समितिको निर्णयअनुसार चैत १६ गते नेपाल बन्दको आह्वान गरिएको पनि विज्ञप्तिमार्फत जानकारी दिएका छन् ।
More

सिलिण्डर पड्किएर चारको मृत्यु

काठमाडौँ-सिन्धुपाल्चोकको भोटेकोशी गाउँपालिका–४ स्थित शिवश्री जलविद्युत् आयोजना नजिकैको खाजाघरमा ग्यास सिलिण्डर पड्किँदा आज चार मजदुरको मृत्यु भएको छ । खाजा बनाउँदै गर्दा एक्कासि सिलिण्डर पड्किँदा उनीहरुको मृत्यु भएको जिल्ला प्रहरी कार्यालयले जनाएको छ । मृतकको नाम खुल्न सकेको छैन । अहिले इलाका प्रहरी कार्यालय बाह्रबिसेबाट प्रहरी निरीक्षक यादव थापा क्षत्रीको नेतृत्वमा प्रहरी टोली घटनास्थलतर्फ गएको छ । आयोजनाका निवर्तमान पदाधिकारी उमेश कसजुले भने सिलिण्डर पडकिँदा मानवीय क्षति भएको खबर प्राप्त भएको जानकारी दिए ।
More

लण्डनमा देउडा खेलियो

‘सुदूरपश्चिम नेपाली परिवार युके’को गठन लण्डन – सुदुूपश्चिम प्रदेशका विभिन्न जिल्लाबाट वेलायत आएका नेपाली समुदायको भेलाले ‘सुदूरपश्चिम नेपाली परिवार युके’को गठन गरेको छ । वेस्टलण्डनमा शनिवारसम्पन्न साधारण भेलाले सुरेन्द्र ढुंगानाको अध्यक्षतामा नयाँ कार्यसमितिको गठन गरेको छ । कार्यसमितिको उपाध्यक्षमा खेमराज जोशी र शैली चन्द, महासचिव गणेश अधिकारी, उपमहासचिवमा योगेस महत र कोषाध्यक्षमा सृष्टि चन्द चयन भएका छन् । यस्तै सदस्यहरुमा नरेश जोशी, कल्पना जोशी ,आयुस चन्द ,बिज़य राजभण्डारी, जगदीश भट्ट, दिनेश पाल, तेज़ विक्रम शाही रहेका छन्। १५ सदस्यीय कार्यसमितिको सल्लाहकारमा डा श्याम चन्द, वासुदेव जोशी, भान बहादुर चन्द, कोमल मल्ल ,राजेन्द्र जोशी ,पुष्पा शाही मल्ल र सिपी गिरी चुनिएका
More

एनआरएनए युरोप क्षेत्रको बैठक सम्पन्न, १२ औँ युरोपेली भेला अगस्ट ३ र ४ मा रोममा हुने

एनआरएनए आइसीसी अन्तर्गत युरोप क्षेत्रको क्षेत्रीय साइबर बैठक सम्पन्न भएको छ । २४ मार्च २०१९ मा क्षेत्रीय सयोजक शिव बरुवाल को अध्यक्षतामा सम्पन्न बैठकले १२ औँ युरोपेली भेला अगस्ट ३ र ४ मा इटालीको रोममा गर्ने निर्णय सर्वसम्मतिले पारित गरेको छ । बैठकमा संस्थाले विगतमा गरेका गतिविधिको समिक्षा गर्दै आगामी कार्ययोजनाको बारेमा समेत छलफल गरिएको थियो । बैठकमा यूरोपेली क्षेत्रमा रहेका गैरआवासीय नेपालीहरुलाई संघको सदस्यता वितरण त्यसको व्यवस्थापन तथा नवीकरण लगायतका विषयमा सचेत गराउने र हाल भइरहेको पहललाई समेत थप सार्थक बनाउने गरी अघि बढ्ने निर्णय गरिएको छ । साथै यूरोप क्षेत्रमा नेपाल महोत्सवको आयोजना गर्ने र नेपाल भ्रमण वर्ष
More

बेलायत सरकारबिरुद्ध गेसो आन्दोलनमा (विज्ञप्ती सहित)

