Daily Archives 29th September 2019

मापदण्डविपरीत विदेशीलाई पदक

काठमाडौं – हरेक वर्ष राज्यले विभिन्न विभूषण तथा पदवीका लागि गर्ने सिफारिस विवादमा पर्दै आएको छ। यो शृंखलाले यसपटक पनि निरन्तरता पाएको छ। यसपटक विभूषण तथा पदवीका लागि सिफारिसमा परेका विदेशी व्यक्तिलाई लिएर विवाद देखिएको छ। यसपटक विदेशी नागरिकलाई गरिएको पदकसम्बन्धी सिफारिस विभूषण सिफारिस कार्यविधि एवं प्रदानसम्बन्धी मापदण्डविपरीत पाइएको छ। नेपालमा कुनै पनि योगदान नगरेका तर प्रधानमन्त्री केपी शर्मा ओलीको उपचारमा संलग्न भएकै आधारमा चार विदेशी चिकित्सकलाई सुप्रसिद्ध प्रबल जनसेवाश्री (प्रथम श्रेणी) सिफारिस गरिएको छ। गृह मन्त्रालयले तयार पारेको विभूषण सिफारिस कार्यविधि एवं प्रदानसम्बन्धी मापदण्ड २०७५ मा नेपालको हितमा विशिष्ट योगदान पु-याउने विदेशी नागरिकलाई चार तहको विभूषण प्रदान गर्न सकिने
More

भारतले प्याज निर्यात रोक्यो, नेपालमा पनि अभाव हुने

काठमाडौं – भारतले देशभित्र आपूर्ति व्यवस्था प्रभावकारी बनाउन प्याज निर्यातमा प्रतिबन्ध लगाएको छ। उसले घरेलु बजारमा विक्रेताले बिक्री गर्ने प्याजको भण्डारण परिमाण तोकेको छ। यसले प्याजको नेपाली बजार झनै अकासिने सम्भावना बढेको छ। नेपालमा खपत हुने ९८ प्रतिशत प्याज भारतबाट आयात हुन्छ। भारतीय नीतिले नेपाली बजारलाई प्रभावित गर्दै आएको छ। भारतको केन्द्रीय वाणिज्य तथा उद्योग मन्त्रालयले आइतबार विदेश व्यापार महानिर्देशनालयलाई अर्को आदेश नआएसम्म प्याज निर्यातमा प्रतिबन्ध लगाउन निर्देशन दिएको छ। दिल्ली सरकारले आइतबारदेखि नागरिकलाई एकपटकमा पाँच किलो मात्रै खरिद गर्न पाउने नियम लगाएको छ। अन्नपूर्ण पोस्टमा खबर छ ।
More

यसकारण रोकिँदै नयाँ नोट वितरण

काठमाडौं– नेपाल राष्ट्र बैंकले तीन वर्षपछि नायाँ नोट वितरण पूर्णरुपमा रोक्ने तयारी गरेको छ । नयाँ नोट वितरण खर्चिलो र चुनौतिपूर्ण बन्दै गएकाले रोक्न लागिएको खबर कान्तिपुर दैनिकमा छापिएको छ । अहिले नयाँ नोट छपाइ र वितरण व्यवस्थापनमा वार्षिक ३ अर्ब रुपैयाँ खर्च हुने गरेको छ ।राष्ट्र बैंकले यसै वर्षदेखि नोट सटहीमा कटौती सुरु गरेको छ । यसपटक प्रतिव्यक्ति १८ हजार ५०० का दरले नयाँ नोट सटही सुविधा दिइएको छ ।
More

पहुँचवालालाई ४ वर्षमा बाँडियो ३ अर्ब

काठमाडौं– सहयोगको नाममा सरकारले राज्यकोषबाट जथाभावी पैसा बाँड्ने प्रवृत्तिमा रोक लगाउन नागरिक राहत क्षतिपूर्ति तथा आर्थिक सहायतासम्बन्धी कार्यविधि ल्याइए पनि त्यसको पालना भएको छैन । २०७२ मा कार्यविधि लागू भएयता सरकारले आर्थिक सहायता र द्धन्द्धपीडितका नाममा करिब ३ अर्ब रुपैयाँ वितरण गरेको छ । मन्त्रिपरिषद्को बैठकबाट निर्णय गराएर गृहमन्त्रालयले राजनीतिक नेता कार्यकर्ता, दलनिकटका संघसंस्थालाई २०७२–०७३ देखि २०७५–०७६ को अवधिमा २ अर्ब ९८ करोड ७६ लाख ४७ हजार ८ सय ८३ रुपैयाँ बाँडिएको छ । यो खबर कान्तिपुर दैनिकमा छापिएको छ।
More

