Daily Archives 22nd August 2019

एनआरएनए कतारको चुनावमा १४ पदमा ६३ जनाको उम्मेदवारी

काठमाडौं । गैरआवासीय नेपाली संघ (एनआरएनए) राष्ट्रिय समन्वय परिषद्, कतारको नयाँ नेतृत्व (२०१९-०२१)का लागि शुक्रबार चुनाव हुने भएको छ । दोहास्थित नेपाली दूतावासको सभाहलमा हुने ८औं महाधिवेशनबट नयाँ कार्यसमिति चयन गरिने छ । निर्वाचन समितिका अनुसार बिभिन्न १४ पदका लागि हुने चुनावमा यसपटक ६३ जनाले प्रतिस्पर्धा गर्दै छन् ।
More

प्रधानमन्त्रीको स्वास्थ्यअवस्थाबारे निजी चिकित्सकको यस्तो खुलासा

काठमाडौं। प्रधानमन्त्री केपी शर्मा ओलीका निजि चिकित्सक डा. दिलिप शर्माले मिर्गौला सम्बन्धी एन्टीबडीको मात्रा केही बढी देखिएकाले थप उपचारका लागि सिंगापुर जानुपरेको स्पष्ट पारेका छन् । उनले आफूहरुकै सिफारिशमा प्रधानमन्त्री ओली सिंगापुर गएको बताए । बिहीबार रिपोर्टर्स क्लब नेपालले आयोजना गरेको विशेष साक्षात्कारमा बोल्दै डा. शर्माले प्रधानमन्त्री ओलीको स्वास्थ्य अवस्थाबारे बाहिर हल्ला भएजस्तो र टिकाटिप्पणी भएजस्तो यथार्थ नभएको जिकिर गरे । प्रधानमन्त्रीको एन्टीबडीलाई शरीरबाट निस्कासन गरी निराकरण गर्ने उपचार विधिलाई निरन्तरता दिन प्रधानमन्त्री सिंगापुर गएको उनको स्पष्टोक्ति थियो । उनकाअनुसार प्रधानमन्त्री ओलीको सिंगापुर बसाई ७ देखि १० दिनसम्म हुनेछ । प्रधानमन्त्री ओलीको साथमा उनको निजी चिकित्सक डा. दिव्या सिंह सँगै
More

अक्टोवरमा हुने एनआरएन विश्व सम्मेलनको मिति परिवर्तन, १५ देखी १७ तारिख सम्म हुने

लण्डन । गैरआवासीय नेपाली संघ (एनआरएनए) को अक्टोवरमा हुने विश्व सम्मेलन पछि धकेलिएको छ । यसअघि अक्टोवर १३ देखी १५ तारिख सम्म हुने तय भएको सो सम्मेलन १५ अक्टोवरबाट शुरु हुने गैरआवासीय नेपाली संघका उपाध्यक्ष कुमार पन्तले जनाए । गैर आवासीय नेपाली संघ अन्तरास्ट्रिय समन्वय परिषदको ९ औं बिश्व सम्मेलन अक्टोबर १५ देखि अक्टोबर १७ सम्म काठमाडौँको हायात होटलमा आयोजना गरिने भएको छ । नेपाल सरकार समेत सहआयोजकको रहेको सो सम्मेलन सार्न नेपाल सरकारले अनुरोध गरेको बुझिएको छ । यसअघि तय भएको मितिमा भारतीय राष्ट्रपतिको भ्रमण हुने भएका कारणले सरकारले गैरआवासीय नेपाली संघलाई मिति सार्न आग्रह गरेको थियो ।
More