लण्डन । गोरखा भूतपूर्व सैनिक संघ(गेसो) ले बेलायत सरकारले घोषणा गरेको ‘नयाँ गोर्खा प्याकेज’को बिरोध गर्दै बेलायत सरकारबिरुद्ध आन्दोलनको घोषणा गरेको छ । बेलायत सरकारले पूर्व सहमति र पूर्वप्रतिबद्धता विपरित कपटपूर्ण तरिकाले एकतर्फी ‘प्याकेज’ घोषणा गरेको भन्दै गेसोले आन्दोलनको कार्यक्रम घोषणा गरेको हो । आन्दोलनका कार्यक्रम सार्वजनिक गर्न गेसोले आयोजना गरेको पत्रकार सम्मेलनमा गेसो पदाधिकारीसहित अतिथीहरु गेसोले सोमबार राजधानीमा पत्रकार सम्मेलन गरेर तीन महिने आन्दोलनको कार्यक्रम घोषणा गरेको हो । पत्रकार सम्मेलनमा गेसोका सभापति कृष्णकुमार राईले बेलायत सरकारले पूर्वप्रतिबद्धता विपरित गरेको घोषणाले आफूहरु आश्चर्यचकित र दु:खी भएको बताए । उनले भने, ‘यो घोषणालाई गेसोले गोरखाहरुमाथिको अर्को कपटपूर्ण ब्रिटिस चालबाजी र
More

सेना परिचालन सम्बन्धी विधेयक फिर्ता लिन काँग्रेसको माग

काठमाडौँ– प्रमुख प्रतिपक्ष दल नेपाली काँग्रेसले संघीय संसदमा पेश गरिएको ‘राष्ट्रिय सुरक्षा परिषदको काम, कर्तव्य र अधिकार सम्बन्धमा व्यवस्था गर्न बनेको विधेयक’ तत्काल फिर्ता लिन सरकारसँग माग गरेको छ । नेपाली काँग्रेस संसदीय दलको सोमबार सिंहदरबारमा बसेको बैठकले प्रधानमन्त्रीले सेना परिचालन गर्ने प्रावधानसहित ल्याइएको सो विधेयक संविधान प्रतिकूल हुने गरी आएको निष्कर्ष निकाल्दै तत्काल फिर्ता लिन सरकारसँग माग गरेको हो । संविधान प्रतिकूल हुनेगरी प्रधानमन्त्री आफैले सेना परिचालन गर्ने प्रावधानसहित आएको सो विधेयक तत्काल फिर्ता लिन सरकारसँग माग गरिएको पार्टीका प्रमुख सचेतक बालकृष्ण खाँडले जानकारी दिए । बैठकले संघीय संसदमा पेश गरिएको ‘सूचना प्रविधि सम्बन्धमा व्यवस्था गर्न बनेको विधेयक’ स्विकार्य
More

एनआरएनए स्कटल्याण्डको “हिल वाक” भब्य रुपमा सम्पन्न

स्कटल्याण्ड। एनआरएनए स्कटल्याण्ड राज्य समन्वय समितिले स्कटल्याण्डको प्रख्यात डुमएट हिल, स्टरलिङमा आइतबार आयोजना गरेको हिल वाक इभेन्ट भब्य रुपमा सम्पन्न भएको छ । करिब सय जना भन्दा बढी सहभागिता रहेको एनआरएनए स्कटल्याण्डको नौलो तरिकाको हिल वाक इभेन्टले एनआरएनएप्रति सचेतना जगाएको एनआरएनए स्कटल्याण्डका अध्यक्ष मोहन कार्कीले बताउनु भयो। “एनआरएनए स्कटल्याण्डको यो पहिलो पब्लिक कार्यक्रमले सहभागीहरुमाझ एनआरएनए प्रति सकरात्मक भावना जगाएको र यसले एनआरएनएको सदस्यता बिस्तार र संगठन बिस्तारमा सहयोग पुगेको छ ” अध्यक्ष कार्कीले बताउनु भयो। हिल वाक इभेन्टबाट सहायता कोषको लागि सहयोग संकलन भएको र सहयोग संकलन क्रम जारी नै रहेको अध्यक्ष कार्कीले बताउनु भयो।उक्त कोषबाट संकलित सहयोग आपतकालीन र
More

