Daily Archives 23rd May 2019

चुनाव जितेपछि ओलीले गरे मोदीलाई फोन

काठमाडौैं –प्रधानमन्त्री केपी शर्मा ओलीले भारतका प्रधानमन्त्री नरेन्द्र मोदीलाई लोकसभा निर्वाचनमा बिजय हासिल गरेकोमा बधाइ तथा शुभकामना व्यक्त गरेका छन् । आज अपरान्ह साढे बजे प्रधानमन्त्री ओलीले प्रधानमन्त्री मोदीलाई टेलिफोन गरी प्रधानमन्त्रीका रुपमा आगामी कार्यकालको सफलताको शुभकामना पनि व्यक्त गरेका छन् । टेलिफोन संवादका क्रममा आगामी दिनमा दुई देशको सम्बन्ध अझ समुधुर हुंदै जाने विश्वास दुवै प्रधानमन्त्रीहरुले व्यक्त गरेका छन् ।
More

निधि कार्यवाहक सभापति चयन

काठमाडौं–नेपाली काङ्ग्रेसका सभापति शेरबहादुर देउवाले उपसभापति विमलेन्द्र निधिलाई पार्टीको कार्यवाहक सभापतिको जिम्मेवारी दिएका छन् । सभापति देउवा विदेश प्रस्थान गरेकाले निधिलाई कार्यवाहक सभापति तोकिएको मुख्यसचिव कृष्णप्रसाद पौडेलद्वारा जारी विज्ञप्तिमा उल्लेख छ । नेपाली काङ्ग्रेसको विधान, २०१७ (संशोधनसहित) को धारा २५ को उपधारा ९१३०को व्यवस्थाअनुसार निधिलाई कार्यवाहक सभापति तोकिएको हो । सभापति देउवा उपचारका लागि बुधबार सिङ्गापुर प्रस्थान गरेका छन् । उनी आगामी सोमबार स्वदेश फर्किनेछन् ।
More

लोकसभा निर्वाचनः अहिलेसम्म कसको कति सिट ? (update)

नयाँ दिल्ली–भारतीय लोक सभाको निर्वाचनको बिहीबार राती अबेरसम्मको निर्वाचन परिणाम अनुसार भारतीय जनता पार्टी (भाजपा) नेतृत्वको गठबन्धनलाई अत्यधिक बहुमत आउने देखिएको छ । पछिल्लो परिणाम अनुसार सत्ताधारी भाजपाले जम्मा १७९ स्थानमा विजय हासिल गरेको छ भने प्रमुख प्रतिपक्षी दल भारतीय कङ्ग्रेसले ३९ स्थानमा बिजय हासिल गरेको छ । भाजपाले अन्य १६९ स्थानमा अग्रता कायम राखेको छ भने कङ्ग्रेसको ४८ स्थानमा अग्रता रहेको छ । यस्तै बहुजन समाज पार्टी र समाजवादी पार्टीको गठबन्धनले ८ स्थानमा जित र ८ स्थानमै अग्रता बनाएको छ । इन्डिया त्रिनामुल कङ्ग्रेसले ८ स्थानमा विजयी बनेको छ भने १४ स्थानमा अग्रता कायम गरेको छ । एजेएसयू पार्टीले
More

पाँचथर सामूहिक हत्याको थप प्रमाण भेटियो

पाँचथर–प्रहरीले पाँचथरको मिक्लाजुङ गाँउपालिका–३ आरुबोटेमा सोमबार राति भएको सामूहिक हत्याको घटनाका थप प्रमाण फेला पारेको छ । उक्त घटनाका मुख्य अभियुक्त ठह¥याइएका सोही गाँउपालिका–७ लुमाङ्दिनका मानबहादुर माखिमको परिवार तथा सामूहिक हत्या गरिएका अवस्थाका आधारमा थप प्रमाण फेला परेका हुन् । जिल्ला प्रहरी कार्यालय पाँचथरका प्रहरी निरीक्षक अनिलकुमार पौडेलका अनुसार माखिमले विगत करीब दुई वर्षदेखि मानसिक रोगविरुद्धको औषधि सेवन गर्दै आएका थिए । प्रहरीले उनको घरबाट केही औषधि र औषधिका खोल फेला पारेको छ । उनी मानसिक रुपमा असन्तुलित भएकै कारण सामूहिक हत्या गरेको स्थानीयले समेत आशङ्का गर्दै आएका थिए । यस्तै घटना भएको बिहान ३ः०९ बजे माखिमले भतिजो पर्ने नेलकल
More

