काठमाण्डौं । महाभूकम्पको केन्द्रविन्दू गोरखाको लाप्राकमा गैरआवासीय नेपाली संघले ६१२ घर सहित नमुना बस्ती निर्माण कार्य गरिरहेको छ । सो कार्यमा सघाउन संसारभर छरिएका गैरआवासीय नेपालीहरु गोर्खाको लाप्राक पुग्न थालेका छन् ।
यसअघि संघका अध्यक्ष शेष घलेले पुर्ननिर्माण अभियान उठेको रकम घर निर्माणमा पर्याप्त नभएकोले आर्थिक एवं स्वयम सेवा गर्न आब्हान गरेका थिए । यसै बीच गैरआवासीय नेपाली संघका उपाध्यक्ष कुमार पन्तले अमेरिका, क्यानाडा लगायतका देशको भ्रमण गरेर आर्थिक सहयोग संकलन गरेका थिए ।
भूकम्पबाट बिस्थापितका निम्ति गोर्खाको लाप्राकमा एनआरएनद्वारा निर्माण गर्न लागिएको एकिकृत वस्ती निर्माण स्थल पुगेर बुधबार एक समूहले श्रमदान गरेका छन् ।
बेलायतका पशुपति भण्डारी, बेल्जियमका चीजकुमार श्रेष्ठ र राम घले, न्यूजिल्याण्डका राजु ढकाल र जापानका रोशन केसी र भूषण घिमिरेले स्वयंसेवा गरे ।
फोटो – भुषण घिमिरे