करोडौँको राजस्व छलीमा १५ जना विरुद्ध मुद्दा

सरकारी कर्मचारीकै मिलेमतोमा राजस्व चुहावट तथा विदेशी विनिमय अपचलन गरी करोडौँ राजस्व छली भएको पाइएको छ । राजस्व अनुसन्धान विभागले विभिन्न कम्पनी खडा गरी केही व्यवसायीले सरकारी कर्मचारीको मिलेमतोमा ठूलो रकम राजस्व छली गरेको जनाएको छ । अनुसन्धानका क्रममा राजस्व छलीमा चार जना सरकारी कर्मचारी सङ्लग्न रहेको आरोपसहित १५ जनाविरुद्ध मुद्दा चलाइएको विभागका निर्देशक राजीव पोखरेलले जानकारी दिनुभयो । उनीहरुले भन्सार चोरी पैठारी गरी राजस्व चुहावट तथा विदेशी विनिमय अपचलन गरेको अभियोगमा रु ४७ करोड ८९ लाख बिगो मागदाबीसहित काठमाडौँ जिल्ला अदालतमा मुद्दा दायर गरिएको विभागले जनाएको छ । विभागले हिमालयन कार्गो तथा वनबोरी माता ट्रेडर्सका मुख्य कारोवारी विनोदकुमार गुप्तासहित,
More

विदेशमा लगानी लिनु भन्दा अघि सरकारको स्वीकृति आवश्यक

अर्थमन्त्री डा युवराज खतिवडाले विदेशमा लगानी गर्नु छ भने सरकारसँग स्वीकृति लिएर लगानी गर्न सकिने बताउनुभएको छ । प्रतिनिधिसभाको आजको बैठकमा मन्त्रीसँगको प्रश्नोत्तर कार्यक्रममा सांसद दिलेन्द्रप्रसाद बडूका तर्फबाट सांसद अतहर कमाल मुसलमानले नेपाली नागरिकबाट गैरकानूनी रुपमा स्विस बंैकमा जम्मा भएको देखिएको रु ५३ अर्बबारे के कारवाही हुँदैछ, कहिलेसम्म कारवाही पूरा हुन्छ भनी राख्नुभएको प्रश्नको जवाफ दिनुहुँदै उहाँले कसैको नाम मिलेकै आधारमा विदेशमा पैसा छ भन्न नसकिने बताउनुभयो । विदेशी बैंकमा रहेका खाताको खोजी भइरहेको बताउँदै मन्त्री खतिवडाले राजश्व सचिवको संयोजकत्वमा समिति गठन गरी प्रहरी पनि परिचालन गरिएको जानकारी दिनुभयो । नेपाल ट्रष्टले खोजी गर्दा तत्कालीन राजपरिवारका सदस्यको सानातिना रकम फेला
More

भारतीय विदेशमन्त्रीलाई भेट्न होटल पुगे बाबुराम– उपेन्द्र

काठमाडौं– भारतीय विदेशमन्त्री एस जयशंकरलाई भेट्न पूर्वप्रधानमन्त्री तथा समाजवादी पार्टीका संघीय परिषद् अध्यक्ष डा बाबुराम भट्टराई र उपप्रधानमन्त्री तथा सोही पार्टीका अध्यक्ष उपेन्द्र यादव होटलमा पुगेका छन् । कुटनीतिक मर्यादा उलङ्घन गर्दै दुबै नेता भारतीय विदेशमन्त्री एस जयशंकरलाई उनी बसेकै होटल द्वारिकाजमा भेट्न पुगेका हुन् । विगतमा पनि आफ्नो पदीय हैसियतको ख्यान नगरी नेपाली नेताहरु भारतीय नेतालाई भेट्न होटल पुग्ने गरेका थिए । भेटमा भट्टराई–यादव र जयशंकरबीच नेपाल भारतबीचको दुई पक्षीय हित, आपसी चासोलगायतका विषयमा छलफल भएको बताइएको छ । यस्तै भट्टराईले नेपालको विकासमा भारतको स्पष्ट मोडलको अपेक्षा आफूले राखेको बताएका थिए । नेपाल भारत दुई पक्षीय बैठकमा सहभागी हुन
More

विना इजाजत संस्था खोली बालबालिका राखेको अभियोगमा पक्राउ ?