मागेजति दाइजो नपाउँदा हत्या

बाँकेमा मागे जति दाइजो नदिएको निहुँमा जानकी गाउँपालिका–३, इन्द्रपुरकी २१ वर्षीया नीरा कुर्मीको हत्या भएको बताइएको छ । गत वर्षको वैशाखमा डुडुवा गाउँपालिका–३, वनकट्टीका २२ वर्षीय राममनोहर कुर्मीसँग विवाह भएको नीराको माइती पक्षले हत्या भएको दाबी गरेको छ । नेपालगञ्जमा आज माइती पक्षले पत्रकार सम्मेलन गरी विवाहपछि राममनोहरले दाइजो नदिएको भन्दै पटकपटक कुटपिट गर्ने गरेको र दाइजो नपाएकै कारण हत्या भएको दाबी गरेको छ । नीराका बुबा राधेश्याम कुर्मीका अनुसार दाइजो नल्याएको भन्दै राममनोहर र उनका परिवारले पटकपटक कुटपिट गर्दै आएको नीराले माइतीमा बताउँदै आएकी थिइन् । मरणासन्न हुने गरी कुटपिट भएपछि गत माघ १ गते भेरी अस्पतालमा भर्नासमेत भएकी
More

वृद्धको घाँटी काटिएको अवस्थामा शव फेला

बारा–बाराको सिम्रौनगढ नगरपालिका–७ झवानी टोलमा घाँटी काटिएको अवस्थामा एक वृद्धको शव फेला परेको छ । इलाका प्रहरी कार्यालय सिम्रौनगढका प्रहरी निरीक्षक खगेन्द्र धमलाका अनुसार ६० वर्षीय परीक्षण महरा चमार आफ्नै घरमा मृतावस्थामा फेला परेका हुन् । शव परीक्षणका लागि कलैया अस्पताल लगिएको छ । घटनाबारे प्रहरीले अनुसन्धान गरिरहेको छ ।
More

सरिता हत्या प्रकरणमा ५ जना गए जेल

काभ्रे–मण्डन देउपुर नगरपालिका–६ सिपाघाटकी २५ वर्षीया सरिता दुलालको हत्यामा संलग्न भएको अभियोगमा जिल्ला अदालत धुलिखेलले पाँच जनालाई पुर्पक्षका लागि थुनामा राख्ने आदेश दिएको छ । जिल्ला न्यायाधीश दुर्गा खड्काको एकल इजलासले सरिताका श्रीमान् सुदीप, ससुरा पीताम्बर, सासू गङ्गा, जेठाजु केशव र जेठानी सङ्गीतालाई हत्यामा संलग्न भएको अभियोगमा पुर्पक्षका लागि कारागार पठाउने आदेश दिएको हो । जिल्ला सरकारी वकिलको कार्यालयले गत मङ्गलबार सरिताको हत्यामा संलग्न भएको आरोपमा पाँचै जनाविरुद्ध कर्तव्य ज्यान महलअन्तर्गतको अभियोजन अदालतमा दर्ता गरेको थियो । अदालतले प्रहरीको अनुसन्धान, आरोपितको बयान तथा सबुद–प्रमाणका आधारमा सरिताको हत्यामा पारिवारिक संलग्नता देखिएको जनाउँदै उनीहरुलाई पुर्पक्षका लागि थुनामा पठाउने आदेश दिएको हो ।
More