भलिबल खेल्ने क्रममा झगडा हुँदा युवकको मृत्यु

भमा झगडा हुँदा एक युवकको मृत्यु भएको छ । आइतबार दिउँसो भलिबल खेल्ने क्रममा झगडा हुँदा सिकिस्त घाइते भएका सुर्मा गाउँपालिका ५ का १८ बर्षिय आनन्द विकको आज मृत्यु भएको हो । जिल्ला प्रहरी कार्यालयका डियसपी प्रविण धितालले भलिबल खेल्ने क्रममा विवाद भइ झगडा हुँदा सिकिस्त घाइते भएका विकको जिल्लामा उपचार हुन नसकेपछि नेपालगन्ज तर्फ रेफर गरिएको र सोमबार बिहान अत्तरिया नपुग्दै बिच बाटोमा नै मृत्यु भएको जनाएका छन । झगडा गर्ने स्थानिय युवाहरु भने फरार रहेका र उनको खोजी कार्य जारी रहेको उनको भनाइ छ ।
More

आजको मुद्रा विनिमय दर: १ पाउण्डको १४६ रुपैयाँ

काठमाडौं– नेपाल राष्ट्र बैंकले आजका लागि तोकेको विदेशी मुद्राको विनिमय दर अनुसार युके पाउण्ड स्ट्रलिङ एकको खरिददर १ सय ४५ रुपैयाँ ४२ पैसाँ र बिक्री दर १४६ रुपैयाँ २१ पैसाँ रहेको छ । यस्तै अमेरिकी डलर एकको खरिददर एक सय १० रुपैयाँ ०३ पैसा र विक्रिदर एक सय १० रुपैयाँ ६३ पैसा छ । युरो एकको खरिददर १ सय २४ रुपैयाँ ४९ पैसाँ र बिक्रीदर १ सय २५ रुपैयाँ १७ पैसाँ रहेको छ । नेपाल राष्ट्र बैंकले तोकेको दरमा विदेशस्थित हुण्डी तथा मनि ट्रान्सफर कम्पनी तोकेको दर तलमाथि तोक्न सक्नेछन् ।
More

प्रहरीमा काज सरुवाको विगबिगी

काठमाडौं– प्रहरी प्रधान कार्यालयले एसपी रवीन्द्र केसीलाई काज सरुवा गरेको छ । सम्पत्ति सुद्धीकरण अनुसन्धान विभागमा कार्यरत एसपी केसीलाई ट्राफिक निर्देशनालयमा काज सरुवा गरिएको छ । यस्तै विभागमा एसपी प्रकाश रानाभाटलाई पठाइएको छ । यस्तै तीन जना डिएसपीको पनि काज सरुवा गरेर केन्द्रीय अनुसन्धान ब्यूरोमा पठाइएको छ । अपराध महाशाखामा कार्यरत डीएसपी खुमलाल भुषाल, अर्जुन केसी र प्रहरी प्रधान कार्यालयमा कार्यरत महेन्द्र खड्कालाई ब्यूराेमा सरुवा गरिएको हो ।
More

नेपाल र जापानबीच कोरियन मोडलमा श्रमसम्बन्धी समझदारी

जापानमा नेपाली श्रमिक आपूर्ति गर्ने विषयमा सोमबार सरकार र जापानी पक्षीबीच समझदारी (एमओसी)मा हस्ताक्षर भएको छ। ललितपुरमा सोमबार आयोजित विशेष कार्यक्रमका बीच नेपाल र जापानबीच हस्ताक्षर भएको हो । नेपालका तर्फबाट श्रम, रोजगार तथा सामाजिक सुरक्षा मन्त्रालयका निमित्त सचिव रामप्रसाद घिमिरे र जापानको परराष्ट्र मन्त्रालयका अधिकारीबीच श्रमिक आपूर्ति गर्ने विषयसम्बन्धी सहकार्यको समझदारीमा हस्ताक्षर गरियो । सो क्रममा श्रममन्त्री गोकर्णविष्ट समेतको सहभागिता रहेको थियो । जापानले कृषि, मत्स्यपालन, औद्योगिक क्षेत्र, होटल, रेस्टुरेन्ट पर्यटन व्यवसायमा नेपाल, चीन, इडोनेसियालगायतका नौ देशका युवा श्रमिकलाई रोजगारीको अवसर दिने गरी यो कार्यक्रम जापानले शुरु गरेको हो ।
More