लगानी खोल्न सैनिक ऐन संशोधन गरिँदै

व्यवसायतर्फ आकर्षित भएको भन्दै आलोचना भइरहेको बेला नेपाली सेनाले ‘सैनिक ऐन २०६३’ लाई नै लगानीमैत्री बनाउने गरी संशोधनको तयारी गरेको छ । सैनिक कल्याणकारी कोषमा ठूलो रकम जम्मा भएपछि विभिन्न क्षेत्रमा लगानी खुला गर्न ऐन संशोधन गर्न लागिएको खबर कान्तिपुर दैनिकमा छापिएको छ । हाल लगानी गर्न सेनालाई सैनिक ऐनले रोकेको छ।
More

एक पटक आफ्नो कुकुर घुमाउनै पर्ने

अष्ट्रेलियाको राजधानी क्यानबेराका कुकुरधनीले अब दिनमा एक पटक आफ्नो कुकुर घुमाउनै पर्नेछ । स्थानीय प्रशासनले यो नयाँ व्यवस्था ल्याएको हो । यो नियम पालना गर्न नसकेको अवस्थामा व्यक्तिले २७०० डलरसम्म जरिवाना तिर्नुपर्नेछ । सरकारले जीवजन्तु कल्याण विधेयक संशोधन ऐनलाई लागू गरेपछि यो व्यवस्था कार्यान्वयनमा आएको हो । ऐनमा जनावर कल्याणसम्बन्धमा कडा कानुनी व्यवस्था गरिएको छ । यस ऐन अनुसार कुकुरधनीले आफ्नो कुकुरलाई उचित भोजन, आवास र पानीको व्यवस्था गर्नुपर्नेछ ।
More

ज्ञानेन्द्र शाहीमाथिको आक्रमण निन्दनीय–प्रदीप पौडेल

नेपाली कांग्रेसका केन्द्रीय सदस्य प्रदीप पौडेलले ज्ञानेन्द्र शाहीमाथिको आक्रमण निन्दनीय भएको बताएका छन् । शाहीमाथिको आक्रमणलाई लिएर फेसबुक तथा ट्विटर मार्फत आफ्नो धारणा सार्वजनिक गर्दै नेता पौडेलले कुनै पनि बहानामा कसैले पनि स्वतन्त्र रुपमा आफ्नो विचार राख्न पाउने अधिकारलाई हनन गर्न नसक्ने उल्लेख गरेका छन् । पौडेलले अगाडि भनेका छन्, “अभिव्यक्ति स्वतन्त्रता माथिको आक्रमण सर्वथा गलत छ । चाहे जनुसकुै बहानामा होस् कसैले कसैको पनि स्वतन्त्र रुपमा विचार राख्न पाउने अधिकारलाई हनन गर्न सक्दैन । ज्ञानेन्द्र शाहीको विचारसँग असहमत हुन पाइन्छ तर उनलाई विचार राख्ने स्वतन्त्रताबाट बञ्चित गर्न पाइँदैन । कुटेर आवाज बन्द गर्न सकिँदैन अरिंगालहरुलाई ख्याल होस् । ”
More

सुनको मूल्य घट्यो

काठमाडौं– साताको पहिलो दिन आइतबार सुनको मूल्यमा केही गिरावत आएको छ । शुक्रबार तोलामा ७० हजार ८०० मा कारोबार भएको छापावाल सुनको मूल्य आइतबार रु ६०० घटेर ७० हजार २०० मा कारोबार भएको छ । यस्तै तेजावी सुन तोलामा ६९ हजार ९०० मा कारोबार भएको छ । चाँदी भने आइतबार रु ८४५ मा कारोबार भएको छ । शुक्रबार चाँदीको मूल्य तोलामा रु ८६० थियो ।
More