बाग्लुङका तत्कालीन प्रधानाध्यापक अख्तियारकाे फन्दामा

काठमाडौँ–अख्तियार दुरुपयोग अनुसन्धान आयोगले माँझखर्क प्राथमिक विद्यालय बाग्लुङका तत्कालीन प्रधानाध्यापक विजयबहादुर थापाले सट्टा शिक्षकको नाममा सरकारी स्रोतको दुरुपयोग गरेको अभियोगमा मुद्दा दायर गरेको छ । सो विद्यालयमा अध्यापन गराउने अस्थायी शिक्षिका चन्दा थापा विसं २०७२ चैतदेखि विद्यालयमा अनुपस्थित भई जापानमा रहेको भए पनि विसं २०७३ फागुनसम्मको तलबभत्ता माग गरी खाई मासी भ्रष्टाचार गरेको पाइएको छ । अस्थायी शिक्षिका थापा लामो समयसम्म विद्यालयमा नरहेको अवस्थामा बिदा स्वीकृत नगराएको, सोको जानकारी साविक जिल्ला शिक्षा कार्यालय, बाग्लुङलाई जानकारी नदिइ आकाश थापा र अस्मिता घर्तीलाई सट्टा शिक्षक नियुक्ति गरी रु दुई लाख ८१ हजार ३०१ बराबरको भ्रष्टाचार गरेको पाइएको आयोगले दाबी गरेको छ ।
More

शिक्षाका १५६ कर्मचारी फन्दामा

काठमाडौँ–राष्ट्रिय सतर्कता केन्द्रले शिक्षाका चार कार्यालयमा आज अनुगमन गर्दा १५६ कर्मचारी छड्केमा परेका छन् । केन्द्रको अनुगमन टोलीले पाठ्यक्रम विकास केन्द्र, शिक्षा तथा मानवस्रोत केन्द्र, प्राविधिक शिक्षा तथा व्यावसायिक तालीम परिषद् र राष्ट्रिय परीक्षा बोर्डको अनुगमन गर्दा ती कर्मचारीलाई कारवाहीका लागि सिफारिस गरिएको सतर्कता केन्द्रका प्रवक्ता विष्णुराज लामिछानेले जानकारी दिए । कार्यालयको समय पालना नगर्ने तथा पोशाक नलगाउने कर्मचारी कारवाहीमा परेका हुन् । कारवाहीका लागि सिफारिस गरिएकामध्ये ९८ ले समयको पालना नगरेको तथा ५८ ले पोशाक नलगाएको पाइएको छ । छड्केमा परेका कर्मचारीलाई प्रचलित नियमअनुसार सम्बन्धित कार्यालयलाई कारवाहीका लागि सिफारिस गरिएको लामिछानेले बताए । पाठ्यक्रम विकास केन्द्रमा समयको पालना नगर्ने
More

ओलीको जन्मस्थानका बासिन्दा बालुवाटारमा

काठमाडौँ–प्रधानमन्त्री केपी शर्मा ओलीको जन्मस्थान तेह्रथुमको आठराई गाउँपालिकाका प्रतिनिधिले गाउँपालिकास्थित चुहानडाँडामा विमानस्थल निर्माणको माग गरेका छन् । प्रधानमन्त्री निवास बालुवाटारमा आठराईमा नै बसोबास गरिरहेका तथा झापा र काठमाडौँमा बस्ने आठराईवासीले विमानस्थल निर्माणको माग गरेका हुन । प्रदेशसभा सदस्य तेजमान कङ्दङ्वालगायतको टोलीले त्यहाँ रहेको खानेपानीको समस्यासमेत प्रधानमन्त्री ओलीलाई अवगत गरायो । आठराईकै एक विद्यालयमा पूर्वप्रधानाध्यापक आरसी थपलियाले जतासुकै मोटरबाटो खनेपछि पानीको अभाव रहेको बताए । सो अवसरमा प्रधानमन्त्री ओलीले आठराईवासीलाई विमानस्थल निर्माणको योजना सरकारको नीति कार्यक्रममा आइसकेको बताउँदै सुकेपोखरी दोभान हुँदै तेल्लाबुङसम्मको सडकका लागि पनि रकमको व्यवस्था गरिएको जानकारी दिए । बाल्यकालमा आफूले देखेका बाटो, धारो, चौरलगायतको अवस्थाका बारेमा पनि उनले
More