काठमाडौं । विना इजाजत नमुना प्रगतिशिल महिला समाज नामक संस्था खोली बालबालिका राखेको अभियोगमा सोही संस्थाका काठमाडौं महानगरपालिका(१४ वाफल बस्ने ४६ वर्षीय सुजित रायमाझी लगायत ३ जनालाई बुधबार बिहान प्रहरीले पक्राउ गरेको छ । नागार्जुन नगरपालिका(४ वाफलस्थित उक्त संस्थामा विभिन्न जिल्लाबाट बालबालिकाहरु ल्याई राखेको भन्ने सूचनाको आधारमा बालवालिका खोजतलास केन्द्र भृकुटीमण्डप, राष्ट्रिय बाल अधिकार परिषद पुल्चोक र महानगरीय प्रहरी वृत्त स्वयम्भूबाट संयुक्त रुपमा खटिएको टोलीले ९ जना बालबालिकाहरु उद्धार गरेको थियो । उद्धार गरिएका बालबालिकाहरुलाई बाल हेल्पलाईन कलंकी राखिएको छ ।
More

निर्देशक किशोर राना मगरको निधन

नेपाली चलचित्रका वरिष्ठ निर्देशक किशोर राना मगरको ६४ वर्षको उमेरमा निधन भएको छ । उनको बुधबार दिउँसो ३ बजे जावलाखेलस्थित निदान अस्पताल उपचारको क्रममा निधन भएको भाइ रन्जित राना मगरले जनाए । लामो समयदेखि मधुमेह रोगबाट पीडित मगरको गतबर्ष मृगौला प्रत्यारोपण समेत गरिएको थियो । कर्जाबाट नेपाली फिल्म निर्देशनमा होमिएका मगरले राँको, करोडपति, सीमारेखा, एक नम्बरको पाखे, सन्तानको माया, कब हुई मिलन हमारा, मिस्टर मंगले, चक्र बन्धकी, घुम्टो, जस्ता हिट फिल्म दिएका थिए ।
More

पहिलोपटक प्रतिनिधिसभाका उपसभामुख, राष्ट्रिय सभाका उपाध्यक्ष र प्रदेशसभाका उपसभामुखहरुबीच भिडियो कन्फ्रेन्स

काठमाडौं– पहिलोपटक प्रतिनिधिसभाका उपसभामुख, राष्ट्रिय सभाका उपाध्यक्ष र प्रदेशसभाका उपसभामुखहरुबीच आज भिडियो कन्फ्रेन्स भएको छ । प्रतिनिधिसभाका उपसभामुख, राष्ट्रियसभाका उपाध्यक्ष र ७ वटै प्रदेशसभाका उपसभामुखहरुबीच अनुभव आदान प्रदान र समन्वय गर्ने उद्देश्यले भिडियो कन्फ्रेन्स आयोजना गरिएको हो । भिडियो कन्फ्रेन्समा प्रतिनिधिसभाका उपसभामुख डा. शिवमाया तुम्बाहाङ्फे, राष्ट्रिय सभाका उपाध्यक्ष शशिकला दाहालले सिंहदरवारस्थित आ–आफ्नै कार्यकक्षबाट सहभागी हुनुभएको थियो । प्रदेश नम्बर १ का उपसभामुख सरस्वती पोखरेल विराटनगरबाट, प्रदेश नम्बर २ का उपसभामुख उपमा देव जनकपुरबाट, प्रदेश नम्बर ३ का उपसभामुख राधिका तामाङ हेटौंडाबाट, गण्डकी प्रदेशका उपसभामुख सिर्जना शर्मा पोखराबाट, प्रदेश नम्बर ५ का उपसभामुख कृष्णी थारु बुटवलबाट, कर्णाली प्रदेशका उपसभामुख पुष्पा घर्ती
More