सलाई कोर्दा आगलागी, एकको मृत्यु

काठमाडौं– दाङको राप्ती गाउँपालिका–१ वगाह बस्ने हिमाल राना मगरको तिन बर्षिय छोरा अमित रानाले खेल्ने क्रममा सलाई कोर्दा आगलागी भएको छ । आगलागीका कारण उनकै एक महिने बहिनी संगिता रानाको मृत्यु भएको छ । संगिता सुतिरहेको ठाउँमा सलाई कोर्दा कपडा सल्केर आईतबार साँझ आगलागी भएपछी भएको थियो । आगोले जलेर घाईते भएकी बालिकाको लुम्बिनी प्रादेशिक अस्पताल बुटवलमा मृत्यु भएको जिल्ला प्रहरी कार्यालय दाङले जनाएको छ ।
More

दमनको नीतिबाट राजनीतिक आवाजको समाधान खोजिनु हुँदैनः नेता सिंह

काठमाडौं –नेपाली काँग्रेसका पूर्वमहामन्त्री प्रकाशमान सिंहले मुलुकिभत्रका असन्तुष्टिहरुलाई वार्ताबाटै सामाधन गर्नुपर्ने बताएका छन् । सोमबार प्रेस युनियन झापा जिल्लाले आयोजना गरेको अन्तरक्रियामा नेता सिंहले मुलुकभित्र उठेका राजनीतिक आवाजहरुको समाधान दमनबाट नभई वार्ता र छलफलबाटै गर्नुपर्नेमा जोड दिए । काँग्रेसले सुरु गरेको शान्ति प्रक्रियाका बाँकी काम पूरा गर्न सबै जिम्मेवार हुनुपर्ने उनले बताए । नेता सिंहले काँग्रेसलाई बलियो र सशक्त पार्टी बनाउन देशभरका नेता कार्यकर्ताहरुसँग राय सुझावका लागि आफु जिल्ला जिल्लामा निस्किएको बताए । बलियो र सशक्त काँग्रेसको संगठन निर्माण गरेर मात्र मुलुकमा देखिएका चुनौति सामना गर्न सकिने तर्फ जिम्मेवार बन्न पनि सिंहले नेता कार्यकर्ताहरुलाई आग्रह गरे ।
More

सुनको भाउ बढ्यो

काठमाडौं– नेपाली बजारमा सोमबार सुनको भाउ बढेको छ । साताको पहिलो दिन आइतबार तोलमा ६० हजार ४०० मा कारोबार भएको सुनको भाउ आइतबार बढेर ६० हजार ६०० मा कारोबार भएको हो । यस्तै तेजावी सुन तोलामा ६० हजार ३०० मा कारोबार भएको छ । यस्तै चाँदी आज ७४० मा काराबो रभइरहेको छ।
More

कोलोराडोमा नेपाल डे परेड अप्रिल १४ मा हुने

अमेरीका । नेपाली नयांबर्ष २०७६ को उपलक्ष्यमा कोलोराडो निवासी नेपालीहरुले “नेपाल डे परेड” को आयोजना गरी शुभकामना आदान प्रदानगर्ने भएका छन् । रकि माउन्टेण्ड फ्रेन्डस् अफ नेपालको आयोजना तथा हेल्पिङ ≈याण्डको सहयोगमा कोलोराडो स्थित बोल्डर नगरमा आगामी अप्रिल १४ तारिक आईतबार दिउसो १ बजेदेखी ३ बजे सम्म “नेपाल डे परेड” कार्यक्रम हुन लागेको हो । महाबाडिज्य दुत प्रेमराजा महतको प्रमुख आतिथ्यतामा हुन गईरहेको कार्यक्रममा स्थानीय संघ संस्थाका प्रतिनिधी, गन्यमान्य, बुद्धीजिवी, कलाकार, पत्रकार, व्यवसाही, सर्बसाधारण तथा नेपाल र नेपाली प्रति सद्भाव राख्ने सबैको उपस्थितीको लागी रकि माउन्टेण्ड फ्रेन्डस् अफ नेपालका महासचिव टिका पौडेलले हार्दिक अनुरोध गरेका छन् । भौगोलीक हिसावले नेपाल
More