भाजपाले पूरा गर्‍यो शतक, काँग्रेसका लज्जास्पद पराजय

काठमाडौं– भारतीय लोकसभा निर्वाचनमा सत्तारुढ दल भारतीय जनता पार्टीले शतक पूरा गरेको छ । यो समाचार तयार पर्दासम्म भाजपाले १०३ सिटमा विजयी हासिल गरेको छ भने काँग्रेसले मात्रै ३२ सिटमा जित दर्ता गरेको छ । मतगणना जारी रहँदा भाजपाले २४५ स्थानमा अग्रता लिँदा काँग्रेसको ५४ स्थानमा अग्रता रहेको छ । नतिजाअनुसार भाजपाले बहुमत ल्याउने देखिएको छ । कूल ५४३ सिटमा २७२ जित जिते बहुमत पुग्छ । यसैगरी समाजवादी पार्टी र बहुजन समाज पार्टीको गठबन्धनले जम्मा दुई सिट जितेको छ भने १५ स्थानमा अग्रता बनाएको छ । यसैगरी अन्य साना पार्टीले ६ सिट जितेका छन् ।
More

‘दुस्मनी’लाई चिर्दै इमरानले दिए मोदीलाई बधाई

काठमाडौं– पाकिस्तानी प्रधानमन्त्री इमरान खानले भारतीय प्रधानमन्त्री नरेन्द्र मोदीलाई बधाई दिएका छन् । भारत र पाकिस्तानबीच सम्बन्धमा चिसोपना कायमै रहिरहेको बेला खानले लोकसभा निर्वाचनमा मोदीको पार्टी भारतीय जनता पार्टीले उत्साहजनक नतिजा ल्याएपछि बधाई दिएका हुन् । उनले दक्षिण एसियाको शान्ति, स्थायित्व र विकासका लागि मिलेर काम गर्न चाहेको बताएका छन् । मोदीलाई बधाई दिँदै ट्वीटरमार्फट खानले भनेका छन्, ‘विजेपी गठबन्धनले निर्वाचनमा ऐतिहासिक जित दर्ता गराएकोमा प्रधानमन्त्री मोदीलाई बधाई । उनीसँग दक्षिण एसियाको शान्ति, स्थायित्व र विकासमा सहकार्य हुने विश्वास छ ।’
More

क्षेत्री समाज यूकेको वार्षिक भेटघाट कार्यक्रम ८ जुनमा

लण्डन । क्षेत्री समाज बेलायतको वार्षिक भेला हुने भएको छ । समाजका संचार संयोजक नरेन्द्र बस्नेतका अनुसार यसवर्षको भेला लण्डनको फेल्थमस्थित इस्प्रिंगवेष्ट एकेडमी कलेजमा आउदो जुन ८ तारिखका दिन हुन लागेको हो । कार्यक्रमलाई सफल पार्न उपाध्यक्ष प्रतिमा केसीले संयोजकत्वमा एक समिति गठन गरिएको छ । उक्त कार्यक्रममा यस वर्ष शैक्षिक तथा सामाजिक क्षेत्रमा महत्वपूर्ण सफलता हासिल गर्ने समाजका सदस्यहरु तथा उनीहरुका छोराछोरीहरुलाई विशेष सम्मान गरिने समाजले जनाएको छ । यस्तै सिन्धुपाल्चोकमा विद्युतीय पुस्तकालय निर्माणको लागी हालै सम्पन्न कविता कन्सर्ट तथा च्यारिटी कार्यक्रममा आफ्ना सृजना प्रस्तुत गर्ने सर्जकहरु रमेश कायस्थ, नृपेश उप्रेती, फडिन्द्र भट्टराई र रेखा खरेललाइ सम्मान गरिने कुरा
More

