लन्डन– तमुधिं यूकेको आयोजनामा भएको ९ औं नेपाली मेलामा केम्पटन पार्क रेस कोर्स स्टेडियममा आइतवार सम्पन्न भयो ।

हजारौं नेपालीको उपस्थितिका बीच बेलायतस्थित नेपाली राजदूत डा. दुर्गाबहादुर सुवेदीले मेलाको उदघाटन गरेका थिए । कार्यक्रममा गैरआवासीय नेपाली संघका अध्यक्ष शेष घले विशेष अतिथिका रुपमा उपस्थित थिए । मेला हेर्न हजारौं सहभागी हुँदा स्टेडियम अनि आसपास क्षेत्र नेपालीले भरिभराउ थियो ।

तमुधीं युकेका अध्यक्ष उपाध्यक्ष एवं मेला संयोजक हितकाजी गुरुङले स्वागत मन्तव्य व्यक्त गरेको कार्यक्रममाको सञ्चालन महासचिव कृष्ण गुरुङले गरेका थिए ।

हाम्रो संस्कृति, हाम्रो पहिचान, हाम्रो गौरव’ नाराका साथ सुरु गरिएको मेलामा विभिन्न संघसंस्थाका झांकीसहित गीत संगीत, नृत्य प्रतियोगिता, खाना प्रदर्शनी, आदि आकर्षण रहे ।

मेला संयोजक तथा आयोजक तमुधिं यूके उपाध्यक्ष हितकाजी गुरुङका अनुसार मेलामा बेलायतका विभिन्न जातीय, सामाजिक तथा पेशागत ४४ संघसंस्थाले झाँकी प्रदर्शन गरेका थिए ।
मेलाका प्रमुख अतिथि लन्डनस्थित नेपाली राजदूत डा. दुर्गाबहादुर सुवेदीले नेपाली कला संस्कृति जोगाउन तमुधि यूकेले गरेको प्रयासप्रति प्रशंसा गर्दै मेलाले विविधताको देश नेपालका जनता एकतामा रमाउन सक्छन् भन्ने सन्देश दिएको उल्लेख गरे । मेलामा गैरआवासीय नेपाली संघका नेताहरुको बाक्लो उपस्थिती थियो ।

फोटो: चिरन शर्मा