त्रिभुवन अन्तराष्ट्रिय विमानस्थलमा एनआरएन डेस्क राख्न पहल

लन्डन । गैरआवासीय नेपाली संघका अधक्ष भवन भट्ट र गृहमन्त्री राम बहादुर थापा बीच भेटघाट भएको छ । सोमबार भएको भेटघाटमा त्रिभुवन अन्तराष्ट्रिय विमानस्थलमा गैरआवसीय नेपालीका लागि विशेष अध्यागमन डेस्क स्थापना गर्ने सम्बन्धमा छलफल भएको बताएको छ । भेटमा गृहमन्त्री थापाले एनआरएन डेस्क स्थापना गर्न आफु सकरात्मक रहेको बताएका थिए । यस अघि एनआरएनहरुले आफ्नो सुबिधाको लागि अध्यागमन डेस्क स्थापना गर्ने माग गर्दै आएका थिए ।
More

लेकसाइडमा नेपाली र विदेशीसहित ८० पक्राउ, गाँजा-चरेश बरामद

पोखराको लेकसाइडमा प्रहरीले छापा मार्दा करिब ८० जना नेपाली र विदेशी पक्राउ परेका छन् । वडा प्रहरी कार्यालय बैदामका प्रहरी प्रमुख डिएसपी कोमल शाहको कमाण्डमा गएको टोलीले नेपाली र विदेशी गरी ८० जनालाई पक्राउ गरेको हो । पोखरा ६ लेकसाइडको खहरेमा रहेको एक रेष्टुरेण्टमा टान्सपार्टी भएको छ भन्ने सुचनाका आधारमा प्रहरीले छापा मारेको थियो। द अफिस रेष्टुरेण्टबाट गाँजा, चरेस लगायतका लागूऔषध सहित उनीहरुलाई पक्राउ गरेको प्रहरीले जनाएको छ । उनीहरुलाई बैदाम चौकीमा राखिएको प्रहरीले जानकारी दिएको छ । उनीहरु सबै माथि छानविन गरी दोषीलाई कार्वाही गर्ने र निर्दोषलाई छाड्ने प्रहरीले बताएको छ । सेतोपाटी
More

स्काइभेटर दुर्घटनामा चालकको मृत्यु

संखुवासभा । जिल्लाको सभापोखरी गाउँपालिका ४ खेवरिङ बाह्रबिसे बजारमा बाटो खन्ने क्रममा स्काईभेटर दुर्घटना हुँदा चालक सिन्धुपाल्चोक जुगल गाउँपालिका १ बस्ने २१ वर्षीय पतरुस श्रेष्ठको आइतबार बिहान मृत्यु भएको छ। स्काइभेटरले बाटो खन्ने क्रममा माथिबाट अचानक ढुङगा झरेर स्काइभेटर करिब ३० मिटर तल खसेर दुर्घटना हुँदा श्रेष्ठको घटनास्थलमै मृत्यु भएको हो। दुर्घटनाका सम्बन्धमा प्रहरीले आवश्यक अनुसन्धान गरिरहेको छ। डिसी नेपाल
More

छुरा प्रहार गरी हत्या गर्ने पक्राउ

होली पर्वका दिन सुनसरीको धरान उपमहानरपालिका–९ बगँैचा लाइनमा निमास तामाङको हत्यामा संलग्न रहेको आरोपमा प्रहरीले चार जनालाई पक्राउ गरेर सार्वजनिक गरेको छ । जिल्ला प्रहरी कार्यालय सुनसरीले तामाङको छुरा प्रहार गरेर हत्या गर्ने चारलाई पक्राउ गरेर आइतबार सार्वजनिक गरेको हो । पक्राउ पर्नेमा धरान–९ का १८ वर्षीय सुशान्त लिम्बू, धरान ७ पानमाराका १८ वर्षीय मनिष लावती लिम्बू, १७ वर्षीय निश्चल विक र १८ वर्षीय शरण राई रहेको सुनसरीका प्रहरी नायब उपरीक्षक ज्ञानेन्द्रप्रसाद फुयालले जानकारी दिनुभयो । उनीहरुले व्यक्तिगत रिसिइबीका कारण तामाङको धारिलो हतियार छुरा प्रहार गरी हत्या गरेर फरार भएका थिए । पक्राउ गरेकालाई कर्तव्य ज्यान मुद्दा दर्ता गरेर अनुसन्धान
More