आयोगको अध्यक्ष चयनका लागि गृहकार्य

सत्य निरूपण तथा मेलमिलाप आयोगको अध्यक्ष चयनका लागि गृहकार्यमा जुटेका प्रमुख राजनीतिक दलका नेताहरु सहमति नजिक पुगेका छन् । प्रमुख राजनीतिक दलका शीर्ष नेताहरुबीच मङगलबार र बुधबार भएको छलफलमा आयोगको अध्यक्ष चयनका बारेमा सहमति नजिक पुगेका हुन् । स्रोतका अनुसार बुधबार बिहान काँग्रेस सभापति शेरबहादुर देउवासँग प्रधानमन्त्री केपी ओली र नेकपाका अध्यक्ष पुष्पकमल दाहाल प्रचण्डबीच आयोगको अध्यक्षका बारेमा छलफल भएको हो । नेताहरुबीच पुर्व महान्यायाधीवक्ता रमण श्रेष्ठ, अधिवक्ता गोविन्द बन्दी र नेपाल बार एशोशिएसनका पूर्व अध्यक्ष शेरबहादुर केसीमध्ये कसलाई अध्यक्ष बनाउँदा उपयुक्त हुन्छ भन्नेबारेमा छलफल भएको थियो ।
More

पाकिस्तान अन्तराष्ट्रिय अदालत जाने

भारतले जम्मू कश्मीरको विशेष दर्जा अन्त्य गरेको विषयलाई अन्तराष्ट्रिय अदालतमा लिएर जाने पाकिस्तानले बताएको छ । पाकिस्तानका विदेश मन्त्री शाह महमूज कुरेशीले यसको जानकारी दिदैं भने,‘ सैद्धान्तिक रुपमा कश्मीर मुद्दालाई अन्तराष्ट्रिय अदालतमा लग्ने फैसला गरिएको छ ।’ कुरेशीका अनुसार कानुनका पहलुलाई विचार गरेर यो फैसला गरिएको हो । पाकिस्तानी प्रधानमन्त्रीका विशेष (सूचना) सल्लाहकार फिरदौस आशिक अवानले सैद्धान्तिक रुपमा कश्मीर मुद्दालाई अन्तराष्ट्रिय अदालतमा लान मन्त्री परिषदले अनुमती दिएको जानकारी दिए ।
More

पत्रकार शालिकराम पुडासैनी मृत्यु प्रकरणमा रेणु दाहालले मौनता तोडिन्

काठमाडौं–नुवाकोटका पत्रकार शालिकराम पुडासैनी मृत्यु प्रकरणमा सरोकारै नभएका राज्यका उच्च पदस्थ नेतृत्व र भरतपुर महानगरपालिकाकी मेयर रेणु दाहाललाई जोडेर भ्रामक प्रचार गर्ने काम भएको भन्दै सो महानगरपालिकाकी मेयर रेनु दाहालले आपत्ति जनाएकी छिन् । सामाजिक सञ्जालको दुरुपयोग गरेर कपोकल्पित, मनगढन्ते अनगर्ल तथा भ्रामक विचारहरु सम्प्रषण गर्ने, अपशब्द प्रयोग एवम् गालीगलौज गरी व्यक्तिको वैयक्तित स्वतन्त्रतामाथि मानमर्दन गर्ने र अराजक परिस्थिति सिर्जना गर्ने प्रवृत्ति देखिनु दुखद भएको दाहालले बिहीबार जारी गरेको विज्ञप्तिमा उल्लेख छ । घटनासँग कुनै पनि सम्बन्ध नभएका व्यक्ति एवम् संस्थालाई जोडेर अनावश्यक टिकाटिप्पणी र घटनालाई विषयान्तर नगर्न पनि दाहालले सबैसँग अनुरोध गरेकी छिन् ।
More

पैतृक सम्पत्तिमा कुन देशमा कत्ति कर लाग्छ ?