टिपरको ठक्करबाट एक जनाको मृत्यु

उर्लाबारी । मोरङको सुन्दरहरैँचा नगरपालिका–१० स्थित खोर्साने–केराबारी भित्री सडकखण्डमा टिपरको ठक्करबाट आज दिउँसो एक जनाको मृत्यु भएको छ । बिहान उत्तरबाट दक्षिणतर्फ आउँदै गरेको को१ख ४३५५ नंको टिपरले विपरीत दिशाबाट जाँदै गरेको को५प ५५०० नंको मोटरसाइकललाई ठक्कर दिँदा चालक केराबारी गाउँपालिका–९ का ४८ वर्षीय बमबहादुर बस्नेतको मृत्यु भएको हो । टिपरको ठक्करबाट गम्भीर घाइते भएका बस्नेतको विपी कोइराला स्वास्थ्य विज्ञान प्रतिष्ठान धरानमा उपचारका क्रममा मृत्यु भएको जिल्ला प्रहरी कार्यालय मोरङका प्रहरी नायब उपरीक्षक एवं प्रवक्ता घनश्याम श्रेष्ठले जानकारी दिए । उनका अनुसार टिपर र त्यसका चालक धनुषाका ३१ वर्षीय राजकुमार मगरलाई नियन्त्रणमा लिएर घटनाको अनुसन्धान शुरु गरिएको छ । डिसी
More

आशा गरिएका कन्हैया कुमार पराजित

बिहारमा निकै चर्चामा रहेका सिपीआईका उम्मेदवार कन्हैया कुमार बिजेपी उम्मेदवार गिरिराजसिंहसँग पराजित भएका छन् । त्यस्तै, बिहारका बिजेपी अध्यक्ष नित्यानन्द राइले आरएलएसपीका अध्यक्ष उपेन्द्र कुशुवाहलाई उजियारपुरमा पराजित गरेका छन् । त्यस्तै, विजेपीका छेदी पसवानले कँग्रेसका उम्मेदवार तथा पूर्व लोकसभाका सभामुख मिरा कुमारलाई ससारममा पराजित गरेका छन् । उता, जनता दल युनाइटेडले सीतामरीको सिट जितेको छ भने एलजेपीका चिराग पासवानले पुनः जामुईमा जीत हासिल गरेका छन् । भारतीय जनता पार्टी (भाजपा) नेतृत्वको एनडीएले मध्यप्रदेश, उत्तर प्रदेश, बिहार, राजस्थान, छत्तिसगढ र झारखण्डमा ठूलो अग्रता बनाइरहेको छ । एक्जिट पोलले अनुमान गरेको नतिजाजस्तै यस क्षेत्रमा भाजपाले आफ्नो पकड बनाएको छ ।
More

भूपू गोर्खाद्धारा ग्वार्कोको आकासे पुलबाट हाम्फालेर आत्महत्या

लण्डन । एक भूपू ब्रिटिस सैनिकले आत्महत्या गरेका छन् । बिहीवार बिहान ललितपुरको ग्वार्कोस्थित आकासे पुलबाट हाम्फालेका कीर्तिमान राईको मृत्यु भएको हो। आकासे पुलबाट आज बिहान करिब ६ बजेर १० मिनेटमा राईले हाम्फालेपछि स्थानीयले प्रहरीलाई खबर गरेका थिए। ‘ ताप्लेजुङको हाङपाङ २ घर भएका ६० वर्षीय राईको उपचारका क्रममा बी एण्ड बी अस्पतालमा मृत्यु भएको हो। मृतक राई पूर्व ब्रिटिस आर्मी हुन्। उनी कोटेश्वरमा श्रीमतीसँगै बस्दै आएको खुलेको छ। राईका छोराछोरी भने बेलायतमा नै बस्दै आएका छन्।
More