जापान पैतृक सम्पत्तिमा सबैभन्दा बढी कर लाग्ने देश हो । ट्याक्स फाउण्डेसनका अनुसार यहाँ ५५ प्रतिशतसम्म कर लाग्छ । दोस्रो बढी कर लाग्ने दक्षिण कोरिया हो । जहाँ पैतृक सम्पत्तिमा ५० प्रतिशत कर लाग्छ । युके, युएसमा ४० प्रतिशतसम्म कर लाग्छ । पैतृक सम्पत्तिमा सबैभन्दा बढी कर लाग्ने १५ देश देश पैतृक सम्पत्तिमा लाग्ने कर ९५० जापान ५५ दक्षिण कोरिया ५० फ्रान्स ४५ संयूक्त अधिराज्य ९यूके० ४० संयूक्त राज्य ९यूएस० ४० स्पेन ३४ आयरल्याण्ड ३३ बेन्जियम ३० जर्मनी ३० चिली २५ ग्रिस २० नेदरल्याण्ड २० फिनल्याण्ड १९ डेनमार्क १५ आइसल्याण्ड १०
More

तुरतुरेमा अबरुद्द मध्यपहाडी लोकमार्ग खुल्यो

बागलुङ  – बाढीले क्षति पु¥याउँदा बागलुङको तुरतुरेमा अवरुद्ध मध्यपहाडी पुष्पलाल लोकमार्ग मङ्गलबार देखि खुलेकोे छ ।बडिगाड गाउँपालिका र ढोरपाटन नगरपालिकाको सीमामा बाढीले क्षति लोकमार्ग ठप्प रहेको थियो ।तुरतुरे ताल फुट्दा बडिगाड खोलामा आएको बाढीले २०० मिटर लोकमार्ग बगाएपछि यातायात सेवा प्रभावित बनेको थियो । मध्य पहाडी लोकमार्ग आयोजना व्यवस्थापन कार्यालयले १५० मिटर नयाँ ट्रायक निर्माण गरी दुवै तर्फी सवारी संचालनमा ल्याएको हो । पहिलेको भन्दा दश मिटर माथिबाट अस्थायी मार्ग खोल्ने काम सम्पन्न भए पनि सवारी संचालन सुरु भएको लोकमार्गका इञ्जिनीयर किरण श्रेष्ठले जानकारी दिनुभयो । शुक्रबार साँझदेखि एम्बुलेन्स र अत्यावश्यक सेवामा चल्ने साना सवारीसाधन मात्र एकतर्फी रुपमा चल्न दिइएको थियो
More

स्कुलको पाँच बिघा जग्गा ‘धनी सुकुम्बासी’लाई

काठमाडौं : विद्यालयको ५ बिघा १ कठ्ठा जग्गा व्यक्तिका नाममा दर्ता गरिएको छ। रौतहटको गुजरा नगरपालिका–१ स्थित श्री माध्यमिक विद्यालयको कित्ता नम्बर १३७ को एउटै प्लटको जग्गा २०६७ सालमा तत्कालीन सुकुम्बासी समस्या समाधान आयोगले व्यक्तिलाई बाँडेको हो। सुकुम्बासीका नाममा पुख्र्यौली सम्पत्ति भएका व्यक्तिलाई नै विद्यालयको बाँडेको पाइएको छ। जग्गा सुमित्रादेवी सापकोटा, नवराज खुलाल र पनिलाल चौधरीका नाममा पास गरिएको छ। पनिलालको जग्गा छोरा शंकर चौधरीको नाममा नामसारी भइसकेको छ। सुमित्रादेवीको नाममा १ बिघा १० कठ्ठा, खुलालको नाममा १० कठ्ठा र चौधरीको नाममा १० कठ्ठा जग्गा मालपोत कार्यालय रौटहटले पास गरिदिएको छ। अरू जग्गा पनि हड्पिएको छ। सुकुम्बासीको नाम लिएर उनीहरूले यो
More