प्रचण्डले दिए मोदीलाई बधाई

काठमाडौं– पूर्वप्रधानमन्त्री तथा नेकपा अध्यक्ष प्रचण्डले भारतका प्रधानमन्त्री नरेन्द्र मोदी र उनको पार्टी भारतीय जनता पार्टीलाई बधाई दिएका छन् । लोकसभा निर्वाचन–२०१९ मा भारी मतका साथ विजयी भएको भन्दै प्रचण्डले बधाई तथा शुभकामना दिएका हुन् ।
More

श्रोत नखुलेको ३१ लाख नेपाली नगद सहित पक्राउ

काठमाडौं(श्रोत नखुलेको ३१ लाख नेपाली नगद सहित काठमाडौं महानगरपालिका(३१ बाट २ जनालाई प्रहरीले पक्राउ गरेको छ । पक्राउ पर्नेहरुमा भक्तपुर जगाती बस्ने ५० वर्षीय राजभाई सञ्जु र झापा चारपाने घर भई हाल काठमाडौं सिनामंगल बस्ने ३३ वर्षीय अभिषेक सादा रहेका छन् । महानगरीय प्रहरी वृत्त बानेश्वरबाट खटिएको प्रहरीले बा।१४ च ८९५९ नम्बरको गाडी जाँच गर्ने क्रममा गाडीमा सवार उनीहरुलाई उक्त नगद सहित फेला पारी पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको जनाइएको छ ।
More

पूर्ण चुनावी नतिजा नआउँदै ओलीले दिए मोदीलाई बधाई

काठमाडौं– प्रधानमन्त्री केपी शर्मा ओलीले भारतीय समकक्षी नरेन्द्र मोदीलाई बधाई दिएका छन् । विधानसभा निर्वाचनको प्रारम्भिक मतगणनामा भारतीय जनता पार्टी (भाजपा)ले उत्साहजनक मतपरिणाम ल्याएपछि ओलीले मोदीलाई ट्वीटरमार्फत बधाई दिएका हुन् । ‘लोकसभा निर्वाचनमा उत्साहजनक नतिजा हासिल भएकोमा म प्रधानमन्त्री नरेन्द्र मोदीलाई लागि हार्दिक धन्यवाद दिन चाहन्छु’, ओलीले ट्वीटमा भनेका छन्, ‘आगामी दिनमा तपाईँसँग मिलेर कामगर्न तत्पर छु ।’ ताजा अवस्थामा भारतपाले ३४२ सिटमा अग्रता बनाएको छ भने कँग्रेस ८६ सिटमा अग्रता बनाउँदै निकै पछाडि छ ।
More

गाउँपालिकाको अनौठो निर्णय, कक्षा १ लाई तल्लो कक्षाको किताब ?

नुवाकोट– बालबालिकालाई ट्यालेन्ट बनाउने नाममा नुवाकोटको एक गाउँपालिकाले हचुवाको भरमा पाठ्यपुस्तक लागू गरेको पाइएको छ । स्थानीय तहलाई छुट्टै ऐन बनाएर स्थानीय पाठ्यक्रमसमेत लागू गर्ने कानुनी आधार भएपनि तारकेश्वर गाउँपालिकाले भने विद्यार्थीलाई ट्यालेन्ट बनाउने नाममा तल्लो कक्षाको पुस्तक पढाउन लागेको भेटिएको छ । गाउँपालिकाको शिक्षा समितिले शैक्षिक गुणस्तरमा सुधार गर्ने भन्दै सरकारी विद्यालयको कक्षा १ मा निजी विद्यालयको एलकेजीमा पढाई हुने पाठ्यसामग्री र पाठ्यपुस्तक प्रयोग गरेको पाइएको छ । गाउँपालिकाले अहिले बालविकास र कक्षा १ को लागि भनेर गाउँपालिकाभरि पुस्तक सप्लायर्समार्फत पुस्तक वितरणको काम तीब्र पारेको छ । शिक्षाको तहगत, कक्षागत र विषयगत उद्देश्यलाई ख्याल गरेर पाठ्यक्रम निर्धारण गरिनुपर्ने हुन